ბათუმელები
კომპანია „ბათუმის წყლის“ ცნობით, დღეს, 22 ივნისს, წყალმომარაგება შეეზღუდათ ხელვაჩაურის მიმართულებით, ბენზესა და ბარცხანაში, ასევე ადლიაში, ჰელიმიშზე, ნიჟარაძის ქუჩებსა და აეროპორტის გზატკეცილზე მცხოვრებ აბონენტებს.
წყალმომარაგება 23 ივნისის 03:00 საათისთვის აღდგება – იუწყება „ბათუმის წყალი“.
კომპანიის ინფორმაციით, წყლის შეზღუდვის მიზეზი ჩაქვში, მდინარის სიმღვრივის მომატებაა.
მაღალმთიან ზონაში:
ზღვის ღელვა – 2-3 ბალი იქნება, ზღვის წყლის ტემპერატურა +24 გრადუსია.
სინოპტიკოსების ცნობით, მომდევნო 2 დღეს მოსალოდნელია უმეტესად უნალექო ამინდი.
„გიორგი გახარია კიდევ ერთხელ ადასტურებს მზაობას, ესაუბროს კომისიას ჩორჩანას საგუშაგოს საკითხზე, დისტანციურად, სანამ საქართველოში დაბრუნდება,“ – ამ შინაარსის განცხადებას აქვეყნებს დღეს, 22 ივნისს პარტია „საქართველოსთვის“.
როგორც პარტიის მიერ გავრცელებულ განცხადებაშია ნათქვამი, გიორგი გახარია ამჟამად საზღვარგარეთ იმყოფება, ამიტომ ის წულუკიანის კომისიას დისტანციურად ჩაერთვება.
„გვსურს, საზოგადოებას მივაწოდოთ ინფორმაცია გიორგი გახარიას ე.წ. საპარლამენტო საგამოძიებო კომისიაზე მეორედ, 2025 წლის 23 ივნისის სხდომაზე დაბარებასთან დაკავშირებით, ჩორჩანას საკითხზე.
როგორც იცით, გიორგი გახარია ერთხელ უკვე წარსდგა კომისიის წინაშე 2025 წლის 14 აპრილის სხდომაზე, რომელიც 6 საათის განმავლობაში მიმდინარეობდა.
კომისიას ორჯერ წერილობით ეცნობა, რომ გიორგი გახარია ამჯერადაც მზადაა, მონაწილეობა მიიღოს სხდომაში, თუმცა იმის გათვალისწინებით, რომ ის იმყოფება საზღვარგარეთ, წინასწარ დაგეგმილი ვიზიტით, გამოთქვა მზაობა, სხდომაში მონაწილეობა მიიღოს დისტანციურ, ე.წ. “ონლაინ” რეჟიმში,
რასაც, ერთი მხრივ, კომისიის დებულება ითვალისწინებს, მეორე მხრივ – ერთხელ უკვე თავად კომისიის მიერ იყო შემოთავაზებული აპრილში, პირველი მიწვევის ფარგლებში.
მიუხედავად ამისა, კომისიისგან 22 ივნისს ოფიციალურად გვეცნობა, რომ კომისია უარს აცხადებს გიორგი გახარიას დისტანციურად გამოკითხვაზე და დაჟინებით ითხოვს ორშაბათს, 23 ივნისს სხდომაზე მის ფიზიკურ გამოცხადებას, რასაც არ აქვს არავითარი ობიექტური ახსნა, თუ საგამოძიებო კომისია რეალურად ჩორჩანას საკითხზე მისი მოსმენით არის დაინტერესებული.
გიორგი გახარია, კიდევ ერთხელ, ადასტურებს მზაობას, ესაუბროს კომისიას ჩორჩანას საგუშაგოს საკითხზე, დისტანციურად, სანამ საქართველოში დაბრუნდება“ – ვკითხულობთ პარტიის განცხადებაში.
საქართველოს ყოფილი პრემიერ-მინისტრი გიორგი გახარია თეა წულუკიანმა ე.წ. საპარლამენტო კომისიაზე 16 ივნისს განმეორებით დაიბარა.
გახარიას იბარებენ შინაგან საქმეთა მინისტრობისას ჩორჩანას ტყეში, საქართველოს ტერიტორიაზე საგუშაგოს აგების გადაწყვეტილების გამო.
როგორ გაიხსნა ჩორჩანას საგუშაგო, რის გამოც გახარია შესაძლოა დააკავონ – ინტერვიუ შაიშმელაშვილთან
უკრაინის შეიარაღებული ძალების გენერალური შტაბის დღევანდელი მონაცემებით, ომის დაწყებიდან 2025 წლის 22 ივნისამდე პერიოდში, რუსეთის არმიის საბრძოლო დანაკარგი არის:
უკრაინის გენერალური შტაბის განცხადებით, საომარი მოქმედებების მაღალი ინტენსივობის გამო მონაცემები იცვლება.
უკრაინის სამხედრო დანაკარგებზე ინფორმაცია ჯერ არ განუახლებია რუსეთს.
რუსეთის თავდაცვის სამინისტროს მიერ გავრცელებული მონაცემებით, ომის დაწყებიდან 2025 წლის 21 ივნისამდე პერიოდში სულ განადგურებულია უკრაინის:
რუსეთის თავდაცვა, ამ მონაცემებთან ერთად, უკრაინის არმიის ცოცხალი ძალის დანაკარგების შესახებ სტატისტიკას არ აქვეყნებს.
ეს ის მონაცემებია, რომელსაც უკრაინა და რუსეთი ოფიციალურად ავრცელებენ, თუმცა ომის პირობებში შეუძლებელია ზუსტად გადამოწმება, რამდენად შეესაბამება მხარეების მიერ გავრცელებული ინფორმაცია დანაკარგების შესახებ რეალურ რიცხვებს.
—
რუსეთი უკრაინაში 2022 წლის 24 თებერვალს გამთენიისას შეიჭრა და სრულმასშტაბიანი ომი დაიწყო.
ამავე თემაზე:
აქტივისტს, სამოქალაქო განათლების მასწავლებელს, ნინო დათაშვილს მოსამართლე ეკა ბარბაქაძემ აღკვეთის ღონისძიების სახით პატიმრობა შეუფარდა.
ნინო დათაშვილი 20 ივნისს დააკავეს. მას 9 ივნისს თბილისის საქალაქო სასამართლოში, მანდატურ გიორგი შარიქაძეზე თავდასხმას ედავებიან.
ნინო დათაშვილს დაკავების შემდეგ, დღეს, 21 ივნისს, საკუთარ სასამართლო პროცესზე, პირველად მიეცა დაკავების დეტალებზე საჯაროდ საუბრის საშუალება.
„როცა დამაკავეს, ფორმა არ ეცვა არავის, არ წარმიდგინეს თავი და დაკავებამდე წამართვეს ტელეფონი.
იყო ბევრი ხალხი და ვერ ვხვდებოდი, რა ხდებოდა. ვიდექი გაჩერებაზე, სამარშრუტო ტაქსს ველოდებოდი და გამომგლიჯეს ხელიდან ეს ტელეფონი. ბრალი არ წაუკითხავთ ჩემთვის დაკავების დროს. მოტყუებით ჩამსვეს მანქანაში, დაგარეკინებთო და არ დამარეკინეს შვილთან. მომადგა ფსიქოლოგიური სტრესი. ეს გაგრძელდა პოლიციის განყოფილებაში მიყვანამდე. არ მომცეს შვილთან დარეკვის საშუალება.
გოგონა, რომელიც მეგონა მეზობელი და იღებდა ტელეფონით, აღმოჩნდა პოლიციელი დაკავების ჯგუფიდან. ცინიკური დამოკიდებულება იყო თვითონ პოლიციის შენობაში. ახლა თავს შევიკავებ ამის მოყოლისგან,“ – გაიხსენა დაკავების დეტალები ნინო დათაშვილმა თავის სასამართლო პროცესზე.
პროკურორებმა, მედეა ცირამუამ და ნინო კეპულაძემ სასამართლო პროცესზე ნინო დათაშვილის პატიმრობა მოითხოვეს.
პროკურატურის ვერსიით, არსებობს ნინო დათაშვილის მხრიდან ახალი დანაშაულის ჩადენის, მოწმეებზე ზემოქმედების, გამოძიებისთვის ხელის შეშლის და მიმალვის რისკი.
მიუხედავად იმისა, რომ დაცვის მხარე პროკურატურის აზრს არ იზიარებდა, ნინო დათაშვილის ადვოკატმა პროკურატურას 20 000 ლარიან გირაოს გადახდა შესთავაზა. ასევე დამატებითი ზომების მიღებაც, მათ შორის პასპორტის ჩამორთმევა და პოლიციის განყოფილებაში პერიოდულად გამოცხადება. დაცვის მხარის შუამდგომლობა სასამართლომ არ დააკმაყოფილა.
საქმე ეხება 9 ივნისს თბილისის საქალაქო სასამართლოში მომხდარ ინციდენტს. 9 ივნისს ნინო დათაშვილი სინდისის პატიმრების სასამართლო პროცესზე იმყოფებოდა. სწორედ ამ დროს მოხდა ინცინდენტი, რის გამოც პროკურატურა მასწავლებელს, მანდატურზე თავდასხმას ედავება.
როგორც დღეს დათაშვილმა მოყვა თავდაპირველად თავად გახდა მანდატურებისგან ფიზიკური შეურაცხყოფის მსხვერპლი.
„სამი დღე საწოლიდან ვერ ავდექი ისე მტკიოდა ყველაფერი. ექიმთანაც ვერ წავედი, რომ ფორმა 100 ამეღო. აღმენიშნებოდა სილურჯეები. ნაკაწრები. ორი მათგანი ფეხზე ახლაც მაქვს. არსად არ მივმალულვარ. მე ვარ კანონმორჩილი მოქალაქე, ვასწავლი სამოქალაქო განათლებას. ის ინცინდენტი რაც მოხდა, მაგას თავისი საწყისი ისტორია აქვს და მაგას დავამტკიცებთ, ვიდეოებით, რა მოხდა და როგორ მოხდა.
კითხვას ვუსვამ პროკურორებს – თავდასხმას როგორ განმარტავს კანონი?
რამდენიმე ადამიანის გაკავებული, 150 სანტიმეტრი ვარ სიმაღლეში, როგორ დავესხი თავს მანდატურებს? განმიმარტონ, რას ნიშნავს სიტყვა თავდასხმა?
150 სანტიმეტრიანმა ადამიანმა, გაკავებულმა, რომელსაც მიჭერდა ყველა…. განმიმარტეთ თავდასხმა რას ნიშნავს და 4 კაცის მიერ გაკავებული ქალი, როგორ ესხმის თავს მანდატურებს?“ – დაუსვა კითხვა პროკურორებს ნინო დათაშვილმა.
არც პროკურატურამ და არც მოსამართლემ ნინო დათაშვილის არგუმენტები არ გაიზიარეს. მოსამართლე ეკა ბარბაქაძემ მასწავლებელს აღკვეთის ღონისძიების სახით პატიმრობა შეუფარდა.
სამოქალაქო განათლების მასწავლებელ ნინო დათაშვილს პროკურატურამ ბრალი სამსახურებრივი მოვალეობის შესრულების დროს საჯარო მოსამსახურეზე თავდასხმის მუხლით წარუდგინა.
დანაშაული, რომელსაც ნინო დათაშვილს ედავებიან ჯარიმას ან 4-დან 7 წლამდე თავისუფლების აღკვეთას ითვალისწინებს.
სისხლის სამართლის საქმის წარმოება ნინო დათაშვილის მიმართ შსს-მ 11 ივნისს დაიწყო.
სამოქალაქო მასწავლებლის საქმეზე წინასასამართლო სხდომა 7 აგვისტოს გაიმართება.
„საქართველოს და ევროკავშირს წარმატებული პარტნიორობის ხანგრძლივი ისტორია აქვთ. ამ ურთიერთობამ საქართველოს მოსახლეობას ბევრი სიკეთე მოუტანა. მიმოიხედეთ ირგვლივ, ნახეთ რა გაუკეთებია ევროკავშირს თქვენს სოფლებსა თუ ქალაქებში,“ – თქვა დღეს, ევროპის დღისადმი მიძღვნილი ღონისძიების გახსნისას პაველ ჰერჩინსკიმ, ევროკავშირის ელჩმა საქართველოში.
დღეს, 21 ივნისს, ბათუმში ევროპის დღე აღინიშნება.
ღონისძიება სხვადასხვა აქტივობებს მოიცავს, მათ შორის მასტერკლასებს და სხვადასხვა გასართობ თუ ინტელექტუალურ თამაშებს.
ევროპის დღეზე მისასალმებელი სიტყვით გამოვიდა ევროკავშირის ელჩი საქართველოში პაველ ჰერჩინსკი.
გთავაზობთ ელჩის გამოსვლას სრულად.
„ჰოი და ნანა, ოჰოი ნანა, ქედა, შუახევ, ხულოიდანა… მოგესალმებით! წელს, პირველად, ევროპის დღეს, თქვენთან ერთად, აქ, ბათუმში, აღვნიშნავთ.
აჭარა განსაკუთრებული რეგიონია. გამორჩეული ისტორიით, ტრადიციებით, მრავალფეროვნებითა და ტოლერანტობით. თქვენი მხარე ჰარმონიული თანაცხოვრების მაგალითია ჩვენთვის.
საქართველოს და ევროკავშირს წარმატებული პარტნიორობის ხანგრძლივი ისტორია აქვთ. ამ ურთიერთობამ საქართველოს მოსახლეობას ბევრი სიკეთე მოუტანა. მიმოიხედეთ ირგვლივ, ნახეთ რა გაუკეთებია ევროკავშირს თქვენს სოფლებსა თუ ქალაქებში.
2023 წელს, ევროკავშირმა საქართველოს ევროპული ოჯახის კარი გაუხსნა და ის გახდა ევროკავშირის წევრობის კანდიდატი ქვეყანა. ეს ისტორიული მომენტი ერთად ვიზეიმეთ.
დღეს კი, საქართველოს ევროინტეგრაციის პროცესი შეჩერებულია. დასანანია, რომ საქართველომ, შესაძლოა, ვეროკავშირის წევრობის ისტორიული შანსი, დიდი ხნით, დაკარგოს. მეტიც, საქართველოს დემოკრატია ისევ საფრთხეშია.
ევროპული ოჯახის წევრობა არის შესაძლებლობა და არა ვალდებულება. ის ეფუძნება ხალხისა და სახელმწიფოს სუვერენულ არჩევანს.
რეალობა ისაა, რომ ევროკავშირის წევრობა ნიშნავს მშვიდობასა და კეთილდღეობას, ჩვენი ქვეყნების ისტორიის, კულტურისა და ტრადიციების პატივისცემას. ამიტომაც ვართ ერთად.
თუკი საქართველო დაუბრუნდება დემოკრატიული განვითარების გზას, ჩვენ მზად ვართ ვიმუშაოთ ერთად, საქართველოს ევროკავშირში გაწევრიანებისთვის.
ჩვენ ვამაყობთ რომ საქართველოს მეგობრები ვართ.
დღეს, ერთად აღვნიშნოთ ის, რაც გვაერთიანებს, უკეთესი მომავლის იმედით.
წინ, საქართველო, წინ!” – თქვა ელჩმა.
პაველ ჰერჩინსკიმ თავისი მისასალმებელი სიტყვა ქართულ ენაზე წაიკითხა.
სუს-მა ეკონომიკის მინისტრის ყოფილი მოადგილე, რომეო მიქაუტაძე დააკავა.
მაღალჩინოსნის დაკავების ოფიციალური მიზეზი მისი კორუფციაში სავარაუდო ჩართულობაა.
რომეო მიქაუტაძის დაკავების შესახებ ინფორმაცია დღეს, 21 ივნისს გახდა ცნობილი.
უცვლელად გთავაზობთ სახელმწიფო უსაფრთხოების სამსახურის მიერ რომეო მიქაუტაძის დაკავების მიზეზების შესახებ გავრცელებულ ოფიციალურ ინფორმაციას:
„საქართველოს სახელმწიფო უსაფრთხოების სამსახურის ანტიკორფციული სააგენტოს თანამშრომლების მიერ ჩატარებული ოპერატიულ-სამძებრო და საგამოძიებო მოქმედებების შედეგად, სამსახურებრივი უფლებამოსილების ბოროტად გამოყენებისა და მილიონობით ლარის უკანონო შემოსავლის ლეგალიზაციის ფაქტებზე, სასამართლოს განჩინების საფუძველზე დაკავებულია საქართველოს ეკონომიკისა და მდგრადი განვითარების მინისტრის ყოფილი მოადგილე რ. მ.
2017 წლის 3 ოქტომბრიდან 2024 წლის 9 თებერვლამდე პერიოდში რ. მ.-ს სხვადასხვა მაღალი თანამდებობა, მათ შორის, სახელმწიფო-პოლიტიკური თანამდებობები, ეკავა.
ჩატარებული გამოძიებით ამ ეტაპზე გამოვლენილია, რომ რ. მ. თანამდებობრივ გავლენას, სანაცნობო წრესა და გამოცდილებას პირადი სარგებლის მიღების მიზნით უკანონოდ იყენებდა ენერგეტიკულ სფეროში სხვადასხვა პირისთვის არამართლზომიერი უპირატესობის მისანიჭებლად.
ამ პირებისთვის უკანონო დახმარების გაწევის სანაცვლოდ კი ის მათგან ენერგოკომპანიებში (ჰესებში) საწარმოს წილებს იღებდა, რომელთა რეალური მესაკუთრე თვითონ იყო, ხოლო წილები ოფიციალურად თავისი ნდობით აღჭურვილ პირებზე ჰქონდა გაფორმებული.
აღნიშნული უკანონო საქმიანობის შედეგად რ. მ.-მ განსაკუთრებით დიდი ოდენობით შემოსავალი მიიღო.
ამასთანავე, რ. მ. საქართველოს ეკონომიკისა და მდგრადი განვითარების სამინისტროს მაღალ თანამდებობაზე ყოფნის პერიოდში, საჯარო ინტერესის საწინააღმდეგოდ, თავისთვის ან სხვისთვის გამორჩენის ან უპირატესობის მისაღებად, სამსახურებრივ უფლებამოსილებას სისტემატურად ბოროტად იყენებდა, რამაც სახელმწიფოს კანონიერი ინტერესის არსებითი დარღვევა გამოიწვია.
კერძოდ, პირადი სარგებლის მიღების მიზნით იგი უკანონოდ სარგებლობდა თავისი თანამდებობით ან/და მასთან დაკავშირებული შესაძლებლობით და სხვადასხვა პირს სახელმწიფო ან კერძო ორგანიზაციაში აფორმებდა (ის ამას ზოგჯერ ფიქტიურადაც ახორციელბდა), რის შედეგადაც იგი მატერიალურ სარგებელსა და ქონებრივ სიკეთეს იღებდა.
ზემოაღნიშნული უკანონო საქმიანობის შედეგად რ. მ.-ს ოჯახის ქონებრივი მდგომარეობა შესაბამის თანამდებობებზე მისი განწესების შემდეგ მილიონობით ლარით გაიზარდა.
არსებობს დასაბუთებული ვარაუდი, რომ იგი დიდი ოდენობით უკანონო, არადეკლარილებულ შემოსავალს იღებდა, რომელიც ოფიციალურ დოკუმენტებში, მათ შორის, ქონებრივი მდგომარეობის დეკლარაციებში, არ ასახულა.
უკანონო ან/და დაუსაბუთებელი შემოსავლების წარმოშობის დაფარვის მიზნით რ. მ. მათი ნამდვილი ბუნების, წარმოშობის წყაროს, ადგილმდებარეობის, განთავსების, მოძრაობის, მათზე საკუთრების უფლებისა და მათთან დაკავშირებული სხვა უფლებების დამალვასა და შენიღბვას ახორციელებდა ქონების სხვა, ცრუმაგიერ პირებზე გაფორმების, ნაღდი ფულის თავისი და მისი ოჯახის წევრის საბანკო ანგარიშებზე სხვადასხვა ფიზიკური პირის მეშვეობით შეტანის/ჩარიცხვის, უძრავი ქონების ფიქტიური შეძენის ან რეალიზაციის ამსახველი ხელშეკრულებების გაფორმების, ხელშეკრულებებში ქონების ღირებულების ხელოვნურად გაზრდის ან შემცირებისა და სხვადასხვა ფინანსური ტრანზაქციის შესრულების გზით.
მაგალითად, გამოვლენილია ესპანეთის დედაქალაქ მადრიდში მდებარე საცხოვრებელი ბინის ზემოაღნიშნული უკანონო და დაუსაბუთებელი შემოსავლით 600 000 ევროდ შეძენის ფაქტი.
ამ თანხის უკანონო და დაუსაბუთებელი წარმომავლობის დამალვისა და შენიღბვის მიზნით რ. მ.-მ თავისი ოჯახის წევრის სახელზე რეგისტრირებულ უძრავ ქონებაზე 600 000 ევროს ღირებულების ნასყიდობის ფიქტიური ხელშეკრულება გააფორმა, რითაც აღნიშნული თანხისთვის კანონიერი სახის მიცემა სცადა.
ამასთანავე, მან, მის მიერ მიღებული განსაკუთრებით დიდი ოდენობით უკანონო ან/და დაუსაბუთებელი ქონების წარმოშობის წყაროს დამალვისა და შენიღბვის მიზნით, მილიონ ლარამდე ღირებულების მქონე 2 ერთეული ავტომობილი მისი და თავისი ოჯახის წევრის ნდობით აღჭურვილ პირებზე გააფორმა.
გამოძიების ამ ეტაპზე როგორც ვლინდება, რ. მ.-მ ზემოხსენებული მეთოდებითა და მასთან დანაშაულებრივ კავშირში მყოფი პირების დახმარებით განახორციელა რამდენიმე მილიონი ლარის უკანონო/დაუსაბუთებელი შემოსავლის ლეგალიზაცია.
გამოძიება გრძელდება და გამოძიების პროცესში კიდევ უფრო დაზუსტდება როგორც რ. მ.-ს მიერ შემოსავლების უკანონო გზებით მიღების გარემოებები, ისე ამ შემოსავლების ლეგალიზაციის ეპიზოდები“, – ნათქვამია სუს-ის ოფიციალურ განცხადებაში.
სუს-ის ინფორმაციით, გამოძიება მიმდინარეობს საქართველოს სისხლის სამართლის კოდექსის 194-ე მუხლის მე-3 ნაწილის „გ“ ქვეპუნქტითა და 332-ე მუხლის მე-2 ნაწილით, რაც სასჯელის სახით ითვალისწინებს 9-დან 12 წლამდე ვადით თავისუფლების აღკვეთას.
20 ივნისს, ბათუმში გაიხსნა გამოფენა სახელწოდებით „10 წელი ფოკუსში“.
გამოფენაზე წარმოდგენილი იყო წლების განმავლობაში ევროკავშირის კონკურსში გამარჯვებული ფოტო ნამუშევრები.
„ევროკავშირის პრიზი ჟურნალისტიკაში“ ყოველწლიური კონკურსია, რომელსაც ცალკე აქვს ფოტოს კატეგორია. სწორედ ამ კატეგორიაში გამარჯვებული ფოტოჟურნალისტების ნახვა შეეძლო გამოფენაზე მისულ დამთვალიერებელს. ფოტოები საქართველოს უახლეს ისტორიას ასახავს.
„ეს გამოფენა კიდევ ერთხელ ცხადყოფს ევროკავშირის ურყევ მხარდაჭერას ქართველი ხალხის მიმართ და მის მზადყოფნას, გააგრძელოს ჟურნალისტების დახმარება,“ – ასეთი იყო საქართველოში ევროკავშირის წარმომადგენლობის გზავნილი.
გამოფენის შესახებ ისაუბრა საქართველოში ევროკავშირის ელჩმა პაველ ჰერჩინსკიმ.
„ძალიან მიხარია, რომ ბათუმში ჩამოვიტანეთ გამოფენა „10 წელი ფოკუსში“. ის აერთიანებს ქართველი ფოტოგრაფების საუკეთესო ნამუშევრებს ბოლო 10 წლის განმავლობაში, რომლებიც იყო წარდგენილი კონკურსზე ევროკავშირის პრიზი ჟურნალისტიკაში. ეს ფოტოები თავდაპირველად გამოფენილი იყო გორში, შემდეგ თბილისში და ახლა აქ, ბათუმში. ფოტოები ასახავს საქართველოს უახლესი ისტორიის უნიკალურ მომენტებს, ასევე ქართულ ტრადიციებსა და კულტურას. ამიტომ ძალიან მიხარია, რომ ბათუმელებს ექნებათ საშუალება, ნახონ ეს ნამუშევრები,“ – თქვა პაველ ჰერჩინსკიმ
გამოფენა, რომელიც თბილისში ევროპის დღის აღნიშვნის ნაწილი იყო, თავდაპირველად გორის „ხელოვნების სახლში“ ერთ თვეზე მეტ ხანს იყო წარმოდგენილი.
ამჟამად, ის ევროპის დღე ბათუმის ნაწილია.
ევროპის დღე ბათუმში დღეს, 21 ივნისს, 13:00 საათზე გაიხსნება სასტუმრო შერატონ ბათუმში და მრავალ სხვადასხვა ღონისძიებას მოიცავს.
ველომსვლელობა და მასტერკლასები – როგორ აღინიშნება ბათუმში ევროპის დღე
უკრაინის შეიარაღებული ძალების გენერალური შტაბის დღევანდელი მონაცემებით, ომის დაწყებიდან 2025 წლის 21 ივნისამდე პერიოდში, რუსეთის არმიის საბრძოლო დანაკარგი არის:
უკრაინის გენერალური შტაბის განცხადებით, საომარი მოქმედებების მაღალი ინტენსივობის გამო მონაცემები იცვლება.
უკრაინის სამხედრო დანაკარგებზე ინფორმაცია ჯერ არ განუახლებია რუსეთს.
რუსეთის თავდაცვის სამინისტროს მიერ გავრცელებული მონაცემებით, ომის დაწყებიდან 2025 წლის 20 ივნისამდე პერიოდში სულ განადგურებულია უკრაინის:
რუსეთის თავდაცვა, ამ მონაცემებთან ერთად, უკრაინის არმიის ცოცხალი ძალის დანაკარგების შესახებ სტატისტიკას არ აქვეყნებს.
ეს ის მონაცემებია, რომელსაც უკრაინა და რუსეთი ოფიციალურად ავრცელებენ, თუმცა ომის პირობებში შეუძლებელია ზუსტად გადამოწმება, რამდენად შეესაბამება მხარეების მიერ გავრცელებული ინფორმაცია დანაკარგების შესახებ რეალურ რიცხვებს.
—
რუსეთი უკრაინაში 2022 წლის 24 თებერვალს გამთენიისას შეიჭრა და სრულმასშტაბიანი ომი დაიწყო.
ამავე თემაზე:
გერმანიის კანცლერმა ტრამპს უპასუხა, რომ პუტინი ომის დამნაშავეა – ინტერვიუ
„უდავოა, რომ საქართველო დაძლევს ამ პოლიტიკურ კრიზისს… ის ევროინტეგრაციის გზას დაუბრუნდება“ – მიიჩნევს ევროკავშირის ელჩი საქართველოში, პაველ ჰერჩინსკი. ოპტიმიზმის საფუძველს EU-ს ელჩს საქართველოს ქუჩებში ხალხთან შეხვედრა აძლევს. განსაკუთრებული ემოციით ის ბათუმში ჩამოსვლამდე, ზუგდიდში მომხდარ ამბავზე გვიყვება:
„გუშინ ზუგდიდში საღამოს გვიან ჩავედი, მშიოდა და გარეთ გავედი, პირველივე საცხობში ხაჭაპურის შეძენა გადავწყვიტე, მაგრამ ადამიანმა, რომელიც ხაჭაპურს ყიდდა, მითხრა: ბატონო ელჩო, თქვენ არ უნდა გადაიხადოთ! ვუპასუხე, რომ არა, უნდა გადამეხადა. მითხრა, მადლიერი ვარ იმ საქმისთვის, რასაც თქვენ საქართველოსთვის აკეთებთო. შეკამათებასავით გამოვიდა – მაინც არ გადამახდევინა ფული. არავინ იცოდა, რომ ამ დროს მე იქ ვიყავი,“ – გვიყვება EU-ს ელჩი საქართველოში პაველ ჰერჩინსკი.
პაველ ჰერჩინსკი 20 ივნისს „ბათუმელების“ ოფისში მოვიდა მზია ამაღლობელისა და თავისუფალი მედიის მიმართ სოლიდარობის გამოხატვის ნიშნად.
„მზია არის ჟურნალისტური გამბედაობის სიმბოლო. ყველანი შოკირებული ვართ არაპროპორციულობით მის საქმესთან დაკავშირებით,“ – ამბობ პაველ ჰერჩინსკი.
რა შანსი რჩება საქართველოს, დაუბრუნდეს ევროინტეგრაციის გზას და შეიძლება თუ არა საქართველოს უვიზო მიმოსვლაც გაუუქმონ? – „ბათუმელებმა“ ევროკავშირის ელჩთან საქართველოში, პაველ ჰერჩინსკისთან ინტერვიუ ჩაწერა.
დიდი პრივილეგიაა, რომ აქ ვარ – „ბათუმელების“ ნიუსრუმში. ნამდვილად მინდოდა პირადად აქ მოსვლა სოლიდარობის და მხარდაჭერის გამოსახატად თქვენდამი, მზია ამაღლობელის მიმართ, რომელიც ბევრი თვეა უკვე ციხეშია და სასამართლოს განაჩენს ელოდება.
მზიას საქმე ევროკავშირის დღის წესრიგისთვის მნიშვნელოვანია. ჩვენ ამ საქმეს დიდი შეშფოთებით ვაკვირდებით.
როგორც იცით, ევროპარლამენტში მიმდინარეობდა დებატები, რომელიც საქართველოში მედიის თავისუფლებას ეხებოდა. მზიას საქმესთან დაკავშირებით ევროპარლამენტმა უკვე მიიღო რეზოლუცია.
წარსულშიც მისაუბრია მზიას საქმესთან დაკავშირებით და ვფიქრობ, რომ მზია არის ჟურნალისტური გამბედაობის სიმბოლო. ყველანი შოკირებული ვართ არაპროპორციულობით მის საქმესთან დაკავშირებით. ყველანი ველოდებით, რით დასრულება ეს განხილვები. ვიცით, რომ მკაცრი და ძალიან არაპროპორციული განაჩენი ემუქრება – 7 წლამდე ციხე იმისთვის, რაც ვიცით, რომ არის აბსოლუტურად არაპროპორციული მოსალოდნელ განაჩენთან მიმართებაში.
ყველამ ვიცით, რომ მზია ამაღლობელი და „ბათუმელები“ კრიტიკულები იყვნენ ხელისუფლების მიმართ იმისდა მიუხედავად, ვინ იყო ხელისუფლებაში, ვიცით, რომ თქვენი პროფესიული მოღვაწეობის განმავლობაში ყოველთვის სიმართლეს ამბობდით, თუნდაც ეს კრიტიკული ყოფილიყო ხელისუფლების მიმართ.
ჩვენ თვალს ვადევნებთ სასამართლოს, ზოგადად, რაც ხდება საქართველოში, რაც შეეხება სიტყვის და შეკრების თავისუფლებას, დიდ ზეწოლას თავისუფალ მედიაზე.
ასევე, ძალიან დიდი ზეწოლაა სამოქალაქო საზოგადოებაზე, რაც ნამდვილად გულსატკენია. ეს რეალურად გულსატკენია, რადგანაც არც ისე დიდი ხნის წინ საქართველო მოწინავე ქვეყანა იყო, როცა საქმე ეხებოდა დემოკრატიულ ცვლილებებს, ევროკავშირში ინტეგრაციას.
ახლა ყოველივე ეს შეიცვალა და რაც ევროინტეგრაციას შეეხება, საქართველოს ევროკავშირის წევრობისკენ მიმავალი გზა შეჩერებულია; ეს ნამდვილად რთულია ყველასთვის, ვისაც საქართველოსთვის კარგი უნდა.
მაგრამ ჩვენ, როგორც ევროკავშირი, აქ ვრჩებით. ვხედავთ, რომ საქართველოს მოსახლეობას თავისთვის და თავისი შვილებისთვის უკეთესი მომავალი უნდა. გვესმის, რომ საქართველოს მოქალაქეები არიან ევროპელები და ღირსი, დაიკავონ თავისი ადგილი ჩვენს შორის – ევროკავშირის წევრ ქვეყნებს შორის.
ჩვენ საქართველოს ევროკავშირის კანდიდატი ქვეყნის სტატუსი მივანიჭეთ და გულწრფელად იმედი გვაქვს, რომ არსებული ნეგატიური ტრენდი შეიცვლება, საქართველოში მიმდინარე ძალიან ღრმა, პოლიტიკური კრიზისი დასრულდება და დიალოგი, საღი აზრი გაიმარჯვებს. საქართველო სარგებელს მიიღებს ევროკავშირის წევრობით მომავალში. საქართველოს მოქალაქეები ნამდვილად იმსახურებენ უკეთეს მომავალს საკუთარი თავისთვის, თავიანთი შვილებისთვის.
ჩვენ, ევროკავშირის წევრი 27 ქვეყანა, ამ საკითხს განვიხილავთ. ჩვენ საქართველოს არ მივატოვებთ.
ევროკავშირის წევრი ქვეყნების საგარეო საქმეთა მინისტრები 23 ივნისს, ორშაბათს, საქართველოს საკითხს განიხილავენ. თქვენ იცით, რომ მსოფლიოში ძალიან ბევრი მოვლენა ხდება, მაგრამ როდესაც პრაქტიკულად ყოველთვე ევროკავშირის წევრი ქვეყნების საგარეო საქმეთა მინისტრები ერთმანეთს ხვდებიან, ისინი ასევე საქართველოს საკითხს განიხილავენ.
რაც შემიძლია, რომ ვთქვა – ევროკავშირის უმაღლესი წარმომადგენლის – კაია კალასის და ასევე, ევროკომისარი გაფართოების საკითხებში – მარტა კოსის თანახმად: მზად ვართ დიალოგისთვის, მზად ვართ დახმარებისთვის, მზად ვართ ხელშეწყობისთვის, მაგრამ ტანგოს საცეკვაოდ ორია საჭირო.
სამწუხაროდ, ვერ ვხედავთ ხელისუფლების კეთილ ნებას, პირიქით, ვხედავთ გაუარესებულ მდგომარეობას ადამიანის უფლებების კუთხით და უკუსვლას დემოკრატიულ ღირებულებებთან მიმართებით, სამოქალაქო საზოგადოების ორგანიზაციებზე თავდასხმას, დამოუკიდებელ მედიაზე ზეწოლას; გრძელდება თავდასხმა ევროკავშირზე, ევროკავშირი დემონიზირებულია, ევროკავშირს აბუჩად იგდებენ, ბევრ ევროპელ პოლიტიკოსს შეურაცხყოფა მიაყენეს, რაც ნამდვილად გულსატკენია.
ვაპირებთ, რომ ვიყოთ მომთმენი. გადავწყვიტეთ, როგორც ევროკავშირმა მივესალმოთ საქართველოს, როგორც ჩვენი წევრი ქვეყნებიდან ერთ-ერთს, მაგრამ ეს უნდა მოხდეს მკაფიო კრიტერიუმებზე დაყრდნობით. ეს კრიტერიუმები ეხება ყველა კანდიდატ ქვეყანას და უნდა იყოს დაფუძნებული ჩვენს საერთო ღირებულებზე, როგორიცაა: თავისუფლება, დემოკრატია, კანონის უზენაესობა, ადამიანის უფლებები.
ევროკავშირის თვალსაზრისით ეს ღირებულებები გადახედვას არ ექვემდებარება. სამწუხაროდ, ბოლო დროს საქართველო ევროკავშირთან დაახლოების ნაცვლად – როგორც, მაგალითად, ამას აკეთებენ სხვა ქვეყნები: უკრაინა და მოლდოვა – პირიქით, შორდება. ჩემთვის, როგორც საქართველოში ევროკავშირის ელჩისთვის ეს ნამდვილად დასანანია. ეს გულსატკენია, მაგრამ იმედს არ ვკარგავთ.
ბევრჯერ მეკითხებიან და ყოველთვის ვცდილობდი, მეპასუხა გულახდილად, საზოგადოების ინფორმირება მომეხდინა არსებულ მდგომარეობასა და ევროკავშირის მოსაზრებებზე. სანქციებზე როცა ვსაუბრობ, მმართველი პარტიის წარმომადგენლები ყოველთვის ძალიან მძიმედ მაკრიტიკებენ, იარლიყებს მაკერებენ, ცდილობენ ზეწოლას, რაც ჩემთვის ძალიან უსიამოვნოა.
ევროკავშირისთვის სანქციების მიღება რთულია, რადგან ეს ერთხმად უნდა მოხდეს, საჭიროა ერთსულოვნება – 27-ვე წევრი ქვეყანა უნდა დათანხმდეს. როცა სანქციებზე ვსაუბრობთ, ვიცით, რატომ ხდება ასე – რამდენად მძლავრია ევროკავშირის სანქციები. ეს მარტო იმას კი არ ეხება, რომ ვიღაცას ევროკავშირში არ შემოუშვებენ, ან ვიღაცას ევროკავშირში არსებულ ქონებას გაუყინავენ, ეს ასევე არის სირცხვილის საკითხი: წარმოიდგინეთ, ევროკავშირის მიერ დასანქცირებულს როგორ შეხედავენ მეგობრები, ოჯახის წევრები, საზოგადოება. ამიტომ სანქციების საკითხს უკიდურესად სერიოზულად ვუყურებთ.
რამდენიმე თვის განმავლობაში ვცდილობთ მივიღოთ სანქციები, რომელიც დაკავშირებულია ადამიანის უფლებების დარღვევებთან. ყველამ ნახეთ ტელეეკრანებზე თბილისის და საქართველოს სხვა ქალაქების ქუჩებში არაიდენტიფიცირებული, ნიღბიანების მიერ სასტიკად ნაცემი ადამიანები. ნანახმა მთელი მსოფლიო შოკში ჩააგდო.
რაც უფრო შოკის მომგვრელია, ეს არის სრული დაუსჯელობა. ამ უპრეცედენტო ძალადობის გამო, პასუხისგებაში არავინ არ მიუციათ. ევროკავშირი გმობს ძალადობას, ძალადობა მიუღებელია ნებისმიერი მხრიდან. ჩვენ ვნახეთ, რომ ადამიანის უფლებების დამრღვევები დაუსჯელი დარჩნენ, რაც ნამდვილად შემაშფოთებელია.
ამიტომაც, რამდენიმე თვის განმავლობაში ვცდილობთ, მივიღოთ სანქციები ევროკავშირის დონეზე, რასაც ერთსულოვნება სჭირდება, რომელიც არ გვაქვს. ევროკავშირის რამდენიმე წევრმა ქვეყანამ ეროვნულ დონეზე ორმხრივი სანქციები მიიღო, ასეთი ქვეყნების რაოდენობა იზრდება.
ვიცი, რომ ორშაბათს, 23 ივნისს, ევროკავშირის სანქციების საკითხი ისევ განიხილება და ეს ევროკავშირის წევრმა ქვეყნებმა უნდა გადაწყვიტონ; ეს 27 წევრი ქვეყნის გადაწყვეტილება იქნება, რასაც ერთსულოვნება სჭირდება. დღის წესრიგშია ეს საკითხი, როგორც საქართველოსთან, ისე სხვა ქვეყნებთან მიმართებით, სადაც ადამიანის უფლებები ირღვევა. ევროკავშირი იმოქმედებს და თავის პოზიციას გამოხატავს მკაფიოდ და ხმამაღლა.
უკვე რამდენიმე თვეა, გადავწყვიტეთ, აღარ გავაგრძელოთ მხარდაჭერა საქართველოს ხელისუფლების მიმართ. თქვენ იცით, რომ ათწლეულების განმავლობაში ასობით მილიონი ევრო დაიხარჯა საქართველოს ხელისუფლების დასახმარებლად. პრაქტიკულად, ფინანსური დახმარების თითქმის ნახევარი პირდაპირ საქართველოს სახელმწიფო ბიუჯეტში მიდიოდა.
ვმუშაობდით პრაქტიკულად ყველა სამინისტროსთან იმისთვის, რომ საქართველოს განვითარებაში წვლილი შეგვეტანა. ვაფინანსებდით საქართველოს განვითარების პრაქტიკულად ყველა ასპექტს.
ევროკავშირის წინააღმდეგ ნარატივების, ისევე როგორც ქმედებების, კანონმდებლობის გამო, რომელიც ეწინააღმდეგება ევროკავშირის ღირებულებებს, ჩვენს საერთო ღირებულებებს, დემოკრატიულ პრინციპებთან დაკავშირებული უკუსვლის გამო, ჩვენ გადავწყვიტეთ ფინანსური დახმარება შეგვეწყვიტა და გადავწყვიტეთ ამ რესურსების გადამისამართება სამოქალაქო საზოგადოების, დამოუკიდებელი მედიასაშუალებებისკენ.
მაგრამ უნდა ვაღიარო – ეს ყოველდღე უფრო დიდ გამოწვევებთან არის დაკავშირებული. რთული ხდება გარემო, სადაც უფრო და უფრო შემზღუდველ კანონებს იღებენ, რომელიც ჩვენს უწყვეტ დახმარებას სამოქალაქო საზოგადოების ორგანიზაციების და დამოუკიდებელი მედიისთვის ართულებს. მიღებულია ორი სხვადასხვა კანონი „უცხოელი აგენტების“ შესახებ – ერთი ე.წ. გამჭვირვალობის კანონი და მეორე – „FARA“. ამ კანონებით გრანტებთან დაკავშირებული პოლიტიკა ძალიან გართულდა.
ჩვენ არ გვინდა, რომ ვინმეს მოუწიოს მძიმე ჯარიმების გადახდა ან დასახელდეს „უცხოელ აგენტად“. ეს ადამიანები არ არიან უცხოელი აგენტები – ისინი პოზიტიური ცვლილებების და დემოკრატიული გარდაქმნის გამტარებლები არიან, რეფორმატორები არიან. ამიტომაც, გამოვყავით მნიშვნელოვანი ფინანსური რესურსები იმისთვის, რომ დავეხმაროთ სამოქალაქო საზოგადოებას და მედიას. თუმცა ეს მხარდაჭერა თითქმის პარალიზებულია იმ კანონმდებლობის გამო, რომელიც საქართველოში მიიღეს – ეს ჩვენს ფინანსურ დახმარებას დიდი გამოწვევის წინაშე აყენებს.
ბოლოდროინდელი მოვლენები განსაკუთრებულ წუხილს იწვევს – სახელმწიფოს მიერ 5 არასამთავრობო ორგანიზაციისთვის მოთხოვნა, მიაწოდონ დიდი რაოდენობით, მათ შორის, მათი ბენეფიციარების პირადი მონაცემები, უკიდურესად შემაშფოთებელია. როგორც ვიცი, ამ ორგანიზაციებმა ეს მოთხოვნა გაასაჩივრეს სასამართლოში, მაგრამ ფაქტი ცხადყოფს, რომ საქართველოს დემოკრატიული პრინციპები საფრთხის ქვეშაა. მსგავსი რამ არ უნდა ხდებოდეს დემოკრატიულ ქვეყანაში.
მე არ ვამბობ მხოლოდ იმას, რომ ეს შეუთავსებელია ევროკავშირში გაწევრიანების მსურველი ქვეყნისთვის – ეს თავისთავად ცხადია. ეს უბრალოდ აბსოლუტურად შეუთავსებელია.
რა თქმა უნდა, ამ ორგანიზაციების გადასაწყვეტია, მაგრამ ჩვენ ვწუხვართ, ძალზე შეშფოთებულები ვართ. ასეთი მოთხოვნები აჩვენებს ბევრ რამეს, რომ სამოქალაქო ორგანიზაციებზე დიდია ზეწოლა და ამავე დროს აზიანებს დემოკრატიულ სისტემაში ძალაუფლების დაბალანსების სისტემას. ვიმედოვნებ, ეს მოთხოვნა შეიცვლება, რადგან წარმოუდგენელია, რომ სამოქალაქო ორგანიზაციებს აიძულონ გაასაჯაროონ მთელი ეს ინფორმაცია, პირადი მონაცემების ჩათვლით.
ამ შეკითხვას მე არ უნდა ვუპასუხო. ჩემი გადასაწყვეტი არ არის, პოლიტიკურმა პარტიებმა უნდა მიიღონ თუ არა მონაწილეობა არჩევნებში. ეს მათი გადასაწყვეტია.
რაც შემიძლია ვთქვა, არის ის, რომ არჩევნები არის მომენტი, როცა საქართველოს მოქალაქეებს აქვთ უფლება, გამოხატონ თავიანთი აზრი. საპარლამენტო არჩევნებამდე მე ვიყავი პირველი, ვინც ხალხს მოუწოდებდა წასულიყვნენ და ხმა მიეცათ – ეს არამხოლოდ მათი უფლება, არამედ ასევე სამოქალაქო ვალდებულებაა.
რა თქმა უნდა, არჩევნები უნდა ჩატარდეს თავისუფალ და სამართლიან გარემოში, არჩევნები უნდა იყოს კონკურენტუნარიანი. როგორც ევროკავშირს, რა თქმა უნდა, გვინდა, რომ არჩევნები ჩატარდეს ისეთ გარემოში, რომელიც იქნება კონკურენტული, თავისუფალი და სამართლიანი. რაც უფრო მეტი დამკვირვებელი იქნება – როგორც საერთაშორისო, ასევე განსაკუთრებით ადგილობრივი – მით უკეთესი.
მადლობა ამ კითხვისთვის: ვხვდები, რამდენად დიდი ინტერესია ამ თემის მიმართ.
შვიდი წლის წინ, ევროკავშირსა და საქართველოს შორის დამყარდა პრივილეგირებული ურთიერთობა, რაც მოიცავდა უვიზო მიმოსვლის შესაძლებლობას საქართველოს მოქალაქეებისთვის მოკლევადიანი ვიზიტებისთვის და თავისუფალი ვაჭრობის სივრცის არსებობას ევროკავშირსა და საქართველოს შორის. ეს შეთანხმება ორი ძირითადი პრინციპით იყო განპირობებული:
როგორც ვხედავთ, ეს ორი დებულება კითხვის ნიშნის ქვეშ დგას.
ვხედავთ დემოკრატიის უკუსვლას საქართველოში და ამას ვხედავთ სამწუხაროდ ყოველდღე – სამოქალაქო საზოგადოება და მედია ზეწოლის ქვეშ არიან. ადამიანები დაკავებული არიან არაპროპორციული სასჯელებით.
მაგალითად, 21 წლის მათე დევიძე 4.5 წლით თავისუფლების აღკვეთით დასაჯეს მხოლოდ იმისთვის, რომ მან დემონსტრაციაში ხელჯოხით მიიღო მონაწილეობა, ის აქამდე ნასამართლევი არ ყოფილა. ეს ჩემთვის, როგორც მამისთვის, მიუღებელია. ჩემი ბიჭი 21 წლისაა, ფაქტობრივად ბავშვია. ეს ისეთი რამეა, რომ მე, როგორც მამა, ვერ გავჩუმდები.
რაც შეეხება ევროკავშირში ინტეგრაციას – ჩვენ ვხედავთ, რომ სადღაც ბოლო ერთი წლის განმავლობაში საქართველო კი არ უახლოვდება, არამედ შორდება ევროკავშირს, ირჩევს აბსოლუტურად განსხვავებულ გზას, გვერდზე იწევა, საერთოდ არ იღებს მონაწილეობას გაფართოების პროცესში.
ასე რომ, ეს ორი მთავარი დებულება კითხვის ნიშნის ქვეშ დგება. პრობლემა ისაა, რომ ევროკავშირში არავის უნდა ხალხს დააკისროს პასუხისმგებლობა ქვეყნის ხელისუფლების ქმედებებზე, რადგან ვიცით, რომ საქართველოს მოქალაქეების უმრავლესობა პროევროპელები არიან, მათ უნდათ, რომ თავიანთი ქვეყანა ევროპული ოჯახის წევრი გახდეს. მათ უნდათ უბრალოდ უკეთესი მომავალი მათთვის და მათი ოჯახებისთვის, მაგრამ მეორეს მხრივ არ შეგვიძლია მივიღოთ ის, რომ საბაზისო დებულებები, რომელთა საფუძველზე მივანიჭეთ საქართველოს ეს პრივილეგია, სადავო გახდეს.
ევროკავშირის წევრ ქვეყნებს შორის დისკუსია გრძელდება ბევრი თვის განმავლობაში. აბოლუტურად ღიად უნდა ვთქვა, რომ ვხედავ ცვლილებას ევროკავშირის ზოგიერთი წევრი ქვეყნის მიდგომაში, მათ აზრი შეიცვალეს და ამბობენ, რომ რაც საქართველოში ხდება, ყველა იმ ქმედებეების გამო, იმ კანონმდებლობის გამო, რაც ხელისუფლებამ მიიღო, პოზიცია უნდა შევიცვალოთ.
23 ივნისს იქნება ამ საკითხის განხილვა ევროკავშირის წევრი სახელმწიფოების საგარეო საქმეთა მინისტრებს შორის, ამ შეხვედრის დროს ეს დისკუსია გაგრძელდება. საბოლოო ჯამში, ეს საკითხი ევროკავშირის წევრი ქვეყნების გადასაწყვეტია. უვიზო რეჟიმის შეჩერებისთვის მხოლოდ 2/3 წევრი სახელმწიფოს მხარდაჭერაა საჭირო – უფრო მარტივი პროცედურაა, ვიდრე სანქციები.
დღეს გადაწყვეტილება არ არის მიღებული. უახლოეს დღეებში ან კვირებში ამას არ უნდა ელოდოთ, მაგრამ დისკუსია ამ საკითხზე 27 ქვეყანას შორის მიმდინარეობს.
ევროკომისია ყოველწლიურად აქვეყნებს ანგარიშს უვიზო რეჟიმის შესახებ არსებული შეთანხმების შესრულების შესახებ – ბოლო ანგარიში გასული წლის ნოემბერში გამოვიდა და მკაფიოდ იყო ნათქვამი, რომ საქართველოს ხელისუფლებამ რიგი ნაბიჯები უნდა გადადგას იმისთვის, რომ უვიზოა მიმოსვლის შეჩერების საფრთხე აცილებულ იქნეს. სამწუხაროდ, ეს ნაბიჯები დღემდე არ გადადგმულა.
წელსაც იქნება გამოქვეყნებული ანგარიში და გაიცემა რეკომენდაციები წევრი ქვეყნებისთვის: მოახდინონ რეაგირება იმაზე, რომ ჩვენი რეკომენდაციები არ იქნა გათვალისწინებული.
2023 წლის დეკემბერში საქართველოს მიენიჭა კანდიდატის სტატუსი – ეს იყო ისტორიული მომენტი, რომელიც ერთად ვიზეიმეთ და ამას დიდი ხნის განმავლობაში ველოდით. ამჟამად საქართველო ოფიციალურად ევროკავშირის კანდიდატი ქვეყანაა. საჭიროა, რომ საქართველომ მკაფიო რეფორმები გაატაროს, მაგრამ მას შემდეგ, რაც საქართველო გახდა კანდიდატი, აუცილებელი რეფორმები არ გაუტარებია, პირიქით – მოხდა დემოკრატიის სერიოზული უკუსვლა, რასაც ჩვენ ვერ მივიღებთ.
ჩვენ მზად ვართ ვიმუშაოთ საქართველოს ხელისუფლებასთან, დავეხმაროთ საჭირო რეფორმების განხორციელებაში, მაგრამ, სამწუხაროდ, ვერ ვხედავთ მზადყოფნას, არც სივრცეა დიალოგისთვის.
ევროკავშირის გაფართოების პროცესი გრძელდება. ეს ევროკავშირის ლიდერებისთვის უმთავრესი პრიორიტეტია. ვროკავშირის წევრი ქვეყნების და მოქალაქეების უმრავლესობა ამას ფართოდ უჭერს მხარს. ჩვენ ვალდებულება ავიღეთ სხვადასხვა ქვეყნის წინაშე, რაც მოიცავს დასავლეთ ბალკანეთის ქვეყნებს, ასევე უკრაინას და მოლდოვას. ჩვენ ველოდებით შემდეგ ეტაპებს.
ევროკომისია ამისთვის მოემზადა და ორივე ქვეყანას: უკრაინას და მოლდოვას დიდი წინსვლა აქვთ, საქართველო კი, გაჩერდა.
თუ ეს ჩიხური მდგომარეობა გაგრძელდა, არსებობს საფრთხე, რომ საქართველომ შესაძლოა დაკარგოს ისტორიული შანსი – გახდეს ევროკავშირის შემდეგი გაფართოვების ნაწილი.
ჩემი გზავნილი ძალიან მარტივია: არ დაკარგოთ იმედი! თქვენ იმსახურებთ უკეთეს მომავალს, იმსახურებთ, რომ იცხოვროთ დემოკრატიულ ქვეყანაში, მათ შორის, ახალგაზრდები იმსახურებენ უფლებას, დარჩნენ ამ ქვეყანაში, ჰქონდეთ ოჯახები, იცხოვრონ და იმუშაონ საკუთარ ქვეყანაში.
ჩვენი მხრიდან გადავწყვიტეთ, გვინდა, რომ საქართველო ერთ-ერთი ჩვენთაგანი იყოს სრული უფლებებითა და ვალდებულებით, პრივილეგიებით. დაველოდებით საქართველოს, რომ ამ ღია კარში შემოვიდეს.
არ დაკარგოთ იმედი, საქართველო ევროპული ქვეყანაა. საქართველო უკეთეს მომავალს იმსახურებს. იმედი მაქვს, რომ ჩვენ მოვახერხებთ ამას.
გულწრფელად ვიმედოვნებ, რომ ადრე თუ გვიან პოლიტიკური კრიზისი დაიძლევა და ევროკავშირში ინტეგრაცია ყველასთვის კვლავ გახდება ეროვნული პრიორიტეტი. საქართველო ისევ იქნება მოწინავე ევროკავშირში ინტეგრაციის კუთხით. მე ვოცნებობ ამ სცენარის განხოციელებაზე. ვფიქრობ, რომ ეს შესაძლებელია.
თქვენ იცით საქართველოს ისტორია: ბევრი კარგი და ცუდი რამ მომხდარა, ბევრი კრიზისი გაიარეთ, მაგრამ თქვენ ისინი დაძლიეთ. იმედი მაქვს, რომ საღი აზრი გაიმარჯვებს.
აქ თქვენთვის ვართ. საქართველო კანდიდატი ქვეყანაა, ის ძალიან რთულ პერიოდს გადის. ცხადია პოლიტიკური კრიზისის არსებობა.
გულსატკენია, რომ ჩვეულებრივი ხალხი, განსაკუთრებით ახალგაზრდები, როგორც, მაგალითად, მათე დევიძეა, თავიანთი ცხოვრების საუკეთესო წლებს ამას სწირავენ. მათ უნდა გაიარონ წყვდიადი იმისთვის, რომ მომავალი მოძებნონ. ეს ძალიან გულდასაწყვეტია, მაგრამ იმედია, რომ ეს არ იქნება ამაო. საქართველო უფრო გაძლიერდება და აქედან უფრო ძლიერი გამოვა, ახალ წევრ ქვეყნებს შეუერთდება და ჩვენს საერთო მომავალში წვლილს შეიტანს თავისი უნიკალური ისტორიით, კულტურით, ღირებულებებით, ტრადიციებით.
გვინდა, რომ საქართველო ჩვენი საერთო მემკვიდრეობის ნაწილი იყოს. იმედი გვაქვს, რომ ეს დრო მოვა. მე იმედს არ ვკარგავ.
ყოველთვის, როცა ახალგაზრდებს ვხდები, ვესაუბრები და ვცდილობ, რაც შეიძლებ მეტჯერ შევხვდე. ეჭვი არ მეპარება, რომ საქართველოს მომავალი ევროკავშიორშია. მჯერა, რომ საქართველოს მომავალი ნათელია.
უდავოა, რომ საქართველო ევროპული ქვეყანაა. ქართველები გონიერი, კარგი ხალხია – მათ სურთ უკეთესი მომავალი საკუთარი თავისთვის, თავიანთი შვილებისთვის. ისინი იმსახურებენ უკეთეს მომავალს.
რაც ახლა საქართველოში ხდება, დიდი უსამართლობაა – განსაკუთრებით ახალგაზრდების მიმართ. სულ უფრო და უფრო ნაკლები ხალხი მონაწილეობს საპროტესტო გამოსვლებში. 5000-ლარიანი ჯარიმები – ვის აქვს ამის გადახდის საშუალება? ეს უწყვეტი, ულმობელი, ანტიევროპული პროპაგანდა, დეზინფორმაცია, სიძულვილის ენა, შეთქმულების თეორიები მეორდება ათჯერ, ასჯერ, ათასჯერ – ამის მიუხედავად კვლავ არსებობენ ადამიანები, რომლებიც სულ გამოდიან დემონსტრაციებზე და აფრიალებენ საქართველოს და ევროკავშირის დროშებს.
უდავოა, რომ საქართველო დაძლევს ამ პოლიტიკურ კრიზისს, ის ევროინტეგრაციის გზას დაუბრუნდება. ჩემი სურვილი იქნებოდა, რომ ეს ბევრად სწრაფად განხორციელებულიყო. არასაჭირო დაყოვნებების გარეშე – განსაკუთრებით როცა ზოგიერთი ადამიანი ძალიან მაღალ ფასს იხდის ამაში.
„ბათუმელების“ ოფისში ვხედავ ქალბატონი მზიას ფოტოს, ისევ იმ ახალგაზრდა ბიჭის, მათე დევიძის ხსენება მინდა, რომელიც სამწუხაროდ ძალიან მაღალ ფასს იხდის სურვილისთვის, საქართველო დემოკრატიული, ევროპული ქვეყანა იყოს. გულსატკენია, რომ ამ ადამიანებმა შეწირონ მათი ცხოვრების საუკეთესო დრო თავისი სამშობლოს უკეთესი მომავლისთვის ბრძოლას.
როდესაც ჩვეულებრივ მოქალაქეებს ვხვდები, ქუჩაში დავდივარ – მარტო თბილისზე არ ვსაუბრობ – მაგალითად, გუშინ ზუგდიდში საღამოს გვიან ჩავედი, მშიოდა და გარეთ გავედი, პირველივე საცხობში ხაჭაპურის შეძენა გადავწყვიტე, მაგრამ ადამიანმა, რომელიც ხაჭაპურებს ყიდდა, მითხრა: ბატონო ელჩო, თქვენ არ უნდა გადაიხადოთ. ვუპასუხე, რომ არა, უნდა გადამეხადა. მითხრა, მე მადლიერი ვარ იმ საქმისთვის, რასაც თქვენ საქართველოსთვის აკეთებთო. შეკამათებასავით გამოვიდა – მაინც არ გადამახდევინა ფული. არავინ იცოდა, რომ ამ დროს მე იქ ვიყავი.
ასე ხდება საქართველოში – ხალხი სულ მოდის ჩემთან ქუჩაში და გამოხატავს მადლიერებას.
ჩვენ გავაგრძელებთ ყველაფრის გაკეთებას იმ შემთხვევაშიც კი, თუ ეს ძალიან რთული გახდება, ამ აბსურდული კანონების ფონზე, რომელიც ზღუდავს ჩვენს მხარდაჭერას საქართველოს განვითარებასთან დაკავშირებით. ჩვენ ვაფინანსებთ გზების მშენებლობას, ვაფინანსებთ სხვადასხვა რეფორმას, მოწყვლად თემებს ვეხმარებით, მაგრამ ეს ძალიან რთულდება.
გავაგრძელებთ ყველაფერს, რის გაკეთება შეგვიძლია. მე ოპტიმისტი ვარ. უკვე სამი წელია აქ ვარ, ბევრ ადამიანს შევხვდი, მათ შორის, ახალგაზრდებს – ისინი იმსახურებენ უკეთეს ქვეყანას. გასაგებია საბოლოო დანიშნულება – საქართველო ევროკავშირის წევრი უნდა გახდეს.
ევროკავშირმა 2022 წელს გამომგზავნა იმისთვის, რომ საქართველოს დავხმარებოდი, გამხდარიყო ევროკავშირის წევრი ქვეყანა. მე ვარ დიპლომატი და ფრთხილად უნდა ვიყო, რომ საშინაო საქმეებში არ ჩავერიო, ამას ვცდილობდი ყოველთვის, მაგრამ ამავდროულად არ ვარ უბრალოდ უცხო ქვეყნის ელჩი საქართველოში – მე წარმოვადგენ ევროკავშირს საქართველოში.
ევროკავშირი კი არის ორგანიზაცია, რომელსაც საქართველოს ხელისუფლებამ მიმართა განაცხადით – ამ განაცხადს პრემიერ-მინისტრი აწერდა ხელს – საქართველო გამხდარიყო ევროკავშირის წევრი. ჩემი როლი არის ხელისუფლებასთან ერთად ვიმუშაო და მოვახდინო საზოგადოების ინფორმირება, როგორ მიმდინარეობს საქართველოს ევროკავშირში ინტეგრაციის პროცესი.
ჩემი მოვალეობაა ვამცნო ყველას, როგორ მიდის ევროკავშირთან ინტეგრაციის პროცესი – კარგად თუ ცუდად.
ყოველ წელს ვაქვეყნებთ დეტალურ ანგარიშს ქვეყნის ყველა სფეროს შესახებ ევროკავშირში ინტეგრაციის თვალსაზრისით. ახლა ვმუშაობთ ახალ ანგარიშზე, რომელიც ოქტომბერში გამოქვეყნდება და ეწოდება „გაფართოების შესახებ ანგარიში“.
ამას ჩვენ ვაკეთებთ გაფართოების მსურველი ყველა ქვეყნისთვის. ანგარიშში ვამბობთ სად არის წინსვლა, სად – უკუსვლა. ეს არ არის ჩარევა. ეს არის ჩემი მოვალეობა, რომელიც – კიდევ ერთხელ ვიტყვი – დაფუძნებულია საქართველოს ხელისუფლებისგან ევროკავშირში მიღებულ განაცხადზე, ევროკავშირში გაწევრიანებასთან დაკავშირებით. თუ ყველაფერი კარგად არის, პირველი ვარ, ვინც შევაქებ, თუ არა – სამწუხაროდ, არ მაქვს სხვა არჩევანი, უნდა გამოვიდე და აბსოლუტურად ღია და ცხადად ვთქვა, რომ საქმე კარგად არ მიდის.
ვინც არ უნდა შემცვალოს, იმავეს გააკეთებს.
ძალიან გამიხარდებოდა, რომ შემძლებოდა საქართველოს ხელისუფლების შექება წინსვლისთვის, მაგრამ სამწუხაროდ, სხვა გზა არ მაქვს გარდა იმისა, რომ ღიად გავაკრიტიკო უკუსვლის გამო – საქართველოს ევროკავშირისგან დაშორების გამო.
„სადღაც ხომ უნდა გავიდნენ, რაღაც შედეგი ხომ უნდა დადონ რუსებმა?“ – გადამდგარ გენერალს ეჭვი აქვს, რომ ვერც დნეპროპეტროვსკის მიმართულებით მიაღწევენ რუსები წარმატებას.
ამ მიმართულებით წარმატება კი იმას ნიშნავს, რომ რუსები მდინარე დნეპრის ფორსირებას შეძლებენ, მაგრამ სად აქვთ რუსებს მაგის ძალა და რესურსიო, გვიყვება გადამდგარი გენერალი, ვახტანგ კაპანაძე.
„ტაქტიკურ დონეზე არსებობს წინსვლა და უკუსვლაც. ოპერატიულ გარღვევას რუსეთი ვერ ახერხებს… იმის გათვალისწინებით, რომ რუსებს რეალურად ძალიან მცირე წარმატება აქვთ, ხოლო დანაკარგი – ძალიან დიდი, არაა გამორიცხული, პუტინმა დაიწყო ფიქრი ცეცხლის შეწყვეტაზე,“ – მიიჩნევს ვახტანგ კაპანაძე.
„ბათუმელებმა“ ვახტანგ კაპანაძესთან ინტერვიუ ჩაწერა. ის სამხედრო მეცნიერებათა დოქტორია და საქართველოს გენერალური შტაბის უფროსი ორჯერ იყო. ვახტანგ კაპანაძე ანალიტიკური ორგანიზაცია „ჯეოქეისის“ მრჩეველია.
ვერ გეტყვით, რამდენად გულახდილია პუტინი და რამდენად აღარ აპირებს, დროის გაჭიანურებას, ან თავისი აბსურდული მოთხოვნების წამოყენებას.
ფაქტია, რომ არსებული ვითარებიდან გამომდინარე, რაც, ზოგადად, მსოფლიოში ხდება და იმის გათვალისწინებით, რომ რუსებს რეალურად ძალიან მცირე წარმატება აქვთ, ხოლო დანაკარგი ძალიან დიდი, არაა გამორიცხული, პუტინმა დაიწყოს ფიქრი ცეცხლის შეწყვეტაზე.
ამ შეხვედრაზე მკაფიოდ გამოჩნდა ევროპის მიდგომა არსებულ ვითარებასთან, რაც უკრაინაში ხდება. ტრამპის წინადადება იყო პუტინი ყოფილიყო იქ, გერმანიის კანცლერმა კი მას უპასუხა, რომ პუტინი ომის დამნაშავეა.
ჩანს, რომ აშშ-თვის პრიორიტეტული ხდება ირან-ისრაელის მიმართულება – ახლო აღმოსავლეთი. ეს ტრამპს აძლევს საშუალებას, რაღაცნაირად იმ ჩიხიდან გამოიპაროს, რასაც რუსეთ-უკრაინის ომი ჰქვია. აშშ-მ ვერაფერს მიაღწია და ვერავითარ ძვრას ვერ მიაღწია ამ მიმართულებით.
არ მგონია, რომ ტრამპი რუსეთის დასუსტებას ცდილობდეს. ტრამპი ცდილობს პუტინის გათეთრებას, რომ რამენაირად სახე შეუნარჩუნოს. რუსეთის დასუსტება რეალურად უკრაინის გაძლიერებით და უკრაინის წარმატებით არის შესაძლებელი.
თუმცა ის, რაც ახლო აღმოსავლეთში ხდება, ასუსტებს რუსეთს. რუსეთი თანმიმდევრობით კარგავს სატელიტ ქვეყნებს, მხარდამჭერებს: ჯერ იყო სირია, ახლა – ირანი. ირანის სულიერი ლიდერის განცხადება მოვისმინეთ, როცა მან თქვა, ირანი კარგად ხედავს, ვინ არის ირანის ნამდვილი მეგობარი ამ გაჭირვების დროსო. ამ განცხადებაში იგულისხმებოდა რუსეთი.
ირანისთვის შესაძლოა ახალია რუსეთის ამგვარი მოქმედება – ჩვენ არ გვიკვირს – ტოტლებენიდან დაწყებული, გეორგიევსკის ტრაქტატით დასრულებული, ასევე სომხეთის მაგალითითაც ძალიან კარგად ვიცით, რა მოკავშირეც არის რუსეთი.
ითქვა, რომ ტრამპი 2 კვირაში მიიღებს გადაწყვეტილებას. 2 კვირაში შეიძლება დაასრულოს კიდეც ისრაელმა თავისი მოქმედებები. მესამე ამერიკული ავიამზიდის დაჯგუფება მიემართება კონფლიქტის რაიონისკენ.
ავიამზიდის დაჯგუფება არის დარტყმითი დაჯგუფება, რომელიც შედგება ავიამზიდისგან, ნაღმოსნებისგან, წყალქვეშა ნავისგან, მხარდამჭერი ხომალდების, გემებისგან და ასე შემდეგ. ეს ხომალდების მთელი ჯგუფია.
ავიამზიდზე, მაგალითად, 85 საფრენი აპარატია: ვერტმფრენი და თვითმფრინავი. სამი ასეთი დაჯგუფების ყოფნა რეგიონთან ახლოს სერიოზული საკითხია. ამ მასშტაბის ხარჯი და გადაადგილება არ მოხდებოდა შედეგის მიღწევის სურვილის გარეშე, თუმცა პროგნოზირება რთულია, რას აპირებს ტრამპი.
ისრაელი განაგრძობს თავის მოქმედებებს გეგმაზომიერად. ვფიქრობ, რომ ის თავის მიზანს ბოლომდე მიიყვანს.
რელევანტური პასუხი კი არა, ომის წარმოების კუთხით ისრაელი ირანზე მთელი ერთი თაობით ძლიერია. ირანი ერთი თაობით ჩამორჩება ისრაელს. მაგალითად, ისრაელი მოქმედებს ქსელურ-ცენტრული კონცეფციით, რაც გულისხმობს მოწინააღმდეგის აღმოჩენას, დაფიქსირებას და მიზანმიმართულად დარტყმას, რაც ხორციელდება ერთ ქსელში მიმოსვლითი ინფორმაციის საფუძველზე.
ირანი იბრძვის საბჭოთა ტექნოლოგიებით, რუსებისგან ნაყიდი ჰაერსაწინააღმდეგო თავდაცვითი საშუალებებით. ეს საბჭოთა კლონირებული სისტემებია, რომელსაც ისრაელმა ნახევარ დღეში მოუღო ბოლო. ისრაელს უკვე სრული ბატონობა აქვს ცაში.
ვერ გეტყვით, ვერ ვახერხებ ტრამპის ჩანაფიქრის ამოცნობას და მის პროგნოზირებას. მჯერა, რომ ავიამზიდის დაჯგუფებას ელიან რაიონში.
არც ისაა გამორიცხული, ტრამპმა ისევ შეცვალოს გადაწყვეტილება და თქვას, რომ ირანის სულიერმა ლიდერმა რაღაც ცუდი თქვა მასზე და ამიტომ განახორციელა დარტყმა.
ევროპისთვის ვერ გადაწონის. შეიძლება გადაწონოს ამერიკისთვის, ევროპისთვის კი, უკრაინა რჩება ევროპის ფორპოსტად. არა მგონია, ირანი-ისრაელის დაპირისპირება სამ კვირაზე მეტ ხანს გაგრძელდეს.
ისრაელს არ აქვს და არც ჰქონია ამოცანა, რომ ტერიტორია დაიკავოს. ბალისტიკური რაკეტების ნახევარი უკვე განადგურებულია და რაც დარჩა, იმას მოახერხებს სადღაც 2 კვირაში. თუ აშშ ჩაერთვება, უფრო სწრაფად მოახერხებს ისრაელი ბირთვული ობიექტის განადგურებას. თუ არ ჩაერთვება აშშ, ისრაელი მონახავს შესაბამის გზას, მაგრამ ამას უფრო დიდი დრო და რესურსი დასჭირდება.
ამჯერად რუსეთმა დაიწყო დარტყმების კონცენტრირება – აღარ არის ორიენტირებული მთელს უკრაინაზე. არც ისაა გამორიცხული, რომ გარკვეულწილად შესაძლოა ამერიკული დახმარება გაიხარჯა და შევსება შესაბამისად ვერ მოხერხდა. შესაძლოა, არსებობს დეფიციტი ჰაერსაწინააღმდეგო თავდაცვით სისტემებში.
ფაქტია, რომ ახალი არაფერი მომხდარა და რუსების რაკეტების რაოდენობაც არ გაზრდილა. უფრო მეტი რაოდენობით ბალისტიკური რაკეტით თავდასხმა ახსოვთ უკრაინელებს.
რუსეთი აღარ არჩევს სამხედრო მიზანს, ის სამხედრო მიზანთან ახლოს მდებარე მიზანსაც აღარ აქცევს ყურადღებას – უბრალოდ ქალაქის მიმართულებით ისვრიან, რაც იწვევს ზიანს.
შეაჩერეს, კი. რუსებს აქვთ გარკვეული წინსვლა სხვა მიმართულებით, სუმში კი პირიქით, უკრაინელებმა კონტრშეტევით გაათავისუფლეს დასახლებული პუნქტი – ტიოტკინო. ტაქტიკურ დონეზე არსებობს წინსვლა და უკუსვლაც. ოპერატიულ გარღვევას რუსეთი ვერ ახერხებს.
სადღაც ხომ უნდა გავიდნენ, რომ რაღაც შედეგი დადონ რუსებმა? დნეპროპეტროვსკი არის ზაპოროჟიესთან ახლოს და ცდილობენ რუსები, დნეპრზე განახორციელონ ფორსირება. ეს მნიშვნელოვანი იქნება რუსებისთვის, მაგრამ ეჭვი მეპარება, ამის თავი და ძალა ჰქონდეთ.
არც ის მგონია, იქ ხიდები დაუტოვონ უკრაინელებმა რუსებს აუფეთქებელი.
მოსკოვშიც იყო დარტყმები – თუ არ ვცდები ტულაში ააფეთქეს უკრაინელებმა კიდევ ერთი დენთის ქარხანა. უკრაინა ახორციელებს გეგმაზომიერ დარტყმებს სამხედრო ობიექტებზე, რუსეთი გამწარებული ურტყამს უკრაინას დასჯისთვის. რუსეთის დარტყმები განკუთვნილია დასჯისთვის.
არანაკლები დარტყმები ხდება უკრაინელებისგან – რუსებს ლაღი ძილის საშუალებას ნამდვილად არ აძლევენ.
არა. რუსეთი ამ ტემპით, რესურსებით და დანაკარგით, რასაც დღეს ახორციელებს, თუ გარდატეხა არ იქნება უკრაინის მხრიდან, დაახლოებით 2-3 წელი შეუძლია იომოს. რუსეთი უპირატესობის მოპოვებას და გამარჯვებას ვერ აღწევს, თორემ ომით იომებს.
გარდატეხის შეტანის პირობები არ ჩანს. ვფიქრობ, გარდატეხის პირობები მას შემდეგ შეიძლება გაჩნდეს, თუ დაიდება ცეცხლის შეწყვეტის გრძელვადიანი ხელშეკრულება და უკრაინა მოახერხებს მნიშვნელოვან გაძლიერებას.
დაბა ხულოს ცენტრალურ სკვერში სახელმწიფო დროშის აღსამართავად კონსტრუქციის მოსაწყობად ადგილობრივი ბიუჯეტიდან 84 ათას 520 ლარია გამოყოფილი. ამ თანხაში შედის დროშის შეძენაც, თუმცა დამატებით ცალკე თანხაა გადახდილი პროექტში.
კონსტრუქციის მოწყობაზე ხულოს მერიამ ტენდერი უკვე გამოაცხადა. კონსტრუქცია აჭარის 2025 წლის რესპუბლიკური ბიუჯეტით გათვალისწინებული კაპიტალური ტრანსფერის ფარგლებში მოეწყობა.
ტენდერს თან ახლავს 17-გვერდიანი საპროექტო-სახარჯთაღრიცხვო დოკუმენტაცია, რომელიც ხულოს მერიის დაკვეთით არის მომზადებული კერძო კომპანიის მიერ, თუმცა რა თანხაა გადახდილი, შესყიდვების პორტალზე ამ დროისთვის არ იძებნება.
აღნიშნული პროექტის მიხედვით სადროშე ბოძი უნდა იყოს მოთუთიავებული [გალვანიზებული], ლითონის, 30 მეტრი სიმაღლის.
„პროექტი დამუშავებულია სამშენებლო წესებისა და ნორმების, ასევე დამკვეთის მოთხოვნების შესაბამისად. პროექტის ფარგლებში უნდა მოეწყოს გარე გამოყენების ბადე [სარკისებრი] დროშა, ზომებით 6X9 მეტრი, რომელიც დამაგრებული იქნება 30 მეტრი სიმაღლის ბოძზე, რომლის ზეძირკველი მოპირკეთებული იქნება ბუნებრივი გრანიტის ფილით. ასევე უნდა მოეწყოს დამიწების კერები დაერთების ადგილას და განათების ფარებთან“ – აღნიშნულია პროექტში.
მოეწყობა მეხამრიდი და ბოძის თავზე – თვითმფრინავის გამაფრთხილებელი ნათურა.
ტენდერში წინადადებების მიღება 2025 წლის 28 ივნისს დაიწყება და პირველ ივლისს დასრულდება. სამუშაოები ხელშეკრულების გაფორმებიდან არაუგვიანეს 50 დღეში უნდა შესრულდეს.
საგარანტიო პერიოდი 3 წელია საბოლოო მიღება-ჩაბარების აქტის გაფორმებიდან.
ევროკავშირმა ფაქტობრივად საერთოდ შეწყვიტა რუსეთიდან ნავთობის, ნავთობპროდუქტებისა და ქვანახშირის იმპორტი. რუსულ გაზს რაც შეეხება, მასზე მთლიანად უარის თქმას ევროკავშირი შემუშავებული გეგმის მიხედვით 2027 წლის ბოლოსთვის აპირებს.
როგორ აისახება ეს რუსეთის ეკონომიკაზე და რა ალტერნატივა აქვს ევროპას ენერგომომარაგების კუთხით? – ექსპერტი ალექსანდრე თვალჭრელიძე თვლის, რომ რუსული ნავთობისთვის ევროპის ბაზრის დაკარგვა რუსეთში, პირველ რიგში, ვალუტის დეფიციტს შექმნის, მეტიც, 3-4 წელში აღარ იარსებებს რუსეთი, როგორც ენერგოაქტორი მსოფლიო ბაზარზე.
„ევროკავშირმა რუსული ქვანახშირის, ნავთობისა და ნავთობპროდუქტების შესყიდვა უფრო ადრე აკრძალა. რუსეთის უკრაინაში შეჭრამდე ევროპაში ქვანახშირის იმპორტის თითქმის 50 პროცენტი და ნავთობის იმპორტის 27 პროცენტი რუსეთიდან შედიოდა, ახლა ეს მაჩვენებელი თითქმის ნულის ტოლია.
უკრაინაში რუსეთის აგრესიის მეოთხე წელს ევროკავშირმა საბოლოოდ მოიფიქრა, როგორ უნდა თქვას უარი რუსულ გაზზე, რომ შეამციროს კრემლის ომის დაფინანსება და ევროკავშირის ქვეყნებზე ზეწოლის შესაძლებლობა.
თუ ეს გეგმა განხორციელდება, 2027 წლის ბოლოსთვის ევროპა რუსეთისგან არც ბუნებრივ აირს [მილსადენებით] და არც თხევად გაზს არ შეიძენს“, – წერს „ბიბისის“ რუსული რედაქცია.
რუსულ ნავთობზე უარის თქმა „არ იყო ევროკავშირისთვის ძალიან მარტივად მისაღები გადაწყვეტილება. 10-12 წლის წინ ევროპა 58 პროცენტით იყო დამოკიდებული რუსეთის ენერგორესურსებზე და დაიწყეს ვერიფიკაცია…
ახლა, რუსული ნავთობის შეწყვეტის შემთხვევაში, საკმარისია მაგალითად, საუდის არაბეთს კვოტები აუწიონ და პრობლემა ევროპაში აღარ იქნება. დღეს კვოტა არის 10,5 მილიონი ბარელი დღეში, 12-მდე რომ აწიოს ევროკავშირმა, ეს 2 მილიონი ბარელი ყოფნის ევროპას მთლიანად“, – ამბობს „ბათუმელებთან“ ექსპერტი ალექსანდრე თვალჭრელიძე.
„ევროკავშირში რუსული ნავთობისა და ნავთობპროდუქტების შეტანის აკრძალვა რუსეთისთვის შექმნის მთავარ პრობლემას – ვალუტის დეფიციტს. შეიძლება ითქვას, რომ უკვე შექმნა – რუსეთში თავისუფლად კონვერტირებულ ვალუტას ვერ გამოიტანთ ბანკიდან, ლიმიტია დაწესებული – თვეში 300-მდე დოლარი მგონი.
რუსეთი ტექნოლოგიურად მთლიანად დამოკიდებულია დემოკრატიულ მსოფლიოზე – კომპიუტერსაც ვერ ააწყობენ. ეკონომიკურად ცუდ მდგომარეობაში არიან და ეს გაუარესდება და გაუარესდება. არ გამოვრიცხავ, რომ სურსათის კრიზისიც კი დაიწყოს რუსეთში“, – აცხადებს ალექსანდრე თვალჭრელიძე.
რაც შეეხება გაზს, ექსპერტი თვლის, რომ „რუსეთის ეკონომიკაზე გაზი იმდენად არ მოქმედებს, მთავარია ნავთობი. ბოლო ეფექტური წელი რუსეთისთვის, ექსპორტის თვალსაზრისით, 2019 წელი იყო.
მაშინ რუსეთიდან განხორციელდა ნავთობის ექსპორტი 174 მილიარდი დოლარის ოდენობით, ხოლო გაზის – 48 მილიარდი დოლარის. ამიტომ, გაზი რუსეთის ხელში არის უფრო გეოპოლიტიკური იარაღი, ვიდრე ეკონომიკური ბერკეტი. რუსეთს გაზის ექსპორტი უფრო გეოპოლიტიკური მიზნებისთვის სჭირდება. ამ მიზნებისთვის კი რუსეთი, ჯერ კიდევ პეტრე დიდის პერიოდიდან, ეკონომიკას დიდ ყურადღებას არ აქცევდა.“
ალექსანდრე თვალჭრელიძე ამბობს, რომ „ახლა ევროპამ ისწავლა ჭკუა და თანდათან რუსეთს თამაშგარე მდგომარეობაში ტოვებს. ამას დასჭირდება მინიმუმ, ალბათ, 3-4 წელი… მთლიანობაში 2030 წლისთვის აღარ იარსებებს რუსეთი, როგორც ენერგო აქტორი მსოფლიო ბაზარზე. თუ, რა თქმა უნდა, არ შეიცვალა პუტინი და სხვა ვინმე ლიბერალი არ მოვიდა, თუნდაც ელცინისნაირი.“
შეუძლია თუ არა რუსეთს მოიძიოს ევროპის ბაზრის ალტერნატივა ნავთობის ექსპორტისთვის? – ექსპერტი თვლის, რომ რუსეთი ამას ვერ შეძლებს.
„რატომ გგონიათ, რატომ მირბის ჩინეთში? – უნდა, რომ ჩინეთი გახადოს ალტერნატივა, მაგრამ ჩინეთი ჭკვიანია, მას აქვს ნავთობის მიწოდების დივერსიფიცირებული სქემა და ამ სქემის შეცვლა არ უნდა. რატომ? – იმიტომ, რომ ჩინეთში ნავთობი შედის ყაზახეთიდან. ყაზახეთს აქვს სამი უზარმაზარი ნავთობის საბადო და აქედან მხოლოდ ერთში ფლობს რუსეთი 15%-ს, ამასაც „ლუკოილი“, რომელიც მთლად რუსეთის არ არის.
უკვე დიდი ხანია აწყობილია სქემები, რომლებიც რუსეთის ნავთობსადენთან არ არიან დაკავშირებული – სპეციალური ნავთობსადენი ააშენეს ყაზახეთი-ჩინეთი და ეს ყაზახური ნავთობი ამ გზით მიდის ჩინეთში. ანალოგიურად უზბეკეთიდანაც. უზბეკეთი კი უღიმის რუსეთს, თუმცა, სინამდვილეში ანტირუსულ ენერგოპოლიტიკას ატარებს ამ კუთხით“, – ამბობს ალექსანდრე თვალჭრელიძე.
რაც შეეხება გაზს, „ბიბისის“ ინფორმაციით:
„ევროკავშირმა დიდი ხნის წინ ჩამოაყალიბა მიზანი – საერთოდ თქვას უარი რუსულ ენერგომატარებლებზე 2027 წლის ბოლოსთვის, მაგრამ ამ დრომდე ვერ მოიფიქრა, როგორ გააკეთოს ეს ისე, რომ ევროპულმა კომპანიებმა შეძლონ ფორსმაჟორის გამოცხადება და არ გადაუხადონ ჯარიმა რუსულ „გაზპრომს“ რუსული გაზის შესყიდვაზე გრძელვადიანი კონტრაქტების პირობების შეუსრულებლობის შემდეგ.
უმარტივესი გზა იქნებოდა სანქციების დაწესება რუსულ გაზზე, ისევე როგორც ეს გააკეთეს ნავთობისა და ქვანახშირის შემთხვევაში, მაგრამ ამ საკითხზე ევროკავშირის ქვეყნების ერთსულოვნება ვერ იქნა მიღწეული.
ახალი გეგმა ითვალისწინებს თანდათანობით სავაჭრო შეზღუდვებს რუსული გაზის იმპორტზე ევროკავშირის ენერგეტიკული უსაფრთხოების დასაცავად.
ამ გეგმის თანახმად, ახალი კონტრაქტებით რუსული გაზის შესყიდვა უნდა აიკრძალოს 2026 წლის 1-ელი იანვრიდან; არსებული მოკლევადიანი კონტრაქტებით – 2026 წლის 17 ივნისიდან, ხოლო გრძელვადიანი კონტრაქტებით რუსული გაზის ყიდვა უნდა აიკრძალოს 2027 წლის ბოლომდე. ასევე შეწყდება რუსული თხევადი გაზის შესყიდვებიც.
„ბიბისი“ ასევე წერს, რომ ევროკავშირმა გამონაკლისი დაუშვა უნგრეთისა და სლოვაკეთისთვის – „მათ მოკლევადიანი კონტრაქტებით იმპორტის უფლება 2027 წლის ბოლომდე მიეცათ, თუმცა, ისინი უკმაყოფილო დარჩნენ და ევროკავშირზე ზეწოლის ახალ ბერკეტებს ეძებენ“.
„ევროკავშირი არ მალავს, რომ საკითხი პოლიტიკურია და გეგმა დაიწერა არა ეკონომიკური სარგებლისთვის, არამედ უკრაინის მხარდასაჭერად და ევროპის დასაცავად კრემლის ენერგეტიკული შანტაჟისა და გაზის დიპლომატიისგან.“ – წერს „ბიბისი“.
ალექსანდრე თვალჭრელიძე ამბობს, რომ „როგორც ჩანს, ევროპაში რუსულ გაზზე 2027 წლამდე მთლიანად ვერ იტყვიან უარს. აქ აღსანიშნავია – ტრამპი რომ აცხადებს ჩვენგან იყიდეთ გაზიო – ამერიკის შეერთებულ შტატებს არ აქვს საექსპორტო ტერმინალები, იმისთვის, რომ გათხევადებული გაზი მიაწოდოს ევროპას.
რაც აქვთ, ძალიან ცოტა და ძალიან ცუდი სიმძლავრისაა. მაგალითად, იაპონიას უფრო მძლავრი ტერმინალები აქვს, ვიდრე აშშ-ს. შტატებს განუვითარებელი აქვს ეს ინდუსტრია, თუმცა, შეუზღუდავი რესურსი აქვს გაზის მარაგის.
ექსპერტს მიაჩნია, რომ ევროპისთვის გათხევადებული გაზის მიღება არ იქნება პრობლემა, ვინაიდან არიან სხვა მიმწოდებლები: ბუტანი, ალჟირი, ეგვიპტე, ლიბანი, ტობაგო, კატარი, არაბთა გაერთიანებული საამიროები.
ამასთან, „გაზის რესურსების ფლობით მსოფლიოში მესამე ადგილზეა ირანი [პირველზეა რუსეთი, მეორეზე – კატარი. რაც შეეხება ნავთობს – ნავთობის მარაგით ირანი მესამე ადგილზეა და რუსეთი მეშვიდეზე. პირველ ადგილზე კი – ვენესუელაა].
„ვთვლი, რომ საბოლოო ჯამში ირანის გაზიც ჩაერთვება ალბათ ევროპისთვის გაზის მიწოდების სქემაში, თუმცა, მთავარია როგორ დასრულდება იქ დღეს მიმდინარე პროცესები.
ევროპამ არ უნდა თქვას უარი ირანის გაზზე – მე მათ ადრეც ვეუბნებოდი, რომ ეს იქნება ირანის ჩართვა დემოკრატიულ პროცესში, რომელზეც უარს მერე ვეღარ იტყვის… როგორც რუსეთი დარჩა თავისუფალი ბაზრის მძევალი, ასევე ირანიც დარჩებოდა. ირანი, უბრალოდ, ფანტავს თავის გაზს.
პირველი, რაც გააკეთა ევროპამ ჯერ კიდევ 2022 წელს – ძალიან სწრაფად ააშენა გათხევადებული გაზის ტერმინალები. ცალკე ააშენა საფრანგეთმა, ცალკე გერმანიამ, ცალკე ცენტრალური ევროპის ქვეყნებმა. ასე რომ ამ სიმძლავრეს ზრდიან.
მეორე – ეს არის ალჟირის გაზი. არის ერთი გაზსადენი, რომელიც გადის კუნძულ სარდინიაზე, იტალიაში. იტალია პრაქტიკულად მთლიანად მარაგდება ალჟირის გაზით, მაგრამ ეს არ არის საკმარისი. სიცილიაზეც უნდა გაიყვანონ ერთი გაზსადენი და მაშინ მოგვარდება პრობლემა – ამ კუთხით, როგორც ვიცი, სამუშაოები მიმდინარეობს.
მესამე – ეს არის ეგვიპტის გაზის ჩართვა ამ ქსელში – ამისთვისაც შესაბამისი ინფრასტრუქტურული სამუშაოებია ჩასატარებელი“.
ალექსანდრე თვალჭრელიძის თქმით, ზოგადად, მსოფლიოში ენერგომატარებლების რთული სქემებია – არის წმინდა ბიზნესსქემები, არის გეოპოლიტიკური სქემები, თუმცა ევროკავშირის ბაზრის დაკარგვა შედეგს აუცილებლად გამოიღებს რუსეთის საზიანოდ.
„რაც უკვე დაემართა და დაემართება რუსეთს, ეს მან დაიმსახურა და დროა ფასი გადაიხადოს იმაზე, რაც ჩაატარა ჯერ საქართველოში, მერე ყირიმში და ახლა ატარებს უკრაინაში. მე ცალსახად მეჩვენება რომ რუსეთი, შეიძლება ხვალ და ზეგ არა, მაგრამ სტრატეგიულად დაშლის გზას მიადგა – იმპერიის დაშლის გზას. ყველა იმპერია ბოლოს და ბოლოს იშლება და რუსეთიც დაიშლება“, – დასძენს ალექსანდრე თვალჭრელიძე.
ამავე თემაზე:
რა ელის რუსეთს, თუ ევროპა არ იყიდის მის ნავთობსა და გაზს – ინტერვიუ ექსპერტთან
მოსამართლე შოთა სირაძემ მზია ამაღლობელის სააპელაციო საჩივარი არ დააკმაყოფილა.
ადვოკატები მიუთითებენ, რომ მზია ამაღლობელს პოლიციამ დააბრალა ადმინისტრაციული სამართალდარღვევათა კოდექსის 173-ე მუხლით გათვალისწინებული ქმედების ჩადენა, ვინაიდან მისი დაკავება ე.წ სტიკერის გაკვრის გამო უკანონო იყო.
ამასთან, მზია ამაღლობელის უკანონო პატიმრობა მისი სისხლის სამართლის ბრალდების საქმეში ეყრდნობა მხოლოდ მის უკანონო ადმინისტრაციულ ბრალდებას სწორედ 173-ე მუხლით.
ამავე საქმეში მზია ამაღლობელის ადვოკატებმა დამატებით წარადგინეს ფრანგი და ქართველი ექსპერტების საექსპერტო დასკვნები, რაც ადასტურებს პოლიციის მიერ მტკიცებულებებით/ვიდეოკადრებით მანიპულირებას.
დაცვის მხარისთვის უცნობია, რა გარემოებებზე დაყრდნობით არ გაითვალისწინა სასამართლომ მითითებული საექსპერტო დასკვნები.
მოსამართლე შოთა სირაძემ არ დანიშნა საქმის ზეპირი მოსმენა მხარეთა მონაწილეობით და გადაწყვეტილება მიიღო მხარეთა მოსმენის და მონაწილეობის გარეშე, მიუხედავად იმისა, რომ დაცვის მხარემ ამ საკითხზე 3-ჯერ იშუამდგომლა.
სასამართლოს დასაბუთებული გადაწყვეტილება არ ჩაუბარებია მხარეებისათვის.
მზია ამაღლობელის წინააღმდეგ გაყალბებული ადმინისტრაციული საქმე უახლოეს მომავალში გასაჩივრდება სტრასბურგის ადამიანის უფლებათა სასამართლოში.
შოთა სირაძე საპატრულო პოლიციის ყოფილი უფროსის და ამჟამად უკვე თბილისი პოლიციის უფროსის, ვაჟა სირაძის მამაა.
„სტიკერის გაკვრას ადასტურებთ?“- მზია ამაღლობელს მეორედ ასამართლებენ სტიკერის გაკვრისთვის
ბათუმის განაშენიანების გეგმის კონცეფციის მიხედვით, რომელიც ტენდერში გამარჯვებულმა კომპანიამ „სითი ინსტიტუტი საქართველომ“ უკვე მოამზადა და მერიას ჩააბარა, ქალაქში, სადაც ათ წელზე მეტია სამშენებლო ბუმი „მძვინვარებს“, მოსახლეობის 70%-ს არ აქვს საშუალება შეიძინოს ახალი საცხოვრებელი ფართი.
კონცეფციის ავტორები წერენ, რომ ეს გასათვალისწინებელია საბინაო ფონდის ზრდისა და სრულყოფის დაგეგმვისას.
ბათუმის გენერალური გეგმის კონცეფციის იმ ნაწილში, სადაც მიმოხილულია „საცხოვრებლის საჭიროებები“, წერია, რომ მომავალში საბინაო ფონდის ზრდისა და სრულყოფის დაგეგმვისას გასათვალისწინებელია უკვე ხანგრძლივი პერიოდის განმავლობაში არსებული ვითარება. კერძოდ, ის, რომ ბოლო დროის საბაზრო მდგომარეობით, საცხოვრებელი არ არის ხელმისაწვდომი მოსახლეობის სავარაუდოდ სულ მცირე 30%-სათვის, საბანკო სესხების გაცემის სისტემის ანალიზი კი აშკარას ხდის, რომ რეალურად მოსახლეობის 70%-ს არ გააჩნია საშუალება შეიძინოს ახალი საცხოვრებელი ფართი და ახალაშენებულ ბინებს, ძირითადად, უცხოელები ყიდულობენ.
კონცეფციის ავტორების ანალიზით, ასეთი ვითარება ე.წ. „დაკეტილი ბინების“ მაღალ წილს ქმნის, რაც საბინაო რესურსების არამიზნობრიობასა და ადგილობრივი მოსახლეობის საბინაო პირობების გაუმჯობესების არასათანადო ეფექტიანობაზე მიუთითებს:
„ამას თან ერთვის ბინების გარკვეული ნაწილის მკაფიოდ გამოხატული სეზონური გამოყენება, რაც ერთიანი საბინაო პრობლემის მნიშვნელოვანი ნაწილია. ამ პრობლემის ადექვატური გადაჭრის გზების შემუშავება ქალაქის სწორი ურბანული განვითარების ერთ–ერთ უმნიშვნელოვანეს ამოცანად გვევლინება“ – ვკითხულობთ კონცეფციაში.
მეორე მხრივ, დოკუმენტში ხაზგასმულია, რომ ქალაქის საბინაო ფონდის მოცულობა თითქმის გასამმაგდა და საბინაო მშენებლობა თანამედროვე ბათუმის ზრდისა და გაფართოების ერთ-ერთი მთავარ ფაქტორად იქცა.
- მაღალსართულიანი განაშენიანება და გამოწვევები
კონცეფციის მიხედვით, ბათუმში, რომელიც 2023 წლის დასაწყისში, ოფიციალური სტატისტიკის მიხედვით, 180 ათას მოსახლეზე ნაკლებს ითვლიდა, დაახლოებით 100 000 საცხოვრებელი ერთეულია [ბინა, სახლი] აღრიცხული. ავტორები ხაზს უსვამენ იმ გარემოებას, რომ ამ პროცესში მკვეთრად გაიზარდა მაღალსართულიანი მრავალბინიანი საცხოვრებელი შენობების ხვედრითი წილი და მაღალსართულიანმა საცხოვრებელმა განაშენიანებამ როგორც ქალაქის ცენტრში, ასევე, ისტორიულ უბნებშიც „შეაღწია“:
„თვალსაჩინო ცვლილებები შეიტანა მათ იერსახესა და ცხოვრების წესში და სერიოზული გამოწვევები შეუქმნა ქალაქის ამ ნაწილებს, ავთენტურობისა და ტრადიციული ურბანული თვითმყოფადობის შენარჩუნების თვალსაზრისით. შესაბამისად, სხვადასხვა სიმაღლის, სიმჭიდროვისა და არქიტექტურულ–მორფოლოგიური თავისებურებების მქონე საბინაო ერთეულების სწორი, დასაბუთებული და მიზანშეწონილი განაწილება გენერალური გეგმის ერთ-ერთი ცენტრალური ამოცანაა“.
კონცეფციის მიხედვით, ბათუმის მდგრადი ურბანული განვითარების საჭიროებიდან გამომდინარე, შემდგომი ათწლეულის განმავლობაში, ქალაქში ახალი საცხოვრებელი ფონდის მშენებლობა და ძველის მოწესრიგება განსხვავებული მასშტაბებით, ინტენსივობითა და ფორმატით უნდა განხორციელდეს:
„ქალაქის ცენტრალურ უბნებში, ასევე ისტორიულ არეალებში, უკვე ჩამოყალიბებული განაშენიანებითა და გეგმარების ტიპით, ძირითადად სწორკუთხა საქალაქო კვარტლების სახით, საჭიროების შემთხვევაში განხორციელებული ახალი საცხოვრებელი განაშენიანება [მკვეთრად] არ უნდა აჭარბებდეს შენობების არსებულ ზღვრულ სიმაღლეებს და სრულად უნდა ეწერებოდეს არსებულ ურბანულ ქსოვილში.
ამასთან ერთად, ზოგიერთ შემთხვევაში, არსებული დაბალსართულიანი მოძველებელი და ამორტიზებული საცხოვრისის, რომელსაც არ გააჩნია განსაკუთრებული კულტურულ ისტორიული ღირებულება და სტატუსი, განაშენიანების მოწესრიგება-რეკონსტრუქციის ფარგლებში, შესაძლოა სიმჭიდროვისა და სიმაღლის რეზონული ოდენობით გაზრდა და არსებული სამშენებლო ღრეჩოების [gap] შევსება. თუმცა ზოგადად, ასეთ არეალებში საცხოვრებელი განაშენიანება უპირატესად საშუალო სიმაღლის იქნება“ – ვკითხულობთ კონცეფციაში.
კონცეფციის ავტორების რეკომენდაციით, ქალაქის სხვა, უკვე ფორმირებულ უბნებში ახალი საცხოვრებელი განაშენიანების სიმაღლე შესაძლებელია უფრო მეტი იყოს, თუმცა უნდა ექვემდებარებოდეს მოსახლეობისა და განაშენიანების უკვე მიღწეულ სიმჭიდროვის, კომუნალური ინფრასტრუქტურითა და ქსელებით უზრუნველყოფისა და სოციალური, სატრანსპორტო საშუალებებით მხარდაჭერის მაჩვენებლებს: „ბათუმს ასევე აქვს მრავალსართულიანი საცხოვრებელი შენობების განთავსების პოტენციალიც ქალაქის სპეციალურად შერჩეულ ტერიტორიებზე.“
კონცეფციის ავტორები თანხმდებიან, რომ ბინის, როგორც ადგილობრივი მოსახლეობის სოციალური სიკეთის და არა მხოლოდ მენაშენის მიერ შექმნილი კომერციული პროდუქტის კონცეპტის ახლებური გააზრება და დამკვიდრება აუცილებელი იქნება ქალაქის მომავალი განაშენიანება–განვითარების დროს, რადგან ბინებს, როგორც საბაზრო პროდუქტის და მოსახლეობის რეალურ მსყიდველუნარიანობას შორის არსებული მკვეთრი სხვაობა ქმნის სოციალური სეგრეგაციის საფრთხეს და საქალაქო სივრცის ფრაგმენტაციის გაღრმავების წინაპირობას:
„ბათუმის საბინაო სექტორში ასეთი საერთო ვითარების ფონზე მნიშვნელოვანია ქალაქს გააჩნდეს ერთგვარი სოციალური საცხოვრებელი ფონდი, რომელიც მოწოდებული იქნება მოსახლეობის ყველაზე შეჭირვებულ და მოწყვლად ჯგუფებსა და ოჯახებს საბაზრო ფასებზე გაცილებით შეღავათიანი პირობებით მიაწოდოს საცხოვრებელი ფართი, რათა თავიდან იქნას აცილებული უსახლკარობა, არასათანადო საცხოვრებელში ბინადრობა და, საბოლოო ჯამში, მოსახლეობის გარკვეული ნაწილის მარგინალიზაცია.
„დამოუკიდებლობის წლებში ქალაქში არ განხორციელებულა რამე ნიშანდობლივი პროექტი ან პროგრამა სოციალური საცხოვრისის შესაქმნელად“ – ვკითხულობთ კონცეფციაში.
ეს ჩანაწერი არ ნიშნავს იმას, რომ ავტორებს გამორჩათ, რომ მერიას გარკვეული ფართობი უნდა ჰქონდეს საკუთრებაში ათეულობით სამშენებლო პროექტზე კ2 კოეფიციენტის მატების შედეგად, რადგან კანონი ასეთი შეთანხმების შემთხვევაში ნამატი ფართობის 10 პროცენტის მერიის საბინაო ფონდში გადაცემა-დარეგისტრირებას ითვალისწინებს.
„ამავე დროს, ბოლო პერიოდში წარმოქმნილმა სამშენებლო ბუმმა შესაძლებლობა მისცა მერიას კერძო მენაშენეების მიერ საცხოვრებელი სახლების სახით აშენებული საბინაო ფონდის 10% დაიტოვოს თავის განკარგულებაში და გამოიყენოს ისეთი ოჯახების დასაკმაყოფილებლად, რომლებიც არასათანადო სოციალურ–ეკონომიკური მდგომარეობის გამო თავად ვერ ახერხებენ ღირსეული საბინაო პირობების შექმნის უზრუნველყოფას.
დღეს მერიას რამდენიმე ათეული ათასი კვ.მ–ის მოცულობის ასეთი რეზერვი გააჩნია, რაც მეტად მნიშვნელოვან რესურსად უნდა ჩაითვალოს უსახლკარო და მოწყვლადი ოჯახების, განსაკუთრებით ავარიულ შენობებში მცხოვრებლების, დასაბინავებლად. გარდა ამისა, ამ ფონდმა საშუალება უნდა მისცეს ქალაქის ხელისუფლებასა და მენაშენეებს განახორციელონ ამორტიზებიული და მოუწესრიგებელი საცხოვრებელი განაშენიანების გაუმჯობესება, ასეთ არეალებში მცხოვრები ოჯახების ბინების ჩანაცვლების გზით. ეს განსაკუთრებით საშური იქნება ქალაქის ისტორიულ და ცენტრალურ უბნებში მდებარე ძველი, არასათანადო საცხოვრებელი განაშენიანების შემთხვევებში“ – ვკითხულობთ კონცეფციაში.
კონცეფციის ავტორები ვერ აკონკრეტებენ, რამდენი კვ.მეტრი ბინის ფართობი დაირეგისტრირა უკვე მერიამ კ2 კოეფიციენტის გაზრდაზე თანხმობის შედეგად და რამდენი უნდა დაირეგისტრიროს მომავალში უკვე არსებული შეთანხმებების შესაბამისად. კონცეფციის ავტორები წერენ, რომ ეს ფართობი რამდენიმე ათეული ათასია.
„ბათუმელებმა“ არაერთხელ ჰკითხა მერიას ამ ფართობის დაახლოებითი მოცულობის შესახებ, თუმცა ამ კითხვაზე მერიაში არც ჩვენ გვიპასუხეს.
კონცეფციაში კარგად არის გაანალიზებული, რა შეიძლება მოუტანოს ქალაქს ბინების გაყიდვით მიღებულმა მყისიერმა პოზიტიურმა გავლენამ ეკონომიკაში.
„მიუხედავად ბინებით ვაჭრობის მყისიერი დადებითი გავლენისა ეკონომიკურ მდგომარეობაზე, მათი შემდგომი ფუნქციის შეუსაბამო გამოყენება ზრდის ქალაქის ინფრასტრუქტურაზე და საგზაო სისტემებზე გაწეულ დანახარჯებს. ამდენად, მსგავსი განვითარება გრძელვადიან პერსპექტივაში ეკონომიკურად გამართლებულად ვერ ჩაითვლება. ასევე, არაპირდაპირი მოთხოვნით გამოწვეული მუდმივად ზრდადი საბინაო ბაზარი ხელს უწყობს საქალაქო და საგარეუბნო სივრცეების/გარემოს დეგრადირებას და მავნე ზეგავლენას ახდენს როგორც ეკოლოგიურ მდგომარეობაზე, ასევე მოსახლეთა ფიზიკურ და ფსიქიკურ ჯანმრთელობაზე.
შესაბამისად, საჭიროდ მიგვაჩნია, საბინაო მშენებლობის შეზღუდვა-რეგულირება და მისი მიმართვა ქალაქის ურბანიზებული ნაწილის შიგნით არსებულ იმ ტერიტორიულ რესურსზე, რომლის სოციალური და ეკონომიკური ღირებულება არ არის მაღალი სხვა ფორმით გამოყენებისათვის და სასიკეთოა არსებული სტრუქტურული ფრაგმენტაციის აღმოფხვრისათვის“ – წერია კონცეფციაში.
კონცეფციის მიხედვით საერთო ჯამში, 2035 წლამდე ბათუმში ახალი საცხოვრებელი ფონდის მშენებლობისათვის 250 ჰექტარი ტერიტორია განისაზღვრა. კონცეფცია ახალ მნიშვნელოვან საცხოვრებელ არეალებად მოიაზრებს აეროპორტის მიმდებარე ტერიტორიას, მთისძირის და „ბენზეს“ ტერიტორიას.
ზუგდიდელი არტისტი და აქტივისტი როსტევან ზარანდია [როსტო], მზია ამაღლობელის სტენსილის გამო მეოთხედ დააჯარიმეს.
საქმე ეხება მზია ამაღლობელის სტენსილს წარწერით – „HBD“ [„გილოცავ დაბადების დღეს“], რომელიც არტისტმა სამეგრელო-ზემო სვანეთის სამხარეო პროკურატურის კედელზე შეასრულა.
ოქმში, რომელიც როსტევან ზარანდიას დღეს, 20 ივნისს ჩააბარეს, წერია, რომ სასამართლომ იგი სამართალდამრღვევად ცნო ადმინისტრაციულ სამართალდარღვევათა კოდექსის 150-ე მუხლის მე-4 ნაწილით, რაც გულისხმობს „თვითმმართველი ერთეულის იერსახის დამახინჯებას“ განმეორებით და აკისრებს ჯარიმას 3000 ლარის ოდენობით.
იმავე ადგილას იმავე სტენსილის გამო აქტივისტი პირველად 17 თებერვალს 2000 ლარით დააჯარიმეს, შემდეგ 22 მაისს, მესამედ კი – 5 ივნისს.
„ასევე, ზუგდიდის მერიის კედელზე დავხატე პინგვინები ადრე და გაისუსნენ, მაშინ დავალება არ ჰქონიათ სუსისგან“ – წერს როსტო ზარანდია ფეისბუქზე.
21 ივნისს, ბათუმში ევროპის დღე აღინიშნება, ევროკავშირსა და ქართველ ხალხს შორის ხანგრძლივი პარტნიორობისა და თანამშრომლობის ნიშნად.
ევროპის დღის აღსანიშნავად დაგეგმილი ღონისძიებები სასტუმრო „შერატონში“ გაიმართება 13:00-17:00 საათამდე.
რა დახვდება ღონისძიებაზე მისულ სტუმარს
შესაძლებლობა გექნებათ დაესწროთ ქართველი ფოტოგრაფის, ნათელა გრიგალაშვილის მასტერკლასს – „თვალით დანახული ისტორია – ვიზუალური ამბის თხრობა”.
ასევე, შეძლებთ დაესწროთ აჭარული ტრადიციული ქარგვის ვორქშოპს, ოსტატ მზევინარ ირემაძესთან ერთად ან გემთმშენებლობის კრეატიულ ვორქშოპს და ააწყოთ თქვენი გემის მოდელი და დაათვალიეროთ გემების მოდელების გამოფენა „აფრა”.
თუ გაინტერესებთ როგორ იქმნება ელექტრონული მუსიკა, შეუერთდით საბა აზნარაშვილის ვორქშოპს „შენ ქმნი მუსიკას“.
15:00 საათზე კი ევროპის დღესთან დაკავშირებით ბათუმში ველომსვლელობა გაიმართება.
ველომსვლელობის შეკრების ადგილი ბათუმის სახელმწიფო უნივერსიტეტია [შადრევნების მხრიდან]. მათთვის, ვისაც ველოსიპედი არ ჰყავს, პირველი 30 მსურველი ველოსიპედით სარგებლობას უსასყიდლოდ შეძლებს.
ველოსიპედის მსურველებმა თან უნდა იქონიოთ პირადობის დამადასტურებელი მოწმობა. მოწმობის გარეშე ველოსიპედი არ გაიცემა.
ევროპის დღეები ბათუმში 18:00 საათზე ბათუმის ჩოგბურთის კლუბში ცოცხალი მუსიკით დასრულდება, ჯგუფების – Killages და Mechanical Rainbow-ს კონცერტით.
ყველა ღონისძიებაზე დასწრება თავისუფალია.
ასევე ხვალ, 21 ივნისს, სასტუმრო „ინტურისტში“ გაიხსნება სამოქალაქო საზოგადოების ფორუმი „პორტო ფრანკო“, რომელზეც ისაუბრებენ ისტორიკოსი, ილიას უნივერსიტეტის ასოცირებული პროფესორი ბექა კობახიძე, ეკონომიკის კვლევის პოლიტიკური ცენტრის უფროსი მკვლევარი ზაზა შენგელია და საერთაშორისო ურთიერთობების ექსპერტი გიგი გიგიაძე. შეხვედრის მოდერატორი ციალა ქათამიძეა.
ფორუმი 14:00 საათზე დაიწყება.
“მინდოდა პირადად მოსვლა სოლიდარობის და მხარდაჭერის გამოსახატად თქვენდამი, მზია ამაღლობელის მიმართ, რომელიც ბევრი თვეა უკვე ციხეშია და სასამართლოს განაჩენს ელის,“ – ასე დაიწყო ინტერვიუ “ბათუმელებთან” ევროკავშირის ელჩმა საქართველოში პაველ ჰერჩინსკიმ.
ევროკავშირის ელჩი “ბათუმელებს” დღეს, 20 ივნისს ესტუმრა. ელჩმა გამოცემას ვრცელი ინტერვიუ მისცა. გთავაზობთ ამ ინტერვიუს ნაწყვეტს. ვრცელი ინტერვიუ მოგვიანებით გამოქვეყნდება.
პაველ ჰერჩინსკი, ევროკავშირის ელჩი საქართველოში:
მზიას საქმე ევროკავშირის დღის წესრიგისთვის მნიშვნელოვანია. ჩვენ ამ საქმეს დიდი შეშფოთებით ვაკვირდებით. როგორც იცით, ევროპარლამენტში მიმდინარეობდა დებატები, რომელიც საქართველოში მედიის თავისუფლებას ეხებოდა. მზიას საქმესთან დაკავშირებით ევროპარლამენტმა გუშინ მიიღო რეზოლუცია. წარსულშიც მისაუბრია მზიას საქმეზე და ვფიქრობ, რომ მზია არის ჟურნალისტური გამბედაობის სიმბოლო.
ყველა შოკირებული ვართ არაპროპორციულობით მის საქმესთან დაკავშირებით.
ყველა ველით, რით დასრულება ეს განხილვები. ვიცით, რომ მკაცრი და ძალიან არაპროპორციული განაჩენი ემუქრება – 7 წლამდე ციხე იმისთვის, რაც ყველამ ვიცით, რომ აბსოლუტურად არაპროპორციულია მოსალოდნელ განაჩენთან მიმართებაში.
ყველამ ვიცით, რომ მზია და „ბათუმელები“ კრიტიკულები იყვნენ ხელისუფლების მიმართ იმის მიუხედავად, ვინ იყო ხელისუფლებაში. ვიცით, რომ თქვენი პროფესიული საქმიანობის განმავლობაში ყოველთვის სიმართლეს ამბობდით, თუნდაც ეს კრიტიკული ყოფილიყო ხელისუფლების მიმართ.
ჩვენ თვალს ვადევნებთ ამ სასამართლოს, ზოგადად რა ხდება საქართველოში, რაც შეეხება სიტყვის და შეკრების თავისუფლებას, დიდ ზეწოლას თავისუფალ მედიაზე. ასევე, ძალიან დიდი ზეწოლაა სამოქალაქო საზოგადოებაზე, რაც ნამდვილად გულსატკენია. ეს რეალურად გულსატკენია, რადგანაც არც ისე დიდი ხნის წინ საქართველო მოწინავე ქვეყანა იყო, როცა საქმე ეხებოდა დემოკრატიულ ცვლილებებს, ევროკავშირში ინტეგრაციას.
ახლა ეს შეიცვალა. რაც შეეხება ევროინტეგრაციას – საქართველოს ევროკავშირის წევრობისკენ მიმავალი გზა შეჩერებულია. ეს ნამდვილად რთულია ყველასთვის, ვისაც საქართველოსთვის კარგი უნდა.
მაგრამ ჩვენ, როგორც ევროკავშირი, აქ ვრჩებით.
საქართველოს მოსახლეობას თავისთვის და თავისი შვილებისთვის უკეთესი მომავალი უნდა. გვესმის, რომ საქართველოს მოქალაქეები არიან ევროპელები და ღირსები დაიკავონ ადგილი ჩვენს შორის – ევროკავშირის წევრ ქვეყნებს შორის.
საქართველოს ევროკავშირის კანდიდატი ქვეყნის სტატუსი მივანიჭეთ და გულწრფელად იმედი გვაქვს, რომ არსებული ნეგატიური ტრენდი შეიცვლება, საქართველოში მიმდინარე ძალიან ღრმა, პოლიტიკური კრიზისი დასრულდება და დიალოგი, საღი აზრი გაიმარჯვებს. საქართველო სარგებელს მიიღებს ევროკავშირის წევრობით მომავალში.
საქართველოს მოქალაქეები ნამდვილად იმსახურებენ უკეთეს მომავალს თავისთვის, თავიანთი შვილებისთვის.
ჩვენ, ევროკავშირის წევრი 27 ქვეყანა ამ საკითხს განვიხილავთ, ამაზე ვფიქრობთ. ჩვენ საქართველოს არ მივატოვებთ. ევროკავშირის წევრი ქვეყნების საგარეო საქმეთა მინისტრები 23 ივნისს, ორშაბათს, საქართველოს საკითხს განიხილავენ. თქვენ იცით, რომ მსოფლიოში ძალიან ბევრი მოვლენა ხდება, მაგრამ როდესაც პრაქტიკულად ყოველ თვეში ევროკავშირის წევრი ქვეყნების საგარეო საქმეთა მინისტრები ერთმანეთს ხვდებიან, ისინი საქართველოს საკითხს ასევე განიხილავენ. ძალიან რთულია შემდეგ ნაბიჯებზე შეთანხმება.
რაც შემიძლია, რომ ვთქვა – ევროკავშირის უმაღლესი წარმომადგენლის კაია კალასის და ასევე, ევროკომისარი გაფართოების საკითხებში მარტა კოსის თანახმად: მზად ვართ დიალოგისთვის, მზად ვართ დახმარებისთვის, მზად ვართ ხელშეწყობისთვის; მაგრამ, ტანგოს საცეკვაოდ ორია საჭირო.
სამწუხაროდ, ვერ ვხედავთ ხელისუფლების კეთილ ნებას, პირიქით, ვხედავთ გაუარესებულ მდგომარეობას ადამიანის უფლებების კუთხით და უკუსვლას დემოკრატიულ ღირებულებებთან მიმართებით, სამოქალაქო საზოგადოების ორგანიზაციებზე თავდასხმას, დამოუკიდებელ მედიაზე ზეწოლას;
გრძელდება თავდასხმა ევროკავშირზე, ევროკავშირი დემონიზირებულია, ევროკავშირს აბუჩად იგდებენ, ბევრ ევროპელ პოლიტიკოსს შეურაცხყოფა მიაყენეს, ეს ნამდვილად გულსატკენია.
ვაპირებთ, ვიყოთ მომთმენები. გადავწყვიტეთ, როგორც ევროკავშირი, მივესალმოთ საქართველოს, როგორც ჩვენი წევრი ქვეყნებიდან ერთ-ერთს, მაგრამ ეს უნდა მოხდეს მკაფიო კრიტერიუმებზე დაყრდნობით. ეს კრიტერიუმები ეხება ყველა კანდიდატ ქვეყანას. უნდა იყოს დაფუძნებული ჩვენ საერთო ღირებულებზე, როგორიცაა თავისუფლება, დემოკრატია, კანონის უზენაესობა, ადამიანის უფლებები.
ევროკავშირის თვალსაზრისით ეს ღირებულებები გადახედვას არ ექვემდებარება. სამწუხაროდ, ბოლო დროს საქართველო ევროკავშირთან დაახლოების ნაცვლად [როგორც, მაგალითად, უკრაინა და მოლდოვა] პირიქით, შორდება. ჩემთვის, როგორც საქართველოში ევროკავშირის ელჩისთვის ეს ნამდვილად დასანანია, გულსატკენია, მაგრამ იმედს არ ვკარგავთ”.
პაველ ჰერჩინსკი: “ბევრჯერ უკითხავთ და ყოველთვის ვცდილობდი, რომ მეპასუხა გულახდილად, საზოგადოების ინფორმირება მომეხდინა არსებულ მდგომარეობასა და ევროკავშირის მოსაზრებებზე. სანქციებზე როცა ვსაუბრობ, მმართველი პარტიის წარმომადგენლები ყოველთვის ძალიან მძიმედ მაკრიტიკებენ, იარლიყებს მაკერებენ, ცდილობენ ზეწოლას, რაც ჩემთვის ძალიან უსიამოვნოა.
ევროკავშირისთვის სანქციების მიღება რთულია, რადგან ეს ერთხმად უნდა მოხდეს, საჭიროა ერთსულოვნება – 27-ივე წევრი ქვეყანა უნდა დათანხმდეს.
როცა სანქციებზე ვსაუბრობთ, ვიცით, რატომ ხდება ასე – რამდენად მძლავრია ევროკავშირის სანქციები. ეს მარტო იმას კი არ ეხება, რომ ვიღაცას ევროკავშირში არ შემოუშვებენ, ვიღაცას ევროკავშირში არსებულ ქონებას გაუყინავენ, ეს ასევე არის სირცხვილის საკითხი; წარმოიდგინეთ, ევროკავშირის მიერ დასანქცირებულს როგორ შეხედავენ მეგობრები, ოჯახის წევრები, საზოგადოება.
ამიტომ სანქციების საკითხს უკიდურესად სერიოზულად ვუყურებთ. რამდენიმე თვის განმავლობაში ვცდილობთ მივიღოთ სანქციები, რომელიც დაკავშირებულია ადამიანის უფლებების დარღვევებთან.
ყველამ ნახეთ ტელეეკრანებზე თბილისის და საქართველოს სხვა ქალაქების ქუჩებში არაიდენტიფიცირებული, ნიღბიანების მიერ სასტიკად ნაცემი ადამიანები. ნანახმა მთელი მსოფლიო დაშოკა.
რაც უფრო შოკის მომგვრელია, არის სრული დაუსჯელობა: ამ უპრეცედენტო ძალადობის გამო, პასუხისგებაში არავინ არ მიუციათ. ევროკავშირი გმობს ძალადობას, ძალადობა მიუღებელია ნებისმიერი მხრიდან. ჩვენ ვნახეთ, რომ ადამიანის უფლებების დამრღვევები დაუსჯელი დარჩნენ, რაც ნამდვილად შემაშფოთებელია.
ამიტომაც რამდენიმე თვის განმავლობაში ვცდილობთ, მივიღოთ სანქციები ევროკავშირის დონეზე, რასაც ერთსულოვნება სჭირდება, რომელიც არ გვაქვს.
ამიტომაც, ევროკავშირის რამდენიმე წევრმა ქვეყანამ ეროვნულ დონეზე ორმხრივი სანქციები მიიღო, ასეთი ქვეყნების რაოდენობა იზრდება.
ვიცი, რომ ორშაბათს, 23 ივნისს ევროკავშირის სანქციების საკითხი ისევ განიხილება და ეს ევროკავშირის წევრმა ქვეყნებმა უნდა გადაწყვიტონ; ეს 27 წევრი ქვეყნის გადაწყვეტილება იქნება, რასაც ერთსულოვნება სჭირდება. დღის წესრიგშია ეს საკითხი, როგორც საქართველოსთან, ისე სხვა ქვეყნებთან მიმართებით, სადაც ადამიანის უფლები ირღვევა; ევროკავშირი იმოქმედებს და თავის პოზიციას გამოხატავს”.
აშშ-ს საელჩო თბილისში ინფორმაციას ავრცელებს სავიზო ცვლილებებთან დაკავშირებით.
საელჩოს ინფორმაციით, ყველა პირი, რომელსაც F, M ან J არასაიმიგრაციო ვიზებზე შეაქვს განაცხადი ვალდებულია, „მათი იდენტობისა და აშშ-ის კანონის შესაბამისად ქვეყანაში დაშვების დასადგენად, შეცვალოს სოციალური ქსელების კონფიდენციალურობის პარამეტრები და გახადოს ისინი საჯარო“.
საელჩოს ინფორმაციით, სავიზო სკრინინგის დროს გამოყენებული იქნება ყველა ხელმისაწვდომი ინფორმაცია.
„ვიყენებთ ყველა ხელმისაწვდომ ინფორმაციას, მათ შორის სოციალური მედიის მონაცემებს იმ პირების გამოსავლენად, რომლებსაც აშშ-ში შესვლის უფლება არ აქვთ ან რომლებიც აშშ-ის ეროვნულ უსაფრთხოებას საფრთხეს უქმნიან.
2019 წლიდან აშშ-მა საიმიგრაციო და არასაიმიგრაციო სავიზო აპლიკაციაში სოციალური მედიის იდენტიფიკატორების მითითება სავალდებულო გახადა.
აპლიკანტები ვალდებული არიან, სოციალურ მედიაში მათი ყველა იდენტიფიკატორი მიუთითონ.
მცდარი ან არასრული ინფორმაციის მითითებამ, მათ შორის სოციალური მედიის ანგარიშების გამოტოვებამ, შესაძლოა, გამოიწვიოს ვიზაზე უარი და მომავალში ვიზის მიღების შესაძლებლობის დაკარგვა“-წერს საელჩო.
„გირჩი – მეტი თავისუფლების“ ბათუმის ორგანიზაციის ხელმძღვანელი, თემურ გორგაძე, დღეს 20 ივნისს, სარფის საბაჟოზე გააჩერეს.
როგორც თემურ გორგაძემ „ბათუმელებს“ უთხრა, მას საქართველოში შემოსვლისას ქართველმა მებაჟეებმა დაახლოებით 11:00 საათზე პირადობისა და მართვის მოწმობა ჩამოართვეს და ჯერ კიდევ [15:00 საათისთვის] არ დაუბრუნებიათ.
„პირადობაც და მართვის მოწმობაც მებაჟეებს აქვთ. „დაგველოდეთ“ მითხრეს და წავიდნენ. არაფერი განუმარტავთ, არ ვიცი, რატომ ჩამომართვეს“, – ამბობს თემურ გორგაძე „ბათუმელებთან“.
მან ამ ფაქტის შესახებ ფეისბუქზეც დაწერა.
„ბათუმელები“ შს სამინისტროს დაუკავშირდა და ჰკითხა, რა მიზეზით გააჩერეს საზღვარზე პოლიტიკოსი, თუმცა პრესცენტრში გვითხრეს, რომ მათ ამის შესახებ ინფორმაცია არ აქვთ.
„ბათუმელები“ დაუკავშირდა შემოსავლების სამსახურსაც, სადაც გვითხრეს, რომ ინფორმაციას გადაამოწმებენ.
სინდისის პატიმარი ზვიად ცეცხლაძე, ასევე სინდისის პატიმარს, 21 წლის მათე დევიძეს მიმართავს, რომელსაც „ოცნების“ სასამართლომ 4 წლითა და 6 თვით მიუსაჯა პატიმრობა.
წერილი დღეს, 20 ივნისს გაავრცელა მოძრაობა „დაფიონმა“.
„მიუხედავად იმისა, რომ ჩემ გვერდით საკანში ხარ, სრულყოფილად მხოლოდ წერილით თუ მოგაწვდენ სათქმელს. ვიცი, გამხნევება არ გჭირდება, აქედან ან ყველანი ერთად გავალთ, ან – არც ერთი.
და თუ ყველაზე ცუდი სცენარი გველის, არც ეგ არის ტრაგედია.
ჩვენ ცოცხლები და თავისუფლები მანამ ვართ, სანამ ღირსება გაგვაჩნია, დანარჩენი ყველაფერი ფუფუნებაა, ეს სივრცით შეზღუდვაც მხოლოდ და მხოლოდ დროის ამბავია.
იმედია, ბედი გაგვიღიმებს და ზონაზე მაინც გავიცნობთ ერთმანეთს წესიერად. გამაგრდი და კიდევ უფრო გაძლიერდი. გახსოვდეს, რომ თუ შენ გარშემო მხოლოდ წყვდიადს ხედავ, შეიძლება თავად ხარ ნათება.
პ.ს ბიჭები მოკითხვას გიბარებენ“- წერს ზვიად ცეცხლაძე მათე დევიძეს.
წერილი 13 ივნისით თარიღდება.
ზვიად ცეცხლაძეც და მათე დევიძეც პროევროპულ საპროტესტო აქციებში მონაწილეობდნენ და აპროტესტებდნენ „ქართული ოცნების“ მიერ საპარლამენტო არჩევნების გაყალბებას და ქვეყნის ევროპული კურსის ცვლილებას.
21 წლის მათე დევიძეს 12 ივნისს მოსამართლე ნინო გალუსტაშვილმა 4 წლითა და 6 თვით თავისუფლების აღკვეთა მიუსაჯა.
ზვიად ცეცხლაძეც 20 წლის სტუდენტია. ის 2024 წლის დეკემბერში საკუთარ სახლში დააკავეს.
ზვიადი ბრალდებულია 225-ე მუხლის 1-ელი ნაწილით გათვალისწინებულ დანაშაულის ჩადენაში, თუმცა ამ დრომდე ბრალდების მხარე ვერ ახერხებს მტკიცებულებების წარმოდგენას, ისევე როგორც მათე დევიძის ან სხვა სინდისის პატიმრების შემთხვევაში.
__________________
ამავე თემაზე:
„ოცნება“ და სხვისი შვილები, რომლებიც „მხოლოდ რუსული მომავლისთვის ემეტებათ“
თემურ ქათამაძე, იგივე გაფფარ ილმაზი, რომელსაც საქართველოში უკვე ბათუმელი მედროშის სახელით იცნობენ, თურქეთიდან წერილს აგზავნის საქართველოდან გაძევების შემდეგ.
„ჩემო თანამებრძოლო დებო და ძმებო!
ლაჩრულად, ვერაგულად მე კი გამიტაცეს – გამაგდეს ჩემი სათაყვანებელი საქართველოდან, მაგრამ ყველამ იცოდეს, მე ფარ-ხმალი არ დამიყრია! ჯერ ადრეა დანებება! ივანიშვილის რუსული რეჟიმის წინააღმდეგ ისევ თქვენ გვერდით ვარ უფრო გაძლიერებული, უფრო გაბრაზებული და რაც მთავარია, სრულიად თავისუფალი!
ჩემი ბრძოლა სამშობლოსთვის აქედანაც გაგრძელდება ბოლომდე, გამარჯვებამდე! თუმცა ჩემი დღევანდელი რეალობიდან გამომდინარე, სხვა და უფრო ეფექტიანი ფორმებით მანამ, სანამ ყველა ერთად დედა-სამშობლოში გამარჯვებას არ ვიზეიმებთ.
11 ივნისს 03:07 საათზე საქართველო-თურქეთის საზღვარზე ხმამაღლა რაც დავპირდი მიგრაციის დეპარტამენტის დირექტორის მოადგილეს, თემურ ცერცვაძეს, ჩემი უკანონო ექსპტრადირების დამსწრეს 100-მდე [ქართველი-თურქი] მილიციელის წინაშე ჩემი მარჯვენა მუშტის მაღლა აწევით, მალე შევასრულებ იმ პირობას, როგორც „ჯინიანი ქართველი“.
ივანიშვილის რუსულ რეჟიმს: მალე გაჩვენებ სეირს!
მხოლოდ ერთი პირადი სათხოვარი მაქვს თქვენთან, ჩემი სული და გული, ჩემი ნინო [მეგობარი ქალი] მარტო დამრჩა იქ და უსინდისოებს მიზანში ჰყავთ აყვანილი. ნინო არ დამიტოვოთ უყურადღებოდ. ჩემ დაბრუნებამდე მას ეპატრონეთ, გთხოვთ.
რაც შეეხება ჩემს მთავარ სათხოვარს თქვენთან, ის ისევ უცვლელი რჩება: არასოდეს, არასოდეს არ დანებდეთ! [საქართველოს ეროვნული გმირი გიორგი ანწუხელიძე]
თქვენი ბათუმელი მედროშე თემურ ქათამაძე.
20 ივნისი, სტამბოლი“.
თემურ ქათამაძე „ქართული ოცნების“ მთავრობამ საქართველოდან იძულებით 11 ივნისს გააძევა.
თემურ ქათამაძე ქართველი მუჰაჯირების შთამომავალია და ბოლო წლებია ბათუმში ცხოვრობდა. იმის მიუხედავად, რომ თემურ ქათამაძე სრულფასოვნად საუბრობს ქართულ ენაზე, უმაღლეს ქულებზე ჩააბარა კანონით დადგენილი გამოცდები ქართულ ენასა და საქართველოს ისტორიაში, მას არც საქართველოს მოქალაქეობა მიანიჭეს, არც ბინადრობა მისცეს და ლტოლვილის სტატუსზეც უარი უთხრეს.
თემურ ქათამაძის გაძევების პროცესი „ოცნებამ“ მას შემდეგ დაიწყო, როცა იგი პროევროპული აქციების აქტიური მონაწილე გახდა. თემურ ქათამაძე აქციებზე ყოველდღე საქართველოს დროშით ჩნდებოდა, სწორედ ამიტომ შეარქვეს მას ბათუმელი მედროშე.
გარემოს ეროვნული სააგენტოს აჭარის რეგიონული ჰიდრომეტეოროლოგიური ობსერვატორიის ინფორმაციით, 20 ივნისის 21 საათიდან 21 ივნისის 21 საათამდე აჭარაში მოსალოდნელია ცვალებადი მოღრუბლულობა, უმეტესად უნალექოდ. იქროლებს ცვალებადი მიმართულების ქარი 10-15 მეტრი წამში.
ჰაერის ტემპერატურა სანაპირო ზოლსა და მთიან რაიონებში:
მაღალმთიან ზონაში:
ზღვის ღელვა – 2-3 ბალი იქნება, ზღვის წყლის ტემპერატურა +24 გრადუსია.
სინოპტიკოსების ცნობით, 22-23 ივნისს აჭარაში მოსალოდნელია დროგამოშვებით წვიმა.
ანტიკორუფციულმა ბიურომ დაიწყო სოციალური სამართლიანობის ცენტრისა და მედიის განვითარების ფონდის საქმიანობის შესწავლაც.
ორივე ორგანიზაციას სასამართლოს დადგენილება 19 ივნისს ჩაჰბარდა.
მედიის განვითარების ფონდი აცხადებს, რომ გადაწყვეტილებას გაასაჩივრებენ.
„19 ივნისს მედიის განვითარების ფონდს ჩაჰბარდა სასამართლოს ბრძანება, რომლითაც გვეცნობა, რომ ანტიკორუფციულმა ბიურომ ჩვენი ორგანიზაციის საქმიანობის შესწავლა დაიწყო.
იმის გათვალისწინებით, რომ ჩვენთვის ხელმისაწვდომი დოკუმენტების საფუძველზე საქმის წარმოების და პერსონალური მონაცემების გასაჯაროების ლეგიტიმური საფუძველი არ არსებობს, ჩვენ ყველა სამართლებრივ მექანიზმს მივმართავთ ამ გადაწყვეტილების გასასაჩივრებლად და რეპრესიული კანონმდებლობის განხორციელების შესაზღუდად.
მიმდინარე სამართლებრივი დავის, ასევე საერთაშორისო ინსტრუმენტების გამოყენების პრაქტიკის შესახებ ჩვენ საზოგადოების ინფორმირებას მუდმივად მოვახდენთ. მადლობა ყველას, ვინც ამ ბრძოლაში მხარდაჭერას გვიცხადებს”, – ვკითხულობთ ორგანიზაციის მიერ გავრცელებულ განცხადებაში.
19 ივნისს მსგავსი დადგენილება მიიღო სოციალური სამართლიანობის ცენტრმაც. ორგანიზაციის შეფასებით, ანტიკორუფციული ბიუროს მიერ სამართალწარმოების პროცესის დაწყება მოკლებულია სამართლებრივ საფუძვლებს. სოციალური სამართლიანობის ცენტრი არ აპირებს გაჩერებას და პარტნიორებთან ერთად გააგრძელებს ბრძოლას საქართველოში ადამიანის უფლებების დაცვისა და დემოკრატიული საზოგადოების მშენებლობისთვის.
„სოციალური სამართლიანობის ცენტრი არ აპირებს გაჩერებას და ამავდროულად გამოიყენებს ყველა სამართლებრივ საშუალებას საკუთარი და სხვა სამოქალაქო საზოგადოების ორგანიზაციების გაერთიანებისა და გამოხატვის თავისუფლების დასაცავად. ამასთან, ჩვენ გავაკეთებთ ყველაფერს, რომ ჩვენი შრომა და ბრძოლა ადამიანის უფლებების, სოციალური კეთილდღეობისა და დემოკრატიის დასაცავად გაგრძელდეს.
ამავდროულად, ჩვენ ბოლომდე დავიცავთ ჩვენი საადვოკატო და უფლებადაცვითი საქმიანობის ფარგლებში მიღებულ პროფესიულ საიდუმლოებას და არ გავამხელთ ჩვენი დაცვის ქვეშ მყოფი ასობით ადამიანის, მათ შორის, ქალების, ბავშვების, შშმ პირების, მშრომელების, ქვიარების, ეთნიკური და რელიგიური უმცირესობების, უცხოელების, გარემოსდამცველების, პატიმრების, სასულიერო პირების პირად ცხოვრებას […]
ჩვენ ვიტოვებთ იმედს, რომ ავტორიტარიზმის მძიმე კონტექსტისა და რეპრესიული კანონმდებლობის მიუხედავად, გვექნება შესაძლებლობა გავაგრძელოთ ჩვენი მუშაობა და ბრძოლა სამართლიანი, თანასწორი და თავისუფალი საქართველოსთვის“, – აცხადებს ორგანიზაცია.
18 ივნისს ხუთმა არასამთავრობო ორგანიზაციამ [სამოქალაქო საზოგადოების ფონდი, საერთაშორისო გამჭვირვალობა — საქართველო, საფარი, მომავლის აკადემია, ეკონომიკური პოლიტიკის კვლევის ცენტრი] განაცხადა, რომ მათ წინააღმდეგ უკვე დაიწყო რუსული კანონების აღსრულება.
კერძოდ, 17 ივნისს მოსამართლეებმა ამ ორგანიზაციებს ოფიციალურად მოსთხოვეს ანტიკორუფციული ბიუროსთვის ბოლო 17 თვის საქმიანობის შესახებ ინფორმაციის გადაცემა. მათ შორის ისეთის, რომელიც განსაკუთრებული კატეგორიის პერსონალურ მონაცემებს შეიცავს, როგორიცაა ორგანიზაციების ბენეფიციართა შესახებ სენსიტიური ინფორმაცია, ორგანიზაციების საქმიანობასთან დაკავშირებული კორესპონდენციის და მიმოწერის ამსახველი ინფორმაცია.
ამავე თემაზე:
მიმოწერები, ფოტო-ვიდეო, ბენეფიციარების ინფორმაცია – რას ითხოვს ანტიკორუფციული 5 ორგანიზაციისგან
უკრაინის გენერალური შტაბის განცხადებით, საომარი მოქმედებების მაღალი ინტენსივობის გამო მონაცემები იცვლება.
უკრაინის სამხედრო დანაკარგებზე ინფორმაცია განაახლა რუსეთმაც.
რუსეთის თავდაცვის სამინისტროს მიერ გავრცელებული მონაცემებით, ომის დაწყებიდან 2025 წლის 20 ივნისამდე პერიოდში სულ განადგურებულია უკრაინის:
რუსეთის თავდაცვა, ამ მონაცემებთან ერთად, უკრაინის არმიის ცოცხალი ძალის დანაკარგების შესახებ სტატისტიკას არ აქვეყნებს.
ეს ის მონაცემებია, რომელსაც უკრაინა და რუსეთი ოფიციალურად ავრცელებენ, თუმცა ომის პირობებში შეუძლებელია ზუსტად გადამოწმება, რამდენად შეესაბამება მხარეების მიერ გავრცელებული ინფორმაცია დანაკარგების შესახებ რეალურ რიცხვებს.
—
რუსეთი უკრაინაში 2022 წლის 24 თებერვალს გამთენიისას შეიჭრა და სრულმასშტაბიანი ომი დაიწყო.
ამავე თემაზე:
რუსეთის პრეზიდენტმა ვლადიმერ პუტინმა ჟურნალისტებთან ინტერვიუში განაცხადა, რომ არასწორია ბრალდება მისი მისამართით, რომ მას არ სურს უკრაინასთან მოლაპარაკება. მან ასევე აღნიშნა, რომ მზადაა შეხვდეს უკრაინის პრეზიდენტს, ვოლოდიმირ ზელენსკის, თუმცა ამავე დროს ეჭვქვეშ დააყენა მისი ლეგიტიმურობა და უკრაინის პრეზიდენტს „რეჟიმის ხელმძღვანელი“ უწოდა.
„ოცნებას“ უნდა იმ ტიპის გამარჯვება, როდესაც მისი ოპონენტებიც აღიარებენ არჩევნების შედეგებს. გახარიაც და ხაზარაძეც ან უნდა დაითანხმოს ამ თამაშის წესებზე, თუ ვერ დაითანხმა, შეიძლება გახარია დაიჭიროს, ხაზარაძე კი იმდენად დაასუსტოს შიგნიდან, რომ დიდი აზრი არ ჰქონდეს. ან რაღაც მეთოდებით აიძულოს რომ ქვეყნიდან წავიდეს“ – ამბობს პოლიტოლოგი გია ხუხაშვილი.
მას „ბათუმელები“ ესაუბრა თემაზე – რა სტრატეგიით და მიზნით ებრძვის ივანიშვილი ოპოზიციას საქართველოში.
ივანიშვილის მიზანი არის რუსული ტიპის ავტორიტარული რეჟიმის დამკვიდრება, სადაც არის ერთი დომინანტური პარტია და ე.წ „სუვერენული დემოკრატიის“ ფარგლებში რამდენიმე სატელიტი, როგორც რუსეთშია. ვითომ დემოკრატია. პრინციპში, შეკვეთა მოსკოვიდანაც ასეთია და თვითონაც მოსწონს ეს ივანიშვილს.
მასზეა მორგებული „სუვერენული დემოკრატიის“ საფარქვეშ რეალური ავტორიტარიზმის დამკვიდრება.
ავტორიტარიზმის დამკვიდრების ერთ-ერთი ეტაპი, ანუ, ასე ვთქვათ, პირველი ფაზა, გულისხმობს ინსტიტუტების მთლიანად გაუქმებას და ერთ ვერტიკალში განთავსებას. ეს ეტაპი გაიარეს უკვე, რადგან ინსტიტუტები აღარ არსებობს ქვეყანაში, ერთი კაცის მიერ კონტროლდება ყველა და ყველაფერი. მეორე ეტაპი ეს არის დიქტატურა, როდესაც იწყება ალტერნატიული პოლიტიკური და სამოქალაქო აზრის და ქმედების აღკვეთა და ჩვენ ამ ეტაპზე ვიმყოფებით ახლა.
ამის ფარგლებში ივანიშვილს აქვს ძალიან მარტივი ამოცანა, რომ ან არსებული პარტიები უნდა მოათვინიეროს და დაითანხმოს ამ მოდელზე, ანუ სატელიტობაზე უნდა მოაწერონ ხელი და თუ ისინი ამას არ გააკეთებენ, მაშინ უნდა გაიყვანოს პოლიტიკური სივრციდან და შემოიყვანოს ისეთი მოთამაშეები, რომლებიც ამ თამაშის წესებს დათანხმდებიან.
გახარიასგანაც და ხაზარაძისგანაც. თუ არ დათანხმდებიან, მაშინ უნდა გაიყვანოს ველიდან სხვადასხვა მეთოდით, – ვიღაც ქვეყნიდან გააძევოს, ვიღაც დაიჭიროს. მისი ამოცანაა მოათვინიეროს და მოასუფთაოს პოლიტიკური სივრცე, შემოიყვანოს „გირჩი“ და ვიღაც სხვა პარტიები.
ის, რომ მორალური ბარიერი არ აქვთ, ეს ვიცით დიდი ხანია, რადგან მთლად თავიანთი წიაღიდან დანიშნეს პარლამენტში „ოპოზიცია“. ასეთ მაიმუნობასა და მამაძაღლობაში არიან.
ურჩევნია არსებული. აი, როგორც რუსეთში მოხდა, რუსეთში პუტინმა მოახერხა არსებული, ტრადიციული პარტიების მოთვინიერება, დათანხმება. მოუზომა თავისი ბოსტნები, დაითანხმა ისინი ამ თამაშზე და ერთგვარად ნატურალური სურათი შექმნა ამ სუვერენული დემოკრატიის.
ამიტომ გრძელდება ჯერ პრესინგი ოპოზიციურ პარტიებზე, რომ იქნებ კიდევ მოახერხოს და ვიღაც დაითანხმოს.
ნახეთ, რა ხდება – ამ მეორე ფაზის ე.წ. დედლაინი არის ადგილობრივი არჩევნები. ამ არჩევნების მეორე დღეს, ფაქტობრივად, „სუვერენული დემოკრატია“ უნდა იყოს დამკვიდრებული, ანუ დიქტატურამ უნდა გაიმარჯვოს საბოლოოდ.
თუ ეს პარტიები მიიღებენ, ვთქვათ, არჩევნებში მონაწილეობას თბილისში, ბათუმში, ზუგდიდსა და ქუთაისში, ხომ შეიძლება რაღაც პრობლემები შეექმნას „ოცნებას“, რადგან მას დაგეგმილი აქვს, რომ მშვიდად, წყნარად ჩაიდოს ამ არჩევნების შედეგები ჯიბეში ისე, რომ ეჭვქვეშაც კი არ დადგეს მისი გამარჯვება. ოპოზიციის მონაწილეობის შემთხვევაში კი შეიძლება ისევ გაჩნდეს კითხვის ნიშნები გაყალბებაზე.
თუ თვითონ მონაწილე პარტიები ისე დალაგდებიან, რომ ე.წ. ოპოზიციური პარტიებიც კი აღიარებენ არჩევნების შედეგებს, მაშინ ვის რა პრეტენზია ექნება. ეუთო-ოდირს რა პრეტენზია უნდა ჰქონდეს, თუ, ვთქვათ, „გირჩი“ მიიღებს თავის 5%-ს და დათანხმდება არჩევნების შედეგებს. თუ ყველა მონაწილე პარტია ასევე დათანხმდება შედეგებს, ეუთომ რა უნდა გააპროტესტოს.
თუ მონაწილე პარტიები დაითანხმა იმაზე, რომ საბოლოო განაწილება იქნება 75-25-ზე – დავუშვათ, ან 70-30-ზე, პრინციპში მას ეს აწყობს. შესაბამისად, ლეგიტიმაციის თემა აღარ იქნება აქტუალური.
ივანიშვილს იმის კი არ ეშინია, რომ არჩევნებს წააგებს, არამედ იმის, რომ შეიძლება პრობლემები შეექმნას თბილისში, სადაც მკვეთრად ანტისახელისუფლებოა განწყობები, ბათუმში შეიძლება ეჭვის ქვეშ დადგეს შედეგები და ასე შემდეგ.
„ოცნებას“ უნდა იმ ტიპის გამარჯვება, როდესაც მისი ოპონენტებიც აღიარებენ არჩევნების შედეგებს. ამიტომ უნდა, რომ დაითანხმოს გახარია და ხაზარაძეც, რომ ამ თამაშის წესებზე შეთანხმდნენ. თუ ვერ დაითანხმა, შესაძლოა გახარია დაიჭიროს, ხაზარაძე შეიძლება იმდენად დაასუსტოს შიგნიდან, რომ დიდი აზრი არ ჰქონდეს, ან რაღაც მეთოდებით აიძულოს ქვეყნიდან წასვლა.
თუ ამის გარანტიები ვერ შეიქმნა ივანიშვილმა, მაშინ დაიჭერს. ანუ ამოცანა ამათი დაჭერა ან არდაჭერა კი არ არის, არამედ ისე მართოს პროცესი, კითხვის ნიშანი რომ აღარ დაისვას, „ქართულმა ოცნებამ“ მოიგო თუ გაყალბდა არჩევნები.
თუ გატეხა-გატეხა და თუ ვერ გატეხა, მერე დაიჭერს ან სხვა რამეს იზამს. ამ პროცესში ვართ.
ეს არის მისი გეგმა და განხორციელდება თუ არა, ეს დიდწილად დამოკიდებულია ამ პარტიების მდგრადობაზე, დამოკიდებულია საზოგადოების წინააღმდეგობაზე, ბევრ ფაქტორზეა დამოკიდებული.
თუ წინააღმდეგობა არავინ გაუწია და ყველა ციხის კარებთან მივიდა თავისი ფეხით და თავი შეუშვირა ეშაფოტზე, მაშინ დაალაგებს ყველაფერს, რა პრობლემაა.
ეს ციხის კარებთან მისვლები პატივსაცემია პიროვნულად, რადგან ციხეში მიდიან ადამიანები და ამაში არაფერია კომფორტული, მაგრამ მეორე მხრივ, ბრძოლის გარეშე დანებება და ციხეში შენი ფეხით წასვლა, პოლიტიკური პრაგმატიზმის პრიზმაში, ჩემი აზრით არასწორი საქციელია.
თუ გიჭერენ, რაღაც ისეთი მაინც გააკეთე, რომ აზრი ჰქონდეს. რამე დიდი წინააღმდეგობა შეხვდა მათ დაჭერას? ხელისუფლების მხრიდან კი ეს არის კიდევ ერთი ძალის დემონსტრირება და ეშინიათ ადამიანებს ძალის.
თუ მაინც მიდიხარ ციხეში, გააკეთე რაღაც, მაღალი ფასი გადაახდევინე ხელისუფლებას.
ბევრი რამე. იჩხუბე მაინც ბოლოსდაბოლოს რა, რომ ხალხმა დაინახოს, რომ შენ იბრძვი აქტიურად.
კი, მაგრამ ეს ხომ დანებებაა. კი ბატონო, ბოიკოტიც გზაა, მაგრამ მოდით გავიხედოთ წინ, კვლევებიც აჩვენებს, რომ კი, წავალთ ბოიკოტში, მაგრამ 40%-იან აქტივობას არჩევნებზე „ოცნება“ მაინც აჩვენებს და ეს პროცენტი ადგილობრივ არჩევნებში არის აბსოლუტურად ნორმალური და ბოიკოტში რომ წავედით, მეორე დღეს რას ვაკეთებთ ჩვენ?!
ვიძახით „არალეგიტიმურია“, მაგრამ ჩვენ ილუზია არ უნდა გვქონდეს, რომ ხელისუფლებისთვის დასავლეთის მხრიდან ლეგიტიმაცია დღეს არის კრიტიკულად გადაულახავი წინააღმდეგობა. მათ ამაზე დიდი ხანია უარი თქვეს. ჩვენ ხომ ვუყურებთ ამას. „ოცნება“ იტყვის, ჩვენ ჩავატარეთ არჩევნები, მიეღოთ მონაწილეობა.
ხელისუფლებას დღესაც არ აქვს ლეგიტიმაცია და მერე როგორ შეიძენს?! ან რანაირად იღებს ამით ლეგიტიმაციას?! ეს პარტიები თუ მიიღებენ მონაწილეობას, იბრძოლებენ ბოლომდე და ხელისუფლებას „იძულებულს გახდიან“, რომ კიდევ გააყალბოს ეს არჩევნებიც, რადგან ვერანაირად ვერ მოიგებს თუ ბიულეტენებში ნაჯახით არ წერა ციფრები, ლეგიტიმაციას როგორ შეიძენს?! სამაგიეროდ, ოპოზიციის მხრიდან გამოჩნდება ბრძოლა.
ასე არ არის. ისინი ვინც ქუჩაში დგას, იმას კი არ უნდა იძახდნენ, რომ „აზრი არ აქვს“, კეთილი ინებოს პროტესტმა და არჩევნების დღეს გავათენოთ, 24 საათი ქუჩაში დავდგეთ და არ მივცეთ ბიულეტენების დაწერის საშუალება.
ხალხი დადგეს უბნებთან, „ძველი ბიჭები“ არ მიაკარონ… თუ საზოგადოება იქნება აქტიური, ასე ადვილი არ არის გაყალბება. კარგია, რომ პერმანენტული პროტესტი გრძელდება, მაგრამ პიკების გარეშე ხდება ეს ყველაფერი, სად არის პოლიტიკური დინამიკა? სტაგნაციას ვერ გრძნობთ ამ პროცესში? და პოლიტიკური დინამიკის შეძენა შეიძლება სწორედ არჩევნების დღეს.
თუ „ოცნება“ ადგება და ნაჯახით დაიწყებს ისევ ბიულეტენების დაწერას და ეს წინააღმდეგობაც რაღაცას მოიმოქმედებს, ეს იქნება ის კრიტიკული მომენტი, როდესაც საზოგადოებამ უნდა მოახერხოს, რომ ხელისუფლებას ჩამოაშოროს ძალაუფლება.
რადგან თუ ხელისუფალი აყალბებს არჩევნების შედეგებს, ამას სჭირდება მყისიერი რეაქცია და არა გადავადებული, რომ „უი, ეს რა ქნა“ და მოდი მერე 200 დღე დავდგეთ ქუჩში, არამედ – იმ დღესვე.
ამაში იგულისხმება ის, რომ ვერცერთი უბნიდან გაყალბებული ბიულეტენი ვერ უნდა გამოვიდეს. რას იზამენ, ყველა უბანთან სპეცრაზმს დააყენებენ?! თუ აქვს ამ საზოგადოებას ამის თავი, დაიცვას ხმები და თუ არ გვაქვს ამის თავი, მაშინ საერთოდ რაზე ვლაპარაკობთ.
ბოიკოტში თუ წავალთ, „ოცნება“ გამოაცხადებს შედეგებს და მერე რას ვშვრებით?!
ვიწუწუნებთ ისევ ხომ?! თუ წუწუნია პოლიტიკა, ვიწუწუნოთ.
გარემო, რა თქმა უნდა, უსამართლოა, მაგრამ ამ უსამართლო გარემოს უნდა ებრძოლო. აბა რა ვქნათ, ეშაფოტზე ავიდეთ ჩვენი ფეხით და წაგვაჭრას თავი?!
კი, ესეც ბრძოლის ფორმაა და მე კი არ ვაკნინებ ამ ფორმას, მაგრამ შედეგი რა არის ამ ბრძოლის ფორმის. პოლიტიკა ხომ შედეგზე უნდა იყოს ორიენტირებული. ხელისუფლება არ რეაგირებს ბრძოლის ამ ფორმაზე, ამიტომ ამ პროტესტს სჭირდება კონსოლიდაცია და გადამწყვეტი ბრძოლის გამოცხადება. რა ფორმით და როდის უნდა მოხდეს ეს გადამწყვეტი ბრძოლა? – მხოლოდ არჩევნებზე.
ძალის გარდა ეს ხელისუფლება არაფერს აღიარებს, ხომ ვხედავთ. და დღე, როდესაც ხალხი იძენს კონსტიტუციურ უფლებას, რომ ხელისუფლების მამაძაღლობა აღკვეთოს, ეს არის არჩევნები. როცა ამ დღეს ხელისუფლება ისევ უსინდისოდ დაიწყებს რიცხვების წერას, ეს არის ის დღე, როცა ხალხს უჭირავს ძალაუფლება, ანუ ამომრჩეველი ხდება ხელისუფალი არჩევნების დღეს და ეს ძალაუფლება იმ დღეს უნდა გამოიყენოს ხალხმა იმისთვის, რომ ხელისუფალმა ვერ გაბედოს კონსტიტუციის ფეხქვეშ გათელვა, სადაც გაწერილია, რომ ხალხია ძალაუფლების წყარო.
ბიძინა აღიარებს მხოლოდ ძალას და ძალის დემონსტრირების კონსტიტუციური უფლება ხალხს აქვს არჩევნების დღეს. ყველა სხვა მომენტში, ხელისუფლებას შეუძლია ისაუბროს სახელმწიფო გადატრიალებაზე და არჩევნების დღეს ამას ვერ გააკეთებს.
ავსტრიელი ევროპარლამენტარი, ლენა შილინგი ეხმიანება რეზოლუციას, რომელიც ევროპარლამენტმა დღეს, 19 ივნისს მიიღო მზია ამაღლობელის საქმის, პოლიტპატიმრებისა და საქართველოში მედიის მდგომარეობის შესახებ.
„ეს რეზოლუცია ძლიერი გზავნილია არა მხოლოდ მზიასთვის, არამედ საქართველოში ყველა იმ ადამიანისთვის, ვინც გაბედულად გამოდის დემოკრატიისა და კანონის უზენაესობის დასაცავად.
ჩვენ არ შეგვიძლია გავიხედოთ სხვა მხარეს ჩვენს კართან არსებული რეპრესიებისა და პოლიტიკური დევნის დროს.
პუტინის ავტორიტარული ქსელი მთელ ევროპაში ვრცელდება არა მხოლოდ ტანკებით, არამედ კანონებით, თვალთვალით და სამოქალაქო საზოგადოების ჩახშობით.
თუ ჩვენ ვერ მოვახერხებთ მკაფიო რეაგირებას, ეს ახალ ნორმად იქცევა.
ამ რეზოლუციით ევროპარლამენტის გზავნილი მკაფიოა – ჩვენ ვდგავართ სამოქალაქო საზოგადოების გვერდით საქართველოში და ჩვენ ვდგავართ მზიას გვერდით“, – აცხადებს ლენა შილინგი.
ავსტრიელი ევროპარლამენტარი ლენა შილინგი ბათუმშიც იმყოფებოდა მზია ამაღლობელის სასამართლო პროცესზე დასასწრებად. იგი ამბობს, რომ საკუთარ პასუხისმგებლობად მიიჩნევს შესაძლებლობების გამოყენებას ყველა იმ ადამიანის მხარდასაჭერად, ვინც დემოკრატიისა და ადამიანის უფლებებისთვის იბრძვის.
ევროპარლამენტარმა პეტიციაც შექმნა მზია ამაღლობელის გათავისუფლების მოთხოვნით, რომელზე ხელის მოწერაც მთელი მსოფლიოდან შეუძლიათ მსურველებს.
დღეს, 19 ივნისს, 324 ხმით 25-ის წინააღმდეგ ევროპარლამენტმა მიიღო რეზოლუცია საქართველოში მედიის თავისუფლებისა და კერძოდ, მზია ამაღლობელის საქმის შესახებ.
რეზოლუციით ევროპარლამენტი გმობს მზია ამაღლობელის პოლიტიკური მოტივით გამოწვეულ დაპატიმრებასა და დევნას, მოითხოვს მის დაუყოვნებელ და უპირობო გათავისუფლებას და ყველა ბრალდების მოხსნას.
ევროპარლამენტარები ასევე მოითხოვენ, დაუყოვნებლივ გათავისუფლდნენ პოლიტპატიმრები, როგორიცაა აქტივისტი მათე დევიძე, ოპოზიციის ლიდერები: ზურაბ ჯაფარიძე, ნიკა მელია, ნიკა გვარამია და საქართველოს ყოფილი პრეზიდენტი მიხეილ სააკაშვილი.
რეზოლუციაში ნათქვამია, რომ მზია ამაღლობელი „ისჯება კორუფციის გამოაშკარავებისა და 2024 წლის არჩევნების დროს არჩევნების გაყალბების შესახებ ინფორმაციის გავრცელებისთვის“ და ხელისუფლებამ ის წინასწარი პატიმრობის მკაფიო სამართლებრივი საფუძვლის გარეშე დააკავა.
ევროპარლამენტარების შეფასებით, საქართველოს ხელისუფლებამ თითქმის გაანადგურა ქვეყანაში დარჩენილი დამოუკიდებელი მედიასაშუალებები მაშინ, როდესაც საჯარო საინფორმაციო სივრცე სრულად დომინირებულია რუსული სტილის პროპაგანდის და ანტიევროპული დეზინფორმაციის გამავრცელებელი პროსამთავრობო მედიის მიერ.
ვრცლად:
მზია ამაღლობელის გათავისუფლების მოთხოვნით ევროპარლამენტმა რეზოლუცია მიიღო
„ხევსურულ „ნაჭრელას“ ქარგვის ტრადიციას“ საქართველოს კულტურული მემკვიდრეობის დაცვის ეროვნული სააგენტოს გენერალური დირექტორის ბრძანებით არამატერიალური კულტურული მემკვიდრეობის ძეგლის სტატუსი მიენიჭა.
ბრძანებით, რომელიც 2025 წლის 19 ივნისს შევიდა ძალაში, სააგენტოს საინფორმაციო სისტემების სამსახურს დაევალა მითითებული ძეგლის მონაცემების არამატერიალური კულტურული მემკვიდრეობის ობიექტთა სახელმწიფო რეესტრში ასახვა.
სააგენტოს ადმინისტრაციას კი დაევალა ამ ბრძანების ამოქმედებიდან ერთი თვის ვადაში ძეგლის მონაცემების საქართველოს კულტურის სამინისტროს ინტერნეტგვერდზე ასახვის მიზნით შესაბამისი ღონისძიებების განხორციელება.
ხევსურული ნაჭრელა იგივე ხევსურული ნაქარგია დამახასიათებელი ორნამენტებით. ასეთი ნაქარგები გამოიყენებოდა ხევსური ქალის და კაცის სამოსელშიც.
_______________
ფოტოზე: ხევსურეთი, შატილი. ფოტო: „ბათუმელები“/მანანა ქველიაშვილი
პროკურატურა დაუსრულებელ მშენებლობასა და დიდი ოდენობით თანხის თაღლითურად დაუფლების ფაქტზე წერს და განმარტავს, რომ ორგანიზებული ჯგუფის მიერ სამსახურებრივი მდგომარეობის გამოყენებით, მოქალაქეთა კუთვნილი დიდი ოდენობით თანხის თაღლითურად დაუფლების ფაქტზე, 2 პირს ბრალი წარუდგინეს.
კერძოდ, შინაგან საქმეთა სამინისტროში ჩატარებული გამოძიებით დადგინდა, რომ ბრალდებულებმა ორგანიზებული ჯგუფი ჩამოაყალიბეს და თითქოსდა მრავალბინიანი საცხოვრებელი სახლის მშენებლობის მიზნით შპს „სექტორი 7“ დააფუძნეს.
2020-2024 წლებში კომპანიის წარმომადგენლებმა ბინის შეძენით დაინტერესებულ მოქალაქეებთან ნასყიდობის ხელშეკრულებები გააფორმეს, რომლის საფუძველზეც კორპუსის მშენებლობის დასრულების და მესაკუთრეთათვის უძრავი ქონების გადაცემის ვალდებულება აიღეს, რის შემდეგაც დაზარალებულებმა კომპანიის საბანკო ანგარიშებზე დიდი ოდენობით თანხები ჩარიცხეს.
შეთანხმების მიუხედავად, ბრალდებულებმა არ დაასრულეს კორპუსის მშენებლობა და დაზარალებულთათვის შეძენილი ფართობების საკუთრებაში გადაცემა. ამ დანაშაულებრივი სქემით, დანაშაულებრივი ჯგუფის წევრები 161 მოქალაქის კუთვნილ დიდი ოდენობით – 10 მილიონ 726 497 ლარს დაეუფლნენ – წერს პროკურატურა.
უწყების ცნობით, ბრალდებულებს ბრალდება საქართველოს სისხლის სამართლის კოდექსის 180-ე მუხლის მე-3 ნაწილის „ა“ და „ბ“ და მე-4 ნაწილის „ა“ ქვეპუნქტებით (თაღლითობა, ჩადენილი დიდი ოდენობით, ორგანიზებული ჯგუფის მიერ სამსახურებრივი მდგომარეობის გამოყენებით) წარედგინათ, რაც სასჯელის სახედ და ზომად 10 წლამდე თავისუფლების აღკვეთას ითვალისწინებს.
__________________
ფოტო „ბათუმელების“ არქივიდან
324 ხმით 25-ის წინააღმდეგ, ევროპარლამენტმა მიიღო რეზოლუცია საქართველოში მედიის თავისუფლების და კერძოდ, მზია ამაღლობელის საქმის შესახებ.
რეზოლუციით, ევროპარლამენტი გმობს მზია ამაღლობელის პოლიტიკური მოტივით გამოწვეულ დაპატიმრებასა და დევნას, მოითხოვს მის დაუყოვნებელ და უპირობო გათავისუფლებას და ყველა ბრალდების მოხსნას.
ევროპარლამენტარები ასევე მოითხოვენ, დაუყოვნებლივ გათავისუფლდნენ პოლიტპატიმრები, როგორიცაა აქტივისტი მათე დევიძე, ოპოზიციის ლიდერები: ზურაბ ჯაფარიძე, ნიკა მელია, ნიკა გვარამია და საქართველოს ყოფილი პრეზიდენტი მიხეილ სააკაშვილი.
რეზოლუციაში ნათქვამია, რომ მზია ამაღლობელი „ისჯება კორუფციის გამოაშკარავებისა და 2024 წლის არჩევნების დროს არჩევნების გაყალბების შესახებ ინფორმაციის გავრცელებისთვის“ და ხელისუფლებამ ის წინასწარი პატიმრობის მკაფიო სამართლებრივი საფუძვლის გარეშე დააკავა.
ევროპარლამენტარების შეფასებით, საქართველოს ხელისუფლებამ თითქმის გაანადგურა ქვეყანაში დარჩენილი დამოუკიდებელი მედიასაშუალებები მაშინ, როდესაც საჯარო საინფორმაციო სივრცე სრულად დომინირებულია რუსული სტილის პროპაგანდის და ანტიევროპული დეზინფორმაციის გამავრცელებელი პროსამთავრობო მედიის მიერ.
რეზოლუციის მიხედვით, ევროპარლამენტი:
მკაცრად გმობს „ქართული ოცნების“ რეჟიმის სისტემურ თავდასხმას დემოკრატიულ ინსტიტუტებზე, პოლიტიკურ ოპოზიციაზე, დამოუკიდებელ მედიაზე, სამოქალაქო საზოგადოებასა და სასამართლოს დამოუკიდებლობაზე;
ღრმა შეშფოთებას გამოთქვამს საქართველოში ჟურნალისტების თვითნებური დაკავებების, ძალადობისა და შევიწროების გამო, მათ შორის, ცილისწამების კამპანიების, სამართლებრივი დევნის, გენდერული ძალადობის შემთხვევების გამო; მოუწოდებს ხელისუფლებას, დაუყოვნებლივ შეწყვიტოს დაშინება და უზრუნველყოს ჟურნალისტების უსაფრთხოება და თავისუფლება; ჩატარდეს დამოუკიდებელი გამოძიება;
მოუწოდებს საქართველოს ხელისუფლებას, დაუყოვნებლივ გაათავისუფლოს ყველა პოლიტიკური პატიმარი და სხვა უკანონოდ დაკავებული პირები, როგორიცაა: აქტივისტი მათე დევიძე, ოპოზიციის ლიდერები: ზურაბ ჯაფარიძე, ნიკა მელია, ნიკა გვარამია და საქართველოს ყოფილი პრეზიდენტი მიხეილ სააკაშვილი; გმობს „ნაციონალური მოძრაობის“ თავმჯდომარის, თინა ბოკუჩავას მეუღლის ძალადობრივ გატაცებას და ინფორმაციას მისი შვილების უსაფრთხოებაზე მუქარის შესახებ;
მოითხოვს ყველა რეპრესიული კანონმდებლობის დაუყოვნებლივ გაუქმებას, დემოკრატიის აღდგენას და მედიის თავისუფლებისა და სამოქალაქო თავისუფლებების სრულ დაცვას;
მოუწოდებს ევროკავშირს, უცხოური აგენტების კანონის ამოქმედების შემდეგ გააძლიეროს მხარდაჭერა საქართველოს დამოუკიდებელი მედიისა და სამოქალაქო საზოგადოებისადმი და აკონტროლოს მიმდინარე სასამართლო პროცესები;
გამოხატავს სინანულს საბჭოს წევრი სახელმწიფოებისა და კომისიის მუდმივი უმოქმედობის გამო და კიდევ ერთხელ მოუწოდებს წევრ სახელმწიფოებს, დაუწესონ ორმხრივი სანქციები „ქართული ოცნების“ იმ ლიდერებსა და ოფიციალურ პირებს, რომლებიც დემოკრატიულ უკუსვლაზე არიან პასუხისმგებელნი;
გამოთქვამს შეშფოთებას არასამთავრობო ორგანიზაციებზე განხორციელებული ბოლო შეტევების ტალღის გამო, რაც გამოიხატება იმაში, რომ ზოგიერთი სახელმწიფო უწყება, მაგალითად, ანტიკორუფციული ბიურო მათგან ითხოვს ბოლო წელიწად-ნახევრის პერიოდის დეტალურ ფინანსურ, იურიდიულ და ოპერატიულ ინფორმაციას და ამას მოითხოვს მხოლოდ სამ სამუშაო დღეში; ხაზს უსვამს, რომ ეს მოთხოვნა თავიდანვე არარეალურია და ქმნის რისკს, რომ მიზანში ამოღებული ორგანიზაციები პარალიზებულნი აღმოჩნდნენ და მათი საქმიანობა შეჩერდეს.
თიბისი კონცეპტმა Visa სადებიტო ბარათების მფლობელებს გამორჩეული საზაფხულო შეთავაზება მოუმზადა. 20 და 21 ივნისს, პარტნიორი ობიექტების ფიზიკურ მაღაზიებში შოპინგისას, მათ გადახდილი თანხის 30%, ჯამში მაქსიმუმ 200 ლარი, მომენტალურად დაუბრუნდებათ.
შეთავაზება ვრცელდება როგორც ძველ, ისე ახალ Visa თიბისი კონცეპტ ბარათებსა და მათ ციფრულ ანალოგებზე: TBC Concept Visa Signature და Visa Platinum.
პარტნიორი ობიექტების ჩამონათვალი კი, ტრადიციულად, მრავალფეროვანია:
შეთავაზება მოქმედებს მხოლოდ აღნიშნული მაღაზიების ფიზიკურ ობიექტებში, თიბისის POS ტერმინალზე გადახდისას.
ერთადერთი გამონაკლისია Dressup.ge, სადაც შეთავაზებით სარგებლობა Summerstory-ის კატეგორიაში, ონლაინ შეგიძლიათ (ამ შემთხვევაში გადახდა უნდა განხორციელდეს თიბისის საგადახდო მეთოდით და არა Apple ან Google pay-ით).
შეთავაზების დეტალური პირობები იხილეთ ბმულზე.
რუსეთის პრეზიდენტმა ვლადიმერ პუტინმა ჟურნალისტებთან ინტერვიუში განაცხადა, რომ არასწორია ბრალდება მისი მისამართით, რომ მას არ სურს უკრაინასთან მოლაპარაკება. მან ასევე აღნიშნა, რომ მზადაა შეხვდეს უკრაინის პრეზიდენტს, ვოლოდიმირ ზელენსკის, თუმცა ამავე დროს ეჭვქვეშ დააყენა მისი ლეგიტიმურობა და უკრაინის პრეზიდენტს „რეჟიმის ხელმძღვანელი“ უწოდა.
„ჩვენთვის სულერთია ვინ აწარმოებს მოლაპარაკებებს, თუნდაც ეს იყოს რეჟიმის ამჟამინდელი ხელმძღვანელი [ზელენსკი].
მე მზად ვარ, შევხვდე კიდეც, მაგრამ მხოლოდ იმ შემთხვევაში, თუ ეს რაიმე საბოლოო ეტაპი იქნება, რათა არ ვისხდეთ და უსასრულოდ რაღაც არ გავიყოთ დაუსრულებლად, არამედ დავსვათ წერტილი“, – ციტირებს რუსული პროპაგანდისტული მედია „რია ნოვოსტი“ პუტინს.
უკრაინის პრეზიდენტმა ვოლოდიმირ ზელენკიმ არაერთხელ განაცხადა, რომ მზადაა პუტინს შეხვდეს, თუმცა ეს შეხვედრა აქამდე არ შემდგარა.
ბოლოს ზელენსკიმ 2025 წლის 11 მაისს, თურქეთიდან მიმართა პუტინს პირისპირ შესახვედრად.
„მე ველოდები პუტინს თურქეთში. პირადად. იმედი მაქვს, რუსები ამჯერად რუსები უარის საბაბს არ მოძებნიან”, – განაცხადა მაშინ ზელენსკიმ.
„ცენტრალური აზიის ქვეყნები, სადაც, რა თქმა უნდა, პრობლემაა დემოკრატია, ისინიც კი იწვევენ ეუთო/ოდირის მისიას. ჩვენ დავემსგავსეთ რუსეთს – საერთოდ არ გვაინტერესებს ეუთო/ოდირის აზრი,“ – მიიჩნევს ლევან ნატროშვილი, „სამართლიანი არჩევნებისა და დემოკრატიის საერთაშორისო საზოგადოების“ აღმასრულებელი დირექტორი.
„ზოგადად, არ არის პრაქტიკა, რომ თვითმმართველობის არჩევნებზე იწვევდნენ ეუთო/ოდირს“, – განაცხადა „ქართული ოცნების“ პრემიერ-მინისტრმა ირაკლი კობახიძემ და „გადახვევად“ დაასახელა 2021 წლის თვითმმართველობის არჩევნები, როდესაც ეუთო/ოდირი აკვირდებოდა საარჩევნო პროცესს.
სინამდვილეში წელს პირველი გამონაკლისია, როდესაც „ქართული ოცნების“ ხელისუფლება ეუთოს დემოკრატიული ინსტიტუტების და ადამიანის უფლებების ოფისს (ODIHR) მუნიციპალურ არჩევნებზე დასაკვირვებლად არ იწვევს.
ლევან ნატროშვილს, „სამართლიანი არჩევნების“ ხელმძღვანელს, საუბარიც ჰქონია ეუთოს წარმომადგენლებთან: „ვიცოდი მათი აზრი, რომ ჩამოვიდოდნენ, თუმცა საბოლოო გადაწყვეტილება არ იყო მიღებული. ვიცოდი მათი აზრი, რომ ჩამოვიდოდნენ, თუ მოიწვევდნენ. თუ არ მოიწვევ, მათ ამის საშუალება არ აქვთ,“ – გვიყვება ლევან ნატროშვილი.
რას ნიშნავს „ქართული ოცნების“ ეს განაცხადი? – „ბათუმელებმა“ ლევან ნატროშვილთან ინტერვიუ ჩაწერა:
ეს განაცხადი პრობლემურია რამდენიმე მიმართულებით. ფაქტი, რომ არ აპირებენ არჩევნებზე მოიწვიონ ეუთო/ოდირის მისია. ეს, რა თქმა უნდა, ძალიან ცუდია, რადგან მისია ითვლება ყველაზე ავტორიტეტულ მისიად ევროპაში. ამ მისიას შეუძლია მნიშვნელოვნად აამაღლოს საარჩევნო პროცესების მიმართ ნდობა, მას უყურებს სხვადასხვა ქვეყნის ხელისუფლება იმისთვის, რომ შეაფასოს – როგორ ჩატარდა არჩევნები ამა თუ იმ ქვეყანაში.
შესაბამისად, ეუთო/ოდირის მისია ძალიან მნიშვნელოვანი ფაქტორია არჩევნების შედეგების ლეგიტიმაციის კუთხით. იმის თქმა, რომ არ მოვიწვევთ ეუთო/ოდირს, აჩვენებს იმას, რომ დიდად არ ღელავენ, საერთაშორისო აღიარება ექნებათ თუ არა. ეს იმას მიანიშნებს, რომ ამაზე არ ღელავენ, ან კიდევ: არ უნდათ, ეს მისია ჩამოვიდეს და ამ მისიამ, საბოლოო ჯამში, პროცესი ნეგატიურად შეაფასონ.
მეორეა ის, რომ მანიპულაციური იყო ირაკლი კობახიძის განცხადება – არგუმენტი, რომ თითქოს ადგილობრივ არჩევნებს ეუთო/ოდირი, როგორც წესი, არ აკვირდება. ცხადია, ეუთო/ოდირის პრიორიტეტი არის საერთო ეროვნული არჩევნები, რაც გაწერილია კიდეც ეუთოს კოპენჰაგენის კონფერენციის დოკუმენტში, რომლის მიხედვითაც ქვეყანა [მათ შორის, საქართველო] ვალდებულებას იღებს, მოიწვიოს საერთო ეროვნული არჩევნების დროს ეუთო/ოდირის სადამკვირვებლო მისია, მაგრამ ამავე დროს არაერთ ადგილობრივ არჩევნებს დაჰკვირვებია ეუთო/ოდირი სხვადასხვა ქვეყანაში. ბევრ ქვეყანაშია ადგილობრივი არჩევნები მნიშვნელოვანი, განსაკუთრებით კი, იმ ქვეყნებში, სადაც დემოკრატიის ხარისხი არ არის მაღალი.
საქართველოს მაგალითი რომ ავიღოთ, 2006 წლიდან ადგილობრივი თვითმმართველობის ყველა არჩევნებს ეუთო/ოდირი საქართველოში აკვირდებოდა – 2014 წლის გარდა. მე, პირადად, ახლაც მქონდა კომუნიკაცია ეუთო-ოდირთან და ვიცოდი მათი აზრი, რომ ჩამოვიდოდნენ, თუმცა საბოლოო გადაწყვეტილება არ იყო მიღებული. ვიცოდი მათი აზრი, რომ ჩამოვიდოდნენ, თუ მოიწვევდნენ. თუ არ მოიწვევ, მათ ამის საშუალება არ აქვთ. წინა საპარლამენტო არჩევნების დროს, თებერვალში მოიწვიეს ეუთო/ოდირის მისია. ახლა უკვე ივნისია და რადგან არ იყო გაგზავნილი მოწვევა, ვვარაუდობდით, რომ აღარ მოიწვევდნენ, რაც დადასტურდა კიდეც.
შესაძლოა, ესეც იყოს ერთ-ერთი მიზეზი. შესაძლოა, „ოცნებას“ არ აქვს იმის იმედი, რომ ეუთო/ოდირის მისია ისე შეაფასებს არჩევნებს, როგორც მათ სურთ. დღეს პოლიტიკური პარტიების ლიდერები ციხეებში არიან, პოლიტიკურ პარტიებსა თუ სამოქალაქო ორგანიზაციებზე ზეწოლაა, სადამკვირვებლო მისიებს საერთოდ დაუშვებენ თუ არა არჩევნებზე, უცნობია – ამ ვითარებაში, ცხადია, ეუთო/ოდირის მისია ამ ყველაფერს შეაფასებდა ნეგატიურად.
სხვა ნაცადი ინსტრუმენტი, რომელიც არის ფართოდ გამოყენებადი და სანდო, ამ პროცესში ჩართული ყველა მხარისთვის და ჩვენი პარტნიორი ქვეყნების მთავრობებისთვის, საერთაშორისო ორგანიზაციებისთვის – არ არსებობს. ეუთო/ოდირის მისია არის ყველაზე ფართომასშტაბიანი. საარჩევნო მისიები არ არის ხოლმე დიდი მისიები. ეუთო/ოდირს ყველაზე გრძელვადიანი მისია ჰყავს და ყველა პროცესს აკვირდებიან, როგორც წინასაარჩევნო პერიოდს, ისე არჩევნების დღეს და პოსტსაარჩევნო პერიოდს. ითვლება, რომ ყველაზე ავტორიტეტულია მათი დასკვნები.
ამას ემატება ისიც, რომ წელს სხვა მისიები, როგორც იყო წინა არჩევნებში NDI, ან IRI, სხვადასხვა მიზეზის გამო ვერ იქნებიან წარმოდგენილნი. ძირითადად იმის გამო, რომ აშშ-ში შეწყდა კონკრეტული პროგრამები. გამოდის, რომ სანდო სადამკვირვებლო მისიები არ გვეყოლება ამ არჩევნებზე.
ამ გზას არ ირჩევენ ცხადია დემოკრატიული მთავრობები. ამ სახის გადაწყვეტილებებს იღებენ რუსეთში, ბელარუსში და ქვეყნებში, სადაც ავტორიტარული რეჟიმებია. სხვათა შორის, რუსეთი და ბელარუსიც კი იწვევდნენ მათ გარკვეული პერიოდი, ბოლო ხანებში უკვე აღარ იწვევენ – მათ ინტერესებში აღარ შედის მცირედითაც მათი მოსმენა.
წარმოიდგინეთ, ცენტრალური აზიის ქვეყნები, სადაც, რა თქმა უნდა, პრობლემაა დემოკრატია, ისინიც კი იწვევენ ეუთო/ოდირის მისიას. ჩვენ დავემსგავსეთ რუსეთს – საერთოდ არ გვაინტერესებს ეუთო/ოდირის აზრი.
როგორც ჩანს, „ოცნებას“ არ აინტერესებს ლეგიტიმაცია საერთაშორისო პარტნიორების, ამომრჩევლების მხრიდან. ისინი საკუთარი პარტიის ამომრჩეველში სხვა გზებით აპირებენ ლეგიტიმაციის მოპოვებას.
ჩვენი პოზიცია იგივეა, რაც აქამდე დავაფიქსირეთ: პოლიტიკური პარტიების ფლანგზე პროცესი მიმდინარეობს და ჯერ კიდევ არ არის გადაწყვეტილი, მიიღებენ თუ არა ოპოზიციური პოლიტიკური პარტიები მონაწილეობას ამ არჩევნებში. ჩვენ დავაკვირდებით ისეთ არჩევნებს, რომელიც თეორიულად იქნება კონკურენტული. თუ ძირითადი პოლიტიკური პარტიები გადაწყვეტენ, რომ მონაწილეობა არ მიიღონ და არ დარეგისტრირდებიან ამ არჩევნებში, ან მხოლოდ მცირე ნაწილი დარეგისტრირდება, კონკურენტული არ იქნება არჩევნები.
ეს აღარ იქნება რეალური, ნამდვილი არჩევნები. სამწუხაროდ, ასეთ შემთხვევაში არჩევნების ბედი წინასწარ იქნება გადაწყვეტილი და არჩევნებზე დაკვირვება დიდ აზრს არ შეიცავს.
სამწუხაროდ, ვერ ვხედავთ პირობებს, რომ გვქონდეს კონკურენტული არჩევნები. აქ საუბარია უკვე არა სამართლიანი და დემოკრატიული არჩევნების სტანდარტზე, არამედ ელემენტარულად იმაზე ვსაუბრობთ, რომ ბიულეტენში ეწეროს პარტიები, რომლებსაც პოპულარობა გააჩნიათ. ის, რაც ახლა ხდება, ამ შანსს მნიშვნელოვნად ამცირებს. როგორც ვითარდება პოლიტიკური სიტუაცია და მასთან დაკავშირებული პროცესი, ოპტიმიზმის საფუძველს არ გვაძლევს.
2 პარტიის მონაწილეობა საკმარისი არ იქნება, თუმცა ჯერჯერობით ველოდებით პროცესს, ჯერ არ გვაქვს მიღებული საბოლოო გადაწყვეტილება.
როდესაც ყველაზე მაღალრეიტინგული 2 ოპოზიციური პოლიტიკური პარტია აცხადებს, რომ არ მიიღებს არჩევნებში მონაწილეობას, მაღალი ალბათობით აღარ იქნება არჩევნები კონკურენტული. ეს სერიოზული დარტყმაა კონკურენტულობის გათვალისწინებით. ამ შემთხვევაში დიდად აზრი აღარ ექნება არჩევნების ჩატარებას კონკურენციის გადმოსახედიდან.
ამ თემაზე:
პირველი შემთხვევაა, როცა „ოცნება“ ეუთო/ოდირს არჩევნებზე არ იწვევს
სამი ადამიანი გარდაიცვალა 18 ივნისს, გვიან ღამით, ქობულეთის შემოვლით გზაზე მომხდარი ავტოავარიისას. გარდაცვლილთაგან ერთი ბავშვია.
ერთმანეთს ორი ავტომობილი შეეჯახა. ავარიისას ასევე დაშავდა ორი ადამიანი, რომლებიც კლინიკაში არიან მოთავსებულნი.
ბოლო სამ დღეში ეს მეორე ავარიაა, რომელიც ქობულეთის შემოვლით გზაზე მოხდა და მსხვერპლით დასრულდა.
„დასრულდება ავტობანის მშენებლობა“ – „ოცნების“ შეუსრულებელი საარჩევნო დაპირება
უკრაინის შეიარაღებული ძალების გენერალური შტაბის დღევანდელი მონაცემებით, ომის დაწყებიდან 2025 წლის 19 ივნისამდე პერიოდში, რუსეთის არმიის საბრძოლო დანაკარგი არის:
უკრაინის გენერალური შტაბის განცხადებით, საომარი მოქმედებების მაღალი ინტენსივობის გამო მონაცემები იცვლება.
უკრაინის სამხედრო დანაკარგებზე ინფორმაცია განაახლა რუსეთმაც.
რუსეთის თავდაცვის სამინისტროს მიერ გავრცელებული მონაცემებით, ომის დაწყებიდან 2025 წლის 19 ივნისამდე პერიოდში სულ განადგურებულია უკრაინის:
რუსეთის თავდაცვა, ამ მონაცემებთან ერთად, უკრაინის არმიის ცოცხალი ძალის დანაკარგების შესახებ სტატისტიკას არ აქვეყნებს.
ეს ის მონაცემებია, რომელსაც უკრაინა და რუსეთი ოფიციალურად ავრცელებენ, თუმცა ომის პირობებში შეუძლებელია ზუსტად გადამოწმება, რამდენად შეესაბამება მხარეების მიერ გავრცელებული ინფორმაცია დანაკარგების შესახებ რეალურ რიცხვებს.
—
რუსეთი უკრაინაში 2022 წლის 24 თებერვალს გამთენიისას შეიჭრა და სრულმასშტაბიანი ომი დაიწყო.
ამავე თემაზე:
18 ივნისს ბრიუსელში, ევროპარლამენტში, დებატები გაიმართა მზია ამაღლობელის საქმისა და ქართული მედიის მდგომარეობის შესახებ.
ევროპარლამენტარებმა თავიანთი მოსაზრებები დააფიქსირეს საქართველოში მედიის მდგომარეობის შესახებ. დებატებისას თითქმის ყველა მათგანი შეეხო მზია ამაღლობელის საქმეს.
ევროკომისია მზია ამაღლობელის გათავისუფლებისკენ მოუწოდებს და მხარდაჭერას უცხადებს დამოუკიდებელ მედიას საქართველოში – ევროპარლამენტში გამართულ დებატებზე კომისიის პოზიცია სტარტაპების, კვლევისა და ინოვაციის ევროკომისარმა ეკატერინა ზაჰარიევამ გაახმიანა.
„მედიის თავისუფლება საქართველოში სერიოზული საფრთხის ქვეშაა. დამოუკიდებელი მედიის წარმომადგენლები სამიზნედ იქცევიან მხოლოდ იმიტომ, რომ სიმართლეს ავრცელებენ და ახმოვანებენ მათ, ვისი ხმაც არ ისმის.
მზია ამაღლობელი ერთ-ერთი ასეთი ჟურნალისტია, რომელიც დაპატიმრებულია სიმართლისა და სამართლიანობისადმი მისი ერთგულების გამო. მისი საქმე თავისუფალი გამოხატვის სივრცის შემცირების სიმბოლოა. ეს მიუღებელია ქვეყნისთვის, რომელიც ევროკავშირში გაწევრიანებისკენ ისწრაფვის და ჩვენ მოვუწოდებთ მისი გათავისუფლებისკენ.
დამოუკიდებელი ჟურნალისტიკა და მაუწყებლობა სასიცოცხლოდ მნიშვნელოვანია არა მხოლოდ უსამართლობის გამოაშკარავებისთვის, არამედ ხელისუფლების წარმომადგენლების მიერ ევროკავშირის შესახებ გავრცელებული დეზინფორმაციის მზარდ ტალღასთან საბრძოლოდ. ჩვენ მტკიცედ ვდგავართ საქართველოს დამოუკიდებელი მედიის გვერდში“, — განაცხადა ევროკომისარმა.
მან აღნიშნა, რომ საქართველოში ვითარება საგანგაშო სიჩქარით უარესდება და „ქართული ოცნების“ პირობებში ქვეყანა დემოკრატიულ ნორმებს უფრო და უფრო შორდება.
ევროკომისარმა ხაზი გაუსვა, რომ ბოლო თვეებში ჟურნალისტები, სამოქალაქო აქტივისტები და ოპოზიციური ხმები განიცდიან შევიწროებას, დაშინებას და პოლიტიკურად მოტივირებულ სამართლებრივ დევნას.
„ახალგაზრდა დემონსტრანტებს არაპროპორციულად მკაცრი სასჯელის წინაშე აყენებენ. დამოუკიდებელ მედიას და პოლიტიკურ კრიტიკოსებს ასამართლებენ — ეს ტაქტიკა აშკარად მიზნად ისახავს განსხვავებული აზრის ჩახშობას და დემოკრატიული სივრცის შემცირებას.
ეს არ შეესაბამება იმას, რასაც ევროკავშირი და, რაც მთავარია, ქართველი მოქალაქეები მოელიან ქვეყნისგან, რომელიც ევროკავშირში გაწევრიანებას ცდილობს. ჩვენ ვხედავთ დემოკრატიულ ინსტიტუტებსა და ფუნდამენტურ უფლებებზე სისტემურ შეტევას. უცხოელი აგენტების რეგისტრაციის კანონი, სამაუწყებლო და სამოქალაქო სექტორის დაფინანსების შესახებ კანონებთან ერთად, კრიმინალურ პასუხისმგებლობას აწესებს, რაც ემუქრება დამოუკიდებელი მედიისა და არასამთავრობო ორგანიზაციების არსებობას საქართველოში. ეს ზომები დემოკრატიული მმართველობის საფუძვლებს ურტყამს. ჩვენ დაჟინებით მოვუწოდებთ საქართველოს ხელისუფლებას, გააუქმოს ეს კანონები, უზრუნველყოს კანონის უზენაესობა და დაიცვას მოქალაქეთა ფუნდამენტური უფლებები“, — განაცხადა მან.
ზაჰარიევას თქმით, საქართველოს ევროპული გზა კვლავ ღიაა, მაგრამ ხელისუფლებამ უნდა აირჩიოს, გაუყვეს მას.
„გარე ძალის იდეა დიდი თემაა ავტორიტარული რეჟიმებისთვის. ეს რომ შეიცვალოს, გვჭირდება ნამდვილი ჟურნალისტიკა, რომელსაც მზია ამაღლობელივით პროფესიონალი ჟურნალისტები ქმნიან”, – ამის შესახებ ესპანელმა სოციალ-დემოკრატმა ევროპარლამენტარმა, ნაჩო სანჩეს-ამორმა განაცხადა.
ლიეტუველი ევროპარლამენტარის, დაინიუს ჟალიმასის განცხადებით, ახალი, თავისუფალი და სამართლიანი საპარლამენტო არჩევნების ჩატარება ერთადერთი გზაა საქართველოში დემოკრატიის აღსადგენად.
„ჩვენ მოწმე ვართ თავდასხმებისა კანონის უზენაესობაზე, დამოუკიდებელიმედიაზე, არასამთავრობო ორგანიზაციებსა და შეკრებისა და მანიფესტაციების თავისუფლებებზე. „ქართული კოშმარი“ სწრაფად გარდაქმნის ქვეყანას ავტოკრატიად. ერთპარტიული სისტემა აშკარად შეუთავსებელია პლურალისტურ დემოკრატიასთან. ჩვენმა პარლამენტმა უკვე არაერთხელ მოითხოვა ყველა პოლიტიკური პატიმრის დაუყოვნებელი გათავისუფლება და ახალი, თავისუფალი და სამართლიანი საპარლამენტო არჩევნების ჩატარება. ეს არის ერთადერთი გზა დემოკრატიის აღსადგენად.
ევროპარლამენტმა საქართველოს მოქმედი პარლამენტი და პრეზიდენტი არალეგიტიმურად გამოაცხადა. თუმცა არც ისე ბევრი წევრი სახელმწიფო იზიარებს პარლამენტის პოზიციას, და არც კომისია, რომელიც მხარს უჭერს ელჩების აკრედიტაციას საქართველოს არალეგიტიმურ პრეზიდენტთან. მხოლოდ რამდენიმე წევრ სახელმწიფოს დაუწესებია სანქციები. ამიტომ, ჩანს, რომ ევროკავშირი საქართველოს თითქოსდა დაკარგულ ქვეყნად განიხილავს. მაგრამ ეს არის დიდი შეცდომა.
ქართული სამოქალაქო საზოგადოება აგრძელებს ბრძოლას. მათ არც საკუთარი თავი დაუკარგავთ და არც ევროპული მისწრაფებები. ჩვენ არ უნდა მივატოვოთ ისინი, თუ მართლა გვსურს დემოკრატიის მხარდაჭერა“, — განაცხადა ჟალიმასმა.
დებატებზე გამოვიდა ავსტრიელი ევროპარლამენტარი, ლენა შილინგიც, რომელიც ღიად უჭერს მხარს მზია ამაღლობელს და ბათუმშიც იყო ჩამოსული მის სასამართლო პროცესზე დასასწრებად.
„მზია ამაღლობელი არის საქართველოს ერთადერთი ჟურნალისტი, რომელიც პოლიტპატიმარია. მისი დაკავება ცხადად პოლიტიკურია და შეთხზულ ბრალდებებზეა დაფუძნებული. მე ვიყავი საქართველოში და იქ მის ერთ-ერთ პროცესს დავესწარი. მისი შემთხვევა პირდაპირი შეტევაა პრესის თავისუფლებაზე.
მზია არის იმ მოძრაობის სახე, რომელიც რეპრესიების მიუხედავად, აგრძელებს ბრძოლას დემოკრატიისა და ევროპული მომავლისათვის. ის გამოარჩიეს, რადგან სიმართლის სადარაჯოზე დგას და გაჩუმებას ეწინააღმდეგება.
დღეს ასობით პოლიტიკოსი, აქტივისტი თუ ხელოვანია დაკავებული დემოკრატიისთვის ბრძოლის გამო. ქართველი ხალხი იბრძვის იმ ღირებულებებისთვის, რისთვისაც ევროპარლამენტი არსებობს – თავისუფლება, ადამიანის უფლებები და კანონის სამართალი. მზია ამაღლობელის მხარდაჭერა ნიშნავს დემოკრატიული, თავისუფალი და ევროპული საქართველოს გვერდით დგომას. საჭიროა აქ გადავდგათ ნაბიჯი მის მხარდასაჭერად”, – განაცხადა ლენა შილინგმა დებატებზე.
ლიეტუველმა ევროპარლამენტარმა
შერჩევითი სასამართლო ზეწოლა იქცა ხელისუფლების Modus operandi-ად (მოქმედების ხერხად).
ამაღლობელის დაპატიმრება და დაუსაბუთებელი პატიმრობა არ არის ერთჯერადი შემთხვევა. ეს არის ავტორიტარული რეჟიმის მკაფიო მახასიათებელი.
შესაბამისად, სანამ საქართველოში ინსტიტუციური კოლაფსი სრულად დადგება, უნდა გავაძლიეროთ ზეწოლა იმ პირებზე, ვინც ამ რეჟიმს თანდათან ამყარებს და უნდა შევთანხმდეთ მიზნობრივ სანქციებზე.
ქართველმა ხალხმა, რომელიც საკუთარი სიცოცხლის რისკის ფასად ქუჩაში გამოვიდა, დაამტკიცა, რომ არ მიუტოვებია თავისი ევროპული მისწრაფებები და ჩვენ ყველაფერი უნდა გავაკეთოთ, რათა დავეხმაროთ მათ ამ მისწრაფებების შენარჩუნებაში“, — განაცხადა ევროპარლამენტარმა.
დებატებზე გამოვიდა პოლონელი დეპუტატი ევროპელი კონსერვატორებისა და რეფორმისტების ჯგუფიდან (ECR), მალგოჟატა გოშიევსკა. მან განაცხადა, რომ საქართველოში დემოკრატიის შუქი ქრება:
„საქართველოში დემოკრატიის შუქი ქრება.
„ქართული ოცნების“ დომინირებით მოქმედი ხელისუფლება სასტიკად არბევს პრო-დემოკრატიულ პროტესტებს და აწარმოებს ღია ომს თავისუფალი მედიის წინააღმდეგ.
მზია ამაღლობელი, პატივსაცემი ჟურნალისტი, მხოლოდ იმიტომ დააპატიმრეს, რომ მას ჰყოფნიდა გამბედაობა, გამოსულიყო პროტესტზე. დრამატულ მიმართვაში მან განაცხადა: „არ ვაპირებ მივიღო რეჟიმის დღის წესრიგი. ვშიმშილობ. სიცოცხლეზე ღირებული თავისუფლებაა“.
„ქართული ოცნება“, რომელიც ბიძინა ივანიშვილის მიერ კულისებიდან იმართება, აშკარად აშორებს საქართველოს ევროპულ გზას. ქვეყანა, რომელსაც ოდესღაც ჰქონდა ამბიცია, გაწევრებულიყო ევროკავშირსა და ნატოში, დღეს მოსკოვის სატელიტად არის ქცეული. ჩვენ ვერ დავრჩებით უქმად. საქართველო იბრძვის დემოკრატიისთვის, სიტყვის თავისუფლებისთვის, ნორმალური ცხოვრებისათვის. დიქტატურის მხარდაჭერა და მორჩილება დანაშაულია. დუმილი და უმოქმედობა — ასევე დანაშაულია“, — დასძინა გოშიევსკამ .
„ჟურნალისტი მზია ამაღლობელი არის სიმბოლო ყველა იმ პატიმრის, რომელიც ბიძინა ივანიშვილის რეჟიმმა დააპატიმრა. სიტუაცია ყოველდღიურად უარესდება“ – განაცხადა ლიეტუველმა ევროპარლამენტარმა EPP-დან ევროპარლამენტში დებატებზე.
„არ მესმის ევროპის საბჭოს და მისი წევრების სიჩუმე. მზია ამაღლობელი და მისი მეგობრები იმსახურებენ პატივისცემასა და დახმარებას. სერიოზული სანქციებია საჭირო რეჟიმის წინააღმდეგ. ყველა მხრიდან წნეხია საჭირო. არ უნდა ვთხოვოთ რეჟიმს, რომ ევროკავშირის გზაზე დაბრუნდეს, რადგან ისინი არ დაბრუნდებიან. ეს კრემლის რეჟიმია. მათ მოატყუეს თავიანთი ამომრჩეველი ევროკავშირის მიმართ მათი დამოკიდებულების შესახებ, მოგვატყუეს ჩვენც ევროპარლამენტში.
მხოლოდ ახალი არჩევნები დაეხმარება საქართველოს მოსახლეობას, რომ უკან დაბრუნდეს. საქართველოში თითქმის არ დარჩა დამოუკიდებელი მედია. მხოლოდ “სპუტნიკის” მსგავსი პროპაგანდისტული მედიები დარჩა. არ მესმის, ისინი, ვინც ევროკავშირზე “შხამს” ავრცელებენ, რატომ არიან აქტიურები ისევ აქ, ევროპარლამენტში? ქართველი ხალხი მარტო არ უნდა დარჩეს”, – განაცხადა მან.
„კოლეგებო, მედიის თავისუფლება არ არის ფუფუნება. ეს არის დემოკრატიის აუცილებლობა. მას სინათლე შეაქვს და ამხელს, სადაც კორუფცია და ავტოკრატია იმალება. სწორედ ამიტომ ჰყავს ქართულ ხელისუფლებას უკვე 150 დღეა პატიმრობაში მზია ამაღლობელი – ქვეყნის ერთ-ერთი ყველაზე პატივსაცემი ჟურნალისტი.
და მზიას საქმე არ არის ცალკეული შემთხვევა. 400-ზე მეტი ქართველი – ჟურნალისტები, ოპოზიციური ფიგურები, მაგრამ ასევე რიგითი მოქალაქეები – დაკავებულნი, წამებულნი ან დაპატიმრებულნი არიან.
„ქართულ ოცნებას“ ისე ეშინია თავისუფალი მედიის, როგორც ვამპირს სინათლის, რადგან იცის, რომ მხოლოდ ჩრდილში შეუძლიათ გადარჩენა — ოლიგარქ ბიძინა ივანიშვილის ჩრდილში, რომელიც ღიად გამოსვლას ვერ ბედავს, რადგან იცის, ქართველებს არ სურთ იგი; და პუტინის რეჟიმის ჩრდილში, რომელიც იყენებს დეზინფორმაციას, მუქარას, მანიპულაციას, რადგან იცის, რომ ქართველები არასდროს აირჩევდნენ რუსების მსგავს ცხოვრებას, თუკი მათ ექნებოდათ თავისუფალი არჩევანი.
თავისუფალი მედიისა და თავისუფალი საზოგადოების სინათლე ყველაზე ძლიერ იარაღს წარმოადგენს ტირანიის წინააღმდეგ. მხოლოდ შეგვიძლია მოვუწოდოთ ქართულ ხელისუფლებას, რომ გამოვიდნენ ჩრდილიდან, გააუქმონ პოლიტიკურად მოტივირებული ბრალდებები და მისცენ ქართველ ხალხს შესაძლებლობა, თავისუფლად აირჩიონ საკუთარი მომავალი სინათლეში“, — განაცხადა ევროპარლამენტარმა ტობიას კრემერმა (გერმანია, სოციალისტებისა და დემოკრატების პროგრესული ალიანსი) მზია ამაღლობელის საქმეზე გამართულ დებატებზე.
19 ივნისს, ხუთშაბათს, ევროპარლამენტი კენჭს უყრის რეზოლუციას მზია ამაღლობელისა და საქართველოში მედიის თავისუფლების საკითხზე. არსებობს რეზოლუციის 7 პროექტი, რომლებზეც ევროპარლამენტარები დებატების დროს იმსჯელებენ.
ამავე თემაზე:
ევროპარლამენტში მზია ამაღლობელის საქმესა და მედიის თავისუფლებაზე 7 რეზოლუცია დარეგისტრირდა
