არასამთავრობო ორგანიზაცია „ბათუმის დამოუკიდებელი ცხოვრების ცენტრის“ ინფორმაციით, აჭარის რეგიონში მცხოვრებ შეზღუდული შესაძლებლობის მქონე პირებს დახმარება ესაჭიროებათ.

ცენტრის განცხადებით, ბოლო კვირის განმავლობაში დასავლეთ საქართველოში დაფიქსირებული დიდთოვლობის გამო ადამიანები, განსაკუთრებით კი შშმ პირები რთულ მდგომარეობაში აღმოჩნდნენ.

„ბათუმის დამოუკიდებელი ცხოვრების ცენტრი“  ოპერატიულად დაუკავშირდა  ორგანიზაციის 300-მდე მომხმარებელს აჭარის რეგიონში და გამოავლინა მათი  გადაუდებელი საჭიროებები“- ნათქვამია ცენტრის განცხადებაში.

მათივე ინფორმაციით შშმ პირებს სჭირდებათ:

• 16 პირს/ოჯახს ესაჭიროება პირველადი საკვები პროდუქტები;
• 2 პირს/ოჯახს ესაჭიროება სასმელი წყალი;
• 9 პირს ესაჭიროება სხვადასხვა სახის მედიკამენტები (მათ შორის ტკივილგამაყუჩებლები);
• 6 პირს ესაჭიროება ჰიგიენური საშუალებები (მაგალითად „პამპერსი“, ჭრილობის შესახვევი დოლბანდები და ა.შ.)
• 7 პირს ესაჭიროება სატრანსპორტო მომსახურება და სხვა სახის მხარდაჭერა (ექიმთან ვიზიტი, რეაბილიტაციის პროცედურების გავლა, სხვადასხვა სახის ტექნიკის შეკეთება და სხვა).

„სამწუხაროდ, ზემოთაღნიშნული 40-მდე შშმ პირის საჭიროების დაკმაყოფილებას ამ ეტაპზე ვერ ახერხებენ შესაბამისი მუნიციპალიტეტები. ამიტომ ორგანიზაცია მოუწოდებს ყველას, სამთავრობო და არასამთავრობო სექტორს,  ფიზიკურ და იურიდიულ პირებს, მათ შორის ბიზნესსექტორს  მათი შესაძლებლობის ფარგლებში დაგვეხმარონ შშმ პირთა ზემოთაღნიშნული საჭიროებების დაკმაყოფილებაში“-აცხადებს „ბათუმის დამოუკიდებელი ცხოვრების ცენტრი“.

მათივე ინფორმაციით, შშმ პირების დახმარების მიზნით, თანხის გადარიცხვა შეგიძლიათ ორგანიზაციის ანგარიშზე TBC  ბანკში: GE40TB7143936020100007

გარდა ამისა  სურვილის შემთხვევაში  მითითებული ნივთები, პროდუქტი შეგიძლიათ მატერიალური სახით მოიტანოთ ორგანიზაციის ოფისში, სამუშაო დღეებში, 11:00-18:00 საათებში. მისამართზე – ბათუმი, ლერმონტოვის ქ.N67/69.“

ბათუმის საპროტესტო აქციების მედროშე თემურ ქათამაძე (გაფფარ ილმაზი) 45 დღეა პროტესტის ნიშნად შიმშილობს და მის სიცოცხლეს საფრთხე ემუქრება.

ბათუმის საკრებულოს წევრი პარტია „საქართველოსთვის“ აკაკი გვიანიძე, რომელიც გუშინ იმყოფებოდა თემურ ქათამაძის მოსანახულებლად, „ბათუმელებთან“ საუბარში ამბობს, რომ მისი მდგომარეობა ძალიან მძიმეა.

„რამდენიმე დღეში დამოუკიდებლად ვეღარ გაივლის და ეს თვითონაც დამიდასტურა. ძალიან მძიმედ არის ჩემი აზრით“-გვეუბნება აკაკი გვიანიძე.

13 თებერვლის მდგომარეობით თემურ ქათამაძეს შიმშილობის გამო 17 კილოგრამი ჰქონდა დაკლებული.  მას შემდეგ 16 დღეა გასული და ოფიციალურად არ მოგვეპოვება ინფორმაცია მისი ჯანმრთელობის მდგომარეობის შესახებ, რადგან როგორც ადვოკატი ამბობს, თემურ ქათამაძე პროტესტის გამო უარს აცხადებს გამოკვლევებზე და ექიმთან შეხვედრაზე, რადგან როგორც საიამ განაცხადა, როცა თემურ ქათამაძე 15 თებერვალს გადაიყვანეს სამედიცინო დაწესებულებაში, კლინიკამ მის დატოვებაზე უარი განაცხადა. შესაბამისად, თემურ ქათამაძე ამის შემდეგ, პროტესტის ნიშნად, უარს აცხადებს კვლევების ჩატარებაზე.

„გონება ნათელი აქვს და შეუძლია საუბარი, წერა, ამ მხრივ მხნედ არის, მაგრამ აქ ძალიან დიდია რისკი, რადგან როგორც ექიმები ამბობენ, შესაძლოა თავად ვერ გრძნობდეს მოშიმშილე რისკებს, მაგრამ როცა ამდენი ხნით შიმშილობს ადამიანი, შეიძლება უცებ გახდეს ცუდად.

არანაირი სამედიცინო მონიტორინგი არ მიდის და ეს არის მთავარი პრობლემა, ეს ამძიმებს მდგომარეობას“-ამბობს აკაკი გვიანიძე.

თემურ ქათამაძე ამ ეტაპზე მხოლოდ წყალს იღებს.

თემურ ქათამაძე ქართველი მუჰაჯირების შთამომავალია. ის ათ წელზე მეტია რაც საქართველოში ცხოვრობს, ჩაბარებული აქვს საქართველოს მოქალაქეობის მიღებისთვის საჭირო ტესტები, გამართულად ფლობს სახელმწიფო ენასაც, თუმცა „ქართული ოცნების“ ხელისუფლება მას მოქალაქეობის მინიჭებაზე უარს ეუბნება.

თემურ ქათამაძეს ეს საკითხი სასამართლოში აქვს გასაჩივრებული.

მას შემდეგ რაც, არჩევნების გაყალბების გამო საქართველოში მასობრივი საპროტესტო აქციები დაიწყო, თემურ ქათამაძე აქტიურად მონაწილეობდა პროევროპულ გამოსვლებში, რადგან მიიჩნევს, რომ საქართველოს მომავალი ევროკავშირშია.

ის 11 იანვარს ბათუმში, პოლიციის სამმართველოსთან დააკავეს და რამდენიმე დღე იზოლატორში გაატარა. დაკავებისას, როგორც ის აღნიშნავდა, მასზე ფიზიკურად იძალადა ბათუმის პოლიციის უფროსმა ირაკლი დგებუაძემ, ასევე მიაყენეს სიტყვიერი შეურაცხყოფაც.

იზოლატორიდან გამოსვლისთანავე კი თემურ ქათამაძე მეორედ დააკავეს, ამჟამად მას საქართველოში უკანონოდ ცხოვრებას ედავებიან. ქათამაძე შს სამინისტროს მიგრაციის დროებითი განთავსების იზოლატორშია და 3-თვიანი პატიმრობა აქვს მისჯილი.

„ოცნების“ ხელისუფლება მისი ქვეყნიდან გაძევების საკითხს განიხილავს, რასაც აპროტესტებს თემურ ქათამაძე.

პატიმრობის პერიოდში მან ასევე მოითხოვა ჰუმანიტარული და ლტოლვილის სტატუსი, რაზეც ასევე უარს ეუბნებიან და სწორედ ამაზე პროტესტის ნიშნად შიმშილობს ის.

თემურ ქათამაძის უფლებებს საია იცავს.

„მუდმივარ ფიქრობს ამ პროცესზე და იმ საქმეზე, რასაც თურქეთიდან მოყოლებული აქაც ემსახურება. ის ქართული დროში ტარების და საქართველოს სიყვარულის გამო ჰყავთ დაკავებული. ეს სასამართლო პროცესები დროსთან იქნება დაკავშირებული, მაგრამ ახლა, საფრთხე ექმნება მის სიცოცხლეს.

დიდი უსამართლობაა რაც მის გარშემო ხდება. ამიტომ ის ცდილობს თავისი პროტესტით მიიპყროს ყურადღება.

თემურ ქათამაძეს გერმანიის საელჩოსთვისაც აქვს მიმართული და ითხოვს პოლიტიკურ თავშესაფარს, თუმცა რა შედეგით დასრულდება, ჯერ არ ვიცით“-ამბობს აკაკი გვიანიძე.

მისი თქმით, თემურ ქათამაძე მადლიერია სოლიდარობისთვის, რასაც მის მიმართ გამოხატავენ ადამიანები და ძალიან ახარებს მოქალაქეების წერილები, რომელსაც მას იზოლატორში უგზავნიან.

„აქციაც გაიმართა იზოლატორთან. იტირა კიდეც სტუდენტების დანახვაზე, შორიდან ეფერება თითოეულ მათგანს და ძალიან ემოციური იყო მისთვის ეს ყველაფერი. ვცდილობთ, მაქსიმალურად მიაქციონ ყურადღება ამ ფაქტს, რადგან ნებისმიერ დროს შეიძლება ძალიან დამძიმდეს თემურის მდგომარეობა“-ამბობს აკაკი გვიანიძე.

ბათუმი-გონიოს დამაკავშირებელი ხიდი, გარკვეულ მონაკვეთში გადახსნილია.

ხიდი ფოლადისა და რკინა-ბეტონისგან შედგება. ერთ მონაკვეთზე სწორედ ბეტონებს შორის არსებულ ფოლადის გადაბმებში ხიდი გადახსნილია.

ფოლადის გადაბმებს შორის დაშორება საკმაოდ დიდია და ეს ერთი შეხედვითაც ჩანს.

იმ ნაწილში, სადაც ფოლადის კბილანები დაშორებულია ერთმანეთს, ადვილად შესამჩნევია ხიდის ქვემოთა ნაწილიც.

ხიდზე ავტომანქანები გადაადგილდებიან, ანუ მოძრაობა არ არის შეფერხებული, თუმცა ის, რომ ხიდი დაზიანებულია, ამის შესახებ არსად არ არის მინიშნება.

„ბათუმელები“ დაუკავშირდა საქართველოს საავტომობილო გზების დეპარტამენტს და ჰკითხა, აქვს თუ არა ინფორმაცია ხიდის დაზიანების თაობაზე და რა კონკრეტული ღონისძიებები მიმდინარეობს ამ დაზიანების აღმოსაფხვრელად?

„როგორც ჩვენმა სპეციალისტებმა მითხრეს, ხიდი არ არის დაზიანებული. ეს ხიდის სადეფორმაციო ნაკერია და ხან გაწეულია და ხან შეერთებული.
ამ შემთხვევაში არ არის დაზიანებული, ხიდის დრეკადობისთვის და მეტი გამძლეობისთვის არის ნაკერი მოძრავი“-გვითხრეს გზების დეპარტამენტში.

საქართველოს რეგიონალური განვითარებისა და ინფრასტრუქტურის სამინისტროს ინფორმაციით, ხიდი ფოლადის და რკინა-ბეტონისგან შედგება და მდინარე ჭოროხზე, სენაკი-ფოთი-სარფის საავტომობილო გზის 112-ე კმ-ზე მდებარეობს.

ხიდის სიგრძე 450 მეტრია, სავალი ნაწილის სიგანე 11,5 მეტრი.

ხიდი 1989 წელს აიგო და მისი რეაბილიტაცია 2013-2014 წლებში განხორციელდა, სარეაბილიტაციო სამუშაოებს კომპანია „ზიმო“ ასრულებდა, თუმცა რეაბილიტაციის პროცესი შეფერხებებით მიმდინარეობდა.

აღნიშნულ წლებში, გონიოს ხიდის აღდგენისთვის ბიუჯეტიდან ჯამში 2 მილიონ 399 ათას 573 ლარი უნდა დახარჯულიყო.

იხილეთ ვიდეო:

დღეს, პირველ მარტს, ბათუმში, 26 მაისის ქუჩაზე 40 წლამდე ქალს, რომელიც ქუჩაში გადაადგილდებოდა, შენობის სახურავიდან ჩამოვარდნილი თოვლის მასა დაეცა თავში.

როგორც თვითმხილველი „ბათუმელებს“ ეუბნება, დაშავებული ქალი სასწრაფო დახმარების მანქანით საავადმყოფოში გადაიყვანეს.

ბათუმში ბოლო რამდენიმე დღე ინტენსიური თოვის შედეგად, ნახევარ მეტრზე დიდი თოვლი მოვიდა.

სახლის სახურავები რადგან გაწმენდილი არ არის, თოვლის მასა შენობის სახურავებიდან დნობის შედეგად ძირს ვარდება. სახიფათო ადგილები კი არ არის შემოსაზღვრული ლენტით.

ამიტომ მოქალაქეებმა, რომლებიც შენობების გასწრივ ტროტუარებზე გადაადგილდებიან, უნდა გამოიჩინონ სიფთხილე.

______________

ამ თემაზე:

„ბათუმის ავტოტრანსპორტის“ ცნობით, მუნიციპალურმა ავტობუსებმა: №2, №2ა, №7, №7ა, №9 და №15 მოძრაობა განაახლეს.

რაც შეეხება მარშრუტს, „ავტოტრანსპორტის“ ცნობით:

• №2 – იმოძრავებს აეროპორტის წრიულიდან ჭავჭავაძის ქუჩის გავლით თაბუკაშვილის ქუჩამდე.
• №2ა – იმოძრავებს კაჩინსკების ქუჩიდან ჭავჭავაძის ქუჩის გავლით თაბუკაშვილის ქუჩამდე.
• №7 და №7ა – გადაადგილდებიან ჩვეული მარშრუტით.
• №9 – იმოძრავებს ნონეშვილის ქუჩიდან გორგილაძის ქუჩის გავლით აეროპორტის წრიულამდე.
• №15 – იმოძრავებს ზედა ღელის ასახვევიდან გორგილაძის ქუჩის გავლით ნონეშვილის ქუჩამდე.

ასევე, „ბათუმის ავტოტრანსპორტი“ იუწყება, რომ ამ ეტაპზე 27 სამარშრუტო ხაზიდან 21-ზე მოძრაობა უკვე აღდგენილია, ხოლო დარჩენილ მიმართულებებზე ავტობუსების მოძრაობა ეტაპობრივად განახლდება.

ბათუმში 3 დღის განმავლობაში შეჩერებული იყო მუნიციპალური ტრანსპორტის მოძრაობა. ავტობუსების მოძრაობა ქალაქში გუშინ, 27 თებერვალს განახლდა.

____________________________________

ფოტო: „ბათუმის ავტოტრანსპორტი“/facebook

„ორ ოჯახს სჭირდება სოფელ კალაგონში სასწრაფოდ შველა, 80 წლის მოხუცებმა დაგვირეკეს, მედიკამენტები გვჭირდებაო, მაგრამ ვერ მივდივართ, გზა არ არის,“ – ამბობს მოხალისე ვაკო ხუნდაძე, რომელიც ახლა გურიაში, ჩოხატაურის მუნიციპალიტეტში იმყოფება.

როცა „ოცნების“ მთავრობა დიდთოვლობით გამოწვეულ პრობლემას ეფექტურად ვერ აგვარებს, მოხალისეები გურიაში მოქალაქეების დახმარებას ცდილობენ. ვაკო ხუნდაძის თქმით, ამ დრომდე ვერ ხერხდება გზის გაწმენდა ჩოხატაურის მუნიციპალიტეტში, სოფელ კალაგონში.

„შუქიც არ აქვთ, ერთ მოხუცს ძველი მობილური ტელეფონი მოუძებნია და იქიდან დაგვირეკა მოხალისეებს, გვიშველეთო. ამ ორ ოჯახში ორი მოხუცია, სხვებთან მივიტანეთ საკვებიც და მედიკამენტებიც.

ამ მოხუცებისთვისაც გამზადებული გვაქვს მედიკამენტები, მაგრამ ვერ ვახერხებთ გადაადგილებას,“ – ამბობს ვაკო ხუნდაძე.

გურიაში ერთი კვირაა დიდთოვლობაა. ჩაკეტილია არაერთი სოფელი. თოვლის საფარის სიმაღლე რიგ სოფლებში ორ მეტრზე მეტია.

ამავე თემაზე: 

ბათუმელები/ნეტგაზეთის დამფუძნებელი და ხელმძღვანელი მზია ამაღლობელი კლინიკა „ვივამედიდან“ გაწერეს, თუმცა ის ციხეში ჯერ არ გადაჰყავთ.

საიას განცხადებით ამ დრომდე არ აქვთ ოფიციალური ინფორმაცია რატომ არ გადაჰყავთ მზია ამაღლობელი პენიტენციურ დაწესებულებაში.

„მზია ამაღლობელი ამ დრომდე არ არის გადაყვანილი პენიტენციურ დაწესებულებაში და კვლავ კლინიკაში რჩება. გუშინ ექიმების მიერ მოწოდებული ინფორმაციით, იგი უნდა გადაეყვანათ პენიტენციურ დაწესებულებაში, რადგან ოფიციალურად უკვე გაწერილია კლინიკიდან.

ამ დროისთვის ადვოკატებისთვის უცნობია, რატომ და რის საფუძველზე რჩება მზია ამაღლობელი სამედიცინო დაწესებულებაში, მიუხედავად იმისა, რომ სამედიცინო პერსონალმა იგი გაწერა.

დაწესებულებაში გადაყვანას კატეგორიულად ითხოვს თავად მზიაც, რომელიც პროტესტის ნიშნად,  უარს აცხადებს საკვების მიღებაზე,“ – აცხადებს საქართველოს ახალგაზრდა იურისტთა ასოციაცია.

ადვოკატებმა მზია ამაღლობელი კლინიკაში ინახულეს. ციხეში გადაყვანა თავად მისი სურვილიცაა, თუმცა ჯერჯერობით ის ისევ კლინიკაში რჩება.

თავდაპირველი ინფორმაციით, მზია ამაღლობელი ციხეში 26 თებერვალს უნდა გადაეყვანათ. ადვოკატებიც მის მონახულებას დღეს უკვე ციხეში აპირებდნენ და ამ ვითარებაში გაირკვა, რომ პენიტენციურ სამსახურს ციხეში არ გადაუყვანია.

პენიტენციურ სამსახურში ნეტგაზეთის ზარებს არ უპასუხეს.

დღეს, 27 თებერვალს, ბათუმში, „ოცნების ქალაქში“ სავარაუდოდ თოვლმა დააზიანა, ჩატეხა სახურავი ძველი შენობის, სადაც დაახლოებით 28 ოჯახი ცხოვრობს.

„ბათუმელების“ ინფორმაციით, შემთხვევის შედეგად ერთი ადამიანი დაშავდა, იგი კლინიკაში გადაიყვანეს.

ადგილზე იმყოფება აჭარის არალეგიტიმური მთავრობის ჯანდაცვის მინისტრი ნინო ნიჟარაძე. „აჭარა თაიმსის“ პირდაპირ ეთერში ნინო ნიჟარაძემ თქვა, რომ დაშავებულის ჯანმრთელობის მდგომარეობა სტაბილურია.

ოჯახებს ქირით გაყვანას სთავაზობენ, თუმცა რამდენიმე ოჯახი თავს იკავებს.

აქ მცხოვრებ ადამიანებს შენობაში ნივთები და ტექნიკა აქვთ, ისინი ნივთების გამოტანას ცდილობენ.

„სახლი დაგვეწვა, გზა არ იყო, რომ სახანძრო მოსულიყო, ღია ცის ქვეშ დავრჩით,“ – გვიყვება მოქალაქე უშანგი მაჭუტაძე ორთაბათუმიდან. მისი სახლი გუშინ, 26 თებერვალს დაიწვა.

სოფელ ორთაბათუმში გზა დღესაც არაა გაწმენდილი. ეს ხელვაჩაურის მუნიციპალიტეტია.

„სავარაუდოდ დენის სადენებს გაუჩნდა ცეცხლი, ძლივს მოვასწარით სახლიდან გამოსვლა, ვერაფრის გადარჩენა ვერ მოვასწარით.

შვიდსულიანი ოჯახი ვართ, 2 პატარა ბავშვი გვყავს, ბაბუა 88 წლის… არავინ არ მოსულა, არ უკითხავს ჩვენი ამბავი, არც მერიიდან მოსულა ვინმე. მოვიდნენ მაშველები და მოგვეხმარნენ, მაგრამ სახანძრო ვერ ამოვიდა. თოვლი ახლაც მეტრ-ნახევარია ყველაზე ცოტა.

ბიძაშვილს შევაფარეთ თავი, ყველაფერი გვჭირდება: ტანსაცმელი, საჭმელი…,“ – გვითხრა უშანგი მაჭუტაძემ.

ინფორმაციის განახლება:

მოგვიანებით ამ შემთხვევას ხელვაჩაურის მერი, ზაზა დიასამიძე სოციალურ ქსელ ფეისბუქში გამოეხმაურა და დაწერა, რომ „ხანძრის დროს სახლში არავინ იმყოფებოდა“.

„არ ვიცი, ეს რატომ თქვა მერმა, ეტყობა, მას არასწორი ინფორმაცია მიაწოდეს, ხანძრის გაჩენის დროს სახლში იყვნენ ჩემი მამა, დედა, მოხუცი ბაბუა და ჩემი ორი ბავშვი. მე მეუღლესთან ერთად მაღაზიასთან ვიყავი ჩასული და შორიდან დავინახე, როგორ გაჩნდა ხანძარი,“- უთხრა „ბათუმელებს“ უშანგი მაჭუტაძემ.

ხელვაჩაურის მერი თავის ფეისბუქპოსტში არ განმარტავს, რატომ ვერ მოხერხდა გზის გაწმენდა – უგზოობის გამო ადგილზე მეხანძრეებმა ვერ იმუშავეს.

ხელვაჩაურის მერის, ზაზა დიასამიძის თქმით, შვიდსულიანი ოჯახი ეკომიგრანტია და 2022 წლის მუნიციპალიტეტს ქირით ჰყავს გადაყვანილი.

„ნამდვილად ქირით ვიყავით გასული, მაგრამ ბოლო დროს მერიის მიერ მოცემული 500 ლარით ვეღარ ვიქირავეთ ბინა და ამიტომ ბოლო ორი თვე ისევ სახლში დავბრუნდით, ვეძებდით ახალ ბინას, ხომ იცით უკვე რა ფასებია… მანამდე დევნილების დასახლებაში ვიყავით ქირით, 500 ლარს მიხდიდა მერია და 300 ლარს მე ვამატებდი. ის ბინა გაიყიდა და მოგვიწია იმ ბინის დაცლა, ახალი კი, ამ ფასადაც ვერ ვიპოვეთ.

სახლში დაგვეწვა ავეჯი და სხვა პირადი ნივთებიც, ნაქირავებში არაფერი არ მქონდა წაღებული,“ – გვითხრა უშანგი მაჭუტაძემ.

„ბათუმის ავტოტრანსპორტის“ ცნობით, დღეს, 27 თებერვალს, მუნიციპალური ავტობუსების ნაწილმა მოძრაობა განაახლა, თუმცა ცვლილებებია შემდეგ სამარშრუტო ხაზებზე:

#1 მარშრუტი: ტაბიძის ქ. – აღმაშენებლის ქ. – კობალაძის ქ. – ხიმშიაშვილის ქ. – ჯავახიშვილის ქ. – გორგილაძის ქ. – ბარათაშვილის ქ. – ჭავჭავაძის ქ. – ბაქოს ქ. – ნონეშვილის ქ. – გოგოლის ქ. – ს. აჭარელის ქ. – წერეთლის ქ. – თავდადებულის ქ. – ბაგრატიონის ქ. – სელიმ ხიმშიაშვილის ქ. – ორბელიანის ქ. – ლეონიძის ქ. – ტაბიძის ქ.

# 1ა მარშრუტი: ტაბიძის ქ. – ლეონიძის ქ. – ორბელიანის ქ. – ლერმონტოვის ქ. – ბაგრატიონის ქ. – მელიქიშვილის ქ. – ჭავჭავაძის ქ. – წერეთლის ქ. – ს. აჭარელის ქ. – გოგოლის ქ. – ნონეშვილის ქ. – ბაქოს ქ. – რუსთაველის ქ. – თავდადებულის ქ. – გორგილაძის ქ. – ხიმშიაშვილის ქ. – კობალაძის ქ. – აღმაშენებლის ქ. – ტაბიძის ქ.

#3 მარშრუტი: კაჩინსკების ქ. – მამულაძის ქ. – ინასარიძის ქ. – ფიროსმანის ქ. – შარტავას ქ. – აბუსერიძის ქ. – გრიბოედოვის ქ. – გორგილაძის ქ. – ბარათაშვილის ქ. – ჭავჭავაძის ქ. – ბაქოს ქ. – დიმიტრიადის ქ. – რკინიგზის სადგური.

#4 მარშრუტი: ლეონიძის ქ. – ტაბიძის ქ. – აღმაშენებლის ქ. – კობალაძის ქ. – ინასარიძის ქ. – ფიროსმანის ქ. – შარტავას ქ. – გორგილაძის ქ. – ბარათაშვილის ქ. – წერეთლის ქ. – ს. აჭარელის ქ.

#6 მარშრუტი: სელიმ ხიმშიაშვილის ქ. – ორბელიანის ქ. – შარტავას ქ. – ჭავჭავაძის ქ. – ბაქოს ქ. – დიმიტრიადის ქ. – თამარ მეფის გზატკეცილი – ჩაქვი.

#8 მარშრუტი: ლეონიძის ქ. – ორბელიანის ქ. – შარტავას ქ. – ჭავჭავაძის ქ. – წერეთლის ქ. – ს. აჭარელის ქ. – გოგოლის ქ. – ნონეშვილის ქ. – დიმიტრიადის ქ. – თამარ მეფის გზატკეცილი – მახინჯაური.

#10 და # 10ა მარშრუტები: აეროპორტი – ანწუხელიძის ქ. – კაჩინსკების ქ. – ხიმშიაშვილის ქ. – ჯავახიშვილის ქ. – გორგილაძის ქ. – ჭავჭავაძის ქ. – ბაქოს ქ. – დიმიტრიადის ქ. – თამარ მეფის გზატკეცილი – მახინჯაური – ბაღის ქ.

#12 მარშრუტი: ს. აჭარელის ქ. – წერეთლის ქ. – ჭავჭავაძის ქ. – აბუსერიძის ქ. – გრიგოლ ხალვაშის ქ. – ხელვაჩაურის ცენტრი.

#13 მარშრუტი: ორბელიანის ქ. – შარტავას ქ. – გორგილაძის ქ. – ბარათაშვილის ქ. – ჭავჭავაძის ქ. – საბაგირო.

#14 მარშრუტი: სელიმ ხიმშიაშვილის ქ. – ბაგრატიონის ქ. – ჯავახიშვილის ქ. – გორგილაძის ქ. – ინასარიძის ქ. – მამულაძის ქ. – კაჩინსკების ქ.

#16 მარშრუტი: ს. აჭარელის ქ. – წერეთლის ქ. – ჭავჭავაძის ქ. – აბუსერიძის ქ. – აეროპორტის გზატკეცილი – სარფი.

#19 მარშრუტი: ლეონიძის ქ. – ტაბიძის ქ. – აღმაშენებლის ქ. – აბუსერიძის ქ. – ჭავჭავაძის ქ. – წერეთლის ქ. – ს. აჭარელის ქ. – გოგოლის ქ. – ნონეშვილის ქ. – დიმიტრიადის ქ. – რკინიგზის სადგური.

#20 მარშრუტი: თბილისის მოედანი – ჭავჭავაძის ქ. – აბუსერიძის ქ. – აეროპორტის გზატკეცილი – ასფაროსის ქ. – კვარიათი.

#27 მარშრუტი: აღმაშენებლის ქ. – აბუსერიძის ქ. – ჭავჭავაძის ქ. – ბაქოს ქ. – დიმიტრიადის ქ. – თამარ მეფის გზატკეცილი – ჩაქვი.

„ავტოტრანსპორტის“ ცნობით, მარშრუტების მიმართულებები შესაძლოა პერიოდულად შეიცვალოს.

„უფრო დეტალური ინფორმაციისთვის და განრიგებისთვის, დაგვიკავშირდით ცხელ ხაზზე 0422 24 76 76.

ეტაპობრივად მოხდება ავტობუსების მოძრაობის აღდგენა დარჩენილ მიმართულებებზეც“ – აცხადებს „ბათუმის ავტოტრანსპორტი“.

„სოკარ ჯორჯია გაზის“ ცნობით, 27 თებერვალს ხელვაჩაურის მუნიციპალიტეტში, 05:00 საათიდან, ბუნებრივი გაზის მიწოდება შეუწყდა სოფელ მახოში მცხოვრებ 250 აბონენტს.

კომპანიის ცნობით, გაზის შეწყვეტის მიზეზი ავარიული დაზიანებაა.

„ამ ეტაპზე საავარიო ჯგუფი ადგილზე მუშაობს, შესაბამისად ბუნებრივი გაზის მიწოდება ეტაპობრივად აღდგება 28 თებერვლის 18:00 საათიდან და დასრულდება დღის ბოლომდე“ – აცხადებს „სოკარი“.

კომპანია აბონენტებს მოუწოდებს, დაკეტილ მდგომარეობაში იქონიონ ბინებში არსებული გაზის ონკანები და უყურადღებოდ არ დატოვონ გაზის დანადგარები.