„გააგონე ხმა ბათუმელ მედროშეს“ – ამ ლოზუნგით ხვალ, 28 თებერვალს, დღის 4 საათზე თემურ ქათამაძის [გაფფარ ილმაზის] მხარდასაჭერი აქცია გაიმართება.
აქციის მონაწილეები თბილისში, შსს-ს მიგრაციის დეპარტამენტის დროებითი განთავსების ცენტრთან შეიკრიბებიან [მიხეილ გახოკიძის 14], სადაც თემურ ქათამაძე უკვე 42 დღეა პროტესტის ნიშნად შიმშილობს.
თემურ ქათამაძე ბათუმის პროევროპული აქციების მედროშეა. „ოცნების“ მთავრობა მის ქვეყნიდან გაძევებას ცდილობს.
თემურ ქათამაძის მხარდასაჭერ აქციას სტუდენტები აანონსებენ.
თემურ ქათამაძე 2025 წლის 11 იანვრის აქციაზე დააკავეს. მისი თქმით, მასზე დაკავების შემდეგ ბათუმის პოლიციის უფროსმა ირაკლი დგებუაძემ 10 პოლიციელთან ერთად იძალადა.
თემურ ქათამაძე შიმშილობის 30-ე დღეს კლინიკაში გადაიყვანეს გამოკვლევებზე, თუმცა მალევე დააბრუნეს იზოლატორში. ექიმებმა მისი კლინიკაში დატოვება საჭიროდ არ ჩათვალეს. თემურ ქათამაძე ექიმების ამ დამოკიდებულებასაც აპროტესტებს და დროებითი განთავსების ცენტრში სხვა ექიმების მომსახურებაზე უარს ამბობს.
„სამშობლო უფრო ღირებულია, ვიდრე სიცოცხლე“ – ამბობს თემურ ქათამაძე ციხიდან გამოგზავნილ წერილში.
მთავარი ფოტო: მაქსიმე ბაქრაძე
ამ თემაზე:
ბათუმის აქციების მედროშეს, თემურ ქათამაძეს შიმშილობის შეწყვეტისკენ მოუწოდებენ – პეტიცია
