6 მარტს, საგანგებო სამიტზე, ევროკავშირის ლიდერები განიხილავენ უკრაინის ახალი, ფართომასშტაბიანი ფინანსური დახმარების პაკეტს – განაცხადა საფრანგეთის პრეზიდენტმა ემანუელ მაკრონმა La Tribune-თან ინტერვიუში, 1 მარტს.
გამოცემის ცნობით, საფრანგეთის პრეზიდენტმა თქვა, რომ შეხვედრის მიზანია უკრაინის მხარდაჭერის გაძლიერება და საუბარია ასობით მილიარდი ევროს დაფინანსებაზე.
მაკრონმა განაცხადა, რომ სამიტზე ევროკავშირის ლიდერები ასევე განიხილავენ ევროპული უსაფრთხოების არქიტექტურის შექმნას, თუმცა დასძინა, რომ ეს ხანგრძლივი პროცესი იქნება:
„ჩვენ უნდა დავუბრუნდეთ ძალიან ძველ ევროპულ ჩვევებს. …ჩვენ ჯერ კიდევ ვაკონტროლებთ სიტუაციას, ჯერ კიდევ გვაქვს შესაძლებლობა ევროპულ სტრატეგიულ აღორძინებაში წარმატების მისაღწევად“ – ამბობს მაკრონი.
„მაკრონი დარწმუნებულია, რომ თუ არავინ შეაჩერებს კრემლის ბატონს, ის, „რა თქმა უნდა, წავა მოლდოვაში და შესაძლოა კიდევ უფრო შორს – რუმინეთში“ – წერს გამოცემა.
