ბათუმის საპროტესტო აქციების მედროშეს, თემურ ქათამაძეს [გაფფარ ილმაზი] მოქალაქეები შიმშილობის შეწყვეტისკენ მოუწოდებენ.
დღეს, 20 თებერვალს, გავრცელდა პეტიციაც, სადაც მოქალაქეები წერენ, რომ „თითოეული თანამებრძოლი სჭირდებათ ცოცხალი და ჯანმრთელი“.
„ბათუმელი მედროშე თემურ ქათამაძე მისი დაკავების დღიდან შიმშილობს. პეტიცია იქმნება მისი შიმშილობის 35-ე დღეს.
მან ბოლოს გამოქვეყნებული წერილით უარი განაცხადა შიმშილობის შეწყვეტაზე, რადგან მისი თქმით, სიცოცხლის ფასად აპირებს გააგრძელოს ეს ყოველივე, რადგან მისთვის საქართველოსთვის თავის გაწირვა საამაყოა.
ჩვენ სამოქალაქო საზოგადოებას ამ პეტიციით გვსურს ვთხოვოთ მას, რომ შეწყვიტოს შიმშილობა, რადგან ჩვენი ქვეყნისთვის ბრძოლაში თითოეული თანამებრძოლი ჯანმრთელი და ცოცხალი გვჭირდება.
ასევე, პეტიცია იქნება მიმართული საქართველოს სახალხო დამცველის სამსახურის მიმართაც, რადგან ისინიც იყვნენ საქმის კურსში.
ვინც ეთანხმებით მოწოდებას, გთხოვთ, ხელმოწერით დააფიქსიროთ პოზიცია“- ნათქვამია პეტიციაში.
თემურ ქათამაძე ბათუმში, პოლიციის მთავარი სამმართველოს წინ, 11 ინვარს დააკავეს. ის 5 დღე იყო იზოლატორში, თუმცა მეორედ, თემურ ქათამაძე იზოლატორიდან გამოსვლისთანავე დააკავეს. ის შს სამინისტროს მიგრაციის დროებითი განთავსების იზოლატორშია, სადაც დაკავების დღიდან შიმშილობს.
თემურ ქათამაძე 30 თებერვალს კლინიკაში გადაიყვანეს გამოკვლევებზე, თუმცა მალევე დააბრუნეს იზოლატორში.
თემურ ქათამაძეს არაერთი მოთხოვნის მიუხედავად, „ოცნების“ ხელისუფლებამ არ მისცა საქართველოს მოქალაქეობა, მას ასევე უარი უთხრეს ჰუმანიტარულ და ლტოლვილის სტატუსზე, რის გამოც ის სასამართლოში დავობს.
მთავარი ფოტო: მაქსიმე ბაქრაძე
