„საათზე მეტია საცობში ვართ, არ ჩანს ტექნიკა,“ – ამბობენ მოქალაქეები, რომლებიც ბათუმი-ხულოს ცენტრალურ გზაზე გადაადგილდებიან ავტომობილით.
მგზავრების თქმით, ცენტრალურ გზაზე, ქედაში, სოფელ წონიარისის მონაკვეთზე, ავტომანქანების მოძრაობა შეფერხებულია.
მოქალაქეების თქმით, არათუ სოფლებში, ცენტრალური გზაც კი სათანადოდ გაწმენდილი არაა და გადაადგილება მხოლოდ მაღალი გამავლობის ავტომანქანებით არის შესაძლებელი.
დღეს, 28 თებერვალს, საცობი იყო ბათუმი-სარფის დამაკავშირებელ გზაზეც, ასევე ფრიდონ ხალვაშის გამზირზე. მოქალაქეები გვწერდნენ, რომ საათობით იყვნენ გაჩერებული საცობში.
საცობი ქალაქში ავტოსაგზაო შემთხვევას არ უკავშირდებოდა.
რატომ შეიქმნა საცობი ქედაში და როდის განახლდება მოძრაობა?
„იწმინდება გზა ორივე მიმართულებით, დაახლოებით 8-10 კმ-იან მონაკვეთზე. წმენდის გამო არის მოძრაობის შეფერხება, 2-ხიდიანი მანქანები მოძრაობენ ჩვეულებრივად. გზის გაფართოების სამუშაოებია,“- მოგვწერეს გზების დეპარტამენტის პრესცენტრიდან.
„ბათუმელები“ ასევე ინფორმაციას ელოდება ქედის მერიის პრესცენტრიდან.
ამ თემაზე:
საია: საქართველოში დიდთოვლობაზე სახელმწიფო არაეფექტიანად რეაგირებს
