გარემოს ეროვნული სააგენტოს აჭარის რეგიონული ჰიდრომეტეოროლოგიური ობსერვატორიის ინფორმაციით, 2 მარტის 21 საათიდან 3 მარტის 21 საათამდე აჭარაში მოსალოდნელია ცვალებადი მოღრუბლულობა, ღამით და დილით – უმეტესად უნალექოდ, დღის მეორე ნახევრიდან კი წვიმაა მოსალოდნელი.
მაღალმთიან აჭარაში კვლავ თოვაა მოსალოდნელი, გორაკ-ბორცვიან ზონაში შესაძლებელია მეწყრული პროცესების განვითარება, მთიან ზონაში – ზვავსაშიშროება.
იქროლებს ცვალებადი მიმართულების ქარი 10-15 მეტრი წამში.
ჰაერის ტემპერატურა სანაპირო ზოლში:
- დღისით: 5 – 10 გრადუსი სითბო
- ღამით: 3 გრადუსი ყინვა – 2 გრადუსი სითბო
მთიან რაიონებში:
- დღისით: 0 – 5 გრადუსი სითბო
- ღამით: 7 – 12 გრადუსი ყინვა
მაღალმთიან ზონაში
- დღისით: 2 – 7 გრადუსი ყინვა
- ღამით: 12 – 17 გრადუსი ყინვა
სინოპტიკოსების ცნობით, აჭარაში 4 მარტს ღამით და დილით წვიმაა მოსალოდნელი, მთაში – თოვა,დღისით და მომდევნო 2 დღეს, 5-6 მარტს კი მოსალოდნელია ძირითადად უნალექო ამინდი.
