რუსთაველზე გადასვლა ერთობის, თავგანწირვის ნაწილი გახდა – ლანა ღოღობერიძე

რეჟისორი ლანა ღოღობერიძე ფეისბუქზე ეხმიანება თბილისში, რუსთაველის გამზირზე მიმდინარე უწყვეტ პროტესტს, რომლის მონაწილეებსაც უკვე მეორე კვირაა ყოველდღიურად აკავებენ გზის გადაკეტვის საბაბით. რეჟისორი წერს, რომ სიტყვა „გადასვლამ“ უკვე სხვა, სიმბოლური მნიშვნელობა შეიძინა.

„ნამდვილად არ მეგონა, რომ ასეთ საბედისწერო დროს მოვესწრებოდი…

როცა 1999 წლის 27 აპრილს, ჩვენი დროშა ნელ-ნელა მიიკვლევდა ადგილს ევროპის ცაზე საფრანგეთისა და გერმანიის დროშებს შორის, ის გზა სამუდამოდ გაკვალული მეგონა. მართლა ძალიან ბედნიერები ვიყავით, ყველა! რადგანაც გვჯეროდა, რომ აღარასდროს დაბრუნდებოდა ჩვენი ისტორიულად დეტერმინირებული მარტოობა…

დღეს თითქოს უკან დავბრუნდით და იმავე ბრძოლაში ვართ. შედეგად ყველაზე ადვილია მივეცეთ სასოწარკვეთილებას და დავყაროთ ფარ-ხმალი. მაგრამ ასეთი ძველი და მდიდარი გენეტიკური მეხსიერების მქონე ერისათვის ეს არ მოხდება. მან თავისთავად იცის, რომ ისტორიისთვის არ არის უცხო ასეთი საბედისწერო შემობრუნებები! მთავარია, გავიაზროთ ჩვენი ისტორიული გზა და გავაკეთოთ დასკვნები. იმავე ბრძოლაში ვართ, ოღონდ მეტი გამოცდილებით, რაც მთავარია – თავისუფლების და დამოუკიდებლობის გამოცდილებით. მეტი აქტიური მონაწილით. იმედია, მეტი სიბრძნით.

და ადამიანთა თავგანწირვის ისეთი საოცარი მაგალითებით, რომ გამარჯვება გარდუვალია.

და ახლა მომინდა გაგიზიაროთ ჩემი ერთი პატარა დაკვირვება, თუ განცდა:

დღეს, ჩვენ თვალწინ, ერთი ჩვეულებრივი ქართული სიტყვა იძენს სულ სხვა, ღრმად სიმბოლურ მნიშვნელობას.

ასეთი სიტყვაა „გადავიდა“ …

ის უცებ ისეთი ტევადი გახდა! და იმდენ რამეს მოიცავს! გადავიდა, ანუ გაიაზრა, ან ემოციურად შეიგრძნო, რომ დღეს საჭიროა დათმოს ყველაფერი პირადი საერთო მიზნის მისაღწევად, რომ არის იმ დიდი ერთობის ნაწილი, რასაც სამშობლო ჰქვია, რომ მზად არის თავი გასწიროს მისთვის…

მე, მხრებზე მოკიდებული თითქმის ასი წლით დამძიმებული, ქედს ვიხრი ყველას წინაშე, ვინც გადავიდა… ან გადავა. და იმათ წინაშეც, ვინც ყოველ საღამოს დგას რუსთაველზე და „გადასულებს“ მთელი არსებით უჭერს მხარს. და იცის, რომ ხვალ, თუ საჭირო იქნება, მისი ჯერიც დადგება.

და, რა თქმა უნდა, ვინც გადავიდა და ამიტომ დღეს გისოსებს მიღმაა. და მათ ასევე არნახულად თავგანწირულ მშობლებს.

გარწმუნებთ, ეს არ არის განწირულის სულისკვეთება.

ეს იმედის და გამარჯვების სულისკვეთებაა.

და კიდევ ერთი დიდი ბრძოლა თავისუფლების, სამართლიანობის, კეთილდღეობის, და სიხარულისა და ბედნიერების უფლების მოსაპოვებლად“ – წერს ლანა ღოღობერიძე.

From Prosecuting for the UNM Government to Banning UNM: Former Prosecutor Chairs Constitutional Court Panel

The ruling Georgian Dream party is invoking the murder case of Sergeant Roin Shavadze and past violations of journalists’ rights as arguments to ban the United National Movement and other opposition parties. The constitutional complaint has been assigned to the same judge who, as a prosecutor, oversaw the original investigation of Shavadze’s case during the UNM government. Most of the journalists and media outlets cited in the complaint — including Batumelebi — are now facing unprecedented repression under the Georgian Dream’s rule.

The ruling party Georgian Dream has filed a constitutional complaint seeking to ban opposition political parties — a case assigned to a collegium chaired by a judge who previously served as a Chief Prosecutor of Adjara during the rule of the United National Movement (UNM), the party requested to be banned.

The case on banning opposition political parties is being examined by the First Collegium of the Constitutional Court of Georgia. The panel includes judges Eva Gotsiridze, Giorgi Kverenchkhiladze, Giorgi Tevdorashvili, and Vasil Roinishvili, who chairs the collegium.

Vasil Roinishvili served as Chief Prosecutor of Adjara when the UNM was in power and when Sergeant Roin Shavadze was killed in Batumi.

In 2020, the European Court of Human Rights found that Georgia had violated the right to life guaranteed by the European Convention in the “Roin Shavadze case.”

Roinishvili was questioned by investigators in September 2023 regarding this case. He was among the senior officials responsible for investigating the brutal, group murder of the sergeant. Instead of being held accountable, Roinishvili was promoted – he has served as a Constitutional Court judge since 2020.

In their constitutional complaint, Georgian Dream MPs cite the “Roin Shavadze case” as one of the grounds for banning the UNM party. This means the case could be reviewed by Judge Vasil Roinishvili — the same person who was Chief Prosecutor at the time of Shavadze’s killing.

The “Georgian Dream” constitutional complaint reads:

“During its time in power [2004–2012], the United National Movement created and developed a system of murder and other forms of violence. During that same period, it committed numerous violent acts involving torture and violations of the right to life, engaging in manifestly unconstitutional activities that went beyond isolated incidents and took on a systemic character.

All this is confirmed by facts and evidence reflected in the report of the Temporary Investigative Commission, as well as by other relevant sources.

Among these, particular note should be made of the following facts and specific cases: the murder of Sergeant Roin Shavadze.”

Another detail: in the constitutional complaint seeking to ban opposition parties, Georgian Dream MPs also refer to cases of mistreatment of journalists between 2004 and 2012. Among the names listed is journalist Natia Rokva, who at the time worked for Batumelebi. Unlike dozens of other cases cited in the complaint, Batumelebi itself is not mentioned in this section, as if Rokva were a journalist with no media affiliation.

The complaint also mentions journalist Natia Danelishvili, who at the time worked for the Kakheti Information Center, founded by journalist Gela Mtivlishvili.

A total of 88 Georgian Dream MPs are demanding the banning of three political parties:

  • “Unity – United National Movement”
  • “Coalition for Change – Gvaramia, Melia, Girchi, Droa”
  • “Strong Georgia – Lelo for the People, for Freedom”

“The purpose of the aforementioned political parties’ activities is to overthrow and violently alter Georgia’s constitutional order, undermine its independence, and violate its territorial integrity. We therefore request that the activities of these political parties be declared unconstitutional, the parties be banned, and their registrations canceled,” the Constitutional Complaint concludes.

„მოსწავლეები კითხვებს სვამენ და ძალიან განიცდიან“ – მასწავლებელი მე-12 კლასის გაუქმებაზე

„საჯარო სკოლებში დასაქმებული მასწავლებლების უმეტესობას ისე მოაქცევენ, რომ გახდიან თავიანთ გულშემატკივრებად. სკოლები გამოუშვებენ არა განათლებულ ახალგაზრდობას, არამედ გვეყოლება პროპაგანდით ნაკვები თაობა, რომელსაც რასაც ეტყვიან, იმას დაიჯერებენ. ფიქრის საშუალებას წაართმევენ და უნარი აღარ ექნებათ კრიტიკულად განსაჯონ“ – ამბობს ინგლისურის მასწავლებელი გიორგი კვიკვინია „ბათუმელებთან“.

მასწავლებელს „ქართული ოცნების“ მიერ დაგეგმილ სასკოლო რეფორმაზე ვესაუბრეთ, რომელიც მე-12 კლასის გაუქმებას ითვალისწინებს.

  • ბატონო გიორგი, როგორც პედაგოგი, რა ტიპის პრობლემას ხედავთ იმაში, რომ შესაძლოა გააუქმონ მე-12 კლასი. რას დაკარგავენ ამით მოსწავლეები?

რა თქმა უნდა, ძალიან დიდი პრობლემა იქნება, რადგან ეს ხელს შეუშლის ახალგაზრდებს განათლება მიიღონ უცხოეთის უნივერსიტეტებში.

მე სადაც ვმუშაობ, იქაც ყოველთვის ორიენტირებული ვარ იმაზე, რომ მოსწავლეებმა არა მხოლოდ საქართველოში, არამედ უცხოეთში მიიღონ განათლება და ხელს ვუწყობთ მათ, რომ წავიდნენ ამერიკაში ან ევროპის სხვადასხვა ქვეყანაში სასწავლებლად და ეს შანსი ან ცვლილების შემთხვევაში დაეკარგებათ.

  • თქვენი რამდენი მოსწავლეა წასული უცხოეთში სასწავლებლად?

საკმაოდ ბევრი. დამამთავრებელი კლასის მოსწავლეების 40%-ზე მეტი უცხოეთში მიდის ხოლმე და წელსაც, მე-12 კლასელთა დაახლოებით 70% გაემგზავრება უცხოეთში.

  • სხვათა შორის, „ქართული ოცნება“ ამ მონაცემებს იყენებს და ამბობს, რომ აი, მიდიან უცხოეთში და აღარ ბრუნდებიან, ჩვენ კი გვინდა ახალგაზრდობა ქვეყანაში დარჩესო. თუმცა იმაზე არ საუბრობენ, რას სთავაზობენ ამ ქვეყანაში ახალგაზრდებს. რა არის საჭირო იმისთვის, რომ საქართველოში მოუნდეთ ახალგაზრდებს განათლების მიღება და არა სხვაგან?

პირველ რიგში, მე-12 კლასის გაუქმების მოტივი ძალიან მარტივია. „ქართულ ოცნებას“ გეზი აქვს აღებული არა ევროპისკენ არამედ რუსეთისკენ და ყველაფერს აკეთებს იმისთვის, რომ დაგვაშოროს ევროკავშირს და ყველა ფორმით ჩაკლას ეს შესაძლებლობა.

ამ მიზანს „ოცნება“ ფუთავს ისე, რომ თურმე ახალგაზრდებზე ზრუნვით აკეთებს ამას და პროპაგანდის ქვეშ მყოფი ადამიანების ნაწილს ალბათ დააჯერებს კიდეც.

თუმცა, ისეთ ადამიანებსაც ვიცნობ, ვინც, შესაძლოა, „ოცნებას“ მხარს უჭერს, მაგრამ ამ ცვლილებას არ ეთანხმება და მიაჩნიათ, რომ ეს იქნება ძალიან ცუდი გადაწყვეტილება არა რაღაც გარკვეული წრეებისთვის, არამედ სრულიად საქართველოსთვის.

ჯერ ერთი, უცხოეთში განათლება მიღებული მოსწავლეები ბრუნდებიან ქვეყანაში, ყველა არ რჩება და მიღებულ ცოდნას იყენებენ ამ ქვეყნის განვითარებისთვის.

„ქართული ოცნების“ წარმომადგენლებსაც ხომ აქვთ ევროპაში განათლება მიღებული და თუ მაშინ არ იყო ეს მათთვის ცუდი, ჩვენი შვილებისთვის რატომ არის ცუდი?! თვითონ რატომ მიდიოდნენ, ან თვითონ ხომ დაბრუნდნენ, რატომ ჰგონია, რომ სხვა არ ჩამოვა?!

მეც ევროკავშირის დაფინანსებით მაქვს განათლება მიღებული, გადამზადების კურსებიც გავლილი მაქვს ევროპის ქვეყნებში, მათ შორის, დიდ ბრიტანეთშიც და ანტიეროვნული არაფერი მისწავლია. დავბრუნდი და რაც ვისწავლე, ყველაფერი მოვახმარე ბავშვებს.

ეს ერთ-ერთი საუკეთესო გზაა იმისათვის, რომ ხარისხიანი განათლება მიიღონ და თუ აქ არ სთავაზობ ხარისხიან განათლებას ახალგაზრდებს, რატომ არ უნდა წავიდნენ.

მასწავლებელსაც უნდა ჰქონდეთ ღირსეული ხელფასი და სამუშაო პირობები და იმ ახალგაზრდებსაც, რომელიც თითქოს „გარბიან“ ქვეყნიდან. მაშინ აქ შეუქმენი კარგი სამუშაო პირობები და 17 000 ლარი ხელფასი უდიპლომოებს კი არ უნდა ჰქონდეთ, დიპლომიან და განათლებულს უნდა ჰქონდეს რეალურად, მაგრამ მათი პროპაგანდისტული ტელევიზიებით ისე ფუთავენ ამ საკითხს, რომ ხალხს საპირისპირო დააჯერონ.

  • ევროპული განათლებისკენ სწრაფვა უცხო არ არის ქართველი ხალხისთვის და წინა საუკუნეებშიც გვაქვს ამის გამოცდილებაც…

კობახიძემ განაცხადა, ვინმეს თუ უნდა მე-12 კლასში სწავლა, წავიდეს ევროპაში და იქ დაამთავროსო, მაგრამ ესეც თავიანთი გადმოსახედიდან თქვა, ალბათ. პრივილეგირებული ოჯახების გადმოსახედიდან, რომლებსაც აქვთ ამის ფინანსური შესაძლებლობა.

მათ შვილებს არ ექნებათ ამის პრობლემა, სხვა ახალგაზრდებს კი ამის შესაძლებლობა აღარ ექნებათ, მით უმეტეს მაშინ, თუ უვიზო მიმოსვლაც დავკარგეთ.

  • თქვენი აზრით, რეალურად, ეს მიზანია აქ ჩადებული, რომ შესაძლებლობები წაართვან ახალგაზრდობას?

გარდა იმისა, რომ შესაძლებლობებს წაართმევენ, ნახეთ როგორ მიმდინარეობს „რეფორმები“.

რეალურად, საჯარო სექტორში, საჯარო სკოლებში დასაქმებული მასწავლებლების უმეტესობას ისე მოაქცევენ, რომ გახდიან თავიანთ გულშემატკივრებად. რაღაც ნაწილი ახლაც ასეთია.

მერე წავა ისეთი სწავლება, რომელიც მორჩილებას გაზრდის ახალ თაობაშიც. შესაძლოა მასწავლებლებსაც გაუზარდონ ხელფასები და ამ წახალისების სანაცვლოდ ბევრი ყველაფერს გააკეთებს იმისთვის, რასაც ხელისუფლება დაუკვეთს.

სკოლები გამოუშვებენ არა განათლებულ ახალგაზრდობას, არამედ გვეყოლება პროპაგანდით ნაკვები თაობა, რომელსაც რასაც ეტყვიან, იმას დაიჯერებენ. ფიქრის საშუალებას წაართმევენ და უნარი აღარ ექნებათ კრიტიკულად განსაჯონ.

  • ახალგაზრდები თუ სვამენ კითხვებს ამ საკითხზე?

სვამენ და ძალიან განიცდიან.

მქონდა საუბარი მე-11 კლასელებთან, რომელიც უკვე ემზადებიან ამერიკაში სწავლის გასაგრძელებლად და შიში აქვთ იმის, არ გაუუქმონ მე-12 კლასი.

ისინიც ძალიან ნეგატიურად უყურებენ ამ ყველაფერს და ხშირად მეკითხებიან, რა უნდა გავაკეთოთ ამის წინააღმდეგ.

გამოფხიზლება სჭირდება საზოგადოებას, მაგრამ რაღაცნაირად ისეა აწყობილი ყველაფერი, რომ თითქოს შედეგი არაფერს აქვს.

ხარისხიანი განათლება რომ გქონდეს ქვეყანაში, უნივერსიტეტებშიც პროგრესულად მოაზროვნე ლექტორები უნდა გვყავდეს, რეალური სამუშაო ადგილები უნდა შეიქმნას კარგი პირობებით და კარგი ანაზღაურებით, რადგან ბევრს რომ იშრომებ და მერე 1 200 ლარი გაქვს ხელფასი, მაშინ სხვაგან წასვლაც მოგინდება.

ამიტომ, ადამიანს კარგი ხელფასის და სამუშაო პირობების გარდა, აზრის თავისუფლად გამოხატვის შესაძლებლობა უნდა ჰქონდეს და არა ისეთი გარემო, სადაც ადამიანებს რაღაც ნიშნებით დაყოფენ და ცხვრებივით არ გარეკავენ ერთი ადგილიდან მეორეზე.

„ნელი ტემპით მიდის“ – რას ამბობენ აბასთუმანში რეაბილიტაციის პროექტზე

ოქტომბრის მიწურულს აბასთუმანში დამსვენებელს ნაკლებად შეხვდებით. კომერციული ობიექტების უმეტესობა, რომელიც ზაფხულში მომხმარებელს სხვადასხვა მომსახურებას სთავაზობდა, დაკეტილია ან შეზღუდულად მუშაობს.

აბასთუმანში რესტავრირებული სახლების უმეტესი ნაწილი ღამის საათებში ჩაბნელებულია, ახალ რესტავრირებულ პარკში კი თითქმის არავინაა, მხოლოდ სტადიონზე თუ ნახავთ ბავშვებს.

ერთადერთი მიზიდულობის ცენტრი შემოდგომაზე აბასთუმნის ობსერვატორიაა.

ობსერვატორია ახლა, როცა დამსვენებელი არ არის, ძირითადად სასკოლო ექსკურსიებს ემსახურება. აქ მისასვლელ სამანქანო გზაზე ხშირად შეხვდებით სამშენებლო მასალებით დატვირთულ მანქანებსაც.

ერთ-ერთი ტურისტული ობიექტის მენეჯერი გვიყვება, რომ წელს აბასთუმანი დამსვენებლისგან აგვისტოს ბოლოს სრულად დაიცალა: „გვქონდა იმედი, რომ სექტემბერშიც იქნებოდა მოთხოვნა და ვიმუშავებდით, მაგრამ ასე არ მოხდა“ – გვითხრა მან.

სასტუმროს მენეჯერები, რომლებიც ცდილობენ მომხმარებელი შემოდგომაზეც მიიზიდონ, „ბათუმელებთან“ საუბრისას ამბობენ, რომ კურორტის განვითარება ნელი ტემპით მიდის, რაც მათ ხელს უშლით განახორციელონ რიგი პროექტები კურორტზე საშემოდგომო აქტივობების დასაგეგმად.

აბასთუმნის ცენტრი- რესტავრირებული სახლები
აბასთუმნის ცენტრი – რესტავრირებული სახლები

აქ ამბობენ, რომ ის ინვესტორები, ვინც აღებული ვალდებულება დროულად შეასრულეს, ზარალდებიან მათ გამო, ვინც პროექტებზე სამუშაოები წლების განმავლობაში გაწელა და დღესაც არ დაუსრულებია:

„ხარჯები ძალიან დიდია, სტაფი უნდა შევინარჩუნოთ მთელი ზამთრის განმავლობაში, სერვისებიც უნდა შევინარჩუნოთ. ვალდებულება გვაქვს, რომ ზამთარში არ დავიკეტოთ, მაგრამ დამსვენებელი რეალურად აღარ გვყავს. დიდი პროექტები რომ დასრულებულიყო – აბანოები, სასტუმროები – კურორტი უფრო ამუშავდებოდა. არც გზის მშენებლობაა დასრულებული“ – უთხრა „ბათუმელებს“ ერთ-ერთმა მენეჯერმა.

ეს შენობა სახელმწიფოს ბალანსზეა – რესტავრირებულია მხოლოდ ფასადი

სასტუმროები, რომლებსაც მუშაობა არ შეუჩერებიათ, ახლა სპეციალური შეთავაზებით ცდილობენ მომხმარებლის მიზიდვას, თუნდაც მოკლევადიანი ვიზიტების შეთავაზებით.

რაც შეეხება საცხოვრებელ სახლებში გასაქირავებელ ბინებს – რამდენიმე მეპატრონეს სოციალურ ქსელში მითითებულ საკონტაქტო ნომერზე დავურეკეთ და ბინების/ოთახების გაქირავებაზე ვკითხეთ. მათ გვითხრეს, რომ სეზონი დასრულებულია, გამორთულია გათბობა და აღარ არის პირობები, რომ ბინა გაქირავდეს. მესაკუთრეების ნაწილი ძირითადად ახალციხეში ცხოვრობს და ზამთარს იქ ატარებს, აბასთუმანში კი ზაფხულის სეზონის მოახლოებისას ბრუნდებიან.

აბასთუმანი – რესტავრირებული სახლები
რესტავრირებული სახლი აბასთუმანში

ოთახის დაქირავება რესტავრირებულ სახლშიც შეიძლება, თუმცა რესტავრირებული ხშირად აქ მხოლოდ ფასადია. ამ სახლებში შესვლას ან ფანჯრებიდან შეხედვას თუ მოახერხებთ, უმეტესწილად დაგხვდებათ ძველი საბჭოთა ინტერიერი, ზოგან რეალურად იმ დროინდელი, შემორჩენილი საღებავით და ძველი კარით.

აბასთუმანში ერთი ღამით ბინის დაქირავების ფასი კერძო ბინებში არასაკურორტო სეზონზე 120 ლარიდან იწყება, სასტუმრო სექტორში – 170 ლარიდან, ამაში სხვა მომსახურება, მაგალითად საუზმე არ შედის. ზაფხულში კი სტანდარტული ნომრის ფასი 250 ლარიდან იწყება.

გაზრდილია ქონების გასაყიდი ფასიც. შენობაზე გამოკრული ბანერის მიხედვით იყიდება აფთიაქის ცნობილი შენობა აბასთუმნის ცენტრში – ერთი კვ.მეტრის ფასი აქ 2500 დოლარიდან იწყება. რესტავრირებულია მხოლოდ შენობის ფასადი.

აფთიაქის შენობა

ჯერ ისევ დასრულებული არ არის ფასადების რესტავრაცია- რეაბილიტაციის პროცესი. სამუშაოებს ტენდერში გამარჯვებული კომპანია „საბა კონტრაქშენი“ აწარმოებს, ადგილზე გვითხრეს ისიც, რომ შესრულებული სამუშაოები რიგ შემთხვევებში დაიწუნეს და კომპანიას ხარვეზების გამოსწორებაზე დამატებითი ძალისხმევის გაღება მოსთხოვეს.

კურორტ აბასთუმანში ბოლო წლებში სახელმწიფო და კერძო ქონება იყიდეს და მშენებლობის ნებართვები მიიღეს ასევე „ოცნებასთან“ დაახლოებულმა კომპანიებმა. ამ კომპანიების დამფუძნებლები „ოცნების“ მხარდაჭერას მსხვილი ფულადი შეწირულობითაც გამოხატავენ.

აბასთუმანში, ყოფილ სანატორიუმ „ცისარტყელას“ ტერიტორიაზე 2 ჰექტრამდე [18 545 კვ მეტრი] ფართობზე სასტუმროს შპს „ცისარტყელა“ აშენებს. კომპანია ტურიზმის განვითარების ფონდს ეკუთვნის, რომლის ასი პროცენტიც ფონდ „ქართუს“ საკუთრებაა. „ქართუ“ ბიძინა ივანიშვილის დაფუძნებულია.

როგორც საჯარო რეესტრის ამონაწერით ირკვევა, შპს „ცისარტყელამ“ ყოფილი სანატორიუმის ტერიტორია 2018 წელს უპირობო აუქციონით იყიდა და 1,8 ჰექტარ ფართობზე სასტუმრო „პარაგრაფ აბასთუმანს“ აშენებს. ამ პროექტზე „ბათუმელები“ ადრეც წერდა.

მშენებარე პროექტი

აბასთუმანში შპს „სანაპიროს ხედის“ უკვე თითქმის დასრულებული პროექტის მიმდებარედ მიწის ნაკვეთები შეისყიდა და მშენებლობა დაიწყო შპს „ემერალდმა“ – ამ კომპანიის ასივე პროცენტი „ქართუ ჯგუფს“ ეკუთვნის.

„ემერალდი“ 2018 წელს ირაკლი კაცაძეს დაუფუძნებია, მალევე მან კომპანია „ქართუ ჯგუფს“ სიმბოლურ ფასად, 100 ლარად მიჰყიდა, მანამდე კი ელექტრონულ აუქციონზე აბასთუმანში შეისყიდა მიწის ნაკვეთი სამშენებლოდ, რომლის ფართობიც 3000 კვ.მეტრზე მეტია.

ივანიშვილმა აბასთუმანში სახლიც აშენა, რომლის შესასვლელშიც ხელოვნური კლდე მოაწყო, ამ სახლს და ეზოს შემოვლებული აქვს მაღალი ღობე, რომლის გამოც გზიდან სახლის ფასადის ფოტოს გადაღება ვერ შევძელით.

ხელოვნური კლდე ბიძინა ივანიშვილის სახლის შესასვლელთან

ბიზნესმენ ლაშა პაპაშვილის კომპანიები აბასთუმანში 2 სამშენებლო პროექტს ასრულებენ. შპს „სასტუმრო პოექტი“ აბასთუმანში, ასათიანის ქუჩაზე სასტუმროს აშენებს, კომპანიის საკუთრებაშია 7823 კვ. მეტრი ფართობი. გარდა ამისა, აბასთუმანში ლაშა პაპაშვილის სხვა კომპანია -„სამეფო აბასთუმანი“ ამავე ქუჩაზე კიდევ ერთ კომპლექსს ასრულებს – აქ პაპაშვილის კომპანია 8374 კვ.მეტრ ფართობს ფლობს.

ლაშა პაპაშვილის კიდევ ერთი კომპანია შპს „აღობილი“ აბასთუმანში, „აღობილის დასახლებაში“ 7 ჰექტარზე, მრავალფუნქციური ობიექტის გახსნას გეგმავს. მშენებლობა თითქმის დასრულებულია.

ლაშა პაპაშვილი არის ბიზნესმენი, რომელსაც უკავშირდება „სკინტლის სკანდალი“ – პაპაშვილის საწარმო „ყვარლის ბაგაში“ ძროხებს ქათმის ნაკელით კვებავდა. მის საწარმოში ყიდულობდნენ რძეს კომპანიები: „აგროჰაბი“, „სანტე“, „სოფლის ნობათი“. ამ საქმეზე ჟურნალისტური გამოძიება „რადიო თავისუფლებამ“ მოამზადა.

ლაშა პაპაშვილის მშენებარე პროექტთან ახლოს, ასათიანის #2-ში 6168 კვ მეტრ ფართობს ფლობს თემურ ბიწაძე, „ალიანს ჯგუფის“ დამფუძნებლის გია ბიწაძის შვილი და „ალიანს ჯგუფთან“ დაკავშირებული რამდენიმე კომპანიის მფლობელია. თემურ ბიწაძე, ისევე როგორც ამავე კომპანიის პარტნიორები, „ოცნების“ შემწირველია.

რესტავრირებული სახლი აბასთუმანში
აბასთუმანი

აბასთუმანში რიგი სახლების რესტავრაცია ახლაც მიმდინარეობს.

ამავე თემაზე: 

ვინ და როგორ გაინაწილა აბასთუმანი

მწყობრიდან გამოსული, ჩაუბარებელი და გაჭიანურებული პროექტები, რომელშიც მილიონები დაიხარჯა

მუნიციპალური განვითარების ფონდი ბათუმში მრავალმილიონიან, მასშტაბურ პროექტებს ახორციელებს, რამდენიმე პროექტი უკვე დაასრულა, თუმცა რიგი გამოწვევები ამ პროექტებთან დაკავშირებით ჯერ ისევ დღის წესრიგშია.

ძველ ბათუმში კულტურული მემკვიდრეობის ძეგლებისა და ისტორიული შენობების ფასადების აღდგენა-რეაბილიტაციის პროცესი დაწყებულია და ჯერ არ დასრულებულა.  ამავე ფონდმა 2024 წლის საპარლამენტო არჩევნებამდე 2 თვით ადრე ბათუმში რეაბილიტირებული ხეივანი პომპეზურად, პრემიერ-მინისტრის თანდასწრებით გახსნა, 2025 წლის ზაფხულში კი ხეივნის ინფრასტრუქტურა უკვე მწყობრიდან გამოსული იყო; ახალი ბულვარიდან აეროპორტის ასაფრენ ზოლამდე მოწყობილ ზღვისგან დამცავ ნაგებობას კი, რომლის მშენებლობაც 2022 წელს დასრულდა, ბათუმის მერია დღემდე არ იბარებს.

„ბათუმელებმა“ ბოლო რამდენიმე კვირის განმავლობაში ადგილზე შეისწავლა ფონდის კიდევ ერთი პროექტის, კურორტ აბასთუმნის რეაბილიტაცია- რესტავრაციის პროცესი, რომელიც 2019 წელს დაიწყო და დღემდე გრძელდება.

ოთხივე პროექტს მუნიციპალური  განვითარების ფონდი ახორციელებს ან ახორციელებდა. ამ პროექტებისთვის ბიუჯეტიდან ასობით მილიონი ლარი იხარჯება. რამდენად ეფექტურია სამუშაოების მიმდინარეობის, ხარისხის და ხარჯვის კონტროლი? –  ამაზე კითხვები „ბათუმელებს“ ადრეც ჰქონდა, თუმცა პასუხებს ვერ ვიღებდით.

2025 წლის ოქტომბერში, უკვე ოფიციალურად გავიგეთ, რომ საქმე არც ისე კარგად მიდიოდა.

„ოცნების“ მთავრობაში ინფრასტრუქტურის ახალი მინისტრის, რევაზ სოხაძის განცხადებით, მუნიციპალური განვითარების ფონდის 214 მიმდინარე პროექტიდან 161 პროექტი, რომელთა ჯამური ღირებულება 1 მილიარდ ლარს აღემატება, პრობლემური იყო. ამის შესახებ მან პარლამენტში განაცხადა.

რამდენიმე კვირის წინ სამსახურებრივი უფლებამოსილების ბოროტად გამოყენების ბრალდებით დაკავებულ, საქართველოს მუნიციპალური განვითარების ფონდის ყოფილ  დირექტორს, დავით ტაბიძეს აღკვეთის ღონისძიების სახით 300 ათასი ლარის ოდენობის გირაო შეეფარდა.

30 ოქტომბერს კი სამსახურებრივი უფლებამოსილების ბოროტად გამოყენების ფაქტზე რეგიონული განვითარებისა და ინფრასტრუქტურის მინისტრის ყოფილი მოადგილე, კობა გაბუნია დააკავეს. ის საქართველოს მუნიციპალური განვითარების ფონდის კურატორი იყო. გამოძიების ფარგლებში პირადი და საცხოვრებელი ბინების ჩხრეკა ჩატარდა დაკავებულ კობა გაბუნიას, რეგიონული განვითარების ყოფილი მინისტრის, ირაკლი ქარსელაძის და სხვა პირების სახლებში – 20 სხვადასხვა ობიექტზე.

ამ ფონზე „ბათუმელები“ კიდევ ერთხელ დაინტერესდა იმ პროექტებით, რომლებსაც მუნიციპალური განვითარების ფონდი ახორციელებს.

  • გმირთა ხეივნის მოწყობის პროექტი

2024 წლის 5 ივნისს საქართველოს მთავრობამ საზოგადოებას ამცნო, რომ ბათუმში 2021 წელს დაწყებული პროექტის, ჟიული შარტავას სახელობის გმირთა ხეივნის სრული რეაბილიტაცია და საფეხმავლო სახიდე გადასასვლელების მშენებლობა დასრულდა. გახსნის ცერემონიალს დაესწრნენ „ოცნების“ პრემიერი ირაკლი კობახიძე, რეგიონული განვითარების ყოფილი მინისტრი ირაკლი ქარსელაძე და მთავრობის სხვა წევრები.

ამ პროექტისთვის ბიუჯეტიდან 25 მილიონზე მეტი ლარი დაიხარჯა.

მთავრობის ინფორმაციით, პროექტის ფარგლებში, გამოიცვალა მიწისქვეშა კომუნიკაციები, მოეწყო სარწყავი სისტემა, საფეხმავლო ბილიკები, კომერციული და მოსასვენებელი სივრცეები, შადრევნები, ველოსადგომები, დამონტაჟდა სხვადასხვა სახის დეკორატიული სანათები.

ასევე, დასრულდა ხეივნის მონაკვეთების დამაკავშირებელი 3 ლითონკონსტრუქციის საფეხმავლო გადასასვლელი ხიდის მშენებლობა. შეზღუდული შესაძლებლობების პირთათვის ხიდებზე განთავსდა ლიფტები.

გახსნიდან ერთი წლის შემდეგ გმირთა ხეივნის ინფრასტრუქტურა გამართული არ არის და არც უსაფრთხოა, განსაკუთრებით კი ბავშვებისთვის. შშმ პირებისთვის განკუთვნილი ლიფტები, რომლითაც მათ ხიდზე ასვლა უნდა შეეძლოთ, დაკეტილია.

ამ თემაზე ბათუმელებმა ვრცელი სტატია 2025 წლის 30 ივლისს გამოაქვეყნა, ამის შემდეგ არაფერი შეუცვლიათ.

  • ძველი ბათუმის რეაბილიტაციის პროექტი

ძველი ბათუმის ფასადების რეაბილიტაცია-რესტავრაციის 200-მილიონიანი პროექტი 2023 წელს მუნიციპალური განვითარების ფონდმა ისე დაიწყო, რომ პროექტი, რომლის მიხედვითაც კულტურული მემკვიდრეობის ძეგლებზე სამუშაოები უნდა ჩატარებულიყო, რეალურად არავის უნახავს. „ბათუმელებს“ რამდენიმე სხვადასხვა ობიექტზე დასაქმებულმა პირმა დაუდასტურა, რომ რესტავრატორი არ არის.

ადგილზე ტენდერში გამარჯვებული „საბა კონსტრაქშენი“ მუშაობდა. სამუშაოების შესრულება კომპანიას Design-Build მეთოდით ევალებოდა. ამ საკითხზე მუშაობისას ჩვენ „საბა კონსტრაქშენსაც“ დავუკავშირდით, თუმცა აქ გვითხრეს, რომ ყველა კითხვით დამკვეთისთვის, მუნიციპალური განვითარების ფონდისთვის უნდა მიგვემართა.

მუნიციპალური განვითარების ფონდმა ჩვენს კითხვებს არ უპასუხა – ინფორმაცია წერილობით გამოითხოვეთო. წერილის პასუხი მივიღეთ, თუმცა ფონდიდან არასრულად გვიპასუხეს, თან ისე, რომ თავი აარიდეს მთავარ კითხვას, თუ კონკრეტულად ვინ, რომელმა სპეციალისტებმა მოამზადეს ძეგლების რეაბილიტაციის პროექტი.

ფონდის პასუხი

ბათუმში, სადაც ძეგლების დასაცავად მოქალაქეები აქციებს მართავდნენ, მათ გადასარჩენად კი სასამართლოში რამდენიმე მიმდინარე დავა აქვთ, არ ვიცით, ვინ მოამზადა ძველი ბათუმის რესტავრაცია-რეაბილიტაციის პროექტი, რა გამოცდილება აქვთ და სარგებლობენ თუ არა პროექტის ავტორები საზოგადოების ნდობით.

  • ნაპირგამაგრება

მუნიციპალური განვითარების ფონდის მიერ ბათუმში კიდევ ერთი მრავალმილიონიანი პროექტი განხორციელდა. საუბარია ახალი ბულვარიდან აეროპორტის ასაფრენ ზოლამდე მოწყობილ ზღვისგან დამცავ ნაგებობაზე, რომლის მშენებლობაც 2022 წელს დასრულდა.

ამ ნაგებობის მოწყობასა და მიმდებარე სანაპირო ზოლის აღდგენაში ქვეყნის ბიუჯეტიდან 56,9 მილიონი ლარი დაიხარჯა.

მიუხედავად იმისა, რომ პროექტი 3 წლის წინ დასრულდა, ნაგებობის მოვლა-პატრონობაზე პასუხისმგებლობას არცერთი სახელმწიფო თუ მუნიციპალური ორგანო არ იღებს.

ამ მრავალმილიონიან ნაგებობას ბათუმის მერია არ იბარებს – ფონდის მიერ შედგენილ მიღება-ჩაბარების აქტს ბათუმის მერია ხელს არ აწერს.

რატომ არ იყო კოორდინაცია უწყებებს შორის თავის დროზე და ვინ არის ამ ნაგებობის მოვლაზე პასუხისმგებელი ? – „ბათუმელები“ ამ საკითხებით არაერთხელ დაინტერესდა.

ამ საკითხზე 2024 წელს „ბათუმელების“ შეკითხვების პასუხად საქართველოს მუნიციპალური განვითარების ფონდიდან მოგვწერეს:

„საერთაშორისო ხელშეკრულების შესაბამისად, ფონდის დაკვეთით, 2020 წლის თებერვლის თვეში [2022 წლის თებერვლის თვეში ასევე დასრულდა ე.წ. „დეფექტების აღმოფხვრის პერიოდი“] დასრულდა ბათუმის ნაპირ-დაცვისა და სანაპირო ზოლის ნაწილის მოწყობის სამუშაოები. აქედან გამომდინარე, აღნიშნული პერიოდის შემდეგ ფონდის უფლებამოსილებებსა და კომპეტენციას სცილდება ობიექტის ფლობასთან, სარგებლობასთან, ექსპლუატაციასთან, მოვლა-პატრონობასთან ან/და მის ფუნქციონირებასთან დაკავშირებული საკითხები“.

მიღება-ჩაბარების აქტის ის [შესწორებული] ვარიანტი, რაც „ბათუმელებს“ აქვს, 2022 წლის 7 დეკემბრით თარიღდება და გადაგზავნილია ბათუმის მერთან ხელმოსაწერად, თუმცა მას ხელს მხოლოდ საქართველოს მუნიციპალური განვითარების ფონდის აღმასრულებელი დირექტორი აწერს.

ამ აქტის მიხედვით, დამცავი ნაგებობის საბალანსო ღირებულება 56 960 486 ლარია და ფონდი ამ ობიექტს ბათუმის მუნიციპალიტეტს გადასცემს ბალანსიდან-ბალანსზე, უსასყიდლოდ, გრანტის სახით.

ფონდიდან ბათუმის მერიაში გადაგზავნილ წერილებზე, ბათუმის მერიას, როგორც ჩანს, პასუხები არ გაუცია. ჩვენ გასულ წელს აღნიშნული წერილების პასუხები ბათუმის მერიისგანაც გამოვითხოვეთ და მუნიციპალური განვითარების ფონდიდანაც, თუმცა ეს წერილები არცერთი უწყებიდან არ მიგვიღია.

აღნიშნული ობიექტი არც დღევანდელი მონაცემებით აქვს ჩაბარებული ბათუმის მერიას. ეს საჯარო რეესტრის მიხედვით დგინდება იმით, რომ მუნიციპალური ფონდის აღნაგობის უფლება სანაპირო ზოლზე მოხსნილი არ არის, ანუ 2022 წლის შემდეგ ახალი ამონაწერი არ გაკეთებულა და ის ტერიტორია, რომელიც ბათუმის საკუთრებაშია და დამცავი ნაგებობაა მოწყობილი – აღნაგობის უფლებით კვლავ მუნიციპალური განვითარების ფონდზე გადაცემულად ფიქსირდება.

ამ თემაზე: დაუცველი სანაპირო ბათუმში და დამცავი კედელი, რომელსაც ზღვა შლის | ფოტო

  • აბასთუმანი

მსხვილი ინფრასტრუქტურული პროექტები სახელმწიფო ბიუჯეტის დაფინანსებით აბასთუმანში მას შემდეგ დაიწყო, რაც კურორტით ბიძინა ივანიშვილი დაინტერესდა. 2018 წლიდან დღემდე საჯარო უწყებებმა აბასთუმანში ინფრასტრუქტურული პროექტები ასობით მილიონი ლარით დააფინანსეს, ამ პროექტებთან დაკავშირებული შესყიდვების ფარგლებში სამუშაოების შესრულებაზე კონტრაქტების უმეტესობა კი „ოცნების“ შემომწირველებთან დაკავშირებულმა  კომპანიებმა მიიღეს.

კურორტის  რეაბილიტაცია-რესტავრაციის პროექტი ისევ მიმდინარეობს. ჯერ არ დასრულებულა ე.წ. შემოვლითი გზის მშენებლობის სამუშაოები. აბასთუმანი–ბაღდათის გზის მშენებლობა შეაჩერეს მას შემდეგ რაც აქ „ოცნების“ დამფუძნებელი ბიძინა ივანიშვილი ჩავიდა. პროექტის შეჩერება ახსნეს ახალი პროექტით, რომლის მიხედვითაც სატრანსპორტო გზამ კურორტზე აღარ უნდა გაიაროს. ივანიშვილი ამბობდა, რომ აბასთუმანში ელექტრომობილებს შეიყვანდა.

აქ ჯერ ისევ მიმდინარეობს ისტორიული სახლების რეაბილიტაციის პროცესი.

ამის პარალელურად თავდაპირველი ვადების მიხედვით ვერ დასრულდა ძველი სანატორიუმების აღდგენის პროცესი.

ამავე თემაზე: 

ვინ და როგორ გაინაწილა აბასთუმანი

 

„რეპეტიტორობაც არ შეიძლება უფროსის თანხმობის გარეშე“ – კონტროლის ახალი მექანიზმი კანონში

რა საფრთხეს უქმნის საჯარო სექტორს კორუფციის შესახებ კანონში  ცვლილება, რომელიც საჯარო მოხელეებს პარალელურად სხვა სამსახურში დასაქმებას უზღუდავს ან უფროსის წერილობით თანხმობას ითხოვს? – ამ თემაზე „ბათუმელები“ იურისტს ნიკა სიმონიშვილს ესაუბრა.

  • ბატონო ნიკა, როგორც ვიცით, კორუფციის შესახებ საქართველოს კანონში შეტანილი ცვლილება ითვალისწინებს იმასაც, რომ საჯარო სექტორში დასაქმებულ პირს სჭირდება ხელმძღვანელის თანხმობა იმისათვის, რომ სხვა სამსახურშიც დასაქმდეს. სინამდვილეში, რისთვის დასჭირდათ ეს ცვლილება?

მოდით დავიწყოთ ჯერ იქიდან, საერთოდ რას გულისხმობს ეს ახალი საკანონმდებლო ცვლილება, რაც უფრო კარგად დაგვანახებს მთლიან სურათს.

აქ ორი მიმართულება უნდა დავინახოთ, ძირითადად. ერთი ეხება პროფესიულ საჯარო მოხელეებს, რომლებიც საჯარო სამსახურში არიან დასაქმებულნი და მათ პარალელური დასაქმება პრინციპში აქამდეც ეკრძალებოდათ, ახლა კი, მთლიანად აკრძალული იქნება მათთვის.

აქამდე მათთვის არსებობდა გამონაკლისები, რაც გულისხმობდა საგანმანათლებლო, სამეცნიერო და სახელოვნებო სფეროში დასაქმებას და ამისთვის არავის თანხმობა არ სჭირდებოდათ, მაგრამ ახლა დასჭირდებათ დაწესებულების ხელმძღვანელის თანხმობა იმისთვის, რომ მაგალითად, უნივერსიტეტში ლექციები წაიკითხონ.

რაც შეეხება მეორე მიმართულებას – ეს ეხება მთლიანად საჯარო სექტორში შრომითი ხელშეკრულებით დასაქმებულ პირებს და ეს შეიძლება იყოს მუნიციპალური ორგანოები, სახელმწიფო ორგანოები, საჯარო სამართლის იურიდიული პირები, სახელმწიფო ან მუნიციპალური ა(ა)იპ-ები ან სახელმწიფო ან მუნიციპალიტეტის მიერ დაფუძნებული 50%-ზე მეტი წილობრივი მონაწილეობით შპს-ები.

ყველა ამ პირთან მიმართებით ერთი ძირითადი პრინციპი შემოდის, რომ ნებისმიერი პარალელური დასაქმებისთვის მათ სჭირდებათ დაწესებულების ხელმძღვანელის თანხმობა.

ხოლო თუ პირი ორ საჯარო დაწესებულებაში უნდა დასაქმდეს, ან უკვე საქმიანობს, ასეთ შემთხვევაში, უბრალოდ თანხმობა აღარ არის საკმარისი. ამ შემთხვევაში ორი წინაპირობაა საჭირო. ერთი ის, რომ დაწესებულების ხელმძღვანელმა უნდა მისცეს თანხმობა და მეორე, ეს პროფესია გამონაკლისად უნდა იყოს შეტანილი მთავრობის დადგენილებაში.

  • ამ გამონაკლისებში არ შედის, მაგალითად, საბავშვო ბაღები და სკოლები, არც უნივერსიტეტები. გამოდის, აქ დასაქმებულ პირებს, ყველას დასჭირდება უფროსის თანხმობა, სხვაგანაც რომ იმუშაონ?

დიახ. მაგალითად, საჯარო სკოლის მასწავლებელი ორ საჯარო სკოლაში ვერ ასწავლის, ვერ დასაქმდება. კერძო სკოლაში თუ მოუნდება დასაქმება, თანხმობა სჭირდება დირექტორის და ასევე, თვითდასაქმების ფარგლებში თუ რამე შემოსავალს მიიღებს, ამისთვისაც თანხმობა არის საჭირო. მაგალითად, რეპეტიტორობა.

  •  ანუ რეპეტიტორობასაც ვეღარ შეძლებენ დირექტორის ნებართვის გარეშე?

ასეა. რეპეტიტორობაც არ შეიძლება დირექტორის თანხმობის გარეშე.

  •  კერძო საქმიანობას როგორ გააკონტროლებს დირექტორი?

აქამდე მივდივარ ზუსტად, რომ ამას იდეაში ვერავინ ვერ გააკონტროლებს და ფაქტობრივად, გაუკონტროლებელი საქმიანობა იყო ყოველთვის და ასეც იქნება, მაგრამ არც სჭირდებათ ამის გაკონტროლება, რადგან ეს ძალიან დიდ უკმაყოფილებას გამოიწვევს პედაგოგებში.

აქ სხვა რამეს უფრო ვხედავ. ერთ დღესაც თუ დასჭირდებათ, ადამიანის დაშანტაჟება, მაგალითად, წინასაარჩევნოდ, იქ შეიძლება გაუხსენონ, რომ თანხმობა არ ჰქონდა მიღებული რეპეტიტორობისთვის და ამის გამო შეიძლება სამსახურიც კი დაკარგოს.

ეს ზეწოლის ახალი ბერკეტია მმართველი პარტიის ხელში.

  • ურჩ მასწავლებლებს გაუხსენებენ, მაგრამ მორჩილებს – არა, ასე გამოდის?

კი ბატონო. ძალიან მარტივი იქნება ამ ბერკეტით ნებისმიერ ადამიანზე ზეწოლა.

ზოგადად რომ შევაფასოთ, პროფესიული საჯარო მოხელეების შემთხვევაში ამ ცვლილების მიზეზად ხარჯების ოპტიმიზაცია დაასახელეს. ანუ „ოცნება“ ცდილობს ყოველთვის ისეთი მიზეზი გამონახოს, რომელიც, ერთი შეხედვით, თითქოს ნორმალურია.

ანუ ლექტორობა დასაშვებია, მაგრამ საჯარო სამსახურის ხარჯზე ეს არ უნდა მოხდეს – ასე ამბობენ. მაგრამ მეორე მხარეს შევხედოთ – ეს არ არის ისეთი პრობლემა, რომელიც აფერხებს საჯარო სექტორის მუშაობას. საჯარო სამსახურისთვის კარგიც უნდა იყოს, რომ ეს ადამიანი სამეცნიერო თვალსაზრისით უფრო მეტად ვითარდება, აკადემიურ საქმიანობას ეწევა და აქამდე არასდროს დასახელებულა ეს, როგორც პრობლემა.

ახლა, როცა უფროსის თანხმობაზე დამოკიდებულს ხდიან საჯარო მოხელეებს, ეს კიდევ უფრო მეტად ამყარებს ეჭვებს იმასთან დაკავშირებით, რომ ეს ყველაფერი სწორედ პოლიტიკური ლოიალობის მოსაპოვებლად არის გათვალისწინებული.

ვისაც უნდათ, მისცემენ თანხმობას და ვისაც უნდათ – არ მისცემენ თანხმობას. თუ ვინმე საჯარო დაწესებულებაში თავის საქმეს არ აკეთებს და იმ დროში დადის სხვა სამსახურში, ამის გამო შეუძლიათ გაათავისუფლონ თანამშრომელი და ამას საერთოდ არ სჭირდებოდა ახალი კანონის მიღება. ამიტომ, მათი ეს არგუმენტიც უვარგისია.

თუ საჯარო სამსახურში ხელფასები საკმარისი არ არის, მოდი აქედან დავიწყოთ ჯერ. მუნიციპალიტეტებში 300-400-ლარიან სამსახურებზე რომ მუშაობენ ადამიანები, ამ ხელფასად როგორ წარმოუდგენიათ რომ იარსებოს ადამიანმა დღევანდელ რეალობაში? ეს ხომ შეუძლებელია. ამ ადამიანებს ორ და სამ სამსახურში მუშაობა კი არ ეხალისებათ, უბრალოდ იძულებულები არიან იმუშაონ.

  • თუ ხარჯების ოპტიმიზაციას აპირებენ, მაშინ ხელფასებს როგორ ზრდიან, თანაც ისე, რომ არავინ შეამცირონ? არ ფიქრობთ, რომ ეს დაპირებაც ტყუილი გამოდის?

ასე გამოდის. თუ ასეთ რაღაცას აკეთებ და იმაზე არ ფიქრობ, რომ ხელფასები გასაზრდელი გაქვს, ეს მეორე პრობლემაა კიდევ. მაგრამ ჯერ უნდა იზრუნო ხელფასების სათანადოობაზე და ამის შემდეგ უნდა თქვა, რომ ორ და სამ სამსახურში მუშაობის შესაძლებლობას არ მოგცემო.

აქ კიდევ ერთი მომენტია ძალიან საინტერესო – თუ ხარჯთეფექტიანობაზე საუბრობენ, ჩვენ მთავრობის დადგენილებას თუ ჩავხედავთ, იმდენი გამონაკლისი წერია იქ, რომ რეალურად არც გამოდის ხარჯთეფექტიანობა.

ამიტომ ხარჯთეფექტიანობაც აქ არაფერ შუაში არ არის.

ყველაზე მნიშვნელოვანი აქ მაინც ის არის, რომ ეს ცვლილებები იმ დროშია მიღებული, როცა „ქართულმა ოცნებამ“ ანტიკონსტიტუციური ცვლილები შეიტანა ზოგადად საჯარო სამსახურის შესახებ კანონში, რომლის მიხედვითაც ძალიან მარტივად შეუძლიათ ადამიანების სამსახურიდან გაშვება, ე.წ. რეორგანიზაციის ჩატარების მოტივით.

ეს ბოლო ცვლილებაც, ამ ყველაფერთან ერთად, ერთ პაკეტში შეგვიძლია განვიხილოთ.

ფაქტობრივად, სარჩელის შეტანასაც აზრი დაუკარგეს, რადგან რომც უჩივლო დამსაქმებელს, ვერ მოიგებო – გეუბნებიან.

  • გარდა დასაქმებულის უფლებების შეზღუდვისა, აქ სხვა პრობლემაც იჩენს თავს და ეს იქნება კადრების საკითხი, არა? საგანმანათლებლო სფეროში ან თუნდაც იმ სკოლებში, სადაც კვალიფიციური კადრები არ ჰყავთ, ხომ დასჭირდებათ პროფესიონალები. რას იზამენ ამ შემთხვევაში?

თუ ამ თანხმობას არ გასცემენ და გაურთულებენ ამ ადამიანებს სხვაგან დასაქმებას, მაშინ უბრალოდ სამსახურში აღარ გაჩერდება არავინ და მოძებნის კერძო დამსაქმებელს, რომელიც უკეთეს ანაზღაურებას გადაუხდის. ეს ნიშნავს, რომ გადინება იქნება კადრების და როგორ გინდა, რომ გადინებული კადრები შეავსო? ანუ ასე ჰაერიდან ხომ ვერ მოიყვან ახალ კადრებს.

შეიძლება მეც დავიბრალო ექიმი ვარ-მეთქი, მაგრამ ხომ ვერ შევასრულებ ამ საქმეს?! ანუ პროფესიონალიზმის მოძებნა, თან იმ ანაზღაურებაზე, რომელზეც წინა კადრი აღარ გაგიჩერდა იმის გამო, რომ არ მიეცი ორმაგი მუშაობის შესაძლებლობა, რთული იქნება.

  • ან მოუწევთ დაბალკვალიფიციური კადრების დანიშვნა?

ნაკლებკვალიფიციურს თუ მოიყვანენ, ეს ნიშნავს, რომ ადამიანები, რომლებიც სახელმწიფოსგან სერვისს იღებენ, მიიღებენ დაბალხარისხიან სერვისს, ხომ?! რამაც შეიძლება ეს ადამიანები დააზიანოს კიდევაც. კადრები ჰაერიდან ხომ არ მოდის, კრიზისი შეექმნებათ.

ვფიქრობ, ეს ცვლილებები არ იყო გააზრებული ნორმალურობის კონტექსტში და მხოლოდ იმისთვის გაკეთდა, რომ თანხმობაზე დამოკიდებული გაეხადათ საჯარო სექტორში დასაქმება, რომ ვისთვისაც უნდოდათ თანხმობა მიეცათ და ვისთვისაც არ უნდოდათ – არ მიეცათ თანხმობა. ამის გვერდით ეფექტებზე, რა თქმა უნდა, არ უფიქრიათ. იმიტომ, რომ მათი მიზანი არ ყოფილა ნორმალურობის ფარგლებში შეეფასებინათ ეს ყველაფერი, მათი მიზანი იყო ის, რომ მაქსიმალურად მორჩილი გაეხადათ საჯარო სამსახური.

ამ პერსპექტივით შეხედეს, დაინახეს და გააკეთეს კიდევაც, მაგრამ ამას რა შედეგები მოჰყვება, სულ არ აინტერესებთ „ქართულ ოცნებაში”.

  • თუმცა ამ საკითხსაც პროპაგანდისტულად აწვდიან საზოგადოებას, ისევე როგორც უნივერსიტეტების შემთხვევაში თქვეს, რომ 10 000 ლარი ექნება პროფესორს, მაგრამ ამის იქეთ რა ზიანდება, არავინ საუბრობს.

ეს იმ კატეგორიის დაპირებებიდანაა, 100 მოგუგუნე ქარხანა რომ უნდა აეშენებინათ, ჩემი აზრით. მაგრამ ეს ცვლილება არის კონტროლის მექანიზმი.

თუ შენ გინდა, რომ ადამიანს გადაუხადო 1 500 იქნება თუ 2 000 ლარი საჯარო სამსახურში, 300 ლარის ნაცვლად, მაშინ ჯერ ეს უნდა გააკეთო და ამის შემდეგ წამოუყენო პირობა, რომ ორ და სამ ადგილას აღარ იმუშაოს.

  • არც იმაზე საუბრობენ, ხელფასებს თუ გაზრდიან, ვთქვათ, ეს გამოიწვევს თუ არა დასაქმებულების რაოდენობის შემცირებას.

ეს ეკონომიკის ნაწილია და ამაზე კვალიფიციურად ვერ ვისაუბრებ, მაგრამ თუ ხელფასს გაზრდიან ისე, რომ ამას არ მოჰყვება შემცირებები, ეს კიდევ უფრო მეტად გააუფასურებს ლარს, რადგან ხელფასების მატება ასე არ ხდება, რომ დაბეჭდო და მისცე ფული. ეს იწვევს ინფლაციას. ეს ეკონომიკის ზრდის შესაბამისად ხდება.

ამიტომ, რეალურად თუ შევხედავთ, დღეს ყველაზე დიდი პრობლემა ავტორიტარულ რეჟიმშია და არა თავად კანონში, რადგან თუ „ქართული ოცნება“ ან მისი მსგავსი რეჟიმები იქნება ქვეყანაში, ამ კანონს ყველა საჯარო სექტორის კონტროლისთვის გამოიყენებს. ასეთი ცვლილებები კარგად არის ჩაშენებული ავტორიტარიზმში.

  • ფიქრობთ, რომ ეს ცვლილება კიდევ უფრო გააჩუმებს საჯარო სექტორს და მორჩილს გახდის რეჟიმის მიმართ?

კი, რა თქმა უნდა. „კარგად მოვიქცევი და მომცემს უფროსი თანხმობას, არ მოვიქცევი კარგად და არ მომცემენ თანხმობას“ – ასე დაიწყებენ ფიქრს.

ბათუმის ბულვარის დირექტორად დანიშნეს მზია ამაღლობელის საქმის ცრუ მოწმე პოლიციელი

არჩილ ანთაძე, მზია ამაღლობელის საქმის ცრუ მოწმე პოლიციელი, ბათუმის ბულვარის დირექტორის თანამდებობაზე დანიშნეს.

ინფორმაცია ამის შესახებ დღეს, 5 ნოემბერს გახდა ცნობილი.

არჩილ ანთაძე მზია ამაღლობელის სასამართლო პროცესზე 2025 წლის 14 აპრილს დაკითხეს. ცრუ მოწმე პოლიციელს მზია ამაღლობელის ადვოკატმა სასამართლოზე აჩვენა კადრები, სადაც ჩანს, როგორ იფურთხება ის დაკავებული ქალის მიმართულებით, რომელიც ფეხშიშველი მიჰყავთ პოლიციელებს.

მას შემდეგ, რაც პოლიციელი იძულებული გახდა საკუთარი თავი ამოეცნო კადრებში, თქვა, რომ მზია ამაღლობელის მიმართულებით არ იფურთხებოდა.

ამას გარდა, ცრუ მოწმე პოლიციელმა არჩილ ანთაძემ სასამართლოზე ცრუ ჩვენება სხვა ეპიზოდზეც მისცა. ის ამტკიცებდა, რომ შეესწრო, როგორ ესაუბრებოდა მზია ამაღლობელი ბათუმის პოლიციის უფროსს ირაკლი დგებუაძეს. მან ამ საუბრის დეტალებს მოჰყვა კიდეც სასამართლო სხდომაზე და თქვა, რომ „მზია ამაღლობელი გამოხატავდა აგრესიას დგებუაძის და პოლიციის მიმართ“.

კადრებში კი, რომელიც სასამართლო სხდომაზე მზია ამაღლობელის ადვოკატმა, მაია მწარიაშვილმა არჩილ ანთაძეს აჩვენა, ჩანს, რომ მაშინ, როცა მზია ამაღლობელი ირაკლი დგებუაძეს ელაპარაკებოდა, არჩილ ანთაძე მოშორებით, დგებუაძისა და ამაღლობელისკენ ზურგშექცევით იდგა და აქციის მონაწილეებთან კამათობდა.

არჩილ ანთაძე იმ ცრუმოწმე პოლიციელებს შორისაა, რომლებიც ლიეტუვამ დაასანქცირა მზია ამაღლობელის საქმეზე მიცემული ცრუ ჩვენებების გამო.

დღესვე ცნობილი გახდა, რომ ბათუმის ბულვარის აწ უკვე ყოფილი დირექტორი, ლაშა მიქელაძე აჭარის კულტურული მემკვიდრეობის დაცვის სააგენტოს ხელმძღვანელად დაინიშნა.

ლაშა მიქელაძე ბათუმის ბულვარის დირექტორად 2022 წლიდან მუშაობდა.

დღესვე ცნობილი გახდა, რომ აჭარის სოფლის მეურნეობის ყოფილი მინისტრი ზაზა შავაძე აჭარის საავტომობილო გზების დეპარტამენტის ხელმძღვანელად დაინიშნა.

ამავე თემაზე:

პოლიციელ არჩილ ანთაძეს ადვოკატმა „აიძულა“ საკუთარი თავი ამოეცნო კადრებში – კიდევ 1 ცრუ მოწმე

 

 

„ვიდრე შენ არ გეხება, ამჯობინებ დუმილს. ასე დამყარდა საბჭოთა ტერორიც“ – ინტერვიუ 

„როგორც ჩანს, ანესთეზია ძალიან საფუძვლიანად გაკეთდა,“ – საკუთარ მოსაზრებას გვიზიარებს მწერალი ნინო ხარატიშვილი, რომელსაც წინააღმდეგობაზე ვესაუბრეთ, კონკრეტულად კი, იმ ადამიანებზე ვკითხეთ, რომლებიც საპროტესტო აქციებში არ მონაწილეობენ საპროტესტო განწყობის მიუხედავად. რის გაკეთება შეუძლიათ მათ?

„მესმის ტოტალური დაღლა. როდესაც მთელ ცხოვრებას ამ პროცესში ატარებ: სულ რევოლუციაა და გადატრიალება, მუდმივად ცვლილების მოლოდინია. გასაგებია, რომ ადამიანი იღლება. ყველას ერთი ცხოვრება გვაქვს და გვინდა, ეს ცხოვრება ღირსეულად გავატაროთ, მაგრამ დგება ისეთი მომენტი და ახლა ცალსახად ეს მომენტია, სადაც შენ უბრალოდ არა გაქვს უფლება, დანებდე, მიჰყვე დინებას. ხვალ შეიძლება გაიღვიძო და ისეთ დინებაში აღმოჩნდე, რომ მერე უკვე მართლა დაიხრჩო…

სხვა დიქტატორული რეჟიმებისგან, ბელარუსისგან ან რუსეთისგან, განგვასხვავებს ის, რომ შიში ჯერ არ არის ტოტალურად გამეფებული. ჯერ კიდევ ძალიან ბევრი ადამიანია საქართველოში, ვინც სიცილით, იმედით, თავისუფალი აზრის გამოხატვის სურვილით გამოდის ქუჩაში, სოციალურ ქსელებში აფიქსირებს თავის პოზიციას. მე მგონი, აი, ზუსტად ამაზეა ახლა დამოკიდებული ჩვენი ბედი. ასეთი განცდა მაქვს, რომ ამაზეა დამოკიდებული ჩვენი მომავალი. ეს თუ დავთმეთ და ეს თუ გაქრა, მაშინ გასაგებია, რომ უკვე იქ ვართ, სადაც არ გვინდა ყოფნა,“ – ამბობს ნინო ხარატიშვილი.

„ბათუმელებმა“ მწერალსა და დრამატურგთან ნინო ხარატიშვილთან ინტერვიუ ჩაწერა.

  • ქალბატონო ნინო, რას ეტყოდით ადამიანებს, რომლებიც არ ან ვერ მონაწილეობენ საპროტესტო აქციებში, მაგრამ აქვთ პროტესტი. რის გაკეთება შეუძლიათ?

ყველანაირი სახის პროტესტი, მგონია, რომ ამ ეტაპზე არის სასიცოცხლოდ მნიშვნელოვანი.

დემოკრატიული საზოგადოების ერთ-ერთი მთავარი მანიშნებელია აზრის თავისუფლად გამოხატვა. ამაში შედის დემონსტრაციის გამართვის უფლება. ჩვენ თუ ეს უფლება წაგვერთვა და დავკარგეთ – ამის მაგალითია ჩრდილოეთით ჩვენი მეზობელი – უკვე ოფიციალურად ვცხადდებით დიქტატურად.

მესმის, რომ ყველას შეიძლება არ ჰქონდეს საპროტესტო აქციაზე გასვლის საშუალება, მილიონი მიზეზი არსებობს, რის გამოც იგი ქუჩაში ვერ გამოდის, მაგრამ გაჩუმება და ამ ყველაფრის არ შემჩნევა ან არ დანახვა არის საშიში.

ყველამ, რა სახითაც შეუძლია და რაზეც მიუწვდება ხელი, ისე უნდა გამოხატოს პროტესტი: თუნდაც გამოელაპარაკოს ქუჩაში ვინმეს, ელაპარაკოს მეზობელს ან თანამშრომელს, შევიდეს, ვთქვათ, დისკუსიაში. ყველაფერს აქვს აზრი.

შეიძლება, რაღაცნაირად უსუსურად ვგრძნობდეთ თავს და განცდა გვქონდეს, რომ ასე მაინც ვერაფერს შევცვლით, მაგრამ ესეც საბჭოთა გადმონაშთია. საბჭოთა კავშირში ნამდვილად ასე იყო: ყოველთვის ზედა ინსტანცია არსებობდა, ვთქვათ, კრემლი და ინდივიდის, მოქალაქის აზრს არ ითვალისწინებდნენ. ყველა ცხოვრობდა რაღაცნაირ, კოლექტიურ ანესთეზიაში, როგორც მე მას ვეძახი.

დღეს, საბედნიეროდ, ჯერჯერობით ასეთი სიტუაცია არ არის. ყოველთვის ამას ვიმეორებ, სადაც ხმა მიმიწვდება, პრესა იქნება თუ მკითხველთან შეხვედრისას, რომ ჩვენ სხვა დიქტატორული რეჟიმებისგან, ბელარუსისგან ან რუსეთისგან, განგვასხვავებს ის, რომ შიში ჯერ არ არის ტოტალურად გამეფებული. ჯერ კიდევ ძალიან ბევრი ადამიანია საქართველოში, ვინც სიცილით, იმედით, თავისუფალი აზრის გამოხატვის სურვილით გამოდის ქუჩაში, სოციალურ ქსელებში აფიქსირებს თავის პოზიციას. მე მგონი, აი, ზუსტად ამაზეა ახლა დამოკიდებული ჩვენი ბედი, ჩვენი მომავალი.

ეს თუ დავთმეთ და ეს თუ გაქრა, მაშინ გასაგებია, რომ უკვე იქ ვართ, სადაც არ გვინდა ყოფნა.

  • თუმცა ძლიერდება ნიჰილისტური განწყობები. მაგალითად, ქუჩის გამოკითხვის დროს ადამიანები არ ამბობენ, რომ „ოცნების“ პოლიტიკა მოსწონთ ან ეშინიათ, მაგრამ მიიჩნევენ, რომ მაინც არავინ მოუსმენს, ან კიდევ პასუხობენ – „პოლიტიკა არაა ჩემი საქმე“.

„პოლიტიკა არაა ჩემი საქმე“ – ძალიან სასაცილო გამონათქვამია, აბსურდია, მით უმეტეს საქართველოში. როგორ შეიძლება ჩვენი წარსულის გათვალისწინებით ჩათვალო, რომ პოლიტიკა, რომელსაც შენ ადევნებ თვალს, აბსტრაქტულია და შენ არ გეხება? პოლიტიკა არ არის მარტო პოლიტიკოსები, პარლამენტი, მართლმსაჯულება. პოლიტიკა არის ყველანაირი საზოგადოების კოლექტიურად თანაარსებობის მოდელი. ყველაფერი პოლიტიკურია. პირადი ურთიერთობაც პოლიტიკურია.

როცა იგივე ხელოვანები ამბობენ: „მე აპოლიტიკური ვარ“ – ესეც აბსურდია. სიყვარულზეც რომ წერ, ის სიყვარულიც პოლიტიკურია, იმიტომ, რომ ყველაფერი არსებობს კონტექსტში. ყველაფრის დანახვა საჭიროა კონტექსტის, ეპოქის, იმ დროის, მოვლენების გათვალისწინებით. არაფერი არ არის ასე დამოუკიდებელი, ჩვენ ხომ განყენებულად, კუნძულზე არ ვცხოვრობთ?!

პოლიტიკის ასეთი აღქმა და გაცნობიერება, განყენებულად დანახვა, ჩვენი წარსულიდან გამომდინარეობს: სად გავატარეთ წინა საუკუნე და იმას მერე რა მოჰყვა ბოლო 36 წელი.

მესმის ტოტალური დაღლა. როდესაც მთელ ცხოვრებას ამ პროცესში ატარებ: სულ რევოლუციაა და გადატრიალებაა, მუდმივად ცვლილების მოლოდინია. გასაგებია, რომ ადამიანი იღლება. ყველას ერთი ცხოვრება გვაქვს და გვინდა, ეს ცხოვრება ღირსეულად გავატაროთ, მაგრამ დგება ისეთი მომენტი და ახლა ცალსახად ეს მომენტია, სადაც შენ უბრალოდ არა გაქვს უფლება, დანებდე, მიჰყვე დინებას. ხვალ შეიძლება გაიღვიძო და ისეთ დინებაში აღმოჩნდე, რომ მერე უკვე მართლა დაიხრჩო.

ჩემთვის ძალიან უცხოა, როცა ადამიანები არ გამოხატავენ პროტესტს, მაგრამ არც იმის მომხრე არა ვარ, რომ ადამიანები, რომლებიც ჩემს აზრს არ იზიარებენ, ვაბულინგო და ვლანძღო. არც ამის დროა, მგონი.

ეს არ არის მარტო ქართული ფენომენი. მგონი, მთელ მსოფლიოში იგივე ხდება: ამერიკას რომ გადავხედოთ, თუნდაც ევროპაში რა ტენდენციებია, ასეთი განცდა მაქვს, რომ ბოლო 10 წლის მანძილზე, ძალიან დემოკრატიულ საზოგადოებაშიც კი, ძალიან დიდი გარღვევა მოხდა – რაღაც უფსკრული გაჩნდა და ამ უფსკრულის მარჯვენა და მარცხენა მხარეს დარჩა საზოგადოების ორი ნაწილი. ეს რამ გამოიწვია და რატომ გახდა შესაძლებელი, ამას, ალბათ, ისტორიკოსები თუ სოციოლოგები გვეტყვიან, ეს გამოსაკვლევია. იგივე ლიბერალური საზოგადოების ბევრი შეცდომაც ჩანს, მაგრამ ახლა არ არის ამის დრო.

ახლა არის მოცემულობა, რომ მართლაც უფსკრულისკენ მიგვექაჩებიან. ჩვენ ორ საზოგადოებას შორის უნდა მოვახერხოთ, რაოდენ ძნელი არ უნდა იყოს, ხიდი ავაგოთ. მიუხედავად იმისა, რომ ძალიან უტოპიურად ჟღერს ეს აზრი, მაინც მგონია, რომ ჩვენთვის, ყველასთვის, ამ შემთხვევაში, საქართველოსთვის, გამოსავალი ისაა, რომ ჩვენ გავხდეთ უმრავლესობა და ის ხალხი, ვინც მეორე ნაპირას დარჩა, გადმოვიბიროთ როგორმე. ჩვენ მათ უნდა მივაწვდინოთ ხმა.

  • არ ფიქრობთ, რომ სინამდვილეში „ოცნებას“ საზოგადოების მცირე ნაწილი უჭერს მხარს? მაგალითად, ამომრჩეველი მასობრივად არ მივიდა არჩევნებზე, ასევე „ოცნების“ ცესკოს მონაცემებით, კახი კალაძე თბილისში ამომრჩევლების 20 %-მა აირჩია… მკაფიოა საზოგადოებაში კრიტიკული განწყობა. 

მეც არ მგონია, რომ ჩვენი ყველაზე დიდი პრობლემა ამ ეტაპზე „ოცნების“ ამომრჩევლები იყვნენ. ჩემი აზრით, ჩვენი ყველაზე დიდი პრობლემა არის რაღაცნაირად შუაში გაჩხირული, პასიური, გაჩუმებული ადამიანები, რომელიც საკმაოდ დიდი მასა აღმოჩნდა.

ძალიან ცოტა ადამიანს ვიცნობ ჩემს გარშემო, ვინც ხმალამოღებული იბრძვის, მაგალითად, „ოცნების“ ფასეულობებისთვის, მაგრამ ბევრია ისეთი, ვინც თვლის, რომ ეს მას არ შეეხება, ან კიდევ – „ეს რომ ჩამოინგრევა, სხვა ვინ მოვა?“ – პასიური და ცოტა ნიჰილისტური დამოკიდებულება აქვთ.

მე არ ვარ ფსიქოლოგი და არც ისტორიკოსი, მაგრამ ჩემი აზრით, დიალოგს ყოველთვის აქვს აზრი. იმ სამ წელიწადში, როდესაც ისევ არჩევნების დრო მოვა, შეიძლება, არჩევნების უფლება აღარ არსებობდეს ფიზიკურად. ოპოზიციური პოლიტიკური პარტიების გაუქმებით, რაღაც ახალი კანონებით, რომელსაც გაუთავებელ რეჟიმში იღებს „ოცნება“, ხომ უკვე ცალსახად თვალშისაცემია, საითაც მიექანება ქვეყანა.

ამ ყველაფრის არ შემჩნევა დღესდღეობით ყველაზე დიდი საფრთხეა.

  • შემჩნევა რას ცვლის? ვთქვათ, თუ დაწერს მოქალაქე სოციალურ ქსელში რომელიმე აბსურდზე, მაგალითად, „ოცნების“ სარჩელს ოპოზიციური პარტიების აკრძალვის შესახებ განიხილავს მოსამართლე, რომელიც ენმ-ს ხელისუფლებაში ყოფნის დროს იყო იმ საქმის პროკურორი, რომლის გამოც ივანიშვილის დაჯგუფება ენმ-ს აკრძალვას ითხოვს – რა შეიცვლება?

შემჩნევას შეიძლება კონკრეტულ მომენტში არ ჰქონდეს გადამწყვეტი მნიშვნელობა, მაგრამ როდესაც მოქალაქე დაინახავს პრობლემას, მერე გააცნობიერებს და მოუნდება, რომ ქუჩაშიც გამოვიდეს, მოუნდება, რომ გაემიჯნოს ამ სისტემას.

ადამიანების დიდი ნაწილი ეგოისტური არსებები ვართ: ვიდრე მე არ შემეხება, მაქვს ფუფუნება, რაღაცას წავუყრუო, გავიშტერო თავი, არ შევიხო და ჩემი ყოფა ჩვეულებრივად გავაგრძელო, მით უმეტეს, რომ ამ ყოფაში რაღაც პრივილეგიები მაქვს, დამოკიდებული ვარ ამა თუ იმ ფორმით მმართველობაზე, ამიტომაც შემიძლია საკმაოდ დიდხანს, აი, ფატალურად დიდხანს, ავიფარო ყურებზე ხელი, თვალებზეც.

ეს არ არის მარტო ქართული ფენომენი: როგორ გახდა შესაძლებელი, ვთქვათ, გერმანიაში ფაშიზმი? როგორ დამყარდა საბჭოთა კავშირის დროს ტოტალური ტერორი, როგორ გახდა ეს შესაძლებელი? ახლა რაც ხდება, ეს ამის მაგალითია. ასე გახდა შესაძლებელი, იმიტომ, რომ ადამიანის ბუნებაა – ვიდრე მას პირადად არ შეეხება, ამჯობინებს დუმილს.

მესმის, რომ ოპოზიცია არ გვყავს, ვერ მოხდა კოალიციის შექმნა, გაერთიანება ასეთ ვითარებაშიც კი, რაც ცალსახად სამწუხაროა, მაგრამ ახლა ის სიტუაციაა, რომ ჯერ ეს უნდა მორჩეს, ეს უნდა დამთავრდეს, რომ მერე უკვე, როგორც საზოგადოება ჩამოვყალიბდეთ, შევიკრათ, შევთანხმდეთ ფასეულობებზე.

დღეს პრიორიტეტულია ის, რომ ხვალ დიქტატურაში არ გავიღვიძოთ, რომ მართლა არჩევნები აღარ გვქონდეს. ისედაც უკვე მაგ გზას ვადგავართ და ისედაც ტოტალური აგონიაა დაწყებული. სრული განუკითხაობაა, რაც ხდება. აბსოლუტურად ყველა მოქალაქე საფრთხეშია: ნიღბის გამო თუ ქუჩის გადაკეტვის გამო შეიძლება დაგაპატიმრონ.

განათლების რეფორმაც საქართველოში კიდევ უფრო მეტად ფატალურ შედეგს გამოიწვევს. ფაქტობრივად, არცერთი სოციალური დარგი არ დარჩა – სამედიცინოდან დაწყებული, აგრარულით დამთავრებული, სადაც ამ ყველაფერს გავლენა არ ექნება.

როგორც ყველა დიქტატურაში ხდება, ეს დიქტატურაც საკუთარი ხალხის განადგურებასაც იწყებს. ეს დაწყებულია, ამასაც ვუყურებთ.

სამწუხაროდ, არ ვიცი, კიდევ რა უნდა მოხდეს, რომ მართლა საზოგადოების ყველა ფენას შეეხოს, ყველამ გაიგოს, რასთან გვაქვს საქმე. როგორც ჩანს, ეს ანესთეზია ძალიან საფუძვლიანად გაკეთდა და პროპაგანდამაც, ალბათ, ძალიან კარგად იმუშავა: „ცოცხების პერიოდში“ რაზეც საუბრობდნენ, სამჯერ უფრო დიდი ტრაგედია ტრიალდება ახლა.

  • თქვენ ახსენეთ პროპაგანდის გავლენა. „აბა, ომი გინდა?“ – რუსული პროპაგანდის ეს გზავნილი დღესაც მუშაობს, რადგან რუსეთი მეზობელია, ოკუპანტია და განაგრძობს ომს უკრაინაში. თქვენ როგორ პასუხობთ მსგავს პროპაგანდისტულ გზავნილებს? 

„აბა, ომი გინდათ“ – ჩემთვის ერთ-ერთი ყველაზე მდაბიო ნარატივია, რაც კი „ქართულ ოცნებას“ შემოუგდია. სამწუხაროდ, ისიც უნდა აღვნიშნოთ, რომ ყველაზე ეფექტურია. უკაცრავად და გულისრევის შეგრძნება მქონდა, როდესაც წინასაარჩევნო პლაკატი დავინახე თბილისში: ჩამონგრეული ეკლესია უკრაინაში და აშენებული საქართველოში.

არ ვიცი, ამაზე დაბლა როგორ შეიძლება ადამიანი დაეცეს. ფაქტია, რომ ეს შესაძლებელია.

ჩვენ მრავალგზის გამოვცადეთ ძალადობა და ომი. მესმის, რომ ადამიანებს მართლაც ტვინში აქვთ ეს ტრავმა. ჩვენთვის ომი არ არის რაღაც ისეთი, რაზეც ჩვენი წინაპრები ჰყვებიან. ძალიან ბევრ ჩვენგანს აქვს ეს ტრავმული გამოცდილება, მაგრამ რუსეთთან თანამშრომლობა, ან რაღაც სახით კეკლუცობა, მათი დამშვიდება და მათთვის კომფორტის შექმნა რომ მშვიდობასთან მოგიყვანს იმ ქვეყანაში, რომლის ტერიტორიის 20% მავთულხლართით აქვს შემოსაზღვრული, აბსურდია.

მარტო ბოლო 100-წლიანი გამოცდილებით, მხოლოდ ძალადობა და მხოლოდ დიქტატურა გახსოვს რუსეთისგან. ამ დროს როგორ შეიძლება მშვიდობის იმედი გქონდეს ქვეყანასთან, რომელიც დაუსრულებელ რეჟიმში ომებს აწარმოებს, საბჭოთა კავშირის დროს და ახლაც.

ვფიქრობ იმაზე, რომ მეოთხე მთავრობაა და ვერ მოვახერხეთ სოციალურად დაუცველი ფენებისთვის პირობების გაუმჯობესება. თუ ჩვენი საზოგადოება ერთიანდება და მრავალი ათასი ადამიანი გამოდის, თუნდაც ევროპის გამო ქუჩაში, მაღაროელის გამო გამოდის 100 კაცი. ეს ნიშნავს, რომ სოლიდარობა, რაც რეალურად უნდა გვქონდეს, დღემდე შეუძლებელია. ესეც, ალბათ, საბჭოთა გადმონაშთია, იმიტომ, რომ დღესაც კი, გაჭირვება ასოცირდება სირცხვილთან: თითქოს ეს რაღაც სასირცხვილოა, თითქოს დანაშაულია. ე.წ. საშუალო ფენა, რომელიც საქართველოში რეალურად არც გვყავს – ის საშუალო ფენაც მინიმუმზე ცხოვრობს და მუშაობს – მისთვისაც კი, რაღაცნაირად შეუძლებელია და არ არის სასურველი, გაჭირვებულ, სოციალურად დაუცველ ადამიანთან ასოცირდებოდეს ან მის გვერდით დადგეს.

ამ სოციალურმა უთანასწორობამ გამოიწვია ისიც, რომ საზოგადოების ძალიან დიდი ფენა ამ ნარატივის გარეთ დარჩა: სადღაც სოფელში ცხოვრობს და მისი რეალობა არ შეცვლილა ბოლო 30 წლის მანძილზე, ან თუ შეიცვალა, ეს იყო რაღაც მინიმალური. შესაბამისად, ის არ თვლის, რომ მას ეს პრობლემები ეხება, ევროპის ნაწილი იქნება თუ არ იქნება, მის წარმოდგენაში ეს არაფერს არ იცვლის. მან ზუსტად იცის, რომ მისი 400 ლარით მაინც ვერ მოახერხებს პარიზში გაფრენას ან რომის დათვალიერებას.

ამანაც ძალიან, ხელი შეუწყო, ჩემი აზრით, ამ გახლეჩვას, უფსკრულის გაჩენას.

  • თქვენი აზრით, დღეს რას შეიძლება დაეფუძნოს ერთობა? როგორც საზოგადოება, ისე პოლიტიკური ოპოზიცია, ძლიერი დაკვეთის მიუხედავად, ვერ ახერხებს გაერთიანებას. 

ძალიან ბევრი კარგი მაგალითი გვაქვს. მთელმა უბედურებამ, რაც ჩვენს თავს ტრიალებს, სამოქალაქო საზოგადოების ცნობიერება ბევრად გაამყარა.

ჩვენ უდიდესი სოლიდარობის აქტის მომსწრე ვხვდებით ძალიან ბევრი მიმართულებით – დაწყებული პატიმრებისთვის ფულის შეგროვებით, დამთავრებული ხელიხელ ჩაკიდებული ქუჩის გადაკეტვით.

  • თქვენი დაკვირვებით, რამდენად შესაძლებელია საბჭოთა კავშირის მოცემულობა დაუშვას ისევ ჩვენმა საზოგადოებამ? საბჭოთა კავშირის ლეში, რომელიც არც დაუმარახავთ, თითქოს გაცოცხლდაო – ერთ-ერთ ინტერვიუში უთხარით „ბათუმელებს“…

ამ თემაზე ვცდილობ ყველგან ვისაუბრო საქართველოში, დასავლეთშიც ვილაპარაკო, იმიტომ, რომ ძალიან ბევრ ადამიანს არა აქვს ჯერ აღქმული და შეცნობილი, რა იყო ეს.

რომ გადავხედოთ სერბეთს, უნგრეთს, სლოვაკეთს – რაღაცნაირად მაზუთივით იღვრება და შედის ყველა ღრიჭოში, აღწევს იდეოლოგიური ომი, რაშიც ჩვენ დღესაც ვიმყოფებით. უბრალოდ, „რკინის ფარდა“ აღარ არსებობს და ილუზია გაქვს, რომ გახსნილია საზღვრები.

ძალიან დიდი ტკივილია, როცა იმასაც ვერ იტყვი, რომ აი, რუსი მოვიდა კალაშნიკოვით. საკუთარი ხელით იღებ შენს სისხლით და ოფლით შეკოწიწებულ ყველანაირ დემოკრატიულ სტრუქტურას, რისთვისაც იომე და იწვალე, ამდენი ადამიანი შეეწირა, დევნილი გახდა, სახლი დაკარგა. ამ ყველაფერს იღებ საკუთარი ხელით და გაგაქვს სანაგვეზე. ეს არის ჩემთვის კიდევ უფრო უპატიებელი, ვიდრე ის, რომ მართლა პირდაპირ რუსს გაეკეთებია. გასაგებია, რომ ამის უკან რუსეთი დგას, მაგრამ, ვისი ხელით ხდება?!

ჩვენ რეალურად არასოდეს არ გაგვისწორებია თვალი საკუთარი წარსულისთვის. ლუსტრაციის კანონი არ არსებობს, არქივებზე წვდომა არ არის.

მთელი ჩემი ბავშვობა მესმოდა, რომ აი, ადამიანები დააპატიმრეს… მიჩნდებოდა კითხვა: ეს ადამიანები ვინ დააპატიმრა, ისინი რატომ არასდროს არ არსებობენ? იმათი არც გვარები ვიცით, არც სახელები. რატომ?

გერმანიაში, გდრ-ის დანგრევის შემდეგ და დღესაც შეგიძლია შეხვიდე არქივში და ნებისმიერი მონაცემი ნახო. მეც ძალიან არ მესიამოვნებოდა იმის გაგება, რომ ბაბუაჩემი იჭერდა, ან ჩემი წინაპარი იყო წითელი ტერორის თანამონაწილე, მაგრამ ამ მტკივნეულად გადაფასების და თვალის გასწორების გარეშე რეალურად ვერ წავალთ წინ.

ოკუპაციის მუზეუმი რომ გაიხსნა, მახსოვს, ძალიან გამიხარდა, მაგრამ იქაც არავინ საუბრობს იმაზე, რომ ჩვენ მაშინაც სამოქალაქო ომის სიტუაცია გვქონდა – ძალიან ბევრი ქართველი იყო წითლების რიგში. რა თქმა უნდა, წითელი არმია შემოვიდა და ჩვენ დაგვიპყრეს, მაგრამ ახლა რაც ხდება, დაახლოებით ისეთი სიტუაცია იყო მაშინაც: გახლეჩილი იყო საზოგადოება და გახლეჩვის დროს ყოველთვის უფრო მარტივია დაამონო ხალხი, ასეთი სტრუქტურა ჩამოაყალიბო.

იმისთვის, რომ ჩვენ ამისგან დაცულები ვიყოთ, უნდა ვიცოდეთ, საიდან მოვდივართ.

ის ადამიანები, დღეს რომ ნიღბები უკეთიათ თუ ტიტუშკებს ეძახიან, უნდა ვიცოდეთ მათ შესახებ.

გერმანიაში, მაგალითად, ბავშვიც არ არის, არ იცოდეს იგივე ჰოლოკოსტი და ფაშიზმის დროს რა მოხდა. ვერ გაიზრდები ამ ქვეყანაში, გერმანიაში ისე, რომ ისტორია არ იცოდე. ქუჩა შეგხვდება სადღაც იმგვარად მოპირკეთებული, ფეხს წამოჰკრავ და იმ ქვაზე ებრაელი მსხვერპლების სახელი და გვარები აწერია. გინდა, არ გინდა, დაინტერესდები, ისე როგორც ჩემი პატარა შვილი, მაგალითად, რომელმაც ამას წინათ მკითხა, ეს რა არისო.

ახალი ფორმის პირადობის მოწმობის გაცემის ვადა კიდევ გადაწიეს

ახალი დიზაინის პირადობის მოწმობების გაცემის თარიღი „ოცნების“ იუსტიციის მინისტრის ბრძანებით კიდევ ერთხელ გადავადდა. ამჯერად 2025 წლის 22 დეკემბრამდე.

ამ ბრძანების გამოცემამდე კი ეს ვადა 3 ნოემბერი იყო.

„საქართველოს მოქალაქის პირადობის ელექტრონული მოწმობისა და საქართველოში მცხოვრები უცხოელის დროებითი და მუდმივი ბინადრობის ელექტრონული მოწმობების, აგრეთვე დროებითი საიდენტიფიკაციო ელექტრონული მოწმობის ტექნიკური მახასიათებლებისა და ფორმების დამტკიცების შესახებ“ ბრძანება 2025 წლის 10 მარტს გამოქვეყნდა, რომლის მიხედვითაც ახალი ფორმის პირადობის მოწმობა, ბიომეტრიული პასპორტი და სხვა დოკუმენტები 2025 წლის 4 ივნისიდან უნდა გაცემულიყო.

ეს ვადა, როგორც აღვნიშნეთ, რამდენჯერმე გადაწიეს.

ახალი ფორმის ბიომეტრიული პასპორტების გაცემა იმ მოქალაქეებზე დაიწყეს, რომლებმაც განაცხადი 2025 წლის 6 ოქტომბრიდან გააკეთეს. პირადობის მოწმობების გაცემა კი ჯერ არ დაუწყიათ.

ამ თემაზე: საქართველოში ახალი დიზაინის პასპორტების გაცემა იწყება

ახალი დიზაინის პირადობის მოწმობები კი იმ მოქალაქეებზე გაიცემა, რომლებიც განაცხადს 2025 წლის 22 დეკემბრიდან გააკეთებენ [ესეც, ბუნებრივია, იმ შემთხვევაში, თუ აღნიშნულ ვადას კიდევ არ შეცვლიან].

ცნობისთვის: როცა ახალი ფორმის დოკუმენტები გაიცემა, უკვე გაცემული [ანუ, დღეს არსებული ფორმის პირადობა, პასპორტი და სხვა] დოკუმენტების მოქმედება რჩება ძალაში – მათზე მითითებული ვადის განმავლობაში. ანუ, ვადიანი პასპორტის შეცვლის ვალდებულება მოქალაქეს არ აქვს. ასევე არ იქნება სავალდებულო იმ პირადობის მოწმობის შეცვლა 22 დეკემბრის შემდეგაც, რომელ პირადობასაც მოქმედების ვადა ექნება.

რა იცვლება პირადობის მოწმობაში ნახეთ ამ ბმულზე:

პირადობისა და ბინადრობის ელექტრონული მოწმობების ფორმები იცვლება

 

ბათუმის თეატრის დირექტორად დანიშნეს კოტე მჟავია, რომელსაც „ცნობილ თამადას“ უწოდებენ

ბათუმის დრამატული თეატრის დირექტორად კოტე მჟავია დანიშნეს. ახალ დირექტორს დასის წევრებს აჭარის კულტურის სამინისტრო დღეს, 5 ნოემბერს წარუდგენს.

კოტე მჟავია პროფესიით მსახიობია. თუ მის შესახებ ინფორმაციის მოძიებას Google-ის საძიებო სისტემით ეცდებით, ნახავთ, რომ კოტე მჟავია ცნობილია პროსახელისუფლებო სატელევიზიო არხების გასართობ შოუებში მონაწილეობით. პროსახელისუფლებო „იმედზე“, გადაცემა ღამის შოუში ის წარდგენილი იყო სტატუსით – „ცნობილი თამადა“.

აჭარის არალეგიტიმური კულტურის სამინისტროს პრესცენტრში გვითხრეს, რომ კოტე მჟავიას ბიოგრაფიულ მონაცემებს დღის განმავლობაში მოგვაწვდიან. ინფორმაციის მიღების შემთხვევაში მასალა განახლდება.

აჭარის კულტურის სამინისტროს ინფორმაციით, კოტე მჟავია 1999 წლიდან დღემდე არის ლიტერატურული თეატრის ერთ-ერთი დამფუძნებელი და ხელმძღვანელი. 2012-2016 წლებში მუშაობდა დმანისის თეატრის სამხატვრო ხელმძღვანელად, 2005-2010 წლებში იყო ნოდარ დუმბაძის სახელობის მოზარდ მაყურებელთა თეატრის, 2006-2009 წლებში ახმეტელის თეატრის, ხოლო 1999-2005 წლებში რუსთავის საბავშვო თეატრის მსახიობი, 1998-2003 წლებში მერაბ კოსტავას სახელობის მუსიკალურ-ლიტერატურულ თეატრში ეკავა ადმინისტრატორის პოზიცია.

ოტე მჟავიას დამთავრებული აქვს საქართველოს ტელევიზიისა და რადიომაუწყებლობის ინსტიტუტის სარეჟისორო ფაკულტეტი.

  • ბათუმის დრამატული თეატრის დირექტორის პოსტი მას შემდეგ გახდა ვაკანტური, როცა ნუკრი ქანთარიამ თეატრის დასის პროტესტის შემდეგ თანამდებობა დატოვა.

ბათუმის დრამატული თეატრის დასი თეატრის დირექტორის, ნუკრი ქანთარიას გადადგომას 2025 წლის სექტემბრიდან ითხოვდა. მსახიობთა თქმით, ამის მიზეზი ის უპატივცემულობაა, რაც თეატრის დირექტორმა, ნუკრი ქანთარიამ მათი კოლეგის – ოთარ ქათამაძის გარდაცვალების შემდეგ გამოიჩინა – ნუკრი ქანთარიამ სამძიმარიც კი არ გამოხატა ოთარ ქათამაძის გარდაცვალების შემდეგ.

მსახიობი და რეჟისორი ოთარ [ოთო] ქათამაძე პროევროპული საპროტესტო აქციების აქტიური მონაწილე და მხარდამჭერი იყო. მას ამის გამო არაერთი პრობლემა შეუქმნეს, ისე, როგორც ბათუმის დრამატული თეატრის დასის სხვა მსახიობებს. ოთარ ქათამაძე 42 წლის იყო, ის 2025 წლის 24 აგვისტოს გარდაიცვალა.

ნუკრი ქანთარია მსახიობებს 2025 წლის 4 სექტემბერს შეხვდა, თუმცა შეხვედრის დაწყებიდან რამდენიმე წუთში მან შეხვედრა დატოვა შეძახილების ფონზე: „წადი“. მსახიობების თქმით, ნუკრი ქანთარიამ სამძიმრის თქმის ნაცვლად, შეხვედრა გასტროლებზე საუბრით დაიწყო, რასაც დასის მხრიდან შეკითხვები მოჰყვა. ნუკრი ქანთარიამ პასუხად შეხვედრა დატოვა.

ამის შემდეგ დასი აჭარის არალეგიტიმური კულტურის მინისტრს, ელისო ბოლქვაძეს შეხვდა. პროტესტის ნიშნად ამ თეატრის მსახიობმა, მაია ცეცხლაძემ 2025 წლის 20 სექტემბერს ნუკრი ქანთარიას კაბინეტის კარი ლენტით გადაღობა.

პარლამენტის ყოფილი წევრი, დეპუტატი „ქართული ოცნებიდან“ – ნუკრი ქანთარია ბათუმის დრამატული თეატრის სამხატვრო ხელმძღვანელად კონკურსის გარეშე დანიშნეს 2022 წელს. მისი დირექტორობის პერიოდში არაერთხელ იყო დაპირისპირება მსახიობებსა და მას შორის.

____________

ფოტოზე: კოტე მჟავია. კადრი „ღამის შოუს“ ვიდეომასალიდან.

ამ თემაზე:

ბათუმის თეატრის მსახიობები დირექტორის, ნუკრი ქანთარიას გადადგომას ითხოვენ

არ გამოგრჩეთ მოსწავლის ბარათის შეთავაზებები მრავალფეროვან კატეგორიებში

თიბისის ერთ-ერთი მთავარი პრიორიტეტი, ახალ თაობაზე ზრუნვა და მათი განვითარების ხელშეწყობაა. მოსწავლის ბარათი კი, ამ მიზნის ერთ-ერთი მნიშვნელოვანი ნაწილი, რომელიც მრავალფეროვანი შეთავაზებებით, მოსწავლეებს თუ მათ მშობლებს ყოველდღიურობას უმარტივებს.

წიგნები, საკანცელარიო ნივთები, კვება, გართობა- ყველაფერი ის, რაც სკოლის მოსწავლეებს სჭირდებათ, ახლა მოსწავლის ბარათის მიმდინარე შეთავაზებებშია თავმოყრილი.

  • კვება

31 დეკემბრის ჩათვლით, მოსწავლის ბარათის მფლობელები Wendy’s-ის, Subway-ის და Dunkin-ის ფიზიკურ ობიექტებში, თიბისის პოს-ტერმინალზე გადახდისას, გადახდილი თანხის 20%-ს (თვეში ჯამში მაქსიმუმ 30 ლარს, სამივე ობიექტში ერთად) მომენტალურად დაიბრუნებენ.

შეთავაზების დეტალური პირობებს სანახავად გადადით ბმულზე.

  • გართობა

ასევე, მოსწავლის ბარათით გადახდისას, ყოველდღე, 20% ქეშბექს დაიბრუნებთ (თვეში მაქსიმუმ 30 ლარს, სამივე ობიექტში ერთად) კავეას და ამირანის კინოთეატრებში, Cavea.ge-ზე ან Kinoafisha.ge-ზე ბილეთების შეძენისას.

შეთავაზებით სარგებლობისთვის აუცილებელია, გადაიხადოთ თიბისის პოს-ტერმინალზე ან თიბისის საგადახდო არხით. შეთავაზება არ ვრცელდება Apple Pay/ Google Pay გადახდებზე.

შეთავაზების დეტალური პირობებს სანახავად გადადით ბმულზე.

  • საკანცელარიო

მოსწავლის ბარათით თიბისის პოს-ტერმინალზე გადახდისას, 20% ქეშბექს ყოველდღე დაიბრუნებთ (ოთხივე ობიექტში ერთად, თვეში ჯამში მაქსიმუმ 30 ლარი): ბიბლუსის, სულაკაურის გამომცემლობის, მინისოს და ორგსერვისის ფიზიკურ ობიექტებშიც. შეთავაზების დეტალური პირობებს სანახავად გადადით ბმულზე.

მშობელს მოსწავლისთვის ბარათის აღება შეუძლია, tbc.ge-ზე ან თიბისის ნებისმიერ ფილიალში.  თიბისის მობაილბანკი უკვე მოსწავლეებისთვისაცაა, ამიტომ ბარათის აღების შემდეგ, თქვენი საყვარელი ობიექტების შეთავაზებები, სწორედ აქ უნდა დაათვალიეროთ.

ბათუმი-სარფის გზის მშენებლობაზე ტენდერი გამოცხადებულია – გზების დეპარტამენტი

ბათუმი – სარფის მაგისტრალური გზის მშენებლობაზე საერთაშორისო ტენდერი გამოცხადდა. ინფორმაციას ამის შესახებ საქართველოს საავტომობილო გზების დეპარტამენტი ავრცელებს.

„პროექტი განხორციელდება აზიის განვითარების ბანკის სესხისა და სახელმწიფო ბიუჯეტის თანადაფინანსებით. სამშენებლო სამუშაოების ვადა 48 თვეა. დაინტერესებულმა კომპანიებმა წინადადებები არაუგვიანეს 2025 წლის 22 დეკემბრის 16:00 საათისა უნდა წარადგინონ.

ბათუმი–სარფის გზის მშენებლობის პროექტი ითვალისწინებს 11.3 კმ-იანი 2 ზოლიანი გზის, 7.6 კმ სიგრძის გვირაბის და 3 ხიდის, აქედან 1.47 კმ სიგრძის ვიადუკისა და 500 მ სიგრძის ზღვის ნაპირის გასამაგრებელი ნაგებობის მშენებლობას.

ბათუმი–სარფის 11.3 კმ-იანი გზა აღმოსავლეთ–დასავლეთის ჩქაროსნული ავტომაგისტრალის მნიშვნელოვანი მონაკვეთია, რომელიც ბათუმის შემოვლით მაგისტრალურ გზას შეუერთდება და საქართველოს საზღვარს თურქეთის რესპუბლიკასთან დააკავშირებს,“ – აცხადებს გზების დეპარტამენტი.

გზა დაიწყება ქალაქის სამრეწველო ზონაში, ფრიდონ ხალვაშის გამზირთან [სადაც სპეციალური საგზაო კვანძით დაუკავშირდება ბათუმის შემოვლით გზას]; აშენდება ახალი ხიდი მდინარე ჭოროხზე; ახალი ხიდიდან გზა გაგრძელდება ახალსოფლისა და ჭარნალის ტერიტორიაზე და 7,6-კილომეტრიანი გვირაბით გამოვა სარფში [ანდრიას ჩანჩქერის მიმდებარედ], სადაც დაუკავშირდება სარფი-ბათუმის არსებულ გზას – აქ დაგეგმილია ზღვის სანაპიროს გამაგრება.

სატენდერო მოწვევის დოკუმენტის მიხედვით გზის მშენებლობისთვის დაახლოებით 4 წელია გათვლილი [1 440 დღე], მომდევნო დაახლოებით 3 წელი  კი [1080 დღე] „დეფექტების შეტყობინების პერიოდი“ იქნება.

ბათუმი-სარფის ახალი გზის მარშრუტი

სასესხო შეთანხმებას, რომელიც ბათუმი-სარფის გზის მშენებლობას ითვალისწინებს, ხელი 2025 წლის 6 ოქტომბერს მოეწერა.

ფინანსთა სამინისტროს ინფორმაციით გრძელვადიანი სესხის მოცულობა 306,6 მილიონი ევროა.

საქართველოს ფინანსთა სამინისტროს 2025-2028 წლების საინვესტიციო/კაპიტალური პროექტების მიმოხილვის დოკუმენტის მიხედვით, ბათუმი[ჭოროხი]-სარფის ახალი ავტომაგისტრალის მშენებლობისთვის 620 მილიონი ლარია გათვლილი.

ამ თემაზე ვრცლად:

მკვლელი შემოვლითი გზა – რას შეცვლის ხელისუფლება 15 წლის ლიკას დაღუპვის შემდეგ

 

მთავარი ფოტო: ბათუმი-სარფის ავტომაგისტრალი/რენდერი/ფოტო გზების დეპარტამენტის ვიდეორგოლიდან

 

„ლიკვიდირებულია ერთი თავდამსხმელი, სპეცრაზმელი დაიჭრა“ – შსს აცხადებს, რომ 34 პირი დააკავა

ლაგოდეხში, სპეცოპერაციის მიმდინარეობისას ერთი პირი მოკლეს. როგორც შსს აცხადებს, სპეცოპერაციისას მძიმედ დაიჭრა ერთი სპეცრაზმელი.

ამის შესახებ დღეს, 5 ნოემბერს, შინაგან საქმეთა მინისტრის მოადგილემ, ალექსანდრე დარახველიძემ განაცხადა ბრიფინგზე.

ალექსანდრე დარახველიძის ინფორმაციითვე, სამართალდამცველებმა „ქურდულ სამყაროსთან“ კავშირში მყოფი 34 პირი დააკავეს.

„საქართველოს შინაგან საქმეთა სამინისტრომ სპეცოპერაცია ჩაატარა, რომლის შედეგადაც 5 სისხლის სამართლის საქმეზე ჩატარებული ღონისძიების შედეგად ე.წ. „ქურდული სამყაროს“ წევრობის, ქურდული სამყაროს საქმიანობის მხარდაჭერის და „ქურდული სამყაროს“ წევრისთვის მიმართვის ბრალდებით დაკავებულია 34 პირი.

7 პირს, მათ შორის პენიტენციურ დაწესებულებაში მყოფ ორ პირს და საზღვარგარეთ მყოფ ოთხ პირს, ასევე, ერთ „კანონიერ ქურდს“, ბრალი დაუსწრებლად წარედგინა.

ღონისძიების მიმდინარეობის დროს, ლაგოდეხის რაიონის სოფელ კაბალში ერთ-ერთმა დასაკავებელმა პირმა, 1973 წელს დაბადებულმა მირზა ალიევმა, რომელზეც გაცემული იყო მოსამართლის განჩინება დაკავების შესახებ, ინტენსიური ცეცხლი გახსნა სპეციალური რაზმის თანამშრომლების წინააღმდეგ. სროლის შედეგად გულმკერდის არეში მძიმედ დაიჭრა ერთ-ერთი სპეცრაზმელი. პოლიციის საპასუხო ცეცხლის შედეგად მირზა ალიევი ადგილზე იქნა ლიკვიდირებული.

საპოლიციო ღონისძიება ერთდროულად მთელი ქვეყნის მასშტაბით, ცენტრალური კრიმინალური პოლიციის, თბილისის, კახეთის, მცხეთა-მთიანეთისა და განსაკუთრებულ დავალებათა დეპარტამენტების თანამშრომლების მიერ ჩატარდა,“ – განაცხადა ალექსანდრე დარახველიძემ.

მისივე თქმით, დანაშაულები 15 წლამდე ვადით თავისუფლების აღკვეთას ითვალისწინებს.

„მოპოვებული მტკიცებულებით დგინდება, რომ დაკავებული ე.წ. ქურდული სამყაროს წევრები და ქურდული საქმიანობის მხარდამჭერები მოქალაქეებს შორის არსებული ფინანსური დავების მოგვარებაში იყვნენ ჩართულები, უკავშირდებოდნენ საზღვარგარეთ მყოფ „კანონიერ ქურდებს“, იღებდნენ მათგან დავალებებს, რასაც შემდგომში ასრულებდნენ.

ასევე დგინდება, რომ ბრალდებულებისა და მოდავე მხარეების მონაწილეობით ე.წ. ქურდული გარჩევები ეწყობოდა, სადაც პირები პირობების დამრღვევებს საჯარიმო თანხას სთხოვდნენ და სიცოცხლის მოსპობით ემუქრებოდნენ.

აღნიშნულ დანაშაულებრივ საქმიანობაში სხვა პირებთან ერთად აქტიურად იყო ჩართული კრიმინალური ავტორიტეტი ელმურაზ მამედოვი.

სამართალდამცველების მიერ ბრალდებულების პირადი და საცხოვრებელი სახლების ჩხრეკის შედეგად, ნივთმტკიცებად ამოღებულია კომპიუტერული ტექნიკა და ბრალდებულების მობილური ტელეფონები, რომელთა საშუალებითაც ისინი ერთმანეთს, ასევე საზღვარგარეთ მყოფ კანონიერ ქურდებს უკავშირდებოდნენ. ასევე ამოღებულია ნარკოტიკული საშუალება, ცეცხლსასროლი იარაღები და დიდი ოდენობით ფული.

გამოძიება მიმდინარეობს სისხლის სამართლის კოდექსის 223-ე კვარტა მუხლის პირველი, 223-ე ტერცია მუხლის მე-2 და 223-ე პრიმა მუხლის პირველი და მე-2 ნაწილებით, ასევე, 109-ე და 181-ე მუხლებით.

ამავე კომპლექსური ღონისძიების ფარგლებში ქალაქ თბილისის პოლიციის დეპარტამენტის თანამშრომლების მიერ დაკავებულია დავით მიქაძის დაცვის უფროსი დავით ჩუბინიძე, რომლის მიმართაც გამოძიება სსკ-ის 236-ე მუხლის მე-6 და 237-ე მუხლის მე-3 ნაწილებით მიმდინარეობს. [დავით მიქაძე ლევან ჯანგველაძის მკვლელობის შეკვეთაშია ბრალდებული და ამჟამად საზღვარგარეთ იმყოფება].

გამოძიებით დადგენილია, რომ 2021 წლის სექტემბრის თვეში, დავით ჩუბინიძე და დავით მიქაძე, წინასწარი შეთანხმებით, ჯგუფურად დაეუფლნენ ვახტანგ კობიაშვილის სახელზე რეგისტრირებულ 5 ცალ ცეცხლსასროლ იარაღს, საიდანაც ერთ-ერთი მართლსაწინააღმდეგოდ გაასაღეს მესამე პირზე.

აღნიშნულ სისხლის სამართლის საქმეზე, ბრალდებულის სახით, დაკავებულია დავით მიქაძის დაცვის უფროსი დავით ჩუბინიძე, ხოლო თავად მიქაძეს ბრალი დაუსწრებლად წარედგინება,“ – განაცხადა ალექსანდრე დარახველიძემ სპეციალურ ბრიფინგზე.

რუსეთის და უკრაინის სამხედრო დანაკარგები ომში – 5 ნოემბერი

უკრაინის შეიარაღებული ძალების გენერალური შტაბის დღევანდელი მონაცემებით, ომის დაწყებიდან 2025 წლის 5 ნოემბრამდე პერიოდში, რუსეთის არმიის საბრძოლო დანაკარგი არის:

  • ცოცხალი ძალა – დაახლოებით 1 146 570 ადამიანი [გასულ დღე-ღამეში +900. ამ მონაცემებში შედის როგორც დაღუპულები ასევე დაჭრილები]
  • ტანკი – 11 329 ერთეული [+3]
  • ჯავშანტექნიკა – 23 535 ერთეული [+3]
  • საარტილერიო სისტემა – 34 273 ერთეული [+24]
  • MLRS – 1 535 ერთეული [+0]
  • საზენიტო საბრძოლო სისტემა – 1 237 ერთეული [+2]
  • თვითმფრინავი – 428 ერთეული [+0]
  • ვერტმფრენი – 346 ერთეული [+0]
  • უპილოტო საფრენი აპარატის ოპერატიულ-ტაქტიკური დონე – 78 258 ერთეული [+398]
  • ფრთოსანი რაკეტა [ჩამოაგდეს] – 3 918 ერთეული [+0]
  • გემი/ნავი – 28 ერთეული [+0]
  • წყალქვეშა ნავი – 1 ერთეული [+0]
  • მანქანები და საწვავის ავზები – 66 574 ერთეული [+70]
  • სპეცტექნიკა – 3 990 ერთეული [+0]

უკრაინის გენერალური შტაბის განცხადებით, საომარი მოქმედებების მაღალი ინტენსივობის გამო მონაცემები იცვლება.

უკრაინის სამხედრო დანაკარგებზე ინფორმაცია განაახლა რუსეთმაც.

რუსეთის თავდაცვის სამინისტროს მიერ გავრცელებული მონაცემებით, ომის დაწყებიდან 2025 წლის 5 ნოემბრამდე პერიოდში სულ განადგურებულია უკრაინის:

  • 668 თვითმფრინავი
  • 283 ვერტმფრენი
  • 95 059 უპილოტო საფრენი აპარატი
  • 635 საზენიტო სარაკეტო სისტემა
  • 25 862 ტანკი და სხვა ჯავშანტექნიკა
  • 1 609 მრავალჯერადი სარაკეტო გამშვები
  • 31 099 საველე არტილერია და ნაღმმტყორცნი
  • 45 925 სპეციალური სამხედრო მანქანა

ეს ის მონაცემებია, რომელსაც უკრაინა და რუსეთი ოფიციალურად ავრცელებენ, თუმცა ომის პირობებში შეუძლებელია ზუსტად გადამოწმება, რამდენად შეესაბამება მხარეების მიერ გავრცელებული ინფორმაცია დანაკარგების შესახებ რეალურ რიცხვებს.

ამასთან, აღნიშნულ მონაცემებთან ერთად რუსეთის თავდაცვა, უკრაინის და რუსეთის არმიის ცოცხალი ძალის საერთო დანაკარგების შესახებ სტატისტიკას არ აქვეყნებს. უკრაინის არმიის ცოცხალი ძალის დანაკარგების შესახებ მონაცემებს არ აქვეყნებს არც უკრაინა.

—

რუსეთი უკრაინაში 2022 წლის 24 თებერვალს გამთენიისას შეიჭრა და სრულმასშტაბიანი ომი დაიწყო.

ამავე თემაზე:

ტრამპი პუტინზე: მათ სანაპიროსთან გვყავს მსოფლიოში უდიდესი ბირთვული წყალქვეშა ნავი

 

მთავარი ფოტო: უკრაინის გენშტაბი/facebook

Georgian Dream’s Foreign Ministry Questions Objectivity of European Commission Enlargement Report

The Ministry of Foreign Affairs of Georgian Dream responds to the European Commission’s 2025 Enlargement Report, which ranks Georgia as the candidate country with the most negative assessment among the ten candidate countries.

In a statement issued by the ministry, it says the European Commission’s critical evaluation is unfounded and “used for yet another round of political speculation.”

“It is regrettable that the Commission’s report is biased with regard to Georgia when assessing a range of events. However, this is not surprising given the persistent silence of the EU institutions with regard to events that took place in Tbilisi during the municipal elections held on 4 October 2025, to recognize the assault on the state institutions of Georgia and violence used by protesters. Moreover, the joint statement by HRVP Kaja Kallas and Commissioner for Enlargement Marta Kos creates grounds for misleading interpretations.

As is well known, the Commission’s report reflects the progress achieved based on contributions submitted by the candidate country, as well as the on work carried out within the dialogue formats established under the Association Agreement signed with the EU.

It must be noted that, based on the European Council conclusions of 27 June 2024, the EU, on the pretext of suspending political dialogue with Georgia, refused to hold any single meeting envisaged in the Association Agreement at any level during the past year. Moreover, it refused officially to proceed with the assessment of Georgia’s progress based on its Economic Reform Programme, submitted in line with the methodology developed for candidate/potential candidate countries.

Against the background of improving Georgia’s positioning in various global indexes, including in terms of government integrity, bureaucracy and fight against corruption, well-functioning government, as well as evident stable macroeconomic environment and high economic growth, serious questions arise regarding objectivity of assessments given in the Commission’s report“.

The ministry claims that it is not the policies of Georgian Dream, which fail to meet obligations and the recommendations of Western partners, that harm Georgia–EU relations, but rather the EU institutions themselves, which criticize the party for democratic backsliding.

According to the European Commission’s 2025 Enlargement Report, Georgia’s candidate status exists only in name.

“Georgia has experienced serious democratic backsliding, with a rapid erosion of the rule of law and fundamental rights being severely restricted. The systemic and systematic repressive actions of the authorities, including legislation curtailing civic space and fundamental rights, the functioning of independent media and targeting LGBTIQ persons, excessive use of force in full impunity by the law enforcement authorities and hostile rhetoric against the EU, are in stark contrast with EU values and the actions expected from an EU candidate country.” 

 

Georgia Called ‘Candidate Country in Name Only’ in EU Annual Enlargement Package

Georgia Called ‘Candidate Country in Name Only’ in EU Annual Enlargement Package

The European Commission’s 2025 Enlargement Report delivers its harshest assessment yet of Georgia’s democratic decline, warning that the country’s EU accession process has “de facto reached a halt” following a year marked by repression, human rights violations, and hostile anti-EU rhetoric from the ruling Georgian Dream government.

In the 2025 Georgia Report, published on November 4, the Commission concludes that “Georgia’s candidate status remains in name only” after the authorities’ decision not to pursue the opening of EU accession negotiations until 2028. The report says that instead of advancing reforms tied to its candidate status, Georgia has “further derailed from the EU path.”

“In November 2024, the Georgian authorities’ decision not to pursue the opening of accession negotiations unequivocally confirmed their shift away from the policies of previous governments, the European aspirations of the vast majority of the Georgian people, and the commitment inscribed in the Constitution of Georgia of ensuring Georgia’s full integration into the EU,” the report states.

According to the Commission, Georgia has experienced “significant backsliding” in the functioning of democratic institutions. The report documents widespread repression against civil society, journalists, and opposition politicians, noting that “Civil liberties, the principle of checks and balances, and democratic decisionmaking have been eroded.”

The government’s crackdown, the Commission says, has “effectively abolished civic participation and the system of checks and balances.” Eight opposition figures were sentenced to seven or eight months in prison and barred from public office for two years, while other opposition leader faces criminal investigations carrying sentences of up to 15 years. Peaceful protesters and journalists were subjected to “arbitrary detentions and disproportionate use of force.”

The October 2024 parliamentary elections and October 2025 local elections were both marred by “high political polarisation, intimidation, violence and reports of voter coercion,” according to OSCE/ODIHR findings cited by the Commission.

“The elections took place in a tense and highly polarised environment amid serious concerns about the impact of legislation restricting fundamental freedoms,” the report says, noting that none of the OSCE/ODIHR’s priority recommendations have been implemented.

“The lead-up to the (local self-government elections, October 4, 2025) elections was marked by intense political polarisation, violence, as well as intimidation targeting civil society and independent media. Most opposition parties boycotted the elections. The amendments to the electoral legislation favouring the ruling party, coupled with the extensive crackdown on dissent, drastically reduced the possibility of holding competitive elections. Furthermore, the refusal by the Georgian authorities to invite international observers in due time, in particular OSCE/ODIHR, undermined the transparency of the electoral process and prevented credible international monitoring. Domestic observers were also largely absent due to the repressive environment”.

As a result of the 2024 elections, the Georgian Parliament now consists almost entirely of ruling party members and affiliates. The opposition’s boycott, coupled with the government’s dominance, has left “an absence of effective parliamentary oversight and a consolidation of executive power.”

The report describes the operating environment for civil society as “repressive and deteriorating.”

The adoption of multiple restrictive laws, including the Foreign Agents Registration Act and amendments to the Law on Grants, have “a chilling effect on civil society and threaten the very survival of independent civic actors in the country.”

In October 2025, the Venice Commission found that the combined impact of these laws was “coercive, stigmatising, and ultimately inconsistent with democratic pluralism,” and called for their repeal.

Civil society groups, the report notes, have faced “intimidation, vandalism, threats, freezing of bank accounts, and court-approved information orders from the Anti-Corruption Bureau.” Parliament also “removed the requirement for the mandatory participation of NGOs in public decision-making,” eliminating one of the few remaining mechanisms for civic consultation.

“The cumulative effect of new legislation threatens the very survival of independent civil society and is fundamentally incompatible with EU values of democracy, rule of law, respect for fundamental rights and media pluralism,” the Commission warns.

Georgia’s judicial system is described as being at “an early stage of preparation” after two consecutive years of backsliding.

Amendments to the Law on Common Courts, passed in June 2025, “undermine the independence and integrity of the judicial system and exacerbate risks of judicial capture,” the Commission says. The new rules reverse earlier reforms, weaken accountability, and “ jeopardise the accountability and impartiality of key judicial institutions and judges.”

The report also documents “harsh and disproportionate sentences inflicted on protesters,” calling them evidence that “the judiciary is being used by the governing party to enforce a system of repression.”

Fundamental rights, including freedom of expression and assembly, have been “severely curtailed,” the Commission notes, citing the widespread use of excessive force and arbitrary detention.

“Ill-treatment of participants in protests, in some cases amounting to torture or inhuman and degrading treatment, was widespread during the reporting period,” the report states.

Investigations into police violence have “not resulted in bringing the perpetrators to justice,” and the abolition of the Special Investigation Service has further weakened accountability.

Freedom of expression also “declined to an early stage of preparation.” Amendments to the Law on Broadcasting and the Foreign Agents Act have “negatively affected the right to freedom of expression and the ability of the media to operate freely,” while journalists face “intimidation, threats, and physical assault.”

The Commission highlights “backsliding” in Georgia’s alignment with the EU’s Common Foreign and Security Policy (CFSP). Georgia’s alignment rate with EU foreign policy statements and sanctions decisions dropped from 53% in 2024 to 40% in 2025.

“Georgia did not join most restrictive measures relating to Russia, Iran and Belarus and significantly increased direct flights to multiple destinations in Russia,” the report says.

The Commission expresses “concern” over the re-export of “high-priority and economically critical goods” to Russia, warning that Georgia must “step up cooperation to prevent the use of its territory or legal entities registered in Georgia to circumvent EU restrictive measures.”

The report notes that Georgia’s economy remains “moderately prepared” for EU integration and continues to grow strongly despite political instability. Low inflation and rising wages have increased real household income, making consumption the main driver of growth in Georgia, Moldova, and the Western Balkans.

At the same time, the Commission says the decision to halt accession negotiations until 2028 “created high uncertainty for businesses,” while structural weaknesses and slow state enterprise reforms remain unaddressed.

Georgia “generally maintains good bilateral relations” with its neighbours and other enlargement countries. The report notes “strategic partnership and high-level contacts” with Turkey, and “traditionally good relations” with Moldova. However, Ukraine has expressed concern about Georgia’s “non-alignment with EU sanctions against Russia and the absence of military-technical cooperation.”

“Georgia has experienced serious democratic backsliding, with a rapid erosion of the rule of law and fundamental rights being severely restricted”, – the annual Enlargement Package says. “The systemic and systematic repressive actions of the authorities, including legislation curtailing civic space and fundamental rights, the functioning of independent media and targeting LGBTIQ persons, excessive use of force in full impunity by the law enforcement authorities and hostile rhetoric against the EU, are in stark contrast with EU values and the actions expected from an EU candidate country.”

The Commission says that until the Georgian government changes course, it will “reduce high-level political contacts, suspend bilateral assistance directly benefiting the authorities, and increase support for civil society and independent media.”

Georgia, it warns, must “urgently reverse its course of democratic backsliding and take comprehensive and tangible steps to address existing problems,” in full respect of EU principles and values.

The Commission concludes that it considers Georgia “a candidate country in name only”.

Presenting the Enlargement Report in Brussels, EU Commissioner for Enlargement Marta Kos delivered one of the strongest public rebukes of a candidate government in recent years:

“In Georgia, the situation has sharply deteriorated, with serious democratic backsliding. Probably never, ever before, one of the enlargement reports has been really speaking so much about backsliding. We saw a rapid erosion of the rule of law and severe restrictions on fundamental rights. Georgian authorities need to urgently reverse their course. Georgian citizens demand a European future, and they have our support. For the Commission, the candidate status for Georgia exists only on the paper”.

Addressing both the Georgian public and its leaders, Kos added:

“I have a very important message for the citizens of Georgia. Especially because as you know the government is telling the citizens that they are bringing them in the EU. Dear government of Georgia – you are not bringing your people to the EU. You are bringing your people away from the EU. If you are serious about the EU then listen to your people and stop putting opposition leaders, journalists and people who think differently than you into jail, then we can talk.”

 

„ივანიშვილის ჭიშკართან ღამეც გავათენე“ – შშმ ქალი ხელვაჩაურიდან

„რაც „ოცნება“ მოვიდა, მას შემდეგ ოცნებაში გვძვრება სული. გვატყუებენ ყველგან და ყოველთვის“- ამბობს 63 წლის შადიე მოფინაძე „ბათუმელებთან“.

შადიე მოფინაძე 14 წელია ეტლით მოსარგებლეა და თავის, ასევე შშმ შვილთან, 39 წლის ამირან შაინიძესთან ერთად გაუსაძლის პირობებში ცხოვრობს ხელვაჩაურში, სახლში, რომლის ჭერიდან წყალი ჩამოდის.

შადიე მოფინაძე 12 წლია სახლის გადახურვას და კედლების გამაგრებას სთხოვს ხელისუფლებას, თუმცა ყურადღებას არავინ აქცევს და დღესაც მთავრობის კარიდან კარზე უშედეგოდ დადის.

შადიე მოფინაძის სახლის ჭერიდან წყალი ოთახებში ჩამოდის.

შადიე მოფინაძეს უჭირს თავის მოვლა, გადაადგილება და საოჯახო საქმის კეთება. ის უმძიმეს პირობებშია. დაბზარულია ოთახები, კედლები გასამაგრებელია, ჭერიდან წყალი ჩამოდის. ყველაფერი დაობებული და დანესტილია.

„ამ სახლის დახურვას მას შემდეგ ვითხოვ, რაც ივანიშვილი მოვიდა ხელისუფლებაში. ამის გამო ივანიშვილის სახლის ჭიშკართან ღამის გათენებაც კი მომიხდა შშმ შვილთან ერთად.

მაშინ ახალი მოსული იყო ხელისუფლებაში, ყველა მეუბნებოდა, მიდი და დაგეხმარებაო, მაგრამ არაფრად ჩამაგდო.

შადიე მოფინაძე შშმ შვილთან ერთად.

ჯერ პარლამენტთან მივედი და იქ რომ ვერ ვნახე, მერე მივაკითხე სახლთან. მთელი ერთი დღე და ღამე მის ჭიშკართან ვიდექით.

სახლიდან გასვლის დროსაც დამინახა და შესვლის დროსაც, თუმცა არაფრად ჩამაგდო, ყურადღება არ მომაქცია“- ამბობს შადიე.

ამ იმედგაცრუების შემდეგ მას ივანიშვილისთვის აღარ მიუმართავს.

შადიე მოფინაძის სახლში კედლები ნესტიანი და დაობებულია

შადიე გვიყვება, რომ წლების განმავლობაში აკითხავდა ხან ხელვაჩაურის მერიას, ხანაც – აჭარის მთავრობას, თუმცა მისი გასაჭირის გამზიარებელი არავინ აღმოჩნდა.

ამბობს, რომ აჭარის მთავრობის წარმომადგენელმა მხოლოდ ერთხელ, 2017 წელს, საახალწლოდ მიაკითხა სახლში, ტკბილეული მიუტანა და მას შემდეგ აღარ გამოჩენილა.

„ვაჩვენე მაშინ სახლი. ნახეთ, ხვრელებიანი კედლებია და წყალი ჩამომდის-მეთქი. მერიას დაავალა, დაეხმარეთო, მაგრამ დღესაც ასე ვართ.

პირობას გვაძლევდნენ იქამდე, სანამ კაბინეტის კარებთან და სკამთან მივიდოდნენ, მაგრამ სკამზე რომ დასხდებიან, მერე აღარ აინტერესებთ გლეხი ხალხი. თვითონ კი არიან კოშკებში“- ამბობს შადიე.

შადიე მოფინაძის საცხოვრებელი გარემო.

შადიე სოციალურად დაუცველია, მუნიციპალური სასადილოდან საკვებიც ეკუთვნის, თუმცა სიშორის გამო ეტლით მისვლას ვერ ახერხებს. გადაადგილება მის შვილსაც უჭირს.

„ყოველდღიურ საკვებს ხალხი მაწვდის. მეზობლები მეხმარებიან, მაღაზიები თითო პურს მჩუქნიან“ – გვეუბნება ის.

შადიე ამბობს, რომ როგორც შშმ პირები, ის და მისი შვილი სახელმწიფოსგან პენსიას იღებენ და ასევე, სოციალურ შემწეობას – 50-50 ლარის ოდენობით.

სხვა შეღავათი, როგორც შადიე ამბობს, არაფერი აქვს სახელმწიფოს მხრიდან. ეზოში შადიეს პატარა ბოსტანი აქვს, სადაც ცდილობს ბოსტნეული მოიყვანოს. როგორღაც ვახერხებ ეტლითო – ამბობს.

„ორი წელია შეშითაც არ დამხმარებიან. ასე, ეტლით დავდივარ და რაღაც-რაღაცებს ვაგროვებ და ისე ვთბებით ზამთარში.

აქვე, სახლის გვერდით, პატარა მიწის ნაკვეთი მაქვს და მაგისთვის მომცეს ორჯერ ნახევარი ტომარა აზოტი და სულ ეს იყო. ათწლიანი ვაუჩერი მოგვცეს, რომელიც 2 წელიწადში გაუქმდა.

გვატყუებენ ყველგან და ყველანაირად.

„ოცნება“, რომ მოვიდა, მაშინ ვთქვი, აწი ალბათ ოცნებით აგვძვრება სული-მეთქი და მართლა ასე ვართ. ოცნებაში გვძვრება სული. გვინდა რაღაც გავაკეთოთ, მაგრამ ვერაფერს ვაკეთებთ. მათი ოცნებები აისრულეს, ჯიბეები გაისქელეს“ – ამბობს შადიე.

ამავე თემაზე:

„12 წელია ვითხოვ დახმარებას“ – შშმ დედა-შვილი აჭარის მთავრობასთან

 

რა იცვლება კობახიძის ჩინეთში ვიზიტით? – ინტერვიუ

რა იცვლება „ოცნების“ პრემიერ-მინისტრის, ირაკლი კობახიძის ჩინეთში ვიზიტით? – თანამედროვე ჩინეთის სპეციალისტი, გიორგი ქართველიშვილი ამბობს, რომ ამ ეტაპზე უცნობია, რეალურად რამდენად გაღრმავდება სავაჭრო და ეკონომიკური ურთიერთობები ჩინეთთან, თუმცა „ამის პოტენცილი არის“.

„საფრთხე არის სხვა რამ: თუკი ქართული ინფრასტრუქტურის მოდერნიზება ვერ მოხერხდა ისე, რომ მართლაც შეუძლებელი იყოს ამხელა რაოდენობის ტვირთის გატარება, მხოლოდ ამ შემთხვევაში ჩაგვანაცვლებს  ზანგეზური.

ჩვენ ამ შემთხვევაში გვაქვს ჯერჯერობით სტაგნაცია, ხომ?! არც ანაკლიის პორტი გვაქვს, არც რკინიგზა გვაქვს მოდერნიზებული,“ – ამბობს  გიორგი ქართველიშვილი. „ბათუმელებმა“ მასთან ინტერვიუ ჩაწერა.

  • ბატონო გიორგი, თქვენი დაკვირვებით, რით იყო გამორჩეული ირაკლი კობახიძის ვიზიტი ჩინეთში, რა იცვლება არსებითად?  

ყველაზე მაღალი რანგის შეხვედრა არის ჩინეთის პრემიერ ლი ციანთან შეხვედრა. ბოლო რამდენიმე წელია მიმდინარეობს ურთიერთობების გაღრმავება ჩინეთთან და ესეც რაღაცნაირად ერთი ნაბიჯია.

ჩინეთში იმართება იმპორტის საერთაშორისო დიდი ექსპოგამოფენა, სადაც მთელი მსოფლიოდან არიან წარმოდგენილნი კომპანიები, სხვადასხვა ქვეყნიდან. გასაგებია, რომ მიზანია რაღაცნაირად ჩინეთთან ვაჭრობის სტიმულირება, ახალი კავშირების დამყარება და ასე შემდეგ. 40-მდე ქართული კომპანიაა წარმოდგენილი და ესაა ამ ვიზიტის  ერთი მხარე.

ასევე, რამდენიმე სამინისტროს წარმომადგენელია დელეგაციაში, ეროვნული ბანკის პრეზიდენტი, აპირებენ გააფორმონ ურთიერთთანამშრომლობის მემორანდუმები. ჩინეთის რამდენიმე სახელმწიფო ორგანო აპირებს მემორანდუმების გაფორმებას. დეტალებს ალბათ თავად გაასაჯაროებენ.

  • ჩინეთთან სტრატეგიული პარტნიორობის შეთანხმება 2023 წლიდან არსებობს, თუმცა განსაკუთრებული ეკონომიკური პროექტები, ჩინური ინვესტიციები არ გვინახავს…

ეს არის ფორმალური დოკუმენტი, რომელსაც კონკრეტული ვალდებულებები არ გააჩნია. ეს არის უფრო სამომავლო თანამშრომლობის მონიშვნა.

  • მაგალითად, ანაკლიის პორტში ჩინელებს ინვესტიცია ჯერ კიდევ არ ჩაუდიათ.

დიახ. კონკურსში გაიმარჯვა ჩინეთის ერთ-ერთმა, ძალიან მსხვილმა სახელმწიფო კომპანიამ. ამის შემდეგ რაღაცნაირად გაიყინა პროცესი. ოფიციალურად არ დადებულა ხელშეკრულება.

მას შემდეგ რამდენიმე კომენტარი ჰქონდა ეკონომიკის სამინისტროს, რომ ფორმალური პროცესი მიმდინარეობს, რაღაც დეტალების დადგენა, ანაკლიაში წინა მოსამზადებელი სამუშაოებია… ბელგიური კომპანია რომ დაიქირავეს, სწორედ ამის შემდეგ ჩაერთვება ინვესტორი. ჯერჯერობით საბოლოო კონტრაქტი არ გაფორმებულა.

  • „ოცნების“ პროპაგანდისტები, ასევე ტროლ-ბოტები ხშირად საუბრობენ იმაზე, რომ თითქოს ევროპა უარს ამბობს საქართველოზე და აი, ჩინეთთან გავაღრმავებთ ურთიერთობასო.

ჩემი აზრით, ევროპასთან ურთიერთობის გაფუჭების თუ გაუმჯობესების ფონზე, ჩინეთთან ურთიერთობის გაღრმავება გარდაუვალია.

ჩინეთი კიდევ უფრო აქტიურად იქნება მომავალში წარმოდგენილი ჩვენს რეგიონში. უკვე მთელს მსოფლიოში ეს ტრაექტორია აქვს ჩინეთს. ჩინეთს თავისი ინტერესები აქვს და მისი აქტივობა მზარდია მთელს მსოფლიოში. მოსალოდნელია, რომ მზარდი იქნება ჩვენთანაც.

  • თუ საქართველო ერთგვარი ჩიხი გახდება და ის დაკარგავს თავის გეოპოლიტიკურ მნიშვნელობას, მაგალითად, „ტრამპის კორიდორის“ ამოქმედებით და დასავლეთისგან იზოლირებული, ჩინეთის ინტერესი ისევ მზარდი იქნება საქართველოს მიმართ?

ეს ბევრ ფაქტორზეა დამოკიდებული, მათ შორის, დამოკიდებულია პოლიტიკურ ელიტაზე. ჩვენთან ძალიან სწრაფად იცვლება სიტუაცია: ხან ევროკავშირის კანდიდატი ქვეყანა ვართ, ხან – ევროკავშირი მტერია. წინასწარ არაფრის თქმა არ შეიძლება, მაგრამ მგონია, რომ ამ რეგიონში ჩინეთის ინტერესი მზარდია.

ჩემი აზრით, ჩინეთის გადმოსახედიდან, ე.წ.ზანგეზურის დერეფანიც და ბაქო-თბილისი-ყარსიც, ასევე ანაკლია – რეალურად ერთი და იგივე გზაა. ბაქომდე როცა ჩამოდის ტვირთი,  სულ რამდენიმე ასეული კილომეტრია ზანგეზურამდე, ყარსამდეც და ანაკლიამდე. ამიტომ, პირიქით, ეს შეიძლება იყოს რაღაცნაირად ერთი და იმავე მარშრუტის უფრო დატვირთვის საშუალება და არა პირიქით. ჩემთვის ცნობილია ეს მოსაზრება, რომ ეს დერეფანი თუ ამოქმედდება, ეს აისახება ჩვენზე ნეგატიურად, მაგრამ ჩემი აზრით, საფრთხე არის სხვა რამ – თუკი ქართული ინფრასტრუქტურის მოდერნიზება ვერ მოხერხდა ისე, რომ მართლაც შეუძლებელი იყოს ამხელა რაოდენობის ტვირთის გატარება. მხოლოდ ამ შემთხვევაში ჩაგვანაცვლებს ზანგეზური.

ჩვენ ამ შემთხვევაში გვაქვს ჯერჯერობით სტაგნაცია, ხომ?! არც ანაკლიის პორტი გვაქვს, არც რკინიგზა გვაქვს მოდერნიზებული და ესაა მთავარი პრობლემა. აქ არსებობს კითხვები: რატომ არ ხერხდება უფრო სწრაფად ამ შესაძლებლობის გამოყენება.

  • არსებობს გათვლები, რამდენად შეიძლება დაეყრდნოს „ოცნების“ პოლიტიკური სტაბილურობა ჩინეთთან ეკონომიკური თანამშრომლობის გაძლიერებას დასავლეთთან დაპირისპირების ფონზე? ჯერჯერობით აქტიური სავაჭრო ურთიერთობა ჩინეთთან არ გვაქვს

პოტენციალი, რა თქმა უნდა, არის თეორიულად, მაგრამ ვფიქრობ, რომ მაინც საქართველო ხდება გადაკვეთის წერტილი და არა ერთის მეორით ჩანაცვლების წერტილი.

ამიტომაცაა, რომ ეს რეგიონი აინტერესებს ერთსაც და მეორესაც. ამიტომაც, უნდა გაიზარდოს ქართული წარმოება, რომელსაც გაიტან ექსპორტზე და გაყიდი, მაგრამ ამ მხრივ ძალიან მოვიკოჭლებთ. რეალურად ჩინეთთან იგივე ხდება, რაც იყო დასავლეთთან პოლიტიკური ურთიერთობების გაფუჭებამდე – დაიდო თავისუფალი ვაჭრობის შესახებ ხელშეკრულება, მაგრამ ამით დიდად არ გაზრდილა ქართული პროდუქციის ექსპორტი ევროპის ქვეყნებში. სხვათა შორის, პირველი ქვეყანა ვიყავით, რომელმაც დადო ხელშეკრულება ჩინეთთანაც და ევროკავშირთანაც. ასეთი უცნაურობით გამოვირჩევით.

მთავარ ფოტოზე: ირაკლი კობახიძის შეხვედრა ჩინეთის სახალხო რესპუბლიკის პრემიერ ლი ციანთან

ამ თემაზე:

ჩინელებს ჯერ ფულის დახარჯვა არ უნდათ, ეს კი ივანიშვილს არ აწყობს – ინტერვიუ

ჟურნალისტი აფგან სადიგოვი 275 ათასი ლარით დააჯარიმეს რუსთაველის გადაკეტვის საბაბით

„სოციალური სამართლიანობის ცენტრის“ ინფორმაციით, რომელიც აზერბაიჯანელი ჟურნალისტის, აფგან სადიგოვის ინტერესებს იცავს, გზის გადაკეტვისთვის სადიგოვი ჯამში 275 ათასი ლარით დააჯარიმეს ისე, რომ მისთვის არაფერი შეუტყობინებიათ.

2025 წლის 23 ოქტომბერს თბილისის საქალაქო სასამართლომ აზერბაიჯანელ ჟურნალისტს, აფგან სადიგოვს გზის სავალი ნაწილის გადაკეტვის გამო 14-დღიანი ადმინისტრაციული პატიმრობა შეუფარდა.

„აღნიშნული სასამართლო გადაწყვეტილების ჩაბარების შემდეგ ჩვენთვის ცნობილი გახდა, რომ აფგან სადიგოვი დამატებით 55-ჯერ არის დაჯარიმებული 5000 ლარით – გზის სავალი ნაწილის გადაკეტვისთვის.

როგორც საქმის მასალებიდან ირკვევა, შსს მას პერიოდულად 2025 წლის 29 ივლისიდან 17 ოქტომბრამდე აჯარიმებდა, თუმცა აღნიშნულის შესახებ ამ პერიოდში მისთვის არავის შეუტყობინებია“ – წერს ორგანიზაცია.

სოციალური სამართლიანობის ცენტრმა ჯარიმები უკვე გაასაჩივრა თბილისის საქალაქო სასამართლოში.

„ცხადია, ამ პირობებში არსებობს მაღალი რისკი, რომ „ქართული ოცნება” რეპრესიულ მექანიზმს აფგან სადიგოვის წინააღმდეგაც გამოიყენებს – ჟურნალისტის, რომელიც საქართველოში უკვე ერთი წელია აგრესიული სამართლებრივი დევნისა და შევიწროების ქვეშ იმყოფება.

შეიძლება ითქვას, რომ აფგან სადიგოვის მიმართ, ერთი მხრივ, სასამართლოს მიერ მიღებული გადაწყვეტილება, ხოლო მეორე მხრივ, მის წინააღმდეგ გამოწერილი ათობით ჯარიმა, ნათლად აჩვენებს მიზანს – პროტესტში აქტიურად ჩართული აქტივისტის სამაგალითო დასჯას. ეს ინტერესი, მათ შორის, უკავშირდება აზერბაიჯანის ხელისუფლების ინტერესებს, რომელიც ბაქოში ჟურნალისტის ექსტრადიციას თვეების განმავლობაში აქტიურად ითხოვდა. ექსტრადიციის პროცესის შეჩერება მხოლოდ ევროპული სასამართლოს გადაწყვეტილების შედეგად გახდა შესაძლებელი,“ – აღნიშნულია „სოციალური სამართლიანობის ცენტრის“ მიერ დღეს, 4 ნოემბერს გავრცელებულ ინფორმაციაში.

აფგან სადიგოვი ამჟამად ადმინისტრაციულ პატიმრობაში იმყოფება. იგი 22 ოქტომბერს დააკავეს და 14-დღიანი ადმინისტრაციული პატიმრობა შეუფარდეს გზის გადაკეტვის საბაბით.

„დღეს მოვინახულე აფგან სადიგოვი მარნეულის იზოლატორში. თავს კარგად გრძნობს. მისი პირველი კითხვა და სანერვიულო იყო ის, ტარდებოდა თუ არა რუსთაველზე აქცია და იკეტებოდა თუ არა რუსთაველის გამზირი“, – დაწერა ფეისბუქზე ადვოკატმა აიჰან ჰასანლიმ იზოლატორში მასთან შეხვედრის შემდეგ.

  • რა ხდება

ჟურნალისტი აფგან სადიგოვი თბილისში 2024 წლის 3 აგვისტოს დააკავეს. ქართული მხარის განცხადებით, სადიგოვი აზერბაიჯანის მიერ მუქარისა და გამოძალვის ფაქტებზე გათვალისწინებული დანაშაულისთვის იძებნებოდა. ოჯახი და უფლებადამცველი ორგანიზაციები, ასევე დამოუკიდებელი მედია, მის დაკავებას ილჰამ ალიევის ხელისუფლების მხრიდან პოლიტიკურ დევნას უკავშირებდა.

2025 წლის 17 აპრილს სასამართლომ აფგან სადიგოვი, თითქმის 9-თვიანი პატიმრობის და 161-დღიანი შიმშილობის შემდეგ, გირაოს საფუძველზე გაათავისუფლა. პროკურატურამ და სასამართლომ მას ქვეყნიდან გასვლის უფლება არ მისცეს.

ამ თემაზე:

„სადიგოვის პირველი კითხვა იზოლატორში: ტარდება რუსთაველზე აქცია?“ – ადვოკატი“

დააკავეს 73 წლის კაცი, რომელსაც არასრულწლოვანის გაუპატიურება ედება ბრალად

კასპში დააკავეს 73 წლის კაცი, რომელსაც არასრულწლოვანი თანასოფლელის გაუპატიურებას ედავებიან.

ინფორმაცია 1952 წელს დაბადებული მ.ნ.-ს არასრულწლოვანის გაუპატიურების ბრალდებით დაკავების შესახებ შსს-მ დღეს გაავრცელა. სამართალდამცველებმა ბრალდებული 3 ნოემბერს დააკავეს.

დღესვე, პროკურატურამ დაკავებულს არასრულწლოვანის გაუპატიურების და სექსუალური ხასიათის ქმედების ფაქტებზე ბრალდება წარუდგინა.

„გამოძიებით დადგინდა, რომ ბრალდებულმა ძალადობით, ძალადობის მუქარით და ასაკობრივი უმწეობის გამოყენებით არასრულწლოვანი თანასოფლელი გააუპატიურა და მის მიმართ სექსუალური ხასიათის სხვაგვარი ქმედება განახორციელა“ – წერს პროკურატურა.

დაკავებულს ბრალდება საქართველოს სისხლის სამართლის კოდექსის 137-ე მუხლის მე-4 ნაწილის „გ“ ქვეპუნქტით (გაუპატიურება ჩადენილი არასრულწლოვანის მიმართ) და 138-ე მუხლის მე-4 ნაწილის „ა“ ქვეპუნქტით (სექსუალური ხასიათის სხვაგვარი ქმედება თოთხმეტი წლის ასაკს მიუღწეველი პირის მიმართ) წარედგინა, რაც სასჯელის სახედ და ზომად 20 წლამდე ან უვადო თავისუფლების აღკვეთას ითვალისწინებს.

____________

კადრი შს სამინისტროს არქივიდან.

შეწყდეს ადმინისტრაციული საქმე „მედიაჩეკერის“ ჟურნალისტის მიმართ – ქარტია შსს-ს მიმართავს

საქართველოს ჟურნალისტური ეთიკის ქარტია მოითხოვს, დაუყოვნებლივ შეწყდეს ადმინისტრაციული საქმის წარმოება მისი მედიაპლატფორმის „მედიაჩეკერის“ ჟურნალისტის, ნინია კაკაბაძის, მიმართ.

„მედიაჩეკერის“ ჟურნალისტი ნინია კაკაბაძე პოლიციამ 3 ნოემბერს, დაახლოებით 22:00 საათზე, დააკავა. შსს მას სავარაუდოდ, გზის ხელოვნურად გადაკეტვას ედავება.

„მედიაჩეკერის“ ჟურნალისტები პროევროპული პროტესტის დაწყების დღიდან აშუქებენ საპროტესტო აქციებს, პარლამენტის მიმდებარე ტერიტორიაზე თუ სხვა ლოკაციებზე. ისინი ფოტო და ვიდეოკამერაზე ასახავენ ჟურნალისტების უფლებების დარღვევის შესაძლო ფაქტებსაც.

როგორც ვიდეოკადრებიდან ჩანს, ნინია კაკაბაძე 3 ნოემბერსაც პროფესიულ მოვალეობას ასრულებდა.

ის იდგა არა მანიფესტანტებთან, არამედ სხვა ჟურნალისტებთან ერთად და კადრებს იღებდა.

ნინია კაკაბაძის და სხვა ჟურნალისტების დაკავებას პროფესიული მოვალეობის შესრულების დროს, ჟურნალისტური ეთიკის ქარტია დამოუკიდებელ მედიაზე ზეწოლის და კრიტიკული ხმების ჩახშობის მცდელობად მიიჩნევს.

ჟურნალისტური ეთიკის ქარტია მოითხოვს, დაუყოვნებლივ შეწყდეს ადმინისტრაციული საქმის წარმოება მისი მედიაპლატფორმის „მედიაჩეკერის“ ჟურნალისტის, ნინია კაკაბაძის, მიმართ და გაუქმდეს შედგენილი ადმინისტრაციული სამართალდარღვევის ოქმი,“ –  ნათქვამია ეთიკის ქარტიის მიერ გავრცელებულ განცხადებაში.

ნინია კაკაბაძე რუსთაველის გამზირზე მიმდინარე საპროტესტო აქციას აშუქებდა. ის იმ დროს დააკავეს, როცა სახლში ბრუნდებოდა. დაკავების შემდეგ ჟურნალისტი კახეთის გზატკეცილზე მდებარე შინაგან საქმეთა სამინისტროს შენობაში გადაიყვანეს.

ჟურნალისტის თქმით, მას დიდი ხნის განმავლობაში არ აძლევდნენ მცირეწლოვან შვილთან დარეკვის საშუალებას, რომელიც სახლში მარტო იმყოფებოდა. მოგვიანებით ნინია კაკაბაძე გაათავისუფლეს.

სასამართლო მის მიმართ შედგენილ სამართალდარღვევის ოქმთან დაკავშირებით სავარაუდოდ დღეს, 4 ნოემბერს, იმსჯელებს.

ოპოზიციის აკრძალვაზე „ოცნების“ სარჩელს განიხილავს მოსამართლე, რომელიც ენმ-ის პროკურორი იყო

ოპოზიციური პოლიტიკური პარტიების აკრძალვაზე „ოცნების“ პარლამენტის სარჩელი იმ მოსამართლეს დაეწერა, რომელიც „ნაციონალური მოძრაობის“ ხელისუფლებაში ყოფნის დროს პროკურორი იყო.

სარჩელის ოპოზიციური პოლიტიკური პარტიების აკრძალვაზე საკონსტიტუციო სასამართლოს პირველი კოლეგია განიხილავს. პირველი კოლეგიის წევრები ასევე არიან მოსამართლეები:  ევა გოცირიძე, გიორგი კვერენჩხილაძე, გიორგი თევდორაშვილი და ვასილ როინიშვილი. ვასილ როინიშვილი ამ კოლეგიის თავმჯდომარეა.

ვასილ როინიშვილი აჭარის მთავარი პროკურორი იყო, როცა ენმ იყო ხელისუფლებაში და ბათუმში სერჟანტი როინ შავაძე მოკლეს. 2020 წელს ევროსასამართლომ, „როინ შავაძის საქმეზე“ სახელმწიფოს მხრიდან ევროკონვენციით გარანტირებული სიცოცხლის უფლების დარღვევა დაადგინა. „როინ შავაძის საქმეზე“ პროკურორი ვასილ როინიშვილი გამოძიებამ 2023 წლის სექტემბერში გამოჰკითხა. ის საკონსტიტუციო სასამართლოს მოსამართლეა 2020 წლიდან და ერთ-ერთი მაღალჩინოსანია მათ შორის, ვისაც სერჟანტის სასტიკი და ჯგუფური მკვლელობის საქმე უნდა გამოეძიებინა. პასუხის მოთხოვნის ნაცვლად, ვასილ როინიშვილი დასწინაურეს.

სარჩელში „ოცნების“ პარლამენტის დეპუტატები „ნაციონალური მოძრაობის“ აკრძალვას ითხოვენ „როინ შავაძის საქმის“ გამოც. გამოდის, რომ სარჩელი უნდა განიხილოს მოსამართლე ვასილ როინიშვილმა, რომელიც როინ შავაძის მკვლელობის დროს მთავარი პროკურორი იყო.

„ოცნების“ სარჩელში ვკითხულობთ:

„ერთიანმა ნაციონალურმა მოძრაობამ“ ხელისუფლების ფლობის პერიოდში [2004-2012 წლებში] შექმნა და განავითარა მკვლელობებისა და სხვაგვარი ძალადობის სისტემა, იმავე პერიოდში ჩაიდინა ძალადობრივი, წამების შემცველი ან/და ადამიანის სიცოცხლის ხელმყოფი მრავალი ქმედება და ამ მხრივ აშკარა არაკონსტიტუციური საქმიანობა განახორციელა, რაც გასცდა ერთეული შემთხვევების ფარგლებს და რამაც სისტემური და ხასიათი მიიღო.

ყოველივე ეს დასტურდება დროებითი საგამოძიებო კომისიის დასკვნაში ასახული ფაქტებითა და მტკიცებულებებით, აგრეთვე სხვა სათანადო წყაროებით.[23]

ამასთანავე, აღნიშნული ფაქტებიდან ცალკე აღსანიშნავია შემდეგი ფაქტები და კონკრეტული შემთხვევები: სერჟანტ როინ შავაძის მკვლელობის საქმე;[37]“.

კიდევ ერთი დეტალი: სარჩელში, რომლითაც „ოცნება“ ოპოზიციის აკრძალვას ითხოვს, საუბარია 2004-2012 წლებში ჟურნალისტების მიმართ არასათანადო მოპყრობის შემთხვევებზე, მათ შორის, არალეგიტიმური პარლამენტის წევრებს სარჩელში ჩაუწერიათ „ჟურნალისტი ნათია როყვა“. ნათია როყვა გამოცემა „ბათუმელების“ ჟურნალისტი იყო, მაგრამ „ოცნება“ ამ შემთხვევაში „ბათუმელებს“ არ ახსენებს ათეულობით სხვა შემთხვევისგან განსხვავებით, სადაც კონკრეტული მედიასაშუალებებია დასახელებული.

„ქართული ოცნების“ სარჩელში ასევე მოხსენიებულია ჟურნალისტი ნათია დანელიშვილი, რომელიც იმ დროს „კახეთის საინფორმაციო ცენტრში“ მუშაობდა. „კახეთის საინფორმაციო ცენტრის“ დამფუძნებელი ჟურნალისტი გელა მთივლიშვილია.

„ოცნების“ პარლამენტის 88 დეპუტატი სამი პოლიტიკური პარტიის აკრძალვას ითხოვს: „ერთიანობა – ნაციონალური მოძრაობა“, „კოალიცია ცვლილებებისთვის გვარამია-მელია, გირჩი, დროა“ და „ძლიერი საქართველო – ლელო ხალხისთვის, თავისუფლებისთვის“.

„ზემოხსენებული პოლიტიკური პარტიების საქმიანობის მიზანია საქართველოს კონსტიტუციური წყობილების დამხობა და ძალადობით შეცვლა, საქართველოს დამოუკიდებლობის ხელყოფა და ტერიტორიული მთლიანობის დარღვევა, ვითხოვთ, შემდეგი პოლიტიკური პარტიების საქმიანობა ცნობილ იქნეს არაკონსტიტუციურად, აიკრძალოს ეს პოლიტიკური პარტიები და გაუქმდეს მათი რეგისტრაცია,“ – ვკითხულობთ სარჩელში.

ფოტოზე: ვასილ როინაშვილი. 

ამ თემაზე:

„ყველამ 3-3-ჯერ ვესროლეთ“ – კიდევ რა თქვეს სპეცრაზმელებმა სერჟანტ შავაძის მკვლელობის საქმეზე

„ოცნება“ საქართველოში შეკრების თავისუფლებას ფაქტობრივად აუქმებს – „გამჭვირვალობა“

„საერთაშორისო გამჭვირვალობა – საქართველოს“ განცხადებით, „ქართული ოცნების“ მიერ შეცვლილი კანონები ფაქტობრივად აუქმებს  საქართველოს კონსტიტუციით აღიარებულ შეკრების თავისუფლებას და რეპრესიული წესები ასევე წინააღმდეგობაშია ადამიანის უფლებათა ევროპული კონვენციით დაცულ ძირითად უფლებებთან.

ორგანიზაციის განცხადებით, „ქართულმა ოცნებამ“ 2024 წლის დეკემბრიდან დღემდე 4-ჯერ შეიტანა ცვლილება შეკრებისა და მანიფესტაციის მარეგულირებელ კანონმდებლობაში – ყოველ ჯერზე ცვლილებები უფრო მეტად რეპრესიულ შინაარს ატარებდა და მიზნად ისახავდა, ერთი მხრივ,  დემონსტრანტების დასჯას, ხოლო, მეორე მხრივ, პრევენციულად მათ დაშინებას.

„უკანასკნელი ორი  წლის განმავლობაში საპროტესტო აქციებში მონაწილეობის გამო 148 პირის მიმართ დაიწყო სისხლის სამართლებრივი დევნა. 66 პირი წინასწარ პატიმრობაშია, ხოლო 54 პირს უკვე მისჯილი აქვს სასჯელი. გარდა ამისა, ათასობით ადამიანს დაეკისრა 5000 ლარი ჯარიმის გადახდა.

აღსანიშნავია, რომ ყველა ეს რეპრესიული ცვლილება „ქართულმა ოცნებამ“ დაჩქარებული წესით, სხვა პარტიებთან, სამოქალაქო საზოგადოების წარმომადგენლებთან და აკადემიურ წრეებთან ყოველგვარი კონსულტაციების გარეშე მიიღო“ – წერს „გამჭვირვალობა“ და კანონმდებლობაში შესულ იმ ძირითად ცვლილებზე მიუთითებს, რითაც საქართველოს მოქალაქეებს მნიშვნელოვნად შეეზღუდათ შეკრებისა და მანიფესტაციების უფლებით სარგებლობა.

„2024 წლის 13 დეკემბრისა და 2025 წლის 6 თებერვლის ცვლილებები – ცვლილებები შევიდა ადმინისტრაციულ სამართალდარღვევათა კოდექსსა და „შეკრებებისა და მანიფესტაციების შესახებ საქართველოს  კანონში.

ცვლილებებით კანონში სამართალდარღვევად გამოცხადდა ისეთი ქმედებები, რომლებიც მანამდე არასოდეს ყოფილა დასჯადი, მნიშვნელოვნად გაფართოვდა სამართალდამცავი ორგანოს უფლებამოსილებები და  10-ჯერ გაიზარდა არსებულ დარღვევებზე ჯარიმები, კერძოდ, ცვლილებები მოიცავდა შემდეგს:

„პრევენციული დაკავების“ მექანიზმის შემოღება – შესაძლებელი გახდა პირის დაკავება ადმინისტრაციული სამართალდარღვევის განმეორებით ჩადენის პრევენციის მიზნით, მიუხედავად იმისა, რომ ახალი სამართალდარღვევა არ ჩაუდენია. ამ ცვლილებებით უხეშად ილახება სამართლის ძირითადი პრინციპი, რომ პირი არ შეიძლება დაისაჯოს ქმედებისათვის, რომელიც მას არ ჩაუდენია. ვენეციის კომისიამ მკაცრად გააკრიტიკა  პრევენციული დაკავების წესის შემოღება. კომისია თავის დასკვნაში მიუთითებს, რომ ეს მექანიზმი არღვევს სამართლის ფუნდამენტურ პრინციპებს, რადგან პრევენციული დაკავება ჩვეულებრივ გათვალისწინებულია მხოლოდ მძიმე დანაშაულებისთვის და არა მცირე ადმინისტრაციული დარღვევებისთვის.

სანქციების გამკაცრება (ჯარიმების გაზრდა და ადმინისტრაციული პატიმრობა)  – ცვლილებებმა 10-ჯერ და 20-ჯერ  გაზარდა ჯარიმის ოდენობა. კერძოდ, ტრანსპორტის სავალი ნაწილის ნაწილობრივ ან სრულად გადაკეტვისთვის ჯარიმა 5 000 ლარის ოდენობით განისაზღვრა, ხოლო, პატიმრობა – 15 დღემდე ვადით. ამ ქმედების  „ორგანიზატორს” კი ემუქრება  15 000 ლარი ჯარიმა ან 20 დღემდე პატიმრობა. მანამდე არსებული წესით, ჯარიმა მონაწილისთვის 500, ხოლო ორგანიზატორისთვის 5000 ლარი იყო.

ამ ქმედების განმეორებით ჩადენა იმ პირის მიერ, რომელსაც ერთხელ უკვე დაედო სახდელი, გამოიწვევს დაჯარიმებას 5 000 ლარიდან 10 000 ლარამდე ოდენობით ან ადმინისტრაციულ პატიმრობას 25 დღემდე ვადით; ხოლო, თუ სამართალდამრღვევი ორგანიზატორია – მის დაჯარიმებას 15 000 ლარიდან 20 000 ლარამდე ოდენობით ან ადმინისტრაციულ პატიმრობას 60 დღემდე ვადით.

სანქცია გამკაცრდა ქალაქში სატრანსპორტო საშუალებებით ორგანიზებულად გზის გადაკეტვისა ან ჯგუფურ მოძრაობაში მონაწილეობისთვისაც, რისთვისაც სახდელის სახით დაწესდა მართვის მოწმობის უფლების 1 წლის ვადით შეჩერება და მძღოლის დაჯარიმება 1 000 ლარით. უწინ ამ ქმედებისთვის მხოლოდ 1 000 ლარი ჯარიმა იყო გათვალისწინებული. რეპრესიული კანონით 20-ჯერ გაიზარდა ჯარიმები  ფასადებზე წარწერებისა და პლაკატების გაკეთებისთვის. მინიმალური ჯარიმა 50 ლარიდან 1 000 ლარამდე, ხოლო მაქსიმალური 2 000-დან 3 500 ლარამდე გაიზარდა.

ახალგაზრდების შეკრებასა და მანიფესტაციაში მონაწილეობამ მათი მშობლების პასუხისმგებლობა შეიძლება გამოიწვიოს: ცვლილებით განისაზღვრა, რომ თუკი აქციაზე მყოფი არასრულწლოვანი წესებს დაარღვევს, დაჯარიმდება მისი მშობელი. კერძოდ, დადგენილ იქნა 100 ლარიდან 300 ლარამდე ოდენობით ჯარიმა არასრულწლოვანის მიერ პიროტექნიკის გამოყენებისა და ძალოვანი უწყების წარმომადგენლის მოთხოვნისადმი დაუმორჩილებლობის გამო.

აქციაზე მარტივი დაცვითი საშუალებების გამოყენება იკრძალება: სახის ნიღბით ან ნებისმიერი საშუალებით დაფარვის შემთხვევაში ჯარიმა 2000 ლარით განისაზღვრა. აქციის დროს ადამიანები სახეს უსაფრთხოებისა და ჯანმრთელობის დაცვის მიზნით იფარავენ. ფაქტობრივად ადამიანს ეკრძალება დაიცვას თავი პოლიციის მიერ ცრემლსადენი და მხუთავი გაზის გამოყენების შემთხვევაში, რაც  იმას ნიშნავს, რომ ამ ცვლილების ერთ-ერთი შედეგი აქციის მონაწილეთა ჯანმრთელობის უფრო მეტად დაზიანება იქნება.

ეს ცვლილება აქტიურად აამოქმედა „ქართულმა ოცნებამ” და მშვიდობიანი აქციების დროს ადამიანებს მხოლოდ იმიტომ აჯარიმებენ და აკავებენ, რომ სამედიცინო პირბადე უკეთიათ ან სიცივისგან შარფით იცავენ თავს.

აღსანიშნავია, რომ სახის დაფარვის სრულად აკრძალვა მკაცრად გააკრიტიკა ვენეციის კომისიამაც. კომისიამ ხაზი გაუსვა, რომ სახის ნიღბებისა და სხვა სახის საფარველების აკრძალვა შეკრებებზე წარმოადგენს გამოხატვის თავისუფლებისა და მშვიდობიანი შეკრების უფლების გაუმართლებელ შეზღუდვას.

კომისიამ აღნიშნა, რომ სახის დაფარვას შეიძლება ჰქონდეს მრავალი ლეგიტიმური მიზანი, მათ შორის რეპრესიებისგან დაცვა, პოლიტიკური ან რელიგიური შეხედულებების გამოხატვა და, რაც მთავარია, ცრემლსადენი გაზისა და სხვა საპოლიციო ზომებისგან თავდაცვა.

ლაზერული და მკვეთრი გამოსხივების სხვა საშუალების გამოყენების აკრძალვა: ამ შემთხვევაშიც ჯარიმა 2 000 ლარით განისაზღვრა. გაუგებარია, რა ტიპის საშუალებაზეა აქ საუბარი და ვინ განსაზღვრავს, რამდენად “მკვეთრია” გამოსხივება. ვენეციის კომისიამ გააკრიტიკა ეს აკრძალვა იმის გამო, რომ ის ზედმეტად ბუნდოვანია და სამართალდამცავ

ორგანოებს გადაჭარბებულ დისკრეციას ანიჭებს. კომისიის აზრით, დებულება არ განსაზღვრავს, რა ითვლება „მკვეთრ გამოსხივებად“ ან რა დონეზე მიიჩნევა ის ხელშემშლელად. პროტესტის მონაწილეებისთვის რთული იქნება იმის განსაზღვრა, თუ რა არის აკრძალული. კომისია ხაზს უსვამს, რომ ასე ფართოდ ფორმულირებული აკრძალვები შეიძლება გამოყენებულ იქნას შერჩევითად, რაც ძირს უთხრის სამართლებრივ სიცხადეს და არაპროპორციულად ზღუდავს შეკრების თავისუფლებას.

შეკრებისა და მანიფესტაციების დროს იზღუდება სცენის და მსგავსი კონსტრუქციების მოწყობა:   აიკრძალა, მაგალითად, კარავის გაშლა, სცენის მოწყობა, თუ მისი მოწყობა საფრთხეს უქმნის შეკრების ან მანიფესტაციის მონაწილეებს ან სხვა პირებს, ხელს უშლის პოლიციის მიერ საზოგადოებრივი წესრიგისა და უსაფრთხოების დაცვას, იწვევს საწარმოს, დაწესებულების ან ორგანიზაციის ნორმალური ფუნქციონირების შეფერხებას, მისი მოწყობის გარეშე არსებითად არ ფერხდება პროტესტი ან/და მისი მოწყობა შეკრების ან მანიფესტაციის ჩატარებას არ უკავშირდება.

დახურულ სივრცეში, შენობაში მესაკუთრის წინასწარი თანხმობის გარეშე აქციის ჩატარების აკრძალვა: აღსანიშნავია, რომ ამ ცვლილების შემოღებას წინ უსწრებდა საგანმანათლებლო სივრცეებში არსებული პროტესტები და “ქართულმა ოცნებამ” ამ საკითხის დარეგულირებაც გადაწყვიტა.

იზღუდება სპონტანური აქციების მოწყობა. ე.წ. “სპონტანური” შეკრებისას შემოღებულ იქნა ხელისუფლებისათვის შეტყობინების ვალდებულების შემოღება – თუ შეკრება ან მანიფესტაცია, მნიშვნელოვანი საზოგადოებრივი მოვლენის გამო, დაუგეგმავად, დაუყოვნებლივ იმართება, აქციის ორგანიზატორებს მაინც აქვთ ვალდებულება გააფრთხილონ მუნიციპალიტეტი. ეს წესი მოქმედებს მაშინ, თუ აქცია ტრანსპორტის სავალ ადგილზე იმართება ან ტრანსპორტის მოძრაობას აფერხებს.

ამგვარი წესი ფაქტობრივად სრულად აუქმებს სპონტანური პროტესტის კანონიერად ჩატარების უფლებას, რაც წინააღმდეგობაში მოდის, მათ შორის, საქართველოს საკონსტიტუციო სასამართლოს დადგენილ პრაქტიკასთან. ვენეციის კომისიამ მკაცრად გააკრიტიკა კანონის ეს მოთხოვნა. კომისიის განმარტებით, სპონტანური შეკრებები არ უნდა დაექვემდებაროს შემზღუდავ ბიუროკრატიულ პროცედურებს, რადგან ისინი დემოკრატიული საზოგადოებების მახასიათებელია და ხშირად გადაუდებელ მოვლენებზე რეაგირების შედეგად იქმნება.

მუნიციპალიტეტის მაგივრად, აქციის დროს ტრანსპორტის  სავალი ნაწილის გახსნისა და მოძრაობის აღდგენის შესახებ გადაწყვეტილებას შინაგან საქმეთა სამინისტრო მიიღებს,  დასჯადი ხდება  აქციის მონაწილეების მიერ ხალხის გადაადგილებისთვის დაბრკოლების შექმნაც. აქამდე მხოლოდ ტრანსპორტის გადაადგილებისათვის დაბრკოლების შექმნა ისჯებოდა.  საუბარია ნებისმიერ დაბრკოლებაზე მაგალითად, სცენის კონსტრუქციის მოწყობამ შეიძლება შექმნას ასეთი დაბრკოლება, რაც  დამკვიდრებული პრაქტიკაა არაერთ ქვეყანაში და, მათ შორის, საქართველოშიც.

გამოხატვის  ფორმის განსაზღვრა გამოხატვის თავისუფლების მნიშვნელოვანი შემადგენელი ნაწილია.  ამ უფლების ჩამორთმევით „ქართულ ოცნებას” სურს დაამყაროს სრული კონტროლი აქციის ფორმაზე და გაუმართლებლად შეზღუდოს შეკრებისა და გამოხატვის თავისუფლება.

პოლიტიკური თანამდებობის პირის და საჯარო მოსამსახურის სიტყვიერი შეურაცხყოფა, ლანძღვა-გინება ან შეურაცხმყოფელი გადაკიდება 6 000 ლარიანი ჯარიმით ან  60 დღიანი  პატიმრობით დასჯადი გახდა;

სამართალდამცავის  „ლანძღვა-გინებისათვის” პატიმრობა 15-დან 60 დღემდე, ხოლო მაქსიმალური ჯარიმა 4 500 ლარიდან 6 000 ლარამდე გაიზრდა. მანამდე მოქმედი კანონით, დასჯადი იყო პოლიციელის შეურაცხყოფა მხოლოდ მის მიერ უშუალოდ სამსახურებრივი მოვალეობის შესრულების პროცესში. ცვლილებებით კი ნებისმიერი შეურაცხყოფა და „ლანძღვა-გინება” სამართალდამცავის მისამართით, რომელიც “მის საქმიანობას უკავშირდება”, დასჯადი გახდა.

გამკაცრდა სასჯელი ძალადობრივი ქმედებისაკენ საჯაროდ მოწოდებისათვის იმ შემთხვევაშიც, თუ მას არანაირი  შედეგი არ მოჰყვა. აღნიშნული ქმედება  3 წლამდე პატიმრობით გახდა დასჯადი. აღსანიშნავია, რომ ეს დანაშაული თავისუფლების აღკვეთას საერთოდ არ ითვალისწინებდა. ძალადობრივი ქმედებისკენ საჯაროდ მოწოდების კრიმინალიზება 2015 წელს „ქართული ოცნების” მმართველობის დროს მოხდა, თუმცა ამ ქმედებისთვის ჯარიმა ან საზოგადოებისათვის სასარგებლო შრომა იყო გათვალისწინებული.

2025 წლის 2 ივლისის ცვლილებები – მიუხედავად ზემოთ აღწერილი რეპრესიული ცვლილებებისა, “ქართულმა ოცნებამ”  ვერ შეძლო პროტესტის ჩახშობა. გაზრდილი ოდენობის ჯარიმების გადახდაში მოქალაქეები ერთმანეთს ეხმარებოდნენ.

არაერთ პირი მერამდენეჯერ დაჯარიმდა, თუმცა მათ უარი განაცხადეს ჯარიმის გადახდაზე.

იურისტები ეხმარებოდნენ დაჯარიმებულ მოქალაქეებს ჯარიმის გასაჩივრებაში და შინაგან საქმეთა სამინისტროში იმდენი საჩივარი შევიდა, რომ განხილვის ვადები რამდენიმე თვით გახანგრძლივდა.

ამის შემდეგ „ქართულმა ოცნებამ” გადაწყვიტა პროტესტის მოსპობის მიზნით ჯარიმის გადაუხდელობისთვის პატიმრობა შემოეღო და იმისათვის რომ შინაგან საქმეთა სამინისტრო არ გადატვირთულიყო, გასაჩივრება პირდაპირ სასამართლოში გახდა შესაძლებელი.

„ქართულმა ოცნებამ” 2025 წლის 2 ივლისს შემდეგი  ცვლილებები შეიტანა ადმინისტრაციულ სამართალდარღვევათა კოდექსში – გზის გადაკეტვისათვის დაკისრებული ჯარიმის გადაუხდელობისთვის  განისაზღვრა ადმინისტრაციული პატიმრობა 15 დღემდე ვადით, ხოლო თუ სამართალდამრღვევი ორგანიზატორია − ადმინისტრაციული პატიმრობა 20 დღემდე ვადით;

პოლიციელისადმი დაუმორჩილებლობის, წვრილმანი ხულიგნობის ან პოლიტიკური ფიგურის შეურაცხყოფისთვის დაკისრებული ჯარიმის გადაუხდელობაც არანაკლებ 30 დღით პატიმრობით დასჯადი გახდა;

შეიცვალა ასევე ჯარიმების გასაჩივრების წესიც. თუ სახდელის სახედ ჯარიმა ან  პატიმრობაა განსაზღვრული, ასეთ შემთხვევაში  გასაჩივრება მხოლოდ სასამართლოში გახდა შესაძლებელი. მაგალითად, თუკი გზის გადაკეტვის შემთხვევაში შესაძლებელი იყო ჯარიმის ჯერ შსს-ში და შემდეგ სასამართლოში გასაჩივრება და პროცედურულად ჩერდებოდა მთელ ამ

პროცესში დაკისრებული ჯარიმის აღსრულება, შეცვლილი წესის მიხედვით, გასაჩივრება მხოლოდ სასამართლოში გახდა შესაძლებელი.

2025 წლის 16 ოქტომბრის ცვლილებები – „ქართული ოცნების” წევრებმა 16 ოქტომბერს მხარი დაუჭირეს ცვლილებებს, რომლის თანახმადაც პირველივე ჯერზე ადმინისტრაციული წესით პატიმრობა, ხოლო განმეორებით შემთხვევაში სისხლის სამართლის წესით პატიმრობაა გათვალისწინებული  ისეთი ქმედებებისთვის, როგორიცაა აქციაზე სახის ნიღბით დაფარვა ან დროებითი კონსტრუქციის, მაგალითად კარვის მოწყობა.

ცვლილებებით არა მხოლოდ აქციების წესის დარღვევისთვის არის გათვალისწინებული სისხლის სამართლებრივი პასუხისმგებლობა/თავისუფლების აღკვეთა, არამედ სამართალდამცავის მებისმიერი მოთხოვნის შეუსრულებლობისათვის.

ცვლილებები ითვალისწინებს შემდეგს:

ჯარიმა გაუქმდა და 15 დღემდე ვადით ადმინისტრაციული პატიმრობით ისჯება აქციის მონაწილე, ხოლო 20 დღიანი პატიმრობით აქციის ორგანიზატორი შემდეგ შემთხვევებში:

  • აქციაზე სახის ნიღბით დაფარვა
  • ხალხისა და  ტრანსპორტის გადაადგილებისათვის დაბრკოლების შექმნა
  • ცრემლმდენი, ნერვულ-პარალიტიკური მოქმედების ან/ და მომწამვლელი ნივთიერების ქონა
  • დროებითი კონსტრუქციის (მაგ. კარვის ან სცენის) მოწყობა
  • შეკრების ან მანიფესტაციის მონაწილეთა მიერ ტრანსპორტის სავალი ნაწილის ნაწილობრივ ან სრულად გადაკეტვა თუ აქციის მონაწილეთა რაოდენობის გათვალისწინებით აქციის სხვაგვარად ჩატარება შესაძლებელია.

იგივე ქმედების განმეორებითი ჩადენა უკვე სისხლის სამართლის პასუხისმგებლობას იწვევს, სასჯელის სახით დადგენილია  – თავისუფლების აღკვეთა ერთ წლამდე ვადით, თუ ქმედება არაერთგზისაა ჩადენილი 2 წლამდე ვადით, ხოლო თუ ორგანიზატორმა ჩაიდინა, რამაც მძიმე შედეგი გამოიწვია – 4 წლამდე ვადით.

ჯარიმა გაუქმდა და 60 დღემდე ვადით  ადმინისტრაციული პატიმრობით ისჯება აქციის მონაწილე შემდეგ შემთხვევებში:

თუ მან მონაწილეობა მიიღო იმგვარ შეკრებაში ან მანიფესტაციაში, რომელიც, საქართველოს შინაგან საქმეთა სამინისტროს მოთხოვნით უნდა შეწყვეტილიყო;

ცეცხლსასროლი იარაღის, ფეთქებადი, ადვილაალებადი, რადიოაქტიური ნივთიერების, ცივი იარაღის ან პიროტექნიკური ნაწარმის ქონა;

ისეთი საგნის ან ნივთიერების ქონა, რომელიც  გამოიყენება ან შეიძლება გამოყენებულ იქნეს შეკრების ან მანიფესტაციის მონაწილეთა ან სხვა პირთა სიცოცხლისა და ჯანმრთელობისთვის ზიანის მიყენების მიზნით.

იგივე ქმედების განმეორებითი ჩადენა უკვე სისხლის სამართლის პასუხისმგებლობას იწვევს – გათვალისწინებულია თავისუფლების აღკვეთა ერთ წლამდე ვადით, თუ ქმედება არაერთგზისაა ჩადენილი 2 წლამდე ვადით, ხოლო თუ ორგანიზატორმა ჩაიდინა, რამაც მძიმე შედეგი გამოიწვია – 4 წლამდე ვადით.

თუკი სამართალდამცავი ორგანოს თანამშრომლის მოთხოვნას პირი მესამედ არ დაემორჩილა, იგი დაისჯება თავისუფლების აღკვეთით ერთ წლამდე ვადით და თუ ქმედება არაერგზისია – ორ წლამდე ვადით. აღსანიშნავია რომ ეს წესი მოქმედებს არა მხოლოდ შეკრებისა და მანიფესტაციის დროს, არამედ ნებისმიერ სხვა შემთხვევაში.

ვისი მოთხოვნის ან განკარგულების დაუმორჩილებლობა ისჯება – სამართალდამცავი ორგანოს თანამშრომლის; სამხედრო მოსამსახურის, სახელმწიფო დაცვის სპეციალური სამსახურის თანამშრომლის; აღსრულების პოლიციელის; სპეციალური პენიტენციური სამსახურის;

საქართველოს იუსტიციის სამინისტროს გენერალური ინსპექციის ან ამავე სამინისტროს მმართველობის სფეროში მოქმედი საჯარო სამართლის იურიდიული პირის − დანაშაულის პრევენციის;

არასაპატიმრო სასჯელთა აღსრულებისა და პრობაციის ეროვნული სააგენტოს მოსამსახურის ან მასთან გათანაბრებული პირის.

არასრულწლოვნის  სისხლისსამართლებრივი პასუხისმგებლობა დადგება და იგი დაისჯება ჯარიმით ან 1 წლამდე გამასწორებელი სამუშაოთი ანდა 1 წლამდე პატიმრობით, თუკი ქვემოთ ჩამოთვლილ ადმინისტრაციულ სამართალდარღვევებს განმეორებით ჩაიდენს, ესენია:

შეკრებაზე ცეცხლსასროლი იარაღის, ფეთქებადი, ადვილაალებადი, რადიოაქტიური ნივთიერების, ცივი იარაღის ან პიროტექნიკური ნაწარმის ქონა;

ისეთი საგნის ან ნივთიერების ქონა, რომელიც  გამოიყენება ან შეიძლება გამოყენებულ იქნეს შეკრების ან მანიფესტაციის მონაწილეთა ან სხვა პირთა სიცოცხლისა და ჯანმრთელობისთვის ზიანის მიყენების მიზნით; სახის დაფარვა ნებსიმიერი საშუალებით ხალხის ან ტრანსპორტის გადაადგილებისთვის დაბრკოლებების განზრახ შექმნა; ცრემლმდენი, ნერვულ-პარალიტიკური მოქმედების ან/ და მომწამვლელი ნივთიერების ქონა; დროებითი კონსტრუქციის მოწყობა; მონაწილეობის მიღება შეკრებაში ან მანიფესტაციაში, რომელიც, შინაგან საქმეთა სამინისტროს მოთხოვნით შეწყდა;

ძალოვანი უწყების წარმომადგენლისადმი დაუმორჩილებლობა.

ვის ეხება გამონაკლისები:

ცვლილებებით ჯარიმის გადახდა მხოლოდ ორსულ ქალს, 12 წლამდე ასაკის ბავშვის დედას, 18 წლის ასაკს მიუღწეველ პირს, მკვეთრად ან მნიშვნელოვნად გამოხატული შეზღუდული შესაძლებლობის მქონე პირს დაეკისრება. ყველა დანარჩენ შემთხვევაში პირს პირდაპირ ადმინისტრაციული პატიმრობა და სისხლის სამართლის წესით თავისუფლების აღკვეთა ემუქრება.

ფოტო ან ვიდეოფირზე დაფიქსირებული სამართალდარღვევის გამოვლენის, მასზე რეაგირებისა და სამართალდამრღვევის იდენტიფიკაციისა (მათ შორის, სპეციალური

პროგრამის გამოყენებით) წესი და პირობები განისაზღვრება შინაგან საქმეთა მინისტრის ბრძანებით.

არაპროპორციულად მკაცრი სასჯელების დაწესება,  პროტესტების ადგილებისა და ფორმების შეზღუდვა და დემონსტრაციებზე შინაგან საქმეთა სამინისტროს კონტროლის გაზრდა იყო ხელისუფლების მცდელობა მისთვის კომფორტული – შიშის გარემო შეექმნა  და დაესაჯა  საზოგადოების აქტიური წევრები, რათა ამ გზით, დაესრულებინა მის წინააღმდეგ მიმდინარე საპროტესტო ტალღა.

აღნიშნული ცვლილებები ვენეციის კომისიათან ერთად მწვავედ გააკრიტიკა  Amnesty International-მა, როგორც „ახალი დრაკონული კანონები, რომელსაც ხელისუფლება განსხვავებული აზრის ჩასახშობად იყენებს“.

„ქართული ოცნების” მიერ შეკრებისა და მანიფესტაციების კანონში შეტანილი ცვლილებები არის საერთო სურათისა და იმ დიქტატორული კანონების შემადგენელი ნაწილი, რომელსაც “ქართული ოცნების” პარლამენტი დაჩქარებული წესით იღებს. ამ ცვლილებების მიზანი არა საზოგადოებრივი წესრიგისა და ქვეყნის ინტერესების დაცვა, არამედ აქციის მონაწილეების სამაგალითო დასჯა და მოქალაქეების დაშინებაა.

ცალსახაა, რომ ქართული ოცნება უწყვეტ პროტესტს საფრთხედ აღიქვამს და კანომდებლობის ასეთი სწრაფი და მრავალმხრივი გამკაცრებაც ზუსტად ამ კონკრეტულ მიზანს – აქციების ჩახშობას ემსახურება“ – წერს „გამჭვირვალობა“.

მზია ამაღლობელის საჩივრის განხილვას სააპელაციო სასამართლო 11 ნოემბერს დაიწყებს

ქუთაისის სააპელაციო სასამართლოში მზია ამაღლობელის სააპელაციო საჩივრის განხილვა 11 ნოემბერს, 13 საათზე დაიწყება. მომხსენებელი მოსამართლე ნიკოლოზ მარგველაშვილია.

მზია ამაღლობელის ადვოკატები ასაჩივრებენ ბათუმის საქალაქო სასამართლოში 6 აგვისტოს გამოტანილ განაჩენს, რითაც მზია ამაღლობელს 2 წლით თავისუფლების აღკვეთა მიუსაჯეს.

მზია ამაღლობელის ადვოკატები ითხოვენ ბათუმის საქალაქო სასამართლოს მიერ გამოტანილი გამამტყუნებელი განაჩენის გაუქმებას და გამამართლებელი განაჩენის გამოტანას.

ჟურნალისტი და მედიამენეჯერი მზია ამაღლობელი თითქმის 10 თვეა უკანონო პატიმარია. იგი გაასამართლეს სისხლის სამართლის წესით და 2-წლიანი პატიმრობა მიუსაჯეს. პროცესი მიმდინარეობდა მის წინააღმდეგ მიმართული „ოცნების“ დეზინფორმაციის ფონზე, ცრუ მოწმე პოლიციელების გამოყენებით.

დაკავებისას მზია ამაღლობელს ღირსების შემლახავად და არაადამიანურად მოექცნენ, თუმცა პროკურატურას საქმის გამოძიება არ დაუწყია. დაკავების დღიდან, პროტესტის ნიშნად, მზია ამაღლობელი 38 დღის განმავლობაში შიმშილობდა. მას პატიმრობაში მკვეთრად დაუქვეითდა მხედველობა.

მზია ამაღლობელის ადმინისტრაციული დაკავების საქმის განხილვა უკვე დაიწყო სტრასბურგის ევროპულმა სასამართლომ.  

2025 წლის 22 ოქტომბერს მზია ამაღლობელმა მიიღო სახაროვის პრემია აზრის თავისუფლებისთვის, ევროკავშირის ადამიანის უფლებათა უმაღლესი ჯილდო.

ამ თემაზე:

„დგებუაძისთვის გაწნილი სილა არ უკავშირდება მის საქმიანობას“ – მზია ამაღლობელის სააპელაციო საჩივარი 

ტრამპი კონგრესმენ ჯო უილსონს აქებს – „ჯო უილსონს აქვს ჩემი სრული მხარდაჭერა“

აშშ-ის პრეზიდენტი დონალდ ტრამპი  მხარდაჭერას უცხადებს კონგრესმენ ჯო უილსონს არჩევნებში. მის მიერ დაფუძნებულ სოციალურ ქსელში, Truth Social-ში ტრამპი წერს:

„კონგრესმენი ჯო უილსონი, რომელიც თავიდანვე იდგა ჩვენ გვერდით, არის სამხრეთ კაროლინას მე-2 კონგრესის ოლქის უდიდესი ჩემპიონი!

სამხრეთ კაროლინას არმიის ეროვნული გვარდიის პენსიაზე გასული პოლკოვნიკი და წარმომადგენელთა პალატის შეიარაღებული ძალების კომიტეტის წევრი, ჯომ იცის ის გონიერება და სიმამაცე, რაც საჭიროა ჩვენი ქვეყნის დასაცავად, ჩვენი შესანიშნავი სამხედრო/ვეტერანების მხარდასაჭერად და ძალის მეშვეობით მშვიდობის დამყარებისთვის.

კონგრესში ჯო ბეჯითად მუშაობს, რათა შეინარჩუნოს ჩვენი ახლა უკვე ისედაც ძალიან დაცული საზღვარი კიდევ უფრო დაცულად, შეაჩეროს მიგრანტების დანაშაული, უზრუნველყოს კანონი და წესრიგი, გაზარდოს ჩვენი ეკონომიკა, შეამციროს გადასახადები და რეგულაციები, ხელი შეუწყოს ამერიკაში დამზადებულ პროდუქციას, იყოს ამერიკული ენერგეტიკული დომინირების ჩემპიონი, დაიცვას არჩევნების მთლიანობა და ჩვენი მუდმივად საფრთხის ქვეშ მყოფი მეორე შესწორება.

ჯო უილსონს აქვს ჩემი სრული და ტოტალური მხარდაჭერა ხელახლა არჩევისთვის — ის არასოდეს გაგიცრუებთ იმედებს!”.

რესპუბლიკელი კონგრესმენი ჯო უილსონი ივანიშვილის და მისი „ოცნების“ სანქცირების მომხრეა. უილსონი ხშირად ეხმიანება საქართველოში მიმდინარე პოლიტიკურ პროცესებს და აშშ-ის ადმინისტრაციას რეაგირებისკენ მოუწოდებს. უილსონი არის ერთ-ერთი ავტორი „მეგობარი აქტის“, რომელიც „ოცნების“ სანქცირებას ითვალისწინებს.

___________

ფოტო ჯო უილსონის ინსტაგრამ გვერდიდან 

ახალი მონაცემები რუსეთის და უკრაინის სამხედრო დანაკარგებზე ომში – 4 ნოემბერი

უკრაინის შეიარაღებული ძალების გენერალური შტაბის დღევანდელი მონაცემებით, ომის დაწყებიდან 2025 წლის 4 ნოემბრამდე პერიოდში, რუსეთის არმიის საბრძოლო დანაკარგი არის:

  • ცოცხალი ძალა – დაახლოებით 1 145670 ადამიანი [გასულ დღე-ღამეში +860. ამ მონაცემებში შედის როგორც დაღუპულები ასევე დაჭრილები]
  • ტანკი – 11 326 ერთეული [+5]
  • ჯავშანტექნიკა – 23 532 ერთეული [+1]
  • საარტილერიო სისტემა – 34 249 ერთეული [+42]
  • MLRS – 1 535 ერთეული [+1]
  • საზენიტო საბრძოლო სისტემა – 1 235 ერთეული [+0]
  • თვითმფრინავი – 428 ერთეული [+0]
  • ვერტმფრენი – 346 ერთეული [+0]
  • უპილოტო საფრენი აპარატის ოპერატიულ-ტაქტიკური დონე – 77 860ერთეული [+425]
  • ფრთოსანი რაკეტა [ჩამოაგდეს] – 3 918 ერთეული [+0]
  • გემი/ნავი – 28 ერთეული [+0]
  • წყალქვეშა ნავი – 1 ერთეული [+0]
  • მანქანები და საწვავის ავზები – 66 504 ერთეული [+93]
  • სპეცტექნიკა – 3 990 ერთეული [+1]

უკრაინის გენერალური შტაბის განცხადებით, საომარი მოქმედებების მაღალი ინტენსივობის გამო მონაცემები იცვლება.

უკრაინის სამხედრო დანაკარგებზე ინფორმაცია განაახლა რუსეთმაც.

რუსეთის თავდაცვის სამინისტროს მიერ გავრცელებული მონაცემებით, ომის დაწყებიდან 2025 წლის 4 ნოემბრამდე პერიოდში სულ განადგურებულია უკრაინის:

  • 668 თვითმფრინავი
  • 283 ვერტმფრენი
  • 94 936 უპილოტო საფრენი აპარატი
  • 635 საზენიტო სარაკეტო სისტემა
  • 25 837 ტანკი და სხვა ჯავშანტექნიკა
  • 1 609 მრავალჯერადი სარაკეტო გამშვები
  • 31 065 საველე არტილერია და ნაღმმტყორცნი
  • 45 800 სპეციალური სამხედრო მანქანა

ეს ის მონაცემებია, რომელსაც უკრაინა და რუსეთი ოფიციალურად ავრცელებენ, თუმცა ომის პირობებში შეუძლებელია ზუსტად გადამოწმება, რამდენად შეესაბამება მხარეების მიერ გავრცელებული ინფორმაცია დანაკარგების შესახებ რეალურ რიცხვებს.

ამასთან, აღნიშნულ მონაცემებთან ერთად რუსეთის თავდაცვა, უკრაინის და რუსეთის არმიის ცოცხალი ძალის საერთო დანაკარგების შესახებ სტატისტიკას არ აქვეყნებს. უკრაინის არმიის ცოცხალი ძალის დანაკარგების შესახებ მონაცემებს არ აქვეყნებს არც უკრაინა.

—

რუსეთი უკრაინაში 2022 წლის 24 თებერვალს გამთენიისას შეიჭრა და სრულმასშტაბიანი ომი დაიწყო.

ამავე თემაზე:

ტრამპი პუტინზე: მათ სანაპიროსთან გვყავს მსოფლიოში უდიდესი ბირთვული წყალქვეშა ნავი

 

მთავარი ფოტო: უკრაინის გენშტაბი/facebook

როგორი ამინდი იქნება ბათუმში უახლოეს დღეებში

გარემოს ეროვნული სააგენტოს აჭარის რეგიონული ჰიდრომეტეოროლოგიური ობსერვატორიის ინფორმაციით, 4 ნოემბრის 21 საათიდან 5 ნოემბრის 21 საათამდე ბათუმსა და მთლიანად აჭარაში მოსალოდნელია ცვალებადი მოღრუბლულობა, უნალექოდ. იქროლებს ცვალებადი მიმართულების ქარი 10-15 მეტრი წამში.

ჰაერის ტემპერატურა სანაპირო ზოლში:

  • დღისით: 18 – 23 გრადუსი სითბო
  • ღამით: 8 – 13 გრადუსი სითბო

მთიან მუნიციპალიტეტებში:

  • დღისით: 15 – 20 გრადუსი სითბო
  • ღამით: 3 – 8 გრადუსი სითბო

მაღალმთიან ზონაში:

  • დღისით: 10 – 15 გრადუსი სითბო
    ღამით: 0 – 5 გრადუსი სითბო

ზღვის ღელვა 2-3 ბალი იქნება, ზღვის წყლის ტემპერატურა კი +18 გრადუსია.

სინოპტიკოსების ცნობით 6-7 ნოემბერს აჭარაში მოსალოდნელია უმეტესად უნალექო ამინდი.

„ერთი კლანი ებრძვის მეორეს“ – რას ამბობენ ბათუმში „ოცნების“ კორუფციასთან ბრძოლაზე

გჯერათ, რომ „ოცნების“ მთავრობა კორუფციას ებრძვის? – ნახეთ „ბათუმელების“ გამოკითხვა ბათუმის ქუჩებში.

„ერთი კლანი ებრძვის მეორეს“ - გამოკითხვა ბათუმში „ოცნების“ კორუფციასთან ბრძოლაზე

5 ნოემბრის ღამეს სუპერმთვარე გამოჩნდება

5 ნოემბერს, ოთხშაბათს, ცაზე სუპერმთვარე გამოჩნდება – მთვარე 2025 წლის განმავლობაში ყველაზე დიდი და კაშკაშა იქნება.

სუპერმთვარეს დედამიწის თანამგზავრს უწოდებენ მაშინ, როცა სავსე მთვარე დედამიწის ელიფსურ ორბიტაზე მოძრაობისას დედამიწასთან ყველაზე ახლო წერტილში აღმოჩნდება და განსაკუთრებით დიდი და კაშკაშა ჩანს ცაზე ჩვენი პლანეტიდან.

სუპერმთვარე წელიწადში მხოლოდ 3-4-ჯერ ჩნდება ცაზე. წელს პირველად სუპერმთვარე 6 ოქტომბერს გამოჩნდა.

„გარდიანი“ წერს, რომ 2025 წლის 5 ნოემბერს მთვარე დედამიწიდან 357 000 კილომეტრზე ოდნავ ნაკლები მანძილით იქნება დაშორებული, რაც მას წლის ყველაზე სავსე მთვარედ აქცევს.

5 ნოემბერს მთვარე საშუალოზე 8%-ით უფრო დიდი და დაახლოებით 16%-ით უფრო კაშკაშა გამოჩნდება.

„ბიბისის“ ცნობით, მიუხედავად იმისა, რომ 5 ნოემბერს 2025 წლის ყველაზე კაშკაშა და სავსე მთვარე იქნება, შემდეგ სუპერმთვარემდე ლოდინი დიდხანს არ დაგვჭირდება, რადგან წლის მესამე და ბოლო სუპერმთვარეს 2025 წლის 4 დეკემბერს ვიხილავთ ცაზე.

________________________

ფოტოზე: სუპერმთვარე 2025 წლის 6 ოქტომბერს, ტაივანი. ფოტო: ევროპის პრესფოტო სააგენტო/EPA

„ამ კანონით ვერცერთი მასწავლებელი ვერ იქნება თავისუფალი“ – ინტერვიუ

„კორუფციის შესახებ საქართველოს კანონში“ შეტანილი ცვლილება მასწავლებლებსაც შეეხება, რადგან მასწავლებელი ვეღარ დასაქმდება სხვა სამსახურში, თუკი მას არ ექნება სკოლის დირექტორის წერილობითი ნებართვა.

რა მიზანი აქვს ამ ჩანაწერს და რა საფრთხე ემუქრება მასწავლებლის აკადემიურ თავისუფლებას ამ კანონით? – ამ თემაზე „ბათუმელები“ ისტორიის მასწავლებელს, „ეროვნული ჯილდოს“ ფინალისტს, შალვა მინდაძეს ესაუბრა.

  • ბატონო შალვა, რა ზიანი მიადგება ამ ჩანაწერით სკოლას და მასწავლებელს? რას ნიშნავს „ხელმძღვანელის თანხმობა“ და რა ტიპის პრობლემას წარმოშობს ეს თუნდაც დირექტორსა და პედაგოგს შორის ურთიერთობაში?

კანონი ამბობს, რომ თუ საჯარო სექტორში მუშაობ, ყოველ დამატებით საქმიანობაზე, იქნება ეს კერძო გაკვეთილი, სხვა სკოლაში ან უნივერსიტეტში სწავლება თუ კვლევით პროექტში მონაწილეობა, ყველაფერზე საჭიროა დირექტორის ერთჯერადი, არაუმეტეს ერთწლიანი წერილობითი თანხმობა და ეს თანხმობა ყოველ წელს თავიდან უნდა ითხოვო.

ამით, ფაქტობრივად, დირექტორი სკოლის ადმინისტრატორი კი აღარ გამოდის, არამედ პროფესიული თავისუფლების „გამცემი“.

კანონს ჰქვია კორუფციის წინააღმდეგ ბრძოლის ინსტრუმენტი და გამოვიდა პირიქით, ჩემი აზრით, რადგან ეს კონტროლის ბერკეტია დირექტორის და სახელმწიფოს ხელში, რომელიც ეუბნება მასწავლებლებს, რომ გაჩუმდნენ.

სამი საკვანძო თეზაა აქ ჩადებული, ჩემი აზრით. პირველი არის ნებართვა პროფესიულ თავისუფლებაზე და ამით მასწავლებელი ფაქტობრივად მთლიანად დამოკიდებული ხდება დირექტორის კეთილგანწყობაზე.

მეორეა ის, რომ მთელი ძალაუფლება დირექტორის ხელშია კონსოლიდირებული და უარის თქმაც კი საკმარისია იმისთვის, რომ მასწავლებელმა დაკარგოს დამატებითი შემოსავალი.

მესამე არის ის, რომ საჯაროობის ინტერესი ზარალდება, როცა მასწავლებელი ფიქრობს, რომ ჯერ კარიერაა მნიშვნელოვანი და მერე სიმართლე.

განათლება ფაქტობრივად დაკარგავს კრიტიკულ აზროვნებას, იმიტომ, რომ მასწავლებელს ისედაც ერთჯერადი შემოსავლის დაკარგვის შიში გაუჩნდება და არჩევს დუმილს ამ ერთწლიანი თანხმობის მიღების სანაცვლოდ.

  • ვერც გაასაჩივრებს მასწავლებელი, თუკი დირექტორი უარს ეტყვის დამატებით საქმიანობაზე?

კანონში წერია, რომ გადაწყვეტილება მიიღება 10 დღეში და გასაჩივრება არ აჩერებს დირექტორის გადაწყვეტილებას, რაც პრაქტიკაში ნიშნავს იმას, რომ მასწავლებელი მუდმივად დამოკიდებული ხდება სკოლის დირექტორზე.

რაღაც ძალიან ეშმაკური, მზაკვრული ჩანაწერია, რომელიც ბევრჯერ ჩაკითხვის შემდეგ ძლივს ამოვხსენი. რომც გაასაჩივრო, ფაქტობრივად, ვერ აბათილებ დირექტორის გადაწყვეტილებას.

  • როგორ ფიქრობთ, რეალურად, რისთვის გაკეთდა ეს ჩანაწერი, რას ებრძვიან?

მასწავლებლის თავისუფლებას, რადგან ამ კანონით ვერცერთი მასწავლებელი ვერ იქნება თავისუფალი. ებრძვიან კრიტიკულ აზრს, თავისუფალი პედაგოგი გაქრება. მე ვთვლი თავს თავისუფლად და მე გავქრები, რადგან ეს ნებართვა გადაიქცევა წლიურ ლიცენზიად და პროფესიული დამოკიდებულება გახდება წლიური კონტრაქტი და არა ის, რაც დღეს გვაქვს, – მუდმივი კონტრაქტი მასწავლებელსა და სკოლას შორის.

დირექტორი ვერ უნდა წყვეტდეს ვის შეუძლია უნივერსიტეტში ლექციის წაკითხვა და ვის არა. რატომ უნდა მჭირდებოდეს ამისთვის დირექტორის ნებართვა?პარადოქსია.

  • სამუშაო საათების შემდეგაც ეკრძალება სხვა სამსახურში მუშაობა?

თუ გაქვს ფიქსირებული შემოსავალი მაშინ და მე პირადად, სამი ფიქსირებული სამსახური მაქვს ამ ეტაპზე. მაგრამ შესაძლოა ეს გავრცელდეს არაფიქსირებულზეც. ეს საკითხი ზუსტად ვერ გავარკვიე ჯერ. 8 საათიც რომ იყო სკოლაში, მაინც დირექტორის თანხმობა გჭირდება და ამ ნაწილში საჯარო სკოლა უკვე აღარ არის ის სივრცე, სადაც მასწავლებელი თავისუფალია.

ფაქტობრივად უნდა გაჩუმდე, მაგრამ როცა ბავშვები ხედავენ, რომ მასწავლებელი ჩუმადაა, ფიქრობენ, რომ სიმართლე საშიშია. ესე იგი, არაფერი აღარ უნდა ვთქვათ და ეს უკვე საგანმანათლებლო კრიზისია. ჯერ მგონია, რომ ისედაც ვართ კრიზისში და ახლა ესეც დაემატა.

თქვეს, რომ ხელფასს გავზრდით და აღარ დასჭირდებათ მეორე ადგილზე დასაქმებაო, მაგრამ როდის გაზრდიან? რომელი დაპირება იყო, რომელიც თქვეს და შეასრულეს?!

ეკონომიკური ზიანი მიადგება ხალხს. რას უშვრებიან ქვემო ქართლში მომუშავე მასწავლებლებს? სკოლებში კადრები რომ არ ჰყავთ და ერთი მასწავლებელი სამ სკოლას სწვდება, არა იმიტომ, რომ მაინცადამაინც უნდა, უბრალოდ არ არის კადრები ქვემო ქართლში.

რეალურად აკადემიური კარი იხურება. უნივერსიტეტთან, აკადემიურ სივრცეებთან თანამშრომლობაზე ნებართვა რატომ უნდა მჭირდებოდეს. „დედა, გამიშვებ?” – აი, რაღაც ასეთი პრინციპია.

თუ კარგი ცხვარი იქნები, მაშინ გაგიშვებენ, მაგრამ თუ იქნები აქტიური, კრიტიკული, ინოვატორი, ავტორიტეტული მოსწავლეებისთვის, მშობლებისთვის, მაშინ სარისკო ხარ მათთვის. საკმარისია განსხვავებული პოზიცია გქონდეს სკოლაში და უკვე აღარ მოგცემენ ამ თანხმობას.

მაგალითად, თუ დირექტორმა არასამართლიანად გაანაწილა საათები, შენ კი ეს გააპროტესტე, გეტყვის, რომ მეორე სამსახურში დასაქმების უფლებას არ გაძლევ. მორჩა, გაშეშებული ხარ.

  • ეს დირექტორს აძლევს უფლებას, რომ სამსახურიდანაც დაგითხოვოს?

დირექტორი ფაქტობრივად ულტიმატუმს გიყენებს. „თუ არ გინდა, წადი“ – პრინციპი ჯერ ხომ ისედაც მოქმედებდა რაღაც კუთხით აქამდეც და ახლა ხომ საერთოდ ამოქმედდება. მესმის, რომ დირექტორებს ეს ბერკეტები ძალიან მოსწონთ, რადგან ჩვენ ხომ ვიცით, რომ დირექტორების 70-80% პარტიული მუშაკია და ახლა ამ კანონს ზეწოლის მიზნით გამოიყენებენ.

თუ ეტყვიან ჩემზე, რომ გაათავისუფლე ან ხელი შეუშალე, ხომ გამოიყენებს ამ ბერკეტს ჩემ წინააღმდეგ? ამიტომ სად ჩანს, რომ ეს კანონი კორუფციის წინააღმდეგაა მიმართული, რაში გამოიხატება?

  •  პირიქით იმუშავებს? ალბათ დირექტორების კეთილგანწყობის მოპოვებას შეეცდებიან მასწავლებლები.

დაარქვან ამას რეალური სახელი, რადგან ეს არის ადმინისტრაციული ბერკეტი პროფესიული სიტყვისა და თვითგამოხატვის გასაკონტროლებლად და ნუ ფუთავენ სხვა რამით. აქ არავინ არის სულელი და უდიპლომო „ოცნების“ პრეზიდენტივით. დამთავრებული გვაქვს უნივერსიტეტი და სხვა თუ არაფერი, კრიტიკულად მაინც ვიაზრებთ კანონებს.

ყველა რეჟიმის დროს, როცა მასწავლებელს კრიტიკას და აკადემიურ ურთიერთობებს უკრძალავდნენ, პირდაპირ აისახებოდა განათლების ხარისხზე. ჯერ აჩუმებდნენ პედაგოგებს, შემდეგ მეცნიერებას. გაიხსენეთ ილიას ეპოქა. ზუსტად ასე დაიწყო და როცა ილიას გაჩუმება ვეღარ გამოვიდა, ვიცით, რაც გააკეთეს.

სწორედ ამიტომ, 15 ნოემბერს თბილისში, 16:00 საათზე მასწავლებლები ვიკრიბებით მარჯანიშვილზე და გავაპროტესტებთ ამ კანონს.

ვაპროტესტებთ უდიპლომო „პრეზიდენტის“ 17 000-ლარიან ხელფასს, მაშინ, როცა ჩვენ, მასწავლებლებს, 2000 ლარიც კი არ გამოგვდის და მაინც არ გვიზრდიან ხელფასებს, ვაპროტესტებთ 11-კლასიან განათლების სისტემას, რასაც გვიპირებენ, რომ ბოლომდე ჩაგვკეტონ და მე ველოდები ჩემს კოლეგებს ამ აქციაზე, რომელიც ერთგვარი გამოცდაა ყველასთვის.

ვინც ახლა ჩუმადაა, მათთანაც მივლენ, თუ არ ამოიღებენ ხმას. თუმცა, ბოლო ერთი კვირაა, ჩემი მიძინებული კოლეგებიც კი გაცოცხლდნენ და იმედი მაქვს, ყველა გაცოცხლდება.

აუცილებლად უნდა გაუქმდეს ნებართვის ნაწილი ამ კანონში, რადგან პირდაპირი დიქტატორული თეზაა და ობიექტური კრიტერიუმები უნდა შემოვიღოთ აუცილებლად, რადგან გასაჩივრებას შემაჩერებელი ძალა არ აქვს და ადმინისტრაციული გადაწყვეტილება ფაქტობრივად დაურღვევადი ხდება. მასწავლებლის დისკრიმინაციაა და აკადემიური თავისუფლების გარანტია იკარგება.

  • ვთქვათ, გაუზარდეს მასწავლებლებს ხელფასი 1000 ლარით, რომ აღარ მოძებნონ სხვა სამსახური, ღირს კი ეს თანხა აკადემიური თავისუფლების დაკარგვად?

ჩემთვის არა, რა თქმა უნდა, მაგრამ შეიძლება ვიღაცისთვის უკვე ღირს, იმიტომ, რომ ცხვარი მასწავლებელი უდრის იმას, რომ ისედაც ხმადაკარგული მასწავლებელი საერთოდ პირს ამოიკემსავს არა ნებით, არამედ შიშით.

ჯერ როგორ უნდა გაზარდონ ხელფასი, როცა ყველა სიპი და აიპი შეამცირეს, გააუქმეს ყველაფერი, რადგან ფული არ გვაქვსო ამბობენ და ცოტა სასაცილოა ამ ფონზე ხელფასების ზრდის დაპირება. რომელ წელს გაზრდიან, 2060 წელს?

სკოლაში, სადაც ბავშვი სწავლობს თავისუფლებას, ჯერ მასწავლებელი უნდა იყოს თავისუფალი. თუ ასე არ იქნება, ეს მუდმივად შექმნის ფილტრს მასწავლებლის პროფესიაზე.

  • თქვენ ამბობთ, რომ ამ შეზღუდვებით უნდათ მასწავლებლები დაიმორჩილონ. რას ნიშნავს მასწავლებლის „ცხვრობა“ სისტემაში? რა ტიპის მასწავლებელს ვიღებთ?

რომ ვაკრიტიკებ ჩემს კოლეგებს, სწყინთ, მაგრამ ფაქტია, რომ მასწავლებელი აქციო ცხვრად, ნიშნავს მდგომარეობას, როცა მასწავლებელი იძულებულია გაჩუმდეს სამსახურის შენარჩუნების სანაცვლოდ. მასწავლებლის ცხვრობა სისტემური მორჩილების მდგომარეობაა. როცა 67 000-დან 1000 მასწავლებელი ლაპარაკობს, ცხვარი ხარ, აბა რა ხარ.

„არ გააკრიტიკო, არ გამოხატო აზრი, იმიტომ, რომ სამსახურს დაკარგავ“ – ეს არის ცხვრობა. და თუ აქამდე არ იდგა სამსახურის დაკარგვის საშიშროება, ახლა, ამ კანონით რეალურად დადგა ეს საფრთხე. ნებისმიერ შემთხვევაში უნდა გაჩუმდე, რადგან სისტემა პირდაპირ გასწავლის უკვე, რომ ხმამაღალი სიტყვა უდრის საფრთხეს შენთვის.

დღეს რეალურად მასწავლებელი ვინ არის? – მთავარი შემომტანი ოჯახში, განვადების გამომტანი, ბინას იყიდის მისი ხელფასით და მერე მთელი ცხოვრება იხდის ამ ვალს, მასწავლებელი არის შვილიშვილებისთვის კანფეტების მიმტანი. ტიპური, ყოველდღიური მასწავლებელი საქართველოში ასეთია და თუ მეტი ხელფასი ექნება და სხვაგან დასაქმების უფლებასაც შეუზღუდავენ, კიდევ უფრო მორჩილი გახდება.

კრიტიკული მასწავლებელი კი სკოლიდან გავა. ეს დამოკიდებულება ჯერ კიდევ მაშინ გამოვლინდა, როცა 1-კრედიტიან მასწავლებლებს მოუმატეს ხელფასები, მაღალი სტატუსების მქონეებს კი – დააკლეს.

„ოცნების” მთელი პოლიტიკა ასეთი მასწავლებლის ჩამოყალიბებაზეა მიმართული.

  • თუკი დაიწყება კრიტიკული აზრის გაქრობა სკოლაში, ამას დაემატება 11-წლიანი სწავლება და უმაღლესი განათლებაც მოწყდება დასავლური განათლების სისტემას, რას მივიღებთ ქვეყანაში?

დღეს რომ მასწავლებლებს წინააღმდეგობის უნარი ჰქონდეთ, ამ ქვეყანას მართლა ვერაფერი დააქცევდა. მაგრამ თუ ეს ყველაფერი გაატარეს, ჩემთვის ეს იქნება აპოკალიფსური სცენარი. მივიღებთ განათლების სისტემას, სადაც მასწავლებელი მოკვდა როგორც პროფესიონალი და აქ იწყება ქვეყნის ინტელექტუალური დეგრადაციაც. ეს არის სწორედ რუსების დემილიტარიზაცია, დენაციფიკაცია, „ნეიტრალური საქართველოს“ გეგმა, როცა კავკასიის რეგიონში რიგითი მაჩანჩალა ქვეყანა გაგვხადეს, როცა თავდაცვის მინისტრი ფაქტობრივად კგბ-ეს წარმომადგენელია თავისი ისტორიით, როცა სუს-ი და კონტრდაზვერვა რუსეთის ხელშია და ახლა ბოლო ფუძის მორღვევაა დაწყებული, რაც გულისხმობს ნაციონალური იდეის, ეროვნული თვითშეგნების, იდენტობის გაქრობას, ისტორიულ-კულტურული მეხსიერების წაშლას და ისტორიის გადაწერას.

ამიტომ, თუ ჩემი, როგორც მასწავლებლის ხმა დამეკარგება, დაიკარგება ჩემი ბავშვების ხმაც და თუ ბავშვის ხმა დაიკარგება, ქვეყნის მომავალიც დაიკარგება.

ძალიან არ მინდა გავზარდო თაობა, რომელიც ჩუმად დგას ყველა უსამართლობის წინაშე.

მინდა გავზარდო თაობა, რომელიც ფიქრობს, კითხვებს სვამს, აზროვნებს და თუ მე, მასწავლებელი, ვერ დავსვამ კითხვებს ხმამაღლა, ამას სხვებს როგორ ვასწავლი?!

რას ჩუქნიან „ოცნების“ მაღალჩინოსნებს მშობლები – ნახევარი მლნ ლარი, ბინა, აგარაკი და სხვა

შემოსავალ-გასავლის საჩუქრებით დაბალანსების ხერხს საქართველოს საჯარო უწყებებში დასაქმებულებმა და პოლიტიკური თანამდებობის პირებმა ბოლო წლებში აქტიურად მიმართეს, თუმცა როგორც ყოფილი საჯარო მოხელეების მიმართ დაწყებული სისხლის სამართლის საქმეების მასალებით ირკვევა, საჩუქრად მიღებული ფულით შემოსავალზე მეტი დანახარჯის გამართლება არ აღმოჩნდა მთლად საიმედო გამოსავალი.

საქართველოს ყოფილ პრემიერ-მინისტრს, ირაკლი ღარიბაშვილს განსაკუთრებით დიდი ოდენობით უკანონო შემოსავლების ლეგალიზებას – ფულის გათეთრებას ედავებიან. პროკურატურის ვერსიით, ირაკლი ღარიბაშვილი სხვადასხვა უკანონო შემოსავალს იღებდა,  ქონებრივ დეკლარაციებში კი უთითებდა ყალბ მონაცემებს, რომ თითქოს ოჯახის წევრებისგან ყოველწლიურად იღებდა დიდი ოდენობით თანხას საჩუქრად.

მაგალითად, 2025 წელს შევსებული დეკლარაციის მიხედვით, გასულ წელს ღარიბაშვილს მშობლებმა 200 000 ლარი აჩუქეს, 2023 წელს კი – 150 000 ლარი. გარდა ამისა, ღარიბაშვილი უთითებდა, რომ პენსიონერი მშობლები იხდიდნენ ოჯახის მოგზაურობის და ჩარტერების ხარჯებსაც. პროკურატურის ინფორმაციით, მისი სახლის ჩხრეკის შედეგად 6 მილიონ 500 ათასი ამერიკული დოლარი, ძვირფასეულობდა და ოქროს ზოდები ამოიღეს.

ღარიბაშვილის ოჯახის სოლიდურ საჩუქრებსა და ხარჯების შესაბამისობაზე მედიას კითხვები ადრეც ჰქონდა, თუმცა შესაბამისი უწყებები ამ საკითხზე ხმამაღალ ინტერესს არ გამოხატავდნენ და არც კითხვებს პასუხობდნენ.

ჯერ უცნობია, განიხილება თუ არა ბაკურიანში სახელმწიფო ტყის 49-წლიანი საიჯარო ხელშეკრულებით ყოფილი პრემიერის ცოლისთვის გადაცემის კანონიერების საკითხი. ამ ტყესთან ახლოს ირაკლი ღარიბაშვილმა ფეშენებელური სახლი ააშენა, რომელიც „ქართუში“ აქვს დაგირავებული.

მედია, მათ შორის „ბათუმელები“, არაერთხელ წერდა  თავდაცვის ყოფილი მინისტრის, ჯუანშერ ბურჭულაძის გამდიდრებასა და საჩუქრებზეც.

  • შს მინისტრის ცოლის საჩუქრები

საჩუქრებს მოქმედი თანამდებობის პირები ან მათი ოჯახის წევრებიც იღებენ. მათ შორის არის შინაგან საქმეთა მინისტრის გელა გელაძის ოჯახიც. ბოლოს შევსებული დეკლარაციის მიხედვით მინისტრის ცოლს ნათია ელიზბარაშვილს მშობლებმა 2024 წელს 150 ათასი დოლარი აჩუქეს.

მინისტრის დეკლარაციით, რომელიც მან 2025 წლის 26 თებერვალს შეავსო, როგორც შინაგან საქმეთა მინისტრის მოადგილემ გელა გელაძის ცოლმა ნაჩუქარი ფულით თბილისში, ყაზბეგის გამზირზე მშენებარე სასტუმროს ნომერი იყიდა.  მინისტრის დეკლარაციაში ასევე მითითებულია, რომ 2024 წელს ნათია ელიზბარაშვილს მშობელმა ოთხჯერ ჩაურიცხა 1000-1000 გირვანქა სტერლინგი სხვადასხვა დროს, ჯამში 4000 გირვანქა სტერლინგი.

  • განათლების სამინისტროს თანამშრომელს მამამ ნახევარი მილიონი ლარი აჩუქა

განათლების სამინისტროს ფინანსური მართვისა და ანალიზის სამმართველოს უფროსს, გიორგი კუჭუხიძეს მამამ ნახევარი მილიონი ლარი აჩუქა [უფრო ზუსტად – 528 142 ლარი] . კუჭუხიძემ დეკლარაციაში მიუთითა, რომ მამამ ფული ბინის შესაძენად აჩუქა. იმავე დეკლარაციის მიხედვით, კუჭუხიძეს 2024 წელს ორი ბინა შეუძენია თბილისში კანდელაკის ქუჩაზე. ორივე ბინაში მას ჯამში 528 151 ლარი გადაუხდია. ორივე ბინის ფართობი ჯამში 144 კვ. მეტრია.

  • პარლამენტარს დედამ 350 000 აშშ დოლარად კომერციული ფართობი უყიდა, მის ცოლს კი დედამ 95 000 დოლარი აჩუქა

2025 წლის 31 იანვარს შევსებული ქონებრივი დეკლარაციის მიხედვით, სოლიდური საჩუქრები მიუღიათ პარლამენტარს „ოცნებიდან“, ალექსანდრე ტაბატაძეს და მის ცოლს. ორივე მათგანმა სოლიდური საჩუქარი დედისგან მიიღო. ალექსანდრე ტაბატაძის ცოლს, ია იაძე-ტაბატაძეს დედამ  95 000 აშშ დოლარი აჩუქა,  ალექსანდრე ტაბატაძეს კი დედამ 350 000 აშშ დოლარის ღირებულების არასაცხოვრებელი ფართობი გადაუფორმა.

როგორც თავად მიუთითა, ალექსანდრე ტაბატაძე 2024 წელს ორ თანამდებობაზე მუშაობდა. ის თავდაცვისა და უშიშროების კომიტეტის პირველი მოადგილე და თავდაცვისა და უშიშროების კომიტეტის თავმჯდომარე იყო.

  • თავდაცვის სამინისტროს თანამშრომელს დედამ 247 199 ლარი აჩუქა

საჩუქარი გასულ წელს თავდაცვის სამინისტროს პოლიტიკისა და ანალიზის სამმართველოს უფროსს, კახაბერ ესებუასაც მიუღია, დეკლარაციის მიხედვით მას დედამ გასულ წელს თანხა სამჯერ, ჯამში 247 199 ლარი აჩუქა.

კახაბერ ესებუა დეკლარაციაში განმარტების სახით უთითებს, რომ დედამ  საკუთრებაში არსებული ერთ-ერთი ბინა გაყიდა და შემოსავლის სახით 161 900 ლარი მიიღო.

  • თბილისის საკრებულოს თავმჯდომარეს მამამ 60 000 დოლარი აჩუქა

2024 წელს შევსებული დეკლარაციის მიხედვით თბილისის წინა მოწვევის საკრებულოს თავმჯდომარეს გიორგი ტყემალაძეს მამამ 60  000 დოლარი აჩუქა, ამის შესახებ  მან ქონებრივ დეკლარაციაში მიუთითა.

2023 წელს შევსებული დეკლარაციის მიხედვით კი  2022 წელს მას მამისგან საჩუქრად 50 000 დოლარი მიუღია.

გარდა ამისა, გიორგი ტყემალაძემ დეკლარაციაში მიუთითა, რომ 2023 წელს, ნაწილ -ნაწილ, ძმამ 6000 დოლარი და 3500 ლარი, ხოლო შვილმა 12 000 ევრო დაურიცხა. ამ შემთხვევაში მან არ დააკონკრეტა, არის თუ არა ეს თანხა საჩუქარი, თუმცა მიუთითა, როგორც შემოსავალი.

  • დედის საჩუქრები მოსამართლეებს 

2024 წელს შევსებული დეკლარაციის მიხედვით მოსამართლე გიორგი მიქაუტაძეს დედამ 50 000 დოლარი აჩუქა, 2023 წელს შევსებული დეკლარაციების მიხედვით კი მისთვის დედას კიდევ 100 000 დოლარი უჩუქებია.

2024 წელს შევსებული დეკლარაციის მიხედვით სოლიდური ფულადი საჩუქარი მოსამართლე დავით წერეთელსაც მიუღია. 2023 წელს მისთვის დედას 156 000 დოლარი უჩუქებია.

საქართველოს საკონსტიტუციო სასამართლოს მოსამართლე ევა გოცირიძეს, 2023 წლის დეკლარაციის მიხედვით, მნიშვნელოვანი ფულადი საჩუქარი აქვს მიღებული.საკონსტიტუციო სასამართლოს მოსამართლეს 19 600 ევრო ოჯახის წევრმა აჩუქა, თუმცა ოჯახის წევრის ვინაობა, ვინც ევა გოცირიძეს სოლიდური თანხა აჩუქა, მითითებული არაა.

  • პროკურორის საჩუქრები

2024 წელს შევსებული დეკლარაციის მიხედვით, 2023 წელს პროკურორმა გიორგი შაფათავამ მამისგან ფულადი საჩუქარი ორჯერ მიიღო. მას მამამ ჯერ 800 000 დოლარი აჩუქა, შემდეგ კი – 70 000 დოლარი. პროკურორმა დეკლარაციაში მიუთითა, რომ მამამ ქონების რეალიზაციიდან მიღებული თანხა აჩუქა.

ამავე წელს მას საჩუქრად სოლიდური თანხა დისგანაც მიუღია – პროკურორს დამ 142 000 დოლარი აჩუქა. გარდა ამისა შაფათავამ დეკლარაციაში ჩაწერა, რომ დამ სესხის სახით გადაცემული თანხა 12 820  ლარი დაუბრუნა.

საჩუქრები ამით არ დამთავრებულა. იმავე დეკლარაციის მიხედვით, პროკურორმა თავადაც აჩუქა თანხა მეუღლეს, ნინო ცაციაშვილს, ამ საჩუქარმა 200 000-მდე ლარი 2000 ევრო და 1000 დოლარი შეადგინა. თავად ნინო ცაციაშვილს კი მეუღლისთვის 14 000 ლარი უჩუქებია.

  • პარლამენტარს 7 მიწის ნაკვეთი, 3 ბინა და სხვა უძრავი ქონება აჩუქეს

2021-2023 წლებში დეპუტატ ირაკლი კირცხალიასთვის რვა მიწის ნაკვეთი, ორი სახლი და ერთი ტექნიკური სათავსო უჩუქებიათ.

  • გიორგი ამილახვარის შვილის სწავლის საფასური, 62 455 ფუნტი, ყოფილი მინისტრის მშობლებმა დაფარეს

გიორგი ამილახვარი განათლების მინისტრის პოსტს 2023-24 წლებში იკავებდა. მანამდე ის  მეათე მოწვევის პარლამენტის წევრი იყო მმართველი პარტიიდან, ამჟამად კი „შავი ზღვის საერთაშორისო უნივერსიტეტის“ კონსულტანტია. 2025 წელს გიორგი ამილახვარმა ისევ შეავსო დეკლარაცია, როგორც ყოფილმა თანამდებობის პირმა. ამ დეკლარაციის მიხედვით, გიორგი ამილახვარის შვილის, ნიცა ამილახვარის სწავლის გადასახადი, 62 455 ფუნტი, ყოფილი მინისტრის მშობლებმა – ზაურ და რუსუდან ამილახვარებმა დაფარეს.

  • განათლების მინისტრის მოადგილეების საჩუქრები

განათლების მინისტრის მოადგილეს ბაია კვიციანს  და მის მეუღლეს გასულ წელს ფულადი საჩუქარი რვაჯერ მიუღიათ.

ბაია კვიციანს მამისგან საჩუქრად გასულ წელს 4500 დოლარი და 3000 ლარი მიუღია, 3000 ლარი და 4000 დოლარი მისთვის დას, 6000 ლარი კი – ძმას უჩუქებია. მინისტრის მოადგილის ინფორმაციით რაზეც დეკლარაციაში მიუთითა, მშობლებმა მის მეუღლეს 20 000 დოლარი აჩუქეს, ძმამ კი 3123 დოლარი მიიღო საჩუქრად.

საერთო ჯამში ოჯახმა საჩუქრის სახით 30 000-ზე მეტი დოლარი და 16 000 ლარი მიიღო.

მინისტრის მეორე მოადგილისთვის, თამარ მახრაშვილისთვის მშობლებს ბორჯომში აგარაკი უჩუქებიათ. ის დეკლარაციაში უთითებს, რომ მიწის ნაკვეთი საჩუქრად მიიღო 2020 წელს, რომელზეც აგარაკის მშენებლობა დაიწყო 2021 წელს, რისთვისაც ოჯახს 23 000 ევრო იპოთეკური სესხი გამოუტანია.

  • 2025 წლის იანვარ-აგვისტოში ნაღდი ფულის სახით საჩუქრად 6.6 მლნ ლარი მიიღეს – „გამჭვირვალობა“

არასამთავრობო ორგანიზაცია „საერთაშორისო-გამჭვირვალობა საქართველოს“ კვლევით, 2025 წლის იანვარ-აგვისტოში 198-მა თანამდებობის პირმა ქონებრივ დეკლარაციაში საჩუქრის მიღებაზე მიუთითა, ჯამში, 12 მლნ ლარის ოდენობით. აქედან 30-მა თანამდებობის პირმა 1.8 მლნ ლარის ჯამური ღირებულების საჩუქარი 2024 წელსაც დაადეკლარირა.

კვლევის თანახმად, თანამდებობაზე მყოფმა პირებმა საჩუქრად მიიღეს ასევე 76 უძრავი ქონება, 11 ავტომობილი და 4 იარაღი, 61% (7.5 მლნ ლარი) მშობლებისგან.

მაღალი თანამდებობის პირებიდან 100 000 -ზე მეტი ლარის ღირებულების საჩუქრები მიიღეს: უზენაესი სასამართლოს მოსამართლემ მამუკა ვასაძემ, საკონსტიტუციო სასამართლოს წევრმა მანანა კობახიძემ, პარლამენტის წევრებმა ილია ინჯიამ და გურამ მაჭარაშვილმა.

ორგანიზაციის ცნობით, ყველაზე მეტი ჯამური ღირებულების საჩუქრები – 1.5 მლნ ლარის – თავდაცვის სამინისტროს თანამშრომლებმა მიიღეს,  შსს-ს თანამშრომლებმა და მოსამართლეებმა კი 1.3-1.3 მლნ ლარის საჩუქრები მიიღეს.

2025 წლის იანვარ-აგვისტოში თანამდებობის პირის ქონებრივი დეკლარაცია 5000-მდე საჯარო მოხელემ შეავსო.

უკანონო გამდიდრების პრევენციის მიზნით, თანამდებობის პირები ვალდებულნი არიან, ქონებრივ დეკლარაციაში შეიტანონ მათი ან მათი ოჯახის წევრის მიერ მიღებული ნებისმიერი საჩუქარი, რომლის ღირებულება 500 ლარს აღემატება. მათ ეკრძალებათ ისეთი საჩუქრის მიღება, რომელმაც შეიძლება გავლენა მოახდინოს მათ მიერ თანამდებობრივი მოვალეობის შესრულებაზე ან რომლის ღირებულება მათი წლიური ხელფასის 5%-ს აღემატება – მიუთითებს ორგანიზაცია.

„გამჭვირვალობა“ წერს, რომ ნაღდი ფულის ჩუქების შემთხვევაში, საჩუქარი ხშირად დოლარში ან ევროში გაიცემა. მაგალითად, 2024 წელს მიღებული 12 მლნ ლარის საჩუქრებიდან, 4.6 მლნ ლარი დოლარში იყო, ხოლო 200 ათასი –  ევროში.

 

Le Meridian Batumi- თიბისი ბიზნესდაჯილდოების გამარჯვებული, გენდერული თანასწორობის ხელშეწყობისთვის

ჰორეკა სექტორი – სასტუმროები, რესტორნები და კაფეები მსოფლიოში ერთ-ერთი ყველაზე სწრაფად მზარდი სფეროა. მსოფლიო ტურიზმის ორგანიზაციის მიხედვით, ამ ინდუსტრიაში დასაქმებულთა 55%-ზე მეტი ქალია, თუმცა მათი უმეტესობა კვლავ დაბალ ან საშუალო პოზიციებზე მუშაობს, მაშინ როცა მენეჯერული თანამდებობები ხშირად კაცების ხელშია.

განსხვავებულია Marriot-ის ბრენდის ქვეშ შემავალი Le Meridian Batumi-ს შემთხვევა, სადაც ხელმძღვანელი პოზიციების 80% ქალებს უჭირავთ. გლობალური ინიციატივის ფარგლებში, ქალი ლიდერების გუნდიც შეიქმნა, რომელსაც 40-მდე წევრი ჰყავს და ერთი წლის განმავლობაში,  თავიანთი აქტივობებით, ბევრ ქალს დააჯერეს საკუთარი შესაძლებლობები.

ამასთანავე, თუ ოქტომბერში სასტუმრო Le Meridian-ს ეწვევით, მოღიმარი პერსონალის სამოსზე აუცილებლად შენიშნავთ ვარდისფერ ბაფთას. აქ დასაქმებული ქალებისთვის, ძუძუს კიბოს ყოველწლიური უფასო გამოკვლევები სასტუმროს სოციალური პოლიტიკის ერთ-ერთი კომპონენტი და უკვე  6-წლიანი ტრადიციაა.

ამ კომპლექსური მიდგომის გამო, Le Meridian Batumi თიბისი ბიზნესდაჯილდოების გამარჯვებული გახდა, გენდერული თანასწორობის ხელშეწყობისთვის.

“როდესაც აპლიკაციის შევსება დავიწყე, არ მიფიქრია, რომ გავიმარჯვებდით. მაგრამ, როდესაც კითხვებს ჩავუღრმავდი, აღმოჩნდა, რომ თითოეულ მათგანზე მქონდა დამაჯერებელი პასუხი. ეს კი ცალსახად ნიშნავს იმას, რომ საქმეს სწორად ვაკეთებთ. ჩვენ ამას ვუყურებთ, როგორც ეროვნულ ჯილდოს და დიდი მოტივაციაა, პროცესი უკეთესად წარვმართოთ”,- გვიყვება სასტუმროს HR დირექტორი, ნათია სტამბოლიშვილი.

ემოციური ინტელექტი, სერვისზე ორიენტირება და დეტალებისადმი  ყურადღება ის უნარებია, რაც ქალებს განსაკუთრებით გამოარჩევთ ამ სექტორში. ნათია ამბობს, რომ სასტუმროში  ყველა თანამშრომლისადმი მიდგომა თანაბარია, მათი სქესის, ასაკის და მრწამსის მიუხედავად.

„ჰორეკა სექტორში ყველაფერი სიყვარულზეა აგებული. თუ არ გიყვარს ეს საქმე, დიდხანს ვერ გაჩერდები. უნდა გქონდეს მოტივაცია და  მამოძრავებელი ძალა“.

მისივე თქმით, სასტუმროს წარმატება მხოლოდ მენეჯმენტის დამსახურება არაა.

„რომ გააჩეროთ აქ დასაქმებული ნებისმიერი ადამიანი, ჭურჭლის მრეცხავი თუ გენერალური მენეჯერი, ორივე გეტყვით, რომ თითოეული მათგანი უმნიშვნელოვანეს საქმეს აკეთებს და მათი როლი სასტუმროში გადამწყვეტია. ეს ნამდვილად სიმართლეა. რომელიმე რომ გამოაკლო, სისტემა ვერ იმუშავებს“,-გვიყვება ნათია.

Le Meridian Batumi-ს მაგალითი აჩვენებს, რომ თანასწორობა მაშინ ხდება რეალობა, როცა ის ყოველდღიურ პროცესად იქცევა-  არა მხოლოდ ქაღალდზე გაცხადებულ პოლიტიკად, არამედ- სწორ ღირებულებად.

რა უპასუხა პაპუაშვილმა შეკითხვას 71 წლის დევნილი ქალის აქციაზე დაკავების შესახებ

„ქართული ოცნების“ პარლამენტის თავმჯდომარე შალვა პაპუაშვილი „ოცნების“ მიერ მიღებული რეპრესიული კანონით 71 წლის დევნილი ქალის დაკავებაზე პასუხისმგებლობას ევროკავშირის ელჩს აკისრებს.

აზა ჩილაჩავა პარლამენტის შენობის მიმდებარედ გუშინ, 2 ნოემბერს დააკავეს. ჟურნალისტებმა დღეს შალვა პაპუაშვილს ჰკითხეს, აფხაზეთიდან დევნილი ქალის დაკავების შესახებ.

„საქართველოს ხელისუფლება მოქმედებს სამართლიანად და ჰუმანურად.  ხელისუფლება ვერ დაუშვებს, რომ 50-მა ადამიანმა საკუთარი ნება მოახვიოს მილიონნახევრიან ქალაქს.

ხედავთ თქვენ იმ უკმაყოფილებას, რომელიც არის საზოგადოებაში ამ უშინაარსო ქმედებების და რადიკალიზმის მიმართ. რომლის მთავარი მომენტი იყო 4 ოქტომბერს პრეზიდენტის სასახლის შტურმი და იგივე ხალხი ახლა ცდილობს კიდევ ერთხელ იმავე წრეზე წასვლას, რომლის ბოლოც რომელიმე შენობის შტურმით უნდა დამთავრდეს, ამის ნაწილია ეს ყველაფერი.

ხელისუფლება მოქმედებს სამართლიანად და ჰუმანურად. მათ შორის, თუკი დაკავებულ პირებთან დაკავშირებით არის საჭირო რაიმე ჰუმანური გადაწყვეტილება, ამაზეც ხედავთ, რომ პროკურატურა ადეკვატურად რეაგირებს.

რაც შეეხება პასუხისმგებლობას, პირველი რეაგირება, რაც უნდა ჰქონდეს ნებისმიერ ადამიანს… თქვენ, როგორც მედიამ, მიწერეთ ფინეთის საგარეო საქმეთა მინისტრს, რომელიც ჩამოვიდა მოტყუებით, თითქოს აქ რაღაც შეხვედრები უნდოდა… ამ შეხვედრის შემდეგ გავიდა და გადაკეტა რუსთაველის გამზირი, მონაწილე იყო ამ ყველაფრის.

ვინც 20 ადამიანის გადაკეტილ ქუჩაზე 21-ე ადამიანად დგება, ისიც კეტავს იმ ქუჩას. თავად მივიდა, რუსთაველის გადაკეტვაში მონაწილეობა მიიღო. ექსტრემისტებს ესაუბრა… შეგახსენებთ, ის მივიდა იქ, მეყანწიშვილია მგონი ის ქალბატონი, რომლის მიმართ ახლა მიმდინარეობს სისხლის სამართლის საქმე. ამ ადამიანთან მივიდა ფინეთის საგარეო საქმეთა მინისტრი, ეუთოს თავმჯდომარის მანდატით, გადაკეტვაში მონაწილეობა მიიღო და ამით   მოიწონა რუსთაველის გადაკეტვა, მოიწონა მოძალადეები, მოიწონა რადიკალიზმი და შეაგულიანა, რომ ხვალაც, ზეგაც, მაზეგაც გადაკეტეთ რუსთაველის გამზირი 20-მა ადამიანმაო.

ზუსტად მისი დამსახურებაა, რომ 71 წლის ადამიანი, ამ ტალღას მიყოლილი, რომ ნახა, რომ ფინეთის საგარეო საქმეთა მინისტრი მხარს უჭერს, ამით შეგულიანებულმა, სავარაუდოდ, მიიღო მონაწილეობა გზის გადაკეტვაში, რაზეც შესაბამისი სამართლებრივი პასუხისმგებლობაა. ასე რომ, ამაზე მორალური და პოლიტიკური პასუხისმგებლობა არის ფინეთის საგარეო საქმეთა მინისტრზე, ევროკავშირის ელჩზე, რომელსაც ხმა არ ამოუღია 4 ოქტომბრის შტურმზე, ერთი სიტყვით არ დაუგმია 4 ოქტომბრის შტურმი, ევროკავშირის ელჩს. იწონებენ, სოლიდარობას უცხადებენ რადიკალებს. პასუხისმგებლობაა ევროკომისიის პრესსპიკერზე, რომელმაც სოლიდარობა გამოუცხადა რადიკალებს, 50 ადამიანს, რომლებიც ქუჩას კეტავენ, აი, ამისი შედეგი არის, რომ ადამიანები მიყვებიან მათ შეგულიანებას და მოწოდებას და მონაწილეობას იღებენ კანონდარღვევაში.

ასე, რომ ქალბატონ აზასთან დაკავშირებით პასუხი მოსთხოვეთ ევროკავშირის ელჩს, რაც შეეხება სახელმწიფოს, სახელმწიფო მოქმედებს სამართლიანად და ჰუმანურად“,- თქვა შალვა პაპუაშვილმა.

აზა ჩილაჩავა 2 ნოემბერს, პარლამენტის მიმდებარე ტერიტორიაზე დააკავა პოლიციამ. ის სავარაუდოდ დაკავებულია პროტესტში მონაწილეობის გამო, რუსთაველის გამზირზე გზის გადაკეტვისათვის.

საპროტესტო აქციაზე გზის გადაკეტვა „ქართულმა ოცნებამ“ დანაშაულად 17 ოქტომბერს აქცია.

„ქართული ოცნების“ ერთპარტიულმა პარლამენტმა, რომლის ლეგიტიმურობას საქართველოს მოქალაქეების ნაწილი და ოპოზიცია არ აღიარებს, „შეკრებებისა და მანიფესტაციის შესახებ“ კანონში შეიტანა ცვლილებები, რითაც გზის სავალი ნაწილის ხელოვნურად გადაკეტვა ან აქციაზე პირბადით ყოფნა პირველ ჯერზე, 15-დღემდე ადმინისტრაციული პატიმრობით ისჯება.

განმეორებითობის შემთხვევაში კი სისხლის სამართლებრივი პასუხისმგებლობის საკითხი დგება.

დაკავების შემდეგ წნევა აწუხებს – ადვოკატი ზურაბ ჭავჭანიძეზე

ბათუმის საპროტესტო აქციების მედროშის, ზურაბ ჭავჭანიძის სასამართლო პროცესი 27 ნოემბერს არის დაგეგმილი.

ზურაბ ჭავჭანიძე 4 ოქტომბრის საქმეზე სისხლის სამართლის მუხლითაა დაკავებული. მას ორთვიანი წინასწარი პატიმრობა აქვს შეფარდებული.

ზურაბ ჭავჭანიძის ადვოკატი, ნინო ლომინაძე „ბათუმელებთან“ ამბობს, რომ დაკავების შემდეგ ზურაბ ჭავჭანიძეს მაღალი წნევა აწუხებს.

„როგორც ზურაბ ჭავჭანიძემ მითხრა, დაკავების შემდეგ წნევები დაეწყო. როგორც ჩანს, ემოციურ ფონზე აქვს ეს წნევები. თუმცა იღებს წამლებს, მედიკამენტების მიწოდების პრობლემა არ არის. სხვა საჭიროებებზე ჩემთან არ უსაუბრია. თუმცა გაფრთხილებული მყავს, თუკი რაიმე დარღვევას ექნება ადგილი, შემატყობინოს“ – ამბობს ნინო ლომინაძე.

მისი თქმით, ზურაბ ჭავჭანიძის წინააღმდეგ ბრალდების მხარეს არანაირი მტკიცებულება არ აქვს. მის წინააღმდეგ საქმეში მხოლოდ ვიდეოკადრია, სადაც ზურაბ ჭავჭანიძე პრეზიდენტის რეზიდენციის წინ, ქუჩაში დროშით ხელში დგას და მცირე მონაკვეთში გადაადგილდება.

„ჯერ მტკიცებულებები არ გადმოუციათ დაცვის მხარისთვის, თუმცა ბრალდების მხარე სასამართლო სხდომაზეც ვერ მოიტანს ვერანაირ მტკიცებულებას, რადგან არ არსებობს.

მოლოდინი არის ის, რომ ზურას საქმე არის წმინდა სამართლებრივი დავის საგანი, რადგან დანაშაულის მტკიცებულება არ არსებობს და ამის მიუხედავად, აღკვეთის ღონისძიება პატიმრობა აქვს შეფარდებული და მოთავსებულია თავისუფლების აღკვეთის დაწესებულებაში.

ზურაბ ჭავჭანიძე არის უკანონო პატიმარი, არ შეიძლება ეს პატიმრობა ჩაითვალოს კანონიერად“ – ამბობს ადვოკატი.

მისი თქმით, უკანონო პატიმრობაში მყოფ ზურაბ ჭავჭანიძეს ყველაზე მეტად აძლიერებს ხალხის მხარდაჭერა და სოლიდარობა.

„ყველას თანადგომა გადავეცი როცა მოვინახულე და ძალიან გახარებული იყო. გულშემატკივრებს შეუძლიათ წერილებიც მისწერონ, რადგან ეს ძალიან ახარებს“ – ამბობს ნინო ლომინაძე.

ბათუმის საპროტესტო აქციების მედროშე ბათუმში 8 ოქტომბერს, ქუჩაში დააკავეს. თვითმხილველების თქმით, ის ათამდე პოლიციელმა დააკავა.

58 წლის ზურაბ ჭავჭანიძე სოხუმელია, ის აფხაზეთიდან არის დევნილი. საპროტესტო აქციებზე მისი განუყოფელი ნაწილია საქართველოს სამფეროვანი დროშა, რომელიც მან სოხუმიდან ჩამოიტანა და თან დაატარებდა ყველა აქციაზე.

ეკლესიას 1 ლარად მიჰყიდეს მიწა და შენობა სენაკსა და თიანეთში – მთავრობის ახალი განკარგულებები

საქართველოს მართლმადიდებელ ეკლესიას სენაკისა და თიანეთის მუნიციპალიტეტებში, სახელმწიფო საკუთრებაში არსებული, ჯამში 5 603 კვადრატული მეტრი მიწა და შენობა პირდაპირი მიყიდვის ფორმით გადაეცა.

განკარგულებებით, რომელსაც „ოცნების“ პრემიერმა ირაკლი კობახიძემ ხელი 2025 წლის 28 ოქტომბერს მოაწერა, სახელმწიფო ქონება მუნიციპალიტეტებში თითო ლარად გაიყიდა, ანუ ეკლესია ჯამში 2 ლარს გადაიხდის. ეს თანხა ეკლესიამ ერთი თვის განმავლობაში უნდა გადაიხადოს.

სენაკის მუნიციპალიტეტის შემთხვევაში მიწის 4 ნაკვეთი [ჯამში 2 188 კვადრატული მეტრი] მიჰყიდეს ეკლესიას 1 ლარად. ეს ნაკვეთები სენაკის მუნიციპალიტეტის სოფელ ლეძაძამეში მდებარეობს, იმ ნაკვეთთან ახლოს, რომელიც შეწირვის ხელშეკრულებით ეკლესიის საკუთრებაშია 2009 წლიდან.

თიანეთის მუნიციპალიტეტის შემთხვევაში კი, ეკლესიას 1 ლარად პირდაპირი წესით მიჰყიდეს დაბა თიანეთში მდებარე 3 415 კვ/მ არასასოფლო-სამეურნეო დანიშნულების მიწის ნაკვეთი და მასზე მდგომი შენობა-ნაგებობა.

საჯარო რეესტრის ამონაწერით, ეკლესიისთვის მიყიდული მიწის ნაკვეთი და შენობა თიანეთის კულტურის ცენტრის მომიჯნავედ მდებარეობს.

წითელი ფერით მონიშნულია მიწის ნაკვეთები, რომლებიც ეკლესიას პირდაპირი წესით მიჰყიდეს. ყვითელი ფერით კი მონიშნულია ნაკვეთი ლეძაძამეში, რომელიც ეკლესიას შეწირვის ხელშეკრულების საფუძველზე 2009 წლიდან აქვს საკუთრებაში.

სახელმწიფო ქონების პირდაპირი წესით მიყიდვის პრაქტიკის დასრულებაზე „ოცნების“ პრემიერმა 2025 წლის 27 ივნისს განაცხადა. კობახიძის ამ განცხადების მიუხედავად, ეს „პრაქტიკა“ მაინც გაგრძელდა. ამ განცხადებიდან რამდენიმე დღეში ერთ-ერთ კერძო კომპანიას პირდაპირი მიყიდვის ფორმით თბილისში 198 კვადრატული მეტრი მიწის ნაკვეთი და შენობა-ნაგებობა გადასცეს.

ამ თემაზე ვრცლად: „პირდაპირი მიყიდვა დასრულდა“ – კობახიძემ ამ განცხადების შემდეგ მიწა ისევ ამ წესით გაასხვისა

ამის შემდეგ არაერთი განკარგულება გამოიცა სახელმწიფო ქონების პირდაპირი წესით გაყიდვაზე. მათ შორის: 2025 წლის 29 სექტემბრის განკარგულებით, 500 კვადრატული მეტრი მიწის ნაკვეთი მიჰყიდეს 1 ლარად ეკლესიას ჩოხატაურის კურორტ ბახმაროში.

ამავე თემაზე:

ივანიშვილის კომპანია განმუხურში ვალდებულებებს აღარ შეასრულებს – კობახიძის განკარგულება 

„ატკატები“, საჩუქრები და სხვა – „გამჭვირვალობა“ წერს, რა სქემებით იპარავს ხალხის ფულს „ოცნება“

„საერთაშორისო გამჭვირვალობა – საქართველო“ წერს, რომ მხოლოდ ბოლო 5 წელში ორგანიზაციამ აღრიცხა ელიტური კორუფციის 250 შემთხვევა, სადაც 221 მაღალი თანამდებობის პირი ფიგურირებს, მათ შორის 38 მინისტრი ან მინისტრის მოადგილე, 40 დეპუტატი, 17 მოსამართლე და 67 მუნიციპალური მაღალჩინოსანი.

„წლების განმავლობაში როდესაც „საერთაშორისო გამჭვირვალობა – საქართველო“ და საგამოძიებო მედია ელიტური კორუფციის პრობლემაზე განგაშის ზარს სცემდა, „ქართული ოცნება“ ამას სიცრუეს უწოდებდა და ამბობდა, რომ ქვეყანაში კორუფცია დამარცხებული იყო.

ახლა კი ისინი თავად ადასტურებენ, რომ მრავალი წელი ქვეყანა კლეპტოკრატიული პრინციპით იმართებოდა და მთავრობის უმაღლესი წარმომადგენლები ჩართულები იყვნენ მასშტაბურ კორუფციულ სქემებში – ქართულ ჯარს, მოსწავლეებს და საქართველოს თითოეულ მოქალაქეს მილიონობით საბიუჯეტო სახსრებს ჰპარავდნენ.

კორუფციის დაფარვაში წლებია ჩართულები არიან საგამოძიებო უწყებები, პროკურორები, მოსამართლეები, სუსისა და ანტიკორუფციული ბიუროს თანამშრომლები. ახლა კი „ქართული ოცნების“ გუნდის შიგნით პოლიტიკური კონკურენტის მოცილების პროცესს ასაღებენ, როგორც კორუფციასთან ბრძოლას“ – წერს „გამჭვირვალობა“.

ორგანიზაცია აცხადებს, რომ ელიტური კორუფცია გაცილებით უფრო მასშტაბურია, ვიდრე „ოცნების“ მიერ გაცხადებული საქმეები და „გამჭვირვალობის“ გამოძიების თანახმად, ელიტური კორუფციის ეს შემთხვევები მოიცავს 7 ძირითად სქემას.

„გამჭვირვალობა“ წერს შემდეგ სქემებზე:

„1. საბიუჯეტო სახსრების მითვისება სახელმწიფო შესყიდვების მეშვეობით

5 მილიარდი ლარი არის ის თანხა, რაც, მხოლოდ „საერთაშორისო გამჭვირვალობა – საქართველოს“ გამოძიებებით, „ქართულ ოცნების“ ჩინოვნიკებმა კორუფციული სახელმწიფო შესყიდვების გზებით მიიღეს ბოლო 10 წლის განმავლობაში. აქედან 3.3 მილიარდი ლარი რეგიონებზე მოდის, ამ თანხის მესამედი კი – 1 მილიარდ 130 მილიონ ლარზე მეტი 2024 წელს დაიხარჯა, მას შემდეგ, რაც პრემიერ-მინისტრი ირაკლი კობახიძე გახდა.

მხოლოდ რამდენიმე შემთხვევა რომ გამოვყოთ:

650 მლნ ლარი ბიძინა ივანიშვილთან დაახლოებული ბიზნესმენის ოთარ თათეშვილის კომპანიამ მიიღო სახელმწიფო შესყიდვებიდან, მას შემდეგ, რაც მან ივანიშვილს აბასთუმანში სახლის ასაშენებლად მიწა მიჰყიდა.

390 მლნ ლარის ტენდერები მიიღო ირაკლი ღარიბაშვილის ნათესავის კომპანია „სერპანტინმა“ 2013-2025 წლებში.

392 მლნ ლარი „ქართული ოცნების“ დეპუტატ გიორგი ჭყონიასთან დაკავშირებულმა კომპანიებმა მიიღეს სახელმწიფო შესყიდვებიდან 2011-2025 წლებში.

30 მლნ ლარი „ქართული ოცნების“ დეპუტატ ანზორ ბოლქვაძესთან დაკავშირებულმა კომპანიებმა მიიღეს სახელმწიფო შესყიდვებიდან 2016-2024 წლებში.

25 მლნ ლარი „ქართული ოცნების“ დეპუტატ ვიქტორ ჯაფარიძესთან დაკავშირებულმა კომპანიებმა მიიღეს სახელმწიფო შესყიდვებიდან ბოლო 7 წელიწადში.

32 მლნ ლარი სენაკის მერის ვახტანგ გადელიას ბიძის კომპანიებმა მიიღეს სენაკის მერიის სახელმწიფო შესყიდვებიდან 2021 წელს მერად მისი პირველად არჩევის შემდეგ.

25 მლნ ლარი მიიღეს ახალციხის 2021 წლის მოწვევის საკრებულოს დეპუტატებმა, ოჯახის წევრებმა და ნათესავებმა მუნიციპალური შესყიდვებიდან 4 წლის განმავლობაში.

ამ ტიპის კორუფცია მოდებულია საჯარო სამსახურის დაბალ დონეებზეც, მაგალითად: 2.2 მილიონი ლარი მიიღეს ადიგენის თვითმმართველობის 10-მდე თანამშრომლის ოჯახის წევრებმა და ნათესავებმა ამავე მუნიციპალიტეტის შესყიდვებით 2017-2025 წლებში.

2. სუბსიდიების, აგროპროგრამებისა და ბიზნესის ხელშეწყობის პროგრამებით გამდიდრების კორუფციული სქემა

71 მლნ ლარი „ქართული ოცნების“ შემომწირველმა კომპანიებმა მიიღეს სახელმწიფო აგროპროგრამებიდან. სანაცვლოდ ამ კომპანიებმა პარტიას 7.7 მლნ ლარი დაუბრუნეს შემოწირულების სახით. ამ თანხის დიდი ნაწილი – 56 მლნ ლარი – ერთ ადამიანზე, ბიძინა ივანიშვილის დეიდაშვილის, უჩა მამაცაშვილის ბიზნესპარტნიორზე ვახტანგ კარიჭაშვილზე მოდის.

30 მლნ ლარი 2022 წელს რთველის სუბსიდიის პროგრამიდან მიიღეს „ქართული ოცნების“ წევრებთან დაკავშირებულმა კომპანიებმა.

7.4 მლნ ლარი მიიღეს „აწარმოე საქართველოს“ პროგრამიდან იმ კომპანიებმა, რომლებმაც „ქართულ ოცნებას“ 2024 წელს 1.6 მლნ ლარი დაუბრუნეს შემოწირულების სახით.

3. ე.წ. „ატკატების“ სქემა – მმართველი პარტიის დაფინანსებასთან დაკავშირებული სისტემური პოლიტიკური კორუფცია

1 მილიარდ 28 მილიონი ლარის სახელმწიფო შესყიდვები მიიღეს „ქართული ოცნების“ შემომწირველებთან დაკავშირებულმა კომპანიებმა 2020-2024 წლებში გამართული არჩევნების დროს. სანაცვლოდ, მათ „ქართულ ოცნებას“ 7.7 მილიონი ლარი შეწირეს.

4. ლიცენზიები და ნებართვები გავლენიანი პირებისთვის

მცირე და საშუალო ჰესების მშენებლობის ნებართვების დიდი ნაწილი კორუფციული გზით არის დარიგებული. მხოლოდ 29 ასეთი ნებართვა ბიძინა ივანიშვილის ნათესავს, ბიზნესმენ კოკა კოკოლაშვილს აქვს მიღებული. ჰესების ნებართვები აქვთ მიღებული გარემოს დაცვისა და სოფლის მეურნეობის მინისტრის დავით სონღულაშვილის ოჯახის წევრებს და „ქართული ოცნების“ კიდევ რამდენიმე წევრს.

კორუფციული გზებით მასობრივად გაიცემა სამშენებლო ნებართვები, განსაკუთრებით თბილისსა და ბათუმში, რის შედეგებსაც ამ ქალაქების მაცხოვრებლები ყოველ დღე ხედავენ. მშენებლობის ნებართვებთან დაკავშირებული კორუფციული გამოძიებები მედიაში მრავლად მოიპოვება.

5. სახელმწიფო ქონების ხელში ჩაგდება პრივატიზაციით ან იჯარით

ირაკლი ღარიბაშვილისა და დავით ნარმანიას შემთხვევები მიანიშნებს, რომ თანამდებობის პირები გრძელვადიანი იჯარის ხელშეკრულებების გამოყენებით მარტივად იგდებენ ხელში ტყეებს პირადი სარგებლობისთვის.

2013-2020 წლებში, სახელმწიფო ქონება 13 მილიონ ლარად გაიყიდა ისეთ პირებზე, რომლებმაც ქონების მიღებიდან მალევე მმართველ პარტიას 2 მილიონი ლარი დაუბრუნეს შემოწირულების სახით.
მხოლოდ აჭარაში, 15 მილიონ ლარზე მეტი ქონება მიიღეს პრივატიზაციის სახით „ქართული ოცნების“ შემომწირველებმა 2022-2024 წლებში.

დღემდე დამალულია 2021-2023 წლებში მთავრობის მიერ მიღებული 300-ზე მეტი განკარგულება, რაც სახელმწიფო ქონების პირდაპირი წესით, ხშირად სიმბოლურ 1 ლარად, გადაცემას ეხებოდა.

6. მორგებული კანონების მიღება გადასახადებისგან თავის არიდების მიზნით

სავარაუდოდ 100 მლნ დოლარამდეა ის პოტენციური ზარალი, რაც საქართველოს ბიუჯეტმა ნახა ბიძინა ივანიშვილზე მორგებული ე.წ. „ოფშორების კანონის“ მიღების შედეგად, რამაც ივანიშვილისთვის შესაძლებელი გახადა გადასახადების გადახდის გარეშე შემოეტანა ქვეყანაში ძვირადღირებული ფერწერული ტილოების კოლექცია და სხვა აქტივები.

7. დაუსაბუთებელი შემოსავლის შენიღბვა საჩუქრების გამოყენებით

34 მლნ ლარი, არის თანხა, რაც 2024-2025 წლებში მაღალი თანამდებობის პირებმა მიღებული საჩუქრების სახით დაადეკლარირეს, ჩინოვნიკებს ოჯახის წევრებმა 23 მლნ ლარის ნაღდი ფული და 123 ძვირადღირებული უძრავი ქონება აჩუქეს. ირაკლი ღარიბაშვილის მაგალითზე პროკურატურამ დაადასტურა, რომ ამ გზით ზოგიერთი თანამდებობის პირი არალეგალური შემოსავლის შენიღბვას ცდილობს.

ბოლო 10 წლის განმავლობაში კორუფციის ამ სქემების გასაჯაროებისთანავე „საერთაშორისო გამჭვირვალობა – საქართველოს“ ათობით წერილი აქვს გაგზავნილი სახელმწიფო უსაფრთხოების სამსახურის ანტიკორუფციულ სააგენტოსა და პროკურატურაში კონკრეტული შემთხვევების გამოძიების მოთხოვნით. რამდენიმე თვის წინ რეაგირების მოთხოვნით ოფიციალურად გავუგზავნეთ მასალები ანტიკორუფციულ ბიუროსაც ჩვენს მიერ გამოვლენილ 65 კორუფციულ საქმეზე. რეაგირება არცერთი ამ უწყების მხრიდან არ ყოფილა“ – წერს „გამჭვირვალობა“.

წყარო: „საერთაშორისო გამჭვირვალობა – საქართველო“/facebook

 

Exit mobile version