Category Archives: კვირის ამბები

საქართველოს სასჯელაღსრულებისა და პრობაციის სამინისტროს ინფორმაციით, 2013 წელს, ამნისტიის შედეგად 17 735 მსჯავრდებული გათავისუფლდა. ამნისტირებულ პირთა ნაწილი, რესოციალიზაციას ინდივიდუალურად ცდილობს, რადგან სახელმწიფო თუ არასამთავრობო ორგანიზაციების მწირი პროგრამები, ყველა ბენეფიციარს არ წვდება. ყოფილი პატიმრების ყველაზე დიდი პრობლემა დასაქმებაა. „საქართველოში ამის ყველა რესურსი ამოწურულია“, – ამბობს ერთ-ერთი ამნისტირებული პატიმარი. „ბათუმელები“ რამდენიმე მათგანს ესაუბრა. მათ შორის ერთ-ერთი ქალია.

რამდენჯერ ყოფილა, როცა შაბათს ან კვირას, დასვენების დღეებში, დავუღლივარ ფიქრს იმაზე, სწორად დავწერე თუ არა ესა თუ ის ციფრი, ფრაზა სტატიაში, რომელიც ორშაბათის ნომერში უნდა გამოქვეყნდეს. რამდენჯერ გადამითვლია… რთულია, როცა პასუხისმგებლობის ტვირთი შენზეა და ისიც კარგად გესმის, რომ თითოეული სიტყვისთვის ხვალ შეიძლება პასუხი მოგთხოვონ. 

კომპანია „ტრანსსისტემმა“, რომელიც სამი წლის მანძილზე ბათუმის საზღვაო ნავსადგურში ტვირთის ექსკლუზიური გადამზიდავი იყო, პროკურატურას მიმართა.  ბათუმის პორტის მფლობელი, ყაზახეთის სახელმწიფოს წარმომადგენელი კი ამბობს, რომ მისი წინამორბედი ოფშორში დარეგისტრირებული „ტრანსსისტემისთვის“ ექსკლუზიური უფლების მინიჭებას მუქარის პირობებში დასთანხმდა. კომპანიებს შორის დაპირისპირების ფონზე ბათუმის პორტში ტვირთბრუნვა შემცირდა. პორტთან დაკავშირებული სკანდალი საერთაშორისო არბიტრაჟის განხილვის საგანი გახდება. 

საქართველოში 2010 წლიდან 2013 წლამდე სულ 631 ადამიანია გაუჩინარებული. აფხაზეთსა და სამხრეთ ოსეთში კონფლიქტებისა და ომების შედეგად კი უგზო-უკვლოდ 2000 ადამიანია დაკარგული, ამათგან 870 მებრძოლი და დაახლოებით 1030 სამოქალაქო პირი. დღეს საქართველოში არანაირი სახელმწიფო პროგრამა არ არსებობს, რომელიც უგზო-უკვლოდ დაკარგული ადამიანების ოჯახებისთვის ფსიქოლოგიურ დახმარებას უზრუნველყოფს. ამ საქმიანობას 2010 წლიდან წითელი ჯვრის საერთაშორისო კომიტეტთან ერთად წამების მსხვერპლთა ფსიქოსოციალური და სამედიცინო რეაბილიტაციის ცენტრი (GCRT) ახორციელებს.

„გამოვდივარ ინიციატივით, კონსტიტუციაში შევიტანოთ ჩანაწერი, რომ ოჯახი არის ქალისა და მამაკაცის ერთობა“, – განაცხადა საქართველოს პრემიერ-მინისტრმა 28 მარტს. ხელისუფლების წარმომადგენლებმა პრემიერის განცხადების ინტერპრეტირება სცადეს და თქვეს, რომ „ოჯახში“ პრემიერმა ქორწინება იგულისხმა. რატომ გააქტიურდა ოჯახისა და ქორწინების თემა და რა კავშირი აქვს მას ანტიდისკრიმინაციულ კანონთან? ამ საკითხზე „ბათუმელებს“ არასამთავრობო ორგანიზაცია „ადამიანის უფლებების სწავლებისა და მონიტორინგის ცენტრის“ წარმომადგენელი თამთა მიქელაძე ესაუბრა.

ხელვაჩაურში მიწებთან დაკავშირებული „მორიგი რაუნდი“ მოახლოებული თვითმმართველობის არჩევნების წინ, წინა წლების გამოცდილების საპირისპიროდ, იუსტიციის სამინისტრომ სოფლის მოსახლეობის დაკავებით განაახლა. ამ მუნიციპალიტეტში მცხოვრებლები წლებია ცდილობენ მიწების დარეგისტრირებას, ხელისუფლება კი ყოველი არჩევნების წინ „აგვარებს“ პრობლემას. აქამდე ერთ-ერთი ყველაზე მასშტაბური „აქცია“ 2008 წელს, საპრეზიდენტო არჩევნებზე დაფიქსირდა: ხალხს მიწები მასობრივად დაურეგისტრირეს, რამდენიმე თვეში კი ასევე მასობრივად ჩამოართვეს.

30 აპრილს, ოთხშაბათს, საღამოს 7 საათიდან ბათუმის სანაპიროზე რამდენიმე საათით ძველ ბათუმში მოგზაურობის მსურველები შეიკრიბებიან. გაზეთი „ბათუმელები“ თავისი გამოცემული წიგნის – „მოგზაურობა ძველ ბათუმში“ პრეზენტაციას ზღვის პირას, ღია ცისქვეშ გეგმავს. „ბათუმელები“ წიგნის პრეზენტაციაზე ყველა იმ ადამიანს იწვევს, ვისაც ძველი ბათუმი უყვარს, თუმცა წიგნის პრეზენტაციის განსაკუთრებული სტუმრები, პირველ რიგში, გაზეთ „ბათუმელების“ ერთგული და მომავალი მკითხველები იქნებიან. წიგნის პრეზენტაციაზე დასწრება თავისუფალია. 

 ქობულეთის ცენტრთან ახლოს მდებარე სოფელ გელაურში ბოშების ოცი ოჯახი ცხოვრობს. სამი წელია, რაც მათი შვილები განათლებას ქართულ სკოლაში იღებენ, თუმცა ჯერ კიდევ უჭირთ ქართულ ენაზე საუბარი. გელაურელი ბოშები ევანგელისტი ქრისტიანები არიან, კვირაში რამდენჯერმე კრებაზე, ღვთის სიტყვის მოსასმენად იკრიბებიან, სადაც ბიბლიის კითხვისა და გალობის გარდა მათი თემის ყოფით პრობლემებს განიხილავენ.  

მარინა სიმონიშვილი ყოფილი პატიმრის ცოლია. მას უკვე თვეზე მეტია, რაც ბათუმის მერიასთან ახლოს საკუთარი საცხობი აქვს. “ყოველთვის ვნატრობდი, რომ ჩემი საქმე მქონოდა, 25-წლიანი სამუშაო გამოცდილება მაქვს, მაგრამ წლებია ძირითადი შემოსავალი სოციალურად დახმარება იყო, რომელიც ბოლოს საერთოდ შემიწყვიტეს”, – ამბობს მარინა. საცხობის გახსნა მან იმ პროექტის ფარგლებში შეძლო, რომელსაც ორი არასამთავრობო ორგანიზაცია – “დემოკრატიის ინსტიტუტი” და “თანაზიარი” ახორციელებენ ევროკავშირის ფინანსური მხარდაჭერით. პროექტის მიზანი ყოფილი პატიმარების, პატიმრების ოჯახის წევრებისა და პრობაციონერების ცხოვრების პირობების გაუმჯობესებაა.