Batumelebi | პოლიციელის დღე 6 მაისს აღარ აღინიშნება პოლიციელის დღე 6 მაისს აღარ აღინიშნება – Batumelebi
RU | GE  

პოლიციელის დღე 6 მაისს აღარ აღინიშნება

 

მიმდინარე წელს პოლიციელის დღე აღარ აღინიშნება. 1 მაისიდან ამოქმედდება საქართველოს პრეზიდენტის, გიორგი მარგველაშვილის ბრძანებულება, რომლითაც 6 მაისი, როგორც პოლიციელის დღე, გაუქმდება. 

 

 

 

„ძალადაკარგულად გამოცხადდეს „პოლიციელის დღის დაწესების შესახებ“ საქართველოს პრეზიდენტის 2010 წლის 29 აპრილის №263 ბრძანებულება“ – აღნიშნულია პრეზიდენტ მარგველაშვილის ბრძანებულებაში, რომელიც მიმდინარე წლის 17 აპრილს გამოსცა.

 

რაც შეეხება ძალადაკარგულად გამოსაცხადებელ ბრძანებულებას, რომელიც თავის დროზე მიხეილ სააკაშვილმა გამოსცა, მასში აღნიშნულია: „საქართველოს შინაგან საქმეთა და უშიშროების სამინისტროების გაერთიანების მიუხედავად, პოლიციისა და სახელმწიფო უშიშროების თანამშრომელთა დღე აღინიშნებოდა სხვადასხვა დროს. ამ ორი უწყების თანამშრომელთა საერთო პროფესიული დღესასწაულის აღნიშვნის მიზნით: დაწესდეს პოლიციელის დღე. პოლიციელის დღე აღინიშნოს ყოველი წლის 6 მაისს“.

ნეტგაზეთის მასალების სხვა გამოცემებში გადაბეჭდვის წესი
თედო ჯორბენაძე