By decree, the Georgian Dream government has approved the number of student places at state universities for the upcoming academic year. The move follows a controversial higher education reform, widely seen as an attempt to consolidate control over the education system. Based on the principle of “one city, one faculty” and changes to faculty quotas, the reform has drawn criticism from educators and experts.
Education experts Shalva Tabatadze and Ketevan Chachkhiani have published a comparative analysis of the new quotas against the 2025 undergraduate admissions figures.
According to their findings, the total number of undergraduate places at state universities has been reduced by 3,000 compared to the 2025–2026 academic year. Ilia State University will experience the sharpest cut: the number of students it can admit has decreased by 92% under the new quotas.
The experts outline the following key trends:
Compared to 2025–2026, the number of undergraduate places at state universities has decreased by 3,000.
The total number of admitted students has increased at Ivane Javakhishvili Tbilisi State University (TSU), Georgian Technical University (GTU), Batumi Shota Rustaveli State University, and Tbilisi State Medical University.
Ilia State University’s programs have been significantly reduced, leaving only pedagogy and ABET-accredited programs. As a result, its admissions capacity has dropped by 92%. Student places have also been reduced at Sokhumi State University, both universities in Kutaisi, as well as Gori, Samtskhe-Javakheti, and Telavi state universities.
By field of study (the experts analyzed seven of the most in-demand disciplines to identify trends), there have been sharp reductions in law, business administration, economics, international relations, psychology, and sociology — both in Tbilisi and in the regions. Moreover, students at Gori, Telavi, Zugdidi, and Samtskhe-Javakheti universities will no longer have access to these programs.
The total number of places in computer science, computer engineering, information technology, and informatics has increased, including in Tbilisi, Kutaisi, and Batumi. However, students at Gori, Telavi, Zugdidi, and Samtskhe-Javakheti universities will no longer have access to these fields.
Although Georgian Technical University no longer offers social and political sciences, law, or business programs — retaining only engineering, technical, technological, and agricultural fields — its 2026–2027 quota still exceeds the number of places announced in 2025–2026. This indicates a significant increase in admissions to its specialized engineering and technology programs.
The decree does not provide exceptions for students enrolled under the 1+4 quota system, whose number reached up to 1,500 at state universities in 2025–2026. These students must choose undergraduate programs this year, meaning that approximately 1,500 of the 21,300 allocated places will need to be distributed among them. Students enrolled in the 1+4 programs at Samtskhe-Javakheti, Telavi, and Gori universities are expected to face difficulties selecting undergraduate programs in 2026–2027, as the programs they may wish to continue will no longer be available at their institutions.
The experts also highlight additional changes:
An integrated teacher education program has been added for 2026–2027 at Ilia State University, Sokhumi State University, and regional universities, with 1,300 places allocated. This program did not exist among undergraduate offerings last year.
The primary education teacher training program has been removed entirely from the list of programs.
On February 12, the Georgian Dream government formally approved the new admission quotas for state universities.
Education Minister Givi Mikanadze stated that quotas would be distributed according to the “one city, one faculty” principle, taking into account each university’s “traditional profile.”
„ქართული ოცნების“ შინაგან საქმეთა მინისტრის მოადგილე, ალექსანდრე დარახველიძე ამბობს, რომ მიმდინარე წლის პირველი აპრილიდან ქვეყანაში 6 წელზე მეტი ხნის ავტომანქანების შემოტანა აიკრძალება.
„ცვლილება ძალაში შედის პირველი აპრილიდან. თუმცა, იმ მძღოლებს და ავტომფლობელებს, რომლებიც შეიძენენ ავტომობილებს 2026 წლის პირველ აპრილამდე და ამ ავტომობილების ტრანსპორტირება დაიწყება პირველ აპრილამდე, ამ შემთხვევაში, ეს ცვლილება არ შეეხება.
ასევე, ეს ცვლილება არ ეხება რეექსპორტზე გასატან მანქანებს და იმ ავტომობილებს, რომლებიც უკვე საქართველოშია და რეგისტრირებულია,“ – თქვა ალექსანდრე დარახველიძემ.
ალექსანდრე დარახველიძემ ცვლილების შესახებ დღეს, 13 თებერვალს, განაცხადა.
გუშინ, 12 თებერვალს, „ქართული ოცნების“ პრემიერმა ირაკლი კობახიძემ თქვა, რომ პარლამენტში წარადგინეს ახალი კანონპროექტი, რომელიც ითვალისწინებს 6 წელზე მეტი წლოვანების ავტომობილების საქართველოში შემოტანის აკრძალვას.
„რა თქმა უნდა, მცირე გამონაკლისები იქნება გათვალისწინებული. თუმცა ვფიქრობ, რომ არსებითად მნიშვნელოვანია, 6 წელზე მეტი წლოვანების ავტომობილები არ იყოს ქვეყანაში შემოყვანილი“, – განაცხადა ირაკლი კობახიძემ.
სურსათის ეროვნული სააგენტოს ცნობით, აბაშასა და სამტრედიაში ვეტერინარული ზედამხედველობის გარეშე ცხოველის დაკვლის ფაქტები გამოავლინეს.
„სამეგრელოს დეპარტამენტის მიერ ჩატარებული სახელმწიფო კონტროლის შედეგად დადგინდა, რომ ფიზიკური პირი ჯ. ხ. (მის: გამსახურდიას ქ. N116, აბაშა), შემდგომი რეალიზაციის მიზნით, თვითნებურად, სასაკლაოს გვერდის ავლით, სანიტარიულ-ჰიგიენური ნორმების უხეში დარღვევითა და სურსათის უვნებლობისადმი არსებული მოთხოვნების უგულებელყოფით კლავდა ცხოველს; ადგილზე აღმოჩენილი საეჭვო წარმომავლობის ხორცი დაილუქა, ფიზიკური პირი დაჯარიმდა კანონმდებლობის შესაბამისად.
იმერეთის დეპარტამენტის ინსპექტორებმა კრიტიკული და არაკრიტიკული შეუსაბამობები გამოავლინეს ფიზიკური პირის ნ. თ.-ს არალეგალურ სასაკლაოზე (მის: დიდგორის მე-3 შეს #17, სამტრედია). ობიექტი საქმიანობდა სააგენტოს მიერ მინიჭებული სავალდებულო აღიარებისა და ეკონომიკურ საქმიანობათა რეესტრში რეგისტრაციის გარეშე, რის გამოც დაჯარიმდა და შეუჩერდა საწარმოო პროცესი“ – წერს სააგენტო.
სააგენტო მოსახლეობას აფრთხილებს, რომ ვეტერინარული ზედამხედველობის გარეშე ცხოველის დაკვლა საფრთხეს უქმნის ადამიანის ჯანმრთელობასა და სიცოცხლეს და ზრდის ზოონოზური დაავადებების (ჯილეხი, ბრუცელოზი და სხვა) გავრცელებისა და მოწამვლის რისკებს.
შსს-ს საპატრულო პოლიციის დეპარტამენტი დამატებით 200 სამკერდე კამერას ყიდულობს. კამერებსა და მათ ლიცენზიებში კი, ტენდერის გარეშე, ჯამში 548 ათას 200 ლარს გადაიხდის.
„საპატრულო პოლიციის დეპარტამენტში პატრულ-ინსპექტორთა გაზრდილი პირადი შემადგენლობის აღჭურვისა და დაზიანებული კამერების ჩასანაცვლებლად, გვესაჭიროება კომპანია AXON-ის წარმოებული BODY 2 მოდელის ოფიცრის სამკერდე კამერების დამატებითი რაოდენობის შეძენა“ – წერს საპატრულო პოლიცია სახელმწიფო შესყიდვების სააგენტოს, რომლისგანაც გამარტივებულ შესყიდვაზე თანხმობას ითხოვს.
ინვოისიდან
კამერების შეძენას საპატრულო პოლიციის დეპარტამენტი ამჯერადაც შპს „ენ ჯი თი ჯგუფისგან“ გეგმავს. დეპარტამენტი წერს, რომ კომპანიამ წარმოადგინა „AXON-ის მიერ გაცემული წერილი, სადაც მწარმოებელი ადასტურებს, რომ შპს „ენ ჯი თი ჯგუფი“ არის საქართველოში AXON-ის პროდუქციის ერთადერთი ავტორიზებული დისტრიბუტორი“.
2022 წლის აპრილიდან დღემდე, აღნიშნული 200 კამერის ჩათვლით, საპატრულო პოლიციის მიერ შესყიდული იქნება ჯამში 1230 სამკერდე კამერა. ამ კამერებსა და მათ ლიცენზიებში კი გადახდილი იქნება ჯამში 2 992 140 ლარი.
ბოლოს საპატრულომ სამკერდე კამერები [300 ცალი] 2026 წლის იანვარში იყიდა.
თურქეთში, ქალაქ კაისერში, დააკავეს 26 წლის კაცი, რომელიც საიუველირო მაღაზიაში შეიჭრა, სავარაუდოდ, 150 გრამი ოქრო მოიპარა და შემთხვევის ადგილიდან ვირით გაიქცა.
შემთხვევა რამდენიმე დღის წინ მოხდა. თურქული მედია წერს, რომ ამ საიუველირო მაღაზიის გაქურდვა ისტორიაში შევიდა. ცნობილია, რომ კაცმა მაღაზიის დარაბა ამწე კრანით გატეხა და ისე შევიდა შენობაში, სიგნალიზაციის ჩართვის შემდეგ კი ადგილი ვირით დატოვა.
ინციდენტის შემდეგ, პროვინციის პოლიციის დეპარტამენტის პოლიციის ჯგუფებმა ეჭვმიტანილის ვინაობა სათვალთვალო კამერების ჩანაწერების შესწავლის შემდეგ დაადგინეს. ვიდეოჩანაწერებში ჩანს, როგორ ტოვებს კაცი ვირზე შემთხვევის ადგილს. იგი დააკავეს.
საქართველოს ეროვნული ბანკის [სებ] ინფორმაციით, მიმდინარე წლის თებერვალში საქართველოს ეროვნული ბანკისთვის გაიხსნა ანგარიშები, როგორც ჩინეთის ცენტრალურ ბანკში, ისე CIBM ბაზრის სადეპოზიტორო ინფრასტრუქტურებში.
„წავიდა ჩვენი რეზერვები ჩინეთში, ეს ნიშნავს რუსეთის ნაბიჯების გამეორებას“ – ასე ეხმაურება გადაწყვეტილებას სებ- ის ყოფილი პრეზიდენტი რომან გოცირიძე.
„რუსეთმა მთელი რეზერვები ოქროსა და ჩინურ იუანში გადაიტანა. დასავლურ ვალუტუბში რაც ჰქონდა გაეყინა და იმ ქვეყნებში არც სურვილი ექნება განთავსების, არც ამის უფლებას მისცემს ვინმე. ყველა ნაბიჯი, რაც „ოცნებამ“ გადადადგა ბოლო წლებში, არის რუსული კანონებისა და ქმედებების პირდაპირი კოპირება. ჩინეთში რეზერვების გადატანის სურვილი დასავლეთზე კიდევ უფრო ჩამოშორების გეგმის ნაწილია“ – მიიჩნევს რომან გოცირიძე.
სებ-ის პრეზიდენტის, ნათია თურნავას განმარტებით, აღნიშნულ ბაზარზე წვდომამ საქართველოს ეროვნული ბანკის საინვესტიციო შესაძლებლობები უნდა გააუმჯობესოს და ხელი შეუწყოს საერთაშორისო რეზერვების პორტფელის დივერსიფიკაციას, რისკების მართვის პროცესის ეფექტურობის ზრდას.
სებ-ი განმარტავს, რომ საქართველოს ეროვნული ბანკი შეუერთდა ცენტრალური ბანკების იმ მცირე ჩამონათვალს, რომელთაც ჩინეთის ბანკთაშორის ობლიგაციების ბაზარზე ოპერირების საშუალება ეძლევათ:
„შეთანხმების მიხედვით, სებ-მა აქტიური მოლაპარაკებები დაიწყო ჩინეთის ბანკთაშორის ობლიგაციების ბაზარზე წვდომის მოპოვებისა და შესაბამისი ხელშეკრულებების გაფორმების მიზნით ჩინეთის ცენტრალურ ბანკთან.
2025 წლის 23 დეკემბერს კი ხელი მოეწერა CIBM ბაზარზე ინვესტირებასთან დაკავშირებულ ხელშეკრულებას, რომლის საფუძველზეც ჩინეთის ცენტრალური ბანკი საქართველოს ეროვნულ ბანკს აღნიშნულ ბაზარზე ოპერაციების განხორციელებისთვის საჭირო ძირითადი მომსახურებებით უზრუნველყოფს. მათ შორის, ვაჭრობის, ანგარიშსწორებისა და ობლიგაციების კასტოდიური მომსახურების მხარდაჭერით“ – ვკითხულობთ სებ-ის გვერდზე გამოქმვეყნებულ ნათია თურნავას კომენტარში.
სებ-ის ინფორმაციით, CIBM-ზე დაშვების შესახებ შეთანხმება საქართველოს ეროვნული ბანკის დელეგაციის ჩინეთში ოფიციალური ვიზიტისას, ჩინეთის ცენტრალურ ბანკთან გაფორმებული მემორანდუმის ფარგლებში შედგა.
ოჯახში ძალადობისა და ოჯახის წევრის მიმართ ჩადენილი გარყვნილი ქმედების ბრალდებით დღეს, 13 თებერვალს ერთი პირი დააკავეს. ბრალდებული იორდანიის მოქალაქეა.
გამოძიების ვერსიით, „ბრალდებული წინასწარი შეცნობით, სისტემატურად ახორციელებდა გარყვნილ ქმედებას საკუთარი არასრულწლოვანი ქალიშვილების მიმართ. გარდა ამისა, დგინდება, რომ დანაშაულში ბრალდებული პირი შვილებზე ფიზიკურადაც ძალადობდა. იმ შემთხვევაში, თუ აღნიშნულის შესახებ არასრულწლოვანები მოუყვებოდნენ სხვა პირებს, ბრალდებული სამივე შვილს სიცოცხლის მოსპობით ემუქრებოდა,“ – აღნიშნულია შსს-ს მიერ გავრცელებულ ინფორმაციაში.
გამოძიება სისხლის სამართლის კოდექსის 126-ე პრიმა მუხლის მეორე ნაწილითა და 11 პრიმა 141-ე მუხლის მეორე ნაწილით მიმდინარეობს, რაც 12 წლამდე ვადით თავისუფლების აღკვეთას ითვალისწინებს.
სამსახურებრივი უფლებამოსილების გადამატების ფაქტზე პროკურატურამ შსს-ს თანამშრომელი დააკავა. ინფორმაცია პროკურატურამ გაავრცელა დღეს, 13 თებერვალს.
დაკავებული პოლიციელი გლდანი-ნაძალადევის რაიონის სამმართველოს უფროსის მოადგილეა. პროკურატურის ცნობით, ის 16 წლის ბიჭს აიძულებდა მობილურ ტელეფონში ფოტოები ეჩვენებინა. პოლიციელი არასრულწლოვანს აგინებდა და ემუქრებოდა.
გამოძიების ვერსიით, „10 თებერვალს არასრულწლოვანი გადაადგილდებოდა ნაძალადევის მეტროს მიმდებარე ტერიტორიაზე, რა დროსაც გადამოწმების მიზნით, იგი გლდანი-ნაძალადევის რაიონის სამმართველოს თანამშრომლებმა შეაჩერეს. პოლიციის თანამშრომლებმა განახორციელეს პოლიციის შესახებ საქართველოს კანონით გათვალისწინებული საპოლიციო ღონისძიებები, არასრულწლოვანი პირის გამოკითხვა, მისი იდენტიფიცირების მიზნით.
პოლიციელებს არასრულწლოვანმა სრულად მოახსენა მისი ვინაობის თაობაზე. ადგილზე მყოფმა სამმართველოს უფროსის მოადგილე ლ.ხ.-მ, იცოდა, რომ პოლიციის თანამშრომლების მიერ შეჩერებული პირი იყო არასრულწლოვანი და შესაბამისად, მის მიმართ ნებისმიერ საგამოძიებო/საპროცესო მოქმედებას სჭირდებოდა კანონიერი წარმომადგენლის დასწრება, ასევე საქართველოს სისხლის სამართლის საპროცესო კოდექსით გათვალისწინებული საფუძვლები.
აღნიშნულის მიუხედავად, ლ.ხ.-მ გადაამეტა სამსახურებრივ უფლებამოსილებას და ყოველგვარი სამართლებრივი საფუძვლების გარეშე გადაწყვიტა განეხორციელებინა არასრულწლოვანი პირის მობილური ტელეფონის დათვალიერება, მასში ნარკოტიკის განთავსების დამადასტურებელი ე.წ. ლოკაციის ფოტოსურათის აღმოჩენის მიზნით.
რისთვისაც, ლ.ხ.-მ მოსთხოვა არასრულწლოვანს მობილური ტელეფონის განბლოკვა და მისთვის გადაცემა, რაზეც არასრულწლოვანმა განაცხადა უარი. აღნიშნულით გაღიზიანებულმა ლ.ხ.-მ არასრულწლოვანს მიაყენა სიტყვიერი შეურაცხყოფა, დაემუქრა მას, რომ დააკავებდა და სცადა იძულების გზით მოეხდინა მობილური ტელეფონის განბლოკვა, რაც ვერ მოახერხა.
მთელი ამ პროცესის განმავლობაში არასრულწლოვანი ითხოვდა მისი კანონიერი წარმომადგენლის მოწვევას და ამ შემთხვევაში გამოთქვამდა მზაობას ლ.ხ-ისთვის მიეცა მობილური ტელეფონის დათვალიერების შესაძლებლობა,“ – აღნიშნულია პროკურატურის მიერ გავრცელებულ ინფორმაციაში.
პროკურატურის ცნობით, პოლიციის მაღალჩინოსანმა აღიარა მის მიერ სამსახურებრივი უფლებამოსილების გადამეტების ჩადენის ფაქტი, რის შემდეგაც იგი დააკავეს ბრალდებულის სახით.
ბრალის დადასტურების შემთხვევაში პოლიციელს 3 წლამდე თავისუფლების აღკვეთა ელის.
2021 წელს მოკლული, 22 წლის ნიკო კვარაცხელიას დედა, იზა ომაძე ფეისბუქზე წერს, რომ იძულებულია ქუჩაში გამოვიდეს, რადგან „სამართალი ამ ქვეყანაში ქუჩაში დადის“.
„პირველ რიგში ბოდიშს გიხდით მეგობრებო!!!!
ცოტახანს უნდა გაგვიძლოთ შვილმოკლულ მშობლებს!!!
შვილის გარდაცვალება მშობლისთვის ხომ გაუსაძლისი ტკივილია, მაგრამ შვილმოკლული მშობლის მდგომარეობა, რომელმაც სამართალი ვერ იპოვა, იცით როგორია???
მიწაში რომ უნდა ჩადონ შენი შვილი მაშინ ძვლებში იმტვრევი და გულის ცემა ცას წვდება!!!! აი, ამ მდგომარეობაში ვართ მეხუთე წელია ყოველი დღე!!!! თანაც ისე, რომ არც არავინ შეგვიწუხებია ჩვენი ტკივილით!!!
ვეღარ ვუძლებ, ვერა!!!!
ყოველივეს თავის დრო აქვს და ყველაფერს თავისი ჟამი ამ ცისქვეშეთში!!!!
ჟამი ქვათა მიმოფანტვისა და ჟამი მათი შეგროვებისა!
ჟამი დარღვევისა და ჟამი შეკერვისა; ჟამი დუმილისა და ჟამი უბნობისა!!! – ეკლესიასტე
ბევრს ვთხოვდი ღმერთს, რომ ჟამი ქუჩაში გამოსვლისა არ დამდგომოდა!!!
მაგრამ დამიდგა!!!!
კი ბატონო, ვიღებ გამოწვევას!!!
მეგობრებო, რამდენიმე დღე მაქვს ძალიან მნიშვნელოვანი!!! და თარიღს ამიტომ ვერ ვწერ!!!
ამ ქვეყანაში სამართალი ქუჩაში დადის, ამიტომ გამოვდივარ ქუჩაში!!!
ღმერთს ვთხოვ, რომ შემახვედროს მეც სამართალი!!!!“ – წერს იზა ომაძე ფეისბუქზე [სტილი დაცულია].
ონლაინ-პლატფორმა Feedc-ის დამფუძნებელი, 22 წლის ნიკო კვარაცხელია 2021 წლის 15 სექტემბერს, თბილისში, ვერაზე მოკლეს. მას 9 ტყვია ესროლეს. ნიკო კვარაცხელია დაჭრიდან მეორე დღეს, კლინიკაში გარდაიცვალა.
ამ საქმეზე ორი ადამიანს მიუსაჯეს პატიმრობა – აკო ჭელიძეს, რომელმაც განზრახ მკვლელობა აღიარა, 17 წელი მიუსაჯეს, ხოლო გიორგი კირვალიძეს – 16 წლით. კვარაცხელიას ოჯახი მიიჩნევს, რომ მკვლელობა შეკვეთილი იყო და მოითხოვენ, გამოძიება ამ მიმართულებით გაგრძელდეს.
გარემოს ეროვნული სააგენტოს აჭარის რეგიონული ჰიდრომეტეოროლოგიური ობსერვატორიის ინფორმაციით, 13 თებერვლის 21 საათიდან 14 თებერვლის 21 საათამდე ბათუმში და სანაპირო რაიონებში მოსალოდნელია ცვალებადი მოღრუბლულობა, ღამით უმეტესად უნალექოდ, დღისით ზოგან წვიმა. მაღალმთაში თოვლჭყაპი.
იქროლებს ცვალებადი მიმართულების ქარი 10-15 მეტრი წამში.
ჰაერის ტემპერატურა სანაპირო ზოლში:
დღისით: 13 – 18 გრადუსი სითბო
ღამით: 5 – 10 გრადუსი სითბო
მთიან მუნიციპალიტეტებში:
დღისით: 8 – 13 გრადუსი სითბო
ღამით: 0 – 3 გრადუსი ყინვა
მაღალმთიან ზონაში:
დღისით: 1 – 6 გრადუსი სითბო
ღამით: 1– 6 გრადუსი ყინვა
ზღვის ღელვა 2-3 ბალი იქნება, ზღვის წყლის ტემპერატურა +9 გრადუსია.
სინოპტიკოსების ცნობით, ბათუმში 15 თებერვალს ღამით და დილით წვიმა, მაღალმთაში თოვა, დღისით და მომდევნო ორ დღეს – 16 და 17 თებერვალს აჭარაში უმეტესად უნალექო ამინდი იქნება.
უკრაინის შეიარაღებული ძალების გენერალური შტაბის დღევანდელი მონაცემებით, ომის დაწყებიდან 2026 წლის 13 თებერვლამდე პერიოდში, რუსეთის არმიის საბრძოლო დანაკარგი არის:
ცოცხალი ძალა – დაახლოებით 1 250 950 ადამიანი [გასულ დღე-ღამეში +800. ამ მონაცემებში შედის როგორც დაღუპულები ასევე დაჭრილები]
ტანკი – 11 667 ერთეული [+5]
ჯავშანტექნიკა – 24 028 ერთეული [+3]
საარტილერიო სისტემა – 37 254 ერთეული [+41]
MLRS – 1 642 ერთეული [+1]
საზენიტო საბრძოლო სისტემა – 1 300 ერთეული [+1]
თვითმფრინავი – 435 ერთეული [+0]
ვერტმფრენი – 347 ერთეული [+0]
უპილოტო საფრენი აპარატის ოპერატიულ-ტაქტიკური დონე – 133 392 ერთეული [+1 239]
ფრთოსანი რაკეტა [ჩამოაგდეს] – 4 286 ერთეული [+16]
გემი/ნავი – 28 ერთეული [+0]
წყალქვეშა ნავი – 2 ერთეული [+0]
მანქანები და საწვავის ავზები – 78 268 ერთეული [+127]
სპეცტექნიკა – 4 070 ერთეული [+0]
უკრაინის გენერალური შტაბის განცხადებით, საომარი მოქმედებების მაღალი ინტენსივობის გამო მონაცემები იცვლება.
უკრაინის სამხედრო დანაკარგებზე ინფორმაცია განაახლა რუსეთმაც.
რუსეთის თავდაცვის სამინისტროს მიერ გავრცელებული მონაცემებით, ომის დაწყებიდან 2026 წლის 13 თებერვლამდე პერიოდში სულ განადგურებულია უკრაინის:
670 თვითმფრინავი
283 ვერტმფრენი
113 957 უპილოტო საფრენი აპარატი
650 საზენიტო სარაკეტო სისტემა
27 647 ტანკი და სხვა ჯავშანტექნიკა
1 664 მრავალჯერადი სარაკეტო გამშვები
33 257 საველე არტილერია და ნაღმმტყორცნი
54 266 სპეციალური სამხედრო მანქანა
ეს ის მონაცემებია, რომელსაც უკრაინა და რუსეთი ოფიციალურად ავრცელებენ, თუმცა ომის პირობებში შეუძლებელია ზუსტად გადამოწმება, რამდენად შეესაბამება მხარეების მიერ გავრცელებული ინფორმაცია დანაკარგების შესახებ რეალურ რიცხვებს.
ამასთან, აღნიშნულ მონაცემებთან ერთად რუსეთის თავდაცვა, უკრაინის და რუსეთის არმიის ცოცხალი ძალის საერთო დანაკარგების შესახებ სტატისტიკას არ აქვეყნებს. უკრაინის არმიის ცოცხალი ძალის დანაკარგების შესახებ მონაცემებს არ აქვეყნებს არც უკრაინა.
—
რუსეთი უკრაინაში 2022 წლის 24 თებერვალს გამთენიისას შეიჭრა და სრულმასშტაბიანი ომი დაიწყო.
რა იცვლება კვერცხის 2 თეთრით გაიაფებით? – ნახეთ „ბათუმელების“ ქუჩის გამოკითხვა ბათუმში
2025 წლის 24 დეკემბერს, „ოცნების“ პრემიერმა ირაკლი კობახიძემ განაცხადა, რომ ფასებთან დაკავშირებულ საკითხზე იმუშავებდნენ სამართალდამცველები, ასევე შეიქმნა საპარლამენტო კომისია.
რა შეიცვალა ამ დაპირების შემდეგ? გაქვთ მოლოდინი, რომ სურსათი გაიაფდება?
„ოცნების“ პარლამენტარი გელა სამხარაული ე.წ. სურსათის ფასების დროებითი საპარლამენტო კომისიის წევრია. მან ამ კომისიასთან ერთად პროდუქტის გაძვირების მიზეზები და მისი შემცირების შესაძლებლობები უნდა შეისწავლოს.
„პროდუქტების, მედიკამენტებისა და საწვავის ფასწარმოქმნის მიზეზების შემსწავლელი“ საპარლამენტო დროებითი კომისია „ოცნების“ პრემიერის ინიციატივით შექმნეს. მანამდე ირაკლი კობახიძემ სასურსათო პროდუქტებზე მაღალი ფასნამატი მოგების მაღალ მარჟას დაუკავშირა. საპარლამენტო კიმისიის გარდა სასურსათო ფასებთან დაკავშირებული საკითხის შესწავლა დაიწყო სახელმწიფო უსაფრთხოების სამსახურმაც.
სურსათის ფასები პარლამენტარ გელა სამხარაულის ინტერესის სფერო მანამდეც უნდა ყოფილიყო. ორი მოწვევის პარლამენტში ის აგრარულ კომიტეტს ხელმძღვანელობდა და თავადაც არის მწარმოებელი.
დეპუტატის ქონებრივი დეკლარაციის მიხედვით, მისი ყოველი წლის შემოსავლებში სოფლის მეურნეობის პროდუქტებიდან მიღებული შემოსავალი 180 000 ლარიდან 200 000 ლარამდეა.
იგი ამჟამად „ოცნების“ პარლამენტის სოფლის მეურნეობის კომიტეტის თავმჯდომარეა.
გელა სამხარაული საპარლამენტო საქმიანობაში 2012 წლიდან არის ჩართული. 2012 -2020 წლებში, VIII – IX მოწვევის პარლამენტში, ის თელავისა და ახმეტის მაჟორიტარი იყო „ოცნებიდან“, X-XI მოწვევის პარლამენტში კი „ოცნების“ პარტიული სიით შევიდა. დამთავრებული აქვს თბილისის სახელმწიფო უნივერსიტეტი, სპეციალობით – ეკონომიკა და მართვა მშენებლობაში.
ქონებრივი დეკლარაციის მიხედვით, დეპუტატი გელა სამხარაული ფლობს 11 მიწის ნაკვეთს, ჯამში 6.717 ჰექტარს, თელავის მუნიციპალიტეტის სოფლებში, იყალთოსა და რუისპირში. ეს ნაკვეთები დეპუტატს 2012-2023 წლებში, სხვადასხვა დროს შეუძენია და ჯამში 70 820 ლარი და 2 000 დოლარი აქვს გადახდილი.
ამავე დროს, მან დეკლარაციაში 2 ნაკვეთთან დაკავშირებით ფასი არ მიუთითა და ჩაწერა, რომ ეს ნაკვეთები მიღება-ჩაბარების აქტით აქვს დარეგისტრირებული, კიდევ ერთ მიწის ნაკვეთთან დაკავშირებით კი დეკლარაციაში განმარტა, რომ ის მემკვიდრეობით მიიღო.
ასევე, მისივე დეკლარაციის მიხედვით, გელა სამხარაულს თეთრიწყაროს მუნიციპალიტეტის სოფელი პანტიანში შეუძენია მიწის ნაკვეთი, 1000 კვ.მეტრი 200 დოლარად.
დეპუტატი ფლობს ასევე 50 006 კვ. მეტრ ფართობს ყვარელში, რომელიც გაცვლის ხელშეკრულების საფუძველზე დაურეგისტრირებია. გაცვლის ხელშეკრულებით დაურეგისტრირებია ასევე 17 455 კვ.მეტრი მიწის ნაკვეთი ახმეტის მუნიციპალიტეტის სოფელ ალავერდში. საერთო ჯამში ალავერდში მას მიწის სამი ნაკვეთი აქვს, რომელთა ფართობიც ჯამში 55 170 კვ.მეტრია.
„ოცნების“ დეპუტატ სამხარაულის მიწის ნაკვეთები ჯამში 17 ჰექტარზე მეტ ფართობს მოიცავს, უფრო ზუსტად – 173 346 კვადრატულ მეტრს.
დეპუტატი სამხარაული ფლობს ასევე სახლს დიდი ეზოთი და საცურაო აუზით სოფელ იყალთოში. საჯარო რეესტრის მონაცემებით ამ სახლის ფართობი 498 კვ.მეტრია, საკარმიდამო ნაკვეთის ფართობი კი – 2564 კვ.მეტრი.
დეპუტატის მეუღლე, ნატალია თხლაშიძე ფლობს 140,19 კვ.მეტრ ბინას თბილისში, ნუცუბიძის ფერდობზე. დეკლარაციის მიხედვით, ეს ბინა მას 2006 წელს, 23 000 დოლარად შეუძენია. 2024 წელს კი ნატალია თხლაშიძეს შეუძენია ასევე ბინა ქობულეთში, 35,4 კვ.მეტრი 37 140 დოლარად. საჯარო რეესტრის ამონაწერის მიხედვით ეს ბინა ზღვის სანაპიროზე, „რედ-კო ციხისძირის“ პროექტში მდებარეობს, ამიტომაც ცოტა გასაკვირია, რომ ერთი კვ.მეტრში 1049 დოლარი გადაუხდიათ – ეს ამ პროექტისთვის საკმაოდ დაბალი ფასია.
„რედ-კო ციხისძირის“ პროექტი
ნატალია თხლაშიძის ძმა, არჩილ თხლაშიძე, 2017 წელს თელავის მუნიციპალიტეტის საკრებულოს თავმჯდომარედ აირჩიეს. მის არჩევას სწორედ დეპუტატი სიძის საქმიანობას და გავლენებს უკავშირებდნენ.
დეპუტატი გელა სამხარაული ფლობს 2023 წელს შეძენილ ავტომანქანას Land Rover -ს, რაშიც 20 000 ევრო გადაუხდია. მას აქვს ასევე 2016 წელს შეძენილი Toyota და 2014 წელს შეძენილი Lexus-ი.
2025 წელს შევსებული დეკლარაციის მიხედვით დეპუტატ სამხარაულს და მის მეუღლეს დანაზოგის სახით ჰქონდათ 70 000 დოლარი, 80 000 ევრო, 50 000 ლარი.
სქრინი დეკლარაციიდან
რაც შეეხება შემოსავლებს, დეკლარაციის მიხედვით, დეპუტატის მეუღლის წლიური შემოსავალი ბევრად აღემატება დეპუტატის შემოსავალს. ნატალია თხლაშიძის ხელფასმა 2024 წელს 194 104 ლარი შეადგინა, ეს თვეში 16 ათას ლარზე მეტია. დეკლარაციაში მითითებულია მეუღლის დასაქმების ადგილიც – „ბიპი“, იგივე „ბრიტიშ პეტროლიუმი“, სადაც დეპუტატის მეუღლე სოციალური საკითხების ჯგუფის ხელმძღვანელია.
თავად დეპუტატ გელა სამხარაულის ხელფასმა 2024 წელს 52 458 ლარი შეადგინა, ანუ თვეში 4 371 ლარი. ეს თანხა 2025 წელს თითქმის გაორმაგდა, მისმა, როგორც კომიტეტის თავმჯდომარის ხელფასმა კი 12 000 ლარს მიაღწია, ახლა კიდევ უფრო გაზრდილია.
გელა სამხარაული ოჯახის შემოსავლებში ასევე უთითებს სოფლის მეურნეობის პროდუქტების რეალიზაციით მიღებული თანხის შესახებ, რაც 185 000 ლარია.
მიუხედავად იმისა, რომ დეპტატი სამხარაული არაერთ კომპანიაში ფლობს წილებს, დეკლარაციაში სამეწარმეო საქმიანობიდან მიღებული შემოსავალის შესახებ გრაფაში 0 თეთრია მითითებული. ეს იმას ნიშნავს, რომ დეპუტატი, ოფიციალურად, ამ კომპანიებიდან შემოსავალს არ იღებს.
რაც შეეხება გასული წლის ხარჯებს, დეპუტატმა დეკლარაციაში მიუთითა 6200 ლარი, როგორც მეუღლის სწავლის ხარჯი და 20 000 ლარი, როგორც რემონტის ხარჯი. გარდა ამისა ოჯახმა 62 ათას ლარზე მეტი დახარჯა სესხების მომსახურებისთვის.
„ოცნების“ დეპუტატის კომპანიები
დეკლარაციის მიხედვით გელა სამხარაული წილებს ფლობს კომპანიებში – შპს „ვერა-2011“, შპს „დია გრუპ“, შპს „დია ალავერდი“, შპს „დუტა & F“, ხოლო მისი მეუღლე ფლობს შპს „იმოგზაურე საქართველოში“-ს 25 პროცენტს.
შპს „დუტა & F“ 2010 წელს დაფუძნებული კომპანიაა და სამუშაო მიმართულებად რესტორნები და ბარები აქვს მითითებული, გელა სამხარაული ამ კომპანიის 22 პროცენტის მფლობელია, თუმც მას წილები მართვაში აქვს გადაცემული გიორგი ხელაშვილისთვის, რომელიც კომპანიაში 23 პროცენტს ფლობს. ამ კომპანიაში წილებს ფლობს ასევე მსახიობი დუტა სხირტლაძე.
რაც დეკლარაციაში არ წერია – დეპუტატის შვილის ბიზნესი
2022 წლის მარტში გელა სამხარაულმა გაცვლის ხელშეკრულების საფუძველზე სოფელ ოჟიოში 99 765 კვ. მეტრი ფართობი, თითქმის 10 ჰექტარი დაირეგისტრირა. იმავე წლის აპრილში ეს ნაკვეთი ჩუქების ხელშეკრულების საფუძველზე დაირეგისტრირა დეპუტატის შვილმა, ბექა სამხარაულმა.
ახლა ეს ქონება შპს „სავანის ველს“ ეკუთვნის. კომპანიის 33.33% დეპუტატის შვილის, ბექა სამხარაულის საკუთრებაა.
ეს კომპანია სოფელ ოჟიოში კიდევ ორ მიწის ნაკვეთს, ჯამში 20 ჰექტარს ფლობს ასევე, შპს „სავანის ველი“ კიდევ 6 მიწის ნაკვეთს ფლობს სოფელ იყალთოში, ჯამში 3 ჰექტარზე მეტს.
დოკუმენტების მიხედვით, ეს კომპანია დაფინანსებას იღებდა სოფლის მეურნეობის პროექტის – „დანერგე მომავალის“ ფარგლებში. პროგრამის ფარგლებში სამინისტრო ფერმერებს სოფლის მეურნეობის სხვადასხვა კულტურის განვითარების მიზნით სუბსიდიით ეხმარებოდა.
ბექა სამხარაული კომპანიის 33.33 პროცენტის მფლობელად 2022 წლიდან ფიქსირდება, მან კომპანიის საწესდებო კაპიტალში შეიტანა საკუთრებაში არსებული მიწის ნაკვეთი სოფელ ოჟიოში, 10 ჰექტრამდე ფართობი. 2023 წელს კომპანიამ ამ ნაკვეთზე სარეკრეაციო დანიშნულების ტბორის მოწყობის პროექტის სკრინინგის ანგარიშით გარემოს სააგენტოს მიმართა.
დეპუტატ გელა სამხარაულს უფროსი შვილები ბექა და ნინი სამხარაულები დეკლარაციაში აღარ ჩაუწერია, მას შემდეგ რაც ისინი სრულწლოვნები გახდნენ.
27 წლის ბექა სამხარაული რამდენიმე კომპანიის თანამესაკუთრე და თანახელმძღვანელია. 2023 წლიდან ის ასევე ფლობს შპს „ჯილიექსის“ 50 პროცენტს და კომპანიის ერთ-ერთი დირექტორია.
საჯარო რეესტრის მონაცემებით ბექა სამხარაულმა 2024 წელს დააფუძნა და ერთპიროვნულად ფლობს შპს „ს+ჰ ნიუ ენერჯი დეველოფმენთ ქომფანის“ 100 პროცენტს და ხელმძღვანელიც თავად არის. კომპანიის კრედიტორად ჩინეთის მოქალაქე ჰუა იუ ფიქსირდება.
შპს „ს+ჰ ნიუ ენერჯი დეველოფმენთ ქომფანი“ ბექა სამხარაულმა ჩინეთის მოქალაქესთან ჰუა იუ – სთან ერთად დააფუძნა, თავად კომპანიის 70 პროცენტს ფლობდა, ჰუა იუ კი 30 პროცენტის მფლობელი იყო. 2025 წელს ამონაწერში ცვლილება შეიტანეს და კომპანიის ასივე პროცენტის მფლობელად ბექა სამხარაული დარეგისტრირდა, ჰუა იუ კი – კრედიტორად.
ბექა სამხარაული ფლობს ასევე 2023 წელს დაფუძნებული კომპანიის, შპს „კროსოვერის“ 33 პროცენტს და ერთპიროვნულად ფლობს შპს „ჯორჯია გრიინ ენერჯი დეველოპმენტ ქომფანის“.
ბათუმში, მემედ აბაშიძის ქუჩის #50-ში, ორსართულიან შენობაში, სადაც მსხვილი სამშენებლო კომპანია „ორბის“ ოფისი მდებარეობს, სარემონტო სამუშაოები მიმდინარეობს. ამ სამუშაოების პარალელურად შენობის ფასადზე შავი მილი გაჩნდა, რაც, პრაქტიკულად, ფასადს აზიანებს, თუმცა კომპანია ამბობს, რომ ფასადი არ გაუხვრეტია და აქ მილი ადრეც გადიოდა.
ბათუმი, მემედ აბაშიძის #50ფოტო: „ბათუმელები“
შენობას კულტურული მემკვიდრეობის ძეგლის სტატუსი აქვს და მას კანონი იცავს, ძეგლის ხელყოფა ან დაზიანება დანაშაულია.
აჭარის კულტურული მემკვიდრეობის სააგენტოს ინფორმაციით, შენობის ფასადზე მიმდინარე სამუშაოები უნებართვოა, რასაც უარყოფს „ორბის“ წარმომადგენელი. ის „ბათუმელებთან“ ასევე აცხადებს, რომ კომპანიას ფასადი არ გაუხვრეტია და იგივე ადგილას გამათბობლის მილი ადრეც გადიოდა.
„ნებართვა არის, კულტურული მემკვიდრეობის სააგენტოს გაცემული აქვს. ეგ ნახვრეტი ადრეც იყო. როგორ არ გინახავთ, არ არსებობს, სამი კარმა იდგა“ – გვითხრა სატელეფონო საუბარში გელა მახარაძემ, „ორბის“ წარმომადგენელმა.
მისივე მტკიცებით, ძველი მილი ფასადის რეაბილიტაციის გამო მოხსნეს და ის პირვანდელ მდგომარეობას დაუბრუნდება:
„გაუკეთდება ე.წ. ქუდი, რომ არ ჩანდეს ცუდად. ჯერ ახალდაყენებულია, მოიხსნა რეაბილიტაციის დროს, დასრულდა რეაბილიტაცია, დაბრუნდა თავის ადგილზე და როცა გაშრება გავუკეთებთ ე.წ. ქუდს, მილი არ გამოჩნდება. როგორც იყო, იმავე მდგომარეობაში დაბრუნდება. ეგ ახალგახვრეტილი არ არის. დალპა ყველაფერი და გავაკეთეთ, გავაკეთილშობილეთ, შიგნითაც, მათ შორის. არ ვიცი რატომ ამბობს კულტურული მემკვიდრეობის სააგენტო, რომ უნებართვოა. ნებართვა არის“.
ძველი ფოტოების მიხედვით მილი იგივე ადგილზე, სავარაუდოდ, მართლაც გადიოდა, ოღონდ არა იმ მასშტაბის, რაც ახლაა.
ფოტო გადაღებულია ფასადის რეაბილიტაციის დაწყებამდე – დააკვირდით შუაში მდებარე ფანჯრის ქვედა ნაწილს.
„ბათუმელებს“ ამ საკითხზე მუშაობისას აჭარის კულტურული მემკვიდრეობის სააგენტო განმეორებით დაუკავშირდა. სააგენტოდან განგვიმარტეს, რომ კომპანია გააფრთხილეს და ფასადის პირვანდელ მდგომარეობაში მოყვანა მოსთხოვეს.
ფოტო: „ბათუმელები“
სახლი მემედ აბაშიძის #50-ში XX საუკუნის დასაწყისშია აგებული. შენობა თავდაპირველად ერთსართულიანი იყო. წყაროების მიხედვით, შენობა ე.წ. გასაქირავებელ სახლს წარმოადგენდა.
სპეციალისტების დახასიათებით, სახლი XX საუკუნის ბათუმური საცხოვრებელი სახლის არქიტექტურის კარგი ნიმუშია. შენობის სამშენებლო მასალად ქვა და აგურია გამოყენებული. შელესილი და შეღებილი ფასადები სწორკუთხა ღიობების რიგით არის დანაწევრებული. დეკორატიული ელემენტები – ფრონტონები, სანდრიკები, საჭექი ქვები და პილასტრები რენესანსულ-ბაროკოული ეკლექტიზმიდან არის ნასესხები. შენობა საინტერესოა როგორც ქალაქგეგმარებითი, ისე არქიტექტურული თვალსაზრისით.
„ქართული ოცნების“ მთავარი პროპაგანდისტული საშუალება – ტელეკომპანია „იმედი“, რომელსაც 2025 წლის მონაცემებით სახელმწიფოს წინაშე დაახლოებით 17 მილიონ ლარამდე დავალიანება ჰქონდა, 1000 ლარად გაიყიდა.
გარიგება, რომელიც ფორმალურად მედიაბიზნესის ჩვეულებრივ ტრანზაქციად წარმოჩნდა, რეალურად სარედაქციო პოლიტიკის წინასწარ განსაზღვრის პირობას შეიცავს და კრძალავს „იმედის“ ყოფილი მფლობელის, ირაკლი რუხაძის და მასთან დაკავშირებული პირებისა და კომპანიების კრიტიკას.
პროპაგანდისტულ „იმედთან“ ერთად გაიყიდა მისი შვილობილი 7 კომპანიაც.
ამონარიდი შემოსავლების სამსახურის მიერ BM.ge-სთვის მიწოდებული დოკუმენტიდან – 21 მაისი, 2025 წელი
„მყიდველი კისრულობს ვალდებულებას, რომ შპს „ჯორჯიან მედია პროდაქშენ გრუპის“ შვილობილი კომპანიების ეთერი არ იქნება გამოყენებული/მიმართული გამყიდველის და მასთან დაკავშირებული პირების/კომპანიების საწინააღმდეგოდ,“ – ეს არის ნაწყვეტი ხელშეკრულებიდან რომელიც ირაკლი რუხაძის და ილია მიქელაიშვილის კომპანიებს შორის დაიდო.
ირაკლი რუხაძე ერთ-ერთი მესაკუთრეა ნიდერლანდებში რეგისტრირებული კომპანიისა – „მედია ფაინენს გრუპ ბი.ვი.“, რომელიც, ოფიციალურად, 2021 წლიდან 2026 წლის 30 იანვრამდე ფლობდა შპს „ჯორჯიან მედია პროდაქშენ გრუპს“, ხოლო ილია მიქელაიშვილი შპს „პრაიმ მედია გლობალის“ ხელმძღვანელია, რომელმაც იყიდა ტელეკომპანია „იმედი“ და მისი შვილობილი კომპანიები.
შპს „ჯორჯიან მედია პროდაქშენ გრუპი“, რომელიც „პრაიმ მედია გლობალმა“ იყიდა, ფლობს წილებს შემდეგ კომპანიებში:
შპს „ტელეიმედი“– 100%-იანი წილი;
შპს „რადიო იმედი“– 100%-იანი წილი;
შპს „IMEDI FILMS“– 100%-იანი წილი;
შპს „ტელეკომპანია აისი“– 100%- იანი წილი;
შპს „ბადრი პატარკაციშვილის სახელობის ჟურნალისტიკის სკოლა“– 100%-იანი წილი;
შპს „ჯი-დი-ეს თი-ვი“– 100%-იანი წილი;
შპს „თაჩ მედია“– 100%-იანი წილი.
შპს „უნიმედია“– 50%-იანი წილი.
ყველა ეს კომპანია უკვე შპს „პრაიმ მედია გლობალის“ კუთვნილებაა.
კომპანიის კაპიტალში წილის გასხვისების ხელშეკრულება 2026 წლის 30 იანვარს დაიდო „ჯორჯიან მედია პროდაქშენ გრუპსა“ და შპს „პრაიმ მედია გლობალის“ 100 %-იანი წილის მფლობელის, ილია მიქელაიშვილს შორის.
ამ ხელშეკრულებით ილია მიქელაიშვილმა ვალდებულება აიღო, რომ კაპიტალში წილის 50%-ს “იმედის” ხუთ თანამშრომელზე – მარიამ ლომიძეზე, ვასილ კალანდარიშვილზე, ირაკლი ჩიხლაძეზე, მაია ჩიგოშვილსა და ნათია სონღულაშვილზე გადააფორმებდა.
ასევე, მან აიღო ვალდებულება, რომ „იმედის“ და მისი შვილობილი კომპანიების ეთერები არ იქნებოდა გამოყენებული/მიმართული გამყიდველის და მასთან დაკავშირებული პირების/კომპანიების საწინააღმდეგოდ.
ხელშეკრულების ამ მუხლში დეტალურადაა ჩამოთვლილი, ვის საწინააღმდეგოდ არ უნდა გამოიყენონ „იმედისა“ და მისი შვილობილი კომპანიების ეთერი.
კერძოდ, „იმედი“ არ უნდა იქნეს გამოყენებული ნებისმიერი ფიზიკური პირის, კომპანიის ან კორპორაციის ან იურიდიული პირის წინააღმდეგ, რომელიც არის გამყიდველის დამფუძნებელი, პარტნიორი ან აქციონერი, წილთა/აქციათა მმართველი ან გამყიდველის მართვის ორგანოს წევრი.
ილია მიქელაიშვილმა ხელშეკრულებით ნაკისრი პირველი პირობა უკვე შეასრულა. „ჯორჯიან მედია პროდაქშენ გრუპის“ კაპიტალში წილის 50% ხუთ პირს შორის გაანაწილა.
მარიამ ლომიძე (ტელეკომპანია „იმედის“ გენერალური დირექტორი), ვასილ კალანდარიშვილი, ირაკლი ჩიხლაძე („იმედის“ წამყვანი), მაია ჩიგოშვილი და ნათია სონღულაშვილი („იმედის“ საინფორმაციო სამსახურის უფროსი) GMPG-ის კაპიტალში 10-10 %-იან წილს ფლობენ.
შესაბამისი ხელშეკრულება საჯარო რეესტრის ეროვნულ სააგენტოში უკვე დარეგისტრირებულია.
ამგვარად, ტელეკომპანია „იმედი“, რომელსაც სახელმწიფოს წინაშე 2025 წლის მდგომარეობით, 17 მილიონ ლარამდე დავალიანება ჰქონდა და მისი შვილობილი კომპანიები, ჯამში 1500 ლარად გაიყიდა.
სქრინი ხელშეკრულებიდან, სადაც “იმედის” ახალი მფლობელი იღებს ვალდებულებას, რომ არ გამოიყენებს არხს ირაკლი რუხაძის ან მისი კომპანიების წინააღმდეგ
„იმედის“ ყოფილი მფლობელი შესაძლო სანქციების რისკის წინაშე
2025 წლის 19 მარტს ირაკლი რუხაძემ დიდ ბრიტანეთში წააგო სასამართლო დავა.გაერთიანებული სამეფოს უზენაესმა სასამართლომ გამოიტანა საბოლოო გადაწყვეტილება საქმეზე ირაკლი რუხაძე და სხვები Recovery Partners GP-ის და სხვების წინააღმდეგ.
გადაწყვეტილების თანახმად, ირაკლი რუხაძეს, იგორ ალექსეევსა და ბენჯამინ მარსონს (ასევე მათ კუთვნილ კომპანიებს – Hunnewel Partners & Park Street) დაეკისრათ 170 მლნ აშშ დოლარის გადახდა Recovery Partners GP LTD-სა და Revoker LLP-ის სასარგებლოდ.
საქმის მასალების მიხედვით, ირაკლი რუხაძემ და საქმეში მონაწილე სხვა პირებმა დაარღვიეს თავიანთი მოვალეობა იმ კომპანიის წინაშე, სადაც მუშაობდნენ. მათ გამოიყენეს კომპანიის ბიზნესგეგმა საკუთარი სარგებლისთვის, რის შედეგადაც მიიღეს უკანონო შემოსავალი.
საუბარია ბადრი პატარკაციშვილის მრავალმილიარდიან აქტივებზე, რომლის მართვასაც ბიზნესმენის გარდაცვალებამდე პატარკაციშვილის მთავარი ფინანსისტი იუჯინ ჯაფი და კომპანია Salford Capital Partners International ახორციელებდნენ. ირაკლი რუხაძე წლების განმავლობაში ამ საინვესტიციო კომპანიაში მუშაობდა და მის მიმართ, როგორც მაღალი რგოლის მენეჯერს, ფიდუციარული ვალდებულებები გააჩნდა.
სასამართლომ მათ ამ თანხის უკან დაბრუნება დააკისრათ.
ირაკლი რუხაძე „ჰანიველ პარტნერსის“ მეშვეობით საქართველოში ფლობს რამდენიმე მსხვილ ბიზნესს, მათ შორის „ლიბერთი ბანკს“ და რუსთავის მეტალურგიულ ქარხანას.
ირაკლი რუხაძეს „იმედის“ და მისი შვილობილი კომპანიების გაყიდვამდე, „ლიბერთი ბანკის“ გაყიდვაც სურდა.
2025 წლის სექტემბერში ირაკლი რუხაძეს ჰკითხეს მის შესაძლო სანქცირებასთანდაკავშირებით, მან თქვა, რომ „სანქციები არ მუშაობს და დასანქცირებას არ ელოდება“.
ივანიშვილი, როგორც პროპაგანდისტული “იმედის” დამფინანსებელი
2025 წლის 8 სექტემბერს ჰოლანდიურმა საგამოძიებო მედიაპროექტმა Follow the Money გამოაქვეყნა სტატია, სადაც ნათქვამია, რომ „ქართული ოცნების“ მთავარ პროპაგანდისტულ საშუალებას – ტელეკომპანია „იმედს“ პარტია “ქართული ოცნების” დამფუძნებელი ბიძინა ივანიშვილი აფინანსებს.
ბიძინა ივანიშვილი „იმედს“ მინიმუმ 2018 წლიდან აფინანსებს.
2022 წლის ბოლოს „იმედის“ სასესხო დავალიანება ბიძინა ივანიშვილის კომპანიების მიმართ მინიმუმ 61 მლნ ლარი იყო.
„ქართუ ჯგუფთან“ დაკავშირებულ სხვა კომპანიებთან ერთად დავალიანება 165 მლნ ლარამდეა, რაც „იმედის“ დაფინანსების 50%-ს აღწევს.
„იმედის“ დაფინანსება შეღავათიანი სესხებით ხდება. 2023 წელს ტელეკომპანიას 331 მლნ ლარის სესხი ჰქონდა აღებული. სესხის 2 მთავარი გამცემი ბიძინა ივანიშვილი და ირაკლი რუხაძე იყვნენ (დაკავშირებული კომპანიების საშუალებით).
კომპანია ზარალზე მუშაობს. 2023 წლის ბოლოს მას 388 მლნ ლარის ზარალი ჰქონდა დაგროვილი.
როგორ ხსნის “იმედის” ყოფილი მფლობელი წილის გაყიდვას
ირაკლი რუხაძემ, რომელიც ოფიციალურად 2021 წლიდან ფლობდა ტელეკომპანია „იმედს“ და მასთან დაკავშირებულ სხვა შვილობილ კომპანიებს, გამოსამშვიდობებელი წერილიგამოაქვეყნა, სადაც ახსნა მიზეზები, თუ რატომ გაყიდა „იმედი“.
წერილში ირაკლი რუხაძემ განმარტავს, რომ ის 2003 წლიდან იყო „იმედის“ სამეთვალყურეო საბჭოს წევრი, ხოლო 2018 წელს, როდესაც ბადრი პატარკაციშვილის აქტივების დაბრუნებაზე მუშაობა დასასრულს უახლოვდებოდა, პატარკაციშვილის ქვრივმა, ინნა გუდავაძემ სთხოვა გამოესყიდა იმედი.
საჯარო რეესტრის დოკუმენტების მიხედვით, ეს გამოსყიდვა ოფიციალურად 2021 წლის 3 აგვისტოს მოხდა. სწორედ ამ დღეს გაფორმდა წილის ნასყიდობის ხელშეკრულება ინნა გუდავაძესა და „მედია ფაინენს გრუპ ბი.ვი.“- ს შორის.
ირაკლი რუხაძის კომპანიამ „იმედი“ და მისი შვილობილი კომპანიები 2021 წელს სიმბოლურ 4 ლარად იყიდა.
ის კომპანიის კაპიტალში 100%-იან წილს 2026 წლის 30 იანვრამდე ფლობდა.
გამოსამშვიდობებელ წერილში, ირაკლი რუხაძემ თქვა, რომ „იმედი“ ბადრი პატარკაციშვილის ოჯახის თხოვნით იყიდა, მაგრამ მისი მთავარი მოტივაცია იყო „ქვეყნის სტაბილურობის დაცვა. „ნაციონალური მოძრაობის“ ხელისუფლებაში დაბრუნების და ქვეყნის არევის თავიდან აცილება. ასევე, საქართველოს ომში ჩართვის საფრთხის პრევენცია“. რუხაძეს მიაჩნია, რომ ამ მიზანს ნაწილობრივ მიაღწიეს, რადგან ახლა, მისივე თქმით, „ნაციონალური მოძრაობა“ დასუსტებულია, ომში ჩართვის რისკი შემცირებული, და რაც მთავარია, ტელევიზია მისთვის ეკონომიკურად მომგებიანი ბიზნესი არ არის.
„ტელევიზია ჩვენთვის, როგორც ბიზნეს ჯგუფისთვის, ეკონომიკურ ინტერესს არ წარმოადგენს (რამდენადაც მნიშვნელოვანი არ უნდა იყოს „იმედი“ ემოციურად პირადად ჩემთვის). პირიქით, ის ჩვენ დამატებით სირთულეებს გვიქმნის და აზიანებს ჩვენს მთავარ საქმიანობას – ინვესტიციების განხორციელებას საქართველოს ეკონომიკაში.
ჩემს პარტნიორებთან გრძელი და დაძაბული კონსულტაციების შემდეგ, გადავწყვიტეთ, რომ დღევანდელ სიტუაციაში, ყველაზე გონივრული გამოსავალი არის ჩვენი „იმედთან“ დამშვიდობება,“- წერს გამოსამშვიდობებელ წერილში ირაკლი რუხაძე.
მისივე თქმით, „იმედისთვის“ ახალი მფლობელის პოვნა ადვილი არ იყო.
„მფლობელის, რომელიც ერთი მხრივ ითავებდა „იმედის“ დაფინანსებას საბიუჯეტო დანაკლისის შემთხვევებში და ასევე დათანხმდებოდა, შეენარჩუნებინა არსებული მენეჯმენტის აქტიური როლი სარედაქციო პოლიტიკაში. საბოლოოდ არჩევანი შეჩერდა „პრაიმ მედია გლობალზე“. კომპანიაზე, რომელიც მრავალი წელია თანამშრომლობს „იმედთან“ რეკლამის გაყიდვაზე. ეს კომპანია შეიძენს „იმედის“ 50%-ს და 50% გადავა მაკა ლომიძისა და მისი 4 მოადგილის მფლობელობაში,“ – წერს ირაკლი რუხაძე.
ვინ არის „იმედის“ ახალი მფლობელი
შპს „პრაიმ მედია გლობალის“ 100%-იანი წილის მფლობელი ილია მიქელაიშვილი ასევე ფლობს წილებს ორ კომპანიაში – შპს „აი ტი თრეიდი“ და შპს „პირველი“.
განცხადებაში, რომელიც „იმედმა“ 6 თებერვალს, ილია მიქელაიშვილის სახელით გამოაქვეყნა, ახალი მფლობელი ამბობს:
„ჩვენ გვაქვს დიდი გეგმები, როგორც ტელეკომპანია „იმედთან“, ასევე მთლიანად ჰოლდინგთან მიმართებით. ვაპირებ სოლიდური ინვესტიციის განხორციელებას და არხის კიდევ უფრო გაძლიერებას.
მეორე მხრივ, სრული პასუხისმგებლობით ვაცხადებ, რომ დაცული იქნება არხის არსებული სარედაქციო პოლიტიკა და ჰოლდინგში მომუშავე თითოეული თანამშრომლის უფლებები,“ – წერს მიქელაიშვილი.
ილია მიქელაიშვილს 2025 წელს სურდა საქართველოს კომუნიკაციის ეროვნული კომისიის წევრობა, თუმცა ის კომისიის წევრად არ აირჩიეს.
ბიოგრაფიის მიხედვით, ილია მიქელაიშვილი 2019 წლის სექტემბრიდან 2021 წლის ჩათვლით იყო GWP-ს ოპერაციების დაგეგმარების სამსახურის უფროსი.
2015 წლის ნოემბრიდან 2021 წლამდე იყო თბილისის მერიის საბურთალოს რაიონის გამგეობის ინფრასტრუქტურული პროექტების მართვისა და პროექტირების განყოფილების უფროსი.
ილია მიქელაიშვილი ასევე ფიგურირებს 2025 წლის 5 სექტემბერს, თბილისის მერობის კანდიდატის, კახი კალაძის საარჩევნო შტაბის წინ გამართული საპროტესტო აქციისას მომხდარ ინციდენტში.
კერძოდ, ვიდეო კადრებშიჩანს ილია მიქელაიშვილი, რომელიც კალაძის საარჩევნო შტაბთან სიტყვიერად უპირისპირდება აქციის მონაწილეებს, აგრესიულად იწევს მათკენ და საპროტესტო აქციის მონაწილეებსა და „ქართული ოცნების“ მხარდამჭერებს შორის აღმართულ რკინის ჯებირს ფეხს ურტყამს.
„იმედის“ ისტორია
ტელეკომპანია „იმედი“ 2001 წელს დააარსა ბიზნესმენმა ბადრი პატარკაციშვილმა. „ერთიანი ნაციონალური მოძრაობის“ ხელისუფლებაში ყოფნის პირველ წლებში „იმედი“ იყო ხელისუფლებისადმი კრიტიკულად განწყობილი არხი.
2007 წლის 7 ნოემბერს, ანტისამთავრობო აქციების დარბევის პარალელურად, „იმედის“ ოფისში სპეცრაზმი შეიჭრა და არხი პირდაპირი ეთერიდან გათიშა.
ხელისუფლებამ არხი სახელმწიფო უსაფრთხოებისთვის საფრთხედ გამოაცხადა. „იმედის“ დამფუძნებელი ბადრი პატარკაციშვილი 2008 წელს გარდაიცვალა.
2008–2018 წლებში ტელეკომპანია „იმედს“ მფლობელი რამდენჯერმე შეეცვალა.
2012 წელს, ხელისუფლებაში „ქართული ოცნების“ მოსვლის შემდეგ არხი პატარკაციშვილების ოჯახს დაუბრუნდა, 2021 წელს კი კომპანიის წილი პატარკაციშვილის ქვრივმა ინნა გუდავაძემ გადაუფორმა კომპანიას, რომლის ერთ-ერთი მფლობელი ირაკლი რუხაძე იყო.
11 თებერვალს, ირანის ისლამური რევოლუციის გამარჯვების დღესთან დაკავშირებით, თბილისის ანძა ირანის დროშის ფერებში განათდა. ამასთან, ბიძინა ივანიშვილის სასტუმრო „პარაგრაფში“ გაიმართა ირანის ისლამური რესპუბლიკის ეროვნული დღისადმი (რევოლუციის წლისთავისადმი) მიძღვნილ მიღება, სადაც სიტყვით გამოვიდა „ქართული ოცნების“ საგარეო საქმეთა მინისტრის მოადგილე ლაშა დარსალია.
ფაქტს კრიტიკულად გამოეხმაურა ისრაელის საელჩო საქართველოში.
„მაშინ, როდესაც ირანის მკვლელი, ტერორის მხარდამჭერი რეჟიმი ათასობით ადამიანს ხოცავს თავისი ქალაქების ქუჩებში, ჩაგრავს საკუთარ მოქალაქეებს და აქტიურად არის ჩართული ტერორისტულ საქმიანობაში როგორც რეგიონში, ისე მთელ მსოფლიოში, თბილისში გადაწყვიტეს ამავე რეჟიმთან ერთად ირანში ისლამური რევოლუციის წლისთავი იზეიმონ მთაწმინდის ანძის ირანის დროშის ფერებში განათებით. რა გზავნილია ეს თბილისისგან რეგიონისთვის, მსოფლიოსა და ირანის იმ მოქალაქეებისთვის, რომლებიც ამდენი ხანია თავისუფლებისა და დემოკრატიისთვის იბრძვიან?“ – ეს ტექსტი ისრაელის საელჩოს გვერდზე გამოქვეყნდა, ფეისბუქზე.
რას ნიშნავს ანძის ირანის დროშის ფერებით განათება? – ამ თემაზე „ბათუმელები“ პოლიტიკის ანალიტიკოსს, კახა გოგოლაშვილს ესაუბრა.
ბატონო კახა, მართლაც, რა გზავნილია ეს, თუ ხედავთ ამაში საფრთხეებს?
პატარა ქვეყანას ვერ დაუშლი იმას, რომ ნებისმიერ სხვა ქვეყანასთან ეცადოს ურთიერთობების ნორმალიზებას და არგამწვავებას, მაგრამ საქართველო, როგორც ევროკავშირის კანდიდატი სახელმწიფო, მაინც და მაინც დიდ ხოტბას არ უნდა ასხამდეს ირანს და რაც არ უნდა მეზობელი იყოს, ის, რაც ჩაიდინა ირანის რეჟიმმა სულ ახლახან – რამდენიმე ათეული ათასი ადამიანი დახოცეს უბრალოდ ქუჩაში და კიდევ რამდენიმე ასეული დახვრიტეს ციხეებში, ამ ფონზე შეიძლებოდა, ირანის დროში ფერებში არ გაენათებინათ ანძა.
ერთი ფრაზითაც კი არ აღუნიშნავთ, რომ დავუშვათ ეწინააღმდეგებიან ან არ მოსწონთ ძალადობა, რომ მხარს უჭერენ დემოკრატიის განვითარებას და ასე შემდეგ. პრაქტიკულად ეს არის მთლიანად დაყვავების და სრული ჰარმონიის პოლიტიკა, რა თქმა უნდა.
ეს ხდება იმის ფონზე, როცა აშშ-ი და ირანი ლამის ომის ზღვარზე არიან. რამდენად სახიფათოა „ოცნების“ პოლიტიკური თამაშები ქვეყნის უსაფრთხოებისთვის, როგორ ფიქრობთ?
დასამალი არ არის, რომ საქართველოს დღევანდელი ხელისუფლება ავტორიტარულ ბანაკშია უფრო მეტად, ვიდრე დემოკრატიულ ბანაკში. თუმცა მაინც ვერ ვიტყვით, რომ ირანის ან რუსეთის პირდაპირი მოკავშირეა, აი, ამ, პრაქტიკულად მესამე მსოფლიო ომში, რომელიც უკვე მიმდინარეობს.
ბოლოს და ბოლოს არსებობს რამშტაინის ფორმატი, სადაც გაერთიანებული არიან სახელმწიფოები, რომლებიც მხარს უჭერენ უკრაინას. თუმცა, ასეთი ბრუტალური დამოკიდებულება დემოკრატიული ძალების ჩახშობა და საერთოდ არანაირი რეფორმის გატარების სურვილი, მისაღებია „ქართული ოცნებისთვის“ იმიტომ, რომ ირანის ფონზე მისი ავტორიტარული მისწრაფებები მათ ხელისუფლებას მეტად სიმპათიურად წარმოაჩენს ირანთან შედარებით.
რაც მეტად ბრუტალური იქნება ირანი და მეტად ცუდ რაღაცებს გააკეთებს, „ქართულ ოცნებას“ მეტი შესაძლებლობა ექნება ავტორიტარიზმისკენ კიდევ უფრო გადაიხაროს.
თუ აშშ-სა და ირანს შორის უფრო გამწვავდება სიტუაცია, „ოცნების“ პოლიტიკა ირანთან არ დააზარალებს ჩვენს ქვეყანას? რა ფორმით შეიძლება შეგვიქმნას ხიფათი?
ყველაფერი დამოკიდებულია იმაზე თუ როგორ განვითარდება ეს კონფლიქტი. ქვეყნის საფრთხეზე ესენი არ ფიქრობენ, იმაზე ფიქრობენ, თავად „ქართულ ოცნებას“ შეექმნება თუ არა რაიმე პრობლემა. ამის მიხედვით მოქმედებს „ქართული ოცნება“. ამ კონტექსტში კი მათ მორალური შეზღუდვები არ აქვთ.
პირველ რიგში ეს არის ყველაზე უფრო ნეგატიური ან მიუღებელი „ქართული ოცნების“ პოლიტიკაში, რომ მათ არ გააჩნიათ მკაფიო პოზიციონირება და ყველა სიტუაციაში ფიქრობენ საკუთარ გადარჩენაზე.
თუ, ვთქვათ, ომი დაიწყო ირანსა და ამერიკას შორის, მათ დაუყენებენ ძალიან კონკრეტულად საკითხს – ვის მხარეს ხარ? რა თქმა უნდა, ესენი ეტყვიან, რომ ვინც ძლიერი იქნება, იმის მხარეს იქნებიან. ჯერჯერობით ასე ჩანს, რომ ძლიერი მაინც ამერიკაა. ამიტომ იქნებიან ამერიკის მხარეს. მაგრამ ეს სულაც არ ნიშნავს, რომ ისინი მიატოვებენ თავიანთ ავტორიტარულ მისწრაფებებს და დემოკრატიას დაუყვებიან. ეტყვიან, რომ კი, საგარეო ასპარეზზე ვართ თქვენს მხარეს, მაგრამ ირანი მეზობელია და ამით ახსნიან თავიანთ ქმედებებს.
საკმაოდ ხისტი პოლიტიკა აქვს ტრამპს, ამიტომ რამდენად დამაჯერებელია „ქართული ოცნების“ გათვლები, ყველა რისკს დააზღვევენ?
„ქართული ოცნება”, ერთადერთი, რასაც თვლის კარგად, ეს არის რისკები საკუთარი ძალაუფლების შენარჩუნებისთვის, თორემ ამდენი ხანი ვერ შეინარჩუნებდნენ ხელისუფლებას. ისინი არ თვლიან რისკებს არც ქვეყნისთვის, არც ეკონომიკისთვის, არც მოქალაქის კეთილდღეობისთვის – ამაზე თავს არ იწუხებენ. ერთადერთი, რაზეც მუშაობენ 24 საათი, ეს არის იმ რისკების გათვლა, რაც მათ ერთპიროვნულ ძალაუფლებას არ შეუქმნის საფრთხეს.
რა თქმა უნდა, ისინი უყურებენ სიტუაციას, ამიტომ ხან ამერიკას ელაქუცებიან, ხან ირანს. ხან ამერიკელებს უგზავნიან მესიჯებს, რომ აი, თქვენი ვართ და თქვენთან ვართ და ახალი ფურცლიდან დავიწყოთ ყველაფერი, გავაკეთებთ რასაც გვეტყვით, ოღონდ შიდა საქმეებში არ ჩაერიოთ და ირანს ეუბნებიან, რომ „მეზობლები ვართ და არავითარ შემთხვევაში არ გიღალატებთ“.
ასეთი დამაჯერებლები არიან, რომ ორივე მხარის დარწმუნებას შეძლებენ?
ცხადია, ეს ვერცერთი მხარისთვის ვერ იქნება დამაჯერებელი, იმიტომ, რომ არც ამერიკაში და არც ირანში სულელი არავინაა. ძალიან კარგად ხვდებიან ყველაფერს. მაგრამ ამ ეტაპზე შეიძლება ორივეს აწყობდეს ეს მოცემულობა.
თუმცა, მოვა მომენტი, როცა ირანიც და აშშ-იც უფრო მეტს მოინდომებენ. მაგალითად, თუ ომი დაიწყო, ამერიკა მოინდომებს, ვთქვათ, საქართველოს პორტების და ინფრასტრუქტურის გამოყენებას ლოჯისტიკური მიზნებისთვის. ირანი, თავის მხრივ, რა თქმა უნდა, რაღაც ულტიმატუმებს გაუგზავნის „ოცნების“ მთავრობას, არ გაბედოთ ამერიკული სამხედრო ტვირთების გადმოზიდვა და ასე შემდეგ.
შესაძლოა სამხედრო ტვირთების გადაფრენა დასჭირდეთ და ამ შემთხვევაში ძალიან რთულ სიტუაციაში აღმოჩნდებიან.
ეს ალბათ მარტო „ქართული ოცნების“ გადასაწყვეტი აღარ იქნება, თუ „ოცნება“ ანგარიშს რუსეთს უწევს, რუსეთი ირანის პოზიციებს დაიჭერს და როგორ ფიქრობთ, მაშინ ვის გაუწევს ანგარიშს „ოცნება“ – რუსეთს თუ აშშ-ს?
ვინც უფრო ძლიერი იქნება, იმას გაუწევს ანგარიშს.
მაგრამ აქ ბევრი რამეა გასათვალისწინებელი. ჯერ ერთი რუსეთის ფაქტორი აქ არ არის მარტო “ქართული ოცნების” ძალაუფლების ფაქტორი. რუსეთი არის ასევე საფრთხე თავად ივანიშვილისთვის და მისი ასე ვთქვათ, კეთილდღეობისთვის. მათ ეშინიათ რუსეთის. ამიტომ არ ვიცით, რომელი მხარე გადაწონის. ჩვენ უბრალოდ ფაქტორები შეგვიძლია დავასახელოთ, რამაც შეიძლება გავლენა იქონიოს „ოცნების“ გადაწყვეტილებებზე.
ახლა „ოცნებას“ იმხელა ძალა არ აქვს, რომ მაგალითად თურქებივით უარი უთხრას აშშ-ს რაღაცაზე. მაშინ მკვეთრად უნდა გადაწყვიტოს, რომ რუსეთის მხარესაა და მთლიანად ბელარუსივით გახდეს. ვფიქრობ, ამას არ გააკეთებს, რადგან თუ ბელარუსივით გახდება, შეინარჩუნებს კი „ქართული ოცნება“ ძალაუფლებას? შეიძლება გიორგაძე ჩამოიყვანონ საერთოდ და „ოცნება“ მთლიანად ჩაანაცვლონ წმინდა რუსული მმართველობით.
ამიტომ ცდილობენ ბალანსს, ამ შემთხვევაში. ყველაფერი მაინც დამოკიდებული იქნება იმაზე, ვინ უფრო მეტი ძალისმიერი პოლიტიკით გამოვა და ამის წინასწარმეტყველება ცოტა რთულია.
როგორ ფიქრობთ, ამ ბალანსისთვის გაუშვეს მამუკა მდინარაძე აშშ-ში?
ჩემთვის რთულია ამის თქმა. შესაძლოა, უსაფრთხოების სხვა, ნებისმიერი საკითხები ყოფილიყო. ისიც არ ვიცი, გაუშვეს თუ დაუძახეს. ყველაზე დიდი მიზანი რაც ახლა აშშ-ს გააჩნია, ყველა მხრიდან ირანის ბლოკადაში მოქცევა. ამიტომ არ არის გამორიცხული, რომ დაუძახეს და ესაუბრეს, მაგალითად, ირანის თემაზე. ვთქვათ ირანის მოქალაქეების საქართველოში შემოსვლაზე, მათი დაზვერვის მოქმედებაზე და ასე შემდეგ.
ამ კონსულტაციისთვისაც შეიძლება დაებარებინათ და მოესმინათ განმარტებები, ხომ არ თანამშრომლობენ მაგალითად ირანის დაზვერვასთან და ხომ არ არის რაიმე ინფორმაციული გაცვლა-გამოცვლა სპეცსამსახურებს შორის.
შესაძლოა ეს ყოფილიყო მართლაც ლოჯისტიკური საკითხები, რომ კონტროლის რაღაც მექანიზმები შექმნან ირანთან მიმართებაში. თუმცა ეს ჩემი ვარაუდებია, რა თქმა უნდა.
რაც შეეხება თავად საქართველოს საკითხს დემოკრატიიდან გადახრას და ასე შემდეგ, არა მგონია ასეთი საკითხები უსაფრთხოების სამსახურის ხელმძღვანელთან განეხილათ.
რამდენად არსებობს იმის ალბათობა, რომ ამ ლავირებების ფონზე მათ მიაღწიონ აშშ-გან აღიარებას?
„ქართულ ოცნებას” ალბათ აქვს ეს გათვლაც, მაგრამ მთლიანად აღიარება ძალიან გაუჭირდებათ, იმიტომ რომ არსებობს კონგრესი, სადაც ძალიან უარყოფითი დამოკიდებულებებია „ოცნების“ მიმართ დემოკრატიულ უკუსვლასთან მიმართებაში.
შეიძლება ადმინისტრაცია იყოს კმაყოფილი და მადლიერი რაღაც საკითხებში და რაღაც გარკვეული კონტაქტებიც გაღრმავდეს საქართველო-აშშ-ს შორის, მაგრამ მთლიანობაში, რა თქმა უნდა, იქნება ეს მასშტაბური ფინანსური მხარდაჭერა თუ სხვა საკითხები, დასჭირდებათ კონგრესის თანხმობა, რაც ძნელი მოსაპოვებელი იქნება. განსაკუთრებით მას შემდეგ, რაც რამდენჯერმე უკვე ჰელსინკის კომისიაზე მოხდა ამ საკითხების განხილვა და მათ აქვთ სრული ინფორმაცია იმასთან დაკავშირებით, როგორ და რა დონეზე ირღვევა ადამიანის უფლებები საქართველოში, „ქართული ოცნების“ ხელისუფლების მიერ.
On February 12, the the Georgian Dream government approved student admission quotas for state universities.
The announcement regarding the quotas was made by Minister of Education, Givi Mikanadze.
According to him, quotas for state universities will be distributed on the principle of “one city, one faculty,” taking into account each university’s “traditional profile.”
At Tbilisi State University, admissions will be announced in fields such as: exact and natural sciences, humanities (excluding pedagogy), law, economics and business administration, and social and political sciences.
At the Georgian Technical University, admissions will be announced for engineering and technical disciplines.
At the Medical University, admissions will be for medical programs.
At Ilia State University, admissions will cover pedagogy programs and STEM fields with ABET accreditation.
At Sokhumi State University, admissions will be in agricultural fields, Georgian-Abkhaz language and literature, and pedagogy programs.
Art universities will admit students to their respective specialized programs.
Batumi Shota Rustaveli University and Kutaisi University will maintain a multi-disciplinary focus.
At the universities of Zugdidi, Gori, Akhaltsikhe, and Telavi, the focus will be on agricultural fields, tourism, and pedagogy.
Mikanadze stated that:
“this year, student enrollment in higher education institutions will be based on labor market demands.
However, to avoid sharply reducing admissions in certain programs, such as law, the number of students to be enrolled this year will be determined by an interim quota.
All universities will retain their unique educational programs. The only exception allowed at this stage is the full continuation of programs with international accreditation or joint/dual-degree programs.
Last year, 19,311 students were enrolled in state universities. This year, the intake is expected to increase by about 2,000 students, bringing the total to 21,300.
Additionally, around 10,000 students will be admitted to vocational programs, which will be provided free of charge.”
According to Mikanadze, the agricultural program will temporarily remain at the Georgian Technical University, and admissions will be announced under the Technical University’s name.
“In the coming days, a reorganization process will begin, under which, in a few months, the agricultural program will move under the jurisdiction of Sokhumi State University. Accordingly, students newly admitted to the agricultural faculty in the 2026–2027 academic year will begin their studies at Sokhumi State University.
Admission to the established quotas will be allowed as an exception in cases where two or more students score equally on the national exams and fall at the last place. It will also apply to individuals living in occupied territories who wish to study without taking the national exams,” Mikanadze said.
He added that over the past five years, an average of 3,598 students enrolled in law faculties across various universities, while only 2,047 completed their studies, whereas the labor market demand for lawyers is less than 700 per year. “As a result, the previous practice sacrificed 2,900 of the 3,600 law students, preventing them from ever finding employment as lawyers”.
“A similar situation exists in economics and social and political sciences. Specifically, in economics, the average annual enrollment is 1,053 students, with only 662 completing their studies, while labor market demand is 150 graduates.
In social and political sciences, the average annual enrollment is 4,916 students, with 2,591 completing their studies, while labor market demand is about 400 graduates.
By contrast, there is a significant shortage in engineering and technical fields, where over the past five years, an average of 2,225 students were admitted annually, but only 1,200 graduated, while labor market demand is 1,800 graduates.
It is also noted that as the economy grows, demand in engineering and technical fields will increase year by year.
Enrollment figures for medical and veterinary fields do not meet labor market demands,” Mikanadze said.
He emphasized that quotas for state universities will follow the “one city, one faculty” principle and consider each university’s traditional profile. However, at today’s briefing, Mikanadze did not specify the exact number of quotas allocated to each university.
Reducing student numbers in state universities is part of the reform of the Georgian Dream party. As early as November 2025, Kobakhidze stated that student numbers in Tbilisi should decrease to 60%.
“The remaining 40% should be redistributed to other cities. This is the main direction of the concept,” Kobakhidze said.
The education reform of the Georgian Dream party has been sharply criticized by professionals in the educational sector.
„2025 წელს ბათუმში ბინების საშუალო გასაყიდი ფასი წლიურად 17 %-ით გაიზარდა, რაც ძირითადად შედარებით მაღალფასიანი პროექტების გაზრდილი მიწოდებით აიხსნება,“ – ნათქვამია „თიბისი კაპიტალის“ მიერ გამოქვეყნებულ მიმოხილვაში – „საცხოვრებელი უძრავი ქონების ბაზარი საქართველოში“.
მიმოხილვის თანახმად, ბათუმში საცხოვრებელი უძრავი ქონების საშუალო ფასმა კვადრატულ მეტრზე 1 395 დოლარს მიაღწია.
შედარებისთვის, ამავე მიმოხილვის თანახმად, კვადრატულის საშუალო ფასი 2024 წელს 1 197 დოლარი იყო, 2023 წელს კი – 1 125 დოლარი.
„თიბისი კაპიტალის“ მიმოხილვის თანახმად, ბათუმის ცენტრში 1-საძინებლიანი ბინების ფასების და ამონაგების შედარება რეგიონის ისეთ საკურორტო ქალაქებთან, როგორიცაა, მაგალითად, ვარნა [ბულგარეთი] ან ანტალია [თურქეთი], აჩვენებს, რომ ბათუმს ახასიათებს ყველაზე დაბალი გასაყიდი ფასი და ამავდროულად ყველაზე მაღალი ამონაგები.
სქრინი „თიბისი კაპიტალის“ მიმოხილვიდან
„თიბისი კაპიტალის“ მიმოხილვის თანახმად, 2022 წელს მოთხოვნის მკვეთრი ზრდის შემდგომ, 2024-2025 წლებში საქართველოს საცხოვრებელი უძრავი ქონების ბაზარი სტაბილურ ფაზაში გადავიდა.
კერძოდ, 2024-2025 წლებში თბილისის საცხოვრებელი უძრავი ქონების ფასები დასტაბილურდა და საშუალო ფასმა კვადრატულ მეტრზე 1 312 დოლარს მიაღწია.
ამასთან, პრემიუმ სეგმენტში ფასები თბილისის საშუალო ფასებთან შედარებით ორჯერ მაღალია.
თბილისში გაყიდული ქონების 80% საცხოვრებელი მიზნით იყო, ხოლო ბათუმში გაყიდული ქონების 85 % გაიყიდა საინვესტიციო მიზნით.
რაც შეეხება 2026 წლის მოლოდინებს, თიბისი კაპიტალის პროგნოზის თანახმად, საცხოვრებელი უძრავი ქონების ბაზარი ნორმალიზების ფაზაში შედის. მიმოხილვაში აღნიშნულია, რომ ფასსა და გაყიდვებში სტაბილური ზრდა შენარჩუნდება, რაც იმას ნიშნავს, რომ გაყიდვები 4.5 %-ით გაიზრდება, ხოლო ფასი – 3.2 %-ით.
რაც შეეხება ბინის ქირას, მიმოხილვის თანახმად ის კორექტირებას განაგრძობს (საშუალოდ 2.1 %-ით დაიკლებს), ხოლო გაქირავებიდან მიღებული ამონაგები 8%-ის ფარგლებში დარჩება.
Amid ongoing international criticism of Iran’s human rights record, Georgian Dream attended a celebration of the anniversary of the Islamic Revolution in Tbilisi, with representatives from the Foreign Ministry speaking on behalf of the Georgian government and pledging to deepen cooperation with the Islamic Republic of Iran.
The reception was held at the Paragraph Hotel in Tbilisi, a property built by the family of Georgian Dream founder, oligarch, Bidzina Ivanishvili.
On February 11, marking the anniversary of the victory of Iran’s Islamic Revolution, the Tbilisi TV Tower was illuminated in the colors of the flag of the Islamic Republic of Iran.
The Tbilisi City Hall told Netgazeti that the tower was lit in the colors of the Iranian flag at the request of the Iranian Embassy, “in connection with Iran’s national holiday.”
“As you know, this practice has existed for years. When representatives of the diplomatic corps accredited in Georgia address us with such requests, we always illuminate the tower in the colors of the respective country’s flag. Accordingly, as in previous years, the tower was lit this year in the colors of the Iranian flag as well,” City Hall stated.
Iran’s Ambassador to Georgia, Seyed Ali Moujani, said that “this is a clear symbol of the reality that respect for today’s Iran is recognized at official and international levels, not in fake accounts on information networks.”
A reception dedicated to the National Day of the Islamic Republic of Iran (the anniversary of the Islamic Revolution) was held in Tbilisi at the Paragraph Hotel, built by the family of Bidzina Ivanishvili.
Georgian Dream’s Deputy Foreign Minister Lasha Darsalia attended the event and delivered remarks.
“I have the honor, on behalf of the government of Georgia, to congratulate the Islamic Republic of Iran on its National Day.
National Day holds special significance for every country, reflecting its historical path, development, and national identity.
The close relations between the people in the fields of economy, culture, education, science, and other areas that have developed over the years form the basis of cooperation between the two countries.
We appreciate Iran’s steadfast support for Georgia over the years. The Islamic Republic of Iran was one of the first countries to recognize Georgia’s independence, and for this reason, we are grateful to Iran.
The government of Georgia is ready to continue its cooperation with the Islamic Republic of Iran to advance a positive agenda in the region,” Darsalia said.
His speech and photos from the reception were shared by Iran’s Ambassador to Georgia, Ali Moujani.
marked Anzor Chubinidze, head of the Special State Protection Service of Georgia, at a reception dedicated to the National Day of the Islamic Republic of Iran (the anniversary of the Islamic Revolution) was held in Tbilisi at the Paragraph Hotel, built by the family of Bidzina Ivanishvili
The photos show that, in addition to Darsalia, Anzor Chubinidze — head of the Special State Protection Service of Georgia — was also present at the reception. Before joining the government, Chubinidze worked with Bidzina Ivanishvili and is considered in the media to be one of his trusted associates.
The reception was also attended by members of the diplomatic corps, including China’s Ambassador to Georgia, Zhou Qian.
Photos from the event also show Dmitri Lortkipanidze, head of Russia’s Primakov Foundation office in Georgia.
The illumination of the Tbilisi TV Tower in the colors of the flag of the Islamic Republic of Iran drew criticism, given that the Iranian regime recently carried out mass repression against its own citizens who participated in protest rallies.
“The Iranian flag is flying over Tbilisi. They are celebrating the 47th anniversary of the Ayatollahs’ revolution. Kakha Kaladze, what has happened to you? First it was ‘Berlusconi is such a great man.’ And now you are celebrating the holiday of the tormentors of the Iranian people — murderers and despots,” wrote former Tbilisi Mayor Gigi Ugulava on social media.
The Israeli Embassy in Georgia also responded to the decision to illuminate the Tbilisi TV Tower in the colors of the flag of the Islamic Republic of Iran:
“While Iran’s murderous, terror-supporting regime slaughters thousands in the streets of its cities, suppresses its own citizens, and is actively engaged in terror in the region and worldwide, in Tbilisi they choose to celebrate the anniversary of the Islamic Revolution in Iran with that very regime by lighting the Mtatsminda TV tower in the colors of its flag.
What message is Tbilisi sending to the region, the world, and to the citizens of Iran who have long been striving for freedom and democracy?”
Demonstrations and strikes by shop owners and market traders in Tehran began at the end of 2025 and turned into one of the largest protests in recent years. Security forces violently suppressed the protests and detained tens of thousands of people. According to the human rights organization HRANA, the confirmed total number of fatalities is up to 7,000, including 6,490 protesters.
„ამბასადორი აილენდ ბათუმის“ ერთ-ერთ სტრატეგიულ პრიორიტეტს დიდ ბრიტანეთში ძლიერი წარმომადგენლობის ჩამოყალიბება და კავშირების ქსელის გაფართოება წარმოადგენს. პროექტისადმი ინტერესი მნიშვნელოვნად იზრდება – კომპანიამ წარმატებით გახსნა წარმომადგენლობები GCC-ის ქვეყნებსა და აღმოსავლეთ ევროპაში, რამაც საერთაშორისო მასშტაბით პროექტის პოზიციონირება კიდევ უფრო გააძლიერა.
„ამბასადორი აილენდ ბათუმის“ ინიციატივით, ბათუმმა ბრიტანულ დელეგაციას უმასპინძლა. ბრიტანული გაყიდვების სააგენტოს წარმომადგენლების ვიზიტი მიზნად ისახავდა შავი ზღვის აუზში პირველი ხელოვნური კუნძულის პროექტის სამშენებლო დინამიკის შეფასებასა და მისი საინვესტიციო პოტენციალის სიღრმისეულ ანალიზს, რაც პროექტის ბრიტანულ ბაზარზე პოზიციონირებისთვის საჭირო, სტრატეგიული გეგმის ნაწილია.
„ჩვენი კომპანიის მთავარი სტრატეგიული მიზანი საერთაშორისო ბაზრებზე გაფართოებაა, რაზეც აქტიურად ვმუშაობთ. ამჯერად, „ამბასადორი აილენდ ბათუმის“ მთავარი ვექტორი დიდ ბრიტანეთში, ძლიერი წარმომადგენლობისა და მდგრადი კავშირების ქსელის ჩამოყალიბებისკენაა მიმართული. სწორედ ამ მიზანს ემსახურებოდა ბრიტანული დელეგაციის ვიზიტი. შეხვედრის მიმდინარეობისას განვიხილეთ „ამბასადორი აილენდ ბათუმის“ სამომავლო განვითარების პერსპექტივები, საერთაშორისო ბაზარზე მისი კონკურენტული უპირატესობები და ის მნიშვნელოვანი ფაქტორები, რომლებიც პროექტს ბრიტანული ბაზრისთვის მიმზიდველ საინვესტიციო შესაძლებლობად აქცევს,“- განაცხადა გოჩა კამკიამ.
ვიზიტის დღის წესრიგი მოიცავდა მრავალმხრივ შეხვედრას, სადაც აჭარის ტურიზმისა და კურორტების დეპარტამენტის, საქართველოს ბანკისა და Galt & Taggart-ის წარმომადგენლები მონაწილეობდნენ.
აჭარის ტურიზმისა და კურორტების დეპარტამენტის წარმომადგენელმა სტუმრებს ინფორმაცია მიაწოდა რეგიონის ტურისტული ინფრასტრუქტურის განვითარების ტრაექტორიასა და საერთაშორისო ბაზარზე არსებულ იმ ტენდენციებზე, რომლებიც ბათუმს გლობალურ საინვესტიციო რუკაზე სულ უფრო მიმზიდველ ლოკაციად აქცევს.
ქვეყნისა და რეგიონის განვითარების შესახებ გამართულ პანელურ დისკუსიაში მონაწილეობა მიიღეს საქართველოს ბანკისა და Galt & Taggart-ის წარმომადგენლებმა, რომლებმაც სტუმრებს გააცნეს ფუნდამენტური მაკროეკონომიკური მონაცემები და ქართული უძრავი ქონების ბაზრის კვლევის შედეგები, რაც ნათლად წარმოაჩენს საერთაშორისო კაპიტალის მზარდ ნაკადს ქვეყანაში. საქართველოს ბანკის კორპორაციული გაყიდვების სექტორის უფროსის ნინო ქემოკლიძის, თქმით, „ამბასადორი აილენდ ბათუმი“ რეგიონისთვის სტრატეგიულად მნიშვნელოვანი ინიციატივაა, სადაც ფინანსური ექსპერტიზა, ბაზრის ანალიზი და საერთაშორისო პარტნიორებთან თანამშრომლობა ერთიანდება.
„საქართველოს ბანკისთვის „ამბასადორი აილენდ ბათუმი“ წარმოადგენს უნიკალურ და სტრატეგიულად მნიშვნელოვან პროექტს. ეს არის შავი ზღვის აუზში პირველი ხელოვნური კუნძულის პროექტი, რომელიც აერთიანებს ინოვაციურ საინჟინრო გადაწყვეტებს, პრემიუმ კლასის ტურისტულ და საცხოვრებელ ინფრასტრუქტურას. მსგავსი მასშტაბისა და კონცეფციის პროექტები მნიშვნელოვნად ზრდის რეგიონის კონკურენტუნარიანობას საერთაშორისო საინვესტიციო რუკაზე.
საქართველოს ბანკისა და Galt & Taggart-ის ჩართულობა ასეთ პროექტებში გულისხმობს ფინანსური ექსპერტიზის, მაკროეკონომიკური ანალიზისა და ბაზრის სიღრმისეული კვლევების გაზიარებას საერთაშორისო პარტნიორებისთვის.
დღევანდელი დღე და ბრიტანული დელეგაციის მაღალი ინტერესი კიდევ ერთხელ ადასტურებს, რომ საქართველო აღიქმება, როგორც სანდო, გამჭვირვალე და პროგნოზირებადი ბაზარი, სადაც შესაძლებელია მასშტაბური და მაღალი ხარისხის ინვესტიციების განხორციელება“, – აღნიშნა საქართველოს ბანკის კორპორაციული გაყიდვების სექტორის უფროსმა ნინო ქემოკლიძემ.
11 თებერვალს, ვაშინგტონში, ჰელსინკის კომისიამბრიფინგი გამართა,რომელზეც გამომსვლელებმა საქართველოში ადამიანის უფლებების მდგომარეობის გაუარესების, „ოცნების“ ხელისუფლების მიერ განსხვავებული აზრის მქონე პირთა დასჯის და საქართველოს სამომავლო გზის შესახებ ისაუბრეს.
ბრიფინგზე ისაუბრა ჯორჯ მეისონის უნივერსიტეტის მკვლევარმა, ოლესია ვართანიანმა.
მან ვრცლად მიმოიხილა საქართველოში არსებული პოლიტიკური ვითარება და ხაზი გაუსვა აშშ-ის როლს, ქვეყანაში არსებული პოლიტიკური კრიზისის გადაჭრაში. ისე როგორც ეს მოხდა სამხრეთ კავკასიის ორი ქვეყნის, სომხეთისა და აზერბაიჯანის შემთხვევაში.
გთავაზობთ ოლესია ვართანიანის გამოსვლის ტექსტს სრულად:
“მე აქ წელიწადნახევრის წინაც ვიყავი. მაშინ განვიხილავდით გზებს, თუ როგორ შეეძლო შეერთებულ შტატებს სომხეთსა და აზერბაიჯანს შორის მშვიდობის მხარდაჭერა. მაშინ ბევრი სკეპტიკოსი ამბობდა, რომ აშშ ვერაფერს შეძლებდა: „კონფლიქტი ძალიან კომპლექსურია,“ ამტკიცებდნენ ისინი, „და ამერიკელებს რეგიონში პირდაპირი ინტერესი არ გააჩნიათ“. დღევანდელი გადმოსახედიდან კი, ღმერთო ჩემო, როგორ ცდებოდნენ ისინი.
დღეს შესაძლოა მსგავსი სკეპტიკური განცხადებები მოისმინოთ საქართველოსთან დაკავშირებითაც.
მე აქ ვარ იმისთვის, რომ დავასაბუთო აშშ-ის პროაქტიული ჩართულობის აუცილებლობა საქართველოს პოლიტიკური კრიზისის მოგვარების პროცესში და გაგიზიაროთ რამდენიმე ძირითადი ელემენტი, რომლებიც არსებითია დიპლომატიური ჩარევის დაგეგმვისას, როდესაც მიზანია ურთიერთობების გადატვირთვა.
საქართველო პატარა ქვეყანაა, მაგრამ მას ძალიან აქტიური საზოგადოება ჰყავს, რომელმაც მრავალ რთული ამბავი გადაიტანა – სამოქალაქო ომი, რუსეთის შემოჭრა, რევოლუცია და ეს მხოლოდ რამდენიმე მაგალითია. როგორი მძიმეც არ უნდა ყოფილიყო ეს პერიოდები, ქართული საზოგადოება ყოველთვის უფრო ძლიერი და გამძლე გამოვიდა მათგან, მზად საკუთარი დამოუკიდებლობის კონსოლიდაციისთვის, ქვეყნის და რეგიონის წინ წასაწევად.
ამასთანავე, მიმდინარე კრიზისი უნიკალური არ არის საქართველოს უახლეს ისტორიაში. ბოლო ათწლეულების განმავლობაში ყოფილა მომენტები, როდესაც პოლიტიკური ჩიხის დასაძლევად დიალოგი აუცილებელი იყო.
ზოგჯერ ეს ხდებოდა რიგგარეშე არჩევნების ან ქვეყნის შიგნით პოლიტიკურ ძალებს შორის პირდაპირი მოლაპარაკებების გზით.
სხვა შემთხვევებში საჭირო იყო უცხოელი შუამავლები – როგორც ეს ვიხილეთ ევროკავშირის ჩართულობისას წინა საპარლამენტო საარჩევნო კრიზისის შემდეგ.
ეს გამოცდილება მნიშვნელოვან გაკვეთილებს გვაძლევს.
და ერთ-ერთი მთავარი გაკვეთილი ასეთია:
ვერცერთი პროცესი ვერ იქნება წარმატებული, თუ არ იარსებებს ხელისუფლებაზე თანაბარი წვდომის რეალური პერსპექტივა ყველა პოლიტიკური ჯგუფისთვის.
პოლიტიკოსებს, სამოქალაქო საზოგადოების წარმომადგენლებს და სხვებს შეუძლიათ უსასრულო საათები გაატარონ საარჩევნო კანონმდებლობის ცვლილებებზე კამათში – ბარიერის დაწევაზე, პროცედურების რეფორმაზე, ტექნიკური დეტალების კორექტირებაზე.
მაგრამ ამას მნიშვნელობა არ აქვს, თუ მმართველი ხელმძღვანელობა არ ავლენს ძალაუფლების გაზიარების სურვილს – ან თუნდაც მზადყოფნას გადადგეს, თუ არჩევნებში დამარცხდება.
აზრი არ აქვს პოლიტიკურ პროცესში შესვლას, თუ არ არსებობს ძალაუფლების მშვიდობიანი გზით შეცვლის სანდო შესაძლებლობა. ეს მართალია როგორც საქართველოსთვის, ისე მრავალი სხვა ქვეყნისთვის. „ქართული ოცნების“ წევრებმა უნდა გააცნობიერონ, რომ მათ წინაშე არასტაბილურობა გაგრძელდება, თუ ისინი არ გამოავლენენ მზადყოფნას სამართლიანი პოლიტიკური პროცესისთვის, რომელშიც მათ, ფაქტობრივად, შეიძლება წააგონ კიდეც.
და აქ მივდივარ საქართველოს უახლესი წარსულიდან მიღებულ კიდევ ერთ გაკვეთილამდე:
ვერცერთი პროცესი ვერ იქნება წარმატებული ძლიერი საგარეო გარანტორის გარეშე.
რამდენიმე წლის წინ ეს როლი ევროკავშირმა შეასრულა, რომელმაც საქართველოს ევროკავშირში ინტეგრაციის პერსპექტივა პირობითობის მექანიზმის ნაწილად გამოიყენა. დღეს კი გვყავს „ქართული ოცნების“ ხელმძღვანელობა, რომელმაც ღიად განაცხადა, რომ უახლოეს პერიოდში ამ გზას არ გააგრძელებს.
შეერთებული შტატები ამ ვითარებაში მნიშვნელოვან როლს შეიძლება ასრულებდეს.
ბიძინა ივანიშვილთან დაკავშირებული სანქციები ერთ-ერთი პოტენციური ბერკეტია პროცესის წინ წასაწევად.
ეს სანქციები უკვე მოქმედებს და აშკარად ახდენს გავლენას „ქართული ოცნების“ დამფუძნებელზე. ისინი სტრატეგიულად უნდა იქნას გამოყენებული – საქართველოში რეალური პოლიტიკური პროცესის ხელშესაწყობად.
სანქციების შესახებ ნებისმიერი საბაზისო სახელმძღვანელო გეტყვით, რომ ისინი ყველაზე ეფექტიანია მაშინ, როდესაც დიპლომატიით არის გამყარებული.
დიპლომატიური გაგრძელების გარეშე, სანქციებმა შეიძლება უკუშედეგი გამოიწვიოს – მათი სამიზნეების კუთხეში მომწყვდევა, რაც მათ უბიძგებს საპასუხო დარტყმა მიაყენონ ყველაზე დაუცველებს: ოპოზიციურ აქტივისტებს, სამოქალაქო საზოგადოების წარმომადგენლებს, ჟურნალისტებს და სხვებს.
გარე გარანტორის ჩართულობა განსაკუთრებით მნიშვნელოვანია დღევანდელ ქართულ რეალობაში, სადაც პოლიტიკურ აქტორებს ერთმანეთთან ხელის ჩამორთმევაც კი ძნელად წარმოუდგენიათ.
და აქ მივდივარ ქართული კრიზისის მოგვარების მესამე მთავარ ელემენტამდე: ვერცერთი პროცესი ვერ იქნება წარმატებული, თუ ნდობის საკითხი არ იქნება მოგვარებული.
ოლესია ვართანიანი ჰელსინკის კომისიის ბრიფინგზე, ვაშინგტონი, 11 თებერვალი
ბოლო ორი წელი ქართველებისთვის უკიდურესად რთული იყო. მიიღეს ძალიან ბევრი წინააღმდეგობრივი კანონები. ათეულობით ადამიანი ციხეში აღმოჩნდა; ბევრი მათგანი კვლავ იქ რჩება. ბევრმა დაკარგა სამსახური და კარიერა ქართულ საჯარო სამსახურში. ბევრი ქვეყნიდან წავიდა. კვლავ ვიგებ ახალ-ახალ ნიჭიერ ადამიანებზე, რომლებიც სამშობლოს ტოვებენ, რადგან იქ მომავალს ვერ ხედავენ ან რეალურად ემუქრებათ პატიმრობა.
საქართველო პატარა ქვეყანაა, სადაც თითქმის ყველა ან ნათესავია, ან კლასელი, ან მეგობრის მეგობარი. როდესაც ისეთი რეპრესიები ხდება, როგორსაც ახლა ვხედავთ, ეს მთელ საზოგადოებას ეხება – მიუხედავად იმისა, ვის რა პოლიტიკური შეხედულება აქვს.
ნდობის პრობლემა უნდა მოგვარდეს საჯარო გამოძიებებით, ამნისტიებით და სხვა ფრთხილად დაგეგმილი გარდამავალი მექანიზმებით. მიზანმიმართული ნდობის აღდგენის ძალისხმევის გარეშე, ვერცერთი პოლიტიკური პროცესი ვერ იქნება მდგრადი.
ყოველივე ამის ჩამოთვლის შემდეგ შეიძლება ითქვას: ეს ძალიან კომპლექსურია იმისთვის, რომ აშშ ჩაერთოს. მე ვიტყოდი, რომ მოქმედ ადმინისტრაციას დიდი არჩევანი არ აქვს. დიახ, მას ბევრი საკითხი აქვს გადასაჭრელი – უკრაინის ომი, ახლო აღმოსავლეთის კრიზისები, მოახლოებული შუალედური არჩევნები. ეს გვესმის.
მაგრამ პოლიტიკური მოგვარების პროცესში მნიშვნელოვანი წვლილის გარეშე, აშშ-სა და საქართველოს ურთიერთობების გადატვირთვა მდგრადი ვერ იქნება. თუ ამ კრიზისის ფესვები არ აღმოიფხვრება, საქართველო კვლავ ერთი პოლიტიკური კრიზისიდან მეორეში გადაინაცვლებს, უფრო სუსტდება და უფრო დაუცველი ხდება გარე ზეწოლისა და დამოკიდებულების მიმართ. არ ვარ დარწმუნებული, რომ ასეთი საქართველო ვინმეს ინტერესშია – არც რეგიონში და არც აქ, ვაშინგტონში,“ – თქვა ოლესია ვართანიანმა.
ოლესია ვართანიანთან ერთად ჰელსინკის კომისიის ბრიფინგსესწრებოდნენ და სიტყვით გამოვიდნენ საერთაშორისო საკონსულტაციო ფირმის McLarty Associates უფროსი მმართველი დირექტორი კლერ კაისერი და მაკკეინის ინსტიტუტის გლობალური დემოკრატიის პროგრამების დირექტორი ლორა თორნტონი.
ილიაუნის სტუდენტური მოძრაობა დღეს, 12 თებერვალს, აქციას აანონსებს, ილიას უნივერსიტეტის „ა“ კორპუსთან, 19 საათზე.
„ქართულმა ოცნებამ” განაცხადა, თუ რას უპირებს სახელმწიფო უნივერსიტეტებს და ამ ჩამონათვალში შეიტანა ილიაუნიც. ზემოხსენებული დეკუმენტის მიხედვით ილიაუნს მხოლოდ პედაგოგიკის მიმართულებები რჩება, რაც ამ მრავალმხრივ წამყვანი უნივერსიტეტისთვის დანგრევის ტოლფასია.
ჩვენ უახლოეს წარსულშიც ვნახეთ, რომ ერთიან აკადემიურ წინააღმდეგობას ნამდვილად აქვს აზრი. სწორედ ამიტომ მოვუწოდებთ ჩვენს ლექტორებს, ადმინისტრაციულ პერსონალსა და სტუდენტებს, ერთად შევეწინააღმდეგოთ ამ დამანგრეველ ცვლილებებს.
არ გვაქვს უფლება დავთმოთ მრავალწლიან ისტორია, ღირებულებები და ხანგრძლივი შრომით მოპოვებული წარმატებები.
შემოგვიერთდით, ერთად დავიცვათ განათლება!“ – ვკითხულობთ განცხადებაში.
„ქართულმა ოცნებამ” დღეს, 12 თებერვალს, გამოაქვეყნა მონაცემები იმის შესახებ, რომელ სახელმწიფო უნივერსიტეტს რომელ მიმართულებებზე ექნება სტუდენტების მიღების შესაძლებლობა.
„ოცნების” გადაწყვეტილებით, ილიას სახელმწიფო უნივერსიტეტს სტუდენტების მიღება შეეძლება მხოლოდ პედაგოგიკის პროგრამებსა და ABET აკრედიტაციის მქონე STEM სპეციალობებზე.
„უმაღლესი განათლების დანგრევას, საერთაშორისო რეიტინგებით ყველაზე წარმატებული დარგების მოსპობას, ცოდნის ეკონომიკის ნაცვლად ბიზნესის მომარაგებას იაფფასიანი მომსახურე პერსონალით და გამოთავისუფლებული შენობების გაყიდვას არ დასჭირდა განათლების ექსპერტების ჩართვა პროცესში, ისე მოაგვარეს.
გადაწყვეტილების მიმღებებს აუცილებლად მოგიწევთ პასუხის გაცემა საუნივერსიტეტო საზოგადოებისთვის – არა მხოლოდ ახლა! p.s. საბჭოები ახლა იკრიბებიან”, – ასე გამოეხმაურა ილიას უნივერსიტეტის რექტორი, ნინო დობორჯგინიძე „ოცნების“ გადაწყვეტილებას.
ბათუმის მერიის ინფორმაციით, 13 თებერვლის 00:00 საათიდან 14 თებერვლის 00:00 საათამდე სატრანსპორტო მოძრაობა შეიზღუდება ნადიმ ნიჟარაძის ქუჩაზე, ავტობანის ხიდიდან მაიაკოვსკის ქუჩამდე მონაკვეთში.
მერიის ცნობით, შეზღუდვის მიზეზი გზის სარეაბილიტაციო სამუშაოებია, რაც ითვალისწინებს გზის სავალი ნაწილის განახლებას.
მერია ბათუმელებს აფრთხილებს, რომ შეზღუდვის პერიოდში №2 და №2ა მუნიციპალური ავტობუსები თაბუკაშვილისა და ნიჟარაძის ქუჩების კვეთაში დაასრულებს მოძრაობას.
დღეს, 12 თებერვალს, „ქართული ოცნების“ მთავრობამ სახელმწიფო უნივერსიტეტებში სტუდენტების მიღების კვოტა დაამტკიცა.
კვოტებთან დაკავშირებით განცხადება „ქართული ოცნების“ განათლების მინისტრმა გივი მიქანაძემ გააკეთა.
მისი თქმით, სახელმწიფო უნივერსიტეტებზე მისაღები კვოტები განაწილდება „ერთი ქალაქი, ერთი ფაკულტეტის“ საფუძველზე, უნივერსიტეტების „ტრადიციული პროფილის“ გათვალისწინებით.
თსუ-ში მიღება გამოცხადდება ისეთ მიმართულებებზე როგორიცაა: ზუსტი და საბუნებისმეტყველო მეცნიერებები, ჰუმანიტარული მეცნიერები პედაგოგიკის გამოკლებით, სამართალი, ეკონომიკა და ბიზნესის ადმინისტრირება, სოციალური და პოლიტიკური მეცნიერებები;
საქართველოს ტექნიკურ უნივერსიტეტში მიღება გამოცხადდება საინჟნრო ტექნიკურ დისპიცლინებზე;
სამედიცინო უნივერსიტეტში მიღება გამოცხადება მედიცინის სპეციალობებზე;
ილიას სახელმწიფო უნივერსიტეტში – პედაგოგიკის პროგრამებსა და აბეტ აკრედიტაციის მქონე სტემ სპეციალობებზე;
სოხუმის უნივერსიტეტში – აგრარულ სპეციალობებზე, ქართულ-აფხაზურ ენასა და ლიტერატურაზე, პედაგოგიკის სპეციალობებზე;
სახელოვნებო უნივერსიტეტები სტუდებტებს მიიღებენ შესაბამის სპეციალობებზე;
ბსუ და ქუთაისის უნივერსიტეტები შეინარჩუნებენ მრავალფუნქციურ დატვირთვას;
ზუგდიდის, გორის, ახალციხისა და თელავის უნივერსიტეტებში აქცენტი გაკეთდება აგრარულ სპეციალობებზე, ტურიზმის მიმართულებასა და პედაგოგიკაზე.
მიქანაძის თქმით, „წელს უმაღლეს საგანმანათლებლო დაწესებულებებში სტუდენტების ჩარიცხვა შრომის ბაზრის მოთხოვნებს დაეფუძნება.
ამასთან, მკვეთრად რომ არ შემცირდეს სტუდენტების მიღება სხვადასხვა სპეციალობაზე კონკრეტულ შემთხვევებში, მაგალითად, სამართალზე, წელს ჩასარიცხი სტუდენტების რაოდენობა შუალედური კონტინგენტით განისაზღვრება.
ყველა უნივერსიტეტს უნარჩუნდება თავისი უნიკალური საგანმანათლებლო პროგრამა, ერთადერთი გამონაკლისი, რომელიც ამ ეტაპზე იქნა დაშვებული, არის საერთაშორისო აკრედიტაციის, ერთობლივი ან ორმაგი ხარისხის პროგრამების სრულად შენარჩუნება.
შარშან სახელმწიფო უნივერსიტეტებში 19 311 სტუდენტი ჩაირიცხა, წელს სახელმწიფო უნივერსიტეტებში მისაღები კონტინგენტი დაახლოებით 2000 სტუდენტით გაიზრდება და 21 300-ით განისაზღვრება.
ამას დაემატება პროფესიულ პროგრამებზე მისაღები დაახლოებით 10 000 სტუდენტი, რომლებიც განათლებას უფასოდ მიიღებენ“.
გივი მიქანაძის თქმით, აგრარული მიმართულება დროებით რჩება საქართველოს ტექნიკურ უნივერსიტეტში, შესაბამისად, მიღება გამოცხადდება ტექნიკური უნივერსიტეტის სახელით.
„უახლოეს დღეებში დაიწყება რეორგანიზაციის პროცესი, რომლის საფუძველზეც, რამდენიმე თვეში, აგრარული მიმართულება გადაინაცვლებს სოხუმის სახელმწიფო უნივერსიტეტის დაქვემდებარებაში. შესაბამისად, 2026-2027 სასწავლო წელს ახლად მიღებული სტუდენტები აგრარულ ფაკულტეტზე სწავლას სოხუმის სახელმწიფო უნივერსიტეტში დაიწყებენ.
დადგენილ კვოტებზე სტუდენტის მიღება შესაძლებელი იქნება გამონაკლისის სახით იმ შემთხვევაში, თუ ეროვნულ გამოცდებზე ბოლო ადგილზე მოხვდა თანაბარი ქულების მქონე ორი ან მეტი სტუდენტი. ან თუ ოკუპირებულ ტერიტორიებზე მცხოვრები პირები განაცხადებენ სწავლის სურვილს ეროვნული გამოცდების ჩაბარების გარეშე“ – თქვა მიქანაძემ.
მისივე განცხადებით, გასული 5 წლის განმავლობაში სხვადასხვა უნივერსიტეტში იურიდიულ ფაკულტეტებზე საშუალოდ 3 598 სტუდენტი აბარებდა, ხოლო სწავლას საშუალოდ 2 047 სტუდენტი ამთავრებდა, იურისტებზე საშუალო წლიური მოთხოვნა კი 700-ზე ნაკლებია. „შესაბამისად, არასწორი პრაქტიკა იურიდიულ ფაკულტეტებზე ჩარიცხულ 3 600-დან 2 900 სტუდენტს იმისთვის სწირავდა, რომ ისინი მომავალში იურისტად ვერასოდეს დასაქმდებოდნენ.
მისივე თქმით, ანალოგიური ვითარებაა, მაგალითად, ეკონომიკისა და სოციალური და პოლიტიკური მეცნიერებების შემთხვევაში. კერძოდ: ეკონომიკის შემთხვევაში, ჩარიცხვის საშუალო მაჩვენებელი 1 053 სტუდენტია, სწავლას საშუალოდ 662 სტუდენტი ამთავრებს, ხოლო შრომის ბაზრის მოთხოვნა 150-ს შეადგენს.
„სოციალური და პოლიტიკური მეცნიერებების მიმართულებით ჩარიცხვის საშუალო წლიური მაჩვენებელი 4 916 სტუდენტია, აქედან სწავლას 2 591 სტუდენტი ამთავრებს, ხოლო შრომის ბაზრის მოთხოვნა დაახლოებით 400 კურსდამთავრებულზეა.
ამის საპირისპიროდ, მკვეთრი დეფიციტი აღინიშნება საინჟინრო-ტექნიკური მიმართულებით, სადაც გასული 5 წლის განმავლობაში უნივერსიტეტებში წელიწადში საშუალოდ 2 225 სტუდენტი ჩაირიცხა, ხოლო სწავლა 1 200-მა დაასრულა, როდესაც შრომის ბაზრის მოთხოვნა 1 800 კურსდამთავრებულზეა.
მხედველობაშია მისაღები ის გარემოებაც, რომ ეკონომიკის ზრდასთან ერთად, მოთხოვნა საინჟინრო-ტექნიკური მიმართულებით წლიდან წლამდე გაიზრდება.
შრომის ბაზრის მოთხოვნებს ვერ პასუხობს სტუდენტების ჩარიცხვის მაჩვენებელი საექთნო და სამეანო საქმის სპეციალობაზე“ – ამბობს მიქანაძე.
მისი თქმით, სახელმწიფო უნივერსიტეტებზე მისაღები კვოტები განაწილდება „ერთი ქალაქი, ერთი ფაკულტეტის“ საფუძველზე, უნივერსიტეტების „ტრადიციული პროფილის“ გათვალისწინებით. თუმცა დღეს გამართულ ბრიფინგზე მიქანაძემ მაინც არ დაასახელა, თუ რომელი უნივერსიტეტისთვის რამდენი კვოტა განისაზღვრა სტუდენტების მისაღებად.
სახელმწიფო უნივერსიტეტებში სტუდენტების რაოდენობის შემცირება „ქართული ოცნების“ ე.წ რეფორმის ნაწილია. კობახიძემ ჯერ კიდევ 2025 წლის ნოემბერში განაცხადა, რომ თბილისში სტუდენტების რაოდენობა 60%-ზე უნდა ჩამოსულიყო.
„დანარჩენი 40% უნდა გადანაწილდეს სხვა ქალაქებზე. ეს არის კონცეფციის მთავარი მიმართულება“- ამბობდა კობახიძე.
„ოცნების“ განათლების რეფორმას მწვავედ აკრიტიკებენ საგანმანათლებლო სფეროში დასაქმებულები.
„ოცნების“ მთავრობამ გამოსცა განკარგულება, რომლის თანახმადაც „ოცნების ქალაქში“ მშენებლობისთვის შპს „ანაგი“ ქვიშა-ხრეშს ულიცენზიოდ მოიპოვებს.
„ანაგის“ სასარგებლო წიაღისეულის მოპოვების ლიცენზიისაგან გათავისუფლების თაობაზე განკარგულებას ირაკლი კობახიძემ ხელი 2026 წლის 6 თებერვალს მოაწერა.
ამ განკარგულებით „ანაგი“ სამი თვის ვადით გათავისუფლდა სასარგებლო წიაღისეულის მოპოვების ლიცენზიისაგან და მიეცა უფლება, მოიპოვოს 13 567 კუბური მეტრი ქვიშა-ხრეში ქედის მუნიციპალიტეტში, დაბა ქედის ადმინისტრაციული ერთეულის ტერიტორიაზე.
ქვიშა-ხრეშის მოპოვების ადგილი [9 045 კვადრატული მეტრი ფართობის ტერიტორია] მდინარე აჭარისწყლის კალაპოტში, სოფელ არსენაულთან მდებარეობს.
ამონარიდი მთავრობის განკარგულებიდან
ამავე განკარგულებით „ანაგი“ ვალდებულია მოპოვებული სასარგებლო წიაღისეული გამოიყენოს მხოლოდ „ოცნების ქალაქის“ მშენებლობისთვის. ამასთან, სასარგებლო წიაღისეულის მოპოვების ლიცენზიისაგან გათავისუფლებისათვის, ამ განკარგულების ძალაში შესვლიდან ერთი თვის ვადაში საქართველოს სახელმწიფო ბიუჯეტში უზრუნველყოს 17 696 ლარის გადახდა.
„ოცნების ქალაქში“ „მეორე ფაზის“ მშენებლობაზე აჭარის ფინანსთა და ეკონომიკის სამინისტროს ტენდერი 110 057 000 ლარით ჰქონდა გამოცხადებული. ტენდერში ორი კომპანია მონაწილეობდა. გამარჯვებულად გამოავლინეს „ანაგი“, რომელთანაც ხელშეკრულება 129 346 880 ლარზე გააფორმეს დღგ-ს გათვალისწინებით [ხოლო 109 616 000 ლარი დღგს გარეშე].
ტენდერის ფარგლებში „ანაგმა“ 9 კორპუსი უნდა ააშენოს არაუგვიანეს 2028 წლის 5 თებერვლის ჩათვლით პერიოდში.
მშენებლობა „ოცნების ქალაქში“ / 12.02.2026
შესყიდვების პორტალის მიხედვით ბიუჯეტიდან „ანაგზე“, 2026 წლის 12 თებერვლის მდგომარეობით, უკვე გადარიცხულია 45 940 752 ლარი.
„ოცნების ქალაქში“ მეორე ეტაპის სამუშაოების დაწყება 2025 წლის 8 თებერვალს „სიმბოლური კაფსულის ჩაგდების ღონისძიებით“ აღნიშნეს, რომელსაც „ოცნების“ პრემიერი ირაკლი კობახიძეც დაესწრო. ამ ღონისძიებისთვის მაშინ ბიუჯეტიდან 209 ათასი ლარი დაიხარჯა.
ამ ღონისძიების ჩატარებიდან რამდენიმე დღეში კი „ოცნების ქალაქში“ ტრაგედია დატრიალდა – 2025 წლის 15 თებერვალს, 4 და 6 წლის ბავშვები წყლით სავსე თხრილში ჩაცვივდნენ და დაიღუპნენ.
„ოცნების“ პრემიერი, ირაკლი კობახიხე ირწმუნება, რომ „იგლ ჰილსმა“ წინასწარი გაყიდვები დაიწყო კრწანისის პროექტში და უკვე 267 ბინა გაყიდა.
„გაიყიდა 257 ბინა, საიდანაც 147 ბინა იყიდეს ქართველებმა და 110 ბინა იყიდეს უცხოელებმა“ – განაცხადა ირაკლი კობახიძემ დღეს, 12 თებერვალს მთავრობის სხდომაზე.
კობახიძის თქმით, 1 კვ.მეტრის ფასი 1650 დოლარი იყო.
კობახიძემ ხაზგასმით აღნიშნა ისიც, რომ არაბული ქვეყნებისმოქალაქეებმა მხოლოდ რვა ბინა შეიძინეს:
„ყველაზე მასშტაბური ინვესტიციაა „იგლ ჰილსის“ ინვესტიცია, ბინების წინასწარი გაყიდვები დაიწყო კრწანისში. თქვენ იცით, რომ ოპოზიციას დაანონსებული ჰქონდა 15 000 -დოლარიანი ფასი, მათ იცოდნენ ინვესტორზე უკეთ რა ფასით გაიყიდებოდა ბინები და სახლები კრწანისის ტერიტორიაზე, თუმცა ოპოზიციის ანონსის საწინააღმდეგოდ საწყისი ფასი გარემონტებულ ბინებზე იყო 1650 დოლარი, დაახლოებით ათჯერ ასცდნენ იმ რეალობას, რომელიც სინამდვილეში იყო დაგეგმილი, შესაბამისად ეს ბინები საშუალო ქართველი მყიდველისთვისაც იყო ხელმისაწვდომი – ჩვენ მოგვაწოდეს სტატისტიკური ინფორმაცია.
გახსოვთ რამხელა კამპანია იყო აგებული ამ თემასთან დაკავშირებით. ცნობილი არაბიზაციის ტერმინი შემოიტანეს და ასე შემდეგ. აცხადებდნენ, რომ პრაქტიკულად ქართველები ვერ იყიდდნენ ბინებს და მთლიანად გაიყიდებოდა არაბებზე, სტიგმატიზაციის მცდელობა ჰქონდათ.
არაბეთის მოქალაქეებმა მხოლოდ რვა ბინა შეიძინეს.
გაიყიდა 257 ბინა, საიდანაც 147 ბინა იყიდეს ქართველებმა და 110 ბინა იყიდეს უცხოელებმა. რომ არა ის ისტერიული კამპანია, რომელსაც ოპოზიციონერები აწარმოებენ, დარწმუნებული ვარ ქართველების წილი უფრო მაღალი იქნებოდა, დარწმუნებული ვარ მომავალში ეს წილი გაიზრდება. დავაკვირდებით მოვლენების განვითარებას“ – თქვა კობახიძემ.
ხელისუფლების ვერსიით, არაბულმა კომპანია Eagle Hills-მა საქართველოში [თბილისსა და ბათუმში] 6,6 მილიარდი აშშ დოლარის დეველოპერული პროექტები უნდა განახორციელოს. Eagle Hills-თან გაფორმებულ საინვესტიციო ხელშეკრულებას კი, კომერციული საიდუმლოს სტატუსი აქვს მინიჭებული.
რეესტრის მონაცემების მიხედვით, კომპანია „იგლ ჰილს საქართველოს“ სამეთვალყურეო საბჭოს წევრებად ფიქსირდებიან საქართველოს ეკონომიკის მინისტრის მოადგილე, ირაკლი ნადარეიშვილი და თორნიკე ზირაქიშვილი – სსიპ „აწარმოე საქართველოს“ დირექტორის მოადგილე.
„Eagle Hills-თან“ თანამშრომლობის ფარგლებში აჭარის მთავრობამ სახელმწიფოს უსასყიდლოდ გადასცა გონიოსთან, ზღვისპირას მდებარე ჯამში 2,57 მილიონი კვადრატული მეტრი მიწის ნაკვეთები, მათ შორის ყოფილი სამხედრო პოლიგონის ტერიტორიაც.
სურსათის ეროვნული სააგენტოს ინფორმაციით, აჭარაში სხვადასხვა პროფილის 7 არარეგისტრირებული ობიექტი გამოვლინდა, რომლებიც სააგენტოსაგან მინიჭებული აღიარებისა და ეკონომიკურ საქმიანობათა რეესტრში რეგისტრაციის გარეშე საქმიანობდნენ.
„ფიზიკური პირი ფ. ტ. (ხელვაჩაური, სოფელი მახო ) – ფრინველთა სასაკლაოზე გამოვლინდა კრიტიკული შეუსაბამობები, ფრინველი იკვლებოდა ვეტერინარული ზედამხედველობის გარეშე, დაილუქა საეჭვო წარმომავლობის ფრინველის ხორცი;
ფიზიკური პირი დ. ა. (ხელვაჩაური, ფანასკერტელ-ციციშვილის N 29 ) – ფრინველთა სასაკლაოში გამოვლინდა კრიტიკული შეუსაბამობები;
ფიზიკური პირი დ. მ. (ბათუმი, დაუდ ასამბაძის 3 ა) – ცხოველთა სასაკლაოზე გამოვლინდა კრიტიკული შეუსაბამობები, აგრეთვე ხორცი ჯანმრთელობის
ნიშანდების გარეშე, რომელიც დაილუქა;
შპს „ბაკური“ (ბათუმი სევერიან აჭარელის ქ.N 4-აგრარული ბაზარი) – ქათმის სარეალიზაციო სივრცეში გამოვლინდა კრიტიკული შეუსაბამობები; ბიზნესოპერატორი, სანიტარიულ-ჰიგიენური ნორმების სრული დარღვევით, დაკვლის ადგილზევე უწევდა რეალიზაციას ფრინველის ხორცს;
ფიზიკური პირი ნ. ს. (ქობულეთი თავისუფლების ქ. N 17 ) – ობიექტზე გამოვლინდა კრიტიკული შეუსაბამობები, დაილუქა საეჭვო წარმომავლობის ხორცი ჯანმრთელობის ნიშანდების გარეშე.
ინდმეწარმე ი. კ. – (ქობულეთი რუსთაველის ქ. 168) – საქმიანობდა ეკონომიკური საქმიანობის რეგისტრაციისა და აღიარების გარეშე, ხორცპროდუქტების საწარმოში გამოვლინდა კრიტიკული შეუსაბამობები.
ფიზიკური პირი მ. გ.- (ბათუმში, ბარცხანის დასახლება, ცაბაძის ქუჩა N 5) ცხოველთა არალეგალური სასაკლაოზე გამოვლინდა სხვადასხვა შეუსაბამობები, დაილუქა ხორცი ვეტერინარული ზედამხედველობის გარეშე“.
სააგენტოს ინფორმაციით, სახელმწიფო კონტროლის შედეგად გამოვლენილ დარღვევებისთვის ბიზნესოპერატორები დაჯარიმდნენ და შეუსაბამობების აღმოფხვრამდე შეუჩერდათ საწარმოო პროცესი.
ფოთის საზღვაო ნავსადგურმა გასულ წელს 73 864 ავტომობილი მიიღო, 2024 წელს კი – 73 783 ავტომობილი.
კომპანიის ინფორმაციით, გასულ 2025 წელს „ეიპიემ ტერმინალს ფოთმა“ რეკორდული რაოდენობის საკონტეინერო ტვირთი დაამუშავა.
რაც შეეხება 2026 წლის იანვრის მონაცემებს, წინა წლის ანალოგიურ თვესთან შედარებით მაჩვენებელი 15 პროცენტით არის გაზრდილი.
„2026 წლის იანვარში „ეიპიემ ტერმინალს ფოთმა“ 54 527 TEU კონტეინერი დაამუშავა. 2025 წლის იანვარში 47 265 TEU, ხოლო 2024-ში – 42 588 კონტეინერი“ – ნათქვამია „ეიპიემ ტერმინალს ფოთის“ მიერ მოწოდებულ ინფორმაციაში.
ტერმინალის ინფორმაციით, იანვრის თვეში 34 პროცენტით გაიზარდა საკონტეინერო გემების მიღებაც: მიმდინარე წლის იანვარში „ეიპიემ ტერმინალს ფოთმა“ 35 საკონტეინერო გემი მიიღო, 2024-2025 წლების იანვრის თვეში კი 26-26 საკონტეინერო გემი.
რაც შეეხება 2025 წლის 12 თვის მონაცემებს,„ეიპიემ ტერმინალს ფოთმა“ 2025 წელს 362 საკონტეინერო გემი მიიღო, ხოლო 2024 წელს – 313 საკონტეინერო გემი.
ამასთან, 2025 წელს დამუშავდა 636 466 TEU კონტეინერი, 2024 წლის 12 თვეში 545 297 TEU კონტეინერი, ხოლო 2023-ში 592 589 TEU კონტეინერი.
„ამ რაოდენობის ტვირთი ფოთის საზღვაო ნავსადგურს სხვა წლებში არ დაუმუშავებია,“ – აცხადებს „ეიპიემ ტერმინალს ფოთი“.
კომპანიის მიერ დამუშავებული გენერალური ტვირთების მონაცემები კი ასეთია:
2025 წელს 243 048 ტონა ტვირთი დამუშავდა, რაც 1%-ით დაბალი მაჩვენებელია 2024 წლის ანალოგიურ პერიოდთან მიმართებაში.
2024 წელს დამუშავებული გენერალური ტვირთების რაოდენობა 245 748 ტონას შეადგენდა, 2023-ში კი – 302 763 ტონას.
გასულ წელს მომატებული იყო საბორნე გზით მიღებული ტვირთების ოდენობაც.
2025 წელს „ეიპიემ ტერმინალს ფოთმა“ საბორნე გზით 164 631 ტონა ტვირთი მიიღო, ხოლო 2024 წლის ანალოგიურ პერიოდში 157 894 ტონა, 2023 წელს კი 96 434 ტონა.
შენიშვნა: TEU (ოცი ფუტის, ანუ ≈6,1 მეტრის ეკვივალენტური ერთეული) წარმოადგენს გლობალური კონტეინერების გადაზიდვის სტანდარტულ საზომ ერთეულს.
დღეს, 12 თებერვალს, „კოალიცია ცვლილებისთვის“ ლიდერმა ნიკა გვარამიამ 8-თვიანი პატიმრობის შემდეგ, რუსთავის N12 პენიტენციურ დაწესებულება დატოვა.
ციხიდან გამოსულ პოლიტიკოსს მეგობრები, ახლობლები, თანაპარტიელები ციხის წინ დილის რვა საათიდან ელოდებოდნენ.
ციხიდან გამოსულმა პოლიტიკოსმა განცხადება გააკეთა ჟურნალისტებთან.
„შერეული ემოციები მაქვს, ყველას ნახვა მიხარია, პირველ რიგში, ჩემი ცოლ-შვილის, მაგრამ უხერხულად ვგრძნობ თავს, რომ ადამიანები იქ რჩებიან კიდევ. არა მხოლოდ ამ ციხეში, არამედ გვერდით, ქალთა ციხეში – უამრავი ადამიანი გლდანის ციხეში, რუსთავში კიდევ საბა [სხვიტარიძე].
უხერხულობა მალე გარდაიქმნება იმად, რომ ბოლომდე ვიბრძოლებ მათ აქედან გამოსაყვანად…
აქ არის ნიკა [მელია], ელენე [ხოშტარია], მიშა [სააკაშვილი], მურთაზი [ზოდელავა], ხაბე [ლევან ხაბეიშვილი], მზია [ამაღლობელი] ბრმავდება გვერდით, ქალთა ციხეში. საბა [სხვიტარიძე] აწამეს. უამრავი ადამიანი ზის ციხეში ბრძოლისთვის და სამშობლოს სიყვარულისთვის. ეს ქვეყანა ვერასდროს იქნება ისეთი, როგორიც აქამდე იყო, მათ დაჭერამდე. ყველამ უნდა ვიცოდეთ, რომ ამ ხალხის გარეშე გამარჯვებაც გაგვიჭირდება, თუ საერთოდ შესაძლებელია, ამიტომ ძალიან მალე ისინი უნდა გამოვიყვანოთ ციხიდან,“ – თქვა ციხიდან გამოსულმა ნიკა გვარამიამ.
მან ისაუბრა ოპოზიციის სამოქმედო გეგმაზე და თქვა:
„ჩემთვის ყველაზე მეტად მნიშვნელოვანია სიტყვების შინაარსი. მე ვიცი ერთი რამ – ერთად უნდა გვხედავდნენ, ერთად უნდა ვმუშაობდეთ და ერთად უნდა მოვიტანოთ ეს შედეგი, იმიტომ, რომ სხვანაირად შეუძლებელია. ამ ყბადაღებულ სიტყვა „ერთობას“ არ გამოვიყენებ, მე არ ვიცი, ამის უკან, ვინ, როგორ, რას მოიაზრებს, ყველა სხვადასხვა რამეს, ერთ პოლიტიკურ სუბიექტს, სალაპარაკო პლატფორმას თუ ასე შემდეგ. ჩემთვის მნიშვნელოვანია მოქმედების პლატფორმა როგორია,“ – თქვა ნიკა გვარამიამ.
გვარამიას თქმით, ის აპირებს ბრძოლას, საქართველოს თავისუფლებისთვის, ევროკავშირის წევრობისთვის და როცა ეს მოხდება, მერე სურს „ჩვეულებრივი ცხოვრებით იცხოვროს“.
„მეც მინდა, რომ ჩვეულებრივი ცხოვრებით ვიცხოვრო, თუნდაც სრულიად არაპოლიტიკით, მაგრამ, მას მერე, რაც ეს ქვეყანა იქნება თავისუფალი, ნამდვილად ქართული და ევროკავშირის წევრი იმიტომ, რომ ყველამ ბედნიერად ვიცხოვროთ, მათ შორის ქოცებმაც.
აქ ვინც ქოცები არიან ახლა [რუსთავის ციხეში], თუ უკვე აღარ არიან ქოცები, მაგრამ მათი ყოფილი თანამდებობის პირები, მაგრამ მე ამ ხალხს პირდაპირ გეტყვით, რაც არ უნდა მოჰყვეს ახლა ამ ჩემს ნათქვამს და ვიცი რომ მოჰყვება აუცილებლად, მე მათ განვიხილავ პოლიტიკურ პატიმრებად… იმიტომ, რომ პოლიტიკური პატიმრობა იზომება არა იმით, ადამიანმა ჩაიდინა თუ არა ეს ქმედება, ან ჩვენ გვგონია, რომ ჩაიდინა თუ არ ჩაიდინა, პოლიტიკური პატიმრობის მთავარი საზომი არის ის, რომ ადამიანს არ ღირსებია და არც ეღირსება ამ ხელისუფლების პირობებში თავისუფალი სასამართლო.
აქ მჯდომ ქოცებსაც არ ღირსებიათ თავისუფალი სასამართლო და არც ეღირსებათ, ვიდრე ქოცები არიან ხელისუფლებაში,“ – თქვა ნიკა გვარამიამ.
„არ მაღელვებს, რატომ წამიყენეს ეს ბრალდება. პირიქით, გეუბნებით, რომ უხერხულად ვგრძნობ თავს მაშინ როცა ნიკა, მურთაზი, მიშა, ხაბე, ბაჩო გამოგონილი ბრალით, წარმოუდგენელი იყო რაც ანისთან [ბაჩო ახალაიას მეუღლესთან] დაკავშირებით აკეთეს, არც მე და არც ბაჩოს, რომელმაც ყველაზე დიდი ვადა მოიხადა ამ ციხეში, ეს არავის არ უკვირს, მაგრამ ჩვენი ოჯახების თავს რაც ხდება….
თუმცა არც ეს არ უნდა გვიკვირდეს, იმიტომ, რომ საკუთარი თანამდებობის პირების ოჯახებს რას უშვრებიან, გაშავებას, კატასტროფულს, რომ არ იკადრებ არასდროს, უბრალოდ ნაცნობსაც კი.
ბოლო წვეთი ჩემთვის იყო, როდესაც ბატონი ანზორი ვნახე, ნიკა მელიას ბრალის მერე „ფორმულას“ ეთერში, ეს მართლა ბოლო წვეთია, რაღაცა საზღვრები ალბათ ადამიანური არსებობს, მაგრამ ქოცებისთვის აღარავისთან დაკავშირებით აღარ არსებობს ეს საზღვრები.
ნიკას ვიღა დაეძებს ამ შემთხვევაში, საკუთარ ოჯახის წევრებად რომ ჰყავდათ, მათ ცოლებთან და დედებთან რომ დადიოდნენ სავახშმოდ, კვირაში ერთხელ, იმ ცოლებს და დედებს, ვინც სუფრებს უშლიდათ, იმათ აშავებენ და საშინელებებს წერენ მათზე. ისიც არ გამიკვირდება, რომ ეს ოჯახის წევრები დაიჭირონ.
მე დარწმუნებული ვარ ვინც აქ ბრალი აღიარა და ზის, იმიტომ აღიარა, რომ მათი დაჭერით ემუქრებოდნენ. ამაში ვარ 100 %-ით დარწმუნებული,“ – თქვა ნიკა გვარამიამ.
ნიკა გვარამია 2025 წლის ივლისში დააკავეს ე.წ. წულუკიანის საგამოძიებო კომისიაზე გამოუცხადებლობის გამო. მოსამართლე ჯვებე ნაჭყებიამ მას 8 თვიანი პატიმრობა მიუსაჯა.
„კოალიცია ცვლილებისთვის“ ლიდერი სისხლის სამართლის კოდექსის 349-ე მუხლით გაასამართლეს, რაც საქართველოს პარლამენტის დროებითი საგამოძიებო კომისიის მოთხოვნის შეუსრულებლობას გულისხმობს.
ნიკა გვარამია არ გამოცხადდა „ქართული ოცნების“ პარლამენტში შექმნილ „ნაციონალური მოძრაობისა“ და მისი ლიდერების საქმიანობის შემსწავლელ კომისიის სხდომაზე, რომელ კომისიასაც თეა წულუკიანი ხელმძღვანელობდა.
მსგავსი ბრალდებით ასევე დაკავებული იყვნენ ოპოზიციის სხვა ლიდერებიც, რომელთა ნაწილმაც ასევე დატოვა ციხე. ყველა მათგანსახალი ბრალდებააქვს წაყენებული.
„პოლიტიკური განცხადებები, პოლიტიკური აქციების ხელმძღვანელების აქტივობა ვიღაცამ თუ შეაფასა, როგორც სისხლის სამართლის დანაშაული, რა თქმა უნდა, ეს პოლიტიკური ნაწილია და პროკურატურის შეფასება არასწორია.
თუ ამაზე განაჩენი დადგა, ეს იქნება ცალსახა პოლიტიკური დევნა. გამოდის, რომ ამ ქვეყანაში იკრძალება პოლიტიკური საქმიანობა და პოლიტიკა საერთოდ,“ – ამბობს ადვოკატი ზვიად კორძაძე, რომელიც ე.წ. საბოტაჟის, 8 ოპოზიციონერი პოლიტიკოსის დევნის საქმეზე ბადრი ჯაფარიძისა და მამუკა ხაზარაძის ინტერესებს იცავს.
10 თებერვალს თბილისის საქალაქო სასამართლომ გადაწყვიტა, რომ ეს საქმე არსებითად განიხილოს.
რა ჩანს საქმის მასალებიდან? – „გვეუბნებიან საბოტაჟიო, მაგრამ არ გვეუბნებიან, რაში გამოიხატება ეს: მიტინგზე ყოფნაში, განცხადებაში, კიდევ რამე ქმედებაში? – ეს არსად არაა იდენტიფიცირებული. ამხელა საბოტაჟის საქმეზე ერთგვერდიანი დადგენილება არსებობდეს? ცოტა რთული დასაჯერებელია, რასაც ახლა გეუბნებით, მაგრამ ასეა,“ – ამბობს ზვიად კორძაძე.
ბატონო ზვიად, სასამართლო პროცესზე ამბობდით, რომ რაც ახლა ხდება ოპოზიციის ლიდერების საქმეზე, „არამხოლოდ არასამართლებრივია, არამედ საშიშია“. რა გახდა თქვენი ამ შეფასების მთავარი მიზეზი?
ამ საქმის არსი არის ამ შემთხვევაში ბადრი ჯაფარიძის და მამუკა ხაზარაძის მიტინგზე ყოფნა, როგორც ფაქტი და მათი საჯარო გამოსვლები არის წარმოდგენილი მტკიცებულებად საქმეში. საბოტაჟის დამადასტურებელი ეს არაა, მაგრამ სხვა მტკიცებულება საქმეში არ არის.
10 თებერვალს სხდომაზე ზუსტად ეს მოვითხოვეთ: ამ მტკიცებულებიდან რა იყო ბრალის დამადასტურებელი? პროკურატურას გამოეკვეთა ეს ამბავი და თან გამოეკვეთა 41 ტომიდან, რომელიც ეხება არამარტო ბადრი ჯაფარიძეს და მამუკა ხაზარაძეს, არამარტო საბოტაჟის ბრალდებას, არამედ სხვა ბრალდებებსაც სხვა პირების მიმართ, რომლებიც ამ საქმეში არიან.
ჯამში 8 ოპოზიციონერი ლიდერის საქმე ერთად განიხილება და ყველგან გაურკვეველია, კონკრეტულად რას ედავება პროკურატურა პოლიტიკოსებს?
დიახ.
დღემდე უცნობია, რას მიიჩნევს ბრალდება უშუალოდ ჩვენი ბრალის დამადასტურებლად ბადრი ჯაფარიძის და მამუკა ხაზარაძის შემთხვევაში. ჩვენ ვთვლით, რომ პოლიტიკოსების საჯარო გამოსვლები, რომლებიც ძალადობის მოწოდებას არ შეიცავს, საბოტაჟის მტკიცებულებად გამოიყენა პროკურატურამ.
საბოტაჟის განმარტებაში წერია, რომ ის არის საქართველოს თავდაცვისუნარიანობის დასუსტების მიზნით ჩადენილი ქმედებები – მიზანი უნდა გქონდეს საბოლოო ჯამში ის, რომ რასაც აკეთებ, იმან დაასუსტოს საქართველო. უნდა დასტურდებოდეს, ჯერ ერთი, ქმედება და მერე, რომ ეს მიზანი გქონდა. არცერთი დასაბუთება ამ საქმეში არ დასტურდება.
ეს იყო ჩვენი პოზიცია, რომ არ არსებობს მტკიცებულებები და რაც არის, ის არ არის საკმარისი საფუძველი იმისთვის, რომ თუნდაც ბრალი ყოფილიყო წარდგენილი.
ამ კონკრეტულ საქმეზე ბრალის დადგენილება არის ერთი გვერდი. ამხელა საბოტაჟის საქმეზე ერთგვერდიანი დადგენილება არსებობდეს? ცოტა რთული დასაჯერებელია, რასაც ახლა გეუბნებით, მაგრამ ასეა.
პროკურატურას რა დასაბუთება აქვს, როგორ შეიძლება დავუკავშიროთ პოლიტიკოსის საჯარო გამოსვლა საბოტაჟს?
არ წერია ეს ბრალის დადგენილებაში, რომელ განცხადებებზეა საუბარი. ბრალის დადგენილებაში წესით უნდა ეწეროს, რომელ განცხადებებს ეხება ბრალდება, რომელ ქმედებას ეხება, მაგრამ ეს არ არის იდენტიფიცირებული. მხოლოდ წერია ზოგადი ფრაზები ერთ გვერდზე. ვითხოვდით: კონკრეტულად გვითხარით მომენტი, თვე, რიცხვი, როდის, რა მტკიცებულებებით დასტურდება?
ასეთი უცნაურობაა – არსად არ წერია, რომ ამა და ამ რიცხვში შენ რომ ეს ქენი, ეს არის საბოტაჟი. ასეთი რამ არ წერია.
რა კონტექსტშია მოყვანილი პოლიტიკოსების მიერ საჯაროდ გაკეთებული განცხადებები?
არ ვიცი. საქმეში არის 41 ტომი, რომლებიც საჯარო გამოსვლებს, საჯარო აქტივობებს, საზღვარგარეთ ვიზიტებს ეხება, უცხოელი პოლიტიკოსების ვებგვერდებია ამობეჭდილი, მაგრამ ვის რა ეხება, არ წერია. არც არის ეს ყველაფერი შეკრული რაღაც ერთიანი ფაბულით, გესმით?
ყველაზე საინტერესო ამ საქმეში ის არის, რომ ეს მუხლი [საბოტაჟი] არც ჯგუფურ დანაშაულს არ ითვალისწინებს. აი, ჯგუფმა ჩაიდინაო – ეს არ არის ნათქვამი.
მაშინ რა სამართლებრივი ლოგიკით არის გაერთიანებული ამ 8 ლიდერის საქმე?
არ ვიცი. ეს კითხვა დავაყენე: რა ლოგიკით არის გაერთიანებული საქმე?
მაგალითად, როდესაც საქმე ეხებოდა პარლამენტის კომისიაზე არ მისვლას, მაშინ როცა საერთო რაღაც მაინც ჰქონდათ პოლიტიკურ ლიდერებს. ბადრი ჯაფარიძის და მამუკა ხაზარაძის პროცესებიც ცალ-ცალკე ჰქონდათ. აქ რა ლოგიკით არის გაერთიანებული საქმეები, ვერ ვხვდები.
პირდაპირ საპროცესო კოდექსი მოითხოვს ამ ყველაფრის დაცვას, რაზეც გესაუბრებით. კოდექსში წერია, მაგალითად, რომ ბრალდების დადგენილება უნდა შეიცავდეს, იქ წერია ორწერტილი და ჩამოთვლილია: როდის რა სად მოხდა და რა მტკიცებულებებითაა გამაგრებული?
გარდა იმისა, რომ სამართლისა და კანონის პრობლემაა, რატომ არის პოლიტიკური ოპონენტების საბოტაჟის მუხლით გასამართლება საშიში, თქვენი აზრით?
საშიშია იმიტომ, რომ საბოლოო ჯამში თუ ასეთივე განაჩენი დადგა, მაშინ განაჩენში უნდა ჩაიწეროს, რომ პოლიტიკოსებმა გააკეთეს საჯარო განცხადებები და ეს არის საბოტაჟიო. ეს კლავს პოლიტიკურ სივრცეს მთლიანად. თუ საბოტაჟად სხვა რამ მიაჩნიათ, მაშინ უნდა გვითხრას პროკურატურამ, რომ ეს მიმაჩნია საბოტაჟად.
თუ ეს მიაჩნიათ, რაზეც მე ახლა ვამბობ, მაშინ ეს ძალიან საშიში ტენდენციაა.
განცხადებები, როგორც ვიცი, ეხებოდა „ოცნების“ რეჟიმის წარმომადგენლების დასანქცირების მოთხოვნას. ჩვენი საერთაშორისო პარტნიორების მიმართ თხოვნა, რომ დაგვეხმარონ დემოკრატიის გადარჩენის პროცესში, რა დასაბუთებით შეიძლება იყოს საბოტაჟი?
გიორგი ვაშაძეს აქვს ეგ და კიდევ სხვა პირებს. მაგაშია საქმე, რომ სხვადასხვა ბრალდებაა. ჩვენ შემთხვევაში კი, საუბარი არის არა სანქციებზე, არამედ პარლამენტის წინ მიმდინარე აქციებთან დაკავშირებულ აქტივობებზე. გიორგი ვაშაძეს აქვს სხვა მუხლი, რომელიც ეხება უცხოური ორგანიზაციებისთვის ინფორმაციის მიწოდებას და ასე შემდეგ. არც მასთან მიმართებაში არ არის იდენტიფიცირებული ბრალდება. არც მისი ბრალის დადგენილებაში არ წერია, რომ მაინცადამაინც ეს ითვლება საბოტაჟად.
ბადრი ჯაფარიძისა და მამუკა ხაზარაძის შემთხვევაში არ არსებობს განცხადება, სადაც არის ძალადობისკენ მოწოდება. არცერთი დაკითხული პოლიციელი არ ადასტურებს რაიმე ძალადობრივ მოწოდებას მათი მხრიდან. განცხადებებში, რომელიც წარმოდგენილია საქმეში, არ წერია ბრალში, რომ აი, ამ განცხადების გამო ვთვლით, რომ ეს არის საბოტაჟი. მე არ მაქვს თავის გამართლების ვალდებულება, ბრალდებამ უნდა დამიმტკიცოს, რომ რაღაც დავაშავე და მე უნდა ვუპასუხო – დავაშავე თუ არა. გვეუბნებიან საბოტაჟიო, მაგრამ არ გვეუბნებიან, რაში გამოიხატება ეს: მიტინგზე ყოფნაში, განცხადებაში, კიდევ რამე ქმედებაში? – ეს არსად არაა იდენტიფიცირებული.
ეს ნიშნავს იმას, რომ პოლიტიკურ დევნასთან გვაქვს საქმე?
პოლიტიკური განცხადებები, პოლიტიკური აქციების ხელმძღვანელების აქტივობა ვიღაცამ თუ შეაფასა, როგორც სისხლის სამართლის დანაშაული, რა თქმა უნდა, ეს პოლიტიკური ნაწილია და პროკურატურის შეფასება არასწორია. თუ ამაზე განაჩენი დადგა, ეს იქნება ცალსახა პოლიტიკური დევნა.
გამოდის, რომ ამ ქვეყანაში იკრძალება პოლიტიკური საქმიანობა და პოლიტიკა საერთოდ.
სასამართლომ არსებითად განსახილველად უკვე მიიღო ეს საქმე. გამოჩნდა, რომ სასამართლო ამ შემთხვევაშიც მონაწილეობს „ოცნების“ პოლიტიკური მიზნის შესრულებაში?
სასამართლოს ეს გადაწყვეტილება არ იყო დასაბუთებული. ჩვენ გვქონდა შუამდგომლობა არგადაცემაზე, მაგრამ სასამართლო ფორმალურად მიუდგა, როგორც წესი. არ მიუდგა არსებითად ისე, რომ ამ ეტაპზევე [წინასასამართლო სხდომა] გარკვეულიყო ეს საკითხები. ახლა რომ გითხრათ, რომ იმედი მაქვს, რომ რამე შეიცვლება – არა. მაგრამ რაც არის ჩვენს ძალებში და სამართლებრივად, იმას გავაკეთებთ.
სამართლებრივად გამორიცხულია, რომ აქ რაიმე არგუმენტი იყოს გამამტყუნებელი განაჩენისთვის. ფაქტობრივად, გამორიცხული იყო, მაგალითად, იგივე პარლამენტში არმისვლის საფუძველზე გამტყუნება, მაგრამ პატიმრობაშიც იყო ეს ხალხი. ასე რომ, ფაქტობრივი მოცემულობა სხვა გვაქვს, სამართლებრივი მოცემულობა – სხვა. უკვე დიდი ხანია, სამწუხაროდ, ასეა.
აქ არ მთავრდება ეს საქმეები და საბედნიეროდ მიდის სტრასბურგში. თუ ამოვწურავთ აქ ყველანაირ რესურსს, მერე მივმართავთ ისე, როგორც მიმართული გვაქვს წინა განაჩენთან დაკავშირებით და იხილავს უკვე ევროსასამართლო.
თუ ამ საქმეზე გამამტყუნებელი განაჩენი დადგა, ეს იქნება სიგნალი, რომ პოლიტიკური აქტიურობა საქართველოში შეიძლება დამთავრდეს.
უკრაინის შეიარაღებული ძალების გენერალური შტაბის დღევანდელი მონაცემებით, ომის დაწყებიდან 2026 წლის 12 თებერვლამდე პერიოდში, რუსეთის არმიის საბრძოლო დანაკარგი არის:
ცოცხალი ძალა – დაახლოებით 1 250 150 ადამიანი [გასულ დღე-ღამეში +770. ამ მონაცემებში შედის როგორც დაღუპულები ასევე დაჭრილები]
ტანკი – 11 662 ერთეული [+1]
ჯავშანტექნიკა – 24 025 ერთეული [+5]
საარტილერიო სისტემა – 37 213 ერთეული [+65]
MLRS – 1 641 ერთეული [+3]
საზენიტო საბრძოლო სისტემა – 1 299 ერთეული [+1]
თვითმფრინავი – 435 ერთეული [+0]
ვერტმფრენი – 347 ერთეული [+0]
უპილოტო საფრენი აპარატის ოპერატიულ-ტაქტიკური დონე – 132 153 ერთეული [+1 442]
ფრთოსანი რაკეტა [ჩამოაგდეს] – 4 270 ერთეული [+0]
გემი/ნავი – 28 ერთეული [+0]
წყალქვეშა ნავი – 2 ერთეული [+0]
მანქანები და საწვავის ავზები – 78 141 ერთეული [+172]
სპეცტექნიკა – 4 070 ერთეული [+0]
უკრაინის გენერალური შტაბის განცხადებით, საომარი მოქმედებების მაღალი ინტენსივობის გამო მონაცემები იცვლება.
უკრაინის სამხედრო დანაკარგებზე ინფორმაცია განაახლა რუსეთმაც.
რუსეთის თავდაცვის სამინისტროს მიერ გავრცელებული მონაცემებით, ომის დაწყებიდან 2026 წლის 12 თებერვლამდე პერიოდში სულ განადგურებულია უკრაინის:
670 თვითმფრინავი
283 ვერტმფრენი
113 737 უპილოტო საფრენი აპარატი
650 საზენიტო სარაკეტო სისტემა
27 620 ტანკი და სხვა ჯავშანტექნიკა
1 664 მრავალჯერადი სარაკეტო გამშვები
33 234 საველე არტილერია და ნაღმმტყორცნი
54 176 სპეციალური სამხედრო მანქანა
ეს ის მონაცემებია, რომელსაც უკრაინა და რუსეთი ოფიციალურად ავრცელებენ, თუმცა ომის პირობებში შეუძლებელია ზუსტად გადამოწმება, რამდენად შეესაბამება მხარეების მიერ გავრცელებული ინფორმაცია დანაკარგების შესახებ რეალურ რიცხვებს.
ამასთან, აღნიშნულ მონაცემებთან ერთად რუსეთის თავდაცვა, უკრაინის და რუსეთის არმიის ცოცხალი ძალის საერთო დანაკარგების შესახებ სტატისტიკას არ აქვეყნებს. უკრაინის არმიის ცოცხალი ძალის დანაკარგების შესახებ მონაცემებს არ აქვეყნებს არც უკრაინა.
—
რუსეთი უკრაინაში 2022 წლის 24 თებერვალს გამთენიისას შეიჭრა და სრულმასშტაბიანი ომი დაიწყო.
თსუ და სტუ აღარ გაერთიანდებიან – ამის შესახებ „ქართული ოცნების“ პრემიერ-მინისტრმა ირაკლი კობახიძემ 9 თებერვალს განაცხადა. თუმცა დასძინა, რომ საქართველოს ტექნიკური უნივერსიტეტი „წმინდა ტექნიკურ უნივერსიტეტად“ გარდაიქმნება და მომავალში მხოლოდ ის დისციპლინები შენარჩუნდება, რომლებიც 1990-იან წლებამდე ისწავლებოდა.
რამდენი პროგრამა გაუქმდება საქართველოს ტექნიკურ უნივერსიტეტში და გამოიწვევს თუ არა ამ სპეციალობების გაუქმება აკადემიური პერსონალის შემცირებასაც? – „ბათუმელები“ ამ თემაზე ტექნიკური უნივერსიტეტის ვიცე-რექტორს, თამარ წერეთელს ესაუბრა.
ქალბატონო თამარ, რამდენი პროგრამა გაუქმდება სტუ-ში და თქვენი აზრით, რამდენად მტკივნეული პროცესი იქნება ეს? ეთანხმებით თუ არა ამ გადაწყვეტილებას?
პირველ რიგში დავაფიქსირებ იმას, რომ პრემიერთან შეხვედრა ტექნიკური უნივერსიტეტის პროფესურის და აკადემიური საბჭოსი იყო ძალიან პროდუქტიული. ძალიან ბევრ მნიშვნელოვან საკითხზე ვილაპარაკეთ. პრემიერმა ნათლად დაინახა ჩვენი აკადემიური პერსონალის პოზიცია საინჟინრო დარგებთან მიმართებაში და მიღებულია გადაწყვეტილება, რომ ტექნიკური უნივერსიტეტი იქნება საინჟინრო მიმართულებების კერა საქართველოში.
განვავითარებთ ინჟინერიას, იმ ტექნოლოგიურ პროცესებს, რომლებიც ძალიან მნიშვნელოვანია ჩვენი ქვეყნის განვითარებისთვის.
გამოდის, სტუ დათანხმდა ცალკეული პროგრამების გაუქმებას. შეგიძლიათ ჩამოგვითვალოთ ის პროგრამები, რომლებიც გაუქმდება?
არ უნდა დათანხმებულიყო? 30 წელია ამ ქვეყანაში უმაღლესი განათლების რეფორმა არ ჩატარებულა…
ბიზნესადმინისტრირების საბაკალავრო პროგრამა, საჯარო მმართველობა, სასტუმრო მომსახურება, ეკონომიკა, საერთაშორისო ურთიერთობები, სამართალი – გადავა მილევად რეჟიმში. ის სტუდენტები, რომლებმაც ჩვენთან სწავლის უფლება მოიპოვეს ამ პროგრამებზე, დაასრულებენ სწავლას, მაგრამ წელს ამ პროგრამებზე მიღება აღარ გამოცხადდება.
ეს არის საბაკალავრო, სამაგისტრო და სადოქტორო პროგრამები, რომლებსაც ტექნიკური უნივერსიტეტი განახორციელებს მილევად რეჟიმში. ის აკადემიური პერსონალი, რომლებიც ამ მილევადი პროგრამების განხორციელებაში მონაწილეობდნენ, ასევე ჩართულნი არიან ტექნიკური უნივერსიტეტის საინჟინრო პროგრამებში და შესაბამისად, პერსონალი შენარჩუნდება. ამიტომ, ვერ ვხედავ რაიმე შიშების მოტივს.
ეს პროგრამები, რომლებიც ჩამოთვალეთ და რომელთა გაუქმებასაც აპირებს „ოცნება“, არ იყო წარმატებული, არ ამზადებდა პროფესიონალ კადრებს, თუ რატომ დათანხმდით მათ გაუქმებას?
მე არ ვიტყვი, რომ არ მომწონდა.
ჩვენმა პროგრამებმა გაიარა აკრედიტაცია, ყველას ჰქონდა დადებითი შეფასება ხარისხის განვითარების ეროვნული ცენტრისგან. თუმცა მე ვერ ვხედავ იმაში პრობლემას, რომ ეს პროგრამები თსუ-ში განხორციელდება.
მაგრამ თსუ-საც ხომ ექნება მსგავსი პროგრამები და მაშინ, ერთ-ერთი უნივერსიტეტის უნდა გაუქმდეს…
თუ დუბლირებული პროგრამები იქნება, გაერთიანდება. ამისთვის არსებობს აკადემიური სივრცე, ამისთვის არსებობს აკადემიური თავისუფლება. გარდა ამისა, დარგის სპეციალისტები, ვისი შექმნილიცაა ეს პროგრამები, დასხდებიან და მიიღებენ შესაბამის გადაწყვეტილებას.
სტუდენტების კონტინგენტი არ შემცირდება, ანუ თსუ-ს სტუდენტებთან გაერთიანდებიან ჩვენი სტუდენტები და გააგრძელებენ სწავლას. თუმცა ამ პროგრამების განსახორციელებლად საჭირო იქნება სტუ-ს აკადემიური პერსონალის გამოყენებაც, მარტო თსუ-ს პერსონალი ხომ ვერ გასწვდება ამას.
როცა ითქვა, რომ თსუ-ში გადავა ეს პროგრამები, აქ იგულისხმება ისიც, რომ ახლანდელი სტუდენტებიც თსუ-ს აუდიტორიებში გადავლენ?
ამ წუთას, მილევად პროგრამებზე ვინც გვყავს სტუდენტები, ყველა დაამთავრებს ტექნიკურ უნივერსიტეტში და აიღებენ ტექნიკური უნივერსიტეტის დიპლომს. 2026-2027 სასწავლო წელს გამოცხადებულ ვაკანტურ ადგილებში ტექნიკურ უნივერსიტეტს აღარ ექნება აღნიშნული პროგრამები მითითებული.
პროგრამების შემცირება გამოიწვევს კვოტების შემცირებასაც მომავალში, როგორც ამას „ოცნების“ განათლების მინისტრის მოადგილე ამბობდა – შრომის ბაზრის მოთხოვნების მიხედვით განისაზღვრება კვოტებიო. აქედან გამომდინარე, რამდენი ადგილი შეიძლება დააკლდეს სტუ-ს, მაგალითად?
საუბარი არ მიდის სტუდენტების კვოტის შემცირებაზე.
შრომის ბაზრის კვლევა ახალი არ არის, ყველა პროგრამის აკრედიტაციის წინ სტანდარტი ითვალისწინებს იმას, რომ სანამ პროგრამას გააკეთებს აკადემიური პერსონალი, გამოიკვლიონ შრომის ბაზარი და ნახონ, როგორი მოთხოვნაა. აბსოლუტურად ყველა პროგრამას, რომელიც საქართველოში აკრედიტებულია, აქვს თავისი შრომის ბაზრის კვლევა განხორციელებული.
პროგრამის ინიციირება როცა ხდება, აკადემიური პერსონალისგან მას აქვს აკრედიტაცია-ავტორიზაციის შესაბამისი სტანდარტები, რომელიც ამ პროცესებთან ერთად უნდა განახორციელოს. ამიტომ, ერთ-ერთი მნიშვნელოვანი არის შრომის ბაზრის კვლევა.
თუ თქვენმა პროგრამებმა იმიტომ მიიღო აკრედიტაცია, რომ შრომის ბაზარზე იყო მოთხოვნა, მაშინ რატომ გიუქმებენ და რატომ ამბობს „ოცნება“, რომ პროგრამებს შრომის ბაზრის მოთხოვნებიდან გამომდინარე დააფინანსებენ?
გულწრფელად გითხრათ, მე არ გამიგია მსგავსი განცხადებები.
პირველად, როცა ირაკლი კობახიძემ კრიტიკულად დაიწყო უნივერსიტეტებზე საუბარი, მაშინ თქვა – „ჩვენი ამოცანაა, ქვეყანაში არსებობდეს ორი განსაკუთრებული საგანმანათლებლო კერა, თსუ და ქუთაისის უნივერსიტეტის სახით“. ნიშნავს ეს იმას, რომ მაშინ უკვე ჩაფიქრებული იყო ტექნიკური უნივერსიტეტის დასუსტება?
მე არ მახსოვს ასეთი განცხადება, მაგრამ ამ შეხვედრამ [კობახიძესთან] დიდი მოლოდინები გაგვიჩინა ჩვენ და ქუთაისშიც რომ განვითარდეს ტექნიკური უნივერსიტეტი, მე ამაში პრობლემას ვერ ვხედავ.
ჩვენ დაგვპირდნენ და გვითხრეს, რომ ის მატერიალური ბაზა, რომელიც დღეს გვაქვს, უფრო გამდიდრდება საჭიროებების მიხედვით და სახელმწიფო ამაში გვერდში დაგვიდგება.
მოგეხსენებათ, რომ საინჟინრო დარგს და ზოგადად ტექნოლოგიურ დარგს სასწავლო პროცესი ბევრად განსხვავებული აქვს, პრაქტიკაზე, ლაბორატორიულ კვლევებზეა დაფუძნებული სასწავლო პროცესი და ამაზე გვქონდა საუბარი, რომ აუცილებლად იქნება დამატებითი დაფინანსებაც ინფრასტრუქტურისთვის გამოყოფილი.
რადგან ინფრასტრუქტურა ახსენეთ მინდა გკითხოთ, ტექნიკური უნივერსიტეტის შენობების გასხვისების თემა არაერთხელ გაჟღერდა. ხომ არ დასმულა ეს საკითხი ირაკლი კობახიძესთან შეხვედრაზეც?
შემიძლია გითხრათ, რომ ამაზე საუბარი ნამდვილად არ ყოფილა. თუმცა ტექნიკურ უნივერსიტეტს აქვს რამდენიმე ისეთი შენობა და თუ მათ მაგივრად ჩვენ გვექნება ახალი, თანამედროვე ტიპის სასწავლო კამპუსები, პრობლემას ვერ ვხედავ, რადგან „ტექნიკური უნივერსიტეტის ქონება“ ძალიან ხმამაღალი ნათქვამია, რადგან ჩვენ ვართ სახელმწიფო უნივერსიტეტი და ეს ქონება მთლიანად ეკონომიკის სამინისტროს ბალანსზეა.
სტუ-ს აქვს 198 ათასი კვ.მ ფართობი და აქედან სასწავლო პროცესისთვის გამოიყენება 120 ათასი კვ. მეტრი, რომელიც აღჭურვილია ლაბორატორიებით, აუდიტორიებით და სასწავლო-სამეცნიერო ცენტრებით, მაგრამ ეს არ არის ტექნიკური უნივერსიტეტის ქონება. ჩვენ ვართ სახელმწიფო უნივერსიტეტი.
ავტონომიური უფლებები ხომ გაგაჩნიათ?
ავტონომიური უფლებები ტექნიკურ უნივერსიტეტს შენარჩუნებული აქვს. გვყავს აკადემიური ორი მმართველი ორგანო – აკადემიური და წარმომადგენლობითი საბჭო და ჩვეულებრივად ვაგრძელებთ სამუშაო პროცესს და მივდივართ იქითკენ, რომ სასწავლო პროცესი გავაუმჯობესოთ.
ქართული უნივერსიტეტების დილემა სტუდენტური საცხოვრებლების არარსებობაა. არ ფიქრობთ, რომ იმ ფართობში, რომელზეც ამბობთ, რომ ვერ იყენებთ, სტუდენტური საცხოვრებელი შეგიძლიათ გააკეთოთ?
რეფორმის ერთ-ერთი ძირითადი კომპონენტი არის ის, რომ მსგავსი ტიპის ინფრასტრუქტურა გაკეთდეს და აშენდეს. შესაბამისად, სახელმწიფო ზრუნავს ამაზე, რომ აშენდეს კამპუსები.
დაფინანსების ის სქემა, რომელიც აქამდე იყო, რადიკალურად შეიცვლება და სახელმწიფო ზრუნავს იმაზე, რომ ააშენოს კამპუსები. 2250 ლარით უნივერსიტეტები დამოუკიდებლად ამის გაკეთებას ვერ მოახერხებდა.
თუმცა ფაქტია, რომ სახელმწიფომ ეს საკითხი წლებია ვერ მოაგვარა.
რეფორმაც არ ყოფილა აქამდე ასე დაანონსებული და ასე აქტიურ ფაზაში. შესაბამისად, აუცილებლად იქნება თანამედროვე კამპუსები სტუდენტებისთვის, მე ამისი მწამს.
ისეთ დეტალებს თუ ხედავთ „ოცნების“ რეფორმაში, რაც გიჩენთ, ვთქვათ, კითხვებს და ფიქრობთ, რომ შეიძლება დამაზიანებელი იყოს სამომავლოდ უნივერსიტეტებისთვის?
ვფიქრობ, ძალიან გახსნილია განათლებისა და მეცნიერების სამინისტრო ამასთან მიმართებაში. ახლახან ძალიან პროდუქტიული სამუშაო შეხვედრა გვქონდა მინისტრის მოადგილესთან და არანაირი კითხვები არ გამჩენია ამ რაღაცებთან მიმართებაში.
მინისტრის მოადგილემ, ზვიად გაბისონიამ, ისიც თქვა, რომ თსუ-სა და სტუ-ს გაერთიანება გადაწყვეტილიაო, მაგრამ აღარ გააერთიანეს…
ბატონი ზვიადი პოლიტიკურ განცხადებებს ვერ გააკეთებდა, თუმცა გიდასტურებთ, რომ ძალიან პროდუქტიული შეხვედრა გვქონდა მასთან გუშინ. ჩვენ გავცვალეთ მოსაზრებები კონკრეტულ დეტალებზე, პროცესის განვითარებაზე, თუ როგორ უნდა მოხდეს მილევად რეჟიმში პროგრამების გადაყვანა მარტივად.
პროფესორების ანაზღაურებაზეც ხომ არ გისაუბრიათ? ეთანხმებით იმას, რომ მხოლოდ წამყვან პროფესორს უნდა ჰქონდეს 10 000 ლარი ხელფასი?
არ ყოფილა ასე, რომ „მხოლოდ ერთი პროფესორი მიიღებს“. დარგების მიხედვით იქნებიან წამყვანი პროფესორები. გამოცხადდება ღია კონკურსი.
საინჟინრო დარგებში ტექნიკურ უნივერსიტეტს ისედაც ჰყავს ა კატეგორიის პროფესორები, რომლებსაც ბევრად უფრო სხვა ფუნქციები და ბევრად მაღალი ანაზღაურება აქვთ.
რამდენია ასეთი პროფესორის ხელფასი დღეს, შეგიძლიათ გვითხრათ?
ვერაფერს გეტყვით, მგონია, რომ ამის თქმის უფლება არ მაქვს. ამ თემებზე საუბარი ჩემს კომპეტენციას სცილდება. რა თქმა უნდა, ბევრად უკეთესია, რომ 10 000 ლარი ჰქონდეს პროფესორს, მაგრამ ვიღაცას 10 ექნება, ვიღაცას 7 ექნება, ვიღაცას 5 000 ლარი ექნება. რა, ცუდია 5 000 ლარი ხელფასი?
თქვენ თქვით, რომ კითხვები არ გაქვთ „ოცნების“ რეფორმაზე. იმაზე რას ფიქრობთ, აკადემიური წლები რომ შეამცირეს და ამით ჩვენი განათლება სისტემა დააშორეს ბოლონიის პროცესს?
ვერ დაგეთანხმებით, რადგან მეთორმეტე კლასის პრინციპი არ იშლება. როგორც დაანონსებულია, სურვილის შემთხვევაში აბიტურიენტს შეუძლია მე-12 კლასში ისწავლოს.
თუმცა ეს არ იქნება საყოველთაო, შერჩევითი იქნება.
მთელ ევროპაში, ამერიკაში შეგიძლიათ ნახოთ სამწლიანი საბაკალავრო პროგრამები. ბოლონიის პროცესში არსად არ წერია, რომ ბაკალავრიატი უნდა იყოს 4 წელი. არ არის ასეთი კატეგორიული მოთხოვნა. ეს არის სურვილი.
მაქვს შემთხვევები, როდესაც სწავლების მეოთხე წელზე წასულა სტუდენტი და წარმატებით დაუსრულებია სასწავლო წელი.
ჩვენ ბევრ ადამიანს ვესაუბრეთ სხვადასხვა უნივერსიტეტში და ითქვა, რომ „რეფორმა“ ხელს შეუშლის ევროპასთან ინტეგრაციის პროცესს.
მე არ ვფიქრობ, რომ „ერაზმუსის“ გაცვლით პროცესებს შეუშლის ეს ხელს. 162 უნივერსიტეტთან გვაქვს ხელშეკრულება გაფორმებული და შესაბამისად, ყველა სტუდენტის სასწავლო ბარათი ვიცით. გუშინაც იყო „ერაზმუსის“ გასაუბრება და ყველა კომპონენტში ჩართული ვართ.
ინფორმაცია ამის შესახებ საერთაშორისო მედიაში გავრცელდა.
ევროკავშირის სანქციები რუსეთის წინააღმდეგ 2022 წლის თებერვლიდან დღემდე 19 სასანქციო პაკეტს მოიცავს. ევროკავშირის მიერ დაწესებული სანქციები მოიცავს როგორც ინდივიდუალურ, ისე ეკონომიკურ და სექტორულ შეზღუდვებს.
სანქციები დაწესდა რუსეთის მიერ უკრაინაში ომის დაწყების პასუხად და ამ სანქციების ძირითადი მიზანი რუსეთის მთავრობასა და მის ეკონომიკაზე ზეწოლის გაძლიერებაა.
ცნობისათვის, ყულევის ნავთობტერმინალს ფლობს და მართავს აზერბაიჯანული სახელმწიფო ნავთობკომპანიის შვილობილი კომპანია „შავი ზღვის ტერმინალი“.
„[ყულევის პორტი] გამოიყენება ნედლი ნავთობის ან ნავთობპროდუქტების საზღვაო ტრანსპორტირებისთვის, რომლებიც წარმოებულია რუსეთში ან ექსპორტირებულია რუსული გემებით, რომლებიც იყენებენ არარეგულარულ და მაღალი რისკის მქონე გადაზიდვის პრაქტიკას“.
რა გავლენას მოახდენს ქვეყნის უსაფრთხოებაზე ის ფაქტი, თუკი საქართველოს ტერიტორიაზე მდებარე რომელიმე ინფრასტრუქტურული ობიექტი დასანქცირდება? – ამ თემაზე “ბათუმელები” საერთაშორისო უსაფრთხოების სპეციალისტს, მეგი ბენიას ესაუბრა.
აქამდე ევროკავშირის რიგმა ქვეყნებმა, დიდმა ბრიტანეთმა და აშშ-მ დაასანქცირეს „ქართულ ოცნებასთან“ დაკავშირებული პირები. პირველი შემთხვევაა, როცა მნიშვნელოვან ეკონომიკურ ობიექტზე გაჩნდა ინფორმაცია, რომ დასანქცირების რისკი დგას. რას ნიშნავს ეს ქვეყნისთვის?
პირველ რიგში მიუთითებს იმაზე, რომ შეიძლება ასეთი ტიპის აქტივობა არსებობდეს, მაგალითად, სახელმწიფოს ცოდნის მიღმა.
ვუშვებ, რომ შეიძლება მართლა არსებობდეს რაღაც ისეთი, როცა რაღაც გამორჩათ. მაგრამ აქ შემოდის მეორე საკითხი – როგორ იქცევიან სახელმწიფო სტრუქტურები, როდესაც ფაქტს გამოავლენენ ან რაღაც ეჭვი უჩნდებათ.
სახელმწიფო სტრუქტურებს ევალებათ მკაცრი რეაგირება მოახდინონ, დაიწყონ გამოძიება და დასავლელ პარტნიორებთან, ამ შემთხვევაში ევროკავშირთან ითანამშრომლონ ამ საკითხთან დაკავშირებით.
უნდა გააკეთონ ყველაფერი იმისთვის, რომ ქვეყანა არ გახდეს ასე ვთქვათ „შავი ხვრელი“, რომელიც შეიძლება გამოყენებული იქნას რუსეთისთვის ან რუსეთთან დაკავშირებული პირების ან ორგანიზაციების მიერ სანქციების გვერდის ავლისთვის.
პირველ რიგში, რეპუტაციულად ეს არის დიდი დარტყმა, რადგან გამოდის, რომ იმდენად სუსტი ხარ, ვერ ახერხებ გააკონტროლო შენს ტერიტორიაზე არსებული აქტივობები, მოაქციო სამართლებრივ ჩარჩოში და გქონდეს სწორი, სამართლებრივი რეაგირება.
რაც შეეხება საერთაშორისო განზომილებას. ჩვენ ისედაც საკმაოდ რთულ მდგომარეობაში ვართ ჩვენს დასავლელ პარტნიორებთან თანამშრომლობის თვალსაზრისით, ეს ფაქტი კი, ალბათ, უფრო გაართულებს ამ მდგომარეობას, განსაკუთრებით რეგიონული უსაფრთხოების და შავი ზღვის უსაფრთხოების კუთხით. ეს მიმართულება ამ ეტაპზე ფაქტობრივად გაჩერებულია, სანქცირება კიდევ ერთი ნეგატიური დამატება იქნება.
და მაინც, თუ ეს მოხდა, ეს იქნება დადასტურება იმის, რომ ქვეყანაში ფაქტობრივად არ არსებობს გამართულად მომუშავე სახელმწიფო ინსტიტუტები.
როგორ და რატომჩნდებიანპორტებისანქცირებულთასიაში?
ეს არის ე.წ. ჩრდილოვანი ფლოტის თემა.
რუსეთი ცდილობს, რომ სანქციების გვერდის ავლით მოახერხოს საკუთარი პროდუქციის – ნავთობის, თხევადი გაზის რეალიზაცია და ამას აკეთებს ჩრდილოვანი ფლოტის გამოყენებით.
საჯარო წყაროების მიხედვით, ამ სქემაში ჩართულია როგორც ჩინური, ასევე ირანული მხარე. ნავთობტანკერებს უცვლიან სახელს, არეგისტრირებენ ე.წ. მესამე სამყაროს ქვეყნების დროშების ქვეშ და ისე ოპერირებენ. ის პორტი, რომელიც ასეთ სქემაში ჩართულ გემებს მიიღებს ან მოემსახურება, ბუნებრივია, შეიძლება აღმოჩნდეს სანქციების საფრთხის ქვეშ.
კიდევ არის ერთი მნიშვნელოვანი მომენტი. თუ დასაწყისში, როდესაც რუსეთი ცდილობდა, ჩრდილოვანი ფლოტი გამოეყენებინა, რთული იყო ამ გემების იდენტიფიცირება, დღესდღეობით არსებობს სხვადასხვა გემები თავისი კლასიფიკაციებით, საზღვაო სპეციალისტებმა უფრო კარგად იციან ეს ყველაფერი. რადგანაც მოხდა ამ გემების იდენტიფიცირება, შესაბამისად, არსებობს სანქციათა სხვადასხვა პაკეტები.
იმაზე მეტი ინფორმაცია და მტკიცებულება, რაც მედიაში ვრცელდება, არც სხვამ იცის. რაც შეეხება თვითონ პროცედურას და მტკიცებულებების საკითხს, მოგეხსენებათ, რომ ევროკავშირი საკმაოდ ბიუროკრატიული ორგანიზაციაა. მინიმალურია ალბათობა, რომ კარგი გამოძიებისა და შესაბამისი მტკიცებულებების გარეშე მოხდეს გადაწყვეტილების მიღება იმის შესახებ, სახელობითად რომელი ობიექტი ან სუბიექტი შეიძლება მოხვდეს სანქციების ქვეშ.
ევროკავშირის ბუნებიდან გამომდინარე, თითქმის წარმოუდგენელია, რომ ეს არ ყოფილიყო ხანგრძლივი დაკვირვების შედეგი.
ასევე, ხაზი მინდა გავუსვა, რომ ჯერ არ ვიცით, ნამდვილად მოხვდება თუ არა ყულევის ნავსადგური სანქციების ქვეშ, მაგრამ თუ დადასტურდა, დარწმუნებული ვარ, ეს არ მოხდება შესაბამისი მტკიცებულებების გარეშე.
თუმცა რა არის ეს მტკიცებულებები და კონკრეტულად რა ტიპის აქტივობაში არის ჩართული ყულევის პორტში არსებული ინფრასტრუქტურა, ეს კიდევ ცალკე საკითხია და იმედია, ამაზე უფრო მეტს გავიგებთ.
ახლა რას უნდა აკეთებდეს „ქართული ოცნების“ მთავრობა, ეკონომიკის სამინისტრო, საგარეო საქმეთა სამინისტრო იმისათვის, რომ პორტი არ დასანქცირდეს?
რთულად პასუხგასაცემი კითხვაა, რადგან ასეთ მოცემულობაში ჩვენ, როგორც ქვეყანა, აქამდე არასოდეს ვყოფილვართ. მე არც მახსენდება და დარწმუნებული ვარ, ჩემს უფროს კოლეგებსაც არ გაახსენდებათ ალბათ მსგავსი.
ნორმალურ ვითარებაში ეს ჩაითვლებოდა ერთ-ერთ კრიზისულ სიტუაციად, საიდანაც გამოსავლის ძიებაში აუცილებელი არის უწყებათაშორისი კოორდინაცია, რაც უნდა განხორციელდეს ეროვნული უსაფრთხოების საბჭოს მიერ. ეს ორგანო ჩვენ დღეს არ გვაქვს საქართველოში, იმიტომ, რომ გააუქმეს.
სახელმწიფო უწყებები რომ მოქმედებენ ისე, როგორც საჭიროა და ფუნქციონირებდნენ ისე, როგორც საჭიროა, სანქცირების რისკი არ დადგებოდა. დარწმუნებული ვარ ყულევის ინტერესი არავის არ ჰქონდა ასე კონკრეტულად. სწორედ ესაა – თუ სახელმწიფო უწყებები მუშაობენ სწორად, კოორდინირებულად, გამართულად, ასეთი რაღაც არ ხდება.
მე რომ ვიყო სტრატეგიული გადაწყვეტილების მიმღები პროცესის ნაწილი სახელმწიფო სტრუქტურაში, ვიცოდე, რომ ყველაფერს სწორად ვაკეთებ და უცებ დაფიქსირდა ასეთი ლაფსუსი, ჩავთვლიდი, რომ ეს არის კრიზისი, კრიზისული სიტუაცია და ვირეაგირებდი შესაბამისად. სამწუხაროდ, ასეთი მოლოდინი, ამ ეტაპზე, სახელმწიფო უწყებების მიმართ არ მაქვს.
თუ დავუშვებთ, რომ ევროკავშირის სანქციებში მოექცევა ყულევის ტერმინალი, ეს სანქციები როგორ მოახდენს გავლენას შავი ზღვის უსაფრთხოების არქიტექტურაზე? რა შეიცვლება NATO-ს წევრ ქვეყნებთან, სხვა პარტნიორქვეყნებთან ანკრიზისის მართვის ოპერაციების კუთხით?
რაც შეეხება წმინდად უსაფრთხოების თემას, სამწუხაროდ, უკრაინაში მიმდინარე საომარი მოქმედებების შედეგად თანამშრომლობითი მექანიზმები ნულოვან ნიშნულამდეა დასული შავი ზღვის უსაფრთხოების მიმართულებით. თუ არ ჩავთვლით იქ რაღაც კონკრეტულ ინიციატივებს, რაც იყო ანტისანაღმო გაერთიანებასთან დაკავშირებით. ეს ნაკლებად ეხებოდა ხოლმე ქართულ მხარეს. ვგულისხმობ – ომის მიმდინარეობის დროს.
ამაში ჩართული იყვნენ ბულგარეთი, რუმინეთი, თურქეთი, უკრაინა, ნაწილობრივ – საქართველო, მაგრამ შემდგომ უკვე – აღარ, პოლიტიკური ვითარებიდან გამომდინარე.
მეტად საინტერესოა თავად ევროკავშირის პოლიტიკა შავი ზღვის რეგიონის მიმართ. გასული წლის გაზაფხულზე ევროკავშირმა მიიღო შავი ზღვის სტრატეგია, რომელიც იყო უპრეცედენტო დოკუმენტი, იმიტომ, რომ თუ არ ჩავთვლით ამერიკის შეერთებულ შტატებს, არც ერთ სხვა დასავლურ ორგანიზაციას არა აქვს შავი ზღვის სტრატეგია.
ეს სტრატეგია გულისხმობდა მაქსიმალურ ეკონომიკურ ჩართულობას, როგორც ევროკავშირის წევრ ქვეყნებს, ასევე მის პარტნიორ ქვეყნებს შორის.
ამ სტრატეგიაში იყო დათქმა, რომ ის თანამშრომლობა და სარგებელი, რომელიც შეიძლება ამ პროექტებმა მოიტანოს, საქართველოს შეეხება მაშინ, როდესაც ის დაუბრუნდება დემოკრატიული განვითარების გზას.
ახლა წარმოიდგინეთ პორტი, რომელიც მდებარეობს საქართველოს ტერიტორიაზე, რომ მოხვდეს ევროკავშირის სანქციების ქვეშ, რამდენად ჩამოშორდება საქართველო დასავლურ ორბიტას და დასავლურ ხედვას რეგიონის მიმართ.
რას ნიშნავს პრაქტიკულ დონეზე სანქცირებული პორტი? ეს ნიშნავს რომ ევროკავშირი ამ პორტს ვერ იყენებს, ვერ ოპერირებს. ისიც უნდა აღვნიშნოთ, რომ ევროკავშირს განსაკუთრებული ჩართულობა არ ჰქონია საქართველოსთან მიმართებაში, მაგრამ ჩვენ წლების განმავლობაში ვცდილობდით, დასავლეთის სახელმწიფოებს, ნატოს, ამერიკას გაეზარდა ჩართულობა შავ ზღვაში, უფრო მეტი ყურადღება მიექცია შავი ზღვის უსაფრთხოებისთვის.
ახლა გამოდის, რომ ფაქტობრივად დასავლეთის სახელმწიფოებს აიძულებ თავი აარიდოს შენი საზღვაო, სატრანსპორტო და საკომუნიკაციო ინფრასტრუქტურის გამოყენებას.
რუკას რომ დახედო – გაქვს ოკუპირებული პორტი [ოჩამჩირე], ყულევი რომ დასანქცირდეს, გექნება სანქცირებული პორტი. ეს ყველაფერი როგორ აისახება ქვეყნის რეპუტაციაზე? ბათუმის პორტიდან ყულევის პორტამდე 90-100 კილომეტრია. ფოთიდან ყულევამდე – დაახლოებით 30 კმ საზღვაო გზით. მეეჭვება რომელიმე ინვესტორმა ან ეკონომიკური ინტერესების მქონე ქვეყანამ, სუბიექტმა, ორგანიზაციამ დაინტერესება გამოთქვას ბათუმში ან ფოთში რაიმე ტიპის მომსახურების მიღებაზე იმ ფონზე, როდესაც ქვეყანას ექნება დასანქცირებული პორტი ყულევის სახით.
საქართველოს არა აქვს ამის ფუფუნება. ჩვენ გვაქვს ლიმიტირებული შესაძლებლობები და ამ ლიმიტირებულ შესაძლებლობებში მაქსიმალურად უნდა გავუფრთხილდეთ, რასაც, სამწუხაროდ, ახლა არ ვაკეთებთ.
„საუბარი აუცილებლად იქნებოდა მდინარაძის ანტიამერიკულ რიტორიკაზე, არა მხოლოდ პარლამენტის ტრიბუნიდან, არამედ უკვე სუს-ის უფროსის თანამდებობიდან და არანაირი საუბარი ამ შემთხვევაში რაღაც სტრატეგიული პარტნიორობის განახლებაზე არ შედგებოდა.
უსაფრთხოების საკითხებზე იქნებოდა მსჯელობა, მით უფრო იმ ფონზე, რაც ირან-ამერიკას შორის მოლაპარაკებების კუთხით ხდება ომანში და იმ სამხედრო ტექნიკის მოძრაობის კუთხით შეერთებული შტატების მხრიდან, რაც ირანის კრიზისიდან გამომდინარეობს,“ – მიიჩნევს პოლიტიკოსი თეონა აქუბარდია. მას „ოცნების“ სუსის უფროსის, მამუკა მდინარაძის აშშ-ში ვიზიტზე ვესაუბრეთ – რა იცვლება საქართველო-აშშ-ს ურთიერთობებში, განსაკუთრებით მას შემდეგ, როცა აშშ-მ თავისი ინტერესები სამხრეთ კავკასიაში მკაფიოდ გამოხატა?
„ის, რომ ამერიკას ხელი აქვს საქართველოზე ჩაქნეული, ამას არ ვეთანხმები – ამერიკა კიდევ უფრო მძლავრად შემოვიდა რეგიონში და რუსეთის გავლენები ისევე, როგორც ირანის გავლენები, შეასუსტა.
ივანიშვილი აკვირდება, რას იზამს ამერიკა ერთის მხრივ რეგიონში, რა მოხდება უკრაინაში და აქედან გამომდინარე იმოქმედებს.
„ოცნებას“ მოლოდინი აქვს, რომ რახან საქართველო რუკაზე შუა დერეფნის კუთხით მნიშვნელოვან ფუნქციას ასრულებს, გეოგრაფიის გამო მიიღებენ ისეთად, როგორიც არიან. ეს ასე რომ არ ხდება, ამაში კიდევ უფრო მეტად დარწმუნდება ივანიშვილი ახლო მომავალში. მან უნდა გააკეთოს ის, რაც უთხრეს ამერიკიდან და შეცვალოს ის, რაც უთხრეს, ან გაგრძელდება სტრატეგიულად უმნიშვნელო მდგომარეობა და ჩიხი, რომელიც მხოლოდ და მხოლოდ რუსეთს აწყობს,“ – მიიჩნევს თეონა აქუბარდია.
„ბათუმელებმა“ თეონა აქუბარდიასთან ინტერვიუ ჩაწერა. იგი პარლამენტის ყოფილი წევრი და უშიშროების საბჭოს მდივნის ყოფილი მოადგილეა.
ქალბატონო თეონა, სუს-ის ინფორმაციით, მამუკა მდინარაძე 7-10 თებერვალს სამუშაო ვიზიტით ამერიკის შეერთებულ შტატებში იყო, კოლეგებმა მიიწვიესო. დამაჯერებელია სუს-ის ეს განცხადება, რომ „შეხვედრა უსაფრთხოების საკითხებთან დაკავშირებით გაიმართა“?
დამაჯერებელი არის ის, რომ უსაფრთხოების საკითხებს შეეხებოდა მისი ვიზიტი, თუმცა აქ არის მთავარი პრობლემა: ჩვენ გვახსოვს მამუკა მდინარაძის სუს-ის სავარძლიდან გაკეთებული ანტიამერიკული განცხადება, რასაც მოჰყვა ელჩის – ტალიაშვილის დაბარება სახელმწიფო დეპარტამენტში. ამას უარყოფდა თავიდან ირაკლი კობახიძე, მაგრამ შემდგომ შეერთებულმა შტატებმა დაადასტურა, რის გამოც დაიბარეს ტალიაშვილი, რომ დაგმეს მამუკა მდინარაძის განცხადება.
ეს შეეხებოდა მამუკა მდინარაძის ცნობილ განცხადებას? სუს-ის უფროსმა მამუკა მდინარაძემ 2025 წლის პირველ ოქტომბერს განაცხადა, რომ „გაშიფრეს“ სხვადასხვა არხი, რომლითაც საქართველოში რევოლუციური მიზნები ფინანსდება, მაგალითად, ტაილანდიდან ერთ-ერთი დიდი საელჩოს „ანტიჩინური მიზნებისათვის დაფინანსებული ადამიანები ჰყავს საქართველოში და სინამდვილეში, დაახლოებით 95-98%-ის შემთხვევაში ეს თანხა ხმარდება ხელისუფლების წინააღმდეგ მიმართულ რადიკალებს, რევოლუციურ მიზნებს, სხვადასხვა პერფორმანსებს, დადგმებს“.
კი ბატონო. სახელმწიფო დეპარტამენტს შესაბამისი რეაგირება უნდა გაეკეთებინა სუს-ის უფროსის ამ განცხადებაზე.
ჩვენ გვახსოვს გრიგოლ ლილუაშვილის საიდუმლო ვიზიტი, მათ შორის, შეერთებულ შტატებში, ეს იყო წინასაარჩევნო პერიოდში, 2024 წელს. მაშინ გახარიამ განაცხადა, რომ ის იყო ივანიშვილის შიკრიკი და ურთიერთობების დალაგების მცდელობა ჰქონდათ, თუმცა ეს ყველაფერი წარმატებით არ დამთავრდა.
მეორეს მხრივ, არის სუს-ის ვებგვერდზე ინფორმაცია გომელაურის, რომელიც იმ დროს სუს-ის უფროსი იყო, შეერთებულ შტატებში ვიზიტზე, როცა ის ემზადებოდა ამ შეხვედრისთვის: ვის უნდა შეხვედროდა, რა შეხვედრა იმართებოდა, ამ შეხვედრის დეტალები. თუ მდინარაძე მიდიოდა შეერთებულ შტატებში, ეს წინასწარ შეეძლო ეთქვა, ისევე, როგორც გომელაურმა თქვა 2017 წელს. ეს არ მომხდარა.
თეონა აქუბარდია
ბუნებრივია, უსაფრთხოების საკითხებზე იქნებოდა მსჯელობა, მით უფრო იმ ფონზე, რაც ირან-ამერიკას შორის მოლაპარაკებების კუთხით ხდება ომანში და იმ სამხედრო ტექნიკის მოძრაობის კუთხით შეერთებული შტატების მხრიდან, რაც ირანის კრიზისიდან გამომდინარეობს.
თუ გავიხსენებთ ლაშა დარსალიას [„ოცნების“ მთავრობის საგარეო საქმეთა მინისტრის მოადგილე] ვიზიტს შეერთებულ შტატებში, რაც ასევე სახელმწიფო დეპარტამენტისგან გავიგეთ და არა მაკა ბოჭორიშვილის კანტორიდან, იქაც საუბარი ეხებოდა ჩვენს რეგიონში არსებულ ვითარებას. ამიტომაც, დარწმუნებული ვარ, აშშ-ში იქნებოდა საუბარი, მათ შორის, უსაფრთხოების საკითხებზე, მით უფრო, თუ გავიხსენებთ იმას, რომ სუს-ში გაერთიანდა დაზვერვის სამსახურის ფუნქციები. დაზვერვის სამსახურს აქტიური თანამშრომლობა ჰქონდა ჩვენს დასავლელ პარტნიორებთან წარსულში.
ვფიქრობ, რომ საუბარი აუცილებლად იქნებოდა მდინარაძის ანტიამერიკულ რიტორიკაზე, არა მხოლოდ პარლამენტის ტრიბუნიდან, არამედ უკვე სუს-ის უფროსის თანამდებობიდან და არანაირი საუბარი ამ შემთხვევაში სტრატეგიული პარტნიორობის განახლებაზე არ შედგებოდა.
ანტიამერიკული განცხადებები ჰქონდათ „ოცნების“ სხვა ლიდერებსაც. რატომ შეიძლება გამხდარიყო მამუკა მდინარაძის განცხადება აშშ-თვის განსაკუთრებული ინტერესის ობიექტი?
იმიტომ, რომ მდინარაძეს აქვს განსაკუთრებული თანამდებობა სუს-ის უფროსის სახელით. სუსი ყოველთვის იყო აქტიურ თანამშრომლობაში ამერიკის შეერთებულ შტატებთან, იქნებოდა ეს კონტრტერორიზმის საკითხები, ქიმიური, ბიოლოგიური, რადიაციული უსაფრთხოების კუთხით, ერთობლივი სწავლებები მიმდინარეობდა სუს-ში, მათ შორის, ამერიკული მხარის ჩართულობით ამ მიმართულებით.
უკვე ტრადიციად იყო ჩამოყალიბებული შეერთებული შტატების თანამშრომლობა სუს-თან, რაც ბოლო პერიოდში აღარ შეინიშნებოდა – მას შემდეგ, რაც მდინარაძე დაინიშნა.
ვფიქრობ, რომ მდინარაძეს მოუწევდა ბოდიშის მოხდა მისი განცხადების გამო, რაც ტყუილი ინფორმაცია იყო და არ შეესაბამებოდა სიმართლეს.
დარწმუნებული ვარ, იქნებოდა საუბარი შეცვლილ გეოპოლიტიკურ ვითარებაზე რეგიონში, მათ შორის, ირანის საკითხზე. შეერთებული შტატები აცხადებს მესამე ქვეყნებისთვის სანქციების დაწესებაზე. ის, რომ ჩვენ ირანთან ვაჭრობა გვაქვს, ასევე, საკმაოდ კეთილმეზობლური ურთიერთობები ირაკლი კობახიძეს ირანის რეჟიმთან, ესეც სიახლეს არ წარმოადგენს. ამიტომ, რა თქმა უნდა, ამერიკის ინტერესებიდან გამომდინარე, ამ საკითხებზე იქნებოდა საუბარი.
ამერიკა კიდევ უფრო აქტიურად შემოდის რეგიონში: სომხეთ-აზერბაიჯანთან გაფორმებული სტრატეგიული პარტნიორობით და დიდი ინვესტიციებით, რომელიც ჩვენ ვნახეთ ჯეი დი ვენსის ვიზიტიდან გამომდინარე ერევანსა და ბაქოში.
რა იცვლება სამხრეთ კავკასიაში აშშ-ის ინტერესის გააქტიურებით, სად არის საქართველოს ადგილი?
ამერიკას მოაქვს გრძელვადიანი მშვიდობა რეგიონში, იმ რეგიონში, სადაც რუსეთის აქტიური ჩარევით კონფლიქტები იყო და რომლის მოგვარებაც რუსეთის ჩარევით არ ხდებოდა.
სახელწოდება TRIPP ამას მოწმობს, რომ რუსეთს არანაირი ადგილი და როლი არ აქვს ახალ დერეფანში. იკვეთება ამერიკის გაძლიერებული ინტერესები ჩვენს რეგიონში. ეს არის განაცხადი, რომ ამ რეგიონში რუსეთის გავლენების ფეხის ამოსაძირკვად არის ეს ყველაფერი.
თუ აქამდე საქართველო იყო რეგიონში ამერიკის დასაყრდენი ძალა და დემოკრატიის შუქურას ეძახდნენ საქართველოს, ეს ამ შემთხვევაში გადავიდა სომხეთ-აზერბაიჯანზე. დარწმუნებული ვარ, რომ მიუხედავად იმისა, რომ დღეს სტრატეგიული პარტნიორობა აღარ გვაქვს ამერიკის შეერთებულ შტატებთან ივანიშვილის „დამსახურებით“ და არანაირი მაღალი დონის კონტაქტები, საქართველოს მიმართ კვლავ იქნება შეერთებული შტატების გარკვეულწილად ინტერესი, აი, ამ ახალი ინიციატივებიდან გამომდინარე.
შუა დერეფნის პროექტში საქართველო რუკაზე არის. მთავარი პრობლემა არის ის, რომ ეს არის შესაძლებლობის ხელიდან გაშვება – გეოპოლიტიკური როლის და ფუნქციის, რასაც ივანიშვილის რეჟიმი აკეთებს.
ლუქსემბურგში ევროკავშირის ინიციატივით გაიმართა მოლაპარაკებები შუა დერეფნის განვითარებასთან დაკავშირებით, შემდეგ უკვე ტაშკენტში კონკრეტულად შუა დერეფნის განვითარებაში ინვესტიციებს განიხილავდნენ – აქაც იყო სომხეთი და აზერბაიჯანი, როგორც სატრანზიტო ქვეყნები, მაგრამ არ იყო საქართველო მიწვეული.
ეს ყველაფერი აჩვენებს იმას, რომ თავისთავად გეოგრაფია არაფერს არ იძლევა, თუ არ იქნება შესაძლებლობა გამოყენებული.
ამ შესაძლებლობას სჭირდება სანდოობა, სჭირდება შესაბამისი ინსტიტუტები. არა – რიტორიკა, რომელიც დასავლეთის წინააღმდეგ არის ივანიშვილის რეჟიმის მხრიდან გამოყენებული, არამედ პარტნიორობაზე დაფუძნებული ურთიერთობები, რის ადგილიც აღარ არის ივანიშვილის პირობებში საქართველოში.
მდინარაძის ვიზიტი აშშ-ში, ფიქრობთ, რომ არ უკავშირდება ურთიერთობების გადახედვას? ყაველაშვილი ამბობდა, ვენსისგან ურთიერთობების გადატვირთვის დაპირება მივიღეო.
ეს ჩვეულებრივი ტყუილია. ურთიერთობის გადატვირთვის შესაძლებლობა, რა თქმა უნდა, ივანიშვილის რეჟიმს აქვს და ჰქონდა. გაგახსენებთ ელჩი დეგნანის განაცხადს, რომ სამი წინაპირობა იყო რუბიოს მხრიდან წამოყენებული იმისთვის, რომ ურთიერთობები განახლებულიყო. ერთ-ერთი ამ სამ პირობას შორის და უპირველესი იყო ანტიამერიკული პროპაგანდის შეწყვეტა, რაც მდინარაძემ არ გააკეთა და ივანიშვილის უარი ელჩთან შეხვედრაზე რუბიოს გზავნილების მოსასმენად.
ამიტომაც, ამერიკას თავისი წინაპირობები აქვს უკვე დაყენებული ივანიშვილის რეჟიმთან: როგორ უნდა მოიქცეს იმისთვის, რომ ეს ურთიერთობები განახლდეს.
ივანიშვილის „ოცნების“ წევრები გამოირჩევიან ანტიევროპული რიტორიკით, ანტიამერიკულით – ნაკლებად. ეს რატომ ხდება, თქვენი აზრით?
იცით რა არის? შეიძლება მამუკა მდინარაძე აღარ აბრალებს რევოლუციის მოწყობას შეერთებულ შტატებს, მაგრამ მეორეს მხრივ არსებობს ზაზა შათირიშვილი, რომელიც არის ივანიშვილის კარის ფილოსოფოსი. ის არათუ ამერიკას აბრალებს „დიფ სთეითობას”, არამედ უშუალოდ თავად პრეზიდენტ ტრამპსაც და ამბობს, რომ მშვიდობის კი არა, ომის კაცია.
მე ვერ ვხედავ, რომ ანტიამერიკულმა გზავნილებმა იკლო, შათირიშვილის, აი, ამ ცნობილი წერილების შემდგომ – მით უმეტეს.
შათირიშვილის ბოლო წერილით ჩანს, რომ ივანიშვილს აღარ აქვს ტრამპთან ურთიერთობების რაიმე ფორმით დალაგების იმედი?
დიახ. ყულევის ტერმინალის სანქცირების საკითხი ევროკავშირის მხრიდან და ირანთან დაკავშირებით შეერთებული შტატების განცხადება მესამე ქვეყნების სანქციებზე, რა თქმა უნდა, კიდევ უფრო აძლიერებს წნეხს, რომელიც არის ივანიშვილის რეჟიმზე…
სულაც არ არის სასარგებლო ვითარება ივანიშვილისთვის, თუმცა, გამომდინარე იქიდან, რომ ირანთან მიმართებაში მიმდინარეობს მოლაპარაკება, საქართველო არის შეერთებული შტატებისთვის ინტერესის ქვეყანა. მე გაგახსენებთ ორი სამხედრო თვითმფრინავის დაჯდომის პრეცედენტს საქართველოში და იმას, რომ აზერბაიჯანი ამ შესაძლებლობაზე უარს ამბობს გამომდინარე მისი ინტერესებიდან. ბუნებრივია, სიტუაციურად, დაბალ დონეზე გარკვეული საუბრები მიმდინარეობს, რაც გასაგები და აბსოლუტურად ახსნადია.
ამიტომაც, საინტერესოა, როგორ ხედავს აშშ საქართველოს, თქვენი აზრით? რა შეიმჩნევა აშშ-ს პოზიციონირებით ჩვენს რეგიონში?
ის, რომ ამერიკას ხელი აქვს საქართველოზე ჩაქნეული, ამას არ ვეთანხმები – ამერიკა კიდევ უფრო მძლავრად შემოვიდა რეგიონში და რუსეთის გავლენები ისევე, როგორც ირანის გავლენები, შეასუსტა. არანაირი „სამი პლუს სამი” ფორმატი აღარ არსებობს, სადაც ირანი და რუსეთი იყო. ეს ყველაფერი დამთავრდა. არსებობს მხოლოდ და მხოლოდ ამერიკული და დასავლური ინვესტიციები რეგიონში, განსხვავებით საქართველოსგან.
თუ გადატვირთვაზე არის საუბარი, ბუნებრივია, ამერიკა დაინტერესებულია, რომ საქართველო დაუბრუნდეს ძველ ხაზს და ამისთვის წინაპირობები გადაცემულია მისთვის. ამიტომაც, ბურთი არის ივანიშვილის მოედანზე.
თქვენი აზრით, ამერიკას მოლოდინი აქვს, რომ ივანიშვილი შეასრულებს რომელიმე მოთხოვნას?
არა, ამერიკას არ აქვს ეს მოლოდინი. ეს მოლოდინი რომ ჰქონდეს, დღეს ელჩი მაინც გვეყოლებოდა შეერთებული შტატების საქართველოში, მაგრამ ბურთი არის ივანიშვილის მოედანზე ცალსახად და ჩვენ ამის შესახებ გავიგეთ ყოფილი ელჩი დეგნანისგან, რომელმაც თქვა, თუ რა არის გასაკეთებელი იმისთვის, რომ ურთიერთობები განახლდეს.
ივანიშვილმა უარი თქვა ამ გზავნილების მოსმენაზე.
რა გამოდის, ასე შეიძლება გაგრძელდეს: აშშ სამხრეთ კავკასიაშია და არ იმჩნევდეს საქართველოს, სადაც ამდენი რესურსი დახარჯა?
კი, შეიძლება ასე გაგრძელდეს და უმაღლეს დონეზე არ იყოს არანაირი კონტაქტი. დაბალ დონეზე, დარწმუნებული ვარ, კომუნიკაცია მიმდინარეობს, მათ შორის ირანთან დაკავშირებით და ლაშა დარსალიას ვოიაჟიც ამას მოწმობს.
ჰელსინკის კომისიაში დღეს საქართველოს შესახებ მოსმენა გაიმართება განსხვავებული აზრის დევნის გამო. რა მოლოდინი გაქვთ? 2026 წლის იანვარში ჰელსინკის კომისიამ მკაცრად გააკრიტიკა „ოცნება“ – „ქართულმა ოცნებამ“ საქართველო დამოუკიდებლობის შემდეგ ყველაზე უარეს კრიზისში ჩაითრიაო“.
მიუხედავად იმისა, რომ გარკვეულწილად ცრუ მოლოდინებს ქმნის ივანიშვილის რეჟიმი ამერიკასთან ურთიერთობების გადატვირთვის კუთხით, ხოლო ჰელსინკის კომისიის განხილვას ფარატინა ქაღალდს უწოდებს, რა თქმა უნდა, ეს არის მისთვის ძალიან მძიმე.
ერთის მხრივ, ეს არის ორპარტიული განხილვა ამერიკის მხრიდან, მით უფრო მაშინ, როდესაც კიდევ უფრო მეტი რეპრესიები გრძელდება ოპონენტების წინააღმდეგ, ფუნდამენტური უფლებები ფეხქვეშ ითელება და აბსოლუტურად დრაკონული კანონები საბჭოთა კავშირში აბრუნებს საქართველოს.
არ ვფიქრობ, რომ ჰელსინკის კომისიის განხილვა მათთვის არ არის საინტერესო, მით უფრო, როდესაც რეგიონში ვენსი იყო ჩამოსული, აშშ-ს ვიცე-პრეზიდენტი და საქართველოს გვერდი აუარა.
ამას ექნება მძიმე შედეგები რეჟიმისთვის, თუმცა საქართველოსთვისაც აქვს მძიმე შედეგები, ივანიშვილის რეჟიმის პირობებში – ქვეყანა ძალიან ბევრ შესაძლებლობას უშვებს ხელიდან, მათ შორის, შუა დერეფნის პოტენციალის გამოყენებას მაშინ, როდესაც საჭირო ინფრასტრუქტურა საქართველოს არც კი მოუმზადებია, იქნება ეს ანაკლიის პორტი, რომელიც არასდროს არ ააშენა ივანიშვილის რეჟიმმა, თუ სხვა ლოჯისტიკური ინფრასტრუქტურის მოდერნიზაცია, რისი ვალდებულებაც ჰქონდათ.
ამ შესაძლებლობების გამოუყენებლობა და იზოლაცია რატომ აწყობს ივანიშვილს? თქვენი აზრით, ივანიშვილს სჯერა, რომ რუსეთი, რომელიც დღითიდღე სუსტდება, მხარს დაუჭერს ავტორიტარული რეჟიმის შენარჩუნებაში?
თუ ვლაპარაკობთ ანაკლიის პორტზე, გვითხრეს ჩვენ, რომ ჩინეთის სახელმწიფო კომპანიასთან კონტრაქტი ფორმდებოდა, შემდეგ შევიტყვეთ, რომ ამ ჩინური კომპანიის შვილობილი კომპანია იყო დასანქცირებული ამერიკის მხრიდან. შემდგომ ვიგებთ მარიამ ქვრივიშვილისგან, რომ ჯერჯერობით არ არის დასრულებული შეთანხმება ჩინეთთან. ეს აჩენს გარკვეულ ვარაუდებს, რომ შეერთებული შტატების პოზიციიდან გამომდინარე ეს ყველაფერი გაჩერებულია.
ვფიქრობ, ივანიშვილი აკვირდება, რას იზამს ამერიკა ერთის მხრივ რეგიონში, რა მოხდება უკრაინაში და აქედან გამომდინარე იმოქმედებს. „ოცნებას“ მოლოდინი აქვს, რომ გეოგრაფიულად რახან საქართველო რუკაზე შუა დერეფნის კუთხით მნიშვნელოვან ფუნქციას ასრულებს, გეოგრაფიის გამო მიიღებენ ისეთებად, როგორებიც არიან. ეს ასე რომ არ ხდება, ამაში კიდევ უფრო მეტად დარწმუნდება ივანიშვილი ახლო მომავალში.
მან უნდა გააკეთოს ის, რაც უთხრეს ამერიკიდან და შეცვალოს ის, რაც უთხრეს, ან გაგრძელდება სტრატეგიულად უმნიშვნელო მდგომარეობა და ჩიხი, რომელიც მხოლოდ და მხოლოდ რუსეთს აწყობს.
ცვლის რამეს ივანიშვილი საგარეო პოლიტიკაში? მიუნხენის კონფერენციაში საგარეო საქმეთა მინისტრი მიიღებს მონაწილეობასო.
არა, აბსოლუტურად არაფერს არ ცვლის მაკა ბოჭორიშვილი მიუნხენის კონფერენციაზე. თუ მოწვევა იყო ირაკლი კობახიძეზე გამოგზავნილი, მაშინ ირაკლი კობახიძემ უნდა გასცეს პასუხი, რატომ არ მიდის მიუნხენის კონფერენციაზე, მით უფრო მაშინ, როდესაც 50 ქვეყნის მეთაური ესწრება ღონისძიებას და მას ექნებოდა პლატფორმა, იქიდან რაღაც წამოეღო.
კობახიძემ იცის, რომ ის არის კაცი, რომელსაც ხელს არავინ ართმევს და არავინ არ ელაპარაკება. ამიტომაც, არ მიდის იქ და აგზავნის მაკა ბოჭორიშვილს, სურათი რომ გადაიღოს და შემდგომ გაყიდოს, რომ რაღაც პატარა მიღწევა აქვს.
მით უფრო, ასეთი გეოპოლიტიკური ცვლილებებია. ის აბსოლუტური მონოპოლია, რომელიც საქართველოს ჰქონდა სომხეთ-აზერბაიჯანის კონფლიქტიდან გამომდინარე, დღეს რადიკალურად შეიცვალა, აშშ-მა მშვიდობა მოიტანა რეგიონში, რუსეთს მოუწია გასვლა სომხეთ-აზერბაიჯანიდან… ირაკლი კობახიძეს არაფრის რესურსი არ აქვს, ის არის კაცი, რომლის გუნდისთან ერთად საქართველოს აქვს მხოლოდ და მხოლოდ მარცხი საგარეო პოლიტიკის და უსაფრთხოების ასპარეზზე. მე ამით ვხსნი, რომ ის იქ ვერ მიდის და არ მიდის.
ირაკლი კობახიძე ორი წელია თავის თავს უწოდებს პრემიერს. ჯერ კიდევ 2024 წელს, როდესაც იგი პრემიერად დანიშნა ივანიშვილმა, არც მაშინ არ წასულა უსაფრთხოების კონფერენციაზე, იქ იყო სალომე ზურაბიშვილი. შარშან, ბუნებრივია, იმ სისხლიანი დარბევების შემდგომ, რომელიც მათ მოაწყვეს საქართველოში, თავი რომ დავანებოთ ქიმიური მოწამვლის ამბავს, ისინი იქ უბრალოდ ვერ გამოჩნდებოდნენ და წელს მაკა ბოჭორიშვილის ხელის ჩამორთმევის ფოტოთი აპირებს გაყიდოს რაღაც ილუზია.
მამუკა მდინარაძემ რატომ არ გამოაქვეყნა, თქვენი აზრით, აშშ-ში ვიზიტის ამსახველი ფოტო?
გამომდინარე უსაფრთხოების საკითხებიდან, შესაძლებელია ფოტო არ ყოფილიყო, მაგრამ იგივე სუსის სტანდარტით, მაგალითად, გომელაურის შემთხვევაში, მან წინასწარ დააანონსა ვიზიტი, მათ შორის, ის, თუ ვის ხვდებოდა, რა თანამდებობის პირებს და რა საკითხებზე ისაუბრებდნენ. ამიტომაც, ეს არის მათი სტანდარტის გაუარესება.
ბევრ კითხვას აჩენს ის მშრალი ინფორმაცია, რაც სუს-მა დღეს წარმოადგინა.
მნიშვნელოვანია, რომ როცა 4 თებერვალს გასაჯაროვდა, რომ მდინარაძე იყო ამერიკაში, სუს-მა უარყო ეს ინფორმაცია და ახლა თქვეს, კი, 7-დან 10-მდე იყო და არა 4-შიო. ირაკლი კობახიძეც უარყოფდა, რომ ტალიაშვილი ამერიკაში არ დაიბარეს და მერე ამერიკამ თქვა, კი, დაბარებული იყო და რაც თქვა, ისიც საჯაროდ დადო.
ივანიშვილს ფსონი აქვს ისევ რუსეთის მოგებაზე?
რა თქმა უნდა. ყულევის ნავთობგადამამუშავებელი ვითომ საწარმო, რომელიც არ აშენებულა, სწორედ ამას მოწმობს, რომ რუსული სანქცირებული ნავთობის შემოტანით გამდიდრება არის ერთი ამოცანა. მეორეა: რუსეთის ომის გაძლიერება და დახმარება უკრაინის წინააღმდეგ.
როცა ოკუპანტ სახელმწიფოს ეხმარები შენი სტრატეგიული პარტნიორის წინააღმდეგ, ეს, რა თქმა უნდა, რუსეთის მხარეს თამაშს ნიშნავს და შენი ტერიტორიული მთლიანობის წინააღმდეგ მოქმედებას. აქ სხვა მარტივ ჭეშმარიტების არანაირი შანსი არ არსებობს. ყველას გაგახსენებთ, რატომ არის ივანიშვილი სანქცირებული ამერიკის მხრიდან – რუსეთის სასარგებლო ქმედებების გამო.
მთავარია გჯეროდეს საკუთარი ძალების, მიზნების და იმისა, რომ ცნება „შეუძლებელი“ მხოლოდ დროებითი საზღვარია. სწორედ ამ რწმენამ, სხვადასხვა ეპოქაში, სამი ქართველი ქალის ისტორია უშბის მწვერვალზე ერთი იდეით გააერთიანა – ქალებს შეუძლიათ მწვერვალების დაპყრობა, მაშინაც კი, როცა გზა რთული, გარემო კი სტერეოტიპებით სავსეა.
11 თებერვალს, ლეგენდარული ქართველი მთამსვლელი ქალის და ქართული ალპინიზმის ფუძემდებლის, ალექსანდრა ჯაფარიძის დაბადების დღეა. ამ თარიღის ირგვლივ თიბისიმ, სიმბოლურად, სხვადასხვა ეპოქის სამი ქალის – ალექსანდრა ჯაფარიძის, მარიამ გელაშვილისა და მაია სიჭინავას ისტორიები გააერთიანა. მათ შეუპოვრობით, მიზნისა და საკუთარი თავის დაჯერებით შეუძლებელი შეძლეს და უშბის მწვერვალებზე ავიდნენ.
1934 წელს ალექსანდრა ჯაფარიძემ ისტორია დაწერა – ეს გახდა მსოფლიო მასშტაბის მოვლენა, კარი ახალი თაობისთვის ქართული ალპინიზმის მომავალში, რადგან ალექსანდრა იყო პირველი ქალი, ვინც უშბის მწვერვალზე შედგა ფეხი.
„გინდა აჯობო ამ კლდეებს, აჯობო შენს თავსაც. მაშინ თითქოს სხვად იქცევი, და უფრო კარგი ხარ, უფრო ძლიერი“ – აღნიშნავდა ალექსანდრა ჯაფარიძე.
ალექსანდრა ჯაფარიძის დაწყებული გზა, 90 წლის შემდეგ, 2024 წელს ალპინისტებმა მარიამ გელაშვილმა და მაია სიჭინავამ განაგრძეს – პირველი ქართველი ქალები, რომლებმაც უშბის ჩრდილოეთ მწვერვალს დამოუკიდებლად მიაღწიეს. თიბისის ახალი ვიდეორგოლში მარიამი და მაია, ალექსანდრას მუდმივი შთაგონებით, მოგვითხრობენ:
„უშბაზე ასვლა საკუთარ თავზე გამარჯვებას ჰგავს. არც ზედმეტი სითამამე უყვარს, არც მარტივად გიღებს, თუმცა თუ მიგიღო – სამუდამოდ მისი ერთგული რჩები“ – მაია სიჭინავა.
„უშბამ ბევრი დაბრკოლება დაგვახვედრა გზად, მაგრამ თან ყველაზე მნიშვნელოვანი – მიზნისკენ ჯიუტად სვლა გვასწავლა. ის, რისიც ცხოვრებაში ასე ძალიან გჯერა, რისკენაც ასე შეუპოვრად მიდიხარ, შეუძლებელია არ გამოგივიდეს. ამ გზაზე, ხან საკუთარი თავის უნდა დაიჯერო და წინ იარო, ხანდახან კი, უნდა გაჩერდე კიდეც, იმიტომ რომ, ზოგჯერ, მწვერვალი სწორედ მაშინ გამოჩნდება, როცა ყველაზე ნაკლებად ელოდები“ – მარიამ გელაშვილი.
ალექსანდრა ჯაფარიძის, მაია სიჭინავას და მარიამ გელაშვილის მიღწევები მაგალითია იმისა, თუ როგორ გარდაიქმნება რწმენა რეალურ ძალად, რომელიც მიუღწეველი მწვერვალების დაპყრობასაც კი შესაძლებელს ხდის.
ქალებისა და გოგოების გაძლიერება, საკუთარი მიზნებისკენ სვლის მხარდაჭერა და განათლებაზე ხელმისაწვდომობის ზრდა თიბისისთვის ათწლეულებია ერთ-ერთი მთავარი პრიორიტეტია. თიბისი თანმიმდევრულად უჭერს მხარს ინიციატივებს, რომლებიც ქალებს აძლევს შესაძლებლობას, ირწმუნონ საკუთარი მიზნების, შესაძლებლობები და თამამად გადადგან ნაბიჯი წინ – სპორტში, ტექნოლოგიებში, განათლებასა თუ მეწარმეობაში.
სურსათის უვნებლობის სააგენტოს ცნობით, ოზურგეთში ორი ობიექტი გამოავლინეს, სადაც ხორცსა და ხორცპროდუქტებს კუსტარულად აწარმოებდნენ.
საუბარია არალეგალურ საწარმოებზე.
„ფიზიკური პირი ა. კ. (თაყაიშვილის N1) კუსტარულად მოწყობილ ობიექტზე, სააგენტოსაგან მინიჭებული სავალდებულო აღიარების გარეშე, სანიტარიულ-ჰიგიენური ნორმების დარღვევით აწარმოებდა ხორცს.
ხოლო ინდმეწარმე ზ. ა. (გურიის ქ. N35) ვეტერინარული ზედამხედველობისა და სააგენტოსაგან მინიჭებული სავალდებულო აღიარების გარეშე საქმიანობდა თვითნებურად მოწყობილ სასაკლაოში“ – წერს სურსათის უვნებლობის სააგენტო.
უწყების ცნობით, ორივე ობიექტზე გამოვლინდა კრიტიკული შეუსაბამობები, დაილუქა საეჭვო წარმომავლობის 135 კგ-ზე მეტი გოჭისა და ფრინველის ხორცი და გულ-ღვიძლი.
ბიზნესოპერატორები დაჯარიმდნენ და შეუსაბამობების აღმოფხვრამდე შეუჩერდათ საწარმოო პროცესი.
სააგენტო მოუწოდებს მომხმარებელს, არ შეიძინონ სურსათი, განსაკუთრებით ხორცი და ხორცპროდუქტები, არაორგანიზებული ვაჭრობის პირობებში და ჯანმრთელობის ნიშანდების გარეშე.
