Batumelebi

გაერთიანებული სამეფოს დაზვერვის 7 იანვრის ანგარიში კრემენაიასთან მიმდინარე საბრძოლო მოქმედებებს მიმოიხილავს. როგორც დაზვერვის ანგარიშში ვკითხულობთ, საბრძოლო მოქმედებები რუტინულ რეჟიმში გრძელდება მართლმადიდებლური შობის პერიოდშიც.

ყველაზე მწვავე ბრძოლები, ბოლო სამი კვირაა, კვლავ ლუგანსკის ოლქის ქალაქ კრემენაიას ირგვლივაა – ქალაქის დასავლეთით, ხშირტყიან რელიეფზე.

როგორც ბრიტანული დაზვერვა წერს, რადგან წიწვოვანი ტყე, ზამთარშიც კი, ქმნის საფარს საჰაერო დაზვერვისგან, სავარაუდოდ ორივე მხარეს უჭირს ზუსტი საარტილერიო ცეცხლის წარმოება.

გაერთიანებული სამეფოს დაზვერვის სამსახური იუწყება, რომ როგორც ტყეში მიმდინარე ოპერაციებისთვისაა დამახასიათებელი, ამ შემთხვევაშიც ბრძოლა ძირითადად ქვეითებს უწევთ, ხშირად მოკლე დისტანციაზე.

ბრიტანული დაზვერვის შეფასებით, რუსი მეთურები კრემენაიას ირგვლივ არსებულ წნეხს, დიდი ალბათობით, განიხილავენ როგორც საფრთხეს ბახმუტის სექტორის მარჯვენა ფლანგზე. ეს უკანასკნელი კი, რუსი მეთაურებისთვის აღქმულია, როგორც დონეცკის ოლქის დარჩენილი ტერიტორიის ოკუპაციისთვის წინსვლის ძირითადი გასაღები.

 

უკრაინის შეიარაღებული ძალების გენერალური შტაბის დღევანდელი მონაცემებით, ომის დაწყებიდან 7 იანვრამდე პერიოდში, რუსეთის არმიის საბრძოლო დანაკარგი არის:

• ცოცხალი ძალა – დაახლოებით 110 740 ადამიანი [გასულ დღე-ღამეში +490]
• ტანკი – 3 066 ერთეული [+2]
• ჯავშანტექნიკა – 6 125 ერთეული [+1]
• საარტილერიო სისტემა – 2 062 ერთეული [+3]
• MLRS – 431 ერთეული [+0]
• საზენიტო საბრძოლო სისტემა – 217 ერთეული [+2]
• თვითმფრინავი – 285 ერთეული [+0]
• ვერტმფრენი – 272 ერთეული [+0]
• უპილოტო საფრენი აპარატის ოპერატიულ-ტაქტიკური დონე – 1 844 ერთეული [+0]
• ფრთოსანი რაკეტა [ჩამოაგდეს] – 723 ერთეული [+0]
• გემი/ნავი – 16 ერთეული [+0]
• მანქანები და საწვავის ავზები – 4 798 ერთეული [+1]
• სპეცტექნიკა – 182 ერთეული [+0]

უკრაინის გენერალური შტაბის განცხადებით, საომარი მოქმედებების მაღალი ინტენსივობის გამო მონაცემები იცვლება.

უკრაინის სამხედრო დანაკარგებზე ინფორმაცია განაახლა რუსეთმაც.

რუსეთის თავდაცვის სამინისტროს მიერ გავრცელებული მონაცემებით, ომის დაწყებიდან 7 იანვრამდე პერიოდში სულ განადგურებულია უკრაინის:

• 360 თვითმფრინავი
• 199 ვერტმფრენი
• 2 843 უპილოტო საფრენი აპარატი
• 400 საზენიტო სარაკეტო სისტემა
• 7 441 ტანკი და სხვა ჯავშანტექნიკა
• 972 მრავალჯერადი სარაკეტო გამშვები
• 3 787 საველე არტილერია და ნაღმმტყორცნი
• 7 957 სპეციალური სამხედრო მანქანა

რუსეთის თავდაცვა, ამ მონაცემებთან ერთად, უკრაინის არმიის ცოცხალი ძალის დანაკარგების საერთო რაოდენობის შესახებ სტატისტიკას არ აქვეყნებს.

ეს ის მონაცემებია, რომელსაც უკრაინა და რუსეთი ოფიციალურად ავრცელებენ, თუმცა ომის პირობებში შეუძლებელია ზუსტად გადამოწმება, რამდენად შეესაბამება მხარეების მიერ გავრცელებული ინფორმაცია დანაკარგების შესახებ რეალურ რიცხვებს.

---

რუსეთი უკრაინაში 2022 წლის 24 თებერვალს გამთენიისას შეიჭრა და სრულმასშტაბიანი ომი დაიწყო.

ამავე თემაზე:

კრემენაიასთან ორივე მხარეს უჭირს ზუსტი საარტილერიო ცეცხლის წარმოება – ბრიტანეთის დაზვერვა

See more

უკრაინის ვიცე-პრემიერი ირინა ვერეშჩუკი „ტელეგრამზე“ წერს, რომ რუსეთი, შესაძლოა, შობის დღესასწაულზე ტერორისტულ თავდასხმებს ამზადებდეს ოკუპირებულ ტერიტორიებზე მდებარე ეკლესიებში.

„არსებობს ინფორმაცია, რომ მართლმადიდებლურ შობას რუსები ამზადებენ ტერაქტებს დროებით ოკუპირებულ ტერიტორიებზე მდებარე ეკლესიებში. მოვუწოდებ მოქალაქეებს, გამოიჩინონ სიფრთხილე და შეძლებისდაგვარად, თავი შეიკავონ ხალხმრავალ ადგილებში ყოფნისგან. იზრუნეთ საკუთარ თავზე და თქვენს ახლობლებზე. დაელოდეთ უკრაინის შეიარაღებულ ძალებს“, – წერს ვერეშჩუკი.

გუშინ იგივე გაფრთხილება გამოაქვეყნა პროექტმა InformNapalm-მა, ორ წყაროზე დაყრდნობით.

ამ წყაროების მიხედვით, დიდი ალბათობაა, რომ დონეცკისა და ოკუპირებული ტერიტორიების სხვა დასახლებების რამდენიმე მართლმადიდებლური ეკლესია დანაღმონ და ააფეთქონ 7 იანვარს, სადღესასწაულო წირვის დროს. ამის მიზანი შესაძლოა იყოს შიდა რუსული აუდიტორიისთვის პროპაგანდისტული ისტორიების გადაღება, რაც მობილიზაციის ახალი ტალღის მიზეზი შეიძლება გახდეს.

გაერთიანებული სამეფოს დაზვერვის 6 იანვრის ანგარიში ანექსირებული ლუგანსკისა და დონეცკის მიმართ რუსეთის პოლიტიკას განიხილავს. ანგარიშის ფოკუსში ამ რეგიონების მილიციების რუსულ სამხედრო ძალებთან ოფიციალური ინტეგრირება მოხვდა.

ე.წ. ლუგანსკისა (LNR) და დონეცკის (DNR) სახალხო რესპუბლიკების მილიცია რუსეთის სამხედრო ძალებში ოფიციალურად 2022 წლის 31 დეკემბერს ინტეგრირდა. როგორც ბრიტანული დაზვერვა წერს, რუსეთის პრეზიდენტმა ვლადიმერ პუტინმა დონის როსტოვში ვიზიტის დროს წარუდგინა აღნიშნულ ფორმირებებს თავიანთი საბრძოლო ფერები.

რუსეთმა LNR და DNR თავისი ტერიტორიის ნაწილად 2022 წლის სექტემბრის რეფერენდუმის შედეგად გამოაცხადა. თუმცა, როგორც გაერთიანებული სამეფოს დაზვერვის სამსახური აღნიშნავს, რუსეთი ორივე რესპუბლიკას აკონტროლებდა 2014 წლის შემდეგ, რაც DNR-ის პირველი არმიის კორპუსი და LNR-ის მეორე არმიის კორპუსები შექმნა და რუსი სამხედრო ოფიცრებით უჭერდა მათ მხარს.

ბრიტანული დაზვერვის შეფასებით, LNR-ისა და DNR-ის სტატუსი და იდენტობები დიდი ალბათობით რჩება სადავო საკითხად რუსულ სისტემაში.

რუსეთის მიერ ახლად ანექსირებულ ამ ორ უკრაინული ოლქთან დაკავშირებული ხარჯები, გაერთიანებული სამეფოს დაზვერვის სამსახურის შეფასებით, ჯერ კიდევ 2022 წლის თებერვლის უკრაინაზე თავდასხმამდეც მნიშვნელოვან გასავალს წარმოადგენდა რუსეთი ფინანსებისთვის.

„ახლა კრემლმა ღიად მიიღო ვალდებულება, მხარი დაუჭიროს მათ. ისინი, სავარაუდოდ, რუსეთისთვის დიდი პოლიტიკური, დიპლომატიური და ფინანსური ხარჯის წყარო გახდებიან, რაც კონფლიქტის ამჟამინდელი ფაზის მიღმა გაგრძელდება“, – ვკითხულობთ ბრიტანული დაზვერვის 6 იანვრის ანგარიშში.

___________________________

ფოტო: EPA-EFE/YURI KOCHETKOV

აშშ-ის ომის კვლევის ინსტიტუტის (ISW) ცნობით, რუსეთის პრეზიდენტის, ვლადიმერ პუტინის განცხადება უკრაინაში, საშობაოდ 36 საათით ცეცხლის შეწყვეტის შესახებ,  სავარაუდოდ, საინფორმაციო ოპერაციაა, რომლის მიზანიც უკრაინის რეპუტაციის შელახვაა.

ნაკლებად სავარაუდოა, რომ პუტინი მოელის უკრაინისგან, რომ ის შეასრულებს საშობაო ზავის პირობებს. რუსეთს შესაძლოა სურდეს წარმოაჩინოს უკრაინა, როგორც მხარე, რომელსაც არ სურს გადადგას საჭირო ნაბიჯები მოლაპარაკებებისთვის. ეს არის საინფორმაციო ტაქტიკა, რომელსაც რუსეთი წარსულშიც იყენებდა – წერენ ომის შესწავლის ინსტიტუტის (ISW) ექსპერტები.

აქვე აღნიშნულია, რომ ფრონტის ხაზზე ცეცხლის შეწყვეტას დრო სჭირდება. 14 დეკემბერს პუტინის პრესმდივანმა დიმიტრი პესკოვმა განაცხადა, რომ რუსეთი არ აპირებს ცეცხლის შეწყვეტას შობას, რაც პუტინის განცხადებას კიდევ უფრო გამაოგნებელი ხდის – ვკითხულობთ ISW-ის 5 იანვრის ანგარიშში.

ISW წერს, რომ შობის თარიღი საუკუნეების განმავლობაში იყო ცნობილი და თუ პუტინი სერიოზულად იყო განწყობილი ცეცხლის შესაწყვეტად, მას საკმარისი დრო ექნებოდა მოსამზადებლად.

გარდა ამისა, პუტინი შესაძლოა ცდილობდეს 36-საათიანი პაუზის მოპოვებას რუსეთის ჯარებისთვის დასვენების და ფრონტის კრიტიკულ სექტორებში შეტევითი ოპერაციების ხელახალი ორიენტაციისთვის. ასეთი პაუზა სარგებელს მოუტანს რუსეთის ჯარებს.

ორგანიზაციის ანალიტიკოსების აზრით, ცეცხლის შეწყვეტის შესახებ განცხადება ძალაში შესვლამდე 24 საათით ადრე მიუთითებს იმაზე, რომ ეს გაკეთდა იმ განზრახვით, რომ წარმოედგინათ უკრაინული ძალები, ისე, თითქოს მათ არ სურთ მშვიდობისთვის მუშაობა.

„ამ საინფორმაციო ოპერაციას ასევე შეუძლია მხარი დაუჭიროს კრემლის რიტორიკას იმის შესახებ, რომ უკრაინა დევნის მართლმადიდებელ ქრისტიანებს და რუსულენოვანებს, ნარატივს, რომელიც პუტინმა არაერთხელ წამოაყენა უკრაინაში მისი უკანონო შეჭრის გამართლების მიზნით“  -წერს ISW.

გუშინ, 5 იანვარს, რუსეთის პრეზიდენტმა ვლადიმერ პუტინმა საშობაოდ ცეცხლის შეწყვეტის მითითება გასცა.

კრემლის ვებგვერდზე გამოქვეყნებული ინფორმაციის თანახმად, პუტინმა ეს გადაწყვეტილება პატრიარქ კირილის მოწოდების შემდეგ მიიღო.

უკრაინის შეიარაღებული ძალების გენერალური შტაბის დღევანდელი მონაცემებით, ომის დაწყებიდან 6 იანვრამდე პერიოდში, რუსეთის არმიის საბრძოლო დანაკარგი არის:

• ცოცხალი ძალა – დაახლოებით 110 250 ადამიანი [გასულ დღე-ღამეში +530]
• ტანკი – 3 064 ერთეული [+23]
• ჯავშანტექნიკა – 6 124 ერთეული [+16]
• საარტილერიო სისტემა – 2 059 ერთეული [+8]
• MLRS – 431 ერთეული [+5]
• საზენიტო საბრძოლო სისტემა – 215 ერთეული [+0]
• თვითმფრინავი – 285 ერთეული [+1]
• ვერტმფრენი – 272 ერთეული [+1]
• უპილოტო საფრენი აპარატის ოპერატიულ-ტაქტიკური დონე – 1 844 ერთეული [+0]
• ფრთოსანი რაკეტა [ჩამოაგდეს] – 723 ერთეული [+0]
• გემი/ნავი – 16 ერთეული [+0]
• მანქანები და საწვავის ავზები – 4 797 ერთეული [+38]
• სპეცტექნიკა – 182 ერთეული [+0]

უკრაინის გენერალური შტაბის განცხადებით, საომარი მოქმედებების მაღალი ინტენსივობის გამო მონაცემები იცვლება.

უკრაინის სამხედრო დანაკარგებზე ინფორმაცია განაახლა რუსეთმაც.

რუსეთის თავდაცვის სამინისტროს მიერ გავრცელებული მონაცემებით, ომის დაწყებიდან 6 იანვრამდე პერიოდში სულ განადგურებულია უკრაინის:

• 360 თვითმფრინავი
• 199 ვერტმფრენი
• 2 839 უპილოტო საფრენი აპარატი
• 400 საზენიტო სარაკეტო სისტემა
• 7 437 ტანკი და სხვა ჯავშანტექნიკა
• 971 მრავალჯერადი სარაკეტო გამშვები
• 3 783 საველე არტილერია და ნაღმმტყორცნი
• 7 951 სპეციალური სამხედრო მანქანა

რუსეთის თავდაცვა, ამ მონაცემებთან ერთად, უკრაინის არმიის ცოცხალი ძალის დანაკარგების საერთო რაოდენობის შესახებ სტატისტიკას არ აქვეყნებს.

ეს ის მონაცემებია, რომელსაც უკრაინა და რუსეთი ოფიციალურად ავრცელებენ, თუმცა ომის პირობებში შეუძლებელია ზუსტად გადამოწმება, რამდენად შეესაბამება მხარეების მიერ გავრცელებული ინფორმაცია დანაკარგების შესახებ რეალურ რიცხვებს.

---

რუსეთი უკრაინაში 2022 წლის 24 თებერვალს გამთენიისას შეიჭრა და სრულმასშტაბიანი ომი დაიწყო.

ამავე თემაზე:

პუტინი აცხადებს, რომ პატრიარქ კირილის თხოვნით, საშობაოდ ცეცხლს შეწყვეტს უკრაინაში. კრემლის ცნობით, ცეცხლის შეწყვეტის გადაწყვეტილება უკავშირდება იმ გარემოებას, რომ საბრძოლო ზონებში ცხოვრობს მართლმადიდებელი აღმსარებლობის მქონე მოსახლეობის დიდი ნაწილი. ამ მოსახლეობას რუსეთი 2022 წლის 24 თებერვლიდან მოყოლებული ბომბავს.

საშობად ცეცხლის შეწყვეტა რუსეთის ოპერაციაა, რომლის მიზანი უკრაინის რეპუტაციის შელახვაა – ISW

See more

რუსეთის პრეზიდენტმა ვლადიმერ პუტინმა საშობაოდ ცეცხლის შეწყვეტის მითითება გასცა.

კრემლის ვებგვერდზე გამოქვეყნებული ინფორმაციის თანახმად, პუტინმა ეს გადაწყვეტილება პატრიარქ კირილის მოწოდების შემდეგ მიიღო.

„ვავალებ რუსეთის ფედერაციის თავდაცვის მინისტრს, 2023 წლის 6 იანვრის 12:00 საათიდან 2023 წლის 7 იანვრის 24:00 საათამდე შემოიღოს ცეცხლის შეწყვეტის რეჟიმი ბრძოლის მთელ ხაზზე“ – წერია ბრძანებაში. აქვე აღნიშნულია, რომ პუტინი მოუწოდებს უკრაინას, შეწყვიტოს ცეცხლი აღნიშნულ დროში.

აქვე ვკითხულობთ, რომ ეს გადაწყვეტილება უკავშირდება იმ გარემოებას, რომ საბრძოლო ზონებში ცხოვრობს მართლმადიდებლური აღმსარებლობის მქონე მოსახლეობის დიდი ნაწილი.

დღეს, 5 იანვარს, კრემლის ერთ-ერთი მთავარი საყრდენი, პატრიარქი კირილი, რომელიც უკრაინაში რუსეთის არმიის შეჭრას ემხრობა, საშობაოდ 36-საათიანი ზავის მოწოდებით გამოვიდა.

რუსეთის პატრიარქმა „შიდა კონფლიქტში ჩართულ ყველა მხარეს“ მოუწოდა, საომარი მოქმედებები შეწყვიტონ 6 იანვრის 12:00 საათიდან 7 იანვრის 24 საათამდე, რათა მართლმადიდებლებმა შეძლონ საშობაო წირვაზე დასწრება.

რუსეთის პატრიარქი თავის 5 იანვრის მიმართვაში არც უკრაინას ახსენებს და არც უკრაინაში საომრად შეჭრილ რუსეთს.

რუსეთი უკრაინაში 24 თებერვალს შეიჭრა. კრემლის საომარი მოქმედებები გაამართლა რუსეთის პატრიარქმა. ომს, რომელიც უკვე 10 თვეზე მეტია მიმდინარეობს, ათიათასობით ადამიანი ემსხვერპლა, მათ შორის, ათასობით მშვიდობიანი მოქალაქე და 450-ზე მეტი ბავშვი.

დღესვე, კირილის განცხადების შემდეგ რუსეთის შეიარაღებულმა ძალებმა ხერსონის ოლქი დაბომბეს, რის შედეგადაც 4 ადამიანი დაიღუპა, მათ შორის ერთი ოჯახის სამი წევრი – დედა, მამა და 12 წლის ბავშვი.

უკრაინული მედიის ცნობით, ხერსონის ოლქში, ბერისლავში, საცხოვრებელ სახლს რუსეთის შეიარაღებული ძალების მიერ ნასროლი ჭურვი დაეცა.

აფეთქების შედეგად მთელი ოჯახი – დედა, მამა და 12 წლის ბავშვი დაიღუპა. ამის შესახებ უკრაინის პრეზიდენტის აპარატის უფროსის მოადგილე, კირილო ტიმოშენკო წერს ტელეგრამზე.

„ეს არის რუსეთის მთელი სიმდაბლე და სისასტიკე. დილით „საშობაო ზავის“ შესახებ საუბრობენ, ნაშუადღევს კი მთელ ოჯახს კლავენ. რა დააშავეს ცოლ-ქმარმა და მათმა 12 წლის შვილმა? ის, რომ უკრაინელები იყვნენ?

ადამიანები შობის ერთად შესახვედრად ემზადებოდნენ, მაგრამ რუსების ცინიკურმა დარტყმამ ისინი მოკლა საკუთარ სახლში“ – წერს ტიმოშენკო.

5 იანვარს რუსეთის ჯარებმა დაბომბეს ხერსონის ოლქის ცენტრალური ნაწილი. დღეს დაბომბვის შედეგად 18 წლის ბიჭი გარდაიცვალა, არიან დაჭრილები.

გაერთიანებული სამეფოს დაზვერვის 5 იანვრის ანგარიში რუსეთის მიერ შორი დისტანციის ავიაციის ახალ განლაგებას მიმოიხილავს.

როგორც ბრიტანული დაზვერვა წერს, 27 დეკემბერს უკრაინის ეროვნული უსაფრთხოებისა და თავდაცვის საბჭოს მდივანმა ოლექსეი დანილოვმა განაცხადა, რომ რუსეთმა შორეულ აღმოსავლეთში გადაიტანა თავისი შორი დისტანციის ავიაციის (LRA) Tu-95MS BEAR მძიმე ბომბდამშენები და Tu-22M3 BACKFIRE – საშუალო ბომბდამშენები.

2022 წლის 5 და 26 დეკემბერს, რუსეთში, შორი დისტანციის ავიაციის ენგელსის საჰაერო ბაზაზე განხორციელებული დარტყმის შედეგად რამდენიმე თვითმფრინავი დაზიანდა. გაერთიანებული სამეფოს დაზვერვის სამსახურის შეფასებით, დიდი ალბათობით, რუსეთმა აღნიშნული ინციდენტების პასუხად გადაანაწილა თავისი შორი დისტანციის ბომბდამშენი თვითმფრინავები უკრაინისგან შორს მდებარე აეროდრომებზე.

როგორც ბრიტანული დაზვერვა წერს, LRA, მიუხედავად უკრაინისგან შორს გადასროლისა, მაინც მოახერხებს რაკეტების გასროლას უკრაინაში, რადგან იარაღს 5000 კმ დიაპაზონი აქვს.

მიუხედავად ამისა, ბრიტანული დაზვერვის შეფასებით, რუსეთის მიერ ავიაციის შორ მანძილზე გადატანა გაზრდის ტექნიკურ პრობლემებს და კიდევ უფრო შეამცირებს ისედაც მოძველებული თვითმფრინავების შესაძლებლობებს.

 

უკრაინის შეიარაღებული ძალების გენერალური შტაბის დღევანდელი მონაცემებით, ომის დაწყებიდან 5 იანვრამდე პერიოდში, რუსეთის არმიის საბრძოლო დანაკარგი არის:

• ცოცხალი ძალა – დაახლოებით 109 720 ადამიანი [გასულ დღე-ღამეში +810]
• ტანკი – 3 041 ერთეული [+3]
• ჯავშანტექნიკა – 6 108 ერთეული [+2]
• საარტილერიო სისტემა – 2 051 ერთეული [+12]
• MLRS – 426 ერთეული [+2]
• საზენიტო საბრძოლო სისტემა – 215 ერთეული [+0]
• თვითმფრინავი – 284 ერთეული [+1]
• ვერტმფრენი – 271 ერთეული [+1]
• უპილოტო საფრენი აპარატის ოპერატიულ-ტაქტიკური დონე – 1 844 ერთეული [+2]
• ფრთოსანი რაკეტა [ჩამოაგდეს] – 723 ერთეული [+0]
• გემი/ნავი – 16 ერთეული [+0]
• მანქანები და საწვავის ავზები – 4 759 ერთეული [+14]
• სპეცტექნიკა – 182 ერთეული [+1]

უკრაინის გენერალური შტაბის განცხადებით, საომარი მოქმედებების მაღალი ინტენსივობის გამო მონაცემები იცვლება.

უკრაინის სამხედრო დანაკარგებზე ინფორმაცია განაახლა რუსეთმაც.

რუსეთის თავდაცვის სამინისტროს მიერ გავრცელებული მონაცემებით, ომის დაწყებიდან 5 იანვრამდე პერიოდში სულ განადგურებულია უკრაინის:

• 359 თვითმფრინავი
• 199 ვერტმფრენი
• 2 834 უპილოტო საფრენი აპარატი
• 399 საზენიტო სარაკეტო სისტემა
• 7 422 ტანკი და სხვა ჯავშანტექნიკა
• 971 მრავალჯერადი სარაკეტო გამშვები
• 3 781 საველე არტილერია და ნაღმმტყორცნი
• 7 937 სპეციალური სამხედრო მანქანა

რუსეთის თავდაცვა, ამ მონაცემებთან ერთად, უკრაინის არმიის ცოცხალი ძალის დანაკარგების საერთო რაოდენობის შესახებ სტატისტიკას არ აქვეყნებს.

ეს ის მონაცემებია, რომელსაც უკრაინა და რუსეთი ოფიციალურად ავრცელებენ, თუმცა ომის პირობებში შეუძლებელია ზუსტად გადამოწმება, რამდენად შეესაბამება მხარეების მიერ გავრცელებული ინფორმაცია დანაკარგების შესახებ რეალურ რიცხვებს.

---

რუსეთი უკრაინაში 2022 წლის 24 თებერვალს გამთენიისას შეიჭრა და სრულმასშტაბიანი ომი დაიწყო.

[yellow_box]უკრაინელები ბახმუტთან 300 მეტრით დაწინაურდნენ და ახალი პოზიციები დაიკავეს[/yellow_box]

ამავე თემაზე:

უკრაინა გაზაფხულზე დიდ შეტევას გეგმავს, თავდასხმები რუსეთში ისევ იქნება – ბუდანოვი

See more

უკრაინის სამხედრო დაზვერვის ხელმძღვანელმა, კირილო ბუდანოვმა ABC News-სთან ინტერვიუში განაცხადა, რომ უკრაინა გაზაფხულზე დიდ შეტევას გეგმავს, ყველაზე სასტიკი ბრძოლა კი მარტშია მოსალოდნელი.

„ჩვენი მიზანია და ჩვენ მას მივაღწევთ, დაბრუნება 1991 წლის საზღვრებთან, როგორიც უკრაინაა აღიარებული საერთაშორისო სამართლის ყველა სუბიექტის მიერ“, – განაცხადა ბუდანოვმა.

ბუდანოვმა ასევე აღნიშნა, რომ სავარაუდოდ, რუსეთის ტერიტორიაზე კვლავ იქნება დარტყმები, თუმცა მას არ დაუკონკრეტებია, იქნება თუ არა ამ დარტყმების უკან უკრაინა.

ოფიციალურად უკრაინას არ აუღია პასუხისმგებლობა 26 დეკემბერს რუსეთში, ენგელსის საჰაერო ძალების ბაზაზე განხორციელებულ თავდასხმაზე, თუმცა ბუდანოვმა ინტერვიუში თქვა, რომ „მოხარული იყო ამის დანახვით“.

მან დასძინა, რომ თავდასხმები სულ “უფრო და უფრო ღრმად” მოხდება რუსეთის ტერიტორიაზე, მაგრამ მხოლოდ ომის დასრულების შემდეგ შეძლებს კომენტარის გაკეთებას იმაზე, ვინ დგას ამ თავდასხმების უკან.

რაც შეეხება ოკუპირებულ ყირიმში ხიდის აფეთქებას, ბუდანოვმა განაცხადა, რომ ყირიმი უკრაინაა და უკრაინას შეუძლია გამოიყენოს ნებისმიერი იარაღი თავის ტერიტორიაზე.

ბუდანოვი უკრაინის პრეზიდენტის, ვოლოდიმირ ზელენსკის კიევში ვიზიტის შემდეგ თავადაც იმყოფებოდა ბახმუტში, ფრონტის ყველაზე ცხელ წერტილში. მან ABC News-სთან ინტერვიუში თქვა, რომ საკუთარი თვალით ნახა ადგილი, სადაც დაღუპულთა ცხედრებია.

„ჯარისკაცებმა მაჩვენეს მონაკვეთი, სადაც სხეულები გროვდება ისე, როგორც ფილმში ნახავთ. ასობით გვამი უბრალოდ ლპება ღია მინდორში“ – თქვა მან.

უკრაინის თავდაცვის ძალები ბახმუტის მიმართულებით 300 მეტრით დაწინაურდნენ და ოკუპანტების წარუმატებელი თავდასხმის შემდეგ ახალი პოზიციები დაიკავეს
– ამის შესახებ უკრაინის სახელმწიფო სასაზღვრო სამსახური წერს.

სამსახურის ცნობით, არტილერიის ცეცხლის ქვეშ ოკუპანტები ცდილობდნენ უკრაინელების ერთ-ერთი მოწინავე პოზიციის დაკავებას, თუმცა მესაზღვრეები სანგარში ელოდნენ საარტილერიო თავდასხმას და როცა მათ მტრის ქვეითი ჯარი მიუახლოვდა, ცეცხლი გაუხსნეს.

„თავდასხმის მცდელობა ჩაიშალა, მტერმა ზარალი განიცადა და გაქცევა დაიწყო.

დამპყრობლების პანიკური უკანდახევის დანახვისას, უკრაინელმა „მწვანე ბერეტებმა“ უკრაინის შეიარაღებული ძალების ჯარისკაცებთან ერთად კონტრშეტევა დაიწყეს. სწრაფი შეტევით ჩვენმა მებრძოლებმა დაიკავეს მათი პოზიციები, მოწინააღმდეგე კი აგრძელებდა უკანდახევას.

ცხრა დამპყრობელი განადგურდა და ოცამდე რუსი დამპყრობელი დაიჭრა. ამჟამად თავდაცვის ძალები 300 მეტრით დაწინაურდნენ და ახალ პოზიციებზე მაგრდებიან“ – წერს უკრაინის სახელმწიფო სასაზღვრო სამსახური.

უკრაინის საგარეო საქმეთა მინისტრმა, დმიტრო კულებამ, დღეს, 4 იანვარს, ბრიფინგზე განაცხადა, რომ უკრაინისთვის „პატრიოტის“ სისტემების გადაცემისთვის მზადება უკვე დაწყებულია და სისტემა უკრაინაში „რაც შეიძლება მალე“ ჩავა. ამის შესახებ უკრაინული მედია წერს.

„გასული წელი დავასრულეთ რევოლუციური გადაწყვეტილებით, უკრაინისთვის ამერიკული „პატრიოტის“ სისტემების მიწოდებით, რაზეც შეთანხმდნენ უკრაინისა და შეერთებული შტატების ლიდერები: ვოლოდიმირ ზელენსკი და ჯოზეფ ბაიდენი. ჩვენ ველით „პატრიოტების“ განლაგებას რაც შეიძლება მალე. მზადება ამ სისტემების გადაცემისთვის უკვე დაწყებულია“ – განაცხადა კულებამ.

ცნობილია, რომ უკრაინელმა სამხედროებმა უკვე დაიწყეს ამ სისტემებთან მუშაობის სასწავლო კურსი. უკრაინამ შეიმუშავა სპეციალური გეგმა სამხედროების მოსამზადებლად პატრიოტის სისტემებზე სამუშაოდ.

რას არის „პატრიოტი“?

„MIM-104 Patriot“ მიწაზე განთავსებული სარაკეტო თავდაცვის სისტემა შექმნილია შემტევი რაკეტებისა და სხვა მფრინავი ობიექტების გასანადგურებლად.

ეს იარაღი განიხილება, როგორც ერთ-ერთი ყველაზე მაღალგანვითარებული საჰაერო თავდაცვის სისტემა და, როგორც წესი, მის მისაღებად შემსყიდველი ქვეყნები მრავალწლიან რიგში დგებიან.

სარაკეტო სისტემას ამერიკაში, სამხედრო შეიარაღების მწარმოებელი კომპანია Raytheon უშვებს. მისი პირველი მოდიფიკაციები თავდაპირველად ცივი ომის დროს შეიქმნა, თუმცა თანამედროვე სახე მოგვიანებით, მუდმივი განახლებების შედეგად მიიღო.

სარაკეტო სისტემა აღჭურვილია რადარით, რომელსაც მათ შორის შეუძლია ბალისტიკური რაკეტების აღმოჩენა, საკომუნიკაციო ნაკვეთურით, მართვისა და კონტროლის ცენტრითა და რაკეტის გამშვებით.

მსგავსი მახასიათებლების გათვალისწინებით, Patriot-ის სარაკეტო სისტემა არის ძალიან მობილური და სწრაფი. სისტემა აღჭურვილია ამწით, რომელიც სწრაფად „ტენის“ გასასროლ რაკეტებს. ყველა კომპონენტი, მათ შორის რადარი, მართვის ცენტრი, კომუნიკაციები, ენერგიის წყარო და გამშვები, დამონტაჟებულია სატვირთო ძარებზე ან მისაბმელზე. რადარის კომპლექტი და სასროლი რაკეტები დამონტაჟებულია ნახევრად მისაბმელებზე.

უკრაინის შეიარაღებული ძალების გენერალური შტაბის 4 იანვარს გამოქვეყნებული ცნობების თანახმად, 2 იანვარს უკრაინის თავდაცვის ძალებმა ზაპოროჟიეს ოლქში რუსეთის პოზიციებს დაარტყეს, რის შედეგადაც დაიღუპა და დაიჭრა 260-მდე რუსი სამხედრო.

უკრაინული მხარის ცნობით, დაარტყეს რუსეთის შეიარაღებულ ძალებს დაარტყეს ტოკმაკის, მელიტოპოლის, ბერდიანსკის, პოლოგოვისა და ვასილიევკას რაიონებში. განადგურდა საბრძოლო მასალის 2 საცავი, 10-მდე ერთეული სხვადასხვა ტიპის სამხედრო ტექნიკა და ჯარისკაცების განლაგების 2 პუნქტი.

ასევე, უკრაინის შეიარაღებული ძალების გენერალური შტაბის ცნობით, 3 იანვარს უკრაინულმა ავიაციამ 12 დარტყმა რუსეთის შეიარაღებული ძალების პოზიციებს. უკრაინულმა სარაკეტო ქვედანაყოფებმა და არტილერიამ დაარტყეს რუსეთის ორ სამეთაურო პუნქტს, ჯარისკაცების განლაგებისა და მათი სამხედრო აღჭურვილობის 5 ზონას, საბრძოლო მასალის საცავსა და თვითმფრინავის კონტროლის პუნქტს.

ამავე დროს, ბოლო 24 საათის განმავლობაში, რუსეთის ჯარებმა განახორციელეს 7 სარაკეტო და 18 საჰაერო დარტყმა, ასევე 85-ზე მეტი შეტევა MLRS-დან, მათ შორის კრამატორსკში, ზაპოროჟიეში და ხერსონში.

გაერთიანებული სამეფოს დაზვერვის 4 იანვრის ანგარიში უკრაინელების მიერ რუსეთის ქალაქ მაკიევკაში სამხედრო დანიშნულებით გამოყენებული შენობის დაბომბვას განიხილავს. შენობა, რომელიც ბრიტანული დაზვერვის თქმით, თითქმის დარწმუნებით შეიძლება ითქვას, რომ რუსების მიერ სამხედრო დანიშნულებით გამოიყენებოდა, 31 დეკემბერს დაიბომბა.

რუსეთის თავდაცვის სამინისტროს ცნობით, აფეთქებას 89 რუსი ჯარისკაცი ემსხვერპლა, უკრაინული მხარე კი საუბრობს „ჰაიმარსით“ 400-მდე ოკუპანტის განადგურებაზე.

როგორც გაერთიანებული სამეფოს დაზვერვის სამსახური აფასებს, ზარალის სიდედის გათვალისწინებით, არსებობს რეალური შესაძლებლობა, რომ შენობის მახლობლად ინახებოდა საბრძოლო მასალა, რომელიც აფეთქდა დარტყმის დროს და გამოიწვია მეორადი აფეთქებები.

ბრიტანული დაზვერვის ანგარიშში აღნიშნულია, რომ შენობა ავდიივკას ფრონტის ხაზიდან 12.5 კილომეტრითაა დაშორებული, რომელიც კონფლიქტის ერთ-ერთი ყველაზე ინტენსიურად სადავო ზონაა.

დაზვერვის 4 იანვრის ანგარიშის თანახმად, ეს ინციდენტი კიდევ ერთხელ უსვამს ხაზს, რამდენად უწყობს ხელს რუსეთის არაპროფესიონალური პრაქტიკა მათი მსხვერპლის მაღალ მაჩვენებელს.

___________

ფოტო: EPA-EFE/HANNIBAL HANSCHKE

უკრაინის შეიარაღებული ძალების გენერალური შტაბის დღევანდელი მონაცემებით, ომის დაწყებიდან 4 იანვრამდე პერიოდში, რუსეთის არმიის საბრძოლო დანაკარგი არის:

• ცოცხალი ძალა – დაახლოებით 108 910 ადამიანი [გასულ დღე-ღამეში +720]
• ტანკი – 3 038 ერთეული [+2]
• ჯავშანტექნიკა – 6 106 ერთეული [+6]
• საარტილერიო სისტემა – 2 039 ერთეული [+6]
• MLRS – 424 ერთეული [+0]
• საზენიტო საბრძოლო სისტემა – 215 ერთეული [+1]
• თვითმფრინავი – 283 ერთეული [+0]
• ვერტმფრენი – 270 ერთეული [+0]
• უპილოტო საფრენი აპარატის ოპერატიულ-ტაქტიკური დონე – 1 842 ერთეული [+3]
• ფრთოსანი რაკეტა [ჩამოაგდეს] – 723 ერთეული [+0]
• გემი/ნავი – 16 ერთეული [+0]
• მანქანები და საწვავის ავზები – 4 745 ერთეული [+10]
• სპეცტექნიკა – 181 ერთეული [+0]

უკრაინის გენერალური შტაბის განცხადებით, საომარი მოქმედებების მაღალი ინტენსივობის გამო მონაცემები იცვლება.

უკრაინის სამხედრო დანაკარგებზე ინფორმაცია განაახლა რუსეთმაც.

რუსეთის თავდაცვის სამინისტროს მიერ გავრცელებული მონაცემებით, ომის დაწყებიდან 4 იანვრამდე პერიოდში სულ განადგურებულია უკრაინის:

• 357 თვითმფრინავი
• 199 ვერტმფრენი
• 2 813 უპილოტო საფრენი აპარატი
• 399 საზენიტო სარაკეტო სისტემა
• 7 408 ტანკი და სხვა ჯავშანტექნიკა
• 968 მრავალჯერადი სარაკეტო გამშვები
• 3 772 საველე არტილერია და ნაღმმტყორცნი
• 7 920 სპეციალური სამხედრო მანქანა

რუსეთის თავდაცვა, ამ მონაცემებთან ერთად, უკრაინის არმიის ცოცხალი ძალის დანაკარგების საერთო რაოდენობის შესახებ სტატისტიკას არ აქვეყნებს.

ეს ის მონაცემებია, რომელსაც უკრაინა და რუსეთი ოფიციალურად ავრცელებენ, თუმცა ომის პირობებში შეუძლებელია ზუსტად გადამოწმება, რამდენად შეესაბამება მხარეების მიერ გავრცელებული ინფორმაცია დანაკარგების შესახებ რეალურ რიცხვებს.

---

რუსეთი უკრაინაში 2022 წლის 24 თებერვალს გამთენიისას შეიჭრა და სრულმასშტაბიანი ომი დაიწყო.

• „რუსეთი სტრატეგიულ ჩიხშია შესული… სტრატეგიული მიზანი გახდა მინიმუმ რუსეთად აღიარებული ტერიტორიების ნომინალურ საზღვრებამდე გასვლა, მაგრამ ამასაც ვეღარ ახერხებენ“: ომის 10 თვე, რა იქნება 2023 წელს – ინტერვიუ გადამდგარ გენერალთან

ამავე თემაზე:

როგორ შედგა ყველაზე დიდი გაცვლა – „აზოვსტალის“ დამცველთა დაბრუნების უცნობი დეტალები

See more

უკრაინელმა სამართალდამცავებმა ნიკოლაევის ოლქში რუსული საოკუპაციო ჯარების მიერ მოწყობილი წამების კამერა იპოვეს. ამის შესახებ უკრაინის გენერალური პროკურატურა ავრცელებს ინფორმაციას.

გამოძიების მონაცემებით, რუსეთის წარმომადგენლებმა სოფელ ალექსანდროვკაში ადგილობრივ მცხოვრებს სახლი წაართვეს და აქ უკანონოდ აკავებდნენ, სცემდნენ და აწამებდნენ ადგილობრივებს, რომლებმაც უარი თქვეს მათთან თანამშრომლობაზე.

უკრაინული სპეცსამსახურების ცნობით, დატყვევებულებს აწამებდნენ პლასტიკური პაკეტით – მოხრჩობით, სცემდნენ მძიმე საგნებით და იყენებდნენ ელექტროშოკს.

სამართალდამცავებმა ადგილის დათვალიერებისას საწამებლად გამოყენებული „ინსტრუმენტებიც“ აღმოაჩინეს. მათ ასევე დაადგინეს უკრაინის მოქალაქეების ვინაობა, რომლებსაც ოკუპანტები უკანონოდ აკავებდნენ და აწამებდნენ ერთი თვის განმავლობაში.

უკრაინის პროკურატურამ საქმე აღძრა ომის კანონებისა და წეს-ჩვეულებების დარღვევის მუხლით, რაც ითვალისწინებს თავისუფლების აღკვეთას 8-დან 12 წლამდე ვადით.

რუსეთში დაიწყო კამპანია მომღერალ ვალერი მელაძის წინააღმდეგ. რუსული მედიის ცნობით, დუბაიში გამართულ კონცერტზე ვალერი მელაძესთან მსმენელმა ვიდეო ჩაწერა, სადაც შეძახილს „დიდება უკრაინას!“ – მელაძემ მიკროფონი მოიშორა და ისე უპასუხა – „დიდება გმირებს!“, შემდეგ კი დასძინა, რომ ის პოლიტიკის მიღმაა.

რუსეთის ფედერალური ასამბლეის საბჭოს წევრმა ელენა აფანასიევამ ტელეგრამზე დაწერა, რომ მელაძეს უკრაინული ნაციონალისტური ლოზუნგების მხარდაჭერისთვის რუსეთის მოქალაქეობა უნდა ჩამოერთვას, ხოლო რუსეთის დუმის დეპუტატი, „სამართლიანი რუსეთის“ ფრაქციის თავმჯდომარე, სერგეი მირონოვი მისთვის ტიტულების ჩამორთმევას ითხოვს.

„მისი [მელაძის] საქციელი დაგმობის ღირსია. ნამდვილ რუს ხელოვანს არ შეუძლია და არ უნდა მოიქცეს ასე. ის ზის ორ სკამზე და ცდილობს ყველა მხრიდან “გამორჩეს”. დროა მიიღოს გადაწყვეტილება. თუმცა, ქცევის მიხედვით, ამ „არტისტმა“ უკვე აირჩია მხარე. გთავაზობთ მელაძეს ჩამოერთვას ყველა ტიტული. ეს იქნება სამართლიანი და სამართლიანი”, – დაწერა მირონოვმა თავის ტელეგრამის არხზე.

დეპუტატი ასევე აღნიშნავს, რომ უცხოეთში გამართულ წვეულებაზე ვალერი მელაძემ მხარი დაუჭირა უკრაინულ „ნაციონალისტურ სლოგანს“.

„მართალია, მან დასძინა, რომ პოლიტიკის მიღმაა, მაგრამ წვეულებების გამართვა ქვეყნის გარეთ და თან დანაშაულებრივი სკანდირების მხარდაჭერა „პოლიტიკის მიღმაა“? – კითხვას სვამს დეპუტატი.

რუსეთში მცხოვრები მომღერალი, ვალერი მელაძე რუსეთის მიერ უკრაინის წინააღმდეგ დაწყებულ ომს ინსტაგრამზე ომის დაწყების პირველივე დღეს, 24 თებერვალს გამოეხმაურა. „მოხდა ის, რაც არ და ვერ უნდა მომხდარიყო“ – დაწერა მან თავის ოფიციალურ გვერდზე.

გაერთიანებული სამეფოს 3 იანვრის ანგარიში ბახმუტთან მიმდინარე ბრძოლების დინამიკას განიხილავს. ბახმუტი დონეცკის ოლქის ქალაქია, რომლის ირგვლივაც ბრძოლები ბოლო პერიოდში განსაკუთრებით ინტენსიურად მიმდინარეობს.

როგორც ბრიტანული დაზვერვა წერს, დიდი ალბათობით, რუსეთის სამხედრო ძალებმა „ვაგნერის“ სამხედრო ჯგუფთან ერთად, შუა  დეკემბერში გაზარდეს ქვეითთა თავდასხმების სიხშირე ბახმუტის ირგვლივ. მიუხედავად ამისა, გაერთიანებული სამეფოს დაზვერვის სამსახურის შეფასებით, აღნიშნული ოპერაციებიდან ბევრი ცუდად იყო მომზადებული.

ბრიტანული დაზვერვის ანგარიშის მიხედვით, ბოლო 10 დღეში უკრაინამ რეგიონის დაცვა მნიშვნელოვნად გააძლიერა დამატებითი ძალებით და როგორც ჩანს, რუსეთის თავდასხმების სიხშირეც შემცირდა შუა დეკემბრის პიკის შემდეგ. ბრიტანული დაზვერვის შეფასებით, ორივე მხარემ დიდი დანაკარგები განიცადა.

„ნაკლებად სავარაუდოა, რომ რუსეთმა უახლოეს კვირებში ბახმუტთან ახლოს მნიშვნელოვან გარღვევას მიაღწიოს“, – ვკითხულობთ ბრიტანული დაზვერვის ანგარიშში.

შეგახსენებთ, რომ ქართველი მებრძოლები რუსეთის საოკუპაციო ძალებთან შეტაკებისას სწორედ ბახმუტთან დაიღუპნენ 3 და 13 დეკემბერს.