Batumelebi

საავტორო კინოს ბათუმის საერთაშორისო ფესტივალის მხატვრული და დოკუმენტური ფილმების ჟიურის ვინაობა უკვე ცნობილია.

წელს BIAFF-ის მხატვრულ ფილმების საკონკურსო სექციას შეაფასებს ხუთკაციანი ჟიური, რომლის თავმჯდომარეც რეჟისორი გელა ბაბლუანი იქნება. ჟიურის წევრები არიან: კატარინა კლიმკიევიჩი (პოლონეთი), ნიკოს პანაიოტოპულოსი (საბერძნეთი), ანჟეი სლოვიცკი (გერმანია) და თინათინ ყაჯრიშვილი (საქართველო).

BIAFF-ის მხატვრული ფილმების საერთაშორისო კონკურსზე წელს 10 ფილმი იქნება წარმოდგენილი.

რაც შეეხება მოკლემეტრაჟიანი ფილმების საკონკურსო სექციას, აქ წარმოდგენილი იქნება 20 ფილმი და მას  შეაფასებს სამკაციანი ჟიური, რომლის თავმჯდომარეც ქშიშტოფ გიერატი (პოლონეთი) იქნება. ჟიურის წევრები არიან: რინგაილე ლესცინსკიენე (ლიეტუვა) და გიორგი ოვაშვილი (საქართველო).

საავტორო კინოს ბათუმის საერთაშორისო ფესტივალი წელს მეცხრამეტედ იმართება. კინოფესტივალი 27 სექტემბერს გაიხსნება ბათუმში და 3 ოქტომბრამდე გასტანს.

BIAFF-ზე კინოჩვენებები წელს კინოთეატრ CAVEA GRAND MALL-ში და ევროპის მოედანზე, ღია ცის ქვეშ გაიმართება. CAVEA GRAND MALL-ში კინოსეანსებზე დასასწრებად ბილეთები გაიყიდება, ევროპის მოედანზე კი კინოჩვენებებზე დასწრება თავისუფალია.

ამავე თემაზე: 

შემოსავლების სამსახურის ცნობით, მებაჟე ოფიცრებმა სარფის საბაჟოზე დიდი ოდენობით არადეკლარირებული ოქროს ნაკეთობების შემოტანის ფაქტები აღკვეთეს.

უწყების ცნობით, მებაჟეებმა ეჭვის საფუძველზე, უცხო ქვეყნის მოქალაქეების ფიზიკური და მათი კუთვნილი ბარგის დეტალური დათვალიერების შედეგად, არადეკლარირებული ოქროს მონეტები (წონა: 449.14 გრამი) და ოქროს საიუველირო ნაკეთობები (წონა – 141,85 გრამი) გამოავლინეს.

არადეკლარირებული საქონლის საერთო საბაჟო ღირებულებამ ჯამში, 116 599,26 ლარი შეადგინა.

საქმის მასალები, შემდგომი რეაგირების მიზნით, ფინანსთა სამინისტროს საგამოძიებო სამსახურს გადაეცა.

დღეს, 17 სექტემბერს, საღამოს, ბათუმსა და თბილისში აქტივისტებმა საპროტესტო ბანერები გადმოფინეს და ასე გააპროტესტეს პარლამენტის მიერ მესამე მოსმენით დამტკიცებული, „ქართული ოცნების“ მიერ ინიცირებული ჰომოფობიური საკანონმდებლო პაკეტი, რომელიც ცენზურას აწესებს და ლგბტ ადამიანებს უფლებებს უზღუდავს.

„სოლიდარობა ქვიარებს, ძირს ფაშისტი მთავრობა“ – წერია ბათუმში, იუსტიციის სახლის მიმდებარედ გადმოფენილ ბანერზე.

„ჰომოფობიას ჩაბღაუჭებული ფაშისტური ოცნება“ – ამ წარწერით გამოფინეს ბანერი თბილისში აქტივისტებმა მშრალ ხიდზე.

დღეს, პარლამენტის პლენარული სხდომის პარალელურად, პარლამენტის შენობის უკან ტრანსპარანტებით შეიკრიბნენ მოქალაქეები და კანონის მიღება გააპროტესტეს. მათი თქმით, „ოცნების“ მიზანი ცენზურის დაწესებაა და არა ოჯახების დაცვა.

ამავე თემაზე: პარლამენტმა დაამტკიცა კანონი, რომელიც ცენზურას აწესებს

ჩემი შვილის საფლავი რომ ჩაინგრეს, სად ვეძებო ჩემი შვილის ნაშთი?! – ამბობს მარინა ბურჯანაძე, შუქრუთელი ქალი, რომელიც საქართველოს პარლამენტთან მიმდინარე საპროტესტო აქციის მონაწილეა.

ჭიათურის მუნიციპალიტეტის სოფელ შუქრუთის მოსახლეობა 6 თვეა უწყვეტი საპროტესტო აქციებს მართავს სოფელში, 11 სექტემბრიდან კი – საქართველოს პარლამენტთანაც. შუქრუთელები ამბობენ, რომ კომპანია „ჯორჯიან მანგანეზი” მადანს სოფლის მიწის ქვეშ მოიპოვებს, რის გამოც დასახლებას მიწის მთავარი საყრდენი გამოეცალა, რაც სახლების ნგრევის, ნიადაგის ჩავარდნის, მცენარეების უნაყოფობისა და ჭების ამოშრობის მიზეზი გახდა.

„სახლების ნგრევასთან ერთად გვენგრევა საფლავები, ახალაშენებული ეკლესია. მე მაგალითად მენგრევა 30 წლის შვილის საფლავი, ყველაზე მეტად რასაც ვჯავრობ და ვნერვიულობ. უცებ რომ ჩაინგრეს საფლავი, სად ვეძებო ჩემი შვილის ნაშთები? განა შეიძლება ასე შიშით ვიცხოვროთ და ვიარსებოთ სოფელ შუქრუთში? ვინ არის გამკითხავი?

მე რა უნდა მოვითხოვო, სახლის შეფასება თუ საფლავის შეფასება? სახლი სულ არ მაინტერესებს, ჩემი შვილის სახლი ის არის, სასაფლაო“ – უთხრა „ნეტგაზეთს“ მარინა ბურჯანაძემ.

შუქრუთელები ამბობენ, რომ ცენტრალური ხელისუფლებისგან რეაგირებასა და დახმარებას ელიან.

პროტესტის მონაწილე მაღაროელები და ადგილობრივი მოსახლეობის ნაწილი კომპანია „ჯორჯიან მანგანეზისგან“ 2019-2021 წლის პროტესტის შედეგად მიღწეული შეთანხმების შესრულებას ითხოვენ. 2020 წელს, სოფელ შუქრუთის მოსახლეობასთან გაფორმებული მემორანდუმის მიხედვით, კომპანიას წელიწადში 700 000 ლარიდან 1 000 000 ლარამდე უნდა გადაეხადა. „ჯორჯიან მანგანეზი“ კი ირწმუნება, რომ უკვე სამჯერ მეტი კომპენსაცია აქვს გაცემული.

პარლამენტთან აქციის მონაწილეებს საქართველოს მთავრობა ამ დრომდე არ შეხვედრია. 13 სექტემბერს ქვეყნის პრემიერ-მინისტრმა ირაკლი კობახიძემ განაცხადა, რომ აქციის მონაწილეებს კომპენსაცია აქვთ მიღებული და ჯერჯერობით კომპანიის საქმეა მოლაპარაკებების წარმოება.

________________________

ამავე თემაზე: სოფელი, რომელსაც შეიძლება მიწამ პირი უყოს 

საქართველოს ინოვაციების და ტექნოლოგიების სააგენტო 11 ოქტომბერს ქუთაისში ტექნოლოგიური ჰაბის პრეზენტაციას გეგმავს, რისთვისაც ბიუჯეტიდან 496 ათას 272 ლარს ტენდერის გარეშე დახარჯავს. ტექნოჰაბი საქართველოს პარლამენტის ადმინისტრაციის ყოფილ შენობაში უნდა განთავსდეს.

მთავრობამ ჰაბის გახსნა სააგენტოს 2025 წლისთვის დაავალა – შენობაში საინჟინრო კომუნიკაციების რეაბილიტაციაა აუცილებელი, რისთვისაც 20 მილიონი ლარის სამუშაოები იქნება ჩასატარებელი. ვინაიდან წინასაარჩევნოდ ტექნოჰაბს ვერ გახსნიდა, მთავრობამ „ტექნოჰაბის პრეზენტაციის ღონისძიების“ ჩატარება გადაწყვიტა.

„მიმდინარე წლის 11 ოქტომბერს დაგეგმილია ჰაბის პრეზენტაცია, სადაც მოწვეული იქნებიან სამთავრობო, კერძო სექტორისა და საერთაშორისო პარტნიორების წარმომადგენლები.

ღონისძიების ფორმატი დაფუძნებულია ისეთ ტექნოლოგიურ გადაწყვეტებზე, როგორიცაა მულტიმედია, ⁠პროგრამირებადი განათებები, სხვადასხვა პროექციები, შუქდიოდური ეკრანები, ლაზერისა და აუდიო ეფექტები.

ღონისძიება შექმნის უნიკალურ გამოცდილებას, რითაც ხელს შეუწყობს ქუთაისის ტექნოლოგიური პარკის მიმართ ცნობადობის ამაღლებას, როგორც ადგილობრივ, ასევე საერთაშორისო დონეზე“, – აღნიშნულია ნოვაციების და ტექნოლოგიების სააგენტოს [GITA] განაცხადში, რომლითაც მომსახურების შესყიდვას გამარტივებული წესით, ტენდერის გარეშე ითხოვს.

GITA ქუთაისის ტექნოლოგიური ჰაბის პრეზენტაციას სახელმწიფოებრივი და საზოგადოებრივი მნიშვნელობის ღონისძიებად თვლის და აქედან გამომდინარე აცხადებს, რომ ის შეუფერხებლად, შეზღუდულ ვადებში უნდა ჩატარდეს, რასაც „შესყიდვის ობიექტის მნიშვნელობის, მასშტაბისა და სირთულის გათვალისწინებით, სატენდერო პროცედურებით შესყიდვის განხორციელება შეუძლებელს ხდის“.

შესყიდვების პორტალის მიხედვით, ღონისძიების ორგანიზებისთვის სააგენტო 496 ათას 272 ლარს ტენდერის გარეშე შპს „რუბიკონ გრუფს“ გადაუხდის.

საჯარო რეესტრის მიხედვით „რუბიკონ გრუფი“ 2022 წელს თბილისში რეგისტრირებული კერძო კომპანიაა, რომლის მესაკუთრეები არიან გიორგი ტეტიაშვილი, ხათუნა ჯიბლაძე, ნინელი მეგრელაძე და ქეთევან ნიკოლეიშვილი.

GITA-ს 6 სექტემბრის განაცხადში ასევე აღნიშნულია, რომ „ამჟამად, ქუთაისის ტექნოლოგიური ჰაბის სარემონტო სამუშაოები აქტიურ ფაზაშია“, თუმცა აქ დიდი ალბათობით იგულისხმება პარლამენტის ყოფილ შენობასთან გარე პერიმეტრის კეთილმოწყობის სამუშაოები. ამ სამუშაოებზე სააგენტოს ხელშეკრულება ტენდერში გამარჯვებულ შპს „არადანთან“ ადრე აქვს დადებული 1 597 301 ლარზე.

რაც შეეხება „ყოფილი საპარლამენტო კომპლექსის ცენტრალური შენობის საინჟინრო კომუნიკაციების რეაბილიტაცია-გამოსწორებისა და გასაუმჯობესებელი სამუშაოების შესყიდვას“, ტენდერი 2024 წლის 16 სექტემბერს, სახელმწიფო შპს „აქტივების მართვისა და განვითარების კომპანიამ“ გამოაცხადა. ამ ტენდერში წინადადებების მიღება კი, ტექნოჰაბის პრეზენტაციის მეორე დღეს, 12 ოქტომბერს დაიწყება და 17 ოქტომბერს დასრულდება.

ტენდერი 20 980 777 ლარითაა გამოცხადებული. პირობის მიხედვით „გამარჯვებული პრეტენდენტი ვალდებულია, სამუშაოები დაიწყოს სახელმწიფო შესყიდვის შესახებ ხელშეკრულების გაფორმებიდან არაუგვიანეს 5 დღის ვადაში და დაასრულოს ხელშეკრულების გაფორმებიდან არაუგვიანეს 10 თვის განმავლობაში.“

მთავრობის განკარგულებით, უშუალოდ ტექნოჰაბის გახსნისთვის 2025 წელს საჭირო იქნება დამატებით 9 მილიონი ლარი, რაც ეკონომიკისა და ფინანსთა სამინისტროებმა 2025 წლის სახელმწიფო ბიუჯეტში უნდა გაითვალისწინონ.

ვის დაავალა მთავრობამ ტექნოჰაბის შენობის რეაბილიტაციის, პრეზენტაციისა თუ გახსნისთვის საჭირო ფულის ბიუჯეტიდან შეგროვება – ვრცლად ნახეთ ამ ბმულზე:

მუსლიმთა თემის ინტერესების დამცველი საქართველოს პარლამენტში ტარიელ ნაკაიძე 26 ოქტომბრის არჩევნებზე დავით ქაცარავას შექმნილ პარტიას „ჩვენ“ უერთდება.

„მე, ტარიელ ნაკაიძე, საქართველოს მოქმედი პარლამენტის წევრი და პოლიტიკური მოძრაობა „რეგიონები საქართველოსთვის“ არჩევნებზე წარმოდგენილი იქნება პარტია, „ჩვენის“ საარჩევნო ნომრით 23. მინდა დავარწმუნო საზოგადოება, პოლიტიკური პარტია „ჩვენ“ იქნება ხმა ყველა იმ მოქალაქისა, რომელთა საჭიროებები და გულისტკივილი დღემდე არ გაჟღერებულა. 26 ოქტომბერს ყველა ერთად გადავარჩენთ საქართველოს სახელმწიფოებრიობას და ევროპულ მომავალს,“ – აღნიშნა დღეს, 17 სექტემბერს პარლამენტის სხდომაზე ტარიელ ნაკაიძემ.

ტარიელ ნაკაიძე რამდენჯერმე გახდა „ქართული ოცნების“ აგრესიის სამიზნე. მაგალითად, 2023 წლის 28 მარტს ტარიელ ნაკაიძეს მოღალატე უწოდეს და მიკროფონი ჩაარტყეს. ქართული ოცნების“ თავმჯდომარე ირაკლი კობახიძემ მაშინ ისიც თქვა, რომ დამოუკიდებელ დეპუტატ ტარიელ ნაკაიძეს „მძიმე რეპუტაცია“ აქვს.

ბოლო პლენარულ სხდომაზეც ტარიელ ნაკაიძემ უმცირესობების პრობლემებზე ისაუბრა:

„რამდენიმე თვის წინ საქართველოს პარლამენტში შევიტანე კანონპროექტი რელიგიური უმცირესობების დღესასწაულების დასვენების დღეებად სარგებლობის უფლებასთან დაკავშირებით, რომელიც სამწუხაროდ საქართველოს პარლამენტის მიერ დღემდე განუხილავად დარჩა. ამის პარალელურად „ქართული ოცნების“ მიერ არაერთი დაჩქარებული საკანონმდებლო ინიციატივა იქცა კანონად, რომელიც იზოლაციაში აქცევს საქართველოს, საფრთხეს უქმნის მის ევროპულ და დემოკრატიულ მომავალს.

ამ ვითარებაში გამონაკლის არც საქართველოს უმცირესობები წარმოადგენენ, მათი არჩევნებში აქტიური მონაწილეობა სასიცოცხლოდ მნიშვნელოვანია დემოკრატიული საქართველოს მშენებლობისათვის,“ – განაცხადა პარლამენტის წევრმა, ტარიელ ნაკაიძემ.

ოპოზიციური პარტიები ცენტრალური საარჩევნო კომისიის მიერ შეთავაზებულ ქცევის კოდექსს ხელს არ აწერენ. მათი განმარტებით, იმ ფონზე, როცა საარჩევნო საოლქო კომისიებმა უბნებზე საკუთარ წარმომადგენლებად ნეიტრალური პირებიც კი არ დანიშნეს და მათი უმეტესობა „ოცნებასთან“ აფილირებულია, ოპოზიციური პარტიებისგან ქცევის კოდექსზე შეთანხმების მოთხოვნა სიყალბეა.

გარდა ამისა, ოპოზიციური პარტიებისთვის გაუგებარია, ვის და როგორ აღასრულებს ქცევის კოდექსის კონტროლს.

ცესკო პარტიებისთვის შეთავაზებული ქცევის კოდექსის ხელმოწერის საბოლოო ვადად 11 სექტემბერს ასახელებდა და წერდა, რომ ხელმოწერის ვადის გასვლის შემდეგ შეთავაზებულ კოდექსს გამოაქვეყნებდა, შემდეგ კი ვადა გადაწიეს.

ოპოზიციონერი დეპუტატი თამარ კორძაია „ბათუმელებთან“ ამბობს, რომ ცესკოს ეს ნაბიჯი სიყალბეა:

„თავად ქართული ოცნება არ ირჩევს მიუკერძოებელ წევრებს კომისიებში. კონკრეტული სახელები და გვარები წარვადგინეთ კომისიის სხდომაზე, რომ „ქართული ოცნების“ მხარდამჭერები დანიშნეს უპარტიოების კვოტით საუბნო საარჩევნო კომისიებში. ამ ფონზე სიყალბეა ყველაფერი. თვითონ არ იცავენ წესებს და ჩვენ რატომ გვავალდებულებენ, ეს არის უცნაური.

ამასთან დაკავშირებით „ერთიანი ნაციონალური მოძრაობის“ ყველა კომისიის წევრმა 64 უბანზე დაწერა განსხვავებული აზრი, იმიტომ, რომ „ქართულ ოცნებასთან“ აფილირებული, „ოცნების“ აქციებში მონაწილეები, ნათესავები და აქტივისტები შეიყვანეს კომისიების ნეიტრალურ წევრებად საარჩევნო უბნებზე.

ამ პირობებში ეთიკის სტანდარტების დაცვის მოწოდება ცესკოს მხრიდან არის უბრალოდ აგდება.

ამას აქვს ერთადერთი მიზანი, მერე ადგება „ქართული ოცნება“ და დაიწყებს სხვების გაშავებას. ჯერ ერთი, როგორ უნდა მოხდეს ქცევის კოდექსის მონიტორინგი? მაშინ სუბიექტი უნდა განსაზღვრო, ვინ ახორციელებს მონიტორინგს. ასეთი რამ არ არის.

გარდა ამისა, რას ნიშნავს, მაგალითად, „სატელიტი დამკვირვებელი ორგანიზაციები“?! რისი სატელიტი და ვისი სატელიტი? ნებისმიერ სუბიექტს კანონით დადგენილი წესით თუ შეუძლია რეგისტრაცია გაიაროს და დააკვირდეს არჩევნებს, ვინ გასაზღვრავს სატელიტია თუ არა? მაშინ ვიძახოთ, რომ ვიღაც „ქართული ოცნების“ სატელიტია.

ეს სინამდვილეში ეთიკური სტანდარტების შეთანხმების დოკუმენტი კი არ არის, პირიქით, საბოლოო ჯამში გამოიწვევს დაპირისპირებას და ერთმანეთის გასაშავებლად იქნება გამოყენებული.

ყველაზე მთავარი არგუმენტი, ჩვენ რატომაც არ შევუერთდებით ამას, არის ის, რომ თავად „ქართული ოცნება“ არ იცავს არანაირ წესს, დევნის ყველგან ოპოზიციურ პარტიებს. ყველა მიმართულებით ავიწროებენ ოპოზიციას და ამ დროს ასეთ ქცევის კოდექსს გვთავაზობენ ხელმოსაწერად, მაშინ როცა ყველაფერს თვითონ არღვევენ“ – ამბობს დეპუტატი თამარ კორძაია.

ცესკოს მიმართ უნდობლობაზე და გასულ არჩევნებზე დაფიქსირებული დარღვევების რეაგირების გარეშე დატოვებაზე საუბრობს გიორგი კირთაძე, პარტია „ახალის“ გენერალური მდივანი.

„ამ ცესკოს როგორ შეიძლება რამეზე ჰქონდეს პრეტენზია, რა ქცევის კოდექსზე გველაპარაკება?!

პოლიტიკურ ოპოზიციას დაშინების, გინების, ცემა-ტყეპის გარდა არაფერს უკეთებს. მაქსიმალური აქტივობის გარდა სხვა გზა არა გვაქვს დარჩენილი, თუ გვინდა, რომ ივანიშვილს გამოვტაცოთ მიტაცებული ხელისუფლება და ახლა ყველა უნდა ვიყოთ ამაზე გადართული, დავარწმუნოთ ხალხი, რომ ბევრი მივიდეს არჩევნებზე, ეს არის ახლა ჩვენი მთავარი საზრუნავი.

ცესკოს დოკუმენტურად ვაჩვენეთ, რომ კარუსელი ტრიალებდა ბათუმის ოლქებზე, ერთი უბნის ბიულეტენი მეორე უბანზე ვნახეთ, კომისიის თავმჯდომარემ რომ დაამოწმა, რომ კი ნამდვილად ეს ბიულეტენი აღმოჩნდა ჩემთანო, ვიდეო თუ ფოტო მტკიცებულებები ჩავუტანეთ მოსყიდვის და დაშინების, ბოლოს ჩავუტანეთ 100 პროცენტიანი ბიულეტენები როგორ იყო გაბათილებული…“ – ამბობს გიორგი კირთაძე.

ცესკოს ინფორმაციით, პოლიტიკური პარტიების ქცევის კოდექსს 26 ოქტომბრის პარლამენტის არჩევნებისთვის რეგისტრირებული 27 პარტიიდან ხელი ექვსმა მოაწერა. ხელმომწერებს შორის არის „ქართული ოცნებაც“.

ქცევის კოდექსზე ხელმოწერა პოლიტიკური პარტიების წარმომადგენლებს 9 სექტემბრიდან შეეძლოთ. ხელმოწერილი დოკუმენტი საჯაროა და განთავსებულია ვებგვერდზე.

_____________

ფოტო „ბათუმელების“ არქივიდან.

კომპანია „ბათუმის წყლის“ ინფორმაციით, 17 სექტემბრის 21:00 საათამდე წყალმომარაგება შეეზღუდათ ადლიის, ნიჟარაძის, მესხის, ჯაყელის, კახაბრის, მიქელაძის, ჰელიმიშის ქუჩებსა და აეროპორტის გზატკეცილზე მცხოვრებ აბონენტებს.

კომპანიის განცხადებით, წყლის შეწყვეტის მიზეზი სარემონტო სამუშაოებია ავარიულად დაზიანებულ მილზე.

ავტორი: ნათია კაპანაძე

___

მარიამ ჟორჟოლიანი ფულბრაიტი სტიპენტიანტი და ბიზნესკონსულტანტია. ის წლებია ეხმარება ქართულ ბიზნეს კომპანიებს განვითარებაში და კარგად იცნობს ამ სფეროში არსებულ გამოწვევებს. ამერიკაში ბიზნესის ადმინისტრირების სამაგისტრო პროგრამაზე სწავლის პარალელურად, მარიამი საქართველოში მიმდინარე პროცესებსაც აქტიურად ადევნებს თვალს. მისი ქართული და ამერიკული გამოცდილებების გამო დავინტერესდით, აპირებს თუ არა მარიამი არჩევნებში მონაწილეობას და როგორ ხედავს ევროპასთან ინტეგრაციის მნიშვნელობას ქართული ბიზნეს სექტორისთვის.

• მარიამ, გვიამბეთ თქვენზე, რა მიზნით ხართ ამერიკაში?

ამერიკაში ერთი წლის წინ ჩამოვედი. ბიზნესის ადმინისტრირების სამაგისტრო პროგრამაზე ვსწავლობ ტექნოლოგიების მიმართულებით. ამ შესაძლებლობის სრული დაფინანსებისთვის ალბათ ვერასდროს გადავუხდი საკმარის მადლობას ფულბრაითის პროგრამას და საქართველოს ბანკს, რომელიც ამ პროგრამაში ჩემი სპონსორია.

•  რა გზა გაიარე პროგრამაში მონაწილეობისთვის?

უნივერსიტეტის დამთავრების შემდეგ, ერთი წელი, ვარშავაში ვსწავლობდი ერასმუსის გაცვლითი პროგრამით. პოლონეთიდან დაბრუნებისთანავე კონსალტინგში აღმოვჩნდი. ვთვლი, რომ ძალიან გამიმართლა. საუკეთესო გუნდში მოვხვდი, ძალიან სწორი ფასეულობების მქონე კომპანიაში, რამაც დიდი გავლენა მოახდინა ჩემი პიროვნების ჩამოყალიბებაზე. სინერჯიში თითქმის ყველა ზომისა და დარგის კომპანიას ვეხმარებოდით მართვის სისტემების გაუმჯობესებაში, როგორც კერძო, ასევე საჯარო სექტორში. განსაკუთრებით მიყვარს პრო-ბონო პროექტები, რომელსაც უსასყიდლოდ ვაკეთებდით იმ ორგანიზაციებისათვის, რომლებიც მნიშვნელოვან სარგებელს ქმნიდნენ ჩვენი ქვეყნისთვის.

ამ წლების მანძილზე ალბათ 100-ზე მეტ საშუალო და მაღალი რგოლის მენეჯერს გავესაუბრე ინდივიდუალურად, რამაც საშუალება მომცა უფრო დიდ სურათში დამენახა სისტემის როლი, მისი მნიშვნელობა, მისი მუშაობის პრინციპი და ის გამოწვევები, რასთან ბრძოლაც ყოველდღიურად უწევთ ქართულ ორგანიზაციებს.

პარალელურად, ეს ყველაფერი საკუთარ თავში, ჩემს ცოდნასა და გამოცდილებაში არსებული „გეპების“ გააზრებაშიც ძალიან დამეხმარა. მივხვდი, რომ გაცილებით მეტი ღირებულების შექმნა შეიძლებოდა. უბრალოდ, მეტი უნდა მესწავლა, მესწავლა საუკეთესოსგან და აუცილებლად ტექნოლოგიები. ამერიკა იდეალური ქვეყანა იყო ამისთვის, ფულბრაითი კი იდეალური პროგრამა, რომელიც ამის შესაძლებლობას მაძლევდა.

• რა სხვაობას ხედავ ამერიკული და ქართული განათლების სისტემას შორის?

სწავლაში პირველი და ცხადი განსხვავება – აზროვნებაში თავისუფლებაა. ლექტორები აქაც ითხოვენ მასალის წაკითხვას, მაგრამ არა იმიტომ, რომ დაიზეპირო. აქცენტი გააზრებაზე, საკუთარი პოზიციის ჩამოყალიბებაზე, დაფიქსირებასა და დასაბუთებაზეა. შეგიძლია გააბათილო ან უარყო წიგნში მოცემული იდეები, მთავარია, ამის არგუმენტირება შეძლო. ეს განსაკუთრებით მომწონს. ჩემი ლექტორებიც მომწონს. აკადემიურ ხარისხთან ერთად, საკუთარი ბიზნესის კეთების ერთი წარუმატებელი გამოცდილება მაინც ყველას აქვს. ეს, ვფიქრობ, აუცილებელი პირობაა იმისთვის, რომ ბიზნესი სხვებს ასწავლო.

სტუდენტებთან მიდგომაც განსხვავებულია. აქ გვისმენენ. განსაკუთრებულ მნიშვნელობას ანიჭებენ ჩვენ აზრს, ჩვენ უკუკავშირს და კმაყოფილებას. გრძნობ რომ უნივერსიტეტი შენთვის – სტუდენტისთვის შეიქმნა და არსებობს. და არა პირიქით.

• რა სხვაობას ხედავთ ამერიკული და ქართული ბიზნესის მართვის სისტემას შორის?

პრაქტიკაში ჯერ საკმარისი შეხება არ მქონია, თუმცა თეორიულად, რასაც აკადემიაში გვასწავლიან, ალბათ მთავარი განსხვავება ის არის, რომ აქ ძირითადი აქცენტი დღეს, ბიზნესის, როგორც იდეის, ტრანსფორმაციაზეა – ინდივიდუალური სარგებლის მიღებიდან საზოგადოებრივი კეთილდღეობის შექმნაზე. კომპანიები მიხვდნენ, რომ ბიზნესის უშუალო მონაწილეობის გარეშე, მხოლოდ სახელმწიფო და სამოქალაქო სექტორები ვერ შეძლებენ მსოფლიოს წინაშე არსებული მდგრადი განვითარების მიზნების (SDG) მიღწევას, იქნება ეს სიღარიბის დაძლევა თუ გენდერული თანასწორობა. მიხვდნენ, რომ სხვანაირად, ინდივიდუალური სარგებლის მიღებაც მოკლევადიანი პერსპექტივაა.

საბედნიეროდ, ჩვენთანაც არიან კომპანიები, რომლებიც უკვე წლებია მსგავსად აზროვნებენ. იმედი მაქვს, მათი რიცხვი, კიდევ უფრო გაიზრდება.

• რამდენად მნიშვნელოვანია ბიზნესგარემოს ხელშეწყობისთვის დემოკრატია და სიტყვის თავისუფლება?

დემოკრატია არა მხოლოდ ბიზნესის, არამედ ნებისმიერი სისტემის მართვის საუკეთესო ფორმაა, რაც ჯერჯერობით ადამიანმა მოიფიქრა. როგორც ერთი ადამიანის, ისე სისტემის დონეზეც კი.

სიტყვის თავისუფლება ამ ყველაფრის ამოსავალია. ნებისმიერი ბიზნესი მისი მომხმარებლისთვის არსებობს. თუ ბიზნესი საკუთარ მომხმარებელს არ უსმენს, მისი პროდუქტი თუ სერვისი ადრე თუ გვიან აუცილებლად ასცდება მომხმარებლის სურვილებსა და საჭიროებებს. შედეგად ბიზნესი მომხმარებელს კარგავს, ზრდას წყვეტს და საბოლოოდ კოტრდება. მარტივი პრინციპია.

იგივეა სახელმწიფოს შემთხვევაშიც. სახელმწიფო საკუთარი ხალხისთვის არსებობს. ‘government of the people, by the people, for the people’ – ვაშინგტონში, ლინკოლნის მონუმენტზე წავიკითხე ერთი თვის წინ და, ალბათ, ეს სიტყვები საუკეთესოდ ხსნის დემოკრატიის არსს. ბიზნესი უბრალოდ ხალხის გაერთიანებაა ერთი დანიშნულების ირგვლივ. დანარჩენი იგივეა.

• ევროპასთან ინტეგრაცია რა ტიპის განაცხადია ქვეყნისთვის?

ევროპასთან ინტეგრაცია ჩვენი ქვეყნისთვის ოჯახში დაბრუნების გზაა, გრძელი და ძალიან არასასურველი ემიგრაციიდან. მიუხედავად იმისა, რომ ამ ემიგრაციამ თავისი კვალი დაგვატყო, დაგვღალა, შეიძლება ცოტა შეგვცვალა კიდეც, მაინც მჯერა, რომ გენეტიკა უფრო ძლიერია, ხერხემალი ჯერ შენარჩუნებული და აუცილებლად შევძლებთ.

მჯერა, რომ არ არსებობს საქართველოსთვის იმაზე უფრო მნიშვნელოვანი რამ დღეს, ვიდრე ევროინტეგრაციაა. ნებისმიერი გადახვევა ამ გზიდან დანაშაულია, არამხოლოდ მომავალი თაობის, არამედ წინაპრების წინაშეც.

• როგორ ფიქრობ, რაში სჭირდებათ ჩვენს ქვეყანაში ბიზნესმენებს და სტარტაპერებს ევროკავშირი?

ევროკავშირი, პირველ რიგში, საკუთარი თავის, ჩვენი ღირებულებების, ადამიანობის, ერის მენტალიტეტის აღსადგენად გვჭირდება. იმ ყველაფრის, რაც ამ არასასურველ ემიგრაციაში დავივიწყეთ ან დავკარგეთ. დღეს მსოფლიოში, ევროკავშირი ალბათ ყველაზე უფრო სწორ და ჰუმანურ ღირებულებებზე აგებული სისტემაა, რომელში მოხვედრაც ნებისმიერ ადამიანს თუ ადამიანთა ჯგუფს თავისუფალი და ბედნიერი ცხოვრების მეტ შანსს აძლევს.

პრაგმატულად თუ შევხედავთ, ბიზნესის ჭრილში, ევროკავშირში გაწევრიანება გაგვიმარტივებს მის წვერ ქვეყნებთან ვაჭრობას. ეს საგრძნობლად გაზრდის ექსპორტის მატების შანსს. ამისთვის, პირველ რიგში, ევროპის წარმოების სტანდარტები უნდა დავაკმაყოფილოთ. ეს ბუნებრივად გამოიწვევს ჩვენი პროდუქტისა და მომსახურების ხარისხის ზრდას. უკეთესი პროდუქტი და მომსახურება მეტ კმაყოფილ მომხმარებელს და, შესაბამისად, მეტ შემოსავალს ნიშნავს ბიზნეს სექტორისთვის.

ამასთან, ევროკავშირში არსებული ფინანსური, ტექნიკური თუ ადამიანური რესურსები უფრო ადვილად ხელმისაწვდომი გახდება ჩვენთვის. ეს ძალიან მნიშვნელოვანია, როგორც საშუალო და დიდი კომპანიების განვითარებისთვის, ასევე სტარტაპების წახალისებისთვის.

• რა საფრთხეებს ხედავთ რუსული კანონის ამოქმედებით?

დღეს სისტემების უმეტესობას ადამიანები ვმართავთ. ადამიანებს კი ყოველთვის გვაქვს სუბიექტური ინტერესები. ამ სუბიექტური ინტერესების დასაბალანსებლად, ნებისმიერი სისტემა, მათ შორის სამთავრობო, საჭიროებს მისი ზეგავლენისგან თავისუფალ, დამოუკიდებელ ძალას, რომელიც მისი საქმიანობის მონიტორინგს შეძლებს ქვეყანაში დემოკრატიის შესანარჩუნებლად. ეს არის საფუძველი სწორად აგებული სისტემის. როდესაც ამ დამოუკიდებელ ძალას არ ქმნი, ზღუდავ ან ცდილობ ის შენივე გავლენის ქვეშ მოაქციო, ამით სისტემას ამახინჯებ.

ეს კანონი სწორედ ამას აკეთებს. ის სამთავრობო გავლენას და ბერკეტებს იმაზე მეტად აძლიერებს მესამე სექტორზე – იდეაში დამოუკიდებელ ძალაზე, ვიდრე ეს საჭიროა სისტემის სწორად ფუნქციონირებისთვის. არასწორად მოწყობილი სისტემა კი ყოველთვის ყველაზე დიდი საფრთხეა, რადგან ის ყველა სხვა საფრთხის წარმოქმნის საფუძველია.

ეს დასავლეთში ჩვენზე კარგად იციან. მათ ისიც იციან, რომ მახინჯ სისტემაში გარანტიები არ არსებობს და ნებისმიერი რესურსის ჩადება სარისკო, ხშირად კი უშედეგოა. შესაბამისად, ამ კანონით, ვქმნით საფრთხეს ქართული ორგანიზაციები დარჩნენ რესურსების გარეშე, რომლებმაც წლების მანძილზე ძალიან ბევრი, ძალიან კარგი რამ გააკეთეს ჩვენთვის, ჩვენი ქვეყნისთვის, მათ შორის, ჩვენი ბიზნეს სექტორის – სტარტაპების წახალისების, სოფლის მეურნეობის განვითარების, ქალების გაძლიერების, მწვანე ეკონომიკისა თუ ექსპორტის ხელშეწყობისთვის.

ამ ორგანიზაციების უკან ადამიანები დგანან. ჭკვიანი, პროფესიონალი, პატრიოტი ადამიანები, რომლებსაც შეუძლიათ ძალიან მაგრად იცხოვრონ ნებისმიერ ქვეყანაში, მაგრამ ირჩევენ დარჩნენ სამშობლოში და ძალიან ბევრი იშრომონ ჩვენი ქვეყნის წინსვლისთვის. ამ კანონით ჩვენ მათ უცხოური ძალების ინტერესების გამტარებლებს ვარქმევთ. ამით ქვეყნიდან ტვინების და ტალანტების გადინების საფრთხეს ვქმნით.

თუმცა, ყველაზე დიდი საფრთხე მაინც გზიდან გადახვევაა. ჩვენთვის ყველაზე მნიშვნელოვანი – ევროინტეგრაციის გზიდან. ეს კანონი გვაშორებს ჩვენი, როგორც ერის უმთავრესი მიზნისგან, ასევე ერთმანეთისგან.

• საქართველოში ოქტომბრის არჩევნების მნიშვნელობაზე გვინდა გკითხოთ, მონაწილეობთ არჩევნებში?

აუცილებლად. არჩევნებში მონაწილეობა ჩემთვის, ქვეყნის სიყვარულის გამოხატვის საშუალებაა. არ აქვს მნიშვნელობა, რომელი პარტიის თუ მსოფლმხედველობის მხარდამჭერი ხარ. გულგრილობა, აქ, ალბათ, ყველაზე დიდი დანაშაულია. ასე რომ, შევხვდებით 26-ში, საარჩევნო უბანზე, ნიუ-იორკში.

„პენსიის გაზრდა 200 ლარით, არჩევნებში გამარჯვების შემთხვევაში“, – ეს წინასაარჩევნო დაპირება პოლიტიკურ პარტია „გახარია საქართველოსთვის“ ეკუთვნის.

როგორ და რა სახსრებით აპირებს გახარიას პარტია პენსიის გაზრდას, „ბათუმელები“ ამ საკითხზე გახარიას პარტიის საპარლამენტო ჯგუფის ხელმძღვანელს, ბექა ლილუაშვილს ესაუბრა.

• ბატონო ბექა, რას ჰპირდება პენსიონერ ამომრჩეველს „გახარია საქართველოსთვის“?

„გახარია საქართველოსთვის“ აქვს წინასაარჩევნო პროგრამა ხანდაზმული მოქალაქეების მხარდაჭერის მიმართულებით. ჩვენ ხელისუფლებაში ყოფნის პერიოდში მნიშვნელოვანი ნაბიჯი გადავდგით, როდესაც მოხდა ასაკობრივი პენსიის ინდექსაცია, რითაც პირველად ამ ქვეყნის ისტორიაში პენსიის ზრდა გახდა საკანონმდებლო ვალდებულება. დაინერგა ზრდის კონკრეტული წესი. ეს საქმე გვაქვს ბოლომდე მისაყვანი.

ახლა [წინასაარჩევნო] პროგრამით პენსიონერებს ვეუბნებით, რომ შესაძლებელია არსებული პენსიის 200 ლარით ზრდა. მიზანმიმართულად ვის რამდენი ექნება, ამის კონკრეტიზაცია ცოტა რთულია, იმიტომ, რომ მაღალმთიან რაიონებში სხვა არის პენსია, 70 წელზე მეტი ასაკის პენსიონერებს სხვა პენსია აქვთ და ა.შ.

ჩვენ ვამბობთ, რომ ყველა ჯგუფისთვის 200-ლარიანი საბაზისო პენსიის ზრდა და შემდეგ ყოველწლიურად გარანტირებული 100-ლარიანი ზრდა, ეს არის ის გეგმა, რომელსაც ჩვენ მივყვებით. გარდა ამისა, ჩვენ ვამბობთ, რომ ფუნდამენტურად დავიწყებთ საპენსიო სისტემის გადახედვაზე მუშაობას, რაც ნიშნავს იმას, რომ როგორც ბევრ ევროპულ სახელმწიფოშია მიღებული, შეიქმნება ე.წ. pay as you go [წინსწრებით გადახდის] სისტემა.

ახალგაზრდა დასაქმებულები იზრუნებენ იმაზე, რომ უზრუნველყონ ასაკიანი თანამოქალაქეების დამოუკიდებელი ცხოვრების შესაძლებლობები და ამასთან ერთად ეს სისტემა ყოველთვის ისე მუშაობს, რომ დღევანდელი დასაქმებულების უზრუნველყოფას მომავალი თაობა მოახდენს. არ მინდა ძალიან ღრმა წიაღსვლებში შევიდე, ეს მოქმედი სისტემისგან განსხვავებული სისტემაა.

დღევანდელ პენსიას არ აღვიქვამთ როგორც პენსიას. ეს არის ფაქტობრივად სოციალური შემწეობა, ამიტომ ეს უნდა დაკონვერტირდეს სისტემაში, რომელიც უზრუნველყოფს დამსახურების შესაბამისად პენსიის მიღებას.

ეს არის ჩვენი გეგმა, მოკლედ რომ ვთქვათ.

ჩვენ ასევე სადისკუსიოდ გვინდა გამოვიტანოთ თემა საპენსიო ასაკის გათანაბრებასთან დაკავშირებით.

• როცა ამბობთ, რომ გაათანაბრებთ, აქ გულისხმობთ საპენსიო ასაკის აწევას თუ დაწევას [საქართველოში ქალები 60 წლის ასაკში ხდებიან პენსიონერები, კაცები კი – 65 წლის ასაკში]?

ეს არის ისეთი მასშტაბის საკითხები, რომლის საზოგადოების ჩართულობის გარეშე გადაწყვეტა უპასუხისმგებლო იქნება. დღეს სიცოცხლის მოსალოდნელი საშუალო ხანგრძლივობა ორივე სქესს შორის არის განსხვავებული. ქალები დაახლოებით 8-9 წლით უფრო მეტს ცოცხლობენ, ვიდრე კაცები, ეს არის სტატისტიკა და ამავდროულად პენსიას იღებენ 5 წლით ადრე.

იდეალურ შემთხვევაში ჩვენ უნდა ვიზრუნოთ კაცების სიცოცხლის ხანგრძლივობაზე. უბრალოდ ახლა ჩვენ ამ საკითხს მიზანმიმართულად არ ვეხებით. თუ როგორ მოხდება გათანაბრება, ამას გადავწყვეტთ საზოგადოებასთან ერთად.

• როცა 200-ლარიან ზრდაზე საუბრობთ, კონკრეტული ფინანსური გათვლები თუ გაქვთ გაკეთებული, როგორ შეიძლება ეს მოხდეს?

ჩვენ ამაზე ბევრჯერ გვისაუბრია. თუ გავითვალისწინებთ პენსიონერების ყოველწლიურ ზრდას, ეს დაახლოებით არის 940 ათასი პენსიონერი მომდევნო წლებში. ეს ზრდა მოითხოვს თითქმის ორ მილიარდ ლარამდე თანხას. ამ ორი მილიარდი ლარიდან ჩვენ ძალიან მკაფიოდ გვაქვს იდენტიფიცირებული დაახლოებით 400-500 მილიონი ლარი, რომელიც მიმდინარე ადმინისტრაციული ხარჯების ოპტიმიზაციით არის შესაძლებელი.

დარჩენილ მილიარდ-ნახევარს რაც შეეხება, ჩვენ ამაზე საპარლამენტო ტრიბუნიდანაც გვისაუბრია, მათ შორის გიორგი გახარიას პრემიერობის დროს. დღეისათვის საქართველოში მოქმედებს საგადასახადო შეღავათები, რომელიც 90-იანი წლებიდან სხვადასხვა ბიზნეს ჯგუფების, პოლიტიკოსების თუ სხვა ადამიანების ლობირებით არის შექმნილი. ეს შეღავათები აბსოლუტურად უსარგებლოა და საბიუჯეტო დანაკარგებს იწვევს. სწორედ ეს თანხები არის სოციალურ უზრუნველყოფაზე მისამართი, ამიტომ ამ წყაროებიდან ვგეგმავთ, რომ ეს დაფინანსება მოვიპოვოთ.

თუმცა, ესეც რომ არ იყოს… ხელისუფლების ცვლილების შემთხვევაში იზრდება ეკონომიკური პერსპექტივები. როდესაც ქვეყანა ევროპული ინტეგრაციის გზაზე დაბრუნდება და ინტეგრაციის პროცესზე დაიწყება მოლაპარაკებები, კიდევ უფრო მაღალი ეკონომიკური ზრდა იქნება საქართველოში.

ამას რომ თავი დავანებოთ, არსებული პროგნოზებითაც, რაც ქვეყნის ძირითადი განვითარების დოკუმენტშია ასახული, 5-7 პროცენტიანი ზრდა მომდევნო 4-5 წლის განმავლობაში ნომინალური შემოსავლებს სახელმწიფო ბიუჯეტში დაახლოებით ათი მილიარდი ლარით ზრდის.

აქამდე ვსაუბრობდი ალტერნატივებზე, სულ რომ არ გაიზარდოს სახელმწიფოს საბიუჯეტო შემოსავლები. მაგრამ, რა თქმა უნდა, ბიუჯეტი იზრდება და ეს გაზრდილი რესურსი, ცხადია, შესაძლებელია მიემართოს ამ მიმართულებით.

• რომ შევაჯამოთ, თქვენი დაპირებაა, რომ არჩევნებში გამარჯვების შემთხვევაში, პენსიას გაზრდით პირველსავე წელს 200 ლარით და მომდევნო წლებში 100-100 ლარით…

თუ გავითვალისწინებთ, რომ უკვე არსებობს საკანონმდებლო გარანტიები პენსიის ზრდის, რაც ჩვენი [გახარიას გუნდის] გაკეთებულია, 200-ლარიანი ზრდა უზრუნველყოფს იმას, რომ მოსალოდნელი ეკონომიკური პრობლემების და ინფლაციის პარამეტრების პირობებში, ყოველწლიურად ასი ლარის ფარგლებში ეს ზრდა მოხდეს. ჩვენს მიერ გაკეთებული საქმე საბოლოო ჯამში შედეგს გამოიღებს.

რაც შეეხება 200-ლარიან ზრდას, კი ბატონო, ეს არის გადაწყვეტილების მიღების ბერკეტების ხელში აღმოჩენის შემდეგ. თუ ხელისუფლების ცვლილების შემდეგ გვექნება ამის შესაძლებლობა, შესაძლებელია ამ საკითხის ბიუჯეტში ასახვა.

ამავე თემაზე:

„ქართული ოცნების“ ლიდერის, ბიძინა ივანიშვილის განცხადებას, რომ „ენმ-ის მიერ ოსების ცეცხლში გახვევის გამო, ბოდიში უნდა მოვიხადოთ“ უშუალოდ სამხრეთ ოსეთის დე ფაქტო რესპუბლიკაში არაერთი ჯგუფი გამოეხმაურა. მაგალითად, პარტია „ერთიანი ოსეთის“ თავმჯდომარემ, აცამაზ ბიბილოვმა განაცხადა, რომ „ეს კარგი სიტყვებია“.

ამ ოსი პოლიტიკოსის განცხადებით, „საქართველომ, უპირველეს ყოვლისა, უნდა აღიაროს ოსი ხალხის გენოციდი, ასევე აღიაროს სამხრეთ ოსეთის რესპუბლიკის სახელმწიფოებრივი დამოუკიდებლობა. აი, მაშინ შეიძლება ვირწმუნოთ ასეთი განცხადებების გულწრფელობა“.

„რეალურად, ქართული მხარე არ დგამს ნაბიჯებს სამხრეთ ოსეთისა და საქართველოს სახელმწიფო საზღვრის ერთობლივი დელიმიტაციისა და დემარკაციის საკითხზე. […]

საქართველომ, უპირველეს ყოვლისა, უნდა აღიაროს ოსი ხალხის გენოციდი 1920 წელს, 1989 – 1992 წლებში, ასევე აღიაროს სამხრეთ ოსეთის რესპუბლიკის სახელმწიფოებრივი დამოუკიდებლობა ძალის გამოუყენებლობის შესახებ დოკუმენტზე ხელმოწერით, შემდეგ კი შეიძლება ვირწმუნოთ ასეთი განცხადებების გულწრფელობა“, – თქვა ბიბილოვმა.

ბიბილოვი მიიჩნევს, რომ ივანიშვილის განცხადება მხოლოდ მოახლოებული არჩევნების გამო გაკეთდა. საწინააღმდეგოს დასამტკიცებლად კი „საქართველომ უნდა აღიაროს თავისი დანაშაული სამხრეთ ოსეთის ტერიტორიაზე ომის დაწყებასა და ომის დანაშაულების ჩადენაში და მხოლოდ ამის შემდეგ შეგვიძლია ვთქვათ, რომ ეს ბოდიში გულწრფელად ისმის ქართველი პოლიტიკოსების ბაგეებიდან“.

„ერთიანი ოსეთი“ სამხრეთ ოსეთის თვითგამოცხადებული რესპუბლიკის ექს-პრეზიდენტის, ანატოლი ბიბილოვის ოპოზიციური პარტიაა, რომლის იდეოლოგიური ბირთვია „ჩრდილოეთ და სამხრეთ ოსეთის გაერთიანება რუსეთის ფედერაციაში“.

___

„ქართული ოცნების“ ლიდერი ბიძინა ივანიშვილი აცხადებს, რომ მას შემდეგ, რაც აგვისტოს ომის „გაჩაღებისთვის“ ნაციონალურ მოძრაობას  გაასამართლებს, „ბოდიში უნდა მოვიხადოთ“ იმის გამო, რომ ამ პარტიამ 2008 წელს ცეცხლის ალში გახვია ჩვენი ოსი დები და ძმები.

მისი თქმით, „საკუთარი შეცდომების აღიარება, ქართველებსა და ოსებს შორის საუკუნოვანი ძმობისა და მეგობრობის გახსენება იქნება“.

ამის შესახებ ივანიშვილმა გორში ილაპარაკა, სადაც “ოცნების” ლიდერები ამომრჩევლების წინაშე გამოვიდნენ სიტყვით. ივანიშვილს ვრცელ სიტყვაში ერთხელაც არ უხსენებია რუსეთის აგრესია, რომელმაც 2008 წელს ბომბები ჩამოყარა ქალაქ გორში, მათ შორის სკოლასთან, დაანგრია შენობები და მოკლა ადამიანები, თუმცა ვრცლად ისაუბრა საქართველოს მაშინდელი ხელისუფლების პასუხისმგებლობაზე და კვლავაც განავითარა შეთქმულების თეორია, რომ ეს ომი სხვა ძალის მიერ იყო დაკვეთილი.

„დღეს ჩვენ კარგად ვაცნობიერებთ, რომ 2008 წლის აგვისტოს ომი არ ყოფილა არც ქართველი და არც ოსი ხალხის სურვილი. ამიტომ, როდესაც ძმათა შორის სისხლიანი კონფლიქტის დამკვეთებს ვამხელთ, ხოლო შემსრულებლებს ამ უმძიმეს დანაშაულზე სამართლებრივად ვაგებინებთ პასუხს, აუცილებლად დადგება დღის წესრიგში ურთიერთობების აღდგენის საკითხი. პირობას გაძლევთ, რომ ქართული ნიურნბერგის პროცესი ძალიან მალე ჩატარდება, რაც აუცილებლად გახდება ჩვენი შერიგების წინაპირობა.

ქართველების ერთ-ერთი ღირსება ყოველთვის იყო რეალობისთვის თვალის გასწორების უნარი, როგორი მწარეც არ უნდა ყოფილიყო ის. საქართველოში 12-წლიანი უწყვეტი მშვიდობის ფონზე, კიდევ უფრო ღრმად მწამს, რომ სწორედ საკუთარი შეცდომების აღიარება, ქართველებსა და ოსებს შორის საუკუნოვანი ძმობისა და მეგობრობის გახსენება იქნება იმ გზის დასაწყისი, რომელიც გამყოფი ხაზის ორივე მხარეს მცხოვრებ ადამიანებს ნდობის აღდგენის სურვილს გაუჩენს.

26 ოქტომბრის არჩევნების დასრულებისთანავე, როდესაც ომის გამჩაღებლები გასამართლდებიან, როდესაც უკლებლივ ყველა დამნაშავე ქართულ-ოსური ძმობისა და თანაცხოვრების დანგრევისთვის უმკაცრეს სამართლებრივ პასუხს მიიღებს, ჩვენ აუცილებლად გამოვძებნით საკუთარ თავში ძალას, რათა ბოდიში მოვიხადოთ იმის გამო, რომ დავალების შესაბამისად, მოღალატე „ნაციონალურმა მოძრაობამ“ 2008 წელს ცეცხლის ალში გახვია ჩვენი ოსი დები და ძმები.

და რადგან ჩვენი, ქართველებისა და ოსების ქრისტიანული რწმენის ერთ-ერთი უმთავრესი ქვაკუთხედი სწორედ შენდობაა, დარწმუნებული ვარ, რომ საქართველოს მტრების მიერ ჩვენი ხალხებისათვის თავსმოხვეული ძმათამკვლელი დაპირისპირება სწორედ რომ ისტორიული ურთიერთპატიებით და გულწრფელი შერიგებით დასრულდება“, – განაცხადა ივანიშვილმა.

მოამზადა ნათია კაპანაძემ

___

გასულ კვირას „ბათუმელების“ და „ნეტგაზეთის“ ჟურნალისტები აქტიურად მუშაობდნენ საქართველოში და საქართველოს შესახებ განვითარებული მნიშვნელოვანი პოლიტიკური მოვლენების გასაშუქებლად.  

• საპარლამენტო არჩევნები
• რუსული კანონის საფრთხეები
• საზოგადოების მზარდი მხარდაჭერა ევროკავშირში გაწევრიანების მიმართ
• რუსული გავლენა და პოლიტიკური სტაბილურობა
• საერთაშორისო სადამკვირვებლო მისია საქართველოში

ეს 06-13 სექტემბრის პოლიტიკური მოვლენების მცირე ჩამონათვალია. 

კვირის ამბად სოფელი შუქრუთის მცხოვრებლების პროტესტს ვასახელებთ. ისინი აქციებით აპროტესტებენ მიწისქვეშა სამუშაოების შედეგად გამოწვეულ ეკოლოგიურ და საცხოვრებელ პირობების გაუარესებას. ჭიათურის მუნიციპალიტეტის სოფელ შუქრუთში უკვე 6 თვეა უწყვეტი პროტესტი მიმდინარეობს. ადგილობრივებს მაღაროს შესასვლელი აქვთ დაკავებული და აქვე დადგმულ კარავში მცირეწლოვან შვილებთან ერთად ათენებენ და აღამებენ. შუქრუთელები ამბობენ, რომ კომპანია „ჯორჯიან მანგანეზი” მადანს სოფლის მიწის ქვეშ მოიპოვებს, რის გამოც დასახლებას მიწის მთავარი საყრდენი გამოეცალა, რაც სახლების ნგრევის, ნიადაგის ჩავარდნის, მცენარეების უნაყოფობისა და ჭების ამოშრობის მიზეზი გახდა.

პროტესტი ამჟამად თბილისში, პარლამენტის წინ  გრძელდება, თუმცა პრემიერ-მინისტრი კობახიძე აცხადებს, რომ არ აპირებს მათთან შეხვედრას. 

ერთი სოფლის მაცხოვრებლების მიმართ ხელისუფლების დამოკიდებულება კიდევ ერთი ტესტია დემოკრატიულ მმართველობაზე. 

კვირის დაიჯესტში თქვენთვის ხელმისაწვდომია გასული კვირის ამბები, რომელიც არ უნდა გამოგრჩეთ.

ა რ ჩ ე ვ ნ ე ბ ი:

ODIHR-ს საქართველოს არჩევნებზე 400-მდე დამკვირვებელი ეყოლება

მეტი: https://netgazeti.ge/news/741704/ 

ივანიშვილი „ოცნების“ საპარლამენტო სიაში პირველად იქნება

მეტი: https://netgazeti.ge/news/741490/ 

„ქართულმა ოცნებამ“ საპარლამენტო სიის პირველი ოცეული წარადგინა – ვინ იქნება სიაში

მეტი:  https://netgazeti.ge/news/741478/ 

ცესკო: გადაამოწმეთ მონაცემები ამომრჩეველთა ერთიან სიაში და გაიგეთ სად უნდა მისცეთ ხმა

მეტი:  https://batumelebi.netgazeti.ge/news/544626/ 

რამდენი ამომრჩეველია ბათუმისა და აჭარის სხვა ოლქებში – ცესკოს მონაცემები

მეტი: https://batumelebi.netgazeti.ge/news/544174/ 

ცესკო საუბნო საარჩევნო კომისიების დაკომპლექტების პროცესს ეხმაურება

მეტი:https://batumelebi.netgazeti.ge/news/544262/ 

როდის შეგიძლიათ საარჩევნო უბნის შეცვლა და რა დრო დაგრჩათ სიაში მონაცემების შესამოწმებლად

მეტი:  https://batumelebi.netgazeti.ge/news/544051/ 

ენმ-ს წევრი ამბობს, რომ სახლთან დახვდნენ და დაემუქრნენ

მეტი: https://netgazeti.ge/news/741073/ 

რას ჰპირდება „ძლიერი საქართველო“ რეგიონებიდან თბილისში ჩასულ სტუდენტებს

მეტი: https://netgazeti.ge/news/741665/ 

ბესელია მიანიშნებს, რომ ოპოზიციურ ფლანგზე ახალი გაერთიანებაა მოსალოდნელი

მეტი: https://netgazeti.ge/news/741673/ 

“ძლიერი საქართველოს” წევრების თქმით, წინასაარჩევნო კამპანიის დროს, ქარელში, თავს დაესხნენ

მეტი: https://netgazeti.ge/news/741110/ 

კულტურის სამინისტრომ ბაქრაძე ლიტერატურის მუზეუმიდან გაათავისუფლა

მეტი: https://netgazeti.ge/news/741278/ 

“ოცნების” “სიძულვილის შემცველი რეკლამის” არგაშვების გამო “მთავარი არხი” 5000 ლარით დაჯარიმდა

მეტი:  https://netgazeti.ge/news/741742/ 

რა საფუძვლით იზღუდება 3 პარტიის საარჩევნო რეკლამა – განმარტებები

მეტი:  https://netgazeti.ge/news/741822/ 

რ უ ს უ ლ ი  კ ა ნ ო ნ ი ს  შ ე ს ა ხ ე ბ:

  პრემიერმა კრიტიკული სამოქალაქო საზოგადოების დაფინანსების შეწყვეტა გვთხოვა — შაჰინი

მეტი:  https://netgazeti.ge/news/740915/ 

რაც თქვა სენატორმა შაჰინმა, წმინდა წყლის ტყუილია – კობახიძე

მეტი:https://netgazeti.ge/news/740974/ 

“რეჟიმის ნაბიჭვრებმა მანქანა გადაგვიღებეს” – სტუდენტური მოძრაობის წევრის თქმით, მანქანა დაუზიანეს

მეტი: https://netgazeti.ge/news/741077/ 

“მეგობარი აქტის” მიზანია ქართველი ხალხის მხარდაჭერა ქვეყნის ისტორიის ამ გარდამტეხ მომენტში – ჰელსინკის კომისია

მეტი: https://netgazeti.ge/news/741125/ 

„დაასანქცირეთ კონკრეტული პირები და არა ქართველი ხალხი“ – გიგაური სენატორებს

მეტი:https://netgazeti.ge/news/741788/ 

„ქართველ ხალხს ოქტომბერში ექნება საშუალება, მოიშოროს არამზადები“ – რიში

მეტი:https://netgazeti.ge/life/741779/ 

რუსული კანონის აქციებზე პოლიციელთა სავარაუდო დანაშაულები არ გამოიძიეს – საია

მეტი: https://netgazeti.ge/news/741851/ 

Პ ო ლ ი ტ ი კ ა 

“ოცნების” კიდევ ერთი გადაწყვეტილება რუსული “შპარგალკიდან”                           

მეტი: https://netgazeti.ge/life/741549/ 

პრეზიდენტი კულტურის მინისტრის პორტფელის გაუქმებას ემხრობა

მეტი: https://netgazeti.ge/news/741061/ 

მთავრობა არ დაესწრება პრეზიდენტის მიერ ოლიმპიელების დაჯილდოებას ღია სივრცეში

მეტი: https://netgazeti.ge/news/741842/ 

„ისინი არიან თაღლითები“ – კალაძე სენატორ რიშზე

მეტი: https://netgazeti.ge/news/741809/ 

“ოთახში ერთადერთი ადამიანი არ ვყოფილვარ, ყველამ გავიგეთ, რა თქვა” – სენატორი კობახიძესთან შეხვედრაზე

მეტი:  https://netgazeti.ge/news/741823/ 

აფხაზეთში სრულ იზოლაციაში დარჩენის საფრთხეზე საუბრობენ

მეტი:  https://netgazeti.ge/news/741136/ 

„ეს არის ქართველების დასახმარებლად“ – აშშ-ის ელჩმა ბათუმში განახლებული ამერიკული კუთხე გახსნა

მეტი:  https://batumelebi.netgazeti.ge/slideshow/544176/ 

კობახიძე შუქრუთელებთან შეხვედრას ჯერჯერობით არ აპირებს

მეტი: https://netgazeti.ge/news/741816/ 

ინტერვიუ:

დასავლეთის დახმარება თითოეულ ქართველამდე მივიდა და აი, როგორ – ინტერვიუ სოფო გეგეჭკორთან

მეტი: https://batumelebi.netgazeti.ge/slideshow/544118/ 

ო’ბრაიენის თქმით, “ოცნება” “რუსეთს საქართველოს საინფორმაციო სივრცეში დომინირებას უადვილებს”

მეტი: https://netgazeti.ge/news/741083/ 

ბაიდენის თანაშემწე “შემაშფოთებელ” სიტუაციაზე საქართველოში და სანქციებზე

მეტი:  https://netgazeti.ge/life/741643/ 

ს პ ო რ ტ ი:

პრეზიდენტი ოლიმპიელებსა და პარალიმპიელებს 13 სექტემბერს საჯარო ღონისძიებაზე დააჯილდოებს

მეტი: https://netgazeti.ge/news/741294/ 

უ ც ხ ო ე თ ი  ს   ა მ ბ ე ბ ი:

ვინ მოიგო ჰარისი-ტრამპის დებატები – შეფასებები და ტეილორ სვიფტის არჩევანი

მეტი:https://netgazeti.ge/news/741560/ 

ერევანი მზადაა, რაც შეიძლება მალე ხელი მოაწეროს სამშვიდობო ხელშეკრულებას ბაქოსთან – ფაშინიანი

მეტი: https://netgazeti.ge/news/741347/ 

უკრაინა:

რუსეთის კონტრშეტევა კურსკში უმნიშვნელოა – პენტაგონი

https://batumelebi.netgazeti.ge/news/544590/

რუსეთის და უკრაინის სამხედრო დანაკარგები ომში – 13 სექტემბერი

https://batumelebi.netgazeti.ge/news/544543/ 

რუსეთმა უკრაინაში მებრძოლი კიდევ ერთი ქართველი ჯარისკაცის წინააღმდეგ აღძრა საქმე

https://batumelebi.netgazeti.ge/news/544499/ 

რუსეთი დაუსწრებლად ასამართლებს ქართველ სნაიპერ ქალს, რომელიც უკრაინაში იბრძვის

https://batumelebi.netgazeti.ge/news/544238/ 

აგვისტოში უკრაინის 184 მშვიდობიანი მოქალაქე დაიღუპა ომის გამო, მათ შორის 8 ბავშვი – გაერო

https://batumelebi.netgazeti.ge/slideshow/544038/ 

ძ ა ლ ა   ე ვ რ ო კ ა ვ შ ი რ შ ი ა:

მგონია, 90-იანების სული დაბრუნდა ქვეყანაში – ემიგრანტი, რომელიც საქართველოსთვის იბრძვის

მეტი:  https://batumelebi.netgazeti.ge/news/544192/ 

ვფიქრობ სამშობლოში დაბრუნებაზე, მაგრამ მინდა უკეთეს რეალობაში დავბრუნდე – ემიგრანტი აშშ-დან

მეტი: https://batumelebi.netgazeti.ge/news/544059/ 

  ამ არჩევნებზეა დამოკიდებული, მომავალში პატარა ძმის ნახვას თუ შევძლებ – ლიეტუვაში მყოფი სტუდენტი

მეტი:https://batumelebi.netgazeti.ge/news/544429/ 

კ ვ ი რ ი ს  ა მ ბ ა ვ ი:

შუქრუთის მცხოვრებლები პარლამენტთან აქციას მართავენ

მეტი:  https://netgazeti.ge/news/741632/ 

02-06 სექტემბერი 

რ უ ს უ ლ ი  კ ა ნ ო ნ ი ს  შ ე ს ა ხ ე ბ:

  ომბუდსმენი მინისტრს მიმართავს, შეცვალოს რუსულ კანონზე გამოცემული ბრძანება

მეტი: https://netgazeti.ge/news/740233/ 

სამინისტროს თანახმად, რუსული კანონის რეესტრში დარეგისტრირებაზე განაცხადი 469 ორგანიზაციამ გააკეთა

მეტი:https://netgazeti.ge/news/740305/ 

რუსული კანონის გამო, 23-წლიანი ისტორიის NGO კახეთიდან, არსებული ფორმით წყვეტს საქმიანობას

მეტი: https://netgazeti.ge/news/740432/ 

EU-მა მუნიციპალიტეტებისთვის განკუთვნილი გრანტი გააჩერა

მეტი:  https://netgazeti.ge/life/740212/ 

აშშ „არ გამორიცხავს დამატებით ნაბიჯებს“ რუსული კანონის გამო

მეტი: https://netgazeti.ge/news/740495/ 

გერმანელი ანალიტიკოსი ხსნის, რა მიზანი აქვს “ოცნებას”, როცა ქვეყანას ევროპას აშორებს

მეტი: https://netgazeti.ge/opinion/740301/ 

“დაგვიანებული სამართალი იქნება წართმეული სამართალი” – დეპუტატები საკონსტიტუციოს

მეტი:https://netgazeti.ge/news/740884/ 

სოციალური სამართლიანობის ცენტრმა „ოცნების“ კანონპროექტზე ევროსაბჭოს მიმართა

მეტი: https://netgazeti.ge/news/740715/ 

რუსული კანონით ბანკებს იმის გაკეთებას სთხოვენ, რაც სხვა კანონით ეკრძალებათ

მეტი: https://netgazeti.ge/business/740934/ 

ვრეგისტრირდებით ღირსების შემლახავ რეესტრში – „ეკო ცენტრი“

მეტი: https://netgazeti.ge/news/740130/ 

აგენტად რეგისტრირებაზე უარს ამბობს მოხევეთა ორგანიზაცია, რომელიც თრუსოს ხეობის დაცვაზე მუშაობს

მეტი: https://netgazeti.ge/news/740409/

აგენტად დარეგისტრირებაზე ორგანიზაცია „დემოკრატ მესხთა კავშირი“ უარს ამბობს

მეტი:  https://netgazeti.ge/news/740490/ 

Პ ო ლ ი ტ ი კ ა 

კალაძემ შვილი ფრანგულ ძვირადღირებულ სკოლაში შეიყვანა, მაშინ როცა „ოცნება“ ხალხს ევროპით აშინებს

მეტი: https://batumelebi.netgazeti.ge/news/543623/ 

რატომ არ შეხვდნენ პაპუაშვილი და მთავრობის წევრები ბუნდესტაგის დელეგაციას

მეტი: https://netgazeti.ge/news/740908/ 

პრემიერმა კრიტიკული სამოქალაქო საზოგადოების დაფინანსების შეწყვეტა გვთხოვა — შაჰინი

მეტი:  https://netgazeti.ge/news/740915/ 

რა შეთანხმებების შესრულებას ითხოვს მოსკოვი აფხაზეთისგან

მეტი: https://netgazeti.ge/news/740760/ 

პარლამენტმა II მოსმენით მიიღო ჰომოფობიური საკანონმდებლო ცვლილებები

მეტი:  https://netgazeti.ge/news/740540/ 

სტრასბურგის სასამართლომ მუხთარლის საქმეზე საქართველოს დარღვევა დაუდგინა

მეტი:  https://netgazeti.ge/news/740719/ 

ინტერვიუ:

აღარ არის დავით გარეჯი „ოცნებისთვის“ საქართველო? – ინტერვიუ ივერი მელაშვილთან

მეტი:  https://batumelebi.netgazeti.ge/news/543683/ 

ივანიშვილი ამბობს, რომ საზოგადოების ერთ ნაწილს დაახოცვინებს მეორე ნაწილს – ინტერვიუ გია ხუხაშვილთან

მეტი:  https://batumelebi.netgazeti.ge/news/543364/ 

“გუშინაც, გუშინწინაც და სხდომამდეც უნდა მიეღო საკონსტიტუციოს შეჩერების გადაწყვეტილება” – გიორგი დავითური

მეტი:  https://batumelebi.netgazeti.ge/slideshow/543635/ 

ინტერვიუ რუსული კანონის ლინგვისტური ანალიზის კიდევ ერთ ავტორთან

მეტი:  https://netgazeti.ge/life/740213/ 

ა რ ჩ ე ვ ნ ე ბ ი:

ცესკოში აშშ-სა და ევროპის NGO-ის, მედიის წარმომადგენლებსა და ყოფილ დიპლომატებთან შეხვედრა გაიმართა

მეტი:  https://batumelebi.netgazeti.ge/ads/543838/ 

„ოცნების“ შემწირველი ბათუმის მუნიციპალური ქონებით უნებართვოდ სარგებლობს – „გამჭვირვალობა“

მეტი: https://batumelebi.netgazeti.ge/news/543774/

კობახიძე არ გამორიცხავს თავდასხმებს ოპოზიციის ლიდერებზე

მეტი: https://batumelebi.netgazeti.ge/slideshow/543529/ 

„ძლიერმა საქართველომ“ საარჩევნო პროგრამა, „ილიას გზა“ წარადგინა

მეტი:  https://netgazeti.ge/news/740866/ 

მამუკა გორგოძე შესაძლოა, „ქართული ოცნების“ სიაში იყოს

მეტი:  https://netgazeti.ge/news/740767/ 

წულუკიანის თქმით, კულტურის სამინისტრომ ლაშა ბაქრაძის წინააღმდეგ დისციპლინური საქმისწარმოება დაიწყო

მეტი:  https://netgazeti.ge/news/740849/ 

„არასწორი სიტყვა გამოვიყენე“ – ბაქრაძე „ნახმარ სახეებზე“ კომენტარისთვის ბოდიშს იხდის

მეტი: https://netgazeti.ge/news/740685/ 

ს პ ო რ ტ ი:

ვერცხლი და ბრინჯაო ევროპის ჩემპიონატიდან – ბათუმელი მოჭადრაკეების წარმატება

მეტი: https://batumelebi.netgazeti.ge/news/543215/ 

ცოლ-ქმარმა ქალდანებმა პარაოლიმპიადის ჯილდოები მოიპოვეს. გიორგიმ ვერცხლის მედალი მოიპოვა, ანამ კი ბრინჯაო. ანა ქალდანი მეორე ქართველი პარასპორტსმენია, ვინც პარალიმპიური მედალი ორჯერ მოიგო. პარიზის მიმდინარე პარალიმპიადაზე საქართველოს ნაკრებმა უკვე შვიდი მედალი დააგროვა, რაც სარეკორდოა

უ ც ხ ო ე თ ი  ს   ა მ ბ ე ბ ი:

ლავროვი ზურაბიშვილზე: ვერ გამოიყენა რუსეთთან მეგობრობის შენარჩუნების კარგი შესაძლებლობა

მეტი:https://batumelebi.netgazeti.ge/news/543812/ 

ახალი მონაცემები რუსეთის და უკრაინის სამხედრო დანაკარგებზე ომში – 6 სექტემბერი

მეტი:  https://batumelebi.netgazeti.ge/slideshow/543755/ 

აშშ-მა პროპაგანდისტი მარგარიტა სიმონიანი დაასანქცირა

  https://netgazeti.ge/news/740687/ 

უკრაინის საგარეო საქმეთა მინისტრი გადადგა

  https://netgazeti.ge/news/740501/ 

მადურომ ვენესუელაში შობა პირველ ოქტომბერს გადმოიტანა

https://netgazeti.ge/news/740519/ 

ძ ა ლ ა   ე ვ რ ო კ ა ვ შ ი რ შ ი ა:

მე არ ვოცნებობდი აშშ-ში ცხოვრებაზე, ახლაც მინდა ჩემი ცოდნა საქართველოს მოვახმარო – ანა აბაშიძე, ემიგრანტი

მეტი:  https://batumelebi.netgazeti.ge/news/543177/ 

ივანიშვილი გამარჯვებულის როლს თამაშობს, ოღონდ ტყვიაგაუმტარი შუშის ყუთიდან – კობა სუბელიანი

მეტი:  https://batumelebi.netgazeti.ge/news/543445/ 

  პასუხისმგებლობაა მონაწილეობა მივიღო ჩემი ქვეყნის განვითარებაში – IT ინჟინერი ამერიკიდან

მეტი: https://batumelebi.netgazeti.ge/news/543406/ 

წელს რეკორდული რაოდენობით ჯენზი მიიღებს არჩევნებში მონაწილეობას – სტუდენტი 

მეტი:  https://batumelebi.netgazeti.ge/news/543272/ 

ვერასდროს მივიღებდი ამ სტიპენდიას, რომ არა დასავლეთის მხარდაჭერა – სტუდენტი ხულოდან

მეტი:  https://batumelebi.netgazeti.ge/news/543446/ 

ეს კითხვა მეც გამჩენია, რატომ გვეხმარება ევროკავშირი უანგაროდ? – ბათუმელი სტუდენტი

მეტი:  https://batumelebi.netgazeti.ge/news/543584/ 

ბებია 6 წელია აშშ-ია მინიმალური პირობები რომ გვქონდეს, მთავრობა კი კონსპირაციებით გვკვებავს – სტუდენტი

მეტი:   https://batumelebi.netgazeti.ge/slideshow/543564/ 

„ახალ თაობას რომ აფასებდნენ, ევროპაში განათლების მიღების შემდეგ ბევრი დაბრუნდებოდა“ – სტუდენტი

მეტი:  https://batumelebi.netgazeti.ge/slideshow/543440/ 

კ ვ ი რ ი ს  ა მ ბ ა ვ ი:

ქვეყანა ჩრ.კორეად გადაიქცევა, თუ ოპოზიცია არ იქნება – რას ფიქრობს ხალხი ბათუმში ოცნების დაპირებაზე | გამოკითხვა

მეტი:  https://batumelebi.netgazeti.ge/news/543382/ 

გასული კვირა – 01 სექტემბერი

რ უ ს უ ლ ი  კ ა ნ ო ნ ი ს  გ ა ნ ხ ი ლ ვ ა:

29 აგვისტოს საქართველოს საკონსტიტუციო სასამართლოში რუსული კანონის შესახებ განხილვა დაიწყო

მეტი: https://netgazeti.ge/news/739714/

ქეთევან ერემაძე, საკონსტიტუციო სასამართლოს ყოფილი მოსამართლე 120-ზე მეტი არასამთავრობო და მედიაორგანიზაციის ინტერესებს იცავს საკონსტიტუციო სასამართლოში რუსული კანონის წინააღმდეგ

მეტი: https://netgazeti.ge/news/739864/

საჯარო რეესტრის უფროსი მედიას ურჩევს როგორ დაფაროს წყარო რუსული კანონის პირობებში

მეტი: https://netgazeti.ge/news/739907/

„სირცხვილიამ“ გაავრცელა ვიდეო, რუსული კანონის რეესტრში დარეგისტრირების შესახებ

მეტი: https://netgazeti.ge/news/740060/

“სირცხვილია” აცხადებს, რომ აუქმებს რუსულ კანონზე მიღებულ გადაწყვეტილებას

მეტი: https://netgazeti.ge/news/740097/

რუსული კანონის აღმასრულებელმა რეესტრმა იმაზე ნაკლები ინფორმაცია გაასაჯაროვა, ვიდრე NGO-ებს ავალდებულებენ

მეტი: https://netgazeti.ge/life/740025/

„რუსული კანონი კლავს თავისუფალ მედიას“ – ჟურნალისტები საკონსტიტუციო სასამართლოში

მეტი: https://batumelebi.netgazeti.ge/slideshow/543168/

რა გადაწყვიტა 2014 წელს რუსეთის საკონსტიტუციო სასამართლომ რუსულ კანონზე – ამონარიდები

მეტი: https://batumelebi.netgazeti.ge/news/542281/

პ ო ლ ი ტ ი კ ა:

ივანიშვილმა დააკონკრეტა რის ჩაწერას აპირებენ კონსტიტუციაში ეკლესიისგან სახელმწიფო რელიგიაზე უარის შემდეგ

მეტი: https://netgazeti.ge/life/740102/

კახეთის გზატკეცილზე ერეკლე მეორის ძეგლი დაიდგმება – კობახიძე

მეტი: https://netgazeti.ge/news/739280/

„ოცნების” მანიპულაცია, რომ ოპოზიციის აკრძალვა მოლდოვისა და უკრაინის მაგალითებით მართლდება

მეტი: https://netgazeti.ge/life/739360/

ა რ ჩ ე ვ ნ ე ბ ი:

წინასაარჩევნო კამპანია ოფიციალურად გაიხსნა

მეტი: https://netgazeti.ge/life/739496/

აზღვევს თუ არა ელექტრონული ტექნოლოგიები “კარუსელების” რისკს არჩევნებზე

მეტი: https://netgazeti.ge/life/739474/

ს პ ო რ ტ ი:

საქართველოს მთამსვლელთა გაერთიანებული ფედერაციის ცნობით, ესაა ქართველი ქალების პირველი დამოუკიდებელი ასვლა უშბის მწვერვალზე.

ჭადრაკში ქალთა მსოფლიო გრანპრის მერვე ტური ცოტნე ივანიშვილმა გახსნა

მეტი: https://netgazeti.ge/news/739126/

პრემიები მკლავჭიდელებისთვის — რა ხდება სინამდვილეში?

მეტი: https://netgazeti.ge/news/739978/

უ ც ხ ო ე თ ი ს ა მ ბ ე ბ ი:

რუსეთმა ხარკოვი დაბომბა – დაიღუპა 5 ადამიანი, დაშავდა 47

მეტი: https://shorturl.at/jGyF5

ახალი მონაცემები რუსეთის და უკრაინის სამხედრო დანაკარგებზე ომში – 31 აგვისტო

მეტი: https://batumelebi.netgazeti.ge/slideshow/543164/

პარიზში Telegram-ის დამფუძნებელი პაველ დუროვი დააკავეს

https://netgazeti.ge/news/739238/

მაკრონი დუროვის დაკავებაზე: ეს არ არის პოლიტიკური დისკუსია

https://netgazeti.ge/news/739385/

ე მ ი გ რ ა ნ ტ ე ბ ი ა მ ე რ ი კ ი დ ა ნ:

„როგორ გადავარჩინოთ ჩვენი ქვეყანა? – წავიდეთ არჩევნებზე“

მეტი: https://batumelebi.netgazeti.ge/news/542546/

რატომ წამოვედი ამერიკაში? – საჯარო სამსახურში ჩემნაირების მომავალი უფროსის ცვლილებასაც კი უკავშირდება

მეტი: https://batumelebi.netgazeti.ge/news/542936/

„ოცნების“ მცდელობა არჩევნები ფარსად გადააქციოს, დასრულდება კრახით – ქართველი ემიგრანტი აშშ-ში

მეტი: https://batumelebi.netgazeti.ge/news/542643/

3 პატარა შვილით 8 ქვეყანა გადავლახეთ და აშშ-ში აღმოვჩნდით, ვაპირებ არჩევნებში მონაწილეობას

მეტი: https://batumelebi.netgazeti.ge/slideshow/542668/

კ ვ ი რ ი ს ა მ ბ ა ვ ი:

ქალი 30 სული პირუტყვით მთაში – „გაყინვა მელის, არ მაქვს ბოსელი და არც სახლი“

მეტი: https://batumelebi.netgazeti.ge/news/542637/  

„მე ვარ „ქართული ოცნების“ წევრი 2012 წლიდან, რა თქმა უნდა, კომისიის თავმჯდომარის მოადგილე ვარ,“ – არაფერს მალავს ედნარ მორთულაძე. ის რამდენიმე დღის წინ ხელვაჩაურის საოლქო კომისიამ #3 საუბნო კომისიის თავმჯდომარის მოადგილედ შეარჩია – „ნეიტრალურ“ წევრად.

ნეიტრალური წევრი იმას ნიშნავს, რომ ვიდრე პარტიები საუბნო კომისიებში საკუთარი ინტერესების წარმომადგენლებს დანიშნავენ, საარჩევნო ადმინისტრაცია არჩევნების მიუკერძოებლად და სამართლიანად ჩატარებისთვის, პროფესიონალიზმისა და სანდოობის კუთხით, თითოეულ კომისიაში 8-8 წევრს ირჩევს.

რთული არაა იმის დადასტურება, რომ საუბნო თუ საოლქო კომისიების დონეზე ე.წ. ნეიტრალური კომისიის წევრები ხშირ შემთხვევაში პარტია „ქართულ ოცნებასთან“ არიან კავშირში. ზოგიერთი მათგანი მმართველი პოლიტიკური პარტიის აგიტაციაშიც კი არის ჩართული, რაც მათი ფეისბუქგვერდებიდან ჩანს.

ხელვაჩაურის საოლქო კომისიის სხდომის ოქმს „ნაციონალური მოძრაობის“ და „სტრატეგია აღმაშენებლის“ წარმომადგენლებმა განსხვავებული აზრი დაურთეს „ნეიტრალურ“ წევრებზე ვრცელი ჩამონათვალით და სქრინებით „ნეიტრალური“ წევრების ფეისბუქპოსტებიდან.

ოპოზიცია საოლქო კომისიას დაწვრილებით აწვდის ინფორმაციას, როგორაა ჩართული იმ პირების უმრავლესობა „ქართული ოცნების“ აგიტაციაში, ვისაც კომისიის უპარტიო წევრობა სურს, თუმცა კომისიას ეს მონაცემები თაროზე შემოუდია, ამ ფრაზის პირდაპირი მნიშვნელობით.

„ბათუმელები“ ხელვაჩაურში სხვადასხვა საუბნო კომისიის რამდენიმე წევრს დაუკავშირდა და ჰკითხა: რამდენად შეიძლება საზოგადოებას ჰქონდეს ნდობა საარჩევნო ადმინისტრაციის მიმართ, როცა არჩევნებს ნეიტრალური პირების ნაცვლად, პარტია „ქართული ოცნების“ სამსახურში ჩამდგარი პირები ჩაატარებენ?

„რატომ იქნება პრობლემა? რატომ იქნება კითხვები? ჩვენ პატიოსნურად ვმუშაობთ 2020 წლიდან. ვარშალომიძესაც ვიცნობ [ლევან ვარშალომიძე – აჭარის მთავრობის ყოფილი თავმჯდომარე], ნათესაური კავშირიც მაქვს, ძალიან თუ გაინტერესებთ, მაგ უბანში ვცხოვრობ, მაგრამ მე ჩემი პრინციპები მაქვს, მათ – მათი პრინციპები…

პრობლემა არ იქნება არც იმ მხრიდან, არც ამ მხრიდან,“ – გვითხრა ედნარ მორთულაძემ.

ხელვაჩაურის საოლქო კომისიის წევრი ენმ-დან, არმაზ ვარშალომიძე აცხადებს, რომ ედნარ მორთულაძემ „სამთავრობო სტრუქტურების დავალებით მიიღო მონაწილეობა კონკურსში“: ედნარ მორთულაძის ძმა – ალბერტ მორთულაძე შინაგან საქმეთა სამინისტროში მუშაობს.

„ეს გამორიცხულია, ჩემი ძმა თავის საქმეს აკეთებს, რა შუაშია, რატომ მეკითხებით?“ – კითხულობს ედნარ მორთულაძე, რომელიც წლებია ხელვაჩაურის მერიის ააიპ „დასუფთავების სამსახურშია“ დასაქმებული.

საიდან ხართ ნეიტრალური, თუ 2012 წლიდან დღემდე „ქართული ოცნების“ წევრი ხართ? – ვკითხეთ საუბნო კომისიის თავმჯდომარის მოადგილეს.

„გვერდში მდგომი ვარ, პარტიული არ ვარ,“ – ამჯერად ეს გვითხრა საარჩევნო მოხელემ. – „ვინ როგორ შემაფასებს, მაგი მათზეა დამოკიდებული,“ – დასძინა მან.

„ქართული ოცნების“ პოსტებს ყველაზე აქტიურად საკუთარ ფეისბუქგვერდზე მანუჩარ ცინცაძე აზიარებს. ის „ხელვაჩაურის წყლის“ თანამშრომელია და ხელვაჩაურში მეორე საარჩევნო უბნის თავმჯდომარედ აირჩიეს. მისი ცოლი, დიანა ვერძაძე კი, მესამე საარჩევნო უბნის თავმჯდომარე გახდა.

„რა პრობლემაა, რომ გამოვხატავ მხარდაჭერას. მე პარტიული არ ვარ, ვაზიარებ იმას, რაც მომწონს და გაკეთებულია, რა შეკითხვაა ეს?“ – კომისიის თავმჯდომარეს ფეისბუქგვერდზე „ქართული ოცნების“ პარტიული ღონისძიებების აქტიურ გაზიარებაზე ვკითხეთ.

„2007 წლიდან ვატარებ არჩევნებს. მეხუთე არჩევნებია თავმჯდომარედ მირჩევენ. ახლა კონკურსის წესით ამირჩიეს, არასდროს მქონია გადაცდომა და საყვედური… არც 2012 წლამდე ყოფილა რამე, შესაძლოა რაღაც პროცედურული ყოფილიყო.

მე აგიტაციას არ ვეწევი, პარტიულ შეკრებებს არ ვესწრები. ვმუშაობ „ხელვაჩაურის წყალში“ აუზების ზედამხედველად. პარტიული მე არ ვარ, ამ ხელისუფლების რაც მომწონს, ის ყოველთვის იქნება ჩემთვის მისაღები, არავის ვკითხავ, რამეს გავაზიარებ, თუ დავალაიქებ,“ – გვითხრა მანუჩარ ცინცაძემ.

საარჩევნო პერიოდშიც გააზიარებთ პარტიულ აქტივობებს? – ვკითხეთ საარჩევნო მოხელეს. საარჩევნო რეგულაციებით წინასაარჩევნო პერიოდში ეზღუდება საარჩევნო ადმინისტრაციის წარმომადგენელს პოლიტიკური შეხედულებების ღიად გამოხატვა:

„არ ვიცი, შევხედავ… „ქართული ოცნების“ პოსტებსაც გავაზიარებ და თქვენს გვერდსაც, თუ მეგობრებში დამიმატებთ,“ – აღნიშნა მანუჩარ ცინცაძემ.

„ქართული ოცნების“ პოსტებს აზიარებს ირმა ნაკაშიძეც. ის მეხუთე საუბნო კომისიის წევრი და ერთ-ერთი საბავშვო ბაღის ხელმძღვანელია ხელვაჩაურში. ირმა ნაკაშიძეც, როგორც უპარტიო, ნეიტრალურ წევრად შეარჩია ხელვაჩაურის საოლქო საარჩევნო კომისიამ.

„არანაირი პრეტენზია არ არის,“ – მხოლოდ ეს გვითხრა და დამშვიდობება არჩია ირმა ნაკაშიძემ.

„ქართული ოცნების“ სააგიტაციო მასალის გავრცელებით არის დაკავებული თალიკო დევაძეც. იგი ახალშენის საბავშვო ბაღის ხელმძღვანელია და ხელვაჩაურის საოლქო საარჩევნო კომისიამ მე-17 საუბნო კომისიის თავმჯდომარის მოადგილედ შეარჩიეს. თალიკო დევაძემ „ბათუმელების“ სატელეფონო ზარს არ უპასუხა.

„ქართული ოცნების“ სამსახურშია ახალსოფლის საბავშვო ბაღის კიდევ ერთი თანამშრომელი – მეგი სურმანიძე. ის 27-ე საუბნო კომისიის ნეიტრალურ წევრად აირჩიეს.

ენმ და „სტრატეგია აღმაშენებელი“ საოლქო კომისიას ბევრი სხვა შემთხვევის შესახებაც აწვდიდა ინფორმაციას, მაგალითად, მე-8 საუბნო კომისიაზე, სადაც საოლქო კომისიის ოპოზიციონერი წარმომადგენლების ინფორმაციით, ნეიტრალური 8 წევრიდან 5 – ხელვაჩაურის საკრებულოს წევრის – არჩილ მხეიძის ახლო ნათესავია.

არჩილ მხეიძე საკრებულოში „ქართულ ოცნებას“ წარმოადგენს. მან ჩვენს სატელეფონო ზარს არ უპასუხა.

სხდომის ოქმში ნახავთ მონაცემს მერაბ ფარტენაძის შესახებაც. ის პირველი საუბნო კომისიის თავმჯდომარეა. საოლქო კომისიის წევრების, არმაზ ვარშალომიძის [ენმ] და ია დავითაძის [სტრატეგია აღმაშენებელი] ინფორმაციით, მერაბ ფარტენაძე სუს-ის მოქმედი თანამშრომლის, დავით ფარტენაძის ძმაა და მან ამ სამთავრობო სტრუქტურის დავალებით მიიღო მონაწილეობა კონკურსში.

„მოგვიანებით გიპასუხებთ,“ – გვითხრა მერაბ ფარტენაძემ, თუმცა შემდეგ ჩვენს სატელეფონო ზარს აღარ უპასუხა.

• რას ამბობს კანონი? 

საარჩევნო ადმინისტრაციის მოხელეთა ეთიკის კოდექსის მიხედვით, საარჩევნო ადმინისტრაციის მოხელეს [გარდა პარტიის მიერ დანიშნული კომისიის წევრებისა] ეზღუდება პარტიული საქმიანობა.

„მოხელე ვალდებულია თავი აარიდოს ისეთ მოქმედებას, რომელიც შეიძლება აღქმულ იქნეს რომელიმე პარტიისა თუ საარჩევნო სუბიექტის მხარდაჭერად/წინააღმდეგ ქმედებად. მოხელე თავისუფალი და ნეიტრალურია გადაწყვეტილების მიღებისას და მიჯნავს საჯარო ინტერესებს პოლიტიკური პარტიის ინტერესებისგან.

მოხელე ახორციელებს თავის უფლებამოსილებებს პოლიტიკური პარტიის კუთვნილებისა და პირადი პოლიტიკური შეხედულებებისაგან დამოუკიდებლად“, – ვკითხულობთ საარჩევნო ადმინისტრაციის მოხელეთა ეთიკის კოდექსში.

ამ კოდექსის მოთხოვნების დარღვევა დისციპლინურ გადაცდომად ითვლება და საარჩევნო მოხელეს შეიძლება დაეკისროს შესაბამისი პასუხისმგებლობა.

ვინ მოახდენს რეაგირებას, როცა ზემდგომმა საოლქო კომისიამ შეარჩია ეს ადამიანები საუბნო კომისიის წევრებად?

„რა უფლება მაქვს, ვიღაცის პირად ცხოვრებაში ჩავერიო?“ – კითხვა შემოგვიტრიალა ომარ ვარშანიძემ, ხელვაჩაურის საოლქო კომისიის თავმჯდომარემ. მას ვკითხეთ, რატომ აირჩია საოლქო კომისიამ ნეიტრალურ წევრებად „ქართულ ოცნების“ აგიტაციაში ღიად ჩართული ადამიანები, ასევე პარტიის წევრები?

„ბათუმელების“ ინფორმაციით,  მმართველ პოლიტიკურ პარტიასთან კონკრეტული ადამიანების კავშირის დამადასტურებელი ფაქტები ოპოზიციამ ომარ ვარშანიძეს სამუშაო მაგიდაზე დაულაგა.

„მთავარი მოთხოვნა იყო სერტიფიცირება. როგორც იცით, თავმჯდომარეს, მოადგილეს და წევრებს უნდა ჰქონდეთ შესაბამისი სერტიფიკატი. დანარჩენი, რაც აქ შემოდიოდა, ჩვენ მაგის ვალდებულება არ გვაქვს, რომ შეგვესწავლა… ჩვენ ხომ საგამოძიებო ორგანო არ ვართ?

თუ ვინმეს პრეტენზია ჰქონდა კონკურსანტებთან დაკავშირებით, შეეძლო, მანამდე გამოეთქვა ეს მოსაზრება… მათ მოიტანეს მასალები, არ ვიცი, რა იყო. 400 ადამიანს ჩვენ სათითაოდ ვერ გავარკვევთ, ვინ ვისი მხარდამჭერია, ამის ვალდებულება არ გვაქვს. მთავარია, როცა საარჩევნო ადმინისტრაციაში ავირჩევთ, შემდეგ შეასრულოს მასზე დაკისრებული მოვალეობა. იგივე ეთიკის კოდექსი ახსენეთ თქვენ. ალბათ გაათვითცნობიერებენ ამას,“ – უთხრა ომარ ვარშანიძემ „ბათუმელებს“.

„დადგენილ საკონკურსო პირობებს უნდა დამატებოდა გასაუბრების კომპონენტი კონკურსანტებთან, რადგან კომისიისთვის წევრებთან გასაუბრების შედეგად სარწმუნო გამხდარიყო მათი პროფესიონალიზმი, კვალიფიკაცია, მიუკერძოებლობა და დამოუკიდებლობა. მიღებული საკონკურსო განაცხადები იმდენად მწირი ინფორმაციის შემცველია და ზედაპირულია კონკურსანტის შესახებ, რომ კომისიის წევრების მიერ შეუძლებელია რაციონალური და სამართლიანი გადაწყვეტილების მიღება.

გარდა ამისა, საოლქო კომისიამ გამოიყენა წარმოდგენილი საკონკურსო განცხადებების გასაცნობად მინიმალური ვადა, მიღების დასრულებიდან 1 კალენდარული დღე [ფაქტობრივად რამდენიმე საათი], რაც 344 კონკურსანტის გაცნობისა და განხილვისთვის არაოპტიმალურ ვადას წარმოადგენს.

კონკურსანტების ელექტრონულად და საოლქო კომისიაში ადგილზე მისვლით რეგისტრაცია; კონკურსანტების შესახებ მოძიებული [შეგროვებული] საჯარო ინფორმაციის საფუძველზე გამოიკვეთა მათი კავშირების მყარი ფაქტობრივი მტკიცებულებები [ნათესაური კავშირები საჯარო თანამდებობის პირებთან, ადმინისტრაციული რესურსის მობილიზება და სხვა]“, – ვკითხულობთ სხდომის ოქმის ჩანაწერში, სადაც არმაზ ვარშალომიძემ [ენმ] და ია დავითაძემ [სტრატეგია აღმაშენებელი] განსხვავებულ მოსაზრება დააფიქსირეს.

ამ თემას გამოეხმაურნენ პოლიტიკური პლატფორმა „ერთიანობის“ ცენტრალურ ოფისშიც, სადაც აღნიშნეს, რომ ეს პრობლემა ქვეყნის მასშტაბით დაფიქსირდა:

„საუბნო საარჩევნო კომისიის ე.წ. „ნეიტრალური“ წევრები, სინამდვილეში არიან ღიად „ქართული ოცნების“ მხარდამჭერები, დადიან მათ აქციებზე, მონაწილეობენ წინასაარჩევნო კამპანიაში, არიან საჯარო ბაღების, სკოლების, მერიის თანამშრომლები. მაგრამ, ამას არ იკვლევს ცენტრალური საარჩევნო კომისია და ეს ადასტურებს იმას, რომ წინასაარჩევნო გარემო არის უთანასწორო, არასამართლიანი. შეუძლებელია, საარჩევნო ადმინისტრაციამ სამართლიანი საარჩევნო გარემო შექმნას იმ პირობებში, როცა ქვედა დონის კომისიები გაუმჭვირვალე პროცედურებით კომპლექტდება,“ – აღნიშნა „ერთიანობის“ ერთ-ერთმა ლიდერმა, თამარ კორძაიამ.

ნეიტრალურობის მიმართ დამოკიდებულება ენმ-მ გააპროტესტა ბათუმის საოლქო კომისიაშიც. ბათუმის საოლქო კომისიის დროებითი, ე.წ. ნეიტრალური წევრად ცესკომ გურანდა შაინიძე შეარჩია, რომლის ქმარიც ირაკლი სანადირაძეა – „ქართული ოცნების“ აქტიური მხარდამჭერი, საარჩევნო აგიტაციაში ჩართული პირი და საბიუჯეტო ორგანიზაცია „აჭარის პროექტების მართვის კომპანიის“ პროექტების კოორდინატორი.

„როცა ჩვენ დავიწყეთ საუბნო კომისიების წევრების არჩევა, ოლქის თავმჯდომარემ წაგვიკითხა ამონარიდი კანონიდან, რომ ოლქის წევრებს არ უნდა აერჩიათ საუბნო კომისიის წევრები, რომლებიც იქნებოდა მათი ნათესავი, მეუღლე და ასე შემდეგ. თუ საუბნო კომისიებზე გვაქვს ეს სტანდარტი, საოლქოში ხომ უფრო მაღალი უნდა იყოს სტანდარტი – ზემდგომია.

ირაკლი სანადირაძე „ქართული ოცნების“ შტაბის წევრია და მე ეს მტკიცებულება წარმოვადგინე. გურანდა შაინიძემ გააპროტესტა, მე რა შუაში ვარო. მაგრამ ნეიტრალურობის სტანდარტი ნიშნავს იმას, რომ საარჩევნო ადმინისტრაციის მიმართ ნდობა ამ კუთხით გაიზარდოს, მიუკერძოებლობაზე კითხვები არ უნდა გაჩნდეს,“ – გვეუბნება ირმა ხოროიშვილი, ბათუმის საოლქო საარჩევნო კომისიაში ენმ-ს წარმომადგენელი.

„რაში გამოჩნდა, რომ მიკერძოებული ვარ?“ – ბათუმის საოლქო კომისიის წევრი, გურანდა შაინიძე „ბათუმელებთან“ ამბობს, რომ გაუგებარია, რატომ უნდა ჩნდებოდეს ეჭვი საარჩევნო ადმინისტრაციის მიუკერძოებლობაზე, თუ მისი მეუღლე „ქართული ოცნების“ ღია მხარდამჭერი და პარტიის შტაბის წევრია. საარჩევნო მოხელე მიიჩნევს, რომ მის მიერ მიღებულ გადაწყვეტილებებში უნდა დავინახოთ, ვინმეს მითითებას დაექვემდებარა თუ არა.

„მე მაქვს ჩემი პოზიცია, ჩემს მეუღლეს – თავისი. მე პირადად ვერავინ მეტყვის, რომ ოდესმე მსგავსი რამ [„ქართული ოცნების“ პოსტები]  გავაზიარე… ჩემი მეუღლე არ არის რომელიმე კომისიის წევრი, რა შუაშია შტაბი და საოლქო კომისია?“ – კითხულობს გურანდა შაინიძე.

საარჩევნო მოხელეს ვუთხარით, რომ არსებობს ეთიკის კოდექსი, რომ ეს პრინციპი ემთხვევა, მაგალითად, მოსამართლის შემთხვევას: თუ მოსამართლე პირობითად თავისი ქმრის საქმეს განიხილავს და თვითაცილებას არ მოახდენს, შესაძლოა, მან საქმე სრულიად სამართლიანადაც განიხილოს, მაგრამ აუდიტორიას ექნება სამართლიანი საფუძველი იფიქროს: იქნებ მოსამართლემ რამე მიჩქმალა და სიმართლეს გვერდი აუარა?

„თუ თქვენ ჩემ რომელიმე გადაწყვეტილებაში დაინახავთ, რომ მე მივიღე ეს არანეიტრალური ინტერესებიდან გამომდიანრე, არამედ რომელიმე მითითებიდან გამომდინარე, მაშინ კი ბატონო… მე არ მაქვს ვალდებულება, რომ ჩემი მეუღლის აზრზე ვიყო,“ – უკან აღარ დაიხია ბათუმის საოლქო კომისიის ნეიტრალურმა წევრმა.