„ბათუმის წყლის“ ინფორმაციით, მამია ვარშანიძის ქუჩაზე ავარიულად დაზიანებული მაგისტრალური მილის აღდგენითი სამუშაოები დასრულებულია, თუმცა ბათუმის ცალკეულ ქუჩებზე წყალი ისევ არ აქვთ.
წყლის მიწოდება ბათუმში 17 ათასამდე აბონენტს გუშინ, 22 თებერვალს შეუწყდა.
„ბათუმის წყლის“ პრესცენტრის ინფორმაციით, წყლის მიწოდება ბათუმში ამ დროისთვის არცერთი მიმართულებით შეზღუდული არ არის, აღდგენითი სამუშაოები დილით უკვე დასრულდა და „სისტემას სჭირდება დასტაბილურება“.
„ბათუმის წყლის“ პრესცენტრის ინფორმაციით, ბათუმში წყლის მიწოდება სრულად უახლოეს საათებში აღდგება.
