ბათუმი-თბილისის და თბილისი-ბათუმის რეისზე მოძრავი მატარებლები დღეს, 23 თებერვალს, შეფერხებით მოძრაობენ.
საქართველოს რკინიგზაში „ბათუმელებს“ უთხრეს, რომ მატარებლები დიდთოვლობის გამო ამ დროისთვის [14:30 სთ] გურიაში, სუფსა-ჯუმათის მონაკვეთზე არიან გაჩერებულები: „მიმდინარეობს გაწმენდითი სამუშაოები“.
„საქართველოს რკინიგზის“ განცხადებით, „გურიაში არსებული უამინდობის და დიდი თოვლის გამო, 24 თებერვალს უქმდება მატარებლების რამდენიმე რეისი, კერძოდ:
- 24 თებერვალი – ოზურგეთი-თბილისი
- 24 თებერვალი – ბათუმი-ოზურგეთი
- 24 თებერვალი – რიონი-ქუთაისი-რიონი
ქუთაისში მიმავალი მგზავრები, ოზურგეთის მიმართულებით მოძრავი მატარებლით რიონის სადგურამდე მგზავრობენ, ხოლო რიონის სადგურიდან ქუთაისი 1-ის სადგურამდე მგზავრობენ საგარეუბნო ელექტრომატარებლებით, რომელთა გრაფიკი მორგებულია თბილისი-ოზურგეთი-თბილისის მატარებლის განრიგს.
შესაბამისად, 24 თებერვალს ოზურგეთი-თბილისის სამგზავრო რეისის გაუქმების შედეგად უქმდება რიონი-ქუთაისი-რიონის ელექტრომატარებელიც. საქართველოს რკინიგზა ბოდიშს გიხდით შექმნილი დისკომფორტის გამო. მგზავრებს ბილეთის საფასური სრულად აუნაზღაურდებათ.“ – აცხადებს საქართველოს რკინიგზა.
რკინიგზამ დიდთოვლობის გამო მატარებლის რამდენიმე რეისი გააუქმა გუშინ და დღეს, 23 თებერვალსაც. კერძოდ:
