დღეს, 24 თებერვალს, ბათუმში გადაუღებლად თოვს.
აჭარის რეგიონული ჰიდრომეტეოროლოგიური ობსერვატორიის ინფორმაციით, ბათუმში თოვლის საფარი 50 სანტიმეტრს აღწევს, თუმცა, როგორც ობსერვატორიაში გვითხრეს, ესაა დღეს, ადრიანი დილის მონაცემები, მას შემდეგ თოვა არ შეჩერებულა და სავარაუდოდ, თოვლის საფარის სიმაღლე კიდევ უფრო გაიზარდა.
დაზუსტებულ ინფორმაციას, როგორც აღნიშნულ სამსახურში გვითხრეს, რამდენიმე საათში გამოაქვეყნებენ.
სინოპტიკოსების თქმით, ინტენსიური თოვა შენარჩუნდება 24 თებერვლის დღის ბოლომდე.
ქარბუქისა და ძლიერი თოვის გამო დღეს აჭარის სკოლებში სასწავლო პროცესი შეწყდა.
