დღეს, 21 თებერვალს, საღამოს 23:00 მონაცემებით, ბათუმში 18 000 აბონენტს გაზი არ მიეწოდება.
ინფორმაცია „ბათუმელებს“ „სოკარის“ აჭარის რეგიონული ოფისის დირექტორმა ვახტანგ ბერიშვილმა დაუდასტურა.
მისი თქმით, ამჟამად გათიშულია შარტავასა და ფიროსმანის მიმდებარე ქუჩები.
ვახტანგ ბერიშვილის განმარტებით, გაზმომარაგების შეზღუდვა ამინდითაა გამოწვეული და ჯერ არ იციან, როდის აღუდგება ბუნებრივი აირის მიწოდება აბონენტებს.
„აბონენტები ინფორმირებული არიან, ჩართვის შესახებაც მიეწოდებათ ინფორმაცია,“ – უთხრა ვახტანგ ბერიშვილმა “ბათუმელებს”.
შეფერხებებია ხელვაჩაურის მუნიციპალიტეტშიც, სადაც ორ ადგილას ხის დაცემამ გამოიწვია გაზის შეწყვეტა.
