საქართველოს სტატისტიკის ეროვნული სამსახურის ინფორმაციით 2025 წლის ივლისში მშენებლობის ღირებულების ინდექსი წინა თვესთან შედარებით 0.4 პროცენტით, ხოლო წინა წლის შესაბამის თვესთან შედარებით 5.6 პროცენტით გაიზარდა.
კერძოდ,
⦁საცხოვრებელი სეგმენტის ინდექსი წინა თვესთან შედარებით გაიზარდა 1.6 პროცენტით, ხოლო წინა წლის შესაბამის თვესთან შედარებით 7.8 პროცენტით.
⦁ არასაცხოვრებელი სეგმენტის ინდექსი წინა თვესთან შედარებით შემცირდა 3 პროცენტით, ხოლო წინა წლის შესაბამის თვესთან შედარებით გაიზარდა 6.7 პროცენტით.
⦁ სამოქალაქო სეგმენტის ინდექსი წინა თვესთან შედარებით გაიზარდა 0.5 პროცენტით, ხოლო გასული წლის შესაბამის თვესთან შედარებით 3 პროცენტით.
საქსტატის ინფორმაციით ცვლილება, ძირითადად, განპირობებული იყო მშენებლობის დარგში დაქირავებით დასაქმებულთა საშუალო თვიური ნომინალური ხელფასის 4.5 პროცენტიანი ზრდით, რამაც 0.73 პროცენტული პუნქტი შეიტანა ჯამური ინდექსის ცვლილებაში.
წინა წლის შესაბამის თვესთან შედარებით მშენებლობის ღირებულების ინდექსი გაიზარდა 5.6 პროცენტით.
ინდექსის ზრდა, უმეტესწილად, გამოწვეული იყო მშენებლობის დარგში დაქირავებით დასაქმებულთა საშუალო თვიური ნომინალური ხელფასის 22.5 პროცენტიანი ზრდით და სამშენებლო მასალების 1.5 პროცენტიანი გაძვირებით, რამაც შესაბამისად, 4.53 და 0.92 პროცენტული პუნქტი შეიტანა ჯამური ინდექსის ცვლილებაში.
ამასთან, 2022 წლის თებერვალთან შედარებით მშენებლობის ღირებულების ინდექსი გაიზარდა 25.0 პროცენტით.
საქსტატის განმარტებით, მშენებლობის ღირებულების ინდექსში იგულისხმება ამა თუ იმ ობიექტის მხოლოდ ის მთლიანი ღირებულება, რაც დაიხარჯა მის აშენებაში. მაგალითად – მასალების ღირებულება, მშენებლობაზე დასაქმებულთა ხელფასის ხარჯები, ტექნიკის იჯარა თუ სხვა. შესაბამისად, აღნიშნულ ინდექსში არ იგულისხმება ამა თუ ობიექტის საბოლოო, ანუ საბაზრო ღირებულება/ფასი.
საცხოვრებელ სეგმენტში შედის მხოლოდ საცხოვრებელი ბინები და სახლები, ხოლო მშენებლობის ინდექსში მათი, ასე ვთქვათ, თვითღირებულება/აშენების ფასი;
არასაცხოვრებელ სეგმენტში შედის მაგალითად სკოლები, ოფისები, საწარმოო თუ სხვა არასაცხოვრებელი ობიექტები;
სამოქალაქო სეგმენტში კი შედის – გზები, ხიდები, გვირაბები და სხვა მსგავსი ობიექტები.
„ევროპული ქვეყნების კონტინგენტის უკრაინაში შესვლა ნიშნავს, რომ ისინი ბოლომდე აპირებენ უკრაინის დაცვას, ბოლომდე აპირებენ, უკრაინას მხარი დაუჭირონ – გამარჯვებამდე,“ – მიიჩნევს პოლკოვნიკი ლაშა ბერიძე, რომელსაც ევროპელი სამხედროების უკრაინაში შესაძლო შესვლის შესახებაც ვკითხეთ, იმ შემთხვევაში, თუ მოხერხდა შეთანხმება ცეცხლის შეწყვეტაზე.
სამხედრო ანალიტიკოსის აზრით, ცეცხლის შეწყვეტა ვერ მოხერხდება, რადგან პუტინს პოლიტიკურად მხოლოდ კაბალურ პირობებზე სურს უკრაინის დათანხმება.
„მე მაინც მგონია, რომ ეს უფრო პუტინის მორიგი დაშინების ტაქტიკაა და არ ველოდები, რომ უახლოეს მომავალში უცხოელთა კონტინგენტის უკრაინაში შევა. პუტინს მოუწევს ამ პირობების შეცვლა, როდესაც დამარცხდება. რუსეთი მიდის კიდეც დამარცხებისკენ, მაგრამ ეს გრძელი ომია,“ – მიიჩნევს პოლკოვნიკი.
ლაშა ბერიძეს ვკითხეთ სამხრეთ კავკასიაზეც, სადაც სომხეთმა და აზერბაიჯანმა რუსეთს ზურგი აქციეს, რამდენიმე დღის წინ კი პუტინი ჩინეთში სომხეთის პრემიერს, ფაშინიანს შეხვდა. რამდენად აქვს რუსეთს სამხრეთ კავკასიაში გავლენის დაბრუნების შანსი, როცა სომხეთში ჯერ კიდევ არსებობს რუსული ბაზა?
„რუსეთს სირიაშიც ჰყავდა ბაზები. გიუმრის ბაზიდან საფრთხეს არც აზერბაიჯანი ელოდება, არც სომხეთი და არც თურქეთი. ამ ბაზის გაყვანა მხოლოდ დროის საკითხია,“ – ამბობს პოლკოვნიკი.
„ბათუმელებმა“ პოლკოვნიკ ლაშა ბერიძესთან ინტერვიუ ჩაწერა.
ბატონო ლაშა, რა ხდება ფრონტის ხაზზე? უკრაინის შეიარაღებული ძალების მთავარსარდლის, ალექსანდრ სირსკის თქმით, უკრაინელებმა დონეცკის ოლქის სამი სოფელი გაათავისუფლეს. ეს მნიშვნელოვანი ცვლილებაა ამ მიმართულებაზე?
რა თქმა უნდა, უკრაინელებისთვის ნებისმიერი სოფლის და დასახლებული პუნქტის გათავისუფლება ძალიან მნიშვნელოვანია – რაც შეიძლება მეტი მიწა უნდა გამოსტყუონ რუსებს უკრაინელებს, თუმცა ვერ გეტყვით, რომ ეს ფონს ცვლის.
მნიშვნელოვანი ცვლილებები არ არის ფრონტის ხაზზე.
პერიოდულად აქტიურდება სარაკეტო და დრონებით თავდასხმები: უკრაინელები ურტყამენ სტრატეგიულ ობიექტებს, რუსები – მშვიდობიან მოსახლეობას. ამით რას აღწევენ მხარეები?
ეს ახალი ამბავი არ არის, დიდხანს მიმდინარეობს. უბრალოდ უკრაინელები ძალიან კრეატიულები არიან – მტკივნეულ ადგილებზე ურტყამენ რუსეთის სამხედრო დანიშნულების ობიექტებს. რუსები ამ ტაქტიკას დიდი ხანია უკვე იყენებენ გარკვეული მასობრივი დაბომბვებით. ვფიქრობ, ამას რაღაც დიდი ეფექტი არ აქვს, რომ რამე გარდატეხა შეიტანოს. უკვე გამოჩნდა, რომ ასეა.
რუსები ვერ აღწევენ მნიშვნელოვან წარმატებას. ისინი, რა თქმა უნდა, ცდილობენ იმ სოფლების დაბომბვას, რაც ცეცხლის ხაზთან ახლოს გადის, გაუკაცრიელებას და ასე შემდეგ. რუსებს მხოლოდ ის შეუძლიათ, რამე ობიექტი გაანადგურონ, მიწასთან გაასწორონ, თორემ იმის აღდგენის ძალა და ენერგია არა აქვთ.
ტრამპიისევაპირებს, რომდაელაპარაკოსპუტინს. მანამისშესახებუკვე განაცხადა, მაგრამპუტინიამბობს, რომზელენსკისთანშეხვედრისადგილიმოსკოვია. ამმოცემულობაშირამდენადარსებობსცეცხლისშეწყვეტისშეთანხმებისრესურსი?
ჩემი აზრით, ახლაც არ არსებობს ცეცხლის შეწყვეტის რესურსი. ჩვენ რასაც ვუყურებთ, ეს არის უბრალოდ პუტინის მხრიდან მოლაპარაკების გაჭიანურების ტაქტიკა. ცეცხლის შეწყვეტის რესურსი ფაქტობრივად ამოწურულია იმის გამო, რომ პუტინი აყენებს აბსოლუტურად მიუღებელ, კაბალურ პირობებს. ფაქტობრივად რუსეთი უკრაინას ეუბნება, დამნებდიო.
პუტინს მოუწევს ამ პირობების შეცვლა, როდესაც დამარცხდება. რუსეთი მიდის კიდეც დამარცხებისკენ, მაგრამ ეს გრძელი ომია.
გუშინ, 4 სექტემბერს გაირკვა, რომ ევროპის 26ქვეყანა მზადაა უკრაინაში ჯარები გაგზავნოს ან დახმარება გაუწიოს ხმელეთზე, ზღვაზე ან ჰაერში, მომავალი უსაფრთხოების გარანტიების ფარგლებში, პუტინი ამბობს, რომ „სამშვიდობო შეთანხმების შემდეგ უკრაინაში უცხოური სამხედრო კონტინგენტის განთავსების არანაირი მიზეზი არ არსებობს“. თქვენი აზრით, რამდენად შეიძლება აღმოჩნდეს რუსეთის სამიზნე უცხოური კონტინგენტი უკრაინაში?
რაზეც არ უნდა შეთანხმდნენ მხარეები, პუტინის რუსეთი ამას დაარღვევს, იმიტომ, რომ მისი მიზანი სხვა არის და ეს ყველამ ძალიან კარგად იცის.
თუმცა, რა თქმა უნდა, რაც უფრო მყარ გარანტიებს მიიღებს უკრაინა უსაფრთხოების კუთხით, ეს მნიშვნელოვანია. გრძელვადიანი გარანტია, რომელიც იმუშავებს, ესაა უკრაინის ნატოს წევრობა. რაღაც ველოსიპედის მოგონება აქ არ არის საჭირო.
ამეტაპზეტრამპიც კიგამორიცხავსიმას, რომუკრაინაშეიძლებაგახდეს ნატოს წევრი.
დიახ, ამ ეტაპზე ყველა გამორიცხავს, მაგრამ შევხედოთ, როგორი სიტუაცია იქნება. უახლოეს პერსპექტივაში თუ გრძელვადიანში, დარწმუნებული ვარ, ეს მიდგომა აუცილებლად შეიცვლება.
არა მგონია, რომ უცხოელთა კონტინგენტის შეყვანა უკრაინაში, ფრონტის ხაზზე იყოს შესაძლებელი. ისინი სავარაუდოდ გადანაწილდებიან უკრაინის ტერიტორიაზე და სტრატეგიული დანიშნულების ობიექტებს დაიცავენ. ეს გაათავისუფლებს უკრაინელების იმ პირად შემადგენლობას, ვინც ახლა ზურგის ოპერაციებს ახორციელებს და უფრო მეტ პირად შემადგენლობის შესაძლებლობას მისცემს უკრაინის სარდლობას.
ამას აქვს უდიდესი პოლიტიკური მნიშვნელობაც: ევროპული ქვეყნების კონტინგენტის უკრაინაში შესვლა ნიშნავს, რომ ისინი ბოლომდე აპირებენ უკრაინის დაცვას, ბოლომდე აპირებენ, უკრაინას მხარი დაუჭირონ – გამარჯვებამდე.
მე მაინც მგონია, რომ ეს უფრო პუტინის მორიგი დაშინების ტაქტიკაა და არ ველოდები, რომ უახლოეს მომავალში უცხოელთა კონტინგენტის უკრაინაში შევა.
რეალურად უკრაინას ახლა ყველაზე მეტად სჭირდება, რაც შეიძლება მეტი დასავლური შეიარაღება, მეტი ტექნოლოგიები. უკრაინამ უნდა შეძლოს რუსული, უხეში წინსვლის მოგერიება, რასაც წარმატებით იგერიებს აქამდე, შეკავება და უკვე გრძელვადიანი ომის წარმატებით დასრულება.
უკრაინამ მაქსიმალურად უნდა დაიცვას თავი საჰაერო თავდასხმებისგან. რა თქმა უნდა, აშშ-ის ავიაციის დახმარება ამას უზრუნველყოფს.
პუტინის ჩინეთში ჩრდილოეთ კორეის ლიდერს, კიმ ჩენ ინს შეხვდა. რა იყო თქვენთვის ყველაზე მნიშვნელოვანი ამბავი ჩინეთის შეხვედრებიდან?
არ ვფიქრობ, რომ ჩინეთში გამართული რომელიმე შეხვედრა აისახება უკრაინაზე. აქ იყვნენ ის ქვეყნებიც, რომლებიც მხარს უჭერენ უკრაინას. არიან ისეთი ქვეყნებიც, რომლებიც არ ერთვებიან კონფლიქტში არანაირი ფორმით. ჩინეთი, ცხადია, ცდილობს, რომ რუსეთი ბოლომდე თავის ორბიტაზე მოაქციოს, ხოლო კიმ ჩენ ინი რუსეთის ყველაზე დიდი მოკავშირეა ამ ეტაპზე. შეიძლება ითქვას, ერთადერთი რეალური მოკავშირე ეს შემორჩა რუსეთს – ჩრდილოეთ კორეა.
ჩრდილოეთ კორეა აწვდის შეიარაღებას რუსეთს, ყველაფერს, რაც ომის მანქანისთვის სჭირდება. ჩინეთი რუსეთს შეიარაღებით არ უჭერს მხარს, ყოველ შემთხვევაში დამადასტურებელი ფაქტი არ გვაქვს.
ირანიც რუსეთის მოკავშირე იყო, მაგრამ ირანს უკვე თავისი გასჭირვებია და ვეღარ ვხედავთ, რომ ირანი აქტიურად ეხმარებოდეს რუსეთს.
აქ საუბარია იმაზე, რომ რუსეთს არ აქვს საკმარისი რაოდენობის საბრძოლო მასალები, არ აქვს საკმარისი რაოდენობის ტექნიკა და გარკვეულწილად ჩრდილოეთ კორეიდან მიწოდებული მარაგები ეხმარება რუსეთს უფრო მეტი ბოროტება გააკეთოს – უფრო მეტი უკრაინელი ბავშვი მოკლას.
ჩინეთში პუტინი ფაშინიანსაც შეხვდა, სომხეთის პრემიერ-მინისტრს. რა გამოიკვეთა ამ შეხვედრებიდან – რეალურად სუსტდება რუსეთი სამხრეთ კავკასიაში?
თურქეთი, სომხეთი და აზერბაიჯანი ფაქტობრივად გაერთიანდა და ქმნიან ეკონომიკურ კორიდორს, რომელიც მოემსახურება შუა აზიიდან, ასევე ჩინეთიდან და აზიიდან ევროპისკენ წამოსულ ტვირთებს. ფაქტობრივად, ყველაფერი ეს არის მიმართული იქითკენ, რომ შეასუსტონ რუსეთის გავლენა რეგიონში და ეს ბუნებრივად მოხდება.
ფიქრობთ, რუსეთსარეყოფარესურსი, რომმანდაიბრუნოსთავისიგავლენასამხრეთკავკასიაში. მაგალითად, სომხეთში რუსეთს სამხედრო ბაზაც აქვს…
გიუმრის ბაზას გაანეიტრალებენ ნახევარ დღეში.
ასე რუსეთს სირიაშიც ჰყავდა ბაზები. გიუმრის ბაზიდან საფრთხეს არც აზერბაიჯანი ელოდება, არც სომხეთი და არც თურქეთი. ამ ბაზის გაყვანა მხოლოდ დროის საკითხია.
არსებობს ვარაუდი, რომ საქართველოს გავლით შეიძლება შეიტანოს რუსეთმა სომხეთში სამხედრო აღჭურვილობა. რას ფიქრობთ ამაზე?
არ ვიცი, საქართველოს გავლით როგორ უნდა გააკეთოს ეს, მაგრამ იქეთ სომხეთს ხომ არ სძინავს? სომხეთი უკვე სხვა კოალიციაშია. სომხეთი უკვე აღარ არის მარტო – მას გვერდს უმაგრებენ მეზობლები თურქეთი და აზერბაიჯანი. სომხეთს გვერდს უმაგრებს ასევე ამერიკის შეერთებული შტატები და პრეზიდენტი ტრამპი. სომხეთმა უკვე საკმაოდ მყარი ნაბიჯები გადადგა, რომ იყოს იმ დიდი კოალიციის ნაწილი, რაც იქმნება ახლა ჩვენს რეგიონში.
საქართველოს კი, ამ შეხვედრებზე არც დაუძახეს – საქართველო აღარ სჭირდებათ: იზოლირებული, გაუგებარი ორიენტაციის ქვეყანა.
მათშორისჩინეთისთვის?
რა თქმა უნდა, ჩინეთი ეკონომიკურ ამოცანას ესწრაფვის და ახლა რატომ დაკარგავს საქართველოსა და „ქართულ ოცნებაზე“ დროს, როდესაც მას სთავაზობენ ძალიან ეფექტურ, ახალ კორიდორს? პორტები იყო საქართველოში ინტერესის საგანი და ისიც გააუქმა „ქართულმა ოცნებამ“.
ჩვენ დავრჩით სადღაც – ადამიანის ანატომიის მიხედვით რომ ვთქვათ, სადღაც ბრმა ნაწლავის როლი გვაქვს ახლა.
თქვენ ხშირად ახსენებთ, რომ რუსეთ-უკრაინის ომის დასრულება გამოფიტვაზეა დამოკიდებული: ვინ უფრო სწრაფად გამოიფიტება. რამდენადიკლებსდაიფიტებარუსეთი?
რუსეთი დიდი რესურსების ქვეყანაა, მაგრამ ყველაფერი, რაც ფრონტის ხაზზე ჩანს, აჩვენებს, რომ რუსეთს საკმაოდ გამოფიტული მდგომარეობა აქვს. მიუხედავად იმისა, რომ რუსეთს უზარმაზარი სამხედრო-სამრეწველო კომპლექსი აქვს, მას არ აქვს საკმარისი რაოდენობის შეიარაღება, საბრძოლო მასალები და ადვილად ვერ ახერხებს ამ მარაგების შევსებას.
იგივე სიტუაციაა პირადი შემადგენლობის და სხვა მიმართულებებზე. დიახ, რუსეთი იფიტება და ის, რომ ახლა რუსეთში ბუნტი არ არის, ამას აქვს ობიექტური და სუბიექტური ახსნა. რუსეთს ფრონტთან მიმართებაში არ აქვს ნამდვილად სახარბიელო სიტუაცია.
თქვენი დაკვირვებით, რის იმედი აქვს პუტინს?
რუსეთის მოქმედებაში რაციონალურობა არ იგრძნობა. პუტინს იმედი აქვს, რომ სამხედრო მანქანა, რომელმაც აქამდე ვერაფერი ახალი ვერ მოიფიქრა, რაღაც ფორმით ამუშავდება და უფრო ეფექტური გახდება.
აქ ბევრი განზომილებაა. რუსეთი ცდილობს ასევე, რომ ევროპელებს შიგნით განხეთქილება შეიტანოს, პუტინი ეცდება, რომ ამერიკასთან ამ მოლაპარაკებებით დრო გაწელოს, მაგრამ ფაქტობრივად ბრძოლის ველზე რუსეთის სასარგებლოდ ნამდვილად არ არის სტრატეგიული დინამიკა.
ბოლო წელს განსაკუთრებით უკრაინამ სერიოზული ნაბიჯები გადადგა იმისკენ, რომ საკუთარი სამხედრო მრეწველობა გაათანამედროვოს, ტექნოლოგიურად ძლიერი, აღმატებული გახადოს.
ლომის წვლილი უკრაინელების წარმატებაში, მიუძღვის იმას, რომ ისინი ტექნოლოგიურად ყოველთვის წინ იყვნენ რუსეთზე. ომია და ომში გჭირდება სამხედრო პოტენციალის გაძლიერება. სხვანაირად ვერ მოიგებ.
არ უნდა ვიფიქროთ ისე, რომ რუსეთს ერთ ღამეში გამოელევა რესურსები. მათ აქვთ გარკვეული სამხედრო მრეწველობა, სამოქალაქო დანიშნულების ბევრი ქარხანა გადააკეთეს დრონების საწარმოებლად, მაგრამ ტექნოლოგიურად ჩამორჩებიან უკრაინას.
რა თქმა უნდა, ამ კომისიის დასკვნის არსი არ იყო თუნდაც სააკაშვილის ომში დადანაშაულება. ამ კომისიის მიზანი იყო საქართველოს ომში დადანაშაულება… მე არ ვიცი, რაში დასჭირდათ ეს, მაგრამ ფაქტია, რომ ეს ხელისუფლება არ ემსახურება საქართველოს ინტერესებს, ის ემსახურება მტრის – რუსეთის ინტერესებს.
ჩემი აზრით, კონფედერაციის მოდელი არ არის რეალისტური, მაგრამ თუ „ქართული ოცნება“დარჩა ხელისუფლებაში, მაგასაც აღიარებენ და კიდევ ბევრ ცუდ რამეს გააკეთებენ, მაგრამ ვერ დარჩებიან ხელისუფლებაში. 4 ოქტომბრის შემდეგ „ქართული ოცნება“ წავა იქ, სადაც მათი ადგილია – ისტორიის სანაგვეზე.
დღეს, 5 სექტემბერს, ბათუმში, ბაგრატიონის ქუჩაზე კაცი საცხოვრებელი კორპუსიდან, სავარაუდოდ, გადმოვარდა.
„ბათუმელების“ ინფორმაციით, ვარდნის შედეგად დაზარალებული 46 წლის თურქეთის მოქალაქეა. იგი სასწრაფო სამედიცინო დახმარების ჯგუფმა ბათუმის ერთ-ერთ კლინიკაში გადაიყვანა.
კაცი ამჟამად რეანიმაციულ განყოფილებაში იმყოფება მართვით სუნთქვაზე, მრავლობით ტრავმებით. მისი ჯანმრთელობის მდგომარეობა მძიმეა.
„ბათუმელები“ ინფორმაციას შს სამინისტროში აზუსტებს.
პირადი ცხოვრების საიდუმლოს უკანონოდ შენახვის, გავრცელებისა და სქესობრივი კავშირის დამყარების იძულების ფაქტებზე უცხო ქვეყნის მოქალაქეს ბრალდება წარუდგინეს.
პროკურატურის ცნობით, გამოძიებით დადგინდა, რომ ბრალდებულმა პირადი ცხოვრების ამსახველი ინფორმაციის გავრცელების მუქარით, დაზარალებული აიძულა მასთან სქესობრივი კავშირი დაემყარებინა.
გამოძიებით ასევე დადგინდა, რომ ბრალდებულმა, სოციალური ქსელის გამოყენებით, დაზარალებულის ოჯახის წევრებსა და მეგობრებს, დაზარალებულის პირადი ცხოვრების საიდუმლოების შემცველი ინფორმაცია გაუგზავნა.
ბრალდებულს ბრალდება საქართველოს სისხლის სამართლის კოდექსის 139-ე მუხლის პირველი ნაწილით (სქესობრივი კავშირის დამყარების იძულება) და 157 პრიმა მუხლის პირველი ნაწილით (პირადი ცხოვრების საიდუმლოს უკანონოდ შენახვა და გავრცელება) დაუსწრებლად წარედგინა, რაც სასჯელის სახედ და ზომად 7 წლამდე თავისუფლების აღკვეთას ითვალისწინებს.
პროკურატურა ბრალდებულისთვის აღკვეთის ღონისძიების სახით პატიმრობის გამოყენების შუამდგომლობით სასამართლოს კანონით დადგენილ ვადაში მიმართავს.
მაკკეინის ინსტიტუტი ეხმიანება ჟურნალისტისა და მედიამენეჯერის, მზია ამაღლობელის განაჩენის სააპელაციო სასამართლოში გასაჩივრებას.
„ამ კვირაში მზია ამაღლობელის იურიდიულმა გუნდმა შეიტანა სააპელაციო საჩივარი, რომლითაც მოითხოვენ მზიას ორწლიანი პატიმრობის აღმაშფოთებელი და არაპროპორციული სასჯელის გაუქმებას და მის დაუყოვნებლივ გათავისუფლებას.
მაკკეინის ინსტიტუტი მხარს უჭერს მზია ამაღლობელს და მოუწოდებს სააპელაციო სასამართლოს, გააუქმოს მისი უსამართლო განაჩენი“, – აცხადებსმაკკეინის ინსტიტუტი.
მზია ამაღლობელი მაკკეინის ინსტიტუტის ინიციატივის – „თავისუფლება პოლიტპატიმრებს“ – ერთ-ერთი ადრესატია.
აღნიშნული ინიციატივა შეეხება დისიდენტებს, რომლებიც არიან პოლიტიკური პატიმრები ან რეპრესიული რეჟიმების მძევლები.
თურქული მედიის ცნობით, მეხანძრეები მორიგ ტყის ხანძარს ებრძვიან ბურსაში მდებარე ტყეში, სადაც ხანძარი გაურკვეველი მიზეზით გაჩნდა.
თურქული ახალი ამბების სააგენტო „ანადოლუს“ ცნობით, ტყის ხანძარს ჰაერიდან და ხმელეთიდან ებრძვიან 3 თვითმფრინავით, 11 ვერტმფრენითა და 40-მდე სპეცმანქანით. სამუშაოებში 242 ადამიანია ჩართული.
თურქული მედია კვლევებზე დაყრდნობით წერს, რომ თურქეთსა და საბერძნეთში კლიმატის ცვლილების შედეგად ტყის ძლიერი ხანძრის ალბათობა 10-ჯერ გაიზარდა.
ევროკავშირის მონიტორინგის სისტემის, „კოპერნიკის“ 2-8 სექტემბრის პერიოდის რუკის მიხედვით, ხანძრის რისკი კვლავ მაღალია თურქეთის დასავლეთ და ცენტრალურ შავი ზღვის რეგიონში, ეგეოსისა და ხმელთაშუა ზღვის სანაპიროებზე, პირენეის ნახევარკუნძულზე, იტალიასა და საბერძნეთში, მაროკოსა და ალჟირში, ასევე ბულგარეთში, რუმინეთსა და უკრაინაში.
ანგარიშში ნათქვამია, რომ ბოლო წლებში თურქეთსა და საბერძნეთში დაფიქსირებული გვალვის ტენდენცია უფრო მკვეთრად თურქეთში იყო გამოხატული, სადაც ნალექის საერთო რაოდენობა დაახლოებით 14 პროცენტით შემცირდა, რამაც ზაფხულის თვეებში უფრო მშრალი ამინდის პირობები შექმნა, რაც ხანძრის გაჩენის წინაპირობას ქმნის.
შინაგან საქმეთა სამინისტროს ცნობით, 4 სექტემბერს, ღამით, თბილისში, იმერეთში, სამცხე-ჯავახეთისა და კახეთის რეგიონებში „კანონიერი ქურდობის“, „ქურდული სამყაროს” წევრობის, „ქურდული სამყაროს“ საქმიანობის მხარდაჭერისა და „ქურდული სამყაროს“ წევრისთვის მიმართვის ფაქტებზე 30 პირი დააკავეს, ხოლო 2 პირს ბრალი დაუსწრებლად წარედგინა.
კერძოდ, შსს-ს ცნობით, „ქურდული სამყაროს წევრისთვის მიმართვის“ ფაქტზე დაკავებულია 19, „ქურდული სამყაროს საქმიანობის მხარდაჭერის“ ფაქტზე – 7, ხოლო „ქურდული სამყაროს წევრობის“ ფაქტზე – 4 პირი.
რაც შეეხება 2 პირს, ე.წ. „კანონიერ ქურდს“ თენგიზ ხოფერიას მეტსახელად „ჭინკა“-ს და კიდევ ერთ პირს, როგორც შსს უთითებს – თ.კ.-ს, ბრალი დაუსწრებლად წარედგინათ.
„გამოძიებით დადგინდა, რომ სისხლის სამართლის დანაშაულში ბრალდებული პირები, პირადი სარგებლის მიღების მიზნით, მოქალაქეებს შორის არსებული ფინანსური დავების მოგვარებაში ერთვებოდნენ, მოდავე მხარეებთან ერთად აწყობდნენ ე.წ. ქურდულ გარჩევებს, ერთ-ერთი მხარის სასარგებლოდ, ე.წ. ქურდული ტრადიციების შესაბამისად იღებდნენ გადაწყვეტილებებს და მეორე მხარეს თანხის გადახდას აკისრებდნენ. კონკრეტული ვადების დარღვევის შემთხვევაში კი ფიზიკური ანგარიშსწორებითა და სიცოცხლის მოსპობით ემუქრებოდნენ.
გამოძიებით, ასევე, დადგინდა, რომ ბრალდებულებისა და მოდავე მხარეების მონაწილეობით, ე.წ. ქურდულ გარჩევებში, საზღვარგარეთ მყოფი ე.წ. „კანონიერი ქურდი“ – თენგიზ ხოფერია მეტსახელად „ჭინკა“ მონაწილეობდა“ – წერს შსს.
გამოძიება „კანონიერი ქურდობის“, „ქურდული სამყაროს წევრობის“, „ქურდული სამყაროს საქმიანობის მხარდაჭერისა“ და „ქურდული სამყაროს წევრისთვის მიმართვის“ ფაქტებზე, საქართველოს სისხლის სამართლის კოდექსის 223-ე პრიმა მუხლის პირველი და მე-2, 223-ე ტერცია მუხლის მე-2 და 223-ე კვარტა მუხლის პირველი ნაწილით მიმდინარეობს.
დანაშაულები 15 წლამდე ვადით თავისუფლების აღკვეთას ითვალისწინებს.
უკრაინის შეიარაღებულმა ძალებმა რუსეთში, რიაზანის ნავთობგადამამუშავებელ ქარხანას შეუტიეს, რომელიც რუსეთის ოთხი უდიდესი ნავთობგადამამუშავებელი ქარხნიდან ერთ-ერთია.
უკრაინის მიერ განხორციელებული დრონების შეტევის შედეგად ქარხანაში ხანძარი გაჩნდა.
ინფორმაციას ადასტურებს რუსული მედიაც. რიაზანის ოლქის გუბერნატორმა პაველ მალკოვმა განაცხადა, რომ რეგიონში რვა დრონი ჩამოაგდეს. მისი თქმით, არავინ დაშავებულა და სამოქალაქო ინფრასტრუქტურას ზიანი არ მიადგა, თუმცა ნამსხვრევები სამრეწველო საწარმოს ტერიტორიაზე დაეცა და აფეთქება გამოიწვია.
ასევე, მედიაში ვრცელდება ინფორმაცია, რომ უკრაინულმა ძალებმა ლუგანსკის ნავთობის საწყობს მიაყენეს დარტყმა.
ახალი სასწავლო წლისთვის მომზადება ერთგვარი ტრადიციაა, რომელსაც მოსწავლეები, სტუდენტები თუ მათი მშობლები განსაკუთრებული ემოციებით ასრულებენ. თიბისი კი, ამ მნიშვნელოვანი მომენტებისთვის მათ, ყოველ წელს, განსაკუთრებულ შეთავაზებებს სთავაზობს.
6-7 სექტემბერს, უერთგულეთ ახალი სასწავლო წლისთვის ჩაფიქრებული სურვილების ახდენას- გადაიხადეთ ერთგული საკრედიტო ბარათით თიბისის 50-მდე პარტნიორ ობიექტში და დაიბრუნეთ 40% ქეშბექი, მაქსიმუმ 150 ლარი, მომენტალურად. ასევე, გაითვალისწინეთ, რომ ერთგული საკრედიტო ბარათის აღება და ლიმიტის დამტკიცება, უკვე რამდენიმე წუთში, მობაილბანკიდანაც შეგიძლიათ.
პარტნიორი ობიექტები, სადაც თიბისის Back to school შეთავაზებით ისარგებლებთ:
ქეშბექ შეთავაზებებით სარგებლობის გარდა, ერთგული საკრედიტო ბარათით საქართველოში ნებისმიერი ბანკის პოს-ტერმინალზე აგროვებთ მეტ ერთგულ ქულას და საშეღავათო პერიოდი გაქვთ 55 დღე. თუმცა, ამ კონკრეტული- Back to school შეთავაზებით სარგებლობისთვის, გადახდა აუცილებლად თიბისის პოს-ტერმინალზე უნდა განხორციელდეს.
მობაილბანკიდან ბარათის აღება 30 სექტემბრის ჩათვლით სრულიად უფასოა და პირველი წლის განმავლობაში არ იხდით მომსახურების საკომისიოს (წლიური მომსახურების საკომისიო განსხვავებულია ბარათის ტიპის მიხედვით), ხოლო თუ თქვენ მიერ დახარჯულ თანხას 55 დღემდე საშეღავათო პერიოდის განმავლობაში დააბრუნებთ, არც ზედმეტი გადასახადი დაგეკისრებათ.
აიღე, ერთგული საკრედიტო ბარათი მობაილბანკიდან და თიბისისთან ერთად, მოემზადე ახალი სასწავლო წლისთვის.
შეთავაზების დეტალები და დამატებითი პირობები იხილეთ ბმულზე.
სინდისის პატიმარი, რეზო კიკნაძე მორიგ წერილს აქვეყნებს საპატიმროდან და 4 სექტემბერს გამართულ საქართველოს საფეხბურთო ნაკრების თამაშსა და „ლელოს“ ლიდერების ყაველაშვილის მიერ შეწყალებას ეხმიანება.
„არაირონიულად, გუშინ საკალათბურთო და საფეხბურთო ნაკრებებზე ბევრად უფრო მეტი ვინერვიულე, ვიდრე გუშინწინ, როცა მომისაჯეს.
ქომაგებს ისევ საერთოდ არ ჰქონიათ რუსული რეჟიმის საწინააღმდეგო შეძახილები, ჰო? ისევ კობახიძის ეშინიათ და გამიჯნეს? კაკაბაძეს და ლოჩოშვილს რატო არ უსტვინეს? რატომ უნდა ესტვინათ? — ქოცების საარჩევნო კლიპში რომ მიიღეს მონაწილეობა, აი, მაგიტომ.
ამ კაშიამ, რაც ბიძინას მადლობები უხადა ჩარიცხული ფულის გამო, იმის მერე სულ დაივიწყა თამაში? ოლე ოლა!
P.S. — „ლელოს“ ახლა ერთადერთი შანსი აქვს: ჩასვრილის მოწმენდის უარი თქვან ამ „არჩევნებად“ წოდებულ სპეცოპერაციაზე და მართლა ლელო დაუდონ ქოცებს. მაგრამ არ იზამენ. ისე, ვეფხია კასრაძე და ვასილ კაძელაშვილი რატო არ შეიწყალეს? ესენიც „ლელოში“ არიან და კბილებით იცავენ არჩევნებზე გასვლის პოზიციას“ – წერს რეზო კიკნაძე.
რეზო კიკნაძე 2024 წლის 6 დეკემბერს დააკავეს ჯგუფურ ძალადობაში მონაწილეობის ბრალდებით, თუმცა, კიკნაძე დაკავებამდე არავის იცნობდა, ვისთან ერთადაც დანაშაულის ჯგუფურად ჩადენას ედავებოდნენ. დაკავების შემდეგ მას აიძულებდნენ მიეცა ცრუ ჩვენება.
მიუხედავად იმისა, რომ რეზო კიკნაძის საქმეში არ არსებობდა უტყუარი მტკიცებულებები და არც დაზარალებული პირი, „ოცნების“ სასამართლომ რეზო კიკნაძეს 2 წელი პატიმრობა მიუსაჯა.
გარემოს ეროვნული სააგენტოს აჭარის რეგიონული ჰიდრომეტეოროლოგიური ობსერვატორიის ინფორმაციით, 4 სექტემბრის 21 საათიდან 6 სექტემბრის 21 საათამდე აჭარაში მოსალოდნელია ცვალებადი მოღრუბლულობა, ძირითადად უნალექოდ.
იქროლებს დასავლეთის მიმართულების ქარი 10-15 მეტრი წამში.
ჰაერის ტემპერატურა სანაპირო ზოლსა და მთიან რაიონებში:
დღისით: 25– 30 გრადუსი სითბო
ღამით: 17 – 22 გრადუსი სითბო
მაღალმთიან ზონაში:
დღისით: 20 – 25 გრადუსი სითბო
ღამით: 9 – 14 გრადუსი სითბო
ზღვის ღელვა 2-3 ბალი იქნება, ზღვის წყლის ტემპერატურა +27 გრადუსია.
სინოპტიკოსების ცნობით, აჭარაში 7-8 სექტემბერს წვიმიანი ამინდია მოსალოდნელი.
უკრაინის შეიარაღებული ძალების გენერალური შტაბის დღევანდელი მონაცემებით, ომის დაწყებიდან 2025 წლის 5 სექტემბრამდე პერიოდში, რუსეთის არმიის საბრძოლო დანაკარგი არის:
ცოცხალი ძალა – დაახლოებით 1 086 220 ადამიანი [გასულ დღე-ღამეში +810]
ტანკი – 11 159 ერთეული [+2]
ჯავშანტექნიკა – 23 243 ერთეული [+2]
საარტილერიო სისტემა – 32 435 ერთეული [+50]
MLRS – 1 480 ერთეული [+1]
საზენიტო საბრძოლო სისტემა – 1 216 ერთეული [+1]
თვითმფრინავი – 422 ერთეული [+0]
ვერტმფრენი – 341 ერთეული [+0]
უპილოტო საფრენი აპარატის ოპერატიულ-ტაქტიკური დონე – 56 267 ერთეული [+222]
ფრთოსანი რაკეტა [ჩამოაგდეს] – 3 686 ერთეული [+0]
გემი/ნავი – 28 ერთეული [+0]
წყალქვეშა ნავი – 1 ერთეული [+0]
მანქანები და საწვავის ავზები – 60 831 ერთეული [+139]
სპეცტექნიკა – 3 956 ერთეული [+0]
უკრაინის გენერალური შტაბის განცხადებით, საომარი მოქმედებების მაღალი ინტენსივობის გამო მონაცემები იცვლება.
უკრაინის სამხედრო დანაკარგებზე ინფორმაცია განაახლა რუსეთმაც.
რუსეთის თავდაცვის სამინისტროს მიერ გავრცელებული მონაცემებით, ომის დაწყებიდან 2025 წლის 5 სექტემბრამდე პერიოდში სულ განადგურებულია უკრაინის:
666 თვითმფრინავი
283 ვერტმფრენი
81 880 უპილოტო საფრენი აპარატი
627 საზენიტო სარაკეტო სისტემა
24 956 ტანკი და სხვა ჯავშანტექნიკა
1 589 მრავალჯერადი სარაკეტო გამშვები
29 259 საველე არტილერია და ნაღმმტყორცნი
41 094 სპეციალური სამხედრო მანქანა
რუსეთის თავდაცვა, ამ მონაცემებთან ერთად, უკრაინის არმიის ცოცხალი ძალის დანაკარგების შესახებ სტატისტიკას არ აქვეყნებს.
ეს ის მონაცემებია, რომელსაც უკრაინა და რუსეთი ოფიციალურად ავრცელებენ, თუმცა ომის პირობებში შეუძლებელია ზუსტად გადამოწმება, რამდენად შეესაბამება მხარეების მიერ გავრცელებული ინფორმაცია დანაკარგების შესახებ რეალურ რიცხვებს.
—
რუსეთი უკრაინაში 2022 წლის 24 თებერვალს გამთენიისას შეიჭრა და სრულმასშტაბიანი ომი დაიწყო.
„ბოლო ეტაპზე როცა ხდება კვალიფიკაციის შეცვლა, ფაქტობრივად, გამოდის, რომ დაცვის მხარეს ისე გამოუტანეს გამამტყუნებელი განაჩენი, რომ მას არც ჰქონია შესაძლებლობა, მტკიცებულებები შესაბამისი დოზით წარედგინა – სასამართლოს წინაშე გაეჟღერებინა თავისი კონტრარგუმენტაცია.
ამიტომაც, კვალიფიკაციის ამ ტენდენციით ცვლილება არის სამართლებრივი პრობლემა,“ – მიიჩნევს იურისტი გურამ იმნაძე. მას კვალიფიკაციის შეცვლის ტენდენციაზე ვესაუბრეთ სინდისის პატიმრების საქმეში.
რა პოლიტიკური გათვლებით მოქმედებს ამ დროს „ოცნება“? – „ბათუმელებმა“ იურისტ გურამ იმნაძესთან ინტერვიუ ჩაწერა.
ბატონო გურამ, სასამართლომ ერთგვარ ტენდენციად აქცია სინდისის პატიმრების მიმართ კვალიფიკაციის შეცვლა – შედეგად შედარებით ნაკლები ვადით ტოვებენ ციხეში სინდისის პატიმრებს. ეს რა მიდგომაა, რას აჩვენებს თქვენთვის?
ნამდვილად ტენდენციური ხასიათი მიიღო უკვე ამან, როდესაც სასამართლო კვალიფიკაციას ცვლის. ესაა ილუზიის გაჩენა, რომ თითქოს სასამართლო დამოუკიდებლად მოქმედებს, რომ ბოლომდე პროკურატურის კარნახით არ მიმდინარეობს ეს საქმეები.
მეორე მიზანი არის ისევ ილუზიის გაჩენა, რომ უფრო სამართლიანი სასჯელები შეეფარდათ მსჯავრდებულებს, ვიდრე იმ მუხლით, რაც მათ ჰქონდათ ბრალად წარდგენილი, ანუ შედარებით ნაკლები სიმკაცრის სასჯელი შეუფარდეს. ესეც ერთგვარად საზოგადოებრივი მუხტის ბალანსზე არის ორიენტირებული.
რაც შეეხება ნარკოტიკულ დანაშაულში მსჯავრდებული პირების გამართლებას – აქაც ილუზიაა: თითქოს, აი, თუკი მართლა უდანაშაულოა ადამიანი, სასამართლოს გამოაქვს გამამართლებელი განაჩენი და ვის მიმართაც ადგენს გამამტყუნებელ განაჩენს, შესაბამისად, მათ მიმართაც იყო სამართლიანი.
ფიქრობთ, რომ „ოცნების“ ეს მიდგომა გათვლილია წინააღმდეგობაზეც, რომ საპროტესტო აქციას უსამართლობით გამწარებული სხვა ადამიანებიც არ შეუერთდნენ?
რა თქმა უნდა, ერთ-ერთი მიზანი ესეც არის. როცა აშკარად უსამართლოა სასჯელი და ჩადენილი ქმედება აბსოლუტურად შეუსაბამოა სასჯელთან, ეს ნებისმიერი ადამიანისთვის, პოლიტიკური გემოვნების მიუხედავად, არის გაუგებარი. საზოგადოებრივიხუ გამოკითხვები აჩვენებს, რომ საზოგადოების უმრავლესობა – მათ შორის, „ქართული ოცნების“ მხარდამჭერებიც – მხარს უჭერს პოლიტპატიმრების გათავისუფლებას.
როდესაც ასეთი განწყობაა საზოგადოებაში, ამ დროს მკაცრი სასჯელების გამოყენებას კიდევ უფრო დიდი პოლიტიკური ფასი აქვს.
გუშინ, 3 სექტემბერსაც სინდისის 11 პატიმრის საქმეს ერთიანად შეუცვალა მოსამართლემ კვალიფიკაცია და მიიჩნია, რომ საქმე გვაქვს არა ჯგუფური ძალადობის ორგანიზებასთან, რაც პროკურატურის ვერსია იყო, არამედ ჯგუფური მოქმედების ორგანიზებასთან. სინდისის ერთ-ერთი პატიმრის, ზვიად ცეცხლაძის მამა ამბობდა, ამ მუხლზე მხოლოდ იმიტომ გადააკვალიფიცირეს საქმე, რომ ნაკლები სიმძიმის სასჯელი გამოეყენებინათო. სამართლებრივად რამდენად სწორია მსგავს მოცემულობაში კვალიფიკაციის შეცვლა?
ნამდვილად ალოგიკურია სამართლებრივად ეს განაჩენი იმიტომ, რომ ორგანიზებულობის და ჯგუფურობის ნაწილი ამ საქმეში არცერთ შემთხვევაში არ იკვეთება და ამის მტკიცებულებები არ ჰქონია პროკურატურას. რასაც ვადევნებდით თვალს სასამართლო განხილვებს, ეს ჩანდა.
ჯგუფურობას და ორგანიზებულობას აქვს თავისი სამართლებრივი მნიშვნელობა და კრიტერიუმები, ნიშნები, რომლითაც იგი იკვეთება. ადამიანებისთვის უნდა იყოს აღქმადი, რომ ისინი მოქმედებდნენ ჯგუფურად და ეს იყო ორგანიზებული – მოქმედებდნენ გამიზნულად და წინასწარი განზრახვით. რამდენად არსებობდა სახეზე ეს ნიშნები?
გურამ იმნაძე
ამიტომაც, მსგავს მოცემულობაში კვალიფიკაციის შეცვლა აჩენს სამართლებრივ პრობლემასაც: პროკურატურის მხრიდან წარმოდგენილი მუხლი სხვა ნიშნებს ითვალისწინებს, განსხვავებული ნიშნები აქვს და შესაბამისად, დაცვის სტრატეგია შესაბამისია ბრალდებასთან, ადვოკატები ამ დროს ცდილობენ მოიპოვონ საწინააღმდეგო არგუმენტები, რაც გააბათილებს ბრალდების მხარის მტკიცებას.
ბოლო ეტაპზე როცა ხდება კვალიფიკაციის შეცვლა, ფაქტობრივად, გამოდის, რომ დაცვის მხარეს ისე გამოუტანეს გამამტყუნებელი განაჩენი, რომ მას არც ჰქონია შესაძლებლობა, მტკიცებულებები შესაბამისი დოზით წარედგინა – სასამართლოს წინაშე გაეჟღერებინა თავისი კონტრარგუმენტაცია.
ამიტომაც, კვალიფიკაციის ამ ტენდენციით ცვლილება არის სამართლებრივი პრობლემა.
რა შემთხვევაშია სამართლებრივად გამართლებული კვალიფიკაციის შეცვლა?
ზოგადად, მოსამართლეს აქვს ამის უფლება, თუმცა სასამართლო მთლიანობაში უნდა უზრუნველყოფდეს იმას, რომ დაცვის მხარეს შეეძლოს, მათ შორის, ამ ნაწილზე, ახალ ბრალდებაზე, მიიღოს გადაწყვეტილება.
აქ ჩვენი კანონმდებლობის პრობლემაც იკვეთება. როგორც წესი, აქამდე ასეთი ხშირი არ იყო ხოლმე კვალიფიკაციის შეცვლა მოსამართლეების მხრიდან და როცა პოლიტიკური დაინტერესება არ იყო საქმეში, იქ შეიძლება ასეთი მოულოდნელი არც ყოფილიყო კვალიფიკაციის შეცვლა. მოსამართლეს მართლაც გარკვეულწილად სამართლებრივად ლოგიკური და სამართლებრივი არგუმენტებით შეიძლება გამოეყენებინა ასეთი უფლებამოსილება.
მაგრამ როდესაც აბსოლუტურად მოულოდნელად ხდება კვალიფიკაციის ცვლილება, თანაც ისეთ მუხლზე, რომელიც კიდევ უფრო ალოგიკურია ამ ქმედებასთან შედარებით, აქ ნამდვილად შეიძლება ვისაუბროთ დაცვის ეფექტური უფლების რეალიზების ხელშეშლაზე. ამ მუხლებზე – რომლითაც გაასამართლეს სინდისის პატიმრები – საერთოდ არანაირი მსჯელობა არ ყოფილა საქმის წარმოების პროცესში. შესაბამისად, დაცვის მხარეს არანაირი პოტენციალი არ ჰქონია, რომ ამ კუთხით წარედგინა საკუთარი არგუმენტაცია.
საყურადღებოა ისიც, რომ ამ მოსამართლეს შეეძლო კვალიფიკაციის შეცვლის შემდეგ არასაპატიმრო სასჯელის გამოყენება, მაგრამ გამოიყენა თავისუფლების აღკვეთა.
რა სახის ბალანსის დაცვას ცდილობს „ოცნება“ ამ გზით?
იმის, რომ ერთის მხრივ, დასჯის ინტერესი არსებობს და ეს დასჯა უნდა იყოს აღქმადი საზოგადოებისთვის. ამიტომაც, აუცილებელი იყო გარკვეული დოზით, გარკვეული ვადით საპატიმრო სასჯელის გამოყენება, მაგრამ მეორეს მხრივ, ის არ უნდა იყოს იმდენად მკაცრი, რომ ნეიტრალურ ადამიანებში ან თუნდაც „ქართული ოცნების“ პარტიის მხარდამჭერებში გააჩინოს უსამართლობის განცდა.
მზია ამაღლობელის შემთხვევაში გვითხარით, რომ შეუძლებელია, მოსამართლემ დაასაბუთოს განაჩენი, როცა სილის გაწვნა თავდასხმად არა, მაგრამ წინააღმდეგობად შეაფასა. სინდისის პატიმრების ახალი საქმეების დასაბუთებაც შეუძლებელია ობიექტურად?
მე მედიის საშუალებით ვიცნობ ამ საქმეებს და ჩემი ვარაუდით, ამ გადაწყვეტილებების დასაბუთება წარმოდგენილი მტკიცებულებების მიხედვით მართლა პრობლემაა.
ჩვენ არ უნდა დაგვავიწყდეს ისიც, რომ ოთხი წელი იქნება თუ ორი წელი, თუ განაჩენი უკანონო და უსამართლოა, უკანონოდ ციხეში გატარებული ორი დღეც კი არის ძალიან დიდი ზიანის მომტანი ადამიანისთვის. ასე რომ, ეს სასჯელები არ არის ხელწამოსაკრავი. ორი წელი საკმაოდ გრძელი პერიოდია საპატიმრო სასჯელის მოსახდელად.
ფეისბუქზეც კითხულობდნენ მოქალაქეები ნიკა კაციას გამართლების შემდეგ – ვინ აგებს პასუხს, როცა დადასტურდა, რომ მას უსამართლოდ ედავებოდნენ?
ნამდვილად მესმის მოქალაქეების, რომლებიც ამ კითხვას სვამენ. ამავდროულად, ბუნებრივია ის სიხარულიც, რაც ნიკა კაციას, ან გიორგი ახობაძის მიმართ გამამართლებელი განაჩენების გამოტანას მოჰყვა, მაგრამ ამ სიხარულმა ასევე არ უნდა დაგვავიწყოს ის, რომ ეს ადამიანები ფაქტობრივად უკანონოდ ისხდნენ თითქმის ცხრა თვის განმავლობაში საპატიმრო დაწესებულებებში.
წინასწარი პატიმრობის გამოყენება ავტომატურად უკანონო არ არის, თუკი საქმეზე გამამართლებელი განაჩენი დადგება. ადამიანის მიმართ შეიძლება საკმარისი ეჭვი არსებობდეს, რომ პატიმრობაში იყოს, მაგრამ შემდეგ მის მიმართ წარდგენილი ბრალდება აღმოჩნდეს, რომ არ გამოდგა დასაბუთებული.
ამის მიუხედავად, რა თქმა უნდა, ამ ადამიანებს აქვთ უფლება, რომ იდავონ. ჩემზე რომ იყოს დამოკიდებული, ამ პატიმრობას გავასაჩივრებდი. აქ უნდა გამოჩნდეს აშკარად, რომ წინასწარი პატიმრობა იყო აშკარად უკანონო.
სინდისის პატიმრების საქმეების განხილვამ რა აჩვენა, რა როლს ასრულებს სასამართლო ხელისუფლება „ოცნების“ რეჟიმის ამოცანების შესრულების პროცესში?
მადლობა ამ კითხვისთვის, რადგან დღეს, ჩემი აზრით, ყველაზე მკაფიოდ გამოჩნდა სასამართლო ხელისუფლების პრობლემა.
წლებია საუბრობენ პროფესიული ჯგუფები, სამოქალაქო ორგანიზაციები, რომ სასამართლო არის გაკონტროლებული, რომ სასამართლოში ცუდი პროცესები მიმდინარეობს, მაგრამ მაშინ ასეთი ხილული არ იყო შედეგები, რაც სასამართლოს დამორჩილებას მოჰყვება ხოლმე.
ეს პროცესები დიდი ხნის წინ დაიწყო, უბრალოდ, ჩვენ ამის შედეგს ახლა ვხედავთ: მორჩილი, ჩაკეტილი, არაანგარიშვალდებული მართლმსაჯულების სისტემა, რომელიც გადაწყვეტილებებს იღებს მხოლოდ და მხოლოდ პოლიტიკური მიზანშეწონილების და შიდა კლანური დაჯგუფებიდან გამომდინარე.
ერთადერთი პოზიტიური შედეგი ამ პროცესში არის ის, რომ ჩვენმა თანამოქალაქეებმა გაიაზრეს, თუ რა მნიშვნელობა აქვს დამოუკიდებელი სასამართლოს სისტემის არსებობას ქვეყანაში, რომ ნებისმიერ მოქალაქეს შეიძლება შეეხოს ეს უსამართლობა. დღეს განსასჯელის სკამზე შეიძლება ისხდნენ ის ადამიანები, რომლებიც სინამდვილეში ბევრად უფრო დისტანცირებული იყვნენ პოლიტიკური პროცესებისგან, ვიდრე ის ხალხი, ვინც სასამართლოს რეფორმირების პროცესში სასამართლოს დამოუკიდებლობაზე საუბრობდა.
_____________
ფოტოზე: სინდისის პატიმრების სასამართლო პროცესი. ფოტო: „პუბლიკა“
სინდისის პატიმარი – თორნიკე თოშხუა უკვე 20 დღეა შიმშილობს. თორნიკე თოშხუა საჯარო მოხელეა და შემოსავლების სამსახურში მუშაობს აუდიტორად. მას პროკურატურა ძალადობის ჩადენას [სსკ-ის 126-ე მუხლი] ედავება ჯგუფურად, რასაც არ მოჰყოლია ჯანმრთელობის დაზიანება.
ნატო ბოლქვაძე და თორნიკე თოშხუა შემოსავლების სამსახურში მუშაობდნენ, როცა არალეგიტიმურმა ხელისუფლებამ ევროინტეგრაციის პროცესი შეაჩერა. ამ დროს საჯარო მოხელეებიც პროევროპულ აქციებს შეუერთდნენ. თორნიკე თოშხუა 2025 წლის 16 აგვისტოს დააპატიმრეს, ნატო ბოლქვაძე კი, მანამდე გაუშვეს სამსახურიდან…
„2024 წლის ნოემბრიდან დღემდე, მდუმარებაში მყოფნო სახელმწიფოს მსახურო [თუ პარტიის ?!] საჯარო მოხელეებო! ამავე სახელმწიფოს სასარგებლო პოზიციის არც ერთხელ გამომხატავნო! რომელიმე თქვენგანზე ნაკლები საჯარო მოხელეა თორნიკე? – არცერთის, მაგრამ დღეს ციხეშია. იცით რატომაა? წარბშეუხრელად იცავდა სახელმწიფოს ინტერესს და გააკეთა ის, რაც ევალება საჯარო მოხელეს, გამიჯნა სახელმწიფოს ინტერესი პარტიის ინტერესებისგან,“ – წერდა ფეისბუქში ნატო ბოლქვაძე.
როგორ ცდილობს „ოცნების“ რეჟიმი ჩაახშოს საჯარო მოხელეების პროტესტი? – „ბათუმელებმა“ ყოფილ საჯარო მოხელესთან ნატო ბოლქვაძესთან ინტერვიუ ჩაწერა:
ქალბატონო ნატო, რის მანიშნებელია თქვენთვის თორნიკე თოშხუას საქმე? ის პირველი საჯარო მოხელეა, რომელიც პროევროპული აქციის აქტიური მონაწილე იყო და „ოცნების“ რეჟიმმა სინდისის პატიმრად აქცია.
თორნიკეს სიცოცხლეს და ჯანმრთელობას ახლა ემუქრება საფრთხე. დღეს უკვე მე-20 დღეა იგი შიმშილობს. ჩვენ არ ვართ მოცემულობაში, როდესაც შიმშილობის აქტი მუშაობს ისე, როგორც დასავლეთის ქვეყნებში. აქ მმართველი ძალისთვის სულერთია ადამიანის სიცოცხლე. ჩვენ ვნახეთ რამდენი ხანი შიმშილობდა მზია ამაღლობელი, ან თემურ ქათამაძე, მაგრამ ამას რეაგირება არ მოჰყოლია.
ამ გამოცდილებიდან გამომდინარე, ვფიქრობთ, რომ გაცილებით მნიშვნელოვანია თორნიკე გვყავდეს ჯანმრთელი და გავაგრძელოთ ბრძოლა ერთად. თორნიკეს ჯანმრთელობა გვჭირდება იმისთვის, რომ არ შევწყვიტოთ ეს ბრძოლა. თორნიკესთან ერთად ვიქნებით უფრო ძლიერები ამ ბრძოლაში. ამიტომ გვჭირდება ის, რომ თორნიკე იყოს ცოცხალი, მის ჯანმრთელობას არ შეექმნას საფრთხე. შემდგომ შეიძლება მრავალი წელი დასჭირდეს ამ ჯანმრთელობის პრობლემების გამოსწორებას. ამიტომ ვთხოვთ თორნიკეს, დარჩეს ჩვენთან ბრძოლაში, იმისთვის, რომ შევძლოთ ბრძოლის გაგრძელება.
ნატო ბოლქვაძე
თორნიკე 28 ნოემბრიდანვე ძალიან აქტიურად იყო ჩართული ამ პროტესტში. დასაწყისშივე ვხვდებოდით და ვიკრიბებოდით ერთად შემოსავლების თანამშრომლები, ბევრნი ვიყავით და აქტიურად ხდებოდა აზრთა გაზიარება, მსჯელობა. დისკუსიები გვქონდა, როგორ შეიძლება ეს პროცესი წარიმართოს სწორად, როგორ უნდა ვუშველოთ ამ ამბავს, რამდენად მნიშვნელოვანია საჯარო მოხელეები ამ ყველაფერში აქტიურად ვიყოთ ჩართული და გამოვხატავდეთ აზრს და ასე შემდეგ.
უკვე 280 დღეა, რაც პროევროპული აქცია იმართება – ჩვენ, მე და თორნიკე, ყოველ საღამოს ერთმანეთის გვერდიგვერდ ვიდექით. თავის დროზე პეტიციაც ერთად მოვამზადეთ, მაშინ საჯარო მოხელე ვიყავი, შემდეგ გამათავისუფლეს… შეტანილი მაქვს სარჩელი შემოსავლების სამსახურის წინააღმდეგ.
როცა საჯარო მოხელეც დააპატიმრეს, ეს აჩვენებს იმას, რამდენად საყოველთაოა ეს წინააღმდეგობა, რამდენად ერთიანია საზოგადოება იმაში, რომ საქართველო უნდა იყოს ევროპული და განსაკუთრებით მას შემდეგ, რაც გააკეთეს 2024 წლის 28 ნოემბერს. ეს აჩვენებს იმას, რომ ევროპული განვითარების იდეამ როგორ გაგვაერთიანა სხვადასხვა სოციალური ჯგუფი, ჩვენ გაგვაერთიანა ერთმა მიზანმა, სხვადასხვანაირები ვართ: ვიღაც მსახიობია, ვიღაც – ხელოსანი, ექიმი. ამიტომაც, ხელისუფლებისთვის ეს უნდა იყოს სიგნალი, რომ რაღაცას არასწორად აკეთებს.
ამ პროცესმა დაგვანახა ყველას, რომ საქართველოში ამაზე უფრო მნიშვნელოვანი საკითხი, ვიდრე არის ამ ქვეყნის ევროპულ ოჯახში ინტეგრაცია, არ არსებობს.
დღესაც გამოდიან საპროტესტო აქციაზე მოქმედი საჯარო მოხელეები?
დიახ, შემოსავლების სამსახურის მოქმედი თანამშრომლებიც არიან დღემდე აქციაზე, თუმცა დიდი ნაწილი, ვინც აქტიურები ვიყავით, ამ მომენტისთვის ვართ გათავისუფლებულები: ზოგი გაგვათავისუფლეს, სხვებს აიძულეს, დაეწერათ განცხადებები და წასულიყვნენ.
ამიტომაც, მცირე ნაწილია დარჩენილი, ვინც აქციაზე დადის, მათ შორის, იყო თორნიკე. ოფიციალური ინფორმაცია მისი გათავისუფლების შესახებ ჯერ არ მოსულა შემოსავლების სამსახურიდან.
რას ეტყოდით დღეს საჯარო მოხელეებს, რომლებიც ხედავენ ხელისუფლების მიტაცებას, ევროპისკენ მიმავალი გზის ჩაკეტვასაც, მაგრამ ამ დრომდე დუმილს ამჯობინებენ?
მე 14 წელი ვიყავი საჯარო მოხელე. თორნიკეც მრავალი წელია საჯარო მოხელეა, იგი ბოლო 8 წელია აუდიტის დეპარტამენტში მუშაობს.
საჯარო მოხელეებს ვეტყოდი მთავარ რამეს, რომ არაფერია ჩვენთვის, განსაკუთრებით საჯარო მოხელეებისთვის, ამ ქვეყანაზე უფრო მნიშვნელოვანი. ჩვენ როდესაც ვხდებით საჯარო მოხელეები, ეს არ არის უბრალოდ სამსახური, ხელფასისთვის სადღაც მუშაობის დაწყება – საჯარო მოხელეობა არის მსახურება საკუთარი ქვეყნის წინაშე.
საჯარო მოხელეობა არის პრივილეგია, რომელიც გერგო და ამ პრივილეგიას თან ახლავს უდიდესი პასუხისმგებლობა, რომელიც გულისხმობს ზუსტად ამას: შევძლოთ დავიცვათ სახელმწიფო და ვემსახუროთ სახელმწიფოს მაშინაც კი, როდესაც პირად კეთილდღეობას ემუქრება დიდი საფრთხე. ეს არის საჯარო მოხელეობა და ამიტომაც, უნდა ვიყოთ გამბედავები. ეს არის ნომერ პირველი და აუცილებელი მოთხოვნა საჯარო მოხელისადმი – იაზრებდე, რას აკეთებ, რა სტატუსი მოგვენიჭა, მათ შორის ქართველი ხალხისგან.
როცა არალეგიტიმური ხელისუფლება არღვევს კონსტიტუციას, საჯარო მოხელეებისგან გვესმის, რომ ისინი აპოლიტიკურები არიან.
ეს სიტყვა „აპოლიტიკური“ არასწორად ინტერპრეტირებულია და გეტყვით რატომ: არსებობს საჯარო მოხელის ეთიკისა და ქცევის კოდექსი, სადაც ძალიან მკაფიოდ ხაზგასმულია, რას ნიშნავს პოლიტიკური ნეიტრალიტეტი. პოლიტიკური ნეიტრალიტეტი ნიშნავს ზუსტად იმას, რომ საჯარო მოხელე, თავისი საქმიანობის განხორციელებისას, დაუშვებელია მოემსახუროს პარტიის ინტერესებს, იგი უნდა დარჩეს ნეიტრალური ნებისმიერი პარტიისგან, პირველ რიგში, ეს არის მმართველი პარტია და უნდა შეძლოს პარტიისა და სახელმწიფოს ინტერესების გამიჯვნა. თუ იგი ამას ვერ ახერხებს, იგი არ არის კეთილსინდისიერი საჯარო მოხელე.
სამწუხაროდ, რეალობაში საჯარო მოხელეებს სხვანაირად სთხოვენ და საჯარო სამსახურს იყენებენ საკუთარი პოლიტიკური მიზნებისთვის. რა თქმა უნდა, პირველ რიგში, მმართველი ძალა აკეთებს ამას. მას აქვს შესაბამისი გავლენა, რომ საჯარო მოხელე დააშინოს და ასე შემდეგ. საჯარო მოხელეებს აშინებენ და ეუბნებიან, რომ უნდა იყვნენ ჩუმად, ეუბნებიან, რომ პოლიტიკა არ არის მათი საქმე, რაც წარმოუდგენელია, მით უმეტეს, როცა ჩვენ გვინდა ევროპული საზოგადოების აშენება.
მაგრამ სისტემა სჯის, მათ შორის, საჯარო მოხელეებს, ვინც ხმას იღებს. ამის მაგალითი ხართ თქვენ. რა გამოსავალს სთავაზობთ საჯარო მოხელეებს?
საჯარო მოხელეებს ბევრჯერ გვისაუბრია მსგავს საკითხებზე. ჩემი აზრით, საკითხი დგას ამგვარად: თუ ჩვენ მივცემთ ჩვენს ზემდგომ პირებს იმის უფლებას, რომ უკანონოდ მოგვექცნენ და შეგვეშინდეს, ისინი აუცილებლად დაგვჩაგრავენ.
მაგრამ რაც მეტი საჯარო მოხელე გაბედავს ხმამაღლა საკუთარი პოზიციის დაფიქსირებას, მით მეტად შეეშინდებათ ზემდგომებს – ხმამაღლა დაფიქსირებულ პოზიციასთან დაპირისპირების. მათ ეცოდინებათ, რომ ამ ადამიანების გვერდით კიდევ დგას ბევრი საჯარო მოხელე. სინამდვილეში ჩვენ ვაწესებთ ამ სტანდარტს, საჯარო მოხელეები. ჩვენ უნდა ვაჩვენოთ ზემდგომებს, რომ ჩვენ ვართ საჯარო მოხელეები, ვემსახურებით სახელმწიფოს და არ შეიძლება საჯარო მოხელეებთან მსგავსი ქცევა. მათ არ უნდა მივცეთ საშუალება, საჯარო მოხელის ინსტიტუტი გამოიყენონ პირადი და პარტიული ინტერესების სამსახურისთვის. ჩვენ უნდა გავაკეთოთ ეს.
თორნიკე თოშხუაც ამიტომ აღმოჩნდა გისოსებს მიღმა, რომ ის საჯარო მოხელეა და პროევროპული აქციებზე დადიოდა?
მე იქ ვიყავი ამ შემთხვევის დროს. ადამიანი [ბექა გოცირიძე, რომელსაც ამ საქმეში დაზარალებულის სტატუსი აქვს] მოვიდა აქციაზე და თვითონ მოაწყო ყველაფერი. ჩვენ, ყველანი, აქციაზე ვიდექით მშვიდობიანად. სუს-ის მიერ გავრცელებულ კადრებშიც კარგად ჩანს, როგორ წყნარად ვდგავართ და ვესაუბრებით ერთმანეთს, მათ შორის, თორნიკე და მინდიაც [მინდია შერვაშიძე თორნიკე თოშხუასთან ერთად დააკავეს] იქ დგანან და ერთმანეთში საუბრობენ.
მოდის ეს ადამიანი და გვაყენებს სიტყვიერ შეურაცხყოფას. კადრებშიც ჩანს: ავიხედავთ და ვუყურებთ მას… ტელეფონი ჰქონდა ჩართული და ხმამაღლა, ჩვენ რომ გაგვეგონა აი ის დაგვიძახა „ქათმები“ და კიდევ მსგავსი ფრაზები. მას არავინ არაფერს პასუხობს და წესით უნდა ჩაევლო, მაგრამ უცბად მოდის უკან, ჩვენკენ ტრიალდება და შედის დაპირისპირებაში მინდიასთან, მერე დაპირისპირებაში შედის უკვე თორნიკესთან, ანუ ადამიანი მოვიდა გეგმით, რომ შეურაცხყოფა მიეყენებინა, რაღაცნაირად გამოეწვია კონფლიქტი.
რაც მნიშვნელოვანია: ამ საქმეში არიან მოწმეები, რომლებიც ადასტურებენ, რომ დანა ჰქონდა მას და დაუვარდა ეს დანა. ამის ვიდეოკადრებიც არსებობს.
თორნიკე თოშხუას შიმშილობა კავშირშია სწორედ ამასთან, რომ არასამართლიანად წარიმართა მთელი პროცესი, როგორც დაკავება, ასევე საქმეში დღემდე არ არის დამაგრებული, მაგალითად, დანა. დანა გამქრალია საქმიდან. ადვოკატი ითხოვს, რომ ეს დანა დამაგრდეს ამ საქმეზე და ჩატარდეს შესაბამისი ექსპერტიზა, ვინ ფლობდა მას.
რა არის ცნობილი პროკურატურის მიერ დაზარალებულად მიჩნეული პირის შესახებ?
ბექა გოცირიძე არის „ქართულ ოცნებასთან“ აფილირებული პირი, პროპაგანდისტი, მას გარკვეულ წრეებში კარგად იცნობენ, როგორც ძალიან აგრესიულ, „ოცნების“ მხარდამჭერს. ჩვენ შევისწავლეთ არაერთი ვიდეოჩანაწერი, სადაც ის პირდაპირ მოუწოდებდა ადამიანებს, მოსულიყვნენ აქციაზე და დემონსტრანტები ეცემათ. ერთ-ერთი ჩანაწერში ამბობს: „უნდა დავერიოთ“.
ეს ადამიანი მუშაობს „თბილსერვისში“. სხვადასხვა არასამთავრობო ორგანიზაციის მონაცემებით, „თბილსერვის გრუპს“ ჰყავს ფორმალურად დასაქმებული ადამიანები და ამ გზით შესაძლოა ფინანსდებოდნენ ე.წ. ტიტუშკები.
ეს ადამიანიც იძახის, ტკივილი განვიცადეო, რაც ირაკლი დგებუაძის შემთხვევაში მოვისმინეთ. კადრებში ჩანს, რომ ის პოლიციელებს გაჰყავთ, გადაადგილდება ჩვეულებრივად და დაზიანებები არ აქვს.
როგორ ხედავთ საჯარო მოხელეების გააქტიურებას წინააღმდეგობის პროცესში?
ორგანიზება ძალიან რთულია და ეს დიდი პრობლემაა – ჩვენ ვერ ვართ ერთიანები, ვნახეთ, რა მოხდა გახარიას და „ლელოს“ შემთხვევაში.
ეს დაქსაქსულობა ძალიან ცუდად აისახება ყველა მიმართულებაზე. მსგავს მოცემულობაში კიდევ უფრო იზრდება დაუცველობის განცდა.
საჯარო მოხელეებს რასაც ვეტყოდი, არის ის, რომ უნდა დაიჯერონ: ისინი არიან ძალიან მნიშვნელოვნები. ისინი რომ მნიშვნელოვნები არ იყვნენ, მათ გაჩუმებაზე კი არ იზრუნებდა ასე ძალიან „ოცნება“?
კანონზომიერია, რომ ესენი შეიცვლებიან – ამას წინ არაფერი დაუდგება, უბრალოდ, რაც მალე ვიქნებით ერთიანები, მით მეტი იქნება ჩვენი ძალა და მით მალე შევძლებთ ამის გაკეთებას. თორემ „ქართული ოცნება“ რომ შეიცვლება, ამას წყალი არ გაუვა.
„ქართული ოცნების“ მხარდამჭერებიც კი უკმაყოფილო არიან. ტრამპისთვის გაგზავნილი ბოლო წერილიც ამას ადასტურებს, რომ „ოცნებას“ თითქოს აქვს მცდელობა, იზოლაციას დააღწიოს თავი.
აუცილებლად გაიმარჯვებს ევროპული გზა, უბრალოდ გვჭირდება სწრაფად გაერთიანება. არდანებება არის გამოსავალი.
Today, September 4, the lawyers of journalist and founding CEO of independent Georgian online media outlets Batumelebi.ge and Netgazeti.ge, Mzia Amaglobeli filed an appeal with the Criminal Cases Chamber of the Kutaisi Court of Appeals.
“The appealed verdict is unlawful, unfounded, and extremely formulaic. It in no way reflects the results of the examination of evidence during the hearings, nor does it address any of the defense’s arguments. It does not evaluate any of the defense’s evidence, nor respond to any of the points raised by the defense.
The judgment is so unsubstantiated, both factually and legally, that it creates the impression it was written either by someone who did not attend the hearings over the five months of proceedings, or who was present but simply did not listen. Accordingly, nothing raised, argued, or substantiated by the defense — including in its closing statement — was analyzed or assessed.
The appealed judgment completely disregards the defense, the right to defense, and the defendant’s participation in presenting evidence, examining evidence, challenging the prosecution’s evidence, as well as the principles of adversarial proceedings and equality of arms.
The judgment is proof that Mzia Amaglobeli was denied her constitutional right to a fair trial,” – reads the appeal signed by Amaglobeli’s lawyers: Maia Mtsariashvili, Senior Partner at BLB Law Firm, Jumber Katamadze, and Razhden Khimshiashvili.
According to the lawyers, Judge Nino Sakhelashvili also violated the statutory time limits for delivering the judgment to the parties.
“The case was neither complex, nor voluminous, nor did it involve multiple defendants. Nonetheless, the court failed to deliver the judgment within the 5-day statutory deadline, and further violated the extended 14-day deadline.
We were only handed the judgment on August 25, 2025, in breach of the law, which in turn shortened the legally guaranteed period for filing an appeal,” Amaglobeli’s lawyers stated.
On August 6, Batumi City Court Judge Nino Sakhelashvili sentenced Mzia Amaglobeli to two years in prison for slapping the head of Batumi police, Irakli Dgebuadze.
The judge reclassified the charge.
Specifically, the Prosecutor’s Office had charged Amaglobeli under Article 353¹ of the Criminal Code, which carries a penalty of 4 to 7 years’ imprisonment. Judge Sakhelashvili reclassified the charge to Article 353, Part 1 of the Criminal Code.
დღეს, 4 სექტემბერს, მზია ამაღლობელის სახელით მისმა ადვოკატებმა ქუთაისის სააპელაციო სასამართლოს სისხლის სამართლის საქმეთა პალატას სააპელაციო საჩივრით მიმართეს.
მზია ამაღლობელის ადვოკატები ასაჩივრებენ ბათუმის საქალაქო სასამართლოში 6 აგვისტოს გამოტანილ განაჩენს, რითაც მზია ამაღლობელს 2 წლით თავისუფლების აღკვეთა მიესაჯა.
„გასაჩივრებული განაჩენი არის უკანონო და დაუსაბუთებელი, უკიდურესად შაბლონური, რომელიც სრულებით არ ასახავს არც სასამართლო სხდომებზე მტკიცებულებათა გამოკვლევის შედეგებს, ასევე არ პასუხობს დაცვის მხარის არათუ რომელიმე არგუმენტს, არამედ არ პასუხობს დაცვის მხარის არც ერთ არგუმენტს და არ აფასებს დაცვის მხარის არც ერთ მტკიცებულებას.
განაჩენი იმდენად დაუსაბუთებელია, როგორც ფაქტობრივი, ისე სამართლებრივი თვალსაზრისით, რომ იქმნება აღქმა, ის დაწერილია იმ პირის მიერ, ვინც არ ესწრებოდა სასამართლო სხდომებს 5 თვის განმავლობაში, ან ესწრებოდა, მაგრამ არ მოუსმენია. შესაბამისად, არ გაუანალიზებია და არც შეუფასებია რამე, რასაც დაცვის მხარე უთითებდა, ასაბუთებდა, ედავებოდა ბრალდებას, მათი დასკვნითი სიტყვის ჩათვლით.
გასაჩივრებულ განაჩენში სრულიად იგნორირებულია დაცვის მხარე, დაცვის უფლება და მისი მონაწილეობა დაცვის მტკიცებულებათა წარმოდგენის, გამოკვლევის, ბრალდების მტკიცებულებათა შედავების, მხარეთა შეჯიბრებითობისა და მხარეთა თანასწორობის უზრუნველყოფის თვალსაზრისით.
გასაჩივრებული განაჩენი დასტურია იმის, რომ მზია ამაღლობელს არ უსარგებლია სამართლიანი სასამართლოს კონსტიტუციური უფლებით,“ – ნათქვამია სააპელაციო საჩივარში, რომელსაც ხელს მზია ამაღლობელის ადვოკატები, იურიდიული კომპანია BLB-ის უფროსი პარტნიორი მაია მწარიაშვილი, ჯუმბერ ქათამაძე და რაჟდენ ხიმშიაშვილი აწერენ.
„საქმე არ იყო არც რთული, არც მრავალტომიანი და არც მრავალბრალდებულიანი, სასამართლომ არ ჩაგვაბარა განაჩენი კანონით დადგენილ 5-დღიან ვადაში, თუმცა ასევე დაარღვია განაჩენის ჩაბარების 14-დღიანი ვადა.
განაჩენი ჩაგვბარდა კანონით დადგენილი ვადის დარღვევით 2025 წლის 25 აგვისტოს, რის გამოც შემცირდა ჩვენთვის კანონით გათვალისწინებული გასაჩივრების ვადა“, – აცხადებენ მზია ამაღლობელის ადვოკატები.
მზია ამაღლობელს 6 აგვისტოს ბათუმის საქალაქო სასამართლოს მოსამართლე ნინო სახელაშვილმა 2 წლით თავისუფლების აღკვეთა მიუსაჯა ბათუმის პოლიციის უფროსის, ირაკლი დგებუაძისთვის სილის გაწვნის გამო.
მოსამართლემ ბრალი გადააკვალიფიცირა.
კერძოდ, მზია ამაღლობელს პროკურატურა ედავებოდა სისხლის სამართლის კოდექსის 353-ე პრიმა მუხლით ჩადენილ დანაშაულს, რაც 4-დან 7 წლამდე პატიმრობას ითვალისწინებდა. მოსამართლე ნინო სახელაშვილმა ბრალი გადააკვალიფიცირა სსკ-ის 353-ე მუხლის პირველ ნაწილზე.
ბათუმში, ხულოს ქუჩაზე მდებარე ყოფილი აბანოს შენობის მორიგი „რეაბილიტაცია“ დასრულდა. ამ შენობაში, რომელიც კულტურული მემკვიდრეობის ძეგლია, ბათუმის კინო-მუზეუმი ოფიციალურად, შესაძლოა, 4 ოქტომბრამდე გახსნან [ანუ, „ოცნების“ მიერ დანიშნულ არჩევნებამდე], თუმცა, ინტერიერის მოწყობასა და მუზეუმის კონცეფციაზე მუშაობა, როგორც ჩანს, გაგრძელდება.
„აჭარის მუზეუმმა“ 3 სექტემბერს „ქ. ბათუმის კინო-მუზეუმის ინტერიერის დიზაინის და კონცეფციის შემუშავებაზე“ კონკურსი გამოაცხადა. შესყიდვის მაქსიმალური ღირებულება 211 ათას 864 ლარია, მიწოდების ვადა კი – არაუგვიანეს 2025 წლის 15 დეკემბერი.
„რეაბილიტაცია დასრულდა. ექსპონატებს რაც შეეხება, უკვე არის ჩვენს საკუთრებაში და ახლა გააჩნია დიზაინერი რას გვეტყვის – როგორი ავეჯით და როგორი ინსტალაციებით უნდა გაფორმდეს. ეს დიზაინი უკვე სრულყოფილ სახეს მისცემს ყველაფერს, რომ ვიზიტორებისთვის იყოს მიმზიდველი და გაკეთდეს ყველაფერი ულტრათანამედროვე დონეზე“ – გვითხრეს „აჭარის მუზეუმში“.
აღნიშნული კონკურსის დასრულების შემდეგ „აჭარის მუზეუმს“ კიდევ ერთი ტენდერის გამოცხადება მოუწევს – ამჯერად ინტერიერის მოწყობაზე.
რა დაჯდება მუზეუმის ინტერიერის მოწყობა „ულტრათანამედროვე დონეზე“ – ეს კონკურსში გამარჯვებული დიზაინერის მიერ მომზადებულ კონცეფციაზე იქნება დამოკიდებული.
ყოფილი აბანოს შენობა ბათუმში ხულოს ქუჩაზე რეაბილიტირებული [მარცხნივ/ფოტო კონკურსიდან] და რეაბილიტაციამდე [მარჯვნივ/ფოტო „ბათუმელების“ არქივიდან]„შენობის ექსტერიერის და ინტერიერის დიზაინის პროექტი ზუსტად უნდა პასუხობდეს კინოს მუზეუმის იდეას, მისიას, მიზნებს და ამოცანებს, კერძოდ, წარმოაჩინოს ბათუმის, როგორც კინემატოგრაფიული ქალაქის ისტორია, სოციოკულტურული რეალიები მსოფლიო კინოს კონტექსტში.
უნდა შექმნას ეროვნული კინოწარმოების განვითარების საერთო სურათი ზოგადად კინოს ისტორიის კონტექსტში“ – აღნიშნულია კონკურის ტექნიკურ დავალებაში. ამავე დავალებაში დეტალურადაა გაწერილი რა მოეთხოვება კონკურსში გამარჯვებულს.
კონკურსში წინადადებების მიღება 2025 წლის 17 სექტემბერს დაიწყება და 22 სექტემბერს დასრულდება.
კონკურსში მონაწილეობისთვის კი პრეტენდენტს აუცილებლად უნდა ჰქონდეს გამოცდილების დამადასტურებელი შემდეგი დოკუმენტები:
„კულტურული მემკვიდრეობის ძეგლის ინტერიერის დიზაინის ან/და მუზეუმის ინტერიერის საექსპოზიციო სივრცის დიზაინის ან/და საგამოფენო/საექსპოზიციო სივრცის დიზაინის შექმნის მომსახურების გამოცდილების ოპერირების არანაკლებ 3-წლიანი გამოცდილება ბაზარზე [2022 წლის 1 იანვრიდან წინამდებარე კონკურსის დასრულების დღემდე].
აღნიშნულის დასტურად უნდა წარმოადგინოს ინფორმაცია ორი განხორციელებული, შესრულებული პროექტის შესახებ, თითოეული არანაკლებ 50 000 ლარის ღირებულების.“
ძველ ბათუმში, ხულოს ქუჩის #10-ში ძველი აბანოს შენობის რეაბილიტაცია თავდაპირველად 2014 წელს დაიწყო და იქ ბათუმის მუზეუმი უნდა გახსნილიყო. სამუშაოებში ბიუჯეტიდან ნახევარ მილიონზე მეტი ლარი დაიხარჯა, თუმცა „ბათუმის მუზეუმი“ არ გახსნილა.
2020 წელს გადაწყდა, რომ ამ შენობაში სულიკო ჟღენტის ბათუმის კინოს მუზეუმი განთავსდებოდა. იმავე წელს გადაწყდა პროექტის შესყიდვაც, რაშიც ბიუჯეტიდან 39 999 ლარი გადაიხადეს.
ყოფილი აბანოს შენობის [ხელახალ] რეაბილიტაციაზე 2022 ტენდერი „აჭარის მუზეუმმა“ ოთხჯერ გამოაცხადა – 1 189 320 ლარით, თუმცა, არც ერთ ტენდერში მონაწილეობა არავინ მიიღო. შესაბამისად ეს ტენდერები არ შედგა.
2023 წელს კი, აჭარის მუზეუმმა ტენდერი გაზრდილი თანხით – 1 778 806 ლარით გამოაცხადა. ხელშეკრულება „ივერთმშენთან“ გააფორმეს.
სამუშაოების მიმდინარეობისას ყოფილი აბანოს შენობის ფასადის ფანჯრები ბეტონის ბლოკებით ამოაშენეს. სამუშაოები სრულად 2024 წლის დეკემბრამდე უნდა დასრულებულიყო, თუმცა, ხელშეკრულებაში რამდენჯერმე შევიდა ცვლილება.
აჭარის მუზეუმს რამდენიმე დღის უკან, 2025 წლის 29 აგვისტოს მისწერეს „ივერთმშენიდან“, რომ „2023 წლის 23 მაისს დადებული ხელშეკრულების თანახმად, ბათუმის სულიკო ჟღენტის სახელობის კინოს მუზეუმის სარეაბილიტაციო სამუშაოები დასრულებულია“.
შესყიდვების პორტალის მიხედვით, 2025 წლის 4 სექტემბრის მდგომარეობით, კომპანიისთვის გადარიცხულია 1 585 602 ლარი [სახელშეკრულებო თანხის 92 პროცენტი].
მუზეუმის ამსახველი ფოტოები საკონკურსო დოკუმენტებიდან:
ბათუმის კინო-მუზეუმის [ყოფილი აბანოს] შენობა რეაბილიტაციის შემდეგ / ფოტოები საკონკურსო დოკუმენტებიდანბათუმის კინო-მუზეუმის [ყოფილი აბანოს] შენობა რეაბილიტაციის შემდეგ / ფოტოები საკონკურსო დოკუმენტებიდანბათუმის კინო-მუზეუმის [ყოფილი აბანოს] შენობა რეაბილიტაციის შემდეგ / ფოტოები საკონკურსო დოკუმენტებიდან
„უვიზო მიმოსვლის გაუქმების შემთხვევაში, დაბრუნდება ვიზის მოსაკრებელი, უამრავი საბუთი იქნება შესაგროვებელი, მერე თბილისში ჩასვლა მოუწევს ყველას ვინც დედაქალაქში არ ცხოვრობს, რიგში დგომა, ლოდინი და საბოლოოდ მიიღებენ თუ არა ვიზას არ ეცოდინებათ,“ – პოლონეთში მცხოვრები ემიგრანტი ვალერიან ქარჩავა დეტალურად ხსნის, თუ რა დაბრუნდება საქართველოს რიგითი მოქალაქის ცხოვრებაში, თუკი უვიზო მიმოსვლას დავკარგავთ.
დღეს, 4 სექტემბერს გამოქვეყნდა CRRC-საქართველოს მიერ ჩატარებული სატელეფონო კვლევის შედეგები, რომლის მიხედვითაც საქართველოს მოსახლეობის დიდი უმრავლესობა (78%) მიიჩნევს, რომ ევროკავშირთან უვიზო მიმოსვლის შეჩერება საზიანო იქნება საქართველოს მოქალაქეებისთვის.
ამავე კვლევის მიხედვით, თუკი ევროკავშირი მართლაც შეაჩერებს საქართველოს მოქალაქეებისთვის უვიზო მიმოსვლას, გამოკითხულთა ნახევარზე ოდნავ მეტი (51%) პასუხისმგებლობას „ქართულ ოცნებას“ და მის ლიდერს, ბიძინა ივანიშვილს აკისრებს.
როგორ იმოქმედებს ევროკავშირთან უვიზო რეჟიმის გაუქმება შრომით მიგრანტებზე? – „ბათუმელები“ ამ თემაზე MigraMate-ის დამფუძნებელსა და გენერალურ დირექტორს, ევროკავშირის სამართლის მაგისტრს, ვალერიან ქარჩავას ესაუბრა.
ბატონო ვალერიან, როდის და როგორ წახვედით პოლონეთში, რა გზა გაიარეთ?
პოლონეთში დაახლოებით 2012-13 წლებში წავედი, ვსწავლობდი იურიდიულ ფაკულტეტზე, ევროპათმცოდნეობას, შემდგომ – ევროკავშირის სამართალს. ვარ ევროკავშირის სამართლის მაგისტრი.
წავედი ვიზით, მაშინ ჯერ კიდევ ვიზა გვჭირდებოდა, რომლის მიღებაც ძალიან რთული იყო.
ყველა პროცედურა კარგად მახსოვს – სავიზო განაცხადის შევსება, საჭირო დოკუმენტების მოგროვება, სავიზო მოსაკრებლის გადახდა, მერე რიგში დგომა და ნერვიულობა. მახსოვს ასევე სტრესი, რომ შეიძლებოდა კონსულს უარი ეთქვა ჩემთვის ვიზაზე.
მახსოვს, სწავლის გადასახადი უკვე გადახდილი მქონდა, მაგრამ ბოლო მომენტამდე არ ვიცოდი, ჩამირტყამდნენ თუ არა ვიზას.
ამჟამად ვარ ორმაგი მოქალაქე, თუმცა მოქალაქეობის მიღებამდე საკმაოდ გრძელი გზა გავიარე. მაქვს საკუთარი კომპანია, რომელიც პოლონეთში მცხოვრებ უცხოელებს სთავაზობს საიმიგრაციო იურიდიულ სერვისს.
უვიზო მიმოსვლის სიკეთეზე გკითხავთ, რა სარგებელი აქვს მას საქართველოს მოქალაქეებისათვის?
ჩემი აზრით, უვიზო მიმოსვლას იმაზე გაცილებით მეტი სარგებელი და მნიშვნელობა აქვს საქართველოსთვის, ვიდრე უბრალოდ თავისუფალი მიმოსვლაა.
მაგრამ მოდი დავიწყოთ თავისუფალი მიმოსვლით, როგორ ჩანს ეს რიგითი ქართველის გადმოსახედიდან.
გვაქვს შენგენის სივრცეში უვიზოდ მიმოსვლის თავისუფლება. გინდა გამოიყენებ ამ თავისუფლებას, გინდა არა – არჩევანი შენია.
პერსონალურად რომ შევხედოთ, მე კი ორმაგი მოქალაქეობა მაქვს, მაგრამ ჩემი ოჯახის წევრები უვიზო მიმოსვლის საშუალებით ჩამოდიან ჩემთან, ჩემი მეგობრებიც, ვნახულობთ ერთმანეთს.
უვიზო მიმოსვლის გაუქმების შემთხვევაში დაბრუნდება ვიზის მოსაკრებელი, უამრავი საბუთი იქნება შესაგროვებელი, მერე თბილისში ჩასვლა მოუწევს ყველას, ვინც დედაქალაქში არ ცხოვრობს, რიგში დგომა, ლოდინი და საბოლოოდ მიიღებენ თუ არა ვიზას, არ ეცოდინებათ.
უვიზო მიმოსვლა საქართველოს ევროპულ გზაზე მრავალწლიანი შრომის შედეგად მიღებული უმნიშვნელოვანესი მონაპოვარია, რომლის დაკარგვაც, პირველ ყოვლისა, ნიშნავს ამ გზაზე საქართველოს უკუსვლას.
ისტორიას თუ გადავხედავთ, ყველაფერი 2010 წლის ივნისში დაიწყო, როდესაც ბრიუსელში ხელი მოეწერა შეთანხმებას საქართველოსა და ევროკავშირს შორის ვიზების გამარტივების პროცედურების შესახებ. მაგ დროიდან საქართველო ისწრაფოდა ვიზალიბერალიზაციისკენ, რის შემდეგაც იყო სხვადასხვა ეტაპები, იყო სავიზო რეჟიმის ლიბერალიზაციის სამოქმედო გეგმა, რომელსაც საქართველო რამდენიმე წლის განმავლობაში ნაბიჯ-ნაბიჯ ახორციელებდა.
საქართველო თავისი სურვილით ასრულებდა იმ მოთხოვნებს, რაც ამ გეგმაში იყო და რაც საბოლოოდ წარმატებით დასრულდა 2017 წლის მარტში, უვიზო რეჟიმის ამოქმედებით.
უვიზო მიმოსვლის შეჩერება საქართველოს დააბრუნებს 2017 წლის მარტამდე არსებულ მდგომარეობაში, როდესაც საქართველოს მოქალაქეებს, თუნდაც მოკლევადიანი ვიზიტით, იქნებოდა ეს ტურისტული, გაცვლითი პროგრამა, სპორტული, თუ ოჯახის ან მეგობრების მონახულების მიზნით, უწევდათ სავიზო პროცედურის გავლა. როგორც უკვე აღვნიშნე, ეს უკავშირდებოდა რიგებს, სავიზო მოსაკრებელს, სტრესს და ა.შ.
ჩვენი ქვეყანა წლების განმავლობაში ისწრაფოდა დასავლეთისკენ, ევროპისკენ, თავისი ფესვებისკენ. თუ უვიზო გაგვიუქმდება, ეს იქნება უკან გადადგმული ნაბიჯი იმ გზაზე, რასაც საქართველო გადის დამოუკიდებლობის მოპოვების დღიდან.
ბოლო პერიოდში პოლონეთში საუბარია საქართველოს მოქალაქეებისთვის უვიზო მიმოსვლის შეჩერების რამდენიმე მიზეზზე.
ერთი მიზეზი უკავშირდება ქართული ორგანიზებული დანაშაულებრივი ჯგუფების აქტივობის ზრდას პოლონეთისა და ევროკავშირის სხვა წევრ ქვეყნებში. ანუ უსაფრთხოების გაძლიერების მოტივით, რაც პოლონეთის 2025-2030 წლების მიგრაციის სტრატეგიის ერთ-ერთ მთავარ მიზანს წარმოადგენს.
ხოლო, პოლონეთის ოჯახის, შრომისა და სოციალური პოლიტიკის მინისტრის 2025 წლის 4 აგვისტოს დადგენილების პროექტის სამოტივაციო ნაწილში, საქართველოს მოქალაქეებისთვის პოლონეთში გამარტივებული დასაქმების მექანიზმის გაუქმების საფუძვლად წერია: „საქართველოში არსებული პოლიტიკური ვითარების და ორმხრივი ურთიერთობების ამჟამინდელი მდგომარეობის, აგრეთვე ამ ქვეყნის მოქალაქეებისთვის უვიზო მიმოსვლის გაუქმების თაობაზე მიმდინარე კონცეპტუალური სამუშაოების გათვალისწინებით, მიზანშეწონილად იქნა მიჩნეული საქართველოს მოქალაქეებისთვის პოლონეთის რესპუბლიკის ტერიტორიაზე დასაქმების ნებართვის მიღების პროცესში პრივილეგირებული მოპყრობის მოდელის გაუქმება“.
რადგან პოლონეთი აპირებს საქართველოს მოქალაქეებს გაუუქმოს გამარტივებული წესით დასაქმების უფლება, რას შეცვლის ეს იმ მიგრანტებისათვის, რომლებიც სამუშაოდ ჩამოდიან პოლონეთში?
2018 წლიდან საქართველოს მოქალაქეებს, სომხეთის, ბელარუსის, მოლდოვის, უკრაინისა და რუსეთის მოქალაქეებთან ერთად (6 ქვეყანა), მიეცათ შესაძლებლობა, დასაქმებულიყვნენ პოლონეთში გამარტივებული წესით, რაც სამუშაო ნებართვის ბიუროკრატიული პროცედურის ნაცვლად მოითხოვს დამსაქმებლის მიერ უბრალოდ უცხოელის დასაქმების შესახებ დეკლარაციის (საქართველოში ხშირად ამ დოკუმენტს „მოწვევას” ეძახიან) დარეგისტრირებას. დეკლარაცია რეგისტრირდება 7 დღის ვადაში (პრაქტიკაში ეს ვადა ზოგჯერ იწელება). დეკლარაციაში დამსაქმებელი უთითებს საკუთარ მონაცემებს, უცხოელის მონაცემებს მაგ. თანამდებობას, ხელშეკრულების ტიპს, ანაზღაურებას და ა.შ..
2022 წლიდან ამ 6 ქვეყნის სიიდან პოლონეთმა ამოიღო რუსეთი, უკრაინის წინააღმდეგ განხორციელებული სამხედრო აგრესიის გამო, რის შედეგადაც დარჩა 5 ქვეყანა: საქართველო, სომხეთი, ბელარუსი, მოლდოვა და უკრაინა.
პოლონეთის ოჯახის, შრომისა და სოციალური პოლიტიკის მინისტრის 2025 წლის 4 აგვისტოს დადგენილების პროექტში საქართველომ ამ სიიდან წაიშალა, დარჩა 4 ქვეყანა: სომხეთი, ბელარუსი, მოლდოვა და უკრაინა. რეგულაცია ძალაში შედის მისი გამოქვეყნებიდან 14 დღის შემდეგ. ჯერ უცნობია, როდის შევა ახალი კანონი ძალაში.
ანუ, თავდაპირველი 6 ქვეყნიდან სიას გამოაკლდა რუსეთი (2022 წელს) და დიდი ალბათობით, წელს გამოაკლდება საქართველო.
ასევე უცნობია, რა ელით საქართველოს იმ მოქალაქეებს, რომლებიც ამჟამად მუშაობენ მსგავსი დეკლარაციის საფუძველზე პოლონეთში.
როგორ შეცვლის ეს საქართველოს მოქალაქეების უფლებრივ მდგომარეობას პოლონეთში?
უცხოელის დასაქმების შესახებ დეკლარაციის ნაცვლად, საქართველოს მოქალაქეებს მოუწევთ ჯერ პოტენციური დამსაქმებლისგან სამუშაო ნებართვის მოპოვება, რაც დღევანდელი მდგომარეობით გრძელდება დაახლოებით 2-3 თვე და გაცილებით რთულია მოსაპოვებლად, რადგან მოითხოვს სახელმწიფო სამსახურის მიერ ადმინისტრაციულ წარმოებას. ამასთან, აუცილებელი იქნება გაცილებით მეტი დოკუმენტის თანდართვა.
სამუშაო ნებართვის განმცხადებელი არის დამსაქმებელი. შესაბამისად, საქართველოს მოქალაქის დასაქმება დამსაქმებლისთვის გაცილებით რთული იქნება და მოითხოვს მეტ ბიუროკრატიულ პროცედურას, ვიდრე სომხეთის, ბელარუსის, მოლდოვისა თუ უკრაინის მოქალაქის დასაქმება, რომლებიც კვლავ ისარგებლებენ გამარტივებული პროცედურით.
ლოგიკურად, ეს საქართველოს მოქალაქეებისთვის პოლონეთში სამუშაო შესაძლებლობების მნიშვნელოვნად შემცირებას გამოიწვევს.
გარდა ამისა, შრომის ნებართვის უფრო ხანგრძლივი პროცესის დასრულების შემდეგ, აუცილებელი იქნება აღნიშნული ნებართვის საფუძველზე სამუშაო ვიზის აღება, რაც ასევე მოითხოვს დროს, რესურსებს და არსებობს რისკი, რომ მოქალაქეებმა ვიზის გაცემაზე უარი მიიღონ.
დეკლარაციის საფუძველზე გამარტივებული წესით დასაქმება იძლევა პოლონეთში სამსახურის დაუყოვნებლივად დაწყების შესაძლებლობას.
აღსანიშნავია, რომ დასაქმების შესახებ დეკლარაციის (საქართველოში მოიხსენიებენ როგორც „მოწვევას“) საფუძველზე საქართველოს მოქალაქეებს შეეძლოთ უვიზო მიმოსვლის ფარგლებში პოლონეთში შემოსვლა სამუშაოს დაწყების მიზნით.
ამ მექანიზმის გაუქმების შემდეგ, იმ შემთხვევაშიც კი, თუ უვიზო მიმოსვლა კვლავ ძალაში დარჩება, პოლონეთში შესვლა გაცილებით რთული იქნება.
მოკლედ, საქართველოს იმ მოქალაქეებს, რომლებიც სამუშაოდ პოლონეთში გეგმავდნენ წასვლას, გაცილებით რთული გზის გავლა მოუწევთ.
ხომ არ გაქვთ ინფორმაცია საქართველოს რამდენი ათასი მოქალაქე იმყოფება პოლონეთის ტერიტორიაზე და მუშაობს ლეგალურად?
პოლონეთის მთავარი სტატისტიკური ოფისის მონაცემებით 2025 წლის თებერვლის ბოლოს პოლონეთში დასაქმებული უცხოელების 2,3% იყო ქართველი, ანუ დაახლოებით 24 500. რა თქმა უნდა, ეს მონაცემები ეხება მხოლოდ ლეგალურად დასაქმებულ პირებს, შესაბამისად არ ითვალისწინებს არადასაქმებულ პირებს, მაგალითად: სტუდენტებს, ოჯახის წევრებს და არალეგალურად დასაქმებულებს. შესაბამისად, საფუძვლიანად შეგვიძლია ვივარაუდოთ, რომ პოლონეთში გაცილებით მეტი ქართველი ცხოვრობს და მუშაობს.
აღნიშნული დადგენილების პროექტის სამოტივაციო ნაწილში მოყვანილია სტატისტიკა, რომლის მიხედვითაც 2024 წელს დარეგისტრირდა 76 671 დეკლარაცია უცხოელის დასაქმების შესახებ საქართველოს 47 086 მოქალაქისთვის (ანუ ერთ ადამიანს შესაძლოა ჰქონოდა რამდენიმე დეკლარაცია).
2025 წლის იანვრიდან მაისის ბოლომდე დარეგისტრირდა 28 882 დეკლარაცია უცხოელის დასაქმების შესახებ, რაც შეეხებოდა საქართველოს 22 574 მოქალაქეს.
ეს რიცხვები ნათლად აჩვენებს, თუ რა მნიშვნელობა აქვს პოლონეთში გამარტივებული დასაქმების ამ მექანიზმს საქართველოს მოქალაქეებისთვის. აქვე უნდა აღინიშნოს, რომ დასაქმების შესახებ დეკლარაციას (ეწ. მოწვევას) საქართველოს მოქალაქეები ხშირად იყენებდნენ არა რეალურად სამუშაოს დასაწყებად პოლონეთის ტერიტორიაზე, არამედ პოლონეთის გავლით შენგენის სივრცეში შემოსასვლელად.
შეგვიძლია ვივარაუდოთ, რომ პოლონეთში გაცილებით მეტი ქართველი ცხოვრობს და მუშაობს, ვიდრე ეს ოფიციალურ სტატისტიკაშია აღრიცხული.
თქვენი აზრით, ვიზალიბერალიზაციის შეჩერება როგორ აისახება საქართველოს თითოეულ მოქალაქეზე, მათ მომავალზე?
უვიზო მიმოსვლის ამოქმედების შემდეგ, საქართველოს მოქალაქეებმა წინსვლა განიცადეს. აი, თუნდაც სპორტი ავიღოთ.
პოლონეთში ხშირად ვხედავ ახალგაზრდებს, რომლებიც ჩამოდიან სხვადასხვა სპორტულ კლუბში და სარგებლობენ უვიზო მიმოსვლით. იძენენ გამოცდილებას, ხვდებიან აქაურ ახალგაზრდებს, იფართოებენ თვალსაწიერს და ბრუნდებიან უკან, საქართველოში.
კარგის მეტს ამაში ვერაფერს ვხედავ. მაგრამ თუ ადამიანი მხოლოდ ცუდს ეძებ, ცხადია, კარგს ვერ დაინახავ.
დარწმუნებული ვარ, ქართველების უდიდეს უმრავლესობას არ სურს თავისი ქვეყნიდან სამუდამოდ წასვლა და სხვა ქვეყანაში ცხოვრება – ხშირად ეს უბრალოდ აუცილებელი ნაბიჯია.
გავიმეორებ, რომ ვიზალიბერალიზაციას საქართველოს მომავლისთვის გაცილებით დიდი მნიშვნელობა აქვს ვიდრე უბრალოდ უვიზო მიმოსვლა.
ხოლო რაც ამ უკანასკნელს შეეხება, როგორ შეიძლება ამ თავისუფლების დაკარგვა კარგი იყოს?!
ბათუმში, აბუსერიძის ქუჩა #57-ში მშენებარე კორპუსის მესაკუთრეებმა დღეს, 4 სექტემბერს აქცია გამართეს. აქციის მიზეზი კორპუსია, რომლის მშენებლობის დასრულება უკვე 10 წელი შეჩერებულია.
„აშენებულია 13 სართული, 19 უნდა იყოს… კორპუსს სახურავიც კი არ აქვს, გვაწვიმს.
ვინც შემოვედით საცხოვრებლად წლების წინ, შემოვედით იმიტომ, რომ სხვა გამოსავალი არ გვქონდა, გაგვიფუჭდა რემონტი.
წყალი ხშირად არ გვაქვს, რადგან კორპუსი ჩაბარებული არ არის, შუქის მხოლოდ ერთი, საერთო მრიცხველია და კომერციულ ფასს ვიხდით, გაზი არ შემოჰყავთ და გაზის ბალონებით ვსარგებლობთ, როგორც 90–იან წლებში ხდებოდა, სრული განუკითხაობაა…“ – უთხრა „ბათუმელებს“ მოქალაქე თეა ჩუმაშვილმა. მას ბინა აბუსერიძის #57-ში 2015 წელს შეუძენია და კომპანიისთვის „ოქროს კოშკი“ ნასყიდობის თანხა სრულად ჩაურიცხავს. მოქალაქეს წლებია სამშენებლო კომპანიაში აღარ პასუხობენ, გაქრა ოფისებიც, რომლებმაც მშენებარე კორპუსში ბინები გაყიდეს.
„3 თვის წინ მივმართეთ სასამართლოს, განხილვა ჯერ არ დაწყებულა. პროკურატურას ახლა უნდა მივმართოთ. მინიმუმ 100 ოჯახია დაზარალებული.
ბათუმის მერიას მივმართეთ, მაგრამ არაფერი შეცვლილა – არ არსებობს კანონი, რომ თქვენ დაგეხმაროთო.
რამდენიმე კომპანია იყო: „ოქროს კოშკი“, „მიზანი პლიუსი“… არცერთი აღარ გამოდის კონტაქტზე, მანამდე გვპირდებოდნენ დასრულებას. მე პირადად გოგი ვარშალომიძემ გამიფორმა კონტრაქტი, მოგვატყუეს, მომავალ მესაკუთრეებად გაგვაფორმეს და ახლა ბინაც დაყადაღებულია”.
„ბათუმელებმა“ სცადა კომპანიებთან „ოქროს კოშკი“ და „მიზანი პლიუს 2009“-თან დაკავშირება, თუმცა ამ სამშენებლო კომპანიების ინტერნეტგვერდებზე მითითებულ ტელეფონის ნომრებზე არავინ გვიპასუხა.
ეს არაა ერთადერთი კორპუსი, რომელიც დაუსრულებელია ბათუმში. რამდენიმე დღის წინ ამავე კორპუსის მეზობელი კორპუსის მაცხოვრებლები შეიკრიბნენ ბათუმის მერიასთან. ამ შემთხვევაში მშენებელი, რომელმაც ათეულობით მოქალაქე მძიმედ დააზარალა, „ოცნების“ შემწირველია. მისთვის პასუხი არავის მოუთხოვია.
„ვაცხადებთ დაუმორჩილებლობას. ფიცი დავდეთ სცენაზე, რომ ეს კაცი ამ თეატრში ვეღარ იქნება,“ – თქვა დღეს, 4 სექტემბერს, ბათუმის დრამატული თეატრის დასის შეკრების შემდეგ მსახიობმა მაია ცეცხლაძემ.
ბათუმის დრამატული თეატრის დასი თეატრის დირექტორის, ნუკრი ქანთარიას გადადგომას ითხოვს. მსახიობთა თქმით, ამის მიზეზი ის უპატივცემულობაა, რაც თეატრის დირექტორმა მათი გარდაცვლილი კოლეგის, ოთარ ქათამაძის გარდაცვალების შემდეგ გამოიჩინა.
დღეს, 4 სექტემბერს, ბათუმის დრამატული თეატრის დასი თეატრის დირექტორს ნუკრი ქანთარიას შეხვდა. თუმცა შეხვედრა დაგეგმილზე ადრე დასრულდა. მსახიობების თქმით, ნუკრი ქანთარიამ სამძიმრის თქმის ნაცვლად შეხვედრა გასტროლებზე საუბრით დაიწყო, რასაც დასის მხრიდან შეკითხვები მოჰყვა. ნუკრი ქანთარიამ პასუხად შეხვედრა დატოვა.
„შეხვედრა დაიწყო გასტროლებზე საუბრით. რომ გეგმავს გასტროლს. არც კი უხსენებია ოთო ქათამაძე, ჩვენი ახალგაზრდა კოლეგა, რომელიც ერთი კვირაა რაც დავკრძალეთ. მინიმუმ მეგონა, რომ წუთიერი დუმილით დაიწყებდა ამ შეხვედრას. ახლა მის ბოდიშსაც აზრი აღარ აქვს. ცხოვრებაში დგება მომენტი, როცა ბოდიშს აზრი აღარ აქვს და ახლაა ეს მომენტი,“ – ამბობს მსახიობი თათია თათარაშვილი.
„მეგონა წუთიერი დუმილით დაიწყებდა შეხვედრას, მაგრამ დაიწყო გასტროლებზე საუბრით. ავდექი, სიტყვა ვითხოვე და მივმართე დასს. „რაც ჩაიდინა, ოთო ქათამაძის პანაშვიდზე არ ჩამოსვლით, რომელიმე გაამართლებთ ამის საქციელს მეთქი?“ დასი გაჩუმდა.
მე მოვუბრუნდი და ვუთხარი – ეს არის ვერდიქტი, რომ თქვენ დატოვოთ აქაურობა და წახვიდეთ-მეთქი. დასიდან არავინ მას მხარი არ დაუჭირა. და მე ვუთხარი – წადი თეატრიდან.
ნუკრი ქანთარიამ მითხრა – მე თქვენ გაგაგდებთო. ვნახოთ ვინ ვის გააგდებს,“ – ჰყვება „ბათუმელებთან“ შეხვედრის დეტალებზე მსახიობი ავთო ქარჩავა.
რას ითხოვენ მსახიობები? – ბათუმის დრამატული თეატრის დასის წევრები ამბობენ, რომ ნუკრი ქანთარიამ სამძიმარიც კი არ გამოხატა ოთო ქათამაძის გარდაცვალების შემდეგ.
ეს ფაქტი ნუკრი ქანთარიამ დღეს ჟურნალისტებთან შემდეგნაირად ახსნა: „არ ვიყავი არც ბათუმში და ისეთ ადგილას ვიყავი, რომ ვერ მოვახერხებდი ჩამოსვლას. თუმცა რაც ჩვენს გვერდზე დაიწერა, ყველა ჩემი სახელით იყო.
ჟურნალისტების კითხვაზე, თუ რატომ დატოვა შეხვედრა, ნუკრი ქანთარიამ თქვა: „იმიტომ, რომ აღელვებულები არიან და შემდეგში გავმართავთ. პროვოკაციებზე არის ზოგიერთი“.
ბათუმის დრამატული თეატრის დასი ითხოვს აჭარის კულტურის მინისტრთან შეხვედრას და მისგან ნუკრი ქანთარიას გათავისუფლებას. მსახიობთა თქმით, თუ ნუკრი ქანთარიას არ გაუშვებენ, მაშინ ისინი სულხან თამაზაშვილთან მივლენ ანალოგიური მოთხოვნით.
პარლამენტის ყოფილი წევრი, დეპუტატი „ქართული ოცნებიდან“, ნუკრი ქანთარია ბათუმის დრამატული თეატრის სამხატვრო ხელმძღვანელად კონკურსის გარეშე დანიშნეს 2022 წელს. მისი დირექტორობის პერიოდში არაერთხელ იყო დაპირისპირება მსახიობებსა და მას შორის.
მაგალითად: 2024 წელს ნუკრი ქანთარიამ საყვედური გამოუცხადა მსახიობებს, პროევროპული პროტესტისას დაგეგმილ გაფიცვისკენ მოწოდებაში – ამ მსახიობებს შორის იყო ოთარ ქათამაძეც.
ასევე, 2025 წლის გაზაფხულზე ნუკრი ქანთარიამ 6 თვით შეუჩერა ხელფასიდრამატული თეატრის მსახიობს, მეგი კობალაძეს. ასევე, ნუკრი ქანთარიამ 2025 წლის მარტში სამსახურიდან გაათავისუფლა მსახიობი თორნიკე ბარამიძე, რომელიც პროევროპული აქციების მონაწილე იყო.
______________
ფოტოზე: ბათუმის დრამატული თეატრის მსახიობები. ფოტო: „ბათუმელები“
კიევში ვიზიტისას ბრიტანეთის თავდაცვის მინისტრმა ჯონ ჰილიმ განაცხადა, რომ უკრაინას გაყინული რუსული აქტივებით შეძენილი 1 მილიარდ ფუნტ სტერლინგზე მეტი ღირებულების იარაღი და სხვა სამხედრო დახმარება გადაეცა.
დიდი ბრიტანეთის მთავრობის ვებგვერდზე გამოქვეყნებული ინფორმაციის თანახმად, ამ თანხით უკრაინას მიეწოდა ასობით ათასი საარტილერიო ჭურვი, ასობით საზენიტო რაკეტა და იარაღის სათადარიგო ნაწილები. ასევე, უკრაინას საშუალება მისცა დაედო ახალი კონტრაქტები აღჭურვილობისა და სამხედრო ტრანსპორტის მოვლა-პატრონობისა და შეკეთებისთვის.
განცხადების თანახმად, ბოლო 50 დღეში უკრაინამ ბრიტანეთისგან მიიღო 4.7 მილიონი ჭურვი, 60 ათასი საარტილერიო ჭურვი, რაკეტები და სარაკეტო სისტემები, 2,500-ზე მეტი დრონი, 200-ზე მეტი რადიოელექტრონული ბრძოლის სისტემა, 100 ერთეული მსუბუქი შეიარაღება, 30 სატრანსპორტო საშუალება და დამატებითი აღჭურვილობა დრონებისა და საჰაერო თავდაცვის წინააღმდეგ.
მიმდინარე წელს ლონდონმა უკრაინის დასახმარებლად 4.5 მილიარდი ფუნტი გამოყო.
ასევე, ბრიტანეთმა ახალი სანქციები დააწესა სამი რუსული ორგანიზაციისა და რვა პირის მიმართ, მათ შორის — რამზან კადიროვის დედის, აიმან კადიროვის და „ახმატ კადიროვის ფონდის“, პროკრემლისტური ახალგაზრდული ორგანიზაციებისა და რუსი ჩინოვნიკების წინააღმდეგ, რომლებიც დაკავშირებულები არიან უკრაინელი ბავშვების რუსეთში იძულებით გადაყვანასთან.
სექტემბერი თითქმის ყველასთვის ახალ დასაწყისების თვეა, ამიტომ Back To School კამპანიის ფარგლებში, თიბისი კონცეპტმა მომხმარებლებს შეთავაზებები, ტრადიციულად, მრავალფეროვან კატეგორიებში მოუმზადა.
6-7 სექტემბერს, 50-მდე პარტნიორ ობიექტში, თიბისის პოს-ტერმინალზე ახალი თიბისი კონცეპტ ბარათებით გადახდისას, თანხის 40%, ჯამში მაქსიმუმ 200 ლარი, მომენტალურად დაგიბრუნდებათ.
ტანსაცმელი, ფეხსაცმელი, აქსესუარები, ტექნიკა – შეთავაზებები დაგხვდებათ პარტნიორი ობიექტების ყველა იმ კატეგორიაში, რაც სექტემბერში განსაკუთრებით გჭირდებათ.
ობიექტების ჩამონათვალი, სადაც 6-7 სექტემბრის Back To School შეთავაზებით ისარგებლებთ:
თუ ყველა სასურველი ნივთის შესაძენი თანხა 6-7 სექტემბრისთვის არ გაქვთ გათვალისწინებული, იდენტური შეთავაზება მოქმედებს ერთგულ საკრედიტო ბარათზეც, რომლის აღება და დამტკიცება უკვე რამდენიმე წუთში, თიბისის მობაილბანკიდანაც შეგიძლიათ.
რეგიონის მთავარი მოვლენა კრეატიულ ინდუსტრიაში, 3-დღიანი პროგრამით ბრუნდება! კრეატივის საერთაშორისო ფესტივალი Ad Black Sea 11-13 სექტემბერს, ტრადიციულად, ბათუმში გაიმართება და საკომუნიკაციო ინდუსტრიის მსოფლიო ვარსკვლავებს უმასპინძლებს.
უკვე წლებია, რაც Ad Black Sea რეგიონში კრეატიული ინდუსტრიის ყოველწლიური თავშეყრის ადგილად იქცა – სადაც დარგის წარმომადგენლები პროფესიულ გამოცდილებას და ცოდნას იღრმავებენ. გლობალური სარეკლამო ინდუსტრიის საერთაშორისო ლიდერების გამოსვლებზე, პანელურ დისკუსიებზე, ვორქშოპებსა და დაჯილდოების ცერემონიაზე ორგანიზატორები 1400-მდე ქართველ და უცხოელ დელეგატს ელიან.
“როგორც ყოველთვის, პროგრამაზე მუშაობა ერთი წლის წინ დავიწყეთ, შესაბამისად შევძელით ისეთი ვარსკვლავების კალენდარში ადგილის დაკავება, როგორებიც არიან: ბრაზილიელი ფერნანდო მაჩადო (Fernando Machado) – Burger King-ის, Dove-ის თუ Call of Duty ლეგენდარული კამპანიების ავტორი. ფერნანდოს მოიხსენიებენ, როგორც ყველაზე ინოვაციურ მარკეტერს მსოფლიოში (Business Insider), Forbes-ის მიხედვით ის მსოფლიოს ყველაზე გავლენიანი მარკეტერების სამეულშია, Adweek კი მას ბრენდინგის გენიოსს უწოდებს. პორტუგალიელი უგო ვეიგა (Hugo Veiga), რომელსაც უმუშავია ისეთ გლობალურ ბრენდებთან და ვარსკვლავებთან, როგორებიც არიან: Nike, Google, Tiktok, ლედი გაგა, ელტონ ჯონი და რომელსაც წელს კანის ფესტივალზე უმაღლესი ჯილდოს, Titanium-ის ჟიურის წევრობა ანდეს.
გავიცნობთ სამარ მააკარუნსაც (Samar Maakaroun), ლიბანელ-ბრიტანელ დიზაინერს, რომელიც ლეგენდარული დიზაინ სტუდიის, Pentagram-ის პარტნიორია. ვიზუალურ სიამოვნებას მოგვანიჭებს ფოტოგრაფ ჯონ სტენმეიერის (John Stanmeyer) ღრმა და მრავლისმთქმელი ფოტოები, გავეცნობით წლევანდელი ოსკაროსანი ანიმაციის FLOW-ს შექმნის ისტორიას.
UN WOMEN-თან პარტნიორობით, შევძელით პროგრამის ნაწილი გამხდარიყო ხელოვნური ინტელექტის სპეციალისტი რებექა რაუნთრი (Rebecca Rowntree), რომელმაც გაგვიზიარა, რომ მსოფლიოს AI პროფესიონალებიდან, მხოლოდ 22%-ია ქალი.
ხოლო თიბისი ბანკთან ერთად, ტრადიციულად ვუმასპინძლებთ არაერთ საინტერესო სესიას, მათ შორის 25-წლიანი გამოცდილების მქონე ტიმ ლიქის (Tim Leake) გამოსვლას კოლაბორაციის თემაზე და მისსავე ვორკშოპს, სწრაფი იდეების გენერირებაზე.
წელს პირველად წარვადგენთ CREATOR STAGE-ს, სადაც კრეატორებზე და ინფლუენსერ მარკეტინგზე ვისაუბრებთ, რადგან ეს მიმართულება თანამედროვე მარკეტინგის განუყოფელი და მნიშვნელოვანი ნაწილი გახდა.
ეს პროგრამის მხოლოდ ნაწილია. ფესტივალის სამივე დღე დატვირთული იქნება საინტერესო გამოსვლებით, რომელიც არცერთმა მარკეტერმა თუ სააგენტოში მომუშავე ადამიანმა არ უნდა გამოტოვოს” – ამბობსფესტივალის აღმასრულებელი დირექტორი, თამარ ცინცაძე.
ტრადიციულად, ფესტივალს ახალი ბრენდინგი აქვს. FireWorks in Creative Resistance – ასე ჟღერს 2025-ის სლოგანი. ფესტივალის წლევანდელი კონცეფცია ფეიერვერკს შემოქმედებითი პროცესის სიმბოლოდ იყენებს. კრეატიულობას ბევრი “მტერი” ჰყავს – გადაწვა, უსამართლობა, მენტალური თუ ფიზიკური ჯანმრთელობა, პოლიტიკური, სოციალური პროცესები და სხვა. მაგრამ სასიცოცხლოდ მნიშვნელოვანია, შევინარჩუნოთ ის ნაპერწკალი, რაც შემოქმედებითობას აღვივებს. სწორედ ამ იდეის გარშემო ბრუნავს წლევანდელი ღონისძიება.
ბრენდინგის ნაწილია შემოქმედებითი წინააღმდეგობის კონცეფციაც, “In Creative Resistance” Ad Black Sea-ს გუნდმა პირველად მაისში, თბილისში ჩატარებულ დიზაინის ფესტივალისთვის შექმნა და ამ თემის ირგვლივ პოსტერების კონკურსიც დაანონსა, რომლის ფარგლებშიც შექმნილი ნამუშევრები, არც მეტი, არც ნაკლები, მსოფლიოში გრაფიკული დიზაინის თანამედროვე ლეგენდამ, პოლა შერმა (Paula Scher) შეაფასა. მათი ნახვა სექტემბერში Ad Black Sea-ს სტუმრებს – ბათუმში, ხოლო ფართო აუდიტორიას ფესტივალის ვებ გვერდზე შეეძლება.
ფესტივალის უცვლელი ნაწილია კონკურსიც. კონკურსანტები სხვადასხვა ქვეყნიდან ერთმანეთს 13 ნომინაციაში (ბრენდინგი, მდგრადობა, დიზაინი, ციფრული კომუნიკაცია და სხვა) შეეჯიბრებიან. მათ ნამუშევრებს 20 ქვეყნიდან მოწვეული, 28 ჟიურის წევრი შეაფასებს. უკვე მესამე წელია თიბისისთან ერთად კონკურსს აქვს მე-14, Young Creative-ის კატეგორიაც.
“წელს გვაქვს მნიშვნელოვანი სიახლე, რაც Ad Black Sea-ს კრეატიული ინდუსტრიის გლობალურ რუკაზე კიდევ უფრო მკვეთრად მონიშნავს: დაარსების დღიდან, ფესტივალი ADCE (Art Directors Club Europe)-ის ოფიციალური ლოკალური პარტნიორია, რაც Ad Black Sea-ს კონკურსში გამარჯვებულებს გზას უხსნის ADCE-ს კონკურსში მოსახვედრად. წელს, ADCE-ს მფლობელი კომპანიისგან, ამერიკული The One Club For Creativity-სგან შევიძინეთ საკონკურსო პლატფორმა. ეს ნიშნავს, რომ ბათუმში, შემდეგ კი ADCE-ს საკონკურსო პროგრამაში გამარჯვებულ სააგენტოებს, კლიენტებსა თუ ინდივიდებს ეძლევათ შანსი, მოხვდნენ The One Club-ის გლობალურ რეიტინგში – რაც ჩვენს სფეროში უდიდეს მიღწევად ითვლება,”- ამბობს სოფო კეჩხოშვილი, Ad Black Sea-ს საკონკურსო პროგრამის დირექტორი.
ფესტივალს წელსაც ის ბრენდები უჭერენ მხარს, ვისთვისაც კრეატიული ინდუსტრიის განვითარება მნიშვნელოვანია. ფესტივალის გუნდთან ერთად, თითოეული მათგანი უამრავ საინტერესო გამოცდილებას უმზადებს ბათუმში ჩამოსულ სტუმრებს.
ფესტივალის პარტნიორები არიან: TBC, MINI Georgia, Bakuriani, Karva, D Block, Nikora, Metable, Extra, UN Women, PSP x Mizon, Smartsoft, Setanta Sports, ROOMS Hotels, Industria, Georgian Sun, Windfor’s Workshops, Windfor’s, Tbilisi School of Communications, Biletebi.ge, Monkey Shoulder, Tene, Scrollex, Lumen, Stich, Mzetopshop, GGS Ads, Matarebeli Comics, Blue Ocean, GAMEZ Art Studio
პარტნიორი Garnett Station Partners-ში, ბრენდ მარკეტერ აკადემიის დეკანი Cannes Lions-ზე,
ბორდის წევრი Braze-ში. ინდუსტრიის ერთ-ერთი ყველაზე ხმამაღალი სახელი.
ფერნანდო მაჩადო არის ხედვის მქონე გლობალური მარკეტერი, რომელსაც ბრენდების განვითარებისა და ბიზნესის ზრდისადმი ძლიერი ვნება ამოძრავებს. დარწმუნებულია, რომ კრეატიულობა შეიძლება კონკურენტული უპირატესობის წყაროდ იქცეს. მისი ყურადღების ცენტრში მომხმარებლის სიღრმისეულად შეცნობაა, რის საფუძველზეც ქმნის ჰედლაინებს, დიზაინს, სტრატეგიულ და ინოვაციურ მარკეტინგულ მიდგომებს.
რებეკა რაუნთრი / Rebecca Rowntree
კრეატიული დირექტორი, სპიკერი და პლატფორმის Get Sh*t Done დამფუძნებელი.
ხელმძღვანელობდა კრეატიულ მიმართულებას ისეთი ბრენდებისთვის, როგორებიცაა Nike, Uber, Kellogg’s, PlayStation და Bodyform — ქმნიდა ბრენდ პლატფორმებს და social-first ნარატივებს, რომლებიც კულტურის ნაწილად იქცა. ჯილდოს მფლობელი კამპანიის, #Wombstories ერთ-ერთი შემქმნელი, რომელმაც მთლიანად შეცვალა საუბრის ტონი ქალთა ჯანმრთელობის საკითხებზე.
ძირითადად დაკავებულია კრეატიული ქონსალთინგით და Get Sh*t Done-ის ერთ-ერთ ყველაზე საინტერესო შემოქმედებით საზოგადოებად გარდაქმნის პროცესით, რომელსაც უკვე 550+ წევრი ჰყავს (და მუდმივად იზრდება).
უგო ვეიგა / Hugo Veiga
კარიერა ტელევიზიის სცენარისტის, მსახიობისა და ანიმაციური პერსონაჟების გამხმოვანებლის როლში დაიწყო, შემდეგ კი პორტუგალიიდან ბრაზილიაში გადავიდა და Ogilvy São Paulo-ს შეუერთდა. 2014 წელს, დიეგო მაჩადოსთან ერთად, დააარსა AKQA São Paulo, რომელიც ქსელის ყველაზე მეტი ჯილდოს მფლობელ სტუდიად აქცია. მათთან ერთად მუშაობდნენ Nike, Google და TikTok, ასევე არტისტები — ლედი გაგა და ელტონ ჯონი.
2019 წელს, ჰუგო გლობალურ Chief Creative Officer-ად (CCO) დაინიშნა, საიდანაც 33 ქალაქში შემოქმედებითი გუნდის 6,000-ზე მეტ წევრს ხელმძღვანელობდა და AKQA-ს გლობალური მასშტაბები მნიშვნელოვანად გააფართოვა. მისი ნამუშევრები ექვსჯერ გახდა Cannes Lions გრან პრის (მათ შორის Titanium) მფლობელი და აღიარება მოიპოვა ისეთი ინსტიტუტებისგან, როგორებიცაა TIME, Grammy და UNICEF.
ჯონ სტენმეიერი / John Stanmeyer
მრავალი ჯილდოს მფლობელი ფოტოგრაფი და მხატვარი, EMMY-ზე ნომინირებული კინორეჟისორი და პედაგოგი. მისი ინტერესის ძირითადი სფეროა თანამედროვეობის განმსაზღვრელი – გარემოსდაცვითი, ჰუმანიტარული და სოციალური საკითხები.
მისი 22-წლიანი თანამშრომლობა National Geographic-თან 23 სტატიასა და 14 გარეკანს მოიცავს. 1998-2008 წლებში სტენმეიერი Time-ის კონტრაქტორი ფოტოგრაფი იყო, მისი ნამუშევრები ჯამში 18 გარეკანზე გამოქვეყნდა. 2001 წელს, მსოფლიოს ექვს წამყვან
ფოტოჟურნალისტთან ერთად დააარსა პრესტიჟული სააგენტო VII Photo.
ლიუის ბლექუელი / Lewis Blackwell
ჟურნალის Lürzer’s Archive დირექტორი და გამომცემელი — გამოცემისა, რომელიც უკვე 40 წელიწადზე მეტია, სარეკლამო კრეატივის სფეროში წამყვან მედიად ითვლება და 100-ზე მეტ ქვეყანაში იკითხება.
Cresta Awards-ის გენერალური დირექტორი — ერთ-ერთი წამყვანი დამოუკიდებელი ჯილდო სარეკლამო, კინოსა და დიზაინის სფეროს მოღვაწეებისთვის. მისი კარიერული გამოცდილება მოიცავს ათწლიან საქმიანობას მსოფლიოს წამყვან ფოტო/ფილმის სააგენტოში Getty Images გლობალური კრეატიული ხელმძღვანელის პოზიციაზე.
დაწერა და რედაქტირება გაუწია 20-ზე მეტი წიგნს კრეატივისა და გარემოს დაცვის თემატიკაზე. მოგზაურობისგან თავისუფალ დროს, ცხოვრობს ედინბურგსა და ლონდონში.
კრისტინა რეჟვიჰა / Kristina Rezhviha
სხვადასხვა მედიუმში მომუშავე აუდიოვიზუალური არტისტი – მათ შორის ინსტალაციაში, სცენოგრაფიასა და ციფრულ სივრცეში.
ოსკაროსანი სრულმეტრაჟიანი ანიმაციური ფილმის, Flow-ს (რეჟისორი გინტს ზილბალოდისი) ერთ-ერთი ანიმატორი, კონკრეტულად, 3D ფლორის და მცენარეთა სტილიზებული ბიბლიოთეკის შემქმნელი.
სამარ მააკარუნი / Samar Maakaroun
თანაბრად არაბიც და ბრიტანელიც, სამარ მააკარუნი საუკეთესოდ სწორედ ჰიბრიდულ სივრცეში არსებობს, სადაც იდენტობები იკვეთება. ნიუანსი, კომპლექსურობა, ინტერაქცია და თამაში — სწორედ ეს სიტყვები აღწერს მის ნამუშევრებს საუკეთესოდ. მრავალფეროვნება სამარისთვის ინსაითებისა და ახალი აღმოჩენების საუკეთესო წყაროა.
Pentagram-ის ლონდონის ოფისის პარტნიორის როლში მნიშვნელოვანი წვლილი შეაქვს სააგენტოს 52-წლიან მემკვიდრეობასა და სხვადასხვა სექტორში ტრანსფორმაციული დიზაინის შექმნაში.
მისი ხელმძღვანელობით შეიქმნა არა ერთი გამრღვევი პროექტი, მათ შორის: დუბაისა და შარჟას destination ბრენდები, Porsche-ის კამპანიები, ილუსტრირებული არაბული ფრაზების წიგნი Haraka Baraka და Wembley’s კონცერტის ვიზუალური იდენტობა და კამპანია Together for Palestine
საქართველოს ჟურნალისტური ეთიკის ქარტია ეხმიანება „ოცნების“ მხარდამჭერის მიერ ონლაინ გამოცემა „პუბლიკას“ ჟურნალისტზე ძალადობას.
„ქართული ოცნების“ ლიდერებმა გუშინ, 3 სექტემბერს, მელიქიშვილის გამზირზე, მოქალაქეთა საპროტესტო შეძახილების ფონზე საზეიმოდ გახსნეს კახა კალაძის საარჩევნო შტაბი. ერთ ეპიზოდში „ქართული ოცნების“ მხარდამჭერები და აქციის მონაწილეები ერთმანეთს სიტყვიერად დაუპირისპირდნენ, რის შემდეგაც „ქართული ოცნების“ მხარდამჭერებმა აქტივისტებს უცენზურო სიტყვებით მიმართეს და შეაფურთხეს. „ქართული ოცნების“ მხარდამჭერებმა აგრესია გამოხატეს ჟურნალისტის მიმართაც, რომელიც აღნიშნულ ინციდენტს იღებდა.
გამოცემა „პუბლიკას“ ცნობით, „ქართული ოცნების“ ერთმა მხარდამჭერმა გამოცემის ჟურნალისტს ხელი დაარტყა, ხოლო მეორე მხარდამჭერმა, ოდნავ მოგვიანებით, მას შეაფურთხა. ადგილზე მობილიზებულმა პოლიციელებმა ძალადობის ამ ფაქტებზე არ ირეაგირეს.
ინციდენტი ფეისბუქის პირად გვერდზე აღწერა ლიკა ზაკაშვილმა, „პუბლიკას“ მთავარმა რედაქტორმა.
ლიკა ზაკაშვილის თქმით, „ქართული ოცნების” მხარდამჭერებმა გუშინ მას პროფესიული მოვალეობის შესრულებაში შეუშალეს ხელი. „ქართული ოცნების“ ერთ-ერთმა მხარდამჭერმა, გაღიზიანებულმა იმით, რომ აქტივისტების მიმართ მის შეურაცხმყოფელ ქცევას ჟურნალისტი ტელეფონით იღებდა, ლიკა ზაკაშვილს ხელში ჩაარტყა, თუმცა კი მობილური ვერ გააგდებინა. ამის მერე „ქართული ოცნების“ სხვა მხარდამჭერი ჟურნალისტს უკნიდან მიეპარა და შეაფურთხა.
„პუბლიკას“ გადაღებულ კადრებში კარგად ჩანან როგორც მოძალადე პირები, ისე პოლიციელები, რომელიც, ჟურნალისტის მიმართვის მიუხედავად, თავის მოვალეობას არ ასრულებენ.
მანამდე, იმავე ტერიტორიაზე, ბექა ოდიშარიამ, „ქართული ოცნების“ ყოფილმა დეპუტატმა, კითხვაზე საპასუხოდ სიტყვიერი შეურაცხყოფა მიაყენა „პუბლიკას“ ფოტოჟურნალისტს მინდია გაბაძეს. ამ ინციდენტის ამსახველი ვიდეო მინდია გაბაძემ ფეისბუქის პირად გვერდზე გაავრცელა.
ჟურნალისტების მიმართ ჩადენილი დანაშაულებისთვის დაუსჯელობა მოძალადე პირებს ახალისებს და სულ უფრო მეტი დანაშაულის ჩადენისკენ უბიძგებს. საქართველოს ჟურნალისტური ეთიკის ქარტია „ქართულ ოცნებას“ მოუწოდებს, წერტილი დაუსვას ამგვარ პრაქტიკას, პასუხისმგებლობა აიღოს და ჟურნალისტებისთვის უსაფრთხო სამუშაო გარემო უზრუნველყოს“- ნათქვამია ქარტიის განცხადებაში.
საქართველოს ჟურნალისტური ეთიკის ქარტია მოუწოდებს პროკურატურას, დაუყოვნებლივ გამოიძიოს ჟურნალისტისთვის ხელშეშლისა და მასზე ფიზიკური ძალადობის ფაქტი, რომელიც სისხლისსამართლებრივი დანაშაულის ნიშნებს შეიცავს.
ასევე, ქარტია მოუწოდებს შსს-ს გენერალურ ინსპექციას, შეისწავლოს იმ პოლიციელების ქმედებები, რომელმაც ადგილზე სამსახურებრივი გულგრილობა გამოიჩინეს და ჟურნალისტი არ დაიცვეს. ამ პირების იდენტიფიცირება არც პროკურატურასა და არც შსს-ს არ უნდა გაუჭირდეს.
თორნიკე ფაღავა „ოცნების“ საპარლამენტო სიის 103-ე ნომერი იყო 2024 წლის საპარლამენტო არჩევნებზე.
2024 წლის სექტემბერში საპარლამენტო უმრავლესობის ლიდერმა, მამუკა მდინარაძემ, ბათუმში საპარლამენტო სიის წარდგენისას, ვრცლად ისაუბრა თორნიკე ფაღავას შესახებ და შემდეგნაირად დაახასიათა ის: „თორნიკე ფაღავა, ახალგაზრდა კაცი, ბათუმელი, პროფესიონალი იურისტი, რომელიც ჩვენთან მუშაობდა „ქართული ოცნების“ ფრაქციაში“.
„ოცნების“ ერთპარტიულ პარლამენტში სწორედ მდინარაძის ადგილის გათავისუფლების შემდეგ შევიდა თორნიკე ფაღავა. მამუკა მდინარაძემ „ოცნების“ პარლამენტი მას შემდეგ დატოვა, რაც ის არალეგიტიმურმა მთავრობამ „სუსის“ უფროსად აირჩია.
„ბათუმელების“ ინფორმაციით, წელს, ადგილობრივი თვითმმართველობის არჩევნებზე, თორნიკე ფაღავა „ოცნების“ მერობის კანდიდატად განიხილებოდა, თუმცა საბოლოოდ „ოცნებამ“ გიორგი ცინცაძეზე შეაჩერა არჩევანი.
32 წლის თორნიკე ფაღავა პროფესიით იურისტია, საჯარო მმართველობის მაგისტრი. იგი 2025 წლის 5 აგვისტომდე ფლობდა წილებს ორ სამშენებლო კომპანიაში.
უკრაინის შეიარაღებული ძალების გენერალური შტაბის დღევანდელი მონაცემებით, ომის დაწყებიდან 2025 წლის 4 სექტემბრამდე პერიოდში, რუსეთის არმიის საბრძოლო დანაკარგი არის:
ცოცხალი ძალა – დაახლოებით 1 085 410 ადამიანი [გასულ დღე-ღამეში +840]
ტანკი – 11 157 ერთეული [+0]
ჯავშანტექნიკა – 23 241 ერთეული [+4]
საარტილერიო სისტემა – 32 385 ერთეული [+43]
MLRS – 1 479 ერთეული [+2]
საზენიტო საბრძოლო სისტემა – 1 215 ერთეული [+2]
თვითმფრინავი – 422 ერთეული [+0]
ვერტმფრენი – 341 ერთეული [+0]
უპილოტო საფრენი აპარატის ოპერატიულ-ტაქტიკური დონე – 56 045 ერთეული [+261]
ფრთოსანი რაკეტა [ჩამოაგდეს] – 3 686 ერთეული [+22]
გემი/ნავი – 28 ერთეული [+0]
წყალქვეშა ნავი – 1 ერთეული [+0]
მანქანები და საწვავის ავზები – 60 692 ერთეული [+92]
სპეცტექნიკა – 3 956 ერთეული [+0]
უკრაინის გენერალური შტაბის განცხადებით, საომარი მოქმედებების მაღალი ინტენსივობის გამო მონაცემები იცვლება.
უკრაინის სამხედრო დანაკარგებზე ინფორმაცია განაახლა რუსეთმაც.
რუსეთის თავდაცვის სამინისტროს მიერ გავრცელებული მონაცემებით, ომის დაწყებიდან 2025 წლის 4 სექტემბრამდე პერიოდში სულ განადგურებულია უკრაინის:
666 თვითმფრინავი
283 ვერტმფრენი
81 599 უპილოტო საფრენი აპარატი
627 საზენიტო სარაკეტო სისტემა
24 947 ტანკი და სხვა ჯავშანტექნიკა
1 589 მრავალჯერადი სარაკეტო გამშვები
29 229 საველე არტილერია და ნაღმმტყორცნი
41 021 სპეციალური სამხედრო მანქანა
რუსეთის თავდაცვა, ამ მონაცემებთან ერთად, უკრაინის არმიის ცოცხალი ძალის დანაკარგების შესახებ სტატისტიკას არ აქვეყნებს.
ეს ის მონაცემებია, რომელსაც უკრაინა და რუსეთი ოფიციალურად ავრცელებენ, თუმცა ომის პირობებში შეუძლებელია ზუსტად გადამოწმება, რამდენად შეესაბამება მხარეების მიერ გავრცელებული ინფორმაცია დანაკარგების შესახებ რეალურ რიცხვებს.
—
რუსეთი უკრაინაში 2022 წლის 24 თებერვალს გამთენიისას შეიჭრა და სრულმასშტაბიანი ომი დაიწყო.
ირაკლი დგებუაძე, რომელიც მზია ამაღლობელს დაკავების შემდეგ, პოლიციის შენობაში, არაერთი პოლიციელის თანდასწრებით, არაადამიანურად მოექცა, ბათუმის პოლიციის უფროსი აღარ არის.
„ბათუმელების“ ინფორმაციით, ირაკლი დგებუაძე თბილისში გადაიყვანეს და იგი პოლიციის ატაშეების ხელმძღვანელი გახდა. ბათუმის პოლიციის უფროსის მოვალეობას ამ დროისთვის გოჩა ვანაძე ასრულებს. ის ირაკლი დგებუაძის მოადგილე იყო და ცრუ მოწმე „მზია ამაღლობელის საქმეში“.
„ბათუმელებს“ საკადრო ცვლილების შესახებ ინფორმაცია შსს-ს პრესცენტრიდან ამ დრომდე არ მოაწოდეს.
ირაკლი დგებუაძედაზარალებულად ცნობილი პირია „მზია ამაღლობელის საქმეში“ – ბათუმის პოლიციის უფროსის თქმით, სილის გაწვნის შედეგად მან ტკივილი განიცადა. „ბათუმელების“ მიერ გადაღებულ ვიდეოკადრებში ჩანს, რომ მზია ამაღლობელს დაკავების დროს ირაკლი დგებუაძე აგინებს და ემუქრება.
მზია ამაღლობელის თქმით, დაკავების შემდეგ პოლიციის დეპარტამენტის შენობაში ირაკლი დგებუაძემ მას სახეში შეაფურთხა, ასევე არ აძლევდა წყლის დალევის და ტუალეტით სარგებლობის საშუალებას. პოლიციის უფროსის მხრიდან არაადამიანური მოპყრობის შემთხვევა პროკურატურამ არ გამოიძია.
პროევროპულ აქციებზე დაკავებული არაერთი სხვა პირი ადანაშაულებდა ირაკლი დგებუაძეს ფიზიკურ ძალადობასა და არაადამიანურ მოპყრობაში. არც ერთი ეს შემთხვევა პროკურატურას არ გამოუძიებია.
განახლებული ინფორმაცია:
სტატიის გამოქვეყნების შემდეგ “ბათუმელებს” შინაგან საქმეთა სამინისტროში დაუდასტურეს, რომ ირაკლი დგებუაძე ბათუმის პოლიციის უფროსი აღარ არის.
შსს-ს ინფორმაციით ის ცენტრალური კრიმინალური პოლიციის დეპარტამენტის სამართალდაცვით სფეროში საერთაშორისო თანამშრომლობის ცენტრის უფროსად გადაიყვანეს.
ჯერჯერობით შსს-ს არ გაუვრცელებია ინფორმაცია თუ ვინ იქნება ბათუმის პოლიციის ახალი უფროსი.
გარემოს ეროვნული სააგენტოს აჭარის რეგიონული ჰიდრომეტეოროლოგიური ობსერვატორიის ინფორმაციით, 3 სექტემბრის 21 საათიდან 4 სექტემბრის 21 საათამდე აჭარაში მოსალოდნელია დროგამოშვებით ღრუბლიანობის მომატება, ღამით ყველგან, დღისით კი ზოგან იწვიმებს. ღამით ზოგან შესაძლებელია ძლიერი წვიმაც.
იქროლებს დასავლეთის მიმართულების ქარი 10-15 მეტრი წამში.
ჰაერის ტემპერატურა სანაპირო ზოლსა და მთიან რაიონებში:
დღისით: 21 – 26 გრადუსი სითბო
ღამით: 15 – 20 გრადუსი სითბო
მაღალმთიან ზონაში:
დღისით: 18 – 23 გრადუსი სითბო
ღამით: 5 – 10 გრადუსი სითბო
ზღვის ღელვა 3-4 ბალი იქნება, ზღვის წყლის ტემპერატურა +27 გრადუსია.
სინოპტიკოსების ცნობით, აჭარაში 5 სექტემბერს გამოიდარებს.
სინდისის 11 პატიმარს 2-2 წლით თავისუფლების აღკვეთა მიუსაჯეს. გადაწყვეტილება მოსამართლე ნინო გალუსტაშვილმა დღეს, 3 სექტემბერს მიიღო.
ანდრო ჭიჭინაძეს, ონისე ცხადაძეს, გურამ მირცხულავას, ლუკა ჯაბუას, ჯანო არჩაიას, რუსლან სივაკოვს, ვალერი თეთრაშვილს, გიორგი ტერიშვილის, ირაკლი ქერაშვილის, რევაზ კიკნაძეს და სერგეი კუხარჩუკს პროკურატურა სსკ 225-ე მუხლის მეორე ნაწილით გათვალისწინებული დანაშაულის ჩადენაში სდებდა ბრალს, რაც გულისხმობს ჯგუფურ ძალადობაში მონაწილეობას. აღნიშნული მუხლი სასჯელის სახედ და ზომად 4-დან 6 წლამდე ვადით თავისუფლების აღკვეთას ითვალისწინებს.
მოსამართლემ სინდისის პატიმრების საქმეზე ბრალდებას კვალიფიკაცია შეუცვალა და ისინი სსკ-ის 226-ე მუხლით გაასამართლა, რაც გულისხმობს ჯგუფური მოქმედების ორგანიზებას, რაც არღვევს საზოგადოებრვ წესრიგს.
სინდისის კიდევ 8 პატიმარი მოსამართლე თამარ მჭედლიშვილმა გუშინ, 2 სექტემბერს გაასამართლა. ამ საქმეში მოსამართლემ ბრალდებას კვალიფიკაცია შეცვალა.
პროევროპულ აქციებზე დაკავებული 11 პირის საქმის განხილვა დღეს, 3 სექტემბერს დასრულდა თბილისის საქალაქო სასამართლოში.
თავიანთი დასკვნითი სიტყვები თქვეს ბრალდებულებმა.
„ბათუმელები“ გთავაზობთ სინდისის პატიმრის, ონისე ცხადაძის დასკვნით სიტყვას, რომელიც მისმა ძმამ, სანდრო ცხადაძემ გამოაქვეყნა.
ონისე ცხადაძე: „მე არ ვაღიარებ აღნიშნულ ბრალდებას, ვინაიდან ვერ დგინდება და ვერც დადგინდება რაიმე სახის კავშირი ჩემსა და სხვა ბრალდებულებს შორის. ვერ დგინდება და ვერც დადგინდება რაიმე სახის კავშირი ჩვენსა და ამ საქმის ე.წ. ორგანიზატორებს შორის, რომელთა ბრალდებაც ასევე აბსურდულია.
კავშირი ვერ დგინდება, რადგან ჩვენ არა თუ არ ვიცნობდით ერთმანეთს, არამედ არც ერთ სოციალურ ქსელში ერთმანეთის არც მეგობრები ვართ, არც გამომწერები, დიდი ალბათობით, ქუჩაშიც კი არ ჩაგვივლია ერთმანეთის გვერდით ოდესმე და ერთმანეთისთვის თვალიც კი არ მოგვიკრავს სადმე, იქამდე, ვიდრე ამ საბრალდებო სკამზე არ აღმოვჩნდებოდით.
ასეთი პირობებში კი, ბატონო მოსამართლევ, ეს ბრალდება მინდა აგიხსნათ ერთი მაგალითით. მე სკოლა დავამთავრე 2014 წელს. მას შემდეგ, ყოველ წელს, 11 წლის განმავლობაში, ადამიანები რომლებიც 12 წელი ერთად ვიზრდებოდით ვცდილობთ რომ შევიკრიბოთ და ვერ შევიკრიბეთ, ვერ დავორგანიზდით. მიუხედავად იმისა, რომ ამ საქმისგან განსხვავებით, ჩვენი შეკრების მსურველი ბევრია და ორგანიზატორიც.
ამიტომ, ბატონო მოსამართლევ, თქვენ როგორ წარმოგიდგენიათ ორგანიზებული ჯგუფური დანაშაული იმ პირების მონაწილეობით, რომელთა შორის არანაირი კავშირი არ არსებობს?
გარდა ამ ყველაფრისა, ამ საქმეს არ ჰყავს დაზარალებული. მიუხედავად იმისა, რომ აქ მოწმედ იყო მოსული რამდენიმე პოლიციელი, მერიის თანამშრომელი, პარლამენტის თანამშრომელი, არც ერთ მათგან არ უთქვამს, რომ დააზარალა აქ მყოფმა რომელიმე ბრალდებულმა. ისინი ამბობდნენ – არ დამინახავს, არ ვიცი. და, საერთოდ, აქ არ მოსულა არცერთი იმ დღეს დაზარალებული მოწმე, რომელ დღესაც მე მედავებით.
მე, ასევე, მინდა აღვნიშნო პოლიციელების ქმედებები, რომლებიც აქ წარმოდგენილ ვიდეოებშიც ჩანდა. იქ პოლიციელების მხრიდან იყო საშინელი შეურაცხყოფები.
იყო ნივთების სროლა მათი მხრიდან, გინება, შეურაცხმყოფელი ჟესტიკულაციები. გვემუქრებოდნენ როგორც მოკვლით, ასევე ისეთი ქმედებით, რომლის განხორციელების შემთხვევაში, ნამდვილად უნდა გათხოვდეს მამაკაცი.
საბედნიეროდ, მე ისევ ცოლის მოყვანას ვაპირებ.
რაც შეეხება მუხლის გადაკვალიფიცირებას, არც მაგას ვეთანხმები და ეგ ადვოკატებმა პუნქტებად ჩამოგიყალიბეს, აგიხსნეს.
ამიტომ გრჩებათ ორი ვარიანტი. იმ ორიდან კი ერთადერთი სწორი, რომ გახსნათ ეს წყეული, მონჯღრეული კარი, რომელიც, ალბათ, ცოდვებისგანაა ასეთ დღეში ჩავარდნილი და გაგვიშვათ აქედან, ანუ გაგვამართლოთ.
ახლა გადავალ ჩემი დასკვნითი სიტყვის მეორე ნაწილზე, რომელიც იმდენად ძვირფასია ჩემთვის, რომ სახელი დავარქვი.
მია. გოგოა. მია ანუ მადლობა იდეალურ ადვოკატებს. ეს ნაწილი ძვირფასია ჩემთვის, რადგან ვეცადე მასში რამდენიმე ემოცია გამომეხატა, ამიტომ მინდა გთხოვოთ თავი შეიკავოთ ნებისმიერი ემოციისგან, რათა მოსამართლემ სხდომა არ დახუროს.
პირველ რიგში, მიყვარხართ ყველა, ვინც იბრძვით არა პირადი ინტერესებისთვის, არამედ სამშობლოს უკეთესი მომავლისთვის. ამ დარბაზშიც და ამ დარბაზს მიღმაც. რა გადაწყვეტილებაც არ უნდა გამოაცხადოს მოსამართლემ, მიიღეთ ის მშვიდად.
თავი აწიეთ და იარეთ ამაყად, რადგან ჩვენ ისტორიულ მომენტში სწორ მხარეს ვდგავართ. თანაც როგორ ისტორიულ მომენტში.
ჩვენ შესაძლოა მალე მოვესწროთ ბოროტების იმპერიის დაცემას. გამარჯვება უკრაინას! დიდება საქართველოს! დიდება გმირებს!
მადლობა მინდა ვუთხრა ადვოკატებს, როგორც ჩემსას, ასევე სხვებისას და ასევე საზოგადოებრივ ადვოკატებსაც, იმისთვის, რომ ხართ ღირსეული ადამიანები და მოიქეცით ისე, როგორც მოიქეცით.
არ მეშინია არაფრის რაც საფრთხეს შეუქმნის ჩემს ფიზიკურ თავისუფლებას, ჩემს ჯანმრთელობას ან თუნდაც სიცოცხლეს. მე სხვა რაღაცების უფრო მეშინია.
მეშინია ვინმე არ დავჩაგრო, ვინმეს რამე არ წავართვა, არ დავამცირო, არ მოვატყუო. იმისთვის რომ ასეთი შიშები მაქვს, მადლობა მინდა ვუთხრა ჩემს მშობლებს, ჩემს ძმას, ჩემს ოჯახს, მეგობრებს. მადლობა თქვენ, მადლობა ყველა იმ ადამიანს ვისაც მსგავსი შიშები აწუხებს და აქვე მადლობა ადვოკატებს, იმისთვის, რომ კიდევ უფრო მეტი ადამიანისთვის ჩამოხსენით ფარდა ამ სასამართლოს.
ონისე ცხადაძე
ეს სასამართლო არაფრით არ განსხვავდება საბჭოთა სასამართლოსგან.
განსხვავება მხოლოდ კანონებშია. დღეს რომ დახვრეტა იყოს, თქვენ აუცილებლად გაიმეტებდით ადამიანებს სასიკვდილოდ, რადგან მოსამართლეები არა სამართალს, არამედ კონკრეტული პოლიტიკოსების კონკრეტულ ინტერესებს ემსახურებიან.
ამაზე მეტყველებს თქვენი სუფთა სტატისტიკაც. ექვსი გამამტყუნებელი და არც ერთი გამამართლებელი გადაწყვეტილება.
თუ მართალი არ ვარ, მაშინ ერთხელ მაინც უთხარით ირაკლი კობახიძეს, მამუკა მდინარაძეს, შალვა პაპუაშვილს, გია ვოლსკსის – „არ მაინტერესებს რას ამბობთ ამ საქმეზე, ფეხებზე მკიდია თქვენი განცხადებები“.
უთხარით ეს ხმამაღლაც და გამამართლებელი გადაწყვეტილებითაც.
თქვენ ციხეში გაუშვით დავით ხომერიკი, მათე დევიძე და გიორგი მინდაძე. სამივე მათგანს ეტყობა, როგორი კარგი ადამიანები არიან, თუმცა მე მინდა გესაუბროთ გიორგი მინდაძეზე, რადგან მასთან ერთად ერთ საკანში მომიწია ყოფნა და ახლოს გავიცანი. გიორგი მინდაძე არის 22 წლის, დიდი ტანის მქონე ცელქი ბავშვი, რომელსაც ყველაფერი გამოსდის, რის გაკეთებასაც მოინდომებს და იმის მაგივრად, რომ ასეთ ადამიანებს სახელმწიფო დაეხმაროს განვითარებაში, საკუთარი თავის და შესაძლებლობების პოვნაში, ციხეში უშვებს.
არ შემიძლია არ შევეხო მზია ამაღლობელის საქმეს, რადგან მისი განაჩენი არ არის მხოლოდ იმ მოსამართლის გამოტანილი. ეს განაჩენი გამოიტანა ქართულმა სასამართლომ და გეხებათ მათ შორის თქვენც. ამიტომ მე მინდა მოგიყვეთ ერთი ამბავი იმისთვის, რომ გაგაგებინოთ რა ადამიანს გაუკეთეს ეს ყველაფერი.
დაკავებიდან დაახლოებით თვე-ნახევარში გადავწყვიტე დამეწყო შიმშილობა, თუმცა ამის შესახებ არ მითქვამს არავისთვის. არც ციხის ადმინისტრაციისთვის, არც ოჯახისთვის, არც ადვოკატისთვის. ჯერ მაინტერესებდა თუ შევძლებდი. არ მინდოდა პოპულიზმი გამომსვლოდა. მეორე დღესვე, საღამოს, ვიგრძენი საშინელი სისუსტე, თითქოს მთელი სხეული მტკიოდა და გადავწყვიტე ეს არ გამეკეთებინა. ეს ვერ შევძელი მე, 29 წლის ბიჭმა.
მზია ამაღლობელმა კი იშიმშილა 39 დღე და მას დასცინოდნენ ადამიანები, რომლებსაც საუზმეს, სადილს და ვახშამს შორის კიდევ რაღაცები აქვთ ჩამატებული, რადგან გაძღომას ვერ იგებენ.
მონანიებას ითხოვდნენ ადამიანები, რომლებიც სკამიდან ვერ დგებიან, ადამიანისგან, რომელიც ერთხელ არ დამჯდარა საბრალდებო სკამზე და პროტესტის ნიშნად საათობით იდგა ფეხზე.
ამიტომ ყველამ მინდა იცოდეს, შეიძლება ერთ დღეს დაიბადოს ფეხბურთელი, რომელიც 9 ოქროს ბურთს მოიგებს, მაგრამ, იცოდეთ, რომ მზია ამაღლობელზე მაგარი ადამიანი აღარ დაიბადება.
ისე კი ის მართლა რეალური საფრთხეა, რომ ერთ დღეს ირაკლი დგებუაძე გათხოვდეს.
მადლობა ყველას ვინც ერთი თეთრით მაინც დაგვხმარებია და მადლობა ყველას ვინც აორგანიზებდა ამ მხარდაჭერას.
რა გადაწყვეტილებაც არ უნდა გამოიტანოთ ამ საქმეზე, ეს დიდად არაფერს ცვლის.
ქვეყანაში, სადაც მოკლეს ილია ჭავჭავაძე, მიხეილ ჯავახიშვილი, ტიციან ტაბიძე, სანდრო ახმეტელი… ონისე ცხადაძის ციხეში ყოფნა დიდი ვერაფერი ამბავია, თუმცა თქვენ უნდა გესმოდეთ, რომ ამ პროცესის განგრძობადობა მიგვიყვანს ისეთ სახელმწიფომდე, სადაც ისევ მოკლავდნენ ილია ჭავჭავაძეს, მიხეილ ჯავახიშვილს, სანდრო ახმეტელს, ზვიად გამსახურდიას, მერაბ კოსტავას და კიდევ უამრავ გენიალურ ადამიანს.
საშიში არ არის ჩემთვის რამდენიმე წლის ციხეში გატარება, საშიშია, როდესაც ქუჩაში მიდიხარ და არ იცი თავში რა დაგეცემა. საშიშია, როდესაც ოკუპირებული ტერიტორიიდან დევნილი კაცი ქუჩაში თავს დაიწვავს სახელმწიფოსგან ყურადღების მისაქცევად. საშიშია, როდესაც ბავშვს გარეთ გაუშვებ და უკან ვერ დაბრუნდება, რადგან სადღაც დენმა დაარტყა, სადღაც ჩავარდა…
პროპაგანდისტები ხშირად მაბრალებდნენ ბავშვები რევოლუციაზე მიჰყავდაო. აქამდე ამ ამბავზე კონკრეტული მიზეზების გამო არაფერს ვამბობდი, თუმცა ახლა უნდა ვთქვა, რომ ეს სიმართლე არ არის და გეტყვით რაც არის სიმართლე.
28 ნოემბრის განცხადებამდე ჩემთვის ძალიან შემაშფოთებელი იყო ის ამბავი, რომ ისტორიის საგამოცდო პროგრამიდან ამოიღეს რუსეთის წინააღმდეგ ქართველთა აჯანყების ფაქტები, ხოლო ლიტერატურიდან – „ბედნიერი ერი“, „ჯაყოს ხიზნები“, „მგზავრის წერილები“ და სხვა ისეთი ლიტერატურული ნაწარმოებები, რომლებიც ჩვენი ერის იდენტობის შესანარჩუნებლად აუცილებელია.
მაშინ ბავშვებისთვის მინდოდა მეთქვა, მიუხედავად აღნიშნული ცუდი ფაქტისა, მაინც ესწავლათ ეს ყველაფერი და ვინაიდან მაშინ ვერ შევძელი, ახლა გეტყვით იმავეს:
ისწავლეთ ჩვენი ქვეყნის ისტორია, იკითხეთ ქართული ლიტერატურა. ისწავლეთ, იკითხეთ, იშრომეთ თავდაუზოგავად და მაშინ მიხვდებით რისთვის ვიბრძვით, როდესაც თქვენს ცოდნას, ნიჭს და თავდაუზოგავ შრომას უნიჭო უსაქმურთა მლიქვნელობა გადაასწრებს. თუმცა თქვენ მაინც არ გაჩერდეთ.
უფრო მეტად იშრომეთ და ყველაფერს მიაღწევთ. ზოგიერთი თქვენგანი გახდება კარგი იურისტი, ადვოკატი (აქვე მადლობა ჩვენს ადვოკატებს), ზოგიერთი თქვენგანი გახდება კარგი ეკონომისტი, წარმატებული ბიზნესმენი, მასწავლებელი. მსოფლიო დონის ფეხბურთელი, კალათბურთელი… თუმცა რასაც არ უნდა მიაღწიოთ, ხანდახან გადმოდით თქვენი ძვირადღირებული მანქანებიდან, ქუჩაში ფეხით გაიარეთ და ნახეთ, იქნებ ყველაფერი ისე არ არის, როგორც ეს თქვენი ძვირადღირებული მანქანებიდან ჩანს.
იქნებ ბევრ ადამიანს უჭირს და ცუდად ცხოვრობს თქვენგან განსხვავებით. მადლობა წინასწარ ყველას, ვინც ჩემს ამ რჩევას გაითვალისწინებს და მადლობა ადვოკატებს, რომ მსგავსი რჩევა არ დაგჭირდათ.
მადლობა მედიას, პრესას, თეატრს, კულტურას.
მადლობა ყველა იმ სასულიერო პირს, რომლებიც იმდენად სუფთად გადიან ღვთისმსახურებას, რომ სიმართლის საუბარი არ უჭირთ. მადლობა პროკურატურასაც ერთადერთი რამისთვის. მადლობა, რომ ეს ადამიანები გამაცანით და კიდევ ერთი მადლობა ადვოკატებს.
აქვე მინდა გითხრათ, იმ შემთხვევაში თუ ამ საქმეზე არასამართლიანი გადაწყვეტილება იქნება მიღებული, პირობას გაძლევთ საკანში დაბრუნებისთანავე დავიწყებ ციხის დეტალურად აღწერას, რათა როცა ამის დრო მოვა, გაგაცნოთ, რომ იცოდეთ რა პირობები დაგხვდებათ იქ.
ოღონდ თქვენ მე არ დაგიჭერთ, თქვენი დაგიჭერთ ქართველი ხალხი, სამართლიანი სასამართლო და თავისუფალი პროკურატურა. მე, პირიქით, ხელს შეგიწყობთ და საუკეთესო ადვოკატებს გირჩევთ. აი, მაგალითად, ბატონი ვაჟა და ბატონი ირაკლი ჩომახაშვილი ძალიან კარგად უგებენ ერთმანეთს.
ბატონო ირაკლი, რო რამე იყოს, დაიცავთ ვაჟა თოდუას ინტერესებს?
მადლობა პერსონალურად ირაკლი ჩომახაშვილს.
ხოლო რაც შეეხება ბატონ ვახტანგს, ის ძალიან ხშირად იხედება ჭერში და აშკარად ღმერთს ეძებს. იმედი მაქვს, მალე იპოვის, რადგან ბატონ ვახტანგს მხოლოდ ღმერთი თუ დაიცავს.
ღმერთი ვახსენე და არ შემიძლია არ ვთქვა. მადლობა ღმერთს, რომ არსებობთ თქვენ და მადლობა ადვოკატებს, რომ გვწამს ღმერთის, რადგან თქვენ ყველანაირად დაამტკიცეთ ჩვენი სიმართლე. მაგრამ ყველა ერთად, ღმერთის იმედად ვართ დარჩენილები.
ირაკლი ღარიბაშვილმა პოლიტიკიდან წასვლისას 7 მადლობა გადაუხადა ბიძინა ივანიშვილს. მე, უკვე, 8 მადლობა გადავუხადე ადვოკატებს, თუმცა მინდა დავამრგვალო და კიდევ ორ მადლობას გადავუხდი ადვოკატებს. მადლობა ადვოკატებს, მადლობა ადვოკატებს. ეს 12 გამოვიდა, ამიტომ ბარემ ოცამდე ავიყვან. მადლობა ადვოკატებს, მადლობა ადვოკატებს მადლობა ადვოკატებს… მადლობა ადვოკატებს.
მადლობა გიორგი ახობაძეს, თედო აბრამოვს, თემურ ქათამაძეს, ნიკოლოზ კაციას.
სოლიდარობა და თავისუფლება მზია ამაღლობელს, ნინო დათაშვილს, ირაკლი მიმინოშვილს, ზვიად ცეცხლაძეს, გიორგი გორგაძეს, ნიკოლოზ ჯავახიშვილს, ინსაფ ალიევს, ვეფხია კასრაძეს, გიორგი ოკმელაშვილს, მათე დევიძეს, გიორგი მინდაძეს, დავით ხომერიკს, ანატოლი გიგაურს, ანტონ ჩეჩინს, საბა ჯიქიას და ყველა სინდისის პატიმარს.
სოლიდარობა და თავისუფლება ყველა უკანონოდ დაკავებულ პოლიტიკოსს.
და ბოლოს, მინდა დავასრულო ჩემს ხელს არსებული ძალიან სანდო და სასიხარულო ინფორმაციით. გავიგე, რომ იმ შემთხვევაში თუ უვიზო მიმოსვლას შევინარჩუნებთ, პროკურორებს ერთმანეთი შეუყვარდებათ და დაქორწინდებიან. ამიტომ, ბატონო ვაჟა, ბატონო ვახტანგ, შეგიძლიათ აკოცოთ ერთმანეთს”.
3 სექტემბერს, სინდისის 11 პატიმარს, ანდრო ჭიჭინაძეს, ონისე ცხადაძეს, გურამ მირცხულავას, ლუკა ჯაბუას, ჯანო არჩაიას, რუსლან სივაკოვს, ვალერი თეთრაშვილს, გიორგი ტერიშვილის, ირაკლი ქერაშვილის, რევაზ კიკნაძეს და სერგეი კუხარჩუკს, მოსამართლე ნინო გალუსტაშვილმა 2-2 წლით თავისუფლების აღკვეთა მიუსაჯა.
სინდისის პატიმარმა, ონისე ცხადაძემ თავის დასკვნით სიტყვაში დღეს, 3 სექტემბერს, ისაუბრა მზია ამაღლობელზეც. მზია ამაღლობელიგამოცემა „ბათუმელების“ და „ნეტგაზეთის“ დამფუძნებელი და დირექტორია. ის უკვე 8 თვე უკანონო პატიმრობაშია.
„არ შემიძლია არ შევეხო მზია ამაღლობელის საქმეს, რადგან მისი განაჩენი არ არის მხოლოდ იმ მოსამართლის გამოტანილი. ეს განაჩენი გამოიტანა ქართულმა სასამართლომ და გეხებათ მათ შორის თქვენც. ამიტომ მე მინდა მოგიყვეთ ერთი ამბავი იმისთვის, რომ გაგაგებინოთ რა ადამიანს გაუკეთეს ეს ყველაფერი.
დაკავებიდან დაახლოებით თვე-ნახევარში გადავწყვიტე დამეწყო შიმშილობა, თუმცა ამის შესახებ არ მითქვამს არავისთვის: არც ციხის ადმინისტრაციისთვის, არც ოჯახისთვის, არც ადვოკატისთვის. ჯერ მაინტერესებდა, თუ შევძლებდი. არ მინდოდა პოპულიზმი გამომსვლოდა. მეორე დღესვე, საღამოს, ვიგრძენი საშინელი სისუსტე, თითქოს მთელი სხეული მტკიოდა და გადავწყვიტე, ეს არ გამეკეთებინა. ეს ვერ შევძელი მე, 29 წლის ბიჭმა.
მზია ამაღლობელმა კი იშიმშილა 39 დღე და მას დასცინოდნენ ადამიანები, რომლებსაც საუზმეს, სადილს და ვახშამს შორის კიდევ რაღაცები აქვთ ჩამატებული, რადგან გაძღომას ვერ იგებენ.
მონანიებას ითხოვდნენ ადამიანები, რომლებიც სკამიდან ვერ დგებიან, ადამიანისგან, რომელიც ერთხელ არ დამჯდარა საბრალდებო სკამზე და პროტესტის ნიშნად საათობით იდგა ფეხზე.
ამიტომ ყველამ მინდა იცოდეს, შეიძლება ერთ დღეს დაიბადოს ფეხბურთელი, რომელიც 9 ოქროს ბურთს მოიგებს, მაგრამ, იცოდეთ, რომ მზია ამაღლობელზე მაგარი ადამიანი აღარ დაიბადება. ისე კი ის მართლა რეალური საფრთხეა, რომ ერთ დღეს ირაკლი დგებუაძე გათხოვდეს,“ – განაცხადა ონისე ცხადაძემ.
ვრცლად სინდისის პატიმრების სიტყვებსა და დასკვნითი პროცესის მიმდინარეობას შეგიძლიათ გაეცნოთ „ნეტგაზეთის“ Live-ბლოგზე.
ბათუმის დრამატული თეატრის მსახიობი ტიტე კომახიძე ფეისბუქზე წერს, რომ ხვალ, 4 სექტემბერს, ბათუმის დრამატულ თეატრში დასი შეიკრიბება და თეატრის მსახიობები მოუთმენლად ელიან ამ შეკრებას. ტიტე კომახიძე წერს, რომ ბათუმის დრამატული თეატრის მსახიობის, ოთარ [ოთო] ქათამაძის გარდაცვალება თეატრის ხელმძღვანელობას „გულთან არ მიუტანია“ და ამას მათი საქციელი აჩვენებს.
„ერთი დღე დარჩა თეატრის დასის შეკრებამდე. ერთი კვირაც არ გასულა ოთო ქათამაძის დაკრძალვიდან. მე მოუთმენლად ველოდები შეკრებას და იმედია ჩემი კოლეგებიც.
უამრავი კითხვა დამიგროვდა. ხანდახან რომ ვფიქრობ, ღირსებააყრილ ადამიანად ვგრძნობ თავს, მიტოვებულ და გაუბედურებულ მასხარად. დიახ, გაუბედურებულ მასხარად, რომელიც აღარავის აღარ სჭირდება, ყველამ დაივიწყა შიშის გამო, თითქოს ეშინიათ საბანი არ გადახადონ და ნეხვით შეფუთული სითბო და სიმყუდროვე არ დაურღვიონ. ამიტომ უმჯობესია „იდოს“ სადმე კუთხეში და როცა მათი შიშის მთესველს გაახსენდება, ფეხს მიკრავს, რომ შეამოწმოს ცოცხალია თუ მკვდარი, კიდევ გამოადგება თუ არა, მაშინ ამოსძახონ საპასუხოდ ექოსავით, რომ ცოცხალია და კვლავაც მის სამსახურში.
მოკლედ ბევრი რომ არ ვიფილოსოფოსო, შეკრება მოახლოვდა და მჯერა ჩემი კოლეგები აუცილებლად მოითხოვენ პასუხს იმ უპრეცედენტო საქციელის გამო, რაც ჩვენს თეატრს დაატყდა თავს. ერთი უბედურება ისაა, რომ ახალგაზრდა კოლეგა გარდაგვეცვალა და მეორე კიდე ის, რომ არავის ხელმძღვანელობიდან გულთან არ მიუტანია ეს ტკივილი.
შეიძლება მითხრან, რატო გგონია ასეო, კი არ მგონია?! საქციელმა დამანახა, თქვენმა საქციელმა, „ხელმძღვანელო მედროშეებო“.
ნუ მოწამლავთ იმ ჰაერს, რითაც ყველანი ვსუნთქავთ.
აბა, მეგობრებო, ნუ შეგეშინდებათ ნურავის და ნურაფრის, დავიცვათ ჩვენი პროფესიული ღირსება, ჩვენი თეატრი, უნიჭობისგან, უგულობისგან, უყურადღებობისგან, უპატივცემულობისგან, დაცინვისგან და, რაც მთავარია, ნგრევისგან. კი, ინგრევა ეს თეატრი შემოქმედებითად და სანამ ჩვენს სულებს გადასწვდებიან და მის ნგრევას შეუდგებიან, მოვეგოთ გონს. თორემ მერე სანანებელი გაგვიხდება ჩვენც და მომავალ თაობასაც.
ვაჩვენოთ ყველას, რომ ჯერ არ დაგვვიწყებია ჩვენი კოლეგა და არ გაგვნელებია ტკივილი, რომ ისევ ერთად ვართ მტრის ჯიბრზე და არა ცალ-ცალკე. რომ ისევ ჩვენია, ჩვენი შვილების და ბათუმელების ეს თეატრი და არავის მივცემთ იმის უფლებას, რომ თავზე დაგვაქციოს და საქილიკოდ აქციოს თეატრი, რომელმაც წლებს გაუძლო“, – წერს ტიტე კომახიძე ფეისბუქზე.
მსახიობი რამდენიმე დღის წინაც წერდა, რომ არ იცის, როგორ უნდა იყოს რეპეტიციაზე „იმ ადამიანთან, რომელსაც თეატრის მომავალი ანდეს და რომელსაც საერთოდ არ აინტერესებს, როგორ ხარ შენ – მსახიობი, კოლეგა“. ტიტე კომახიძე ასევე წერდა, რომ ნუკრი ქანთარია, რომელიც ბათუმის დრამატული თეატრის დირექტორი და ყოფილი სამხატვრო ხელმძღვანელია, არ დასწრებია თეატრის მსახიობის, ოთარ ქათამაძის დაკრძალვას.
პარლამენტის ყოფილი წევრი, დეპუტატი „ქართული ოცნებიდან“, ნუკრი ქანთარია ბათუმის დრამატული თეატრის სამხატვრო ხელმძღვანელად კონკურსის გარეშე დანიშნეს 2022 წელს. მისი დირექტორობის პერიოდში არაერთხელ იყო დაპირისპირება მსახიობებსა და მას შორის.
მაგალითად: 2024 წელს ნუკრი ქანთარიამ საყვედური გამოუცხადა მსახიობებს, პროევროპული პროტესტისას დაგეგმილ გაფიცვისკენ მოწოდებაში – ამ მსახიობებს შორის იყო ოთარ ქათამაძეც.
ასევე, 2025 წლის გაზაფხულზე ნუკრი ქანთარიამ 6 თვით შეუჩერა ხელფასიდრამატული თეატრის მსახიობს, მეგი კობალაძეს. ასევე, ნუკრი ქანთარიამ 2025 წლის მარტში სამსახურიდან გაათავისუფლა მსახიობი თორნიკე ბარამიძე, რომელიც პროევროპული აქციების მონაწილე იყო.
In the so-called “face masks’ case,” on September 3, former director of ISFED, Nino Dolidze, is testifying before a magistrate judge.
According to Dolidze, ISFED has never purchased anything for protests, and the face masks cited in the case brought against them under the investigation into “sabotage against the state” had in fact been bought for employees.
“For a long time now, we have been witnessing targeted actions against civil society — whether through smear campaigns against my organization or against me personally, or through legislative changes, such as the adoption of the Russian Law the first and second time, the so-called ‘Ivanishvili’s FARA,’ and so on. We have seen attempts at the legislative level to suppress civil society organizations, and this is yet another form of persecution. As an organization’s assets are frozen, it will struggle to function…
‘Fair Elections’ has never bought anything for protests. The face masks, which they are presumably questioning us about, were purchased for employees, because I had to ensure their safety. These people were defending human rights, conducting monitoring, and of course, as director, I was obligated to protect their rights,” Nino Dolidze stated before entering the courtroom.
დღეს, 3 სექტემბერს პოლიტპატიმარ საბა სხვიტარიძეს მოსამართლე ჯვებე ნაჭყებიამ 2 წლიანი პატიმრობა შეუფარდა.
განაჩენამდე საბა სხვიტარიძემ საბოლოო სიტყვით ისარგებლა და პირველ რიგში ყველა პოლიტპატიმარი მოიკითხა.
„პირველ რიგში მინდა მოვიკითხო სინდისის პატიმრები და რეჟიმის ტყვე პოლიტიკური ლიდერები. გამძლეობას და მხნეობას ვუსურვებ მათ. დღეს ასევე სინდისის 11 პატიმრის და ნიკა კაციას დასკვნითი პროცესებია. ვიმედოვნებ, მე თუ არა ისინი მაინც გავლენ თავისუფლებაზე. წარმატებას ვუსურვებ მათ.
მინდა მადლობა გადაგიხადოთ ყველას, ჩემს ოჯახს, ჩემს მეგობრებს, ჩემი პარტიის წევრებს, მედიებს, ხალხს და ჩემს ადვოკატებს ყველას დიდი მადლობა თანადგომისათვის.
ყველაზე ძლიერი მაშინ ვარ, როცა ჩემი ოჯახი მიმაგრებს ზურგს. ყველაზე ძლიერი მაშინ ვარ როცა ამდენი მეგობარი და გულშემატკივარი მყავს გვერდით. ყველაზე ძლიერი მაშინ ვარ როცა ჩემს უკან ჩემი ხალხის დგას. თქვენ მაძლევთ ძალას ბრძოლისთვის, თქვენ მაძლევთ ძალას ვიყო შეუპოვარი ამ ბრძოლაში, თუნდაც ბრძოლა მიწევდეს გისოსებიდან.
ჩვენ ყველას კარგად გვესმის, რომ გადაწყვეტილებები აქ ამ შენობაში არ მიიღება. ამიტომ მინდა გთხოვოთ, დღეს გამოცხადებულ განაჩენს შეხვდეთ ღირსეულად, რადგან მე ღირსეულად მივიღებ იმ განაჩენს რასაც რეჟიმი გამომიტანს.
არ ვაპირებ დავუჩოქო რეჟიმს. გთხოვთ, იყავით ძლიერები, როგორც არასდროს და არ მინდა თქვენს თვალებზე ცრემლი დავინახო,“ – თქვა შესავალში საბა სხვიტარიძემ.
შემდეგ კი დეტალურად გაიხსენა 4 დეკემბერს მომხდარი ამბის დეტალები და მოჰყვა რა მოხდა 5 დეკემბერს, როცა ის ზესტაფონისკენ მიმავალ გზაზე პოლიციელებმა დააკავეს და აწამეს.
„რაც შეეხება ჩემს ბრალს. დავიწყოთ იქიდან, რომ ოქმი რომლითაც პროკურატურა ხელმძღვანელობს არის ყალბი და იქ მითითებული გარემოებები არ ასახავს სიმართლეს. მე არც გამოკითხვაზე მივსულვარ ჩემი ნებით და არც ჩემი გამოცხადების დრო არ არის სწორად მითითებული.
მოგეხსენებათ, მე უკანონოდ აღმიკვეთეს თავისუფლება ზესტაფონში, ისე რომ არავის განუმარტავს რატომ მაკავებდნენ. ამას ადასტურებენ თავად ის პოლიციელები, რომლებიც ბრალდებამ წარადგინა და ამას ადასტურებს სპეციალური საგამოძიებო სამსახურის გამოკითხვა, სადაც დაზარალებულად ვარ ცნობილი.
ბრალდება ხელმძღვანელობს 30 წამიანი ვიდეოს საფუძველზე, რომლის წარმომავლობა უცნობია. არ ახლავს ექსპერტიზის დასკვნა, რომელიც დაადასტურებს რომ ვიდეოზე არსებული პიროვნება მე ვარ. არ ვიცით მონტაჟია თუ არა, წარდგენილ ვიდეოში არ ჩანს იქ მიმდინარე მოვლენების კონტექსტი.
დაცვის მხარემ წარადგინა არაერთი ვიდეო, სადაც ჩანს რომ იქ მყოფი ხალხის არის „ტიტუშკების“ თავდასხმის მსხვერპლი.
ნათლად ჩანს რომ თავად დაზარალებულიც ადასტურებს მირიან ქავთარაძის მხრიდან ძალადობას თეონა ჭალიძეზე და ისმის მირიან ქავთარაძის გინება ხალხის მიმართულებით, „ქორთიარდ მერიოტის“ ვიდეოებში კი ჩანს როგორ იტაცებენ ხალხს შავ სამოსში ჩაცმული „ტიტუშკები“.
აქედან გამომდინარე ნათელია თუ რა მოხდა 4 დეკემბერს „ქორთიარდ მერიოტთან“, ეს იყო ჯგუფური თავდასხმა „ტიტუშკების“ მხრიდან ჩვენს წინააღმდეგ.
ხოლო ბრალდების წარმოდგენილ ვიდეოში მთლიანად ამოგლეჯილია და მაბრალებს, რომ მე ხელჯოხით გადავადგილდებოდი, რომელიც ნივთმტკიცებადაც არ აქვს ამოღებული გამოძიებას და საერთოდ მისი არსებობის შესახებ არაფერი ვიცით.
შეგახსენებთ, რომ მე ვიყავი შეხვედრაზე „ქორთიარდ მერიოტში“ და როგორ ფიქრობთ ჯოხით დავდიოდი შენობაში?!
ეს ხომ აბსურდია, ჩვენს მიერ წარმოდგენილი სხვადასხვა რაკურსით გადაღებულ ვიდეოებში არსად არ ჩანს რომ მე რაიმე ჯოხისმაგვარი ნივთი მიჭირავს, მეტიც ინციდენტამდე და ინციდენტის მერეც რაც ქორთიარდ მერიოტის ვიდეოებში ჩანს, ვარ მშვიდად და ასევე მშვიდად ვტოვებ ტერიტორიას.
ბრალდებას არ ჰყავს არცერთი ნეიტრალური მოწმე წარმოდგენილი. წარმოდგენილი მოწმეები არიან პოლიციელები. მეტიც, წარმოდგენილი მოწმეები არიან დაზარალებული მირიან ქავთარაძის დაქვემდებარებაში მყოფი პოლიციელები, რომლებიც ერთ განყოფილებაში მუშაობენ, აქედან გამომდინარე მათი ჩვენებები ვერ ჩაითვლება ობიექტურად.
ბრალდების წარმოდგენილი მოწმეები ურთიერთსაწინააღმდეგო ჩვენებებს აძლევენ. ასევე ყველა მოწმის ჩვენება სასამართლოზე წინააღმდეგობაში მოდის გამოძიებისთვის მიცემულ თავიანთივე ჩვენებასთან.
გამოძიებისთვის მიცემულ ჩვენებაში ერთი და იგივე შეცდომა აქვს დაშვებული ყველა მოწმეს. მაგალითად: ჩვენებებში „ქორთიარდ მერიოტის“ ნაცვლად მითითებულია „თბილისი მერიოტი“, რაზეც გამომძიებელ სალომე ედიშერაშვილმა თქვა მექანიკური შეცდომა არისო.
ვთქვათ, მართლაც ასეა, გამოდის ყველა მოწმემ ერთი და იგივე შეცდომა დაუშვა.
გარდა ამისა მექანიკურ შეცდომად შეიძლება სახელი შეგეშალოს, მაგრამ პარლამენტის შენობაც, მისამართებიც – რუსთაველის გამზირი და თავისუფლების მოედანიც მექანიკურად შეეშალა ოთხივე მოწმეს?
ასევე მოწმეებს ჩვენებაში დეტალურად ვყავარ აღწერილი, არ გამორჩენიათ ჩემი კეხიანი ცხვირი, მაგრამ სასამართლოზე, სადაც წინ ვეჯექი, ვერცერთმა მოწმემ ვერ შეძლო ჩემი დახასიათება.
აქედან გამომდინარე, შეგვიძლია ვივარაუდოთ, რომ გამოძიებისთვის მიცემული ჩვენებები დაწერილია სხვის მიერ და არა მათი კარნახით. თვითონ დაზარალებული მირიან ქავთარაძე ამბობს, რომ მე არ დავუნახივარ. ერთ-ერთი მოწმე თუ არ ვცდები მიხეილ წიკლაური ამბობს, რომ მირიან ქავთარაძეს პირისპირ ვედექი და ისე ჩავარტყი ჯოხი, სხვა მოწმეების თქმით, ხალხში ვიდექი და ისე ჩავარტყი ჯოხი პოლიციელს.
გარდა იმისა, რომ ურთიერთგამომრიცხავია ეს ჩვენებები, ჩნდება კითხვა – თუ დაინახეს, რომ მე პოლიციელზე ვიძალადე, რატომ არ მოხდა ჩემი დაკავება ადგილზე?
„ქორთიარდ მერიოტის“ კამერებში ნათლად ჩანს, რომ ინციდენტის შემდეგაც იქ ვდგავარ შვიდად და როცა ხალხი მიდის მეც ამის შემდეგ ვტოვებ ტერიტორიას. გარდა ამისა თავად პროკურატურამ თქვა, რომ მე პოლიციელზე ძალადობა არ მიფიქსირდება, აქედან გამომდინარე ნათლად ჩანს, რომ მოწმეები იტყუებიან როცა ამბობენ, რომ „ქორთიარდ მერიოტთან“ აქცია მიმდინარეობდა და ამბობენ, რომ ბანერებით და საყვირებით მიხვდნენ რომ აქცია იყო.
წარმოდგენილ ვიდეოებს თუ გადავხედავთ დავინახავთ, რომ არავის არ უჭირავს ბანერი და საყვირი.
ეს კიდევ ერთი მაგალითია იმისა, რომ ბრალდების წარდგენილი მოწმეები ტყუიან სასამართლოს წინაშე. ასევე ტყუიან როცა ამბობენ რომ ისინი ოპერატიულ დავალებაზე იმყოფებოდნენ „ქორთიარდ მერიოტთან“ პირბადეებით და შავი სამოსით. ისინი იყვნენ პროვოკაციის მოსაწყობად და იქ მყოფებს თავს ესხმოდნენ, რაც არაერთ ვიდეოში ნათლად ჩანს.
მოგეხსენებათ, მე გატაცებისა და წამების მსხვერპლი ვარ რაშიც დაზარალებულად ვარ ცნობილი, თუმცა არცერთი მოძალადე არაა დასჯილი დღემდე.
ზესტაფონის გზაზე საპატრულო პოლიციამ გამაჩერა და ყოველგვარი ახსნა-განმარტების გარეშე დამადო ბორკილები. მამაჩემს ჩამოართვეს ტელეფონი, ადვოკატთან რომ არ დაერეკა მოვითხოვე სამხრე კამერების ჩართვა, არ ჩართეს კამერა, ამის შემდეგ გორის გზაზე „სოკარის“ ბენზინგასამართ სადგურთან დაგხვდნენ მიხეილ სუჯაშვილი, ვანო გაგაშელიშვილი, ლევან კუნდუხაშვილი, თორნიკე ჯაფარიძე და გადამსვეს მათ მანქანაში. ამის შემდეგ დაიწყო ჩემზე ზეწოლა, მუქარა და შეურაცხყოფა. მემუქრებოდნენ გაუპატიურებით. როცა თბილისში ჩამოვედით და განყოფილებაში შემიყვანეს, ამიყვანეს მეხუთე სართულზე, შემიყვანენს ერთ-ერთი პოლიციელის კაბინეტში – მიხეილ სუჯაშვილმა, ვანო გავაშელიშვილმა, ლევან კუნდუხაშვილმა და თორნიკე ჯაფარიძემ მომთხოვეს მეღიარებინა პოლიციელზე ძალადობა, თუ არ ვაღიარებდი მემუქრებოდნენ გაუპატიურებით და ცემით.
როდესაც მოვითხოვე ადვოკატი, ირონიულად გაეცინათ.
მიხეილ სუჯაშვილმა, თორნიკე ჯაფარიძემ, ვანო გავაშელიშვილმა და ლევან კუნდუხაშვილმა დაუძახეს სპეც-ეკიპირებაში ჩაცმულ 4 ნიღბიანს, უთხრეს მიხედეთო.
თვითონ გავიდნენ და კარი გარედან ჩაკეტეს, რა დროსაც დაიწყო ჩემი ცემა.
მირტყამდნენ თავში და გვერდებში იქამდე სანამ არ გავითიშე და ძირს არ დავეცი. ამის შემდეგ აგრძელებდნენ ჩემს ცემას, ბათინკებიან ფეხებს მირტყამდნენ გვერდებში და ხელებში.
გარკვეული დროის გასვლის შემდეგ იღება კარი და ისევ შემოდის მიხეილ სუჯაშვილი, თორნიკე ჯაფარიძე, ვანო გავაშელიშვილი და ლევან კუნდუხაშვილი ნიღბიანებს ეუბნებიან, რომ გავიდნენ და მსვამენ დივანზე.
მემუქრებიან, თუ არ ვაღიარებ ისევ დაუძახებენ მათ. ამ დროს გული მერევა და მაწვდიან პარკს სადაც ვაღებინე არაერთხელ. მოვითხოვე სასწრაფო და ადვოკატი, რაზეც უარი მითხრეს. გარკვეული დროის გასვლის შემდეგ ამიყვანეს მერვე სართულზე და ჩამაბარეს ჩემთვის უცნობ სამ ახალგაზრდა პოლიციელს, რომლებმაც ჯერ მიმიყვანეს უფროსის კაბინეტში სადაც მუქარა და სიტყვიერი შეურაცხყოფა განხორციელდა უფროსის მხრიდან და მეუბნებოდა, რომ უნდა მეღიარებინა ყველაფერი.
ამის შემდეგ შემიყვანეს გვერდზე მდებარე გამომძიებლის, სალომე ედიშერაშვილის ოთახში, სადაც იმყოფებოდა სალომე ედიშერაშვილი და „კიდევ ერთი გამომძიებელი კაცი“, რომელიც ჩემს დაზიანებებს აღწერდა.
მე ისევ შეუძლოდ ვგრძნობდი თავს, მოვიკითხე სასწრაფო და ადვოკატი, რაზეც ისევ ირონიული დამოკიდებულება მივიღე.
სალომე ედიშერაშვილმა შეავსო ოქმი და მითხრა, რომ ხელი მომეწერა, რაზეც უარი განვაცხადე ადვოკატის გარეშე ხელის მოწერაზე.
რის შემდეგაც „გამომძიებელმა კაცმა“ დაიწყო მუქარა, დაუძახა ორ ნიღბიანს და ისევ გაგრძელდა ჩემი ცემა, ახლა უკვე გამომძიებლის ოთახში მისი თანდასწრებით.
სამი პოლიციელი მაკავებდა და ორი ნიღბიანი მირტყამდა მუშტებს და ფეხებს თავის არეში, გადამამტვრიეს ხის ნივთები თავზე, ამის შემდეგ გავიდნენ ოთახიდან და გამომძიებელმა ისევ მოითხოვა ოქმზე ხელის მოწერა, რაზეც მე უარი განვაცხადე.
უკვე ამის შემდეგ ჩამიყვანეს წინასწარი დაკავების იზოლატორში, იქაც უარი განმიცხადეს სასწრაფოს გამოძახებაზე. ორი თვის განმავლობაში მიჭირდა მოძრაობა და გადაადგილება.
ყველაზე ცინიკური ისაა, რომ ვინც ჩემს წამებაში იღებდა მონაწილეობას ისინი აძლევენ ჩვენებას სასამართლოში ჩემს წინააღმდეგ.
მაგალითად მიხეილ სუჯაშვილი, ხოლო საქმე გამოიძია სალომე ედიშერაშვილმა, რომლის კაბინეტშიც მისი თანდასწრებით მიმდინარეობდა ჩემზე ფიზიკური ანგარიშსწორება და მოითხოვდა ოქმზე ხელის მოწერას.
გამომდინარე იქიდან, რომ სალომე ედიშერაშვილმა სასამართლოზე თქვა, რომ არ მისულა დანაშაულის ადგილას და არ განუხორციელებია საგამოძიებო მოქმედებები ადგილზე, არ დაუკითხავს არც ერთი ნეიტრალური მოწმე და არ მოუძიებია სხვა ვიდეოჩანაწერები, რომელიც საერთო სურათს შექმნიდა „ქორთიარდ მერიოტთან“ მომხდარ ინციდენტზე.
გამომძიებელმა სალომე ედიშერაშვილმა სისხლის სამართლის საქმე ააგო გაურკვეველი წარმომავლობის 30 წამიან ვიდეოზე, რომელშიც არც კონტექსტი იკითხება, არც ექსპერტიზით დასტურდება ჩემი მონაწილეობა, მოწმეებად წარმოდგენილი ჰყავს პოლიციელები, რომლებიც იმავე შენობაში მუშაობენ სადაც თავად მუშაობს.
ფაქტობრივად, შეიძლება თქვას, რომ გამოძიება ერთ ოთახში ჩატარდა, იქვე დაიწერა მოწმეების ჩვენებებიც ერთი პიროვნების მიერ სადაც ერთი და იგივე შეცდომაა დაშვებული.
გამოძიებას რომ წარედგინა ნეიტრალური მოწმეები და გამოძიება რომ ჩატარებულიყო ობიექტურად, გარდა იმისა რომ ბრალეულობა არ დამიმტკიცდებოდა, გაირკვეოდა რომ ერთი – პოლიციელზე ძალადობა არ ფიქსირდება, რაც პროკურატურამაც აღიარა და მეორე – გაირკვეოდა, რომ იქ მყოფი საზოგადოება ჯგუფური ძალადობის მსხვერპლია „ტიტუშკების“ მხრიდან, რაც არაერთმა მოწმემ დაადასტურა და მეტიც, პოლიციაშიც განხორციელდა ზარი ამის შესახებ.
აქედან გამომდინარე, ფაქტია, რომ საქმე შეკერილია, თან არც თუ ისე კარგად, ჩემი დაკავება ემსახურება პოლიტიკურ მიზნებს და ჩემს პოლიტიკურ აქტივობას.
არ მესმის სასამართლომ ამ ყველაფრის შემდეგ როგორ უნდა გამოიტანოს გამამტყუნებელი განაჩენი, მაგრამ ფაქტია, რომ ამ განაჩენით საქართველოს ევროპული მომავალი დგება კითხვის ნიშნის ქვეშ.
საქმე იმაში კი არ არის, მე რა განაჩენს გამომიტანენ, საქმე იმაშია, თუ რა განაჩენს გამოუტანენ საქართველოს, სასწორზე დგას საქართველოს მომავალი, ჩემი სასჯელი არაფერია იმასთან შედარებით, რა საფრთხის წინაშეც დგას საქართველო და ქართველი ხალხი,” – თქვა საბა სხვიტარიძემ თავის დასკვნით სიტყვაში.
მთავარი ფოტო: საბა სხვიტარიძის ადმინისტრაციული წესით დაკავება. ფოტო: რადიო თავისუფლება
უკრაინის შეიარაღებული ძალების გენერალური შტაბის დღევანდელი მონაცემებით, ომის დაწყებიდან 2025 წლის 3 სექტემბრამდე პერიოდში, რუსეთის არმიის საბრძოლო დანაკარგი არის:
ცოცხალი ძალა – დაახლოებით 1 084 570 ადამიანი [გასულ დღე-ღამეში +780]
ტანკი – 11 157 ერთეული [+1]
ჯავშანტექნიკა – 23 237 ერთეული [+4]
საარტილერიო სისტემა – 32 342 ერთეული [+41]
MLRS – 1 477 ერთეული [+0]
საზენიტო საბრძოლო სისტემა – 1 213 ერთეული [+0]
თვითმფრინავი – 422 ერთეული [+0]
ვერტმფრენი – 341 ერთეული [+0]
უპილოტო საფრენი აპარატის ოპერატიულ-ტაქტიკური დონე – 55 784 ერთეული [+338]
ფრთოსანი რაკეტა [ჩამოაგდეს] – 3 664 ერთეული [+0]
გემი/ნავი – 28 ერთეული [+0]
წყალქვეშა ნავი – 1 ერთეული [+0]
მანქანები და საწვავის ავზები – 60 600 ერთეული [+112]
სპეცტექნიკა – 3 956 ერთეული [+4]
უკრაინის გენერალური შტაბის განცხადებით, საომარი მოქმედებების მაღალი ინტენსივობის გამო მონაცემები იცვლება.
უკრაინის სამხედრო დანაკარგებზე ინფორმაცია განაახლა რუსეთმაც.
რუსეთის თავდაცვის სამინისტროს მიერ გავრცელებული მონაცემებით, ომის დაწყებიდან 2025 წლის 3 სექტემბრამდე პერიოდში სულ განადგურებულია უკრაინის:
666 თვითმფრინავი
283 ვერტმფრენი
81 300 უპილოტო საფრენი აპარატი
627 საზენიტო სარაკეტო სისტემა
24 938 ტანკი და სხვა ჯავშანტექნიკა
1 589 მრავალჯერადი სარაკეტო გამშვები
29 200 საველე არტილერია და ნაღმმტყორცნი
40 956 სპეციალური სამხედრო მანქანა
რუსეთის თავდაცვა, ამ მონაცემებთან ერთად, უკრაინის არმიის ცოცხალი ძალის დანაკარგების შესახებ სტატისტიკას არ აქვეყნებს.
ეს ის მონაცემებია, რომელსაც უკრაინა და რუსეთი ოფიციალურად ავრცელებენ, თუმცა ომის პირობებში შეუძლებელია ზუსტად გადამოწმება, რამდენად შეესაბამება მხარეების მიერ გავრცელებული ინფორმაცია დანაკარგების შესახებ რეალურ რიცხვებს.
—
რუსეთი უკრაინაში 2022 წლის 24 თებერვალს გამთენიისას შეიჭრა და სრულმასშტაბიანი ომი დაიწყო.
პროევროპული აქციებზე დაკავებულ პოლიტპატიმარ საბა სხვიტარიძეს მოსამართლე ჯვებე ნაჭყებიამ 2 წელი მიუსაჯა.
საბა სხვიტარიძეს პროკურატურა პოლიციელზე თავდასხმას ედავებოდა. დაკავებული ბრალს არ აღიარებს.
საბა სხვიტარიძე 5 დეკემბერს დააკავეს.
დაკავებისას და შემდეგ, საბა სხვიტარიძე წამებისა და არაადამიანური მოპყრობის მსხვერპლი გახდა. ის დაკითხეს ადვოკატის გარეშე.
საათების განმავლობაში უცნობი იყო მისი ადგილსამყოფელი. ამასთან დაკავშირებით კი, მიუხედავად იმისა, რომ გამოძიება ფორმალურად დაწყებულია, პასუხისგებაში არავინ მიუციათ.
სხვიტარიძის საქმე შესწავლილი აქვს „საერთაშორისო გამჭვირვალობა – საქართველოს“. ორგანიზაციის შეფასებით, საბა სხვიტარიძისთვის წარდგენილი ბრალდება გამოგონილია. ამასთან საბა სხვიტარიძე დაკავებისას და პოლიციის განყოფილებაში არასათანადო მოპყრობის მსხვერპლი გახდა.
ბრალდების მხარის მტკიცებით, საბა სხვიტარიძე 2024 წლის 4 დეკემბერს, რუსთაველის გამზირზე, სასტუმრო „თბილისი მერიოტთან“ თავს დაესხა პოლიციელ მირიან ქავთარაძეს და თავში ორჯერ ჩაარტყა ხელკეტის მსგავსი საგანი.
საბა სხვიტარიძის და დაცვის მხარის მოწმეების ჩვენების თანახმად, კი 2024 წლის 4 დეკემბერს საბა სხვიტარიძეს, სასტუმრო „ქორთიარდ მერიოტის“ შესასვლელთან დაპირისპირება ჰქონდა ე.წ. „ტიტუშკებთან“, მუქი ფერის სამოქალაქო ტანსაცმელში გამოწყობილ, პარბადეებით სახედაფარულ პირებთან, რომლებიც სასტუმროსთან იყვნენ მისულები და უშვერი სიტყვებით აგინებდნენ ოპოზიციური პარტიების წარმომადგენლებს, რომლებიც სასტუმროში ერთმანეთთან მოლაპარაკებებს მართავდნენ.
TI-ის სამართლებრივი ანალიზის თანახმად: „სწორედ ამ „ტიტუშკებს“ შორის იყო ე.წ. „დაზარალებული“ მირიან ქავთარაძეც, რომელიც გამოირჩა იმით, რომ ხელი დაარტყა იქვე მყოფ ახალგაზრდა ქალს, რომელიც ცდილობდა ნიღაბი და კაპიუშონი ჩამოეხსნა მირიან ქავთარაძისათვის. ამ დროს გაისმა ოპოზიციური პარტიების წარმომადგენლების მხრიდან შეძახილი – „ქალს ხელს როგორ ურტყამო“. ამას მოჰყვა დაპირისპირება ორ ჯგუფს – ოპოზიციის წარმომადგენლებსა და „ტიტუშკებს“ შორის. ხაზგასმით უნდა აღინიშნოს, რომ არც ქავთარაძეს და არც რომელიმე სხვა „ტიტუშკას“ არ ეცვა პოლიციელის ფორმა და არც რაიმე განმასხვავებელი ნიშანი ჰქონდა ტანსაცმელზე, რომელიც გარეშე პირს, მათ შორის, საბა სხვიტარიძეს მიანიშნებდა, რომ საქმე „პოლიციელთან“ ჰქონდა“.
საბა სხვიტარიძეს ბრალი წარდგენილი ჰქონდა სისხლის სამართლის კოდექსის 353-ე პრიმა მუხლის მე-2 ნაწილით, რაც გულისხმობს პოლიციელის ჯანმრთელობის ხელყოფას მის სამსახურებრივ საქმიანობასთან დაკავშირებით.
თუმცა პროკურატურას მოუწია ეღიარებინა, რომ საბა სხვიტარიძეს ვერ ეცოდინებოდა, პირბადითა და სამოქალაქო ტანსაცმელში გამოწყობილი მირიან ქავთარაძე, პოლიციელი, ვისზე თავდასხმასაც აქამდე ედავებოდნენ, პოლიციელი იქნებოდა. მის მიმართ წარდგენილი ბრალი გადაკვალიფიცირდა.
მოსამართლეს შეეძლო საბა სხვიტარიძისთვის სასჯელის სახით, ჯარიმას ან 6 თვემდე გამასწორებელი სამუშაო დაეკისრებინა, ან შინაპატიმრობა ორ წლამდე, თუმცა მან მუხლით გათვალისწინებული ყველაზე მძიმე სასჯელი აირჩია.
საბა სხვიტარიძე პოლიტიკური პარტია „ახალის“ წევრია.
