Batumelebi

„სოციალური შეღავათების მონეტიზაციის შესახებ“ საქართველოს მთავრობის დადგენილებაში შეტანილი ცვლილებით, 2022 წლის იანვრიდან იზრდება ზოგიერთი საყოფაცხოვრებო სუბსიდიის ოდენობა და ყოველთვიურად, 22 და 44 ლარის ნაცვლად, იქნება 100 ლარი.

მაგალითად, იზრდება მეორე მსოფლიო ომის მონაწილეზე და მასთან გათანაბრებულ პირზე, ასევე საქართველოს ტერიტორიული მთლიანობისთვის მებრძოლ შშმ პირებზე, თავდაცვის ძალების ვეტერანებზე და სხვებზე სახელმწიფოს მიერ გასაცემი სუბსიდია.

კონკრეტულად:

[checklist]

• მეორე მსოფლიო ომის, სხვა სახელმწიფოთა ტერიტორიაზე საბრძოლო მოქმედებისა და საქართველოს ტერიტორიული მთლიანობისათვის, თავისუფლებისა და დამოუკიდებლობისათვის საბრძოლო მოქმედების შედეგად მიღებული შეზღუდული შესაძლებლობების მქონე პირებს – ყოველთვიურად 100 ლარი [ნაცვლად 44 ლარისა];
• მეორე მსოფლიო ომის მონაწილეებს – ყოველთვიურად 100 ლარი [ნაცვლად 44 ლარისა];
• საქართველოს ტერიტორიული მთლიანობისა და დამოუკიდებლობისათვის საბრძოლო მოქმედებებში დაღუპულთა შვილებს 18 წლის ასაკამდე, ბავშვობიდან შეზღუდული შესაძლებლობის სტატუსის მქონე შვილებს, ასაკის მიუხედავად, აგრეთვე მეუღლეს, რომელიც შემდეგ აღარ დაქორწინებულა და შრომისუუნარო მშობლებს (თითოეულ ოჯახს) – ყოველთვიურად 100 ლარი [ნაცვლად 44 ლარისა];
• მეორე მსოფლიო ომის მონაწილეებთან გათანაბრებულ პირებს – ყოველთვიურად 100 ლარი [ნაცვლად 22 ლარისა];
• სხვა სახელმწიფოთა ტერიტორიაზე საბრძოლო მოქმედებისა და საქართველოს ტერიტორიული მთლიანობისათვის, თავისუფლებისა და დამოუკიდებლობისათვის საბრძოლო მოქმედების მონაწილეებს – ყოველთვიურად 100 ლარი [ნაცვლად 22 ლარისა];
• მეორე მსოფლიო ომის, სხვა სახელმწიფოთა ტერიტორიაზე საბრძოლო მოქმედებების დროს ან შემდგომ პერიოდში დაღუპული (უგზო-უკვლოდ დაკარგული, გარდაცვლილი), აგრეთვე ტერიტორიული მთლიანობისათვის, თავისუფლებისა და დამოუკიდებლობისათვის საბრძოლო მოქმედების შემდგომ პერიოდში დაღუპული (უგზო-უკვლოდ დაკარგული, გარდაცვლილი) მეომრების ოჯახების შვილებს 18 წლის ასაკამდე, ბავშვობიდან შეზღუდული შესაძლებლობის სტატუსის მქონე შვილებს, ასაკის მიუხედავად, მეუღლეს, რომელიც შემდეგ აღარ დაქორწინებულა და შრომისუუნარო მშობლებს (თითოეულ ოჯახს) – ყოველთვიურად 100 ლარი [ნაცვლად 22 ლარისა];
• საქართველოს თავდაცვის ძალების ვეტერანებს მოხუცებულობის გამო საპენსიო ასაკის მიღწევისას – ყოველთვიურად 100 ლარი [ნაცვლად 22 ლარისა].

[/checklist]

ომის ვეტერანების პენსიის 22-დან 100 ლარამდე გაიზრდაზე პრემიერმა 2021 წლის 6 დეკემბერს განაცხადა. შესაბამისი დადგენილება კი მთავრობამ 31 დეკემბერს მიიღო და ის ძალაში 2022 წლის იანვრიდან შევიდა.

2022 წლის 1-ლი იანვრიდან საგადამხდელო საშუალებად აღარ გამოიყენება მხოლოდ 1995 და 1999 წლების გამოშვების ლარის ბანკნოტები, რომლებზეც მითითებულია გამოშვების წელი – აცხადებს საქართველოს ეროვნული ბანკი [სებ].

ეროვნული ბანკის განცხადებით, „2002 წლიდან დღემდე გამოშვებული ლარის ყველა ნომინალის ბანკნოტი გადახდის კანონიერი საშუალებაა ქვეყნის მთელ ტერიტორიაზე და ყველა იურიდიული და ფიზიკური პირი ვალდებულია, შეუფერხებლად მიიღოს და განახორციელოს ანგარიშსწორება ამ ბანკნოტებით“.

ამასთან, 1995-99 წლების გამოშვების ბანკნოტების გადაცვლა საქართველოს ეროვნული ბანკის საკასო ცენტრშია  [თბილისი, კახეთის გზატკეცილი # 72] შესაძლებელი.

ამ თემაზე:

1995-1999 წლებში გამოშვებული ლარის ბანკნოტების მიმოქცევის ვადა 31 დეკემბერს იწურება

See more

 

ბათუმის რუსთაველის უნივერსიტეტის ასოცირებული პროფესორი, ფილოლოგიის მეცნიერებათა კანდიდატი ელგუჯა მაკარაძე გარდაიცვალა. ელგუჯა მაკარაძის გარდაცვალების შესახებ ინფორმაციას მისი კოლეგები ავრცელებენ.

ელგუჯა მაკარაძე ბსუ-ში 1991 წლიდან საქმიანობდა. 2005-2012 წლებში კი მე-6 და მე-7 მოწვევის პარლამენტის წევრიც იყო.

ელგუჯა მაკარაძე გუშინ, 6 იანვარს გარდაიცვალა. ის 58 წლის იყო.

დაავადებათა კონტროლისა და საზოგადოებრივი ჯანმრთელობის ეროვნული ცენტრის ინფორმაციით, საქართველოში 6 იანვრის მდგომარეობით ლაბორატორიულად დადასტურებულია ომიკრონის 600 შემთხვევა.

7 იანვრის დილის მონაცემებით, ბოლო 24 საათში საქართველოში კორონავირუსისგან 46 ადამიანი გარდაიცვალა; ამავე პერიოდში დადასტურდა ვირუსის 4 234 ახალი შემთხვევა.

საზოგადოებრივი ჯანმრთელობის ეროვნული ცენტრის ინფორმაციით, 6 იანვრის მონაცემებით საქართველოში სულ ჩატარებულია 2 536 824 აცრა:

• სულ მცირე 1 დოზით ვაქცინირებულია 1 294 533 ადამიანი – >18 ასაკის მოსახლეობის 45.1%
• სრულად ვაქცინირებულია 1 161 155 ადამიანი – >18 ასაკის მოსახლეობის 40.4%
• ბუსტერ დოზა გაკეთებული აქვს 79 671 ადამიანს

ომიკრონის პირველი შემთხვევა საქართველოში 20 დეკემბერს დადასტურდა. კორონავირუსის ახალი შტამის დასადგენად საჭიროა სპეციალური ლაბორატორიული კვლევა, რომელიც ყველა დადასტურებულ შემთხვევას არ უტარდება, შესაბამისად, სამედიცინო სფეროს ექსპერტები ამბობენ, რომ რეალურად ომიკრონის შემთხვევები ქვეყანაში გაცილებით მეტია.

ამავე თემაზე:

აჭარაში ომიკრონის 15 დადასტურებული შემთხვევაა

See more

7 იანვრის დილის მონაცემებით, ბოლო 24 საათში საქართველოში კორონავირუსისგან 46 ადამიანი გარდაიცვალა; ამავე პერიოდში დადასტურდა ვირუსის 4 234 ახალი შემთხვევა.

დღეს ქვეყანაში გამოვლენილი ინფიცირების 4 234 ახალი შემთხვევიდან: თბილისში გამოვლენილია 2 249 შემთხვევა, აჭარა – 495, იმერეთი – 457, ქვემო ქართლი – 164, შიდა ქართლი – 199, გურია – 147, სამეგრელო – ზემო სვანეთი – 196, კახეთი -158, მცხეთა-მთიანეთი -93, სამცხე-ჯავახეთი -53, რაჭა-ლეჩხუმი და ქვემო სვანეთი -23.

stopcov.ge-ზე გამოქვეყნებული მონაცემებით, ამ დროისთვის საქართველოში ინფიცირების მიმდინარე აქტიური შემთხვევა არის 28 716 საიდანაც: 1 053 ადამიანი მოთავსებულია კლინიკურ-სასტუმროებში, მათ შორის 715 – თბილისში, 228 – აჭარაში.

ბოლო 24 საათში ქვეყნის მასშტაბით ჩატარდა 45 006 კვლევა ტესტით, მათ შორის 26 832 კვლევა ანტიგენის ტესტით და 18 174 PCR ტესტით.

ჩატარებული ტესტირების შედეგად, ბოლო 24 საათში გამოვლინდა ვირუსით ინფიცირების 4 234 ახალი დადასტურებული შემთხვევა. ქვეყანაში კოვიდ-19-ის პანდემიის გავრცელებიდან დღემდე გამოვლენილი დადასტურებული შემთხვევების საერთო რაოდენობა შეადგენს  953 410-ს.

რაც შეეხება დადებითობის მაჩვენებელს, 6 იანვრის მდგომარეობით, დადებითობის დღიური მაჩვენებელი არის 9.41%, ბოლო 14 დღის მანძილზე – 6.61% ხოლო 7 დღის მანძილზე – 8.17%.

ბოლო 24 საათში ვირუსისგან გამოჯანმრთელდა 1 727 პირი, ხოლო ჯამში გამოჯანმრთელებულთა რაოდენობა გაიზარდა 910 540.

ბოლო 24 საათში  კორონავირუსით გარდაცვალების 46 ახალი შემთხვევა დაფიქსირდა. პანდემიის გავრცელებიდან დღემდე ვირუსს ჯამში 14 128 პირი ემსხვერპლა.

ამ ეტაპისთვის თვითიზოლაციაში იმყოფება 28 255 ადამიანი.

 

წელს აჭარის მთებში, განსაკუთრებით კი ხულოს სოფლებში დიდი თოვლი მოვიდა. სოფლები უკვე რამდენიმე დღეა პრაქტიკულად მოწყვეტილია გარესამყაროს – ტრანსპორტით გადაადგილება ჭირს.

ზოგიერთ სოფელს ელექტროენერგიაც შეფერხებით მიეწოდება.

დათოვლილი ღამის დიდაჭარა – ავთო შერვაშიძის ფოტორეპორტაჟი

 

 

 

 

 

 

2022 წლის 7 იანვრიდან 2022 წლის 9 იანვრის 06:00 საათამდე ღამის კლუბებს მუშაობის უფლება მიეცა.

მთავრობის 6 იანვრის დადგენილებით, ცვლილება შევიდა „იზოლაციისა და კარანტინის წესებში“, რომლის მიხედვითაც 2022 წლის 7 იანვრიდან 2022 წლის 9 იანვრის 06:00 საათამდე ელექტრონული მუსიკის მოსასმენ სივრცეებსა და ღამის კლუბებზე არ იმოქმედებს შემდეგი შეზღუდვები:

• „აკრძალულია ნებისმიერი ტიპის გასართობი, სახელოვნებო, საფესტივალო და კულტურული (გარდა სათეატრო და კინემატოგრაფიული ხასიათისა) ღონისძიების ჩატარება, ხოლო სათეატრო და კინემატოგრაფიული ხასიათის ღონისძიება უნდა ჩატარდეს იმ სტუმართა/ვიზიტორთა დასწრებით, რომელთაც აქვთ „მწვანე“ სტატუსი“.
• „იზღუდება 10-ზე მეტი ფიზიკური პირის ისეთი თავშეყრა, რომელიც დაკავშირებულია საზოგადოებაში დამკვიდრებულ სოციალურ (მაგ.: ქორწილი, ნებისმიერი იუბილე, ქელეხი და ა.შ.), მათ შორის, მასობრივ გასართობ ღონისძიებასთან.“

ახალი დადგენილებით:

„დასაშვებია 2022 წლის 7 იანვრიდან 2022 წლის 9 იანვრის 06:00 საათამდე ელექტრონული მუსიკის მოსასმენი სივრცეებისა და ღამის კლუბების საქმიანობა, „სამუშაო ადგილებზე ახალი კორონავირუსის (COVID-19) გავრცელების თავიდან აცილების მიზნით რეკომენდაციების დამტკიცების თაობაზე“ საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრის ბრძანებით განსაზღვრული რეკომენდაციების დაცვით.“.

აქამდე, ღამის კლუბების მუშაობა 2021 წლის 31 დეკემბრიდან 2022 წლის 2 იანვრის 06:00 საათამდე იყო დაშვებული.

მესტიაში მოსახლეობის ნაწილმა 30 დეკემბერს ხატზე დაიფიცა, რომ მაინერებს, იგივე კრიპტოვალუტის მომპოვებელ აპარატებს გამორთავენ. მიუხედავად ამისა, „ენერგო-პრო ჯორჯიაში“ „ბათუმელებს“ უთხრეს, რომ მესტიაში ელექტროენერგიის მოხმარება, დეკემბრის თვესთან შედარებით, იანვარში არ შემცირებულა.

„450 ათასი კილოვატი იყო მოხმარება საშუალოდ დღე-ღამეში 30 დეკემბრამდე და ანალოგიური მაჩვენებელია მიმდინარე წლის იანვარშიც. ვიდრე მაინერების პრობლემა დადგებოდა, მესტია მოიხმარდა დაახლოებით 200-230 ათას კილოვატს დღე-ღამეში, ესეც კი მაშინ დიდი მოხმარება იყო და პრობლემატური. გაზრდილ მოხმარებას მწყობრიდან გამოჰყავს გადამცემი ქსელი“, – გვითხრეს ენერგოკომპანიაში.

ადგილობრივების თქმით, იძულებულები გახდნენ ამ „უკიდურესი ზომისთვის“ [ხატზე დაფიცებისთვის] მიემართათ, რადგან დაახლოებით ერთი თვის განმავლობაში ელექტროენერგია შეფერხებით მიეწოდებოდათ. ამის გამო არ ჰქონდათ გათბობა, ტურისტები კი ჯავშნებს აუქმებენ.

ენერგოკომპანიამ მესტიისთვის ელექტროენერგიის მისაწოდებლად მაღალი ძაბვის გადამცემი ხაზი 28 დეკემბერს აღადგინა, თუმცა მოხმარება თუ არ შემცირდება, სამომავლოდ მუნიციპალიტეტის სტაბილურ ენერგომომარაგებაზე პასუხისმგებლობა მოიხსნა.

„ენერგო-პრო ჯორჯიას“ ჰოლდინგის დირექტორთა საბჭოს თავმჯდომარის, მიხეილ ბოცვაძის განცხადებით, ,,ვერანაირი ქსელი ვერ გაუძლებს ელექტროენერგიის იმ მოხმარებას, რაც მესტიაში ფიქსირდება. გარდაუვალია ავარიების განმეორება. შესაბამისად, ,,ენერგო-პრო ჯორჯია“ სრულად იხსნის პასუხისმგებლობას მესტიაში არსებულ მდგომარეობაზე. ჩვენი ანალიზით, მოსახლეობის მოხმარებაც გაზრდილია, თუმცა, მთავარი მიზეზი მაინც უკანონოდ მიერთებული მაინერებია, რომელთა რიცხვიც, ამ რთულ დღეებშიც იზრდება“.

კომპანიის მონაცემებით, ელექტროენერგიის მოხმარება მესტიაში გაიზარდა. მაგალითად, 2012 წელს, მთლიანი მოხმარება იყო 37,2 მილიონი კვტ.სთ, ხოლო 2021 წელს 101,5 მილიონი კვტ. სთ-ია:

„ენერგო-პრო ჯორჯიაში“ აცხადებენ, რომ „მესტიის არსებული მოხმარება გაუტოლდა 2019 წლის დეკემბრის მოხმარებას, როდესაც 5 მილიონი ლარის მაინერი გავთიშეთ და ამოვიღეთ ადგილობრივ პოლიციასთან ერთად“.

ამ პროცესის გაგრძელებას მხარი დაუჭირა სემეკის თავმჯდომარემაც.

„უნდა გაითიშოს უკანონო მაინინგები, რომელმაც ქსელი დაამძიმა და თუ საჭიროება მოითხოვს უნდა დაყადაღდეს კიდეც. ასეთი რამდენიმე ღონისძიება გაკეთდა თავის დროზე შინაგან საქმეთა სამინისტროსთან ერთად და მგონია, რომ ეს უნდა გაგრძელდეს“, – განაცხადა დავით ნარმანიამ.

 

• რას ნიშნავს „უკანონო მაინერები“, როდესაც საქართველოში კრიპტოვალუტის მოპოვება აკრძალული არ არის? 

სემეკში ამას ასე განმარტავენ: „ტერმინი უკანონო მაინინგი ხშირად გამოიყენება და ეს, ძირითადად, გულისხმობს ელექტროენერგიის უკანონოდ მოხმარებას. ამ შემთხვევაში უკანონო მაინინგად შეიძლება ჩაითვალოს ის, რომ მესტიაში ელექტროენერგიას მოიხმარენ აღრიცხვის, მრიცხველის გარეშე, ანუ უკანონოდ. ეს კი, საბოლოოდ აისახება მესტიის ენერგომომარაგებაზე“.

„ენერგო-პრო ჯორჯიაში“ „ბათუმელებს“ უთხრეს, რომ მესტიაში კომპანია ოპერირებას ვერ ახერხებს, რაც უმთავრესი პრობლემაა: „ჩვენი თანამშრომლების უსაფრთხოებაც კი არ არის დაცული“.

კომპანიამ მდგომარეობიდან ერთ-ერთ გამოსავალზე – გამრიცხველიანებასა და დენის საფასურის გადახდაზეც მიანიშნა:

„მესტიაში არსებული უკანონო მაინინგი არის მავნებლობა მთელი ზემო სვანეთის წინააღმდეგ, ამის ორგანიზატორი მავნებლები აზარალებენ
ადგილობრივ პატიოსან მომხმარებლებს და მთელს რეგიონს ორი მთავარი მიზეზის გამო: 1. მნიშვნელოვნად აზიანებენ ინფრასტრუქტურას, ახლა უკვე შეიძლება ითქვას, რომ მის აღდგენას 4-5 წელი დასჭირდება; 2. აახლოებენ გადაწყვეტილებას, რომ მესტიის ყველა მომხმარებელმა დაიწყოს ელექტროენერგიის საფასურის გადახდა. არასდროს გვისაუბრია, თუმცა ახლა ვაცხადებთ, რომ მესტიის მოსახლეობის უფასო მომარაგებას მრავალი წლის განმავლობაში უზრუნველყოფდა „ენერგო-პრო“.

45 მილიონი ლარია დალექილი ამ რეგიონში და აბსურდულია მოსაზრება, რომ თითქოს მოსახლეობას ეკუთვნოდა ან ეკუთვნის უფასო ელექტროენერგია. ამ ფონზე, რა თქმა უნდა მინიმუმ უხერხულია პერიოდული ადგილობრივი დამტაცებლების, თუ მოსახლეობის მხრიდან ზეწოლა თუ მუქარა, ჩვენს თანამშრომლებზე ავარიული, თუ გეგმური გათიშვების არსებობის შესახებ; აგრეთვე შემაშფოთებელია კატეგორიული მოთხოვნა, რომ კომპანიამ შეუფერხებლად მოახდინოს ერთდროულად 10-15 რაინისთვის საჭირო ელექტროენერგიის მიწოდება და თან ყოველგარი შეფერხების გარეშე“, – აღნიშნავს მიხეილ ბოცვაძე.

სემეკში „ბათუმელებს“ უთხრეს, რომ მათ მიერ „ენერგო-პროსთვის“ დადგენილი დენის ტარიფი თანაბრად მოქმედებს მისი ყველა რაიონისთვის, სადაც ოპერირებს კომპანია და ის, რომ მესტიაში დენი უფასოა, თავად კომპანიის კეთილი ნება იყოო.

„არ ახდევინებდა გადასახადს და ეს არის კომპანიის გადაწყვეტილება, თორემ ჩვენი მხრიდან ტარიფი დადგენილია. აუცილებლად უნდა მოხდეს მრიცხველების დამონტაჟება და არ უნდა მოხდეს ელექტროენერგიის უკანონოდ მოხმარება, რაც აზიანებს გადამცემ ხაზებს და კომპანიასაც ინვესტიციის სურვილს უკარგავს. სემეკის თავმჯდომარემ განაცხადა, რომ ამ საკითხში სახელმწიფო უნდა ჩაერიოს და ასევე აღნიშნა, რომ უკვე ვმუშაობთ მთავრობასთან ერთად“, – გვითხრეს სემეკში.

როგორ უნდა მოგვარდეს მესტიის დენის პრობლემა, ამის გარკვევას „ნეტგაზეთი“ შეეცადა. ვრცლად ნახეთ ამ ბმულზე:

„მაინერები“ და „უფასო დენი“ – როგორ უნდა მოგვარდეს მესტიის დენის პრობლემა

 

---

2021 წელს საგრძნობლად გაიზარდა ელექტროენერგიის იმპორტი საქართველოში. ქართული მხარე იმპორტის გაზრდას აფხაზეთს უკავშირებს, დენის მოხმარების ზრდის მიზეზად კი, აფხაზეთშიც მაინინგს ასახელებენ.

საქართველომ რუსეთიდან წელს თითქმის ორჯერ მეტი ელექტროენერგია იყიდა, ვიდრე ნებისმიერ წელს, თუნდაც ბოლო 10 წლის განმავლობაში, რის შედეგადაც რუსეთი მთავარ იმპორტიორად იქცა:

რატომ გახდა რუსეთი ისევ დენის მთავარი იმპორტიორი? – საქართველოს ენერგოუსაფრთხოება

See more

ელექტროენერგიის, ბუნებრივი გაზისა და წყალმომარაგების დარიცხული გადასახადის გადამოწმება უკვე შეგიძლიათ ტელეფონის საშუალებითაც მოითხოვოთ.

საქართველოს ენერგეტიკისა და წყალმომარაგების მარეგულირებელ ეროვნულ კომისიის [სემეკ] ინფორმაციით, ეს ახალი ფუნქცია *303#-ის მომსახურებას დაემატა.

სემეკის ინფორმაციით, *303#-ის ახალი ფუნქციით სარგებლობის შემთხვევაში:

• მომხმარებელს აღარ დასჭირდება კომუნალური კომპანიისთვის განცხადებით მიმართვა ან ქოლ ცენტრთან დაკავშირება, არამედ *303#-ის საშუალებით მარტივად და მოკლე დროში მიიღებს კომუნალური კომპანიისგან განმარტებას.
• დარიცხვის გადამოწმება მოქალაქეს ნებისმიერ დროს შეუძლია.
• ახალი ფუნქციის მიზანია მომსახურების ხარისხის გაუმჯობესება და მომხმარებლისთვის კომუნალურ კომპანიასთან კომუნიკაციის გამარტივება.

*303#-ით სარგებლობა შეუძლიათ „მაგთიკომის“, „სილქნეტისა“ და „ბილაინის“ აბონენტებს. მომსახურება არ საჭიროებს ინტერნეტთან წვდომას, სპეციალური პროგრამის ჩამოტვირთვას, ხელმისაწვდომია ყველა ტიპის მობილურისთვის, მომსახურება უფასოა და ვრცელდება მთელი საქართველოს მასშტაბით.

გარდა დარიცხვის გადამოწმებისა, *303#-ით შესაძლებელია კომუნალური მომსახურებების შესახებ ყველა ინფორმაციის მიღება.

მათ შორის, მომხმარებელს შეუძლია მობილურ ტელეფონში *303#-ის აკრეფით დააფიქსიროს:

• ავარიული წყვეტა – ოპერატიული რეაგირებისთვის;
• მომარაგების პრობლემა – დაბალი წნევა, ძაბვის ციმციმი, ხშირი წყვეტა.

ამასთან, მიიღოს:

• ელექტრონული ქვითარი და მიმდინარე ბალანსი;
• დაამატოს მობილურის ნომერი სასურველ აბონენტის ნომერზე ან წაშალოს არასასურველი.

სემეკმა დღეს, 6 იანვარს, კიდევ ერთხელ განაცხადა, რომ არ გაზრდილა ელექტროენერგიის, ბუნებრივი გაზისა და წყალმომარაგების
ტარიფები.

„2022 წლის პირველი იანვრიდან ტარიფები არ შეცვლილა და ძალაშია კომისიის მიერ წინა პერიოდში მოქმედი სამომხმარებლო ტარიფები. ტარიფების ზრდა არ განიხილება.“ – აცხადებს სემეკი.

6 იანვრის მონაცემებით, ბოლო 24 საათში საქართველოში კორონავირუსის 3 567  ახალი შემთხვევა დადასტურდა; ამავე პერიოდში ვირუსისგან 41 ადამიანი გარდაიცვალა.

stopcov.ge-ზე გამოქვეყნებული მონაცემებით საქართველოში:

• კორონავირუსის დადასტურებული შემთხვევაა, სულ – 949 176 , ბოლო 24 საათში – 3 567
• მათ შორის გამოჯანმრთელებული – 908 813 , ბოლო 24 საათში – 2 105
• მათ შორის გარდაცვლილი – 14 082 , ბოლო 24 საათში – 41

ბოლო 24 საათში ჩატარებული კვლევა ტესტით – 41 236, მათ შორის ანტიგენის სწრაფი ტესტით – 24 593, PCR ტესტით – 16 643

დადებითობის მაჩვენებელი: დღიური – 8,65%, ბოლო 14 დღის – 6,18%, ბოლო 7 დღის – 7,43%

სულ აცრილია – 2 536 824, დღიურად აცრილია – 7 867

დღეს ქვეყანაში გამოვლენილი ინფიცირების 3 567 ახალი შემთხვევიდან:
თბილისში გამოვლენილია 1 821 შემთხვევა, აჭარა – 460, იმერეთი – 325, ქვემო ქართლი – 175, შიდა ქართლი – 220, გურია – 141, სამეგრელო – ზემო სვანეთი – 161, კახეთი -162, მცხეთა-მთიანეთი -61, სამცხე-ჯავახეთი -35, რაჭა-ლეჩხუმი და ქვემო სვანეთი -6.

ამ ეტაპზე ინფიცირების მიმდინარე აქტიური შემთხვევაა 26 255, საიდანაც:

• 4 372 ადამიანი მკურნალობს საავადმყოფოში, მათ შორის, თბილისის საავადმყოფოებში – 2 034, აჭარაში – 510, იმერეთში – 735.
• ამ ეტაპზე მძიმე პაციენტია 1 120 პირი, მათ შორის, თბილისში – 553, აჭარაში – 124, იმერეთში – 277.
• ხელოვნური სუნთქვის აპარატზე იმყოფება 264 პირი,  მათგან თბილისში – 153, აჭარაში – 33, იმერეთში – 30.
• 936 ადამიანი მოთავსებულია კლინიკურ-სასტუმროებში, მათ შორის 628 – თბილისში, 269 – აჭარაში.
• 20 947 პირი ვირუსის მკურნალობის კურსს გადის საცხოვრებელ ბინაზე.

ამ ეტაპისთვის თვითიზოლაციაში იმყოფება 27 503 ადამიანი.

5 იანვრის მდგომარეობით საქართველოში ლაბორატორიულად დადასტურებულია ომიკრონის 335 შემთხვევა.

 

„აჭარაში ხურმის ექსპორტირების პერიოდი უკვე დასრულდა, თუმცა მანდარინის მოსავალს მოსახლეობა ახლაც აბარებს”, – გვითხრა აჭარის სოფლის მეურნეობის სამინისტროსთან არსებული ციტრუსის რეალიზაციის საკოორდინაციო შტაბის უფროსმა – ირაკლი ონიანმა. მას მოსავლიანობასა და იმპორტიორ ქვეყნებზეც ვკითხეთ.

• ბატონო ირაკლი, რამდენი ტონა მანდარინი გავიდა წელს აჭარიდან ექსპორტზე და წინა წელთან შედარებით რა ვითარებაა? 

4 იანვრის მდგომარეობით, ექსპორტზე გატანილია 36 535 ტონა მანდარინი, რაც წინა წლის ანალოგიურ პერიოდთან შედარებით 4 535 ტონით მეტია.  

შარშან ამ დროს 32 000 ტონა ციტრუსი გვქონდა ექსპორტირებული.

• ძირითადად რომელ ქვეყნებში გავიდა ექსპორტზე ციტრუსი? 

ტრადიციულ ქვეყნებში – სლოვენია, რუსეთი, უკრაინა, სომხეთი, მოლდოვა, ბელარუსი, ყირგიზეთი, ესტონეთი, ყაზახეთი.

ყველაზე მეტი რაოდენობის ციტრუსი კი რუსეთში გავიდა.

ყველაზე მოთხოვნადი ჯიში იყო აჭარაში გავრცელებული „უნშიო“ და კიდევ საადრეო ჯიშის მანდარინი, რომელიც სექტემბერში მოდის და ოქტომბერში გადის ექსპორტზე.

ზოგადად, უხვმოსავლიანი წელი იყო, თუმცა ველოდებოდით დაახლოებით 65 000-დან 70 000 ტონამდე ციტრუსის მოსავალს.

• რა რაოდენობის ციტრუსი დარჩა საექსპორტოდ?

 გუშინდლის ჩათვლით წელს უკვე გვაქვს 7 775 ტონა გადამუშავებული ციტრუსი, აქედან 7400 ტონა გადამუშავდა 2021 წლის  31 დეკემბრამდე.

გუშინ  გადამუშავდა 350-300 ტონა ციტრუსი. მონაცემები ახლდება ყოველ 2 საათში.

2021 წლის 31 დეკემბრამდე სახელმწიფოს სუბსიდია კილოგრამზე 10 თეთრი იყო, 10 თეთრი საწარმოსგან ფინანსდებოდა.

პირველი იანვრიდან ეს ფასი შეიცვალა და სახელმწიფოს მხრიდან დახმარება გახდა 15 თეთრი, 5 თეთრი ფინანსდება საწარმოს მხრიდან, ანუ თუ ფერმერი ადგილზე მიიტანს პროდუქტს, მას 20 თეთრი უნაზღაურდება. აქამდე სუბსიდირებაზე, დაახლოებით, 150 000 ლარი გამოიყო. 

• აქვე გკითხავთ ხურმაზეც. რა გზა გაიჭრა ხურმის მოსავლის გასატანად?

ხურმის ექსპორტირების პერიოდი იყო სექტემბრისა და ოქტომბრის თვეები. ტრადიციული ბაზრებიდან, როგორიცაა უკრაინა, რუსეთი, ყაზახეთი, ყირგიზეთი, სომხეთი და ა.შ. მოთხოვნა ყოველთვის იყო. ყველაზე მეტი რაოდენობის ხურმა მაინც უკრაინამ შეიძინა.

ჩვენ ამ მალფუჭებად პროდუქტს მივიჩნევთ  პრიორიტეტად ექსპორტისთვის და ვეხმარებით, რომ სახმელეთო თუ საზღვაო გზით, ყოველგვარი შეფერხების გარეშე გავიდეს ეს პროდუქტი.

ე.წ “ალიარას” ჯიშის ხურმის მიმართ არსებობს ინტერესი, ეს არის ძირითადი საექსპორტო ჯიში.

ჩვენი მონაცემებით, აჭარიდან ექსპორტზე 2 800 ტონაზე მეტი ხურმა გავიდა. შარშანდელთან შედარებით, დაახლოებით, 200-300 ტონით მეტი.

ბათუმში, ჯავახიშვილის ქუჩაზე მდებარე #47 კორპუსიდან მერიამ ამ საღამოს ოჯახები გამოასახლა. ბათუმის ვიცე-მერის, ლევან დავითაძის თქმით, ამ კორპუსში 60 ოჯახი ცხოვრობს. რა გახდა ნაჩქარევად გამოსახლების მიზეზი, რამდენად სახიფათოა ამ კორპუსში დარჩენა მათთვის, ვინც ჯერ კიდევ რჩება საცხოვრებელ სახლში და რას გეგმავს ბათუმის მერია – გთავაზობთ ბლიც-ინტერვიუს ლევან დავითაძესთან.

• ბატონო ლევან, რამდენი ოჯახი გამოასახლეთ და რამდენად იყო ეს გადაუდებელი აუცილებლობა?

დაახლოებით 60 ოჯახზეა საუბარი – ამ კორპუსში 4 სადარბაზოა და თითოეულში 15 ოჯახი ცხოვრობს.

ამ მისამართიდან შეტყობინება შემოვიდა დეკემბრის თვეში და გადავაგზავნეთ ჩვენ ექსპერტიზაზე, ამის შემდგომ, რამდენიმე დღის წინ, ისევ შევიდა ზარი 112-ზე და დღესაც მივიღეთ შეტყობინება. ზოგადად, კომისია [გამოსახლებაზე] მას შემდეგ იღებს გადაწყვეტილებას, რაც შესაბამისი ექსპერტიზის დასკვნა იქნება წარმოდგენილი, მაგრამ დღეს ადგილზე სიტუაციას რომ გავეცანით, ბზარების მასშტაბურობიდან გამომდინარე, აღარ დაველოდეთ ექსპერტიზას – მოსახლეობა შეშინებული იყო და გავითვალისწინეთ მათი აზრი.

კონკრეტულად იმ სადარბაზოს მცხოვრებლები, სადაც იყო ბზარები, გავიყვანეთ ქირაში – 60 ოჯახი. რაც შეეხება მეორე სადარბაზოს, იქ რაიმე ტიპს ბზარები და საგანგაშო ვითარება არ არის… მსგავსი ტიპის ობიექტები ქალაქში საკმაოდ მომრავლდა – დაახლოებით 90 ლოკაციაზეა მსჯელობა. ბოლო პერიოდში განვითარებული მოვლენების შედეგად ზარებმაც იმატა. ძალიან ბევრი კორპუსია – ცხრიანები და ხრუშოვკები, ამიტომ კომისიას ახლა დიდი გამოწვევა აქვს იმ ნაწილში, რომ ძალიან ბევრი ლოკაცია გვაქვს. სწორედ ამიტომ ჩვენი პოზიციაა, რომ ბიუჯეტი, რაც გაგვაჩნია, შესაბამისად უნდა გადანაწილდეს, თუმცა ჩვენი პრიორიტეტი არის ადამიანის სიცოცხლე  და ჯანმრთელობა. ხალხი გავიყვანეთ ბზარებიდან გამომდინარე, დანარჩენ ნაწილში ველოდებით ექსპერტიზას, თუმცა, ის ადამიანები, რომლებიც იქ არიან, მათთვის ეს მოლოდინის რეჟიმი მიუღებელი.

კომისიას გვიწევს ამ მიმართულებით მსჯელობა, რადგან საბიუჯეტო სახსრები მიზანმიმართულად უნდა გადანაწილდეს იმ ადამიანებზე, ვისაც ეს ყველაზე მეტად სჭირდება.

• წინასწარი შთაბეჭდილებით ბზარები რით არის გამოწვეული – რამდენადაც ვიცით, კორპუსს აქვს მიშენებები. თუ უფრო სიძველის ბრალი შეიძლება იყოს?

ეს არის მიშენება – დაახლოებით ერთი ბინა აქვთ ამ ადამიანებს მიშენებული. რა როგორ არის, ეს ექსპერტიზამ უნდა დაადგინოს. საყრდენ კოლონაზე არავითარი ზედმეტი ჩარევა არ შეიძლება, მაგრამ ამ შემთხვევაში თუ დააკვირდებით, იქ „შტეფსელები“ და რაღაც გაყვანილობები აქვთ. სავარაუდოდ, ეს კონკრეტული კოლონა ზემოქმედების ქვეშ იყო – დენის კაბელებია ჩალაგებული. მზიდ კედლებზე მსგავს სამუშაოს არ აკეთებენ, თუმცა ეს მხოლოდ ჩვენი მოსაზრებაა და დაველოდოთ ექსპერტიზას.

დიდი ალბათობით შესაძლებელია ეს მოქალაქეების დაუდევრობის ბრალი იყოს.

• დღეს რატომ გამოასახლეთ ეს ხალხი, ბზარები გაიზარდა ამ დღეებში თუ რა მოხდა?

რაც ვნახეთ, იქიდან გამომდინარე მივიღეთ ეს გადაწყვეტილება.

• 8 ოქტომბრის ტრაგედიის შემდეგ ეს უკვე მეოთხე კორპუსია ქალაქში, საიდანაც მოსახლეობა გაგყავთ [მემედ აბაშიძის ქუჩა, რურუას ქუჩა, ტრაგედიის სახლი 26 მაისი ქუჩაზე, ჯავახიშვილის ქუჩა]. ზუსტად რამდენი ოჯახია უკვე გაყვანილი?

ზუსტ ციფრს ვერ გეტყვით, არ მინდა შემეშალოს, დღის საათებში შემიძლია დაგიზუსტოთ.

5 იანვრის დილის მონაცემებით, გასულ დღე-ღამეში საქართველოში კორონავირუსის 3 436 ახალი შემთხვევა დაფიქსირდა; ამავე პერიოდში ვირუსისგან 32 ადამიანი გარდაიცვალა.

• კორონავირუსის დადასტურებული შემთხვევა სულ – 945 609 , ბოლო 24 საათში – 3 436
• მათ შორის გამოჯანმრთელებული – 906 708 , ბოლო 24 საათში – 1 805
• მათ შორის გარდაცვლილი – 14 041 , ბოლო 24 საათში – 32

ბოლო 24 საათში ჩატარებული კვლევა ტესტით – 40 377, მათ შორის ანტიგენის სწრაფი ტესტით – 23 696, PCR ტესტით – 16 681

დადებითობის მაჩვენებელი: დღიური – 8,51%, ბოლო 14 დღის – 5,87%, ბოლო 7 დღის – 6,84%

სულ აცრილია – 2 528 030, დღიურად აცრილია – 7 191

დღეს ქვეყანაში გამოვლენილი ინფიცირების 3 436 ახალი შემთხვევიდან:

თბილისში გამოვლენილია 1 676 შემთხვევა, აჭარა – 360, იმერეთი – 407, ქვემო ქართლი – 190, შიდა ქართლი – 205, გურია – 123, სამეგრელო – ზემო სვანეთი – 164, კახეთი -185, მცხეთა-მთიანეთი -67, სამცხე-ჯავახეთი – 51, რაჭა-ლეჩხუმი და ქვემო სვანეთი -8.

ამ ეტაპზე ინფიცირების მიმდინარე აქტიური შემთხვევა არის 24 834, საიდანაც:
• 4 353 ადამიანი მკურნალობს საავადმყოფოში, მათ შორის, თბილისის საავადმყოფოებში – 2 027, აჭარაში – 510, იმერეთში – 751.
• ამ ეტაპზე მძიმე პაციენტია 1 115 პირი, მათ შორის, თბილისში – 544, აჭარაში – 120, იმერეთში – 283. ხელოვნური სუნთქვის აპარატზე იმყოფება 264 პირი,  მათგან თბილისში – 151, აჭარაში – 33, იმერეთში – 28.
• 921 ადამიანი მოთავსებულია კლინიკურ-სასტუმროებში, მათ შორის 607 – თბილისში, 204 – აჭარაში.
• 19 560 პირი ვირუსის მკურნალობის კურსს გადის საცხოვრებელ ბინაზე.

ამ ეტაპისთვის თვითიზოლაციაში იმყოფება 25 832 ადამიანი.

4 იანვრის მდგომარეობით საქართველოში ლაბორატორიულად დადასტურებულია ომიკრონის 159 შემთხვევა.

კურორტ გოდერძიზე სეზონი გაიხსნა, თუმცა კურორტამდე მისვლა ძალიან ჭირს. ერთ-ერთი ტუროპერატორის – „Kila Travel“  წარმომადგენლის, გიორგი კიკვაძის თქმით, „ბათუმიდან კურორტზე ასასვლელად 8-9 საათია საჭირო. შესაბამისად, გზა ძალიან დამღლელია“.

გიორგი კიკვაძის თქმით, კურორტამდე მისასვლელი გზის მდგომარეობა ბევრად უარესია, ვიდრე თუნდაც წინა წელს. „რადგან კურორტი ბათუმთან ახლოსა, მოთხოვნა დიდია. მაგრამ, ამის მიუხედავად, ჩვენ უარი ვთქვით ამ მომსახურებაზე. საქმე იმაშია, რომ ჩვენ გასულ წლებში ჩვეულებრივი ტაქსების სერვისებით ვსარგებლობდით მგზავრების გადაყვანისას. წელს გზა იმდენად დაზიანდა, რომ არათუ ჩვეულებრივ ტაქსებს, არამედ მაღალ გამავლობის მანქანებსაც უჭირთ ასვლა. ეს გზა არც უსაფრთხო აღარ არის, ამიტომ საერთოდ შევწყვიტეთ ტურები“, – უთხრა „ბათუმელებს“ გიორგი კიკვიძემ.

ამის მიუხედავად თუ მაინც გადაწყვეტთ ზამთრის შვებულება გაატაროთ გოდერძიზე, ამ კურორტამდე მისვლა შესაძლებელია ეკონომიური ბიუჯეტითაც: თუ დაბა ხულომდე ააღწევთ, იქ ბევრი მძღოლია, რომლებსაც კურორტ გოდერძის დამსვენებლები სოფელ დანისპარაულამდე და უშუალოდ კურორტ გოდერძიმდე გადაჰყავთ, მაღალი გამავლობის ავტომობილებით.

“ხულოდან სოფელ დანისპარაულში 6 ადამიანი თავიანთ ბარგთან ერთად 180 ლარად გადაგვყავს, ხოლო გოდერძიმდე მგზავრობა 200 ლარი ღირს. თუ საცობი არ არის გზებზე,  ხულოდან გოდერძიზე ასვლას მაქსიმუმ 3 საათი სჭირდება”, – ამბობს “Mitsubishi Delica” მძღოლი გიორგი ბოლქვაძე.

“ძალიან ცუდი გზებია. გოდერძიმდე მინიმუმ 100 ლარი ღირს დამსვენებლის აყვანა, დანისპარაულამდე 90 ლარი. ამ თანხაში მანქანაში თავისუფლად თავსდება 4 ადამიანი ბარგთან ერთად”, – ამბობს ტაქსის მძღოლი ხულოდან, არჩილ აბულაძე.

ხულოს სოფელი დანისპარაული კურორტ გოდერძიდან 3 კილომეტრის მოშორებით მდებარეობს. ვიზიტორები ხშირად ჩერდებიან ამ სოფელში და აქედან დადიან გოდერძიზე.

სოფელში ბევრი საოჯახო სასტუმრო ფუნქციონირებს, სადაც დამსვენებელს ღამის გატარება გოდერძიზე მდებარე სასტუმროებთან შედარებით გაცილებით იაფად შეუძლიათ. გოდერძიზე ერთი ღამის გათევა სასტუმროებსა და კოტეჯებში მინიმუმ 100 ლარიდან იწყება, მაშინ როცა დანისპარაულში ღამის გათევა 25 ლარადაც შეიძლება.

დანისპარაულიდან კურორტ გოდერძიზე გადაყვანაში კი დამსვენებლებს ადგილობრივი საოჯახო სასტუმროების მეპატრონეებიც ეხმარებიან.

“დამსვენებელს დანისპარაულიდან კურორტ გოდერძიმდე ასვლა და უკან, დანისპარაულში ჩამოსვლა 25 ლარი დაუჯდება”, – ამბობს ვახტანგ გელაძე, საოჯახო სასტუმრო “ნიკის” მეპატრონე.

სოფელ დანისპარაულის საოჯახო სასტუმროში დასვენების ფასი საშუალოდ 25 ლარიდან იწყება და 60 ლარამდეა.

“ერთი ღამით დარჩენა დანისპარაულის საოჯახო სასტუმროში 30 ლარი ღირს კვების გარეშე, ხოლო ორჯერადი კვებით –  50 ლარი”, – გვითხრა ვახტანგ გელაძემ.

მთის კურორტების მართვის კომპანიის პრესსამსახურის ინფორმაციით, ამ დროისთვის კურორტ გოდერძიზე ყველა საბაგირო და სათხილამურო ტრასა შეუფერხებლად მუშაობს. კურორტ გოდერძიზე სეზონი ოფიციალურად 2021 წლის 25 დეკემბერს გაიხსნა.

სინოპტიკოსების პროგნოზით, 4 იანვრის 21 საათიდან 5 იანვრის 21 საათამდე აჭარის მაღალმთიანეთში ღრუბლიანობის მომატება, ღამით კი თოვაა მოსალოდნელი.

6 და 7 იანვარს კი აჭარის მთიან რაიონებში უმეტესად უნალექო ამინდი იქნება.

___

ბათუმიდან გოდერძიმდე 109 კილომეტრის სავალი გზაა. ბათუმიდან დაბა ხულომდე 80 კილომეტრია და სამარშრუტო მიკროავტობუსით მგზავრობა 7 ლარი ღირს.

დაბა ხულოში თოვლის საფარი 70-80 მეტრია, ხოლო კურორტ გოდერძიზე, რომელიც ზღვის დონიდან 2027 მეტრ მდებარეობს, თოვლის საფარი 1,5 მეტრამდე აღწევს.

იუსტიციის სახლი 2022 წლის 10 იანვრამდე გამოცხადებულ უქმეებზე ჩვეულ რეჟიმში იმუშავებს. გამონაკლისი იქნება 7 და 8-9 იანვარი.

„ამ პერიოდში მომხმარებლისთვის ხელმისაწვდომი იქნება იუსტიციის სახლის უკლებლივ ყველა სერვისი. ფილიალები შობის დღესასწაულზე – 7 იანვარს არ იმუშავებენ.“ – აცხადებს იუსტიციის სახლი.

რაც შეეხება შაბათ-კვირას, 8 და 9 იანვარს, იუსტიციის სახლში მხოლოდ დაჩქარებული სერვისები იქნება ხელმისაწვდომი.

---

2022 წლის 3 იანვრიდან 6 იანვრის ჩათვლით დღეები, ასევე 8 და 9 იანვარი, მთავრობის დადგენილებით უქმე დღეებადაა გამოცხადებული, თუმცა საჯარო დაწესებულება [ადმინისტრაციული ორგანო] თავად განსაზღვრავს იმ სამსახურებსა თუ მოსამსახურეებს, რომლებიც აღნიშნულ პერიოდში იმუშავებენ, მიუხედავად უქმე დღეებისა.

ამავე თემაზე:

მართვის მოწმობის მისაღებად გამოცდების ჩაბარება 10 იანვრიდან განახლდება

გაფორმების ეკონომიკური ზონები და საბაჟო გამშვები პუნქტები უქმე დღეებშიც იმუშავებენ

 

მართვის უფლების მისაღებად თეორიული და პრაქტიკული გამოცდების ჩაბარება 2022 წლის 10 იანვრიდან განახლდება.

შინაგან საქმეთა სამინისტროს მომსახურების სააგენტოს განცხადებით „ის მოქალაქეები, რომლებსაც აღნიშნულ პერიოდში – 3 იანვრიდან 6 იანვრის ჩათვლით – დაჯავშნილი ჰქონდათ მართვის უფლების მისაღებ თეორიულ გამოცდაზე გასვლის ელექტრონული რიგი, გამოცდაზე გასვლას შეძლებენ 10 იანვრიდან 31 იანვრის ჩათვლით, დაჯავშნისას მითითებულ სტრუქტურულ ერთეულებში.“

ამასთან, პრაქტიკულ გამოცდაზე გამსვლელ მძღოლობის კანდიდატებს საპატიოდ ჩაეთვლებათ 2022 წლის 1-ლი იანვრიდან 9 იანვრის ჩათვლით პერიოდი და პრაქტიკული გამოცდის ჩასაბარებლად, აღნიშნული დღეების გამოყენების შესაძლებლობა მიეცემათ 2022 წლის 10 იანვრიდან 10 თებერვლის ჩათვლით.

„იმ პირებს, რომლებსაც სატრანსპორტო საშუალებების განბაჟების ბოლო დღე უწევთ 2022 წლის 1-ლი იანვრიდან 9 იანვრის ჩათვლით პერიოდში, განბაჟების მიზნით, მომსახურების სააგენტოს უნდა მიმართონ 2022 წლის 10 იანვარს.“ – აცხადებს სააგენტო.

2022 წლის 1-ლი იანვრიდან 9 იანვრის ჩათვლით პერიოდი, მომსახურების სააგენტოში გამოცხადებულია დასვენების დღეებად. სააგენტო ჩვეულ რეჟიმში მუშაობას განაახლებს 10 იანვრიდან.

---

2022 წლის 3 იანვრიდან 6 იანვრის ჩათვლით დღეები, ასევე 8 და 9 იანვარი, მთავრობის დადგენილებით უქმე დღეებადაა გამოცხადებული, თუმცა საჯარო დაწესებულება [ადმინისტრაციული ორგანო] თავად განსაზღვრავს იმ სამსახურებსა თუ მოსამსახურეებს, რომლებიც აღნიშნულ პერიოდში იმუშავებენ, მიუხედავად უქმე დღეებისა.

ამავე თემაზე:

ვინ ვერ ისარგებლებს უქმე დღეებით 3-6 იანვარს – მთავრობის დადგენილება

See more

 

4 იანვრის დილის მონაცემებით, ბოლო 24 საათში საქართველოში კორონავირუსის 3 590 ახალი შემთხვევა დადასტურდა; ამავე პერიოდში ვირუსისგან გარდაიცვალა 67 ადამიანი.

Stopcov.ge-ზე გამოქვეყნებული ინფორმაციის თანახმად:

• კორონავირუსის დადასტურებული შემთხვევა სულ არის – 942 173 , ბოლო 24 საათში – 3 590
• მათ შორის გამოჯანმრთელებული – 904 903 , ბოლო 24 საათში – 1 955
• მათ შორის გარდაცვლილი – 14 009 , ბოლო 24 საათში – 67

ბოლო 24 საათში ჩატარდა 39 315 კვლევა ტესტით, მათ შორის ანტიგენის სწრაფი ტესტით – 26 302, PCR ტესტით – 13 013

დადებითობის მაჩვენებელი: დღიური – 9,13%, ბოლო 14 დღის – 5,67%, ბოლო 7 დღის – 6,26%

3 იანვრის მდგომარეობით, საქართველოში ლაბორატორიულად დადასტურებულია ომიკრონის 148 შემთხვევა.

საქართველოში სულ აცრილია – 2 520 230 ადამიანი, დღიურად აცრილია – 4 520

სტაციონარში მეთვალყურეობის ქვეშაა – 4 394, კოვიდსასტუმროში იმყოფება 892 პაციენტი.

დღეს ქვეყანაში გამოვლენილი ინფიცირების 3 590 ახალი შემთხვევიდან: თბილისში გამოვლენილია 1 569 შემთხვევა, აჭარა – 366, იმერეთი – 505, ქვემო ქართლი – 149, შიდა ქართლი – 199, გურია – 222, სამეგრელო – ზემო სვანეთი – 235, კახეთი -185, მცხეთა-მთიანეთი -93, სამცხე-ჯავახეთი – 42, რაჭა-ლეჩხუმი და ქვემო სვანეთი – 25.

ამ ეტაპზე ინფიცირების მიმდინარე აქტიური შემთხვევა არის 23 235, საიდანაც:

• 4 394 ადამიანი მკურნალობს საავადმყოფოში, მათ შორის, თბილისის საავადმყოფოებში – 2 049, აჭარაში – 504, იმერეთში – 745.
• ამ ეტაპზე მძიმე პაციენტია 1 111 პირი, მათ შორის, თბილისში – 541, აჭარაში – 119, იმერეთში – 300.
• ხელოვნური სუნთქვის აპარატზე იმყოფება 269 პირი,  მათგან თბილისში – 152, აჭარაში – 33, იმერეთში – 27.
• 17 949 პირი ვირუსის მკურნალობის კურსს გადის საცხოვრებელ ბინაზე.
• 4 იანვრის დილის მონაცემებით, ქვეყნის მასშტაბით თვითიზოლაციაში იმყოფება 27 401 ადამიანი.