გარემოს ეროვნული სააგენტოს აჭარის რეგიონული ჰიდრომეტეოროლოგიური ობსერვატორიის ინფორმაციით, 18 მარტის 21 საათიდან 19 მარტის 21 საათამდე აჭარაში მოსალოდნელია ღრუბლიანი ამინდი, დროგამოშვებით თოვლ-ჭყაპი, მთაში – თოვა, მაღალ მთაში – ნისლი და ქარბუქი.
იქროლებს დასავლეთის მიმართულების ქარი 10-15 მეტრი წამში.
ჰაერის ტემპერატურა სანაპირო რაიონებში იქნება:
- დღისით: 1 – 6 გრადუსი სითბო
- ღამით: 3 გრადუსი სითბო – 2 გრადუსი ყინვა
შიდამთიან რაიონებში მოსალოდნელია:
- დღისით: 0 – 3 გრადუსი სითბო
- ღამით: 2 – 7 გრადუსი ყინვა
სინოპტიკოსების ცნობით, 20 მარტს, კვირას, აჭარის სანაპირო რაიონებში მოსალოდნელია დროგამოშვებით ნალექი, მთაში კვლავ მოთოვს, მომდევნო 2 დღეს, 21-22 მარტს, საღამოს და ღამის საათებში აჭარაში ზოგან იწვიმებს, დღისით კი უმეტესად უნალექო ამინდი იქნება.
გარემოს ეროვნული სააგენტოს გრძელვადიანი პროგნოზის თანახმად, ბათუმში წვიმიანი ამინდი 26 მარტამდე გასტანს.
