მთავარი,სიახლეები

უკრაინაში დაღუპულ ქართველ მებრძოლებს სახელმწიფო გადმოასვენებს – სამინისტრო

18.03.2022 • 2010
უკრაინაში დაღუპულ ქართველ მებრძოლებს სახელმწიფო გადმოასვენებს – სამინისტრო

უკრაინაში დაღუპული ორი ქართველი მებრძოლის საქართველოში გადმოსვენებას სახელწიფო უზრუნველყოფს. ამის შესახებ ინფორმაციას საქართველოს საგარეო საქმეთა სამინისტრო ავრცელებს.

„უკრაინაში დაღუპული საქართველოს მოქალქეების გია ბერიაშვილის და დავით რატიანის სამშობლოში გადმოსვენებას სახელმწიფო უზრუნველყოფს. საქართველოს საელჩოს დაწყებული აქვს შესაბამისი პროცედურები“ – წერია საგარეო საქმეთა სამინისტროს მიერ გავრცელებულ ინფორმაციაში.

ქართველი მებრძოლები გუშინ, 17 მარტს, უკრაინაში, ქალაქ ირპენთან გამართულ ბრძოლაში დაიღუპნენ.

რუსეთი უკრაინაში ომს უკვე 23-ე დღეა აწარმოებს. ამ დროის განმავლობაში რუსეთმა არაერთხელ დაბომბა საცხოვრებელი კორპუსები, მოკლა მშვიდობიანი, უიარაღო მოქალაქეები, დაბომბა სამშობიარო სახლები, საავადმყოფოები, საბავშვო ბაღები, სკოლები და თეატრი, სადაც თავს მშვიდობიანი მოქალაქეები აფარებდნენ.

გადაბეჭდვის წესი


ასევე: