მთავარი,სიახლეები

პრორუსულ „ალტ-ინფოს“ პარტიისთვის ნაქირავები ოფისი შუახევშიც დაატოვებინეს

10.03.2022 • 3364
პრორუსულ „ალტ-ინფოს“ პარტიისთვის ნაქირავები ოფისი შუახევშიც დაატოვებინეს

ხულოს შემდეგ პრორუსული „ალტ-ინფოს“ პარტიის „კონსერვატიული მოძრაობის“ ოფისი შუახევშიც დახურეს.

„3 დღის წინ იქირავეს ჩემი საკუთრება. მე მეგონა ძიძიგურის პარტია, კონსევრატორები ვართო, ასე მითხრეს და მერე გავიგე, რომ თურმე სხვა პარტია ყოფილა… 600 ლარი უნდა გადაეხადათ, ასე შევთანხმდით ზეპირად, ხელშეკრულება არ დაგვიდია. არ მომწონს ის, როგორც მოიხსენებენ ისინი მუსლიმებს, მე ეს გადმომცეს და ვნახე… მოვთხოვე დაცლა და დღეს დილით წავიდნენ,“ – გვითხრა დავით დავითაძემ, ვის საკუთრებაშიც „კონსერვატიულ მოძრაობას“ პარტიის ოფისი ჰქონდა გახსნილი.

„ბათუმელები“ ცდილობს დაუკავშირდეს „კონსერვატიულ მოძრაობას“.

ხულოში „კონსერვატიული მოძრაობის“ ოფისი 8 მარტს დახურეს. აქ მესაკუთრემ პარტიას მისი პოლიტიკური იდეოლოგიის გამო უარი უთხრა ფართობის მიქირავებაზე.

„ალტ-ინფო“, რომელიც თავს უწოდებს ალტერნატიული ინფორმაციის წყაროს, მედიამონიტორების შეფასებით, „ანტილიბერალურ, ანტისაიმიგრაციო, ლგბტქი თემის საწინააღმდეგო და ანტიდასავლურ პროპაგანდას ეწევა“.

მოქალაქეთა ჯგუფმა ამბროლაურში „ალტ-ინფოს“ ოფისის გახსნა გააპროტესტეს ამბროლაურშიც.

მთავარი ფოტო: „კონსერვატიული მოძრაობის“ ყოფილი ოფისი შუახევში

გადაბეჭდვის წესი


ასევე: