ევროპარლამენტმა რუს და ბელარუს დიპლომატებს ევროპარლამენტში შესვლა აუკრძალა.
„დღეიდან რუსეთისა და ბელარუსის დიპლომატიურ და სამთავრობო პერსონალს ევროპარლამენტის შენობებში შესვლა ეკრძალებათ.
დემოკრატიის სახლში არ არის ადგილი მათთვის, ვინც დემოკრატიული წესრიგის დანგრევას ცდილობს,“ – წერს ევროპარლამენტის პრეზიდენტი, რობერტა მეცოლა ტვიტერზე.
ასევე, დღესვე ცნობილი გახდა, რომ ლიეტუვა, ლატვია, ესტონეთი და ბულგარეთი რუს დიპლომატებს აძევებენ.
„ბიბისის“ ცნობით, ბულგარეთმა ათი დიპლომატი გააძევა ქვეყნიდან, ლიეტუვამ ოთხი რუსი დიპლომატის გაძევება გადაწყვიტა, ლატვიამ და ესტონეთმა – სამი დიპლომატის.
გაძევების ოფიციალური მიზეზია „დიპლომატიურ სტატუსთან შეუთავსებელი საქმიანობა“.
_________________
ფოტო: ევროპის პრესფოტო სააგენტო. EPA-EFE/JULIEN WARNAND
