თურქეთის საგარეო საქმეთა მინისტრი მევლუთ ჩავუშოღლუ უკრაინაში ჩავიდა. ჩავუშოღლუს დასავლეთ უკრაინის ქალაქ ლვოვში უკრაინის საგარეო საქმეთა მინისტრმა დმიტრო კულებამ უმასპინძლა.
„ჩემს უკრაინელ კოლეგას ანტალიის შემდეგ ამჯერად ლვოვში შევხვდი. კიდევ ერთხელ გამოვთქვი ჩვენი მხარდაჭერა უკრაინის სუვერენიტეტისა და ტერიტორიული მთლიანობის მიმართ. გრძელდება ჩვენი მუშაობა ომის დასასრულებლად და ცეცხლის შეწყვეტის მისაღწევად,“ – დაწერა მევლუთ ჩავუშოღლუმ ტვიტერზე.
დმიტრო კულებასთან შეხვედრის შემდეგ ჩავუშოღლუს კიდევ ერთი შეხვედრა ჰქონდა ყირიმელ თათრებთან.
„ჩვენს თანამემამულეებთან ერთად მოვედით ლვოვში, ყირიმელი თათრების საკოორდინაციო ცენტრში. ჩვენი მხარდაჭერა გაგრძელდება ჩვენი თანამემამულეების უსაფრთხოებისა და კეთილდღეობისათვის,“ – წერს მევლუთ ჩავუშოღლუ.
ჩავუშოღლუ ყირიმელ თათრებთან შეხვედრისას
