22 იანვრის დილის მონაცემებით, უკრაინის დედაქალაქში, კიევში, დაახლოებით 3000 საცხოვრებელი კორპუსი გათბობის გარეშე რჩება. ელექტროენერგია კვლავ გათიშულია რუსეთის ენერგოობიექტებზე თავდასხმის შედეგად. ჰაერის ტემპერატურა კიევში დღეს -2, -8 გრადუსია.
20 იანვარს, რუსეთის დარტყმის შემდეგ, კიევში 5635 მაღალსართულიანი საცხოვრებელი შენობა გათბობის გარეშე დარჩა. ქალაქის მარცხენა სანაპიროც გარკვეული პერიოდის განმავლობაში წყლის გარეშე იყო.
კიევის მერმა, ვიტალი კლიჩკომ ჯერ კიდევ 9 იანვარს მოუწოდა დედაქალაქის მცხოვრებებს, თუ შესაძლებლობა ჰქონდათ, დროებით დაეტოვებინათ ქალაქი ალტერნატიული ელექტროენერგიისა და სითბოს წყაროების მოსაძებნად, რადგან კიევის შენობების ნახევარი რუსული თავდასხმის შემდეგ გათბობის გარეშე დარჩა. მოგვიანებით კლიჩკომ განაცხადა, რომ იანვრის პირველ ნახევარში კიევი 600 ათასმა ადამიანმა დატოვა.
დღეს, 22 იანვარს, უკრაინული გამოცემა „უკრაინსკა პრავდა“ ავრცელებს აშშ-ის ყოფილი სპეციალური წარმომადგენლის, კიტ კელოგის კომენტარს იმის შესახებ, რომ თუ უკრაინა ამ ზამთარს გადარჩება, ომში უპირატესობა მის მხარეს იქნება და არა რუსეთის.
„მესმის, რომ ეს რთული ზამთარია. მესმის, რა ხდება კიევში, ვიცი ტემპერატურა. მაგრამ გულწრფელად მჯერა, რომ თუ უკრაინა ამ ზამთარს – იანვარს, თებერვალს – გადაურჩება და მარტსა და აპრილში შევალთ, უპირატესობა თქვენს მხარეს იქნება, უკრაინის მხარეს და არა რუსეთის“, – აღნიშნა კელოგმა.
____________
ფოტო: ევროპის პრესფოტო სააგენტო. EPA/MAXYM MARUSENKO
უკრაინის შეიარაღებული ძალების გენერალური შტაბის დღევანდელი მონაცემებით, ომის დაწყებიდან 2026 წლის 22 იანვრამდე პერიოდში, რუსეთის არმიის საბრძოლო დანაკარგი არის:
ცოცხალი ძალა – დაახლოებით 1 230 810 ადამიანი [გასულ დღე-ღამეში +1 070. ამ მონაცემებში შედის როგორც დაღუპულები ასევე დაჭრილები]
ტანკი – 11 596 ერთეული [+9]
ჯავშანტექნიკა – 23 943 ერთეული [+5]
საარტილერიო სისტემა – 36 516 ერთეული [+53]
MLRS – 1 623 ერთეული [+2]
საზენიტო საბრძოლო სისტემა – 1 282 ერთეული [+3]
თვითმფრინავი – 434 ერთეული [+0]
ვერტმფრენი – 347 ერთეული [+0]
უპილოტო საფრენი აპარატის ოპერატიულ-ტაქტიკური დონე – 112 828 ერთეული [+669]
ფრთოსანი რაკეტა [ჩამოაგდეს] – 4 190 ერთეული [+0]
გემი/ნავი – 28 ერთეული [+0]
წყალქვეშა ნავი – 2 ერთეული [+0]
მანქანები და საწვავის ავზები – 75 416 ერთეული [+178]
სპეცტექნიკა – 4 049 ერთეული [+0]
უკრაინის გენერალური შტაბის განცხადებით, საომარი მოქმედებების მაღალი ინტენსივობის გამო მონაცემები იცვლება.
უკრაინის სამხედრო დანაკარგებზე ინფორმაცია განაახლა რუსეთმაც.
რუსეთის თავდაცვის სამინისტროს მიერ გავრცელებული მონაცემებით, ომის დაწყებიდან 2026 წლის 22 იანვრამდე პერიოდში სულ განადგურებულია უკრაინის:
670 თვითმფრინავი
283 ვერტმფრენი
110 524 უპილოტო საფრენი აპარატი
646 საზენიტო სარაკეტო სისტემა
27 248 ტანკი და სხვა ჯავშანტექნიკა
1 648 მრავალჯერადი სარაკეტო გამშვები
32 731 საველე არტილერია და ნაღმმტყორცნი
52 462 სპეციალური სამხედრო მანქანა
ეს ის მონაცემებია, რომელსაც უკრაინა და რუსეთი ოფიციალურად ავრცელებენ, თუმცა ომის პირობებში შეუძლებელია ზუსტად გადამოწმება, რამდენად შეესაბამება მხარეების მიერ გავრცელებული ინფორმაცია დანაკარგების შესახებ რეალურ რიცხვებს.
ამასთან, აღნიშნულ მონაცემებთან ერთად რუსეთის თავდაცვა, უკრაინის და რუსეთის არმიის ცოცხალი ძალის საერთო დანაკარგების შესახებ სტატისტიკას არ აქვეყნებს. უკრაინის არმიის ცოცხალი ძალის დანაკარგების შესახებ მონაცემებს არ აქვეყნებს არც უკრაინა.
—
რუსეთი უკრაინაში 2022 წლის 24 თებერვალს გამთენიისას შეიჭრა და სრულმასშტაბიანი ომი დაიწყო.
ევროპის ადამიანის უფლებათა სასამართლოს ყოფილმა პრეზიდენტმა, სერ ნიკოლა ბრატცამ, რომელიც „კლუნების ფონდმა“ სასამართლო პროცესების მონიტორინგის ექსპერტად მიიწვია, მზია ამაღლობელის საქმე შეისწავლა.
ექსპერტის შეფასებები ერთვის კლუნების ფონდის სასამართლო პროცესების მონიტორინგის ვრცელ ანგარიშს, რომლის თანახმადაც, ქართულ სასამართლოში დაირღვა მზია ამაღლობელის დაცვის ძირითადი უფლებები, მათ შორის:
ბრალდებულის მიერ საკუთარი არჩევანით შერჩეულ ადვოკატებთან ეფექტიანი ხელმისაწვდომობის უფლება;
უფლება, ყოფილიყო ინფორმირებული იმ ბრალდების შესახებ, რომელშიც საბოლოოდ იქნა მსჯავრდებული – როგორც ცნობილია, მზია ამაღლობელს მოსამართლე ნინო სახელაშვილმა განაჩენის გამოტანისას ბრალი გადაუკვალიფიცირა.
ევროსასამართლოს ყოფილი პრეზიდენტი, სერ ნიკოლა ბრატცა წერს, რომ მზია ამაღლობელის მიმართ დაირღვა უდანაშაულობის პრეზუმფცია – სასამართლო განხილვის მიმდინარეობისას მაღალი თანამდებობის პირები წინასწარ ავრცელებდნენ მიკერძოებულ განცხადებებს.
ასევე დაირღვა სასამართლო პროცესში ეფექტიანი მონაწილეობის უფლება. 8 თვის განმავლობაში მიმდინარე სასამართლო პროცესების დროს მზია ამაღლობელი რკინის გისოსებით შემოსაზღვრულ მინის კაბინაში იყო მოთავსებული და ისე ესწრებოდა პროცესებს.
ექსპერტის ეს შეფასებები ერთვის კლუნების ფონდის სასამართლო პროცესების მონიტორინგის ვრცელ ანგარიშს. ანგარიშის თანახმად, მზია ამაღლობელის სასამართლო არ იყო სამართლიანი. 85-გვერდიან ანგარიშში ვრცლადაა აღწერილი ყველა ის დარღვევა, რომელთა ერთობლიობითაც მზია ამაღლობელს სამართლიანი სასამართლოს უფლება წაერთვა.
სერ ნიკოლა ბრატცა – ბრიტანელი იურისტი და ევროპის ადამიანის უფლებათა სასამართლოს ყოფილი პრეზიდენტია. ის სასამართლო პროცესების მონიტორინგის ექსპერტად იყო მოწვეული კლუნების ფონდის მიერ.
„მზია ამაღლობელის წინააღმდეგ მიმდინარე სისხლის სამართლის წარმოებაში გამოვლინდა ადამიანის უფლებათა საერთაშორისო სტანდარტების მრავალი დარღვევა, რომლებმაც სერიოზულად შეარყია როგორც მისი დაკავებისა და სასამართლო პროცესის სამართლიანობა, ისე მის მიმართ გამოყენებული მსჯავრის სამართლიანობა – მსჯავრის, რომელიც დადებულ იქნა იმ დანაშაულის ჩადენისთვის, რომლის ჩადენაც მისთვის ბრალად არ წაუყენებიათ,“ – წერს თავის შეფასებაში სერ ნიკოლა ბრატცა.
სასამართლო პროცესების მონიტორინგის ექსპერტმა მზია ამაღლობელის სასამართლო პროცესი შეაფასა D – კატეგორიით.
TrialWatch მის მიერ შესწავლილ სასამართლო საქმეებს ხუთი – A, B, C, D, E კატეგორიით აფასებს. სადაც A საუკეთესო ქულაა, ხოლო E – ყველაზე უარესი. „D“ კატეგორია TrialWatch-ის მეთოდოლოგიაში ყველაზე უარესის E-ის წინა შეფასებაა.
„D“ კატეგორიით საქმის შეფასება მიუთითებს, რომ სასამართლო პროცესმა ვერ დააკმაყოფილა სამართლიანი სასამართლოს ძირითადი საერთაშორისო მოთხოვნები. მზია ამაღლობელის სასამართლო პროცესების „D“ კატეგორიით შეფასება, ცხადყოფს სერიოზული და სისტემური პროცედურული ხარვეზების არსებობას, რაც უარყოფითად აისახება პროცესის სამართლიანობასა და უფლებების დაცვაზე.
ბათუმის მერია ავტოტრანსპორტით მოძრაობის მარშრუტს ისევ ცვლის. პროექტის განმარტებითი ბარათის მიხედვით, რომელიც საკრებულოში დასამტკიცებლად არის გადაგზავნილი ცვლილება გულისხმობს როგორც ცალკეული მოძრაობის მარშრუტების გაუქმებას, ასევე ახალი მარშრუტის დამატებას.
ბათუმის მერიის პროექტის მიხედვით უქმდება N24, 30, 32 და 36 მარშრუტები და ემატება ახალი, N35 მუნიციპალური მარშრუტი, რომელიც იმოძრავებს შემდეგი მიმართულებით: თევდორე მღვდლის ქუჩა – ხახულის ქუჩა – ლეონიძის ქუჩა – შარტავას ქუჩა – აბუსერიძის ქუჩა – ჭავჭავაძის ქუჩა (საბაგირომდე).
პროექტის განმარტებით ბარათში განმარტებული არ არის, რამ გამოიწვია დაგეგმილი ცვლილება. არადა თვითმმართველობის კოდექსი პროექტის განმარტებითი ბარათის მომზადებას სწორედ იმისთვის ითვალისწინებს, რომ დასამტკიცებელი საკითხების შესახებ ამომრჩევლისთვის გასაგებად იყოს ინფორმაცია მიწოდებული. ამიტომაც ითხოვს კოდექსი განსახილველი საკითხების საჯაროდ გამოქვეყნებას.
ცვლილება ამოქმედდება მას შემდეგ, როცა საკრებულო პროექტს სხდომაზე დაამტკიცებს. სხდომა 28 იანვარსაა ჩანიშნული.
ბათუმის მერია მუნიციპალური ტრანსპორტით მგზავრობის ფასის გაზრდას 70 თეთრამდე გეგმავს და ამისთვის საკრებულოს თანხმობას სთხოვს. ამ დროისთვის ბათუმში მუნიციპალური ტრანსპორტით მგზავრობის ფასი 30 თეთრია.
გადაწყვეტილების ერთ-ერთ მიზეზად მერია საწვავის ფასის გაზრდას ასახელებს.
განკარგულების პროექტის განმარტებითი ბარათის მიხედვით, მგზავრობის ტარიფის ცვლილება გამოწვეულია ასევე M3 კატეგორიის მუნიციპალური ავტობუსების ავტოპარკის განახლებით და მარშრუტებს შორის მანძილის გაზრდით.
„აღნიშნული გარემოებების გამო გაზრდილი ხარჯების ნაწილობრივ კომპენსირების მიზნით მიზანშეწონილია დადგინდეს ახალი ტარიფი“ – განმარტავს მერია.
ის მოქალაქეები, რომლებიც ამ დრომდე უფასო პლასტიკური ბარათებით სარგებლობდნენ, ისევ უფასოდ იმგზავრებენ.
„დადგინდეს ქალაქ ბათუმის მუნიციპალიტეტის ტერიტორიაზე მუნიციპალური ავტობუსებით მგზავრთა გადაყვანის ტარიფები შემდეგი ოდენობით:
ა) სატრანსპორტო პლასტიკური ბარათის საშუალებით 1 სტანდარტული მგზავრობა – 0,70 ლარი;
ბ) სატრანსპორტო პლასტიკური ბარათის საშუალებით ნულოვანი ტარიფით მგზავრობა – უფასო“ – ვკითხულობთ განმარტებით ბარათში.
მუნიციპალური ტრანსპორტით უფასო ბარათით სარგებლობენ მოსწავლეები, მასწავლებლები, სტუდენტები, ბათუმის მუნიციპალიტეტის ადმინისტრაციულ საზღვრებში რეგისტრირებული იძულებით გადაადგილებული პირები, პენსიონერები, ბათუმის მუნიციპალიტეტის ადმინისტრაციულ საზღვრებში არსებული საბავშვო ბაღებისა და ბიბლიოთეკების თანამშრომლები.
ასევე, მგზავრობა უფასოა შშმ პირებისთვის, ხანდაზმულთა სოციალური ცენტრის ბენეფიციარებისთვის, ვეტერანებისა და მათთან გათანაბრებული პირებისთვის და 0-70 000 ქულის მქონე ბენეფიციარებისთვის.
განკარგულების პროექტის მიხედვით უფასო მგზავრობისთვის დანაკლისი „ბათუმის ავტოტრანსპორტს“ მერიამ უნდა შეუვსოს.
„ბათუმის ტერიტორიაზე ავტობუსებით [M3 კატეგორია] მგზავრთა საქალაქო რეგულარული სამგზავრო გადაყვანისას სამგზავრო ტარიფების, ფასდაკლების სისტემის და მოქალაქეთა ცალკეული კატეგორიების შეღავათიანი მგზავრობის შესახებ“ საკრებულოს 2017 წლის 28 აპრილის №8 დადგენილებაში ცვლილების საკითხი საკრებულომ მომავალი სხდომის დღის წესრიგში შეიტანა.
კიდევ ერთი პროექტის მიხედვით, მერია ცვლის ასევე სამარშრუტო ტაქსებისთვის დაწესებულ ტარიფებს და ფასს 50 თეთრიდან 70 თეთრამდე ზრდის, თუმცა ეს ცვლილება მოსახლეობისთვის საინტერესო არ არის, რადგან დიდი ხანია სამარშრუტო ტაქსით მგზავრობა ბათუმის მასშტაბით 70 თეთრი ღირს – მძღოლებმა ფასი თვითნებურად გაზარდეს ჯერ კიდევ 4 წლის წინ.
ბათუმის საკრებულოს სხდომა 28 იანვარს უნდა გაიმართოს.
„მე უფრო გამიკვირდებოდა, საქართველოსთვისაც რომ გამოეგზავნა მოწვევა ტრამპს,“ – ამბობს „ბათუმელებთან“ საქართველოს ყოფილი ელჩი რუსეთში, ვალერი ჩეჩელაშვილი. მას „მშვიდობის საბჭოზე“ ვესაუბრეთ, სადაც ტრამპმა სამხრეთ კავკასიის რეგიონიდან საქართველოს მეზობლები, სომხეთი და აზერბაიჯანიც მიიწვია.
„ჩვენი ქვეყნის თვითიზოლაცია საერთაშორისო პროცესებისგან არაფერ კარგს არ უქადის საქართველოს. სერიოზულ შესაძლებლობებს ვკარგავთ ყველა მიმართულებით… ადრე ჩვენ ვსაუბრობდით მხოლოდ იმაზე, რომ ევროინტეგრაციის თვალსაზრისით ვკარგავთ ძალიან მნიშვნელოვან შესაძლებლობებს. მე ვფიქრობ, ვკარგავთ კი არა, დავკარგეთ უკვე,“ – ამბობს ვალერი ჩეჩელაშვილი, რომელიც იმედოვნებს, რომ ამერიკელები საქართველოსთან მიმართებით ისევ გააქტიურდებიან.
„საქართველო თავის ადგილს ამერიკელების ინტერესების პრიორიტეტებში აუცილებლად დაიკავებს“, – მიიჩნევს იგი.
როგორ და რა შემთხვევაში მოხდება ეს? – „ბათუმელებმა“ ვალერი ჩეჩელაშვილთან ინტერვიუ ჩაწერა. იგი „საქართველოს სტრატეგიული ანალიზის ცენტრის“ მმართველობის წევრია.
ბატონო ვალერი, ტრამპმა აზერბაიჯანი და სომხეთიც კი მიიწვია ღაზას სექტორის აღსადგენად მშვიდობის საბჭოს დამფუძნებელ წევრებად და ამ შემთხვევაშიც აუარა გვერდი საქართველოს. როგორ ფიქრობთ, რატომ?
მე უფრო გამიკვირდებოდა, საქართველოსთვისაც რომ გამოეგზავნა მოწვევა. ისიც გაურკვეველია ჯერ, რა მოხდება სომხეთთან დაკავშირებით: ტრამპის მოთხოვნაა, რომ ერთი მილიარდი შესატანი უნდა იყოს. აზერბაიჯანმა უკვე თანხმობა განაცხადა საბჭოს წევრობაზე, გასაგებიცაა, მას შესაბამისი ამბიციები აქვს. ერთი მილიარდი არ არის აზერბაიჯანისთვის ტრაგიკული თანხა, სომხეთთან მიმართებაში კი, ცოტა საეჭვოა, რას იზამს.
საქართველოსთან მიმართებაში, აბა, როგორ უნდა გამოეგზავნა ტრამპს მიწვევა? მას პირადი კონტაქტი საქართველოში არავისთან არ აქვს. ტრამპს მიღებული აქვს წერილი, რომელმაც მაინცდამაინც ბედნიერება არ მოუტანა. იმ ცნობილ წერილზე ვამბობ, ბატონმა ირაკლი კობახიძემ რომ გაუგზავნა, შემდეგ თურმე კიდევ რაღაც სხვა წერილი ყოფილა, როგორც ელჩმა დანიგანმა გვითხრა, რომელიც კიდევ უფრო უარესი იყო. რაც ჩვენ ვიცით, იმაზე უარესი რა იყო, ეს აღარ ვიცი. ის წერილი რომ წავიკითხე ჯერ ქართულად და მერე ინგლისურად, მე ჩემი დამემართა.
ვალერი ჩეჩელაშვილი
მერე კიდევ შათირიშვილის გაუთავებელი ბრალდებები იმასთან დაკავშირებით, რომ თურმე ტრამპიც არის „დიპ სტეიტის“ და „გლობალური ომის პარტიის“ აგენტი. ამ ყველაფრის ფონზე, რა მოლოდინი უნდა გვქონდეს? გარწმუნებთ, რომ აშშ-ის ადმინისტრაციაში არის ეს მთელი ინფორმაცია, იმიტომ, რომ კარგად თარგმნიან და აწვდიან მიმდინარე მოვლენების თაობაზე ინფორმაციას ამერიკის საელჩოდან ტრამპის ადმინისტრაციას.
ამიტომაც, არავითარი შანსი იმისა, რომ ჩვენ დავეპატიჟებინეთ, არ იყო.
ასევე, არა მგონია, ჩვენ ერთი მილიარდის გადახდის მაინცდამაინც დიდი სურვილი გვქონდეს. მთავრობას ჯერ ის თავსატეხი აქვს ამოსახსნელი, როგორ გადაიხადოს ENKA-თან წაგებული 400 მილიონი დოლარი, რომელიც თავისთავად უდიდესი თანხაა. 400 მილიონი დოლარი იმას ნიშნავს, რომ საქართველოს თითოეულმა მოქალაქემ, იქნება ეს ჩვილი თუ პენსიონერი, ყველამ უნდა გადავიხადოთ 100 დოლარზე მეტი.
მეორეს მხრივ, ეს ნიშნავს იმას, რომ ჩვენი რეპუტაცია და ავტორიტეტი საერთაშორისო ურთიერთობათა სისტემაში კნინდება. ჩვენ ყოველ შემთხვევაში აღარ ვჩანვართ საერთაშორისო ურთიერთობების სისტემაში, როგორც ღირებული მოთამაშე. ეს, რა თქმა უნდა, ძალიან საწყენია.
ტრამპი დაინტერესებულია სამხრეთ კავკასიით, საუბარია შუა დერეფნის სამხრეთის განშტოების მოწყობაზე, ამავე დროს ტრამპი არ ხედავს საქართველოს, სადაც აშშ-მ ძალიან დიდი ძალისხმევა გაიღო. ეს რაზე მიუთითებს?
მე დარწმუნებული ვარ, რომ ტრამპი ხედავს საქართველოს. ვერ წარმომიდგენია დიპლომატების ის ჯგუფი, რომელიც მუშაობდა აზერბაიჯან-სომხეთის შეთანხმებაზე [რომელსაც ხელი მოეწერა გასული 8 აგვისტოს ვაშინგტონში], არ ხედავდეს საქართველოს, მის გეოპოლიტიკურ ადგილს, როლს და მდებარეობას.
ხედავს, რა თქმა უნდა, მაგრამ იმისთვის, რომ რაღაც დონის, თუნდაც მინიმალური ურთიერთობები ჩამოყალიბდეს ტრამპის ადმინისტრაციასთან, უნდა შესრულდეს ელემენტარული წინაპირობები. ეს წერილები „ოცნებიდან“, დიდაქტიკური ტონი ურთიერთობებში ამერიკასთან სრულიად წარმოუდგენელია.
„ოცნების“ გზავნილი – „მოდით, სუფთა ფურცლიდან დავიწყოთ“, რას ნიშნავს? იმ რამდენიმე მილიარდ დოლარს, რომელიც ჩადო ამერიკის შეერთებულმა შტატებმა ჩვენი სახელმწიფოებრიობის გამყარებაში, სამხედრო ძალების ჩამოყალიბებაში, ჰუმანიტარულ დახმარებაში, ეკონომიკის აღორძინებაში –ამას ჩვენ ხაზი უნდა გადავუსვათ? მე, როგორც მოქალაქე საქართველოსი, არ ვარ თანახმა, „სუფთა ფურცლიდან დავიწყოთ“. მე ვფიქრობ, რომ ჩვენ აშშ-თან ძალიან კარგად აწყობილი სტრატეგიული პარტნიორობის ურთიერთობები გვქონდა და ჩვენ უნდა ვისაუბროთ პარტნიორობის აღდგენაზე და არა ცარიელი ფურცლიდან ან სუფთა ფურცლიდან ურთიერთობების დაწყებაზე.
ამიტომაც, მსგავსი განცხადებებიც კი, ძალიან საწყენია ამერიკელებისთვის. ვიდრე ელემენტარული ნაბიჯები არ გადაიდგმება „ქართული ოცნების“ მხრიდან, აქ ძირითადად ორი მიმართულებაა: პატიმრები და კანონები. თუ არ არის „ქართულ ოცნება“ მზად გარკვეული კომპრომისებისთვის, ლაპარაკი ნებისმიერ ურთიერთობების აღდგენაზე ამერიკის შეერთებულ შტატებთან, უადგილოა.
რამდენად გაიზარდა იმის საფრთხე, რომ ჩიხად ვიქცეთ?
ჩვენი ქვეყნის თვითიზოლაცია საერთაშორისო პროცესებისგან არაფერ კარგს არ უქადის საქართველოს. ჩვენ სერიოზულ შესაძლებლობებს ვკარგავთ ყველა მიმართულებით…
ადრე ჩვენ ვსაუბრობდით მხოლოდ იმაზე, რომ ევროინტეგრაციის თვალსაზრისით ვკარგავთ ძალიან მნიშვნელოვან შესაძლებლობებს. მე ვფიქრობ, ვკარგავთ კი არა, დავკარგეთ უკვე ამ ეტაპზე ყოველ შემთხვევაში. ამის აღდგენას დასჭირდება ძალიან სერიოზული ძალისხმევა, რომლისთვისაც, როგორც ჩანს, „ქართული ოცნება“ მზად არ არის და ამას ვერ განახორციელებს.
ბატონი ირაკლი კობახიძე აცხადებს, რომ ევროკავშირში გაწევრიანება რჩება ჩვენს სტრატეგიულ პრიორიტეტად და ჩვენ მივყვებით ასოცირების გზას. გააკვირვა ბევრმა ამ განცხადებამ აბუ-დაბიში. მეც გამიკვირდა, სიმართლე გითხრათ, იმიტომ, რომ არ არის თანხვედრაში რიტორიკასთან, რომელსაც მიმართავს „ქართული ოცნება“ ევროპელებთან მიმართებაში.
დასავლეთი ხედავს სამხრეთ კავკასიას, როგორც რეგიონულ აქტორს, საქართველოს გარეშე. ეს შესაძლებელია?
არა, ეს ძალიან რთული იქნება. ვფიქრობ, რაღაც ეტაპზე საქართველოსთან მიმართებაში ამერიკელების პოლიტიკა გააქტიურდება. იქ არის ჯგუფი, განსაკუთრებით კონგრესში, რომელიც არის დაკავებული საქართველოს პრობლემატიკით. მხედველობაში მაქვს ჯგუფი სენატორ უილსონის ხელმძღვანელობით, რომელიც „მეგობარი აქტის“ შემოქმედია. სხვათა შორის, ეს არის ორპარტიული ჯგუფი. რაღაც დონის ყურადღება ახლაც არის საქართველოსთან მიმართებაში ჩამოყალიბებული ამერიკაში. ჯერ არ გააქტიურებულა ეს.
მოგეხსენებათ, ამერიკის შეერთებულ შტატებს აქვს ძალიან სერიოზული პალიტრა პრობლემებისა ყველა მიმართულებით, რასაც ბოლო პერიოდში დაემატა კიდევ ერთი დიდი გამოწვევა: ევროპასთან ურთიერთობა გრენლანდიის კონტექსტში.
ამიტომაც, რაღაც დრო კიდევ დასჭირდებათ ამერიკელებს, მოუბრუნდეს სამხრეთ კავკასიის პრობლემატიკას. ამ კონტექსტში, რა თქმა უნდა, საქართველო თავის ადგილს ამერიკელების ინტერესების პრიორიტეტებში აუცილებლად დაიკავებს.
საითკენ მიდის პროცესი ირანში, თქვენი დაკვირვებით, ახერხებს რეჟიმი პროტესტის ჩახშობას?
ამ ეტაპზე ჩანს, რომ, რეჟიმმა შეინარჩუნა საკუთარი პოზიციები, თუმცა ეს არ ნიშნავს იმას, რომ ის ფუნდამენტური პრობლემები, რის გამოც დაიწყო პროტესტი, გაუჩინარდა. 47 წლის განმავლობაში რეჟიმმა ვერ გამოავლინა თავისი კომპეტენტურობა, ვერ უზრუნველყოს ირანელი ხალხისთვის უსაფრთხოება, კეთილდღეობა და განვითარების პერსპექტივები. ეს ცხადია. სამივე მიმართულებით არის ძალიან სერიოზული ჩავარდნა. ამ კრიზისიდან ძალიან დასუსტებული გამოვიდა რეჟიმი. ჯერ სრულიად არ არის დამთავრებული ეს ისტორია და აუცილებლად იქნება შემდგომი განვითარება. ვფიქრობ, ეს არის დროებითი პაუზა და ჩვენ აუცილებლად ვიხილავთ მოვლენების დინამიკურ განვითარებას
საბოლოო ჯამში, ეჭვი მეპარება, რომ შეინარჩუნოს დღევანდელმა ხელისუფლებამ ირანში ჰეგემონია. ყოველ შემთხვევაში 2026 წელს ძალიან სერიოზული გამოწვევების წინაშე აღმოჩნდება თეირანი.
ჩვენს ინტერესშია, როგორც მთლიანად სამხრეთ კავკასიის, ისე ცალკე აღებული ქვეყნების, რომ გვერდით გვყავდეს ერთიანი, დემოკრატიული, ეკონომიკურად განვითარებული და კარგი პერსპექტივების მქონე ირანის სახელმწიფო, რომელსაც ექნება თურქეთთან და სამხრეთ კავკასიასთან პარტნიორული და პრაგმატული ურთიერთობები. ეს მნიშვნელოვანწილად გაზრდის ასევე სამხრეთ კავკასიის, როგორც რეგიონის მიმზიდველობას და მნიშვნელობას საერთაშორისო ურთიერთობათა სისტემაში.
„მშვიდობის საბჭოზე“ მინდა გკითხოთ: რისთვის დასჭირდა, თქვენი აზრით, ტრამპს ეს საბჭო, თანაც პუტინის მონაწილეობით? მით უმეტეს მაშინ, როცა არსებობს გაერო?
აქ არის ბევრი გაურკვევლობა. ეს არის მშვიდობის საბჭო ღაზასთან დაკავშირებით. მშვიდობის საბჭო, რომელმაც შეიძლება გაერო ჩაანაცვლოს – ეს მეორე საკითხია. კი ბატონო, ტრამპმა პუტინი დაპატიჟა, მაგრამ პუტინის თვალით რომ შევხედოთ: რაში აინტერესებს ეს პუტინს, რუსეთში სერიოზული ფინანსური გამოწვევების ფონზე, ერთი მილიარდი დოლარი შეიტანოს საბჭოში, გახდეს მისი რიგითი წევრი, ამ საბჭოს სამუდამო თავმჯდომარედ კი, გამოცხადებულია ტრამპი. ვფიქრობ, რუსები რაღაც პაუზას აიღებენ ამ საკითხზე.
ამ საბჭოში არ არის დაპატიჟებული ჩინეთი. როგორ წარმოუდგენია ტრამპს, სამშვიდობო, დიდი ინიციატივა მსოფლიოში მეორე ეკონომიკის და პრაქტიკულად მეორე ისეთი გეოპოლიტიკური მოთამაშის გარეშე, როგორიც ჩინეთია?
ბევრი რამ არ არის გარკვეული. მაგალითად, თუ ქვეყანა ვერ გადაიხდის მილიარდს, ხმის მიცემის უფლების გარეშე იქნება წარმოდგენილი? როგორ მიიღებენ ეს ქვეყნები იმ ფაქტს, რომ სამუდამოდ ტრამპი უნდა იყოს თავმჯდომარე? რა მოხდება 2028 წლის შემდეგ, როცა ტრამპი უკვე პრეზიდენტი არ იქნება? როგორ მიიღებს გადაწყვეტილებებს ეს საბჭო, თუ არ იქნება კონსენსუსით მიღებული გადაწყვეტილებები? რა იქნება აღსრულების მექანიზმი?
გაეროს სისტემა, როგორც არ უნდა ვაკრიტიკოთ, გაცილებით უფრო დემოკრატიულად არის მოწყობილი, ხომ?! თავმჯდომარეობა როტაციულია, არსებობენ მუდმივი წევრები, დროებითი წევრები ორწლიანი ვადით და ასე შემდეგ. ვხედავთ, რომ ეს ვერ მუშაობს, იმიტომ, რომ კონსენსუსის პრინციპზეა დამოკიდებული გადაწყვეტილების მიღების მექანიზმი. ამ შემთხვევაში, თუ არ იქნება კონსენსუსი, გამოდის, რომ იქ გაწევრიანებული ქვეყნები იღებენ თავის თავზე ვალდებულებას, რომ დაემორჩილონ უმრავლესობას. შეეკითხეთ ახლა რუსეთს: ეს მისაღებია მისთვის?
ამერიკული დიპლომატია საერთოდ ძალიან კარგად ინსტიტუციონალიზებული სტრუქტურაა თავისი სერიოზული სკოლით, ხედვებით და ასე შემდეგ. ამისთანა ნედლი, დაუმუშავებელი წინადადების წარდგენა, სადაც ბევრი პასუხგაუცემელი კითხვაა, ვფიქრობ, არ იყო მაინცდამაინც მიზანშეწონილი, მაგრამ ვხედავთ იმას, რასაც ვხედავთ. იმაზე ანგარიში, რომ ეს საბჭო უმალ ამოქმედდება და ყველაფერი დალაგდება ამ საბჭოს მეშვეობით, სერიოზული ილუზია იქნება. ეს ვარდისფერი სათვალე, ვფიქრობ, არავის არ აქვს არც ევროპაში და, მათ შორის, არც რუსეთში, ჩინეთზე რომ საერთოდ არაფერი ვთქვათ.
საითკენ მიდის დღეს ეს საერთაშორისო წესრიგი? თქვენ გრენლანდია ახსენეთ და გუშინ პრესკონფერენციაზე რუსეთის საგარეო საქმეთა მინისტრმა სერგეი ლავროვმაც განაცხადა: ყირიმი არანაკლებ მნიშვნელოვანია რუსეთის უსაფრთხოებისთვის, ვიდრე გრენლანდია ამერიკის შეერთებული შტატებისთვისო.
ჩვენ ამ რიტორიკას ველოდებოდით კიდეც. მაგრამ ფუნდამენტური განსხვავება არის ის, რომ ამერიკელები ძალით არაფერს არ აკეთებენ. ამერიკელები კონსულტაციებს აწარმოებენ დანიელებთან და ევროპელებთან. მე სრულად გამოვრიცხავ ამერიკელების რაღაც სახის სამხედრო ოპერაციას გრენლანდიაზე არა იმიტომ, რომ ახლა ამერიკელები მაინცდამაინც საერთაშორისო სამართლის გამო შეიკავებენ თავს, არამედ იმიტომ, რომ თვითონ ამერიკის მოწყობა, ინსტიტუციური, კანონმდებლობა და ის ფაქტი, რომ აუცილებლად დასჭირდება ტრამპს კონგრესის თანხმობა სამხედრო ოპერაციაზე, ის ამ თანხმობას ვერ მიიღებს ვერანაირად.
ბეწვის ხიდზე გაიარა რეზოლუციამ სენატში, სადაც სენატორები უკრძალავდნენ ტრამპს მათი ნებართვის გარეშე ვენესუელაში სამხედრო ოპერაციის ჩატარებას. წარმოიდგინეთ, 50-50-ზე იყო ხმები, რამდენიმე რესპუბლიკელმა მხარი დაუჭირა დემოკრატებს… და ეს მოხდა ვენესუელასთან ბრწყინვალე ოპერაციის შემდეგ, რომელიც ამერიკელებმა განახორციელეს.
გრენლანდიასთან დაკავშირებით კი, ეს აბსოლუტურად გამორიცხულია, იმიტომ, რომ საზოგადოებრივი აზრით, ამერიკელების 80% მხარს არ უჭერს გრენლანდიაში სამხედრო ოპერაციის ჩატარებას. დარწმუნებული ვარ, რომ რაღაც გადაწყვეტილებას კონსულტაციების შედეგად მიიღებენ ევროპელები და ამერიკელები.
გრენლანდიის ფართობი არის 2 მილიონ 166 ათასი კვადრატული კილომეტრი. შედარებისთვის: მთლიანად სამხრეთ კავკასიის ფართობი არის 185 ათასი კვადრატული კილომეტრი – ანუ გრენლანდიის ერთი მერვედი. არსებობს ხელმოწერილი ხელშეკრულება დანიელებს და ამერიკელებს შორის. ბოლო-ბოლო შეიძლება მონიშნოს ტრამპმა ის ნაწილები გრენლანდიის, რომელიც განსაკუთრებულად ესაჭიროება, ვთქვათ, უსაფრთხოების უზრუნველყოფისთვის და იყიდოს არა მთლიანად გრენლანდია, არამედ ვთქვათ 100 000 კვადრატული კილომეტრი… მოკლედ, აქ ბევრი შესაძლებლობა არსებობს და მეორეს მხრივ, არც ამერიკელებს და არც ევროპელებს ახლა ურთიერთდაპირისპირება არანაირად არ აძლევს ხელს – ისინი ძალიან არიან დამოკიდებული ერთმანეთზე.
ეს ტრილიონობით ვაჭრობა, გინდა საქონლით, გინდა მომსახურებით, წარმოიდგინეთ, მარტო ევროკავშირი ფლობს საფინანსო ვალდებულებებს ამერიკის შეერთებული შტატების 8 ტრილიონი დოლარის ოდენობით. ამას დაუმატეთ დიდი ბრიტანეთი, კანადა, იაპონია.
მეორეს მხრივ, ამერიკელები უზრუნველყოფენ პრაქტიკულად ევროპის თხევადი გაზით მომსახურებას. ევროატლანტიკური სივრცე ისეა ერთმანეთთან დაკავშირებული, იმდენად ინტეგრირებულია, რომ სხვა გამოსავალი, ვიდრე რაღაც დიპლომატიური ხერხებია, არ არსებობს. ყველას ძალიან კარგად ესმის, რამდენად მნიშვნელოვანია დღეს ეს ურთიერთქმედება.
ამასთან ერთად,მაგალითად, კანადელები დემონსტრირებენ, რომ მათ სხვა გამოსავალიც გააჩნიათ. კანადამ ახლახან მოაწერა სერიოზული სავაჭრო შეთანხმებას ხელი ჩინეთთან. ევროკავშირმა გააფორმა თავისუფალი ვაჭრობის შეთანხმება ლათინური ამერიკის ქვეყნებთან, ამჯერად კი, სერიოზულად მუშაობს თავისუფალი ვაჭრობის შეთანხმებაზე ინდოეთთან. ინდოეთი გახდა მეოთხე ეკონომიკა მსოფლიოში, იაპონიას გაუსწრო – თუ არ გაუსწრო, ძალიან მიუახლოვდა და მეხუთე ეკონომიკა მაინც არის.
ყველა მხარეს – ევროპელებსაც და ამერიკელებსაც, კანადელებსაც [კანადა 2-ტრილიონიანი ეკონომიკაა, მერვე ეკონომიკაა მსოფლიოში], აქვს ძალიან სერიოზული ბერკეტები ერთმანეთზე ნეგატიური და პოზიტიური ზემოქმედების.
ბალანსის ანალიზისას, ვფიქრობ, ატლანტიკური ოკეანის ორივე ნაპირი ბოლო-ბოლო, რა თქმა უნდა, მივა იმ დასკვნამდე, რომ ევროატლანტიკური პარტნიორობა არის უალტერნატივო.
მე ამის ძალიან მწამს და მჯერა. რა თქმა უნდა, ჩვენთვისაც ძალიან მნიშვნელოვანია ეს და გლობალური უსაფრთხოების სისტემისთვის – თავისთავად.
დღეს, 21 იანვარს, „ქართული ოცნების“ პრემიერ-მინისტრი ირაკლი კობახიძე სასურსათო პროდუქციის ფასებთან დაკავშირებით მოქმედი სამთავრობო საკოორდინაციო კომისიის სხდომაზე ქსელური მარკეტების წარმომადგენლებს შეხვდა ფასების დაწევის საკითხზე სასაუბროდ.
მან დღეს ერთ-ერთ პრობლემურ საკითხად სუპერმარკეტების გაზრდილი რაოდენობა დაასახელა.
„ხუთი წლის განმავლობაში მარკეტების რაოდენობა ქვეყანაში არის გაორმაგებული. საქართველოში 100 000 კაცზე 113 მარკეტია, მაშინ, როდესაც გერმანიაში 45-ია იგივე მაჩვენებელი, ავსტრიაში – 62. არის კიდევ უფრო დაბალი მაჩვენებლები. ეს ბუნებრივია, საბოლოო ჯამში, აისახება ფასზე და ტვირთად აწვება მოსახლეობასაც“ – თქვა ირაკლი კობახიძემ.
კობახიძის თქმით, როდესაც ბიზნესი თავისუფალია და თავისუფლად აწარმოებს საქმიანობას, ეს ეხმარება ეკონომიკას, დასაქმებას, „თუმცა ამ შემთხვევაში იმდენად მძიმე სოციალური ტვირთი შემოდის მოსახლეობისთვის, რომ გადავწყვიტეთ, კონსულტაციების საფუძველზე გვეცადა გარკვეული ცვლილებების შეტანა მთლიანად საერთო სურათში.
რეალურად არის შემთხვევები, სადაც ორმაგი, სამმაგიც კი არის სხვაობა ფასებს შორის. მთლიანობაში ჯამური საშუალო ფასნამატი ჩვენი დაანგარიშებით შეადგენს 86 პროცენტს, რაც საკმაოდ მაღალია“- განაცხადა კობახიძემ.
პრესრელიზის თანახმად, შეხვედრას მსხვილი საცალო სასურსათო ქსელური მარკეტების 15-მდე წარმომადგენელი დაესწრო.
ეს არ არის პირველი შემთხვევა, როცა ირაკლი კობახიძე მარკეტების გაზრდილ რაოდენობაზე საუბრობს და ამ საკითხს ფასების გაზრდას უკავშირებს. მსგავსი განცხადება „ოცნების“ პრემიერმა 2025 წლის დეკემბერშიც გააკეთა. მაშინ მან მსხვილ სუპერმარკეტებს ირიბი ბრალდება წაუყენა და თქვა, რომ აქვს ეჭვი კარტელურ გარიგებაზე
რა ბედი ელის სასკოლო საგანს, „მოქალაქეობას“ და რატომ გაუჩნდათ განათლების სპეციალისტებს განცდა, რომ შესაძლოა „ოცნების“ ხელისუფლებამ ეს საგანი საერთოდ ამოიღოს საათობრივი ბადიდან? რა იციან ამის შესახებ თავად ამ საგნის მასწავლებლებმა და რას დაკარგავს სკოლა, თუკი ეს საგანი გაუქმდება? – ამ თემაზე „ბათუმელები“ სამოქალაქო განათლების მასწავლებლებს ესაუბრა.
„მეც მქონდა რაღაც მსგავსი მოლოდინები ამ საგანთან დაკავშირებით, მიუხედავად იმისა, რომ ეს შიშები დადასტურებული არ არის. არ ვიცით დაზუსტებით, რომ შეიძლება ეს საგანი მართლა გააუქმონ, მაგრამ თუ ასე მოხდება, ეს გამოიწვევს უამრავი მასწავლებლის დატოვებას საათების გარეშე, წყალში ჩაიყრება ამდენი მასწავლებლის მძიმე შრომა, რადგან ყველაფერი გავაკეთე ჩემი პროფესიული განვითარებისთვის, გავხდი მენტორი მასწავლებელიც და ვიზრუნე იმისთვის, რომ ფეხზე დამდგარიყო ჩემი სკოლა და ახლა უნდათ, რომ ასე უცბად, ხელის ერთი მოსმით გააუქმონ ეს ყველაფერი?
ბოლო წლებში, მოქალაქეობრივი ცნობიერება ძლივს გაიზარდა და დღეს სულ სხვა ახალგაზრდა თაობა დგას ჩვენს წინაშე – მაღალი ცნობიერებით, მაღალი პასუხისმგებლობით, პატრიოტიზმით სავსე ადამიანები და იმის წარმოდგენაც არ მინდა, რა შეიძლება მოჰყვეს „მოქალაქეობის“ გაუქმებას“- ამბობს მასწავლებლის ეროვნული ჯილდოს მფლობელი პედაგოგი ჟანა ხაჩატურიანი, რომელიც ახალქალაქის მე-3 საჯარო სკოლაში ასწავლის სამოქალაქო განათლებას და მოქალაქეობას.
მისი თქმით, სამოქალაქო განათლება მოსწავლეს შესაძლებლობას აძლევს ჩამოყალიბდეს პიროვნებად, შეძლოს საკუთარი უფლებების დაცვა და გაიღრმაოს ცოდნა ადამიანის უფლებების სფეროში, ასევე, წარმოდგენა შეექმნას როგორც ეკონომიკურ საკითხებზე, ასევე სახელმწიფოს მოწყობის და მისი განვითარების მოდელზე.
„ამ ყველაფერში ლომის წილს თამაშობს სამოქალაქო განათლება და ამისთვის ძალიან ბევრს ვშრომობთ ჩვენც, სამოქალაქო განათლების მასწავლებლები.
საგანი – მოქალაქეობის გაქრობა, ნიშნავს თავისუფალი აზრის გაქრობას! რაც მძიმე შედეგად აისახება ქვეყანაზე“ – ამბობს ჟანა ხაჩატურიანი.
მას ვკითხეთ, თუ რატომ გაუჩნდა მსგავსი მოლოდინები „მოქალაქეობის“ შესაძლო გაუქმებაზე. მასწავლებელმა გვითხრა, რომ ეს ეჭვები ბოლო დროს განვითარებულ მოვლენებს უკავშირდება.
„რაღაცნაირად, ისე გამოვიდა, რომ სამოქალაქო განათლების მასწავლებლები თითქოს უფრო კრიტიკულები ვართ და ასევე კრიტიკულად მოაზროვნე ახალგაზრდებს ვზრდით, მაგრამ ჩვენი ეროვნული სასწავლო მიზნებიც ხომ ეს არის, რომ კრიტიკულად მოაზროვნე თაობები გავზარდოთ? ასეთი ხალხი კი, ყოველთვის პრობლემაა სისტემებისთვის“ – ამბობს ჟანა ხაჩატურიანი.
ვესაუბრეთ მასწავლებლის ეროვნული ჯილდოს მფლობელ კიდევ ერთ პედაგოგს, ლადო აფხაზავასაც. მისი თქმით, შესაძლოა „ოცნებამ“ ეს გადაწყვეტილება ფსევდო-ღირებულებებით გადაფუთოს.
„ეს ხელისუფლება თუ ერთ რამეს აკეთებს, მეორეს ყოველთვის ძირი ეთხრება. სწორედ ასე მოიქცევიან სამოქალაქო განათლების შემთხვევაშიც. ერთი ის ვიცი, რომ ყველაფერს, რაც დემოკრატიას უკავშირდება, ძირს უთხრიან.
დიმიტრი უზნაძემ გვითხრა, რომ სკოლა არის პატარა სახელმწიფო, რომლის მოქალაქეებიც არიან მოსწავლეები. სკოლა უნდა იყოს დემოკრატიული და თავისუფლებას უნდა პასუხობდესო და აი, ამ დიმიტრი უზნაძეს უთხრიან ძირს, მაგრამ მუდმივად ხომ არ იქნებიან ხელისუფლებაში?!
თუმცა ისეთი ჰონორი აქვთ, თითქოს მთელი დარჩენილი ცხოვრება ხელისუფლებაში იქნებიან.
თუ ამ ყველაფერს მოშლიან, ახალი თაობა, მომავალი თაობა ასეთ სისულელეების გაკეთებას ნამდვილად არ აპატიებს. უნდა დაფიქრდნენ, რომ მათი მიღებული გადაწყვეტილებები არ იყოს დამაზიანებელი ამ ქვეყნისთვის“ – ამბობს ლადო აფხაზავა.
მას ვკითხეთ, ხომ არ აქვს მოლოდინი, რომ „მოქალაქობა“ არაფორმალურ განათლებაში შეიძლება გადაიტანონ და ასე შეეცადონ საათობრივი ბადიდან ამოღებას?
ლადო აფხაზავას თქმით, არაფორმალური განათლება ძალიან მნიშვნელოვანია, მნიშვნელოვან ღირებულებებს უყალიბებს ახალგაზრდებს, მაგრამ „მოქალაქეობის“ ამ სივრცეში გადმოტანით, შესაძლოა უკანა პლანზე გადავიდეს დემოკრატიული ღირებულებები და ადგილი დაუთმონ ფსევდო პატრიოტიზმს.
„ან რომელ ღირებულებებზე უნდა გვესაუბრონ ესენი, როცა ციხეში ჰყავთ ქალი გამოკეტილი იმის გამო, რომ რაღაც ფურცელი გააკრა კედელზე?
ან რა ღირებულებებზე უნდა გველაპარაკონ, როცა პატიმარს აფურთხებს პოლიციელი. რომელ ღირებულებებზე მელაპარაკებიან, როცა ყველა სახელმწიფო ინსტიტუტი აქვთ მიტაცებული და მართალი დამნაშავედ გამოჰყავთ. ამ ღირებულებებით უნდათ სკოლაში შემოსვლა?
ჩვენ მოსწავლეებს აზროვნებას, ფიქრს ვასწავლით, ვაჩვენებთ სწორ გზას და შემდეგ მისი არჩევანია, რა გზას დაადგება.
ერთხელ სიმულაციური თამაშიც გავაკეთეთ არჩევნებზე და ერთ-ერთი კანდიდატი ვიყავი მე. სპეციალურად წარვადგინე სუსტი პროგრამა და წავაგე კიდეც არჩევნები, რადგან მოსწავლეებმა მითხრეს, კი ხარ ჩვენი მასწავლებელი, მაგრამ სხვისი პროგრამა უფრო მოგვეწონაო.
ამ ბავშვებმა იციან რა არის თავისუფალი არჩევანი და ამ ხელისუფლებას უნდა, რომ ეს ახალგაზრდები რაღაც მორჩილ, თავდახრილ მონებად აქციოს?!
ასე არ ხდება დემოკრატიულ საზოგადოებაში.
ამიტომ, თუ „მოქალაქეობის“ გაუქმებით უნდათ, რომ ეს ღირებულებები წაშალონ, ვფიქრობ, დააგვიანდათ“- ამბობს ლადო აფხაზავა.
მისი თქმით, პოლიციელის პროფესიის გაცნობაც შეიძლება ბავშვისთვის და სასულიერო პირის შემოყვანაც სკოლაში, თუ ეს ყველაფერი არ არღვევს დემოკრატიისა და თავისუფლების პრინციპებს.
„ყველა ხელისუფლების დროს დაგვყავდა მოსწავლეები პოლიციაში და ამაში ვერ ვხედავ პრობლემას, თუ სახელმწიფო არის დემოკრატიული. მაგრამ ეს ყველაფერი, ხელისუფლებისთვის გუნდრუკის კმევად არ უნდა გადაიქცეს“ – ამბობს ლადო აფხაზავა.
მისი თქმით, სამწუხაროა ის, რომ დაანონსებული განათლების რეფორმის მიუხედავად, სამოქალაქო განათლების მასწავლებლები არ არიან პროცესებში ჩართული და მათ აზრი რეფორმის ავტორებს არ აინტერესებთ.
„ისიც არ ვიცით, რა ფოკუს-ჯგუფები შექმნეს და ვინ მუშაობს სახელმძღვანელოების საკითხზე.
მე მსგავსი რამ არ მსმენია, არც არავის უკითხავს ჩემთვის ან სხვა კოლეგებისთვის, როგორ შეიძლება გაუმჯობესდეს ჩვენი საგნის სახელმძღვანელო.
ჩვენ სამოქალაქო მასწავლებლების ფორუმიც გვქონდა სადაც საქართველოს 800 სკოლიდან გვყავდა მასწავლებლები მოწვეული და ვმსჯელობდით ამ საკითხებზე. თითქმის ყველასთან მაქვს კომუნიკაცია და არავისთვის უკითხავს მათთვის, რას ფიქრობენ სამოქალაქო განათლების სახელმძღვანელოებზე და არც იმაზე, რაიმე ჯგუფები იქმნება თუ არა სამინისტროში ამ საგნის ირგვლივ. ჩვენთვის არაფერი შემოუთვლიათ“ – ამბობს ლადო აფხაზავა.
„ბათუმელები“ დაუკავშირდა კიდევ ერთ მასწავლებელს და ტრენერს, სამოქალაქო განათლების სახელმძღვანელოს ერთ-ერთ ავტორს, მანანა ჯინჭარაძეს და მას ჰკითხა, ხომ არ აქვს ინფორმაცია „მოქალაქეობის“ შესაძლო გაუქმების შესახებ ან ხომ არ მიუწვევიათ განათლების სამინისტროში, მაგალითად, ახალ სახელმძღვანელოზე კონსულტაციისთვის.
მანანა ჯინჭარაძე ამბობს, რომ მისი ინფორმაციით, სამოქალაქო განათლების გაუქმება არ იგეგმება.
„გაუქმებას არ ველოდები, რადგან სამოქალაქო განათლება არის ძალიან საინტერესო საგანი.
თქვენ სწორად მიუთითეთ ის, რომ ვარაუდები და მოსაზრებებია ამ საკითხზე და არ გითქვამთ, რომ ფაქტია. ფაქტი არის ის, რომ დღეის მდგომარეობით გაუქმებული არაფერი არ არის და არც სამომავლოდ არის რაიმე ასეთი დაგეგმილი, ყოველ შემთხვევაში მე არ ვიცი“ – გვითხრა მანანა ჯინჭარაძემ.
20 ინვარს განცხადება გაავრცელა სამოქალაქო მასწავლებლების პედაგოგთა ფორუმმა. განცხადებაში ნათქვამია, რომ ამ დღეებში აპირებენ წერილობით მიმართონ განათლების სამინისტროს და ასე მიიღონ პასუხი კითხვაზე, ხომ არ იგეგმება სამოქალაქო განათლების გაუქმება სკოლებში.
„ამ საკითხთან დაკავშირებით სამოქალაქო განათლების პედაგოგთა ფორუმმა არაოფიციალური მოკვლევა ჩაატარა, სამინისტროს სიპების წარმომადგენლებთან და საგნის ექსპერტებთან.
მოწოდებული ინფორმაციით, ეროვნული სასწავლო გეგმიდან საგნის მოქალაქეობა ამოღება დღის წესრიგში არ დგას.
ფორუმი უახლოეს დღეებში გეგმავს წერილობით მიმართოს განათლებისა და მეცნიერების სამინისტროს, რათა მივიღოთ ოფიციალური პასუხი აღნიშნულ უმნიშვნელოვანეს საკითხთან დაკავშირებით“ – ნათქვამია განცხადებაში.
ზამთარში სოციალურად დაუცველი ზოგიერთი ოჯახი შეშით უზრუნველყოფას სთხოვს ბათუმის მერიას. რამდენმა ადამიანმა მოითხოვა წელს შეშა? – ბათუმის მერიაში ეს არ დაგვიზუსტეს, აქ მხოლოდ ის გვითხრეს, რომ 2025 წლის სექტემბრიდან დეკემბრის ჩათვლით, „შეშით დაკმაყოფილებულია 50 ოჯახი“.
მერიის ინფორმაციით, სოციალურად დაუცველ ოჯახებს შეშას გადასცემენ მხოლოდ იმ შემთხვევაში, თუ გამწვანების სამსახური მოჭრილი ხეების დამუშავებით საშეშე მასალას მიიღებს.
თუმცა წინა წლებში მერია გვწერდა, რომ მსგავსი ოჯახებისთვის შეშის გარკვეული მარაგი გათვალისწინებული იყო.
„სოციალურად დაუცველი ოჯახებისთვის შეშის გადაცემა ხორციელდება მხოლოდ იმ შემთხვევაში, თუ დაგროვდება გამწვანების სამსახურის მიერ გადაბელილი ან საჭიროებიდან გამომდინარე მოჭრილი ხეების დამუშავებით მიღებული საშეშე მასალა.
სოციალურად დაუცველი ოჯახების შეშით დაკმაყოფილება გრძელდება შემოსული განცხადებების შესაბამისად, სოციალური ქულების გათვალისწინებით. 2025 წლის სექტემბრიდან დეკემბრის ჩათვლით შეშით დაკმაყოფილებულია 50 ოჯახი“- მოგვწერეს ბათუმის მერიიდან.
დღეს, 21 იანვარს, საქართველოს სხვადასხვა უნივერსიტეტის პროფესორ-მასწავლებლებმა და განათლების მკვლევრებმა განცხადებით მიმართეს განათლების სამინისტროს და მოითხოვეს უმაღლესი განათლების რეფორმასთან დაკავშირებული ყველა მნიშვნელოვანი დოკუმენტის წარდგენა.
მიმართვის ტექსტი გამოქვეყნდა ფეისბუქგვერდზე „ქართული განათლება საფრთხეშია“.
მიმართვის ტექსტს გთავაზობთ სრულად.
„უმაღლესი განათლების რეფორმა ქვეყნის განვითარების ერთ-ერთი ყველაზე მნიშვნელოვანი საკითხია და საჭიროებს გამჭვირვალე პროცესს, მტკიცებულებებზე დაფუძნებულ ანალიზს და ფართო აკადემიურ/საზოგადოებრივ არსებით განხილვას.
2025 წლის 1 დეკემბერს დამტკიცებულ უმაღლესი განათლების რეფორმის კონცეფციასთან დაკავშირებით დღემდე არ არის საჯაროდ წარმოდგენილი მისი ანალიტიკური საფუძველი, არ არის ცნობილი სამუშაო ჯგუფის შემადგენლობა, რომელმაც იმუშავა კონცეფციის დაწერაზე, არ არის წარმოდგენილი ექსპერტული/აკადემიური შეფასებები შესაძლო შედეგებისა და რისკების შესახებ, კონცეფციას არ ახლავს დროში გაწერილი სამოქმედო გეგმა და ფინანსური გათვლები.
ამასთან, განსაკუთრებით შემაშფოთებელია, კონცეფციის საფუძველზე უმაღლესი განათლების კანონში განხორციელებული ცვლილებების შინაარსი და ის ფაქტი, რომ განმარტებით ბარათში ასევე არ არის წარმოდგენილი შესაბამისი ანალიზი, დასაბუთება და ექსპერტული შეფასება.
არსებული ფორმით კონცეფციის დანერგვა ქმნის მნიშვნელოვან რისკებს:
▪️ უნივერსიტეტის ავტონომიისა და აკადემიური თავისუფლების შეზღუდვა, რაც ეწინააღმდეგება საქართველოს კონსტიტუციას, ბოლონიის პროცესის პრინციპებსა და საქართველო-ევროკავშირის ასოცირების შეთანხმებას;
▪️ უნივერსიტეტების ინსტიტუციური მდგრადობისა და საერთაშორისო თანამშრომლობების დაზიანება;
▪️ „ერთი ფაკულტეტი – ერთი ქალაქი“ მიდგომით ხარისხის გაუარესება, ინტერდისციპლინური თანამშრომლობის დასუსტება და ფრაგმენტაცია;
▪️ უმაღლესი განათლების ხელმისაწვდომობის შემცირება (კვოტების შემცირება ან ხარისხის გაუარესება, თუ უმაღლესი განათლების დაფინანსება არსებითად არ გაიზრდება);
▪️ სასკოლო განათლების პრაქტიკულად 2 წლით შემცირების ფონზე, 3+1+1 მოდელზე ხისტად გადასვლით კრიტიკული პრობლემების შექმნა მოსწავლეებისა და სტუდენტების ცოდნის და კომპეტენციების განვითარების, ასევე სწავლის შედეგებზე გასვლის თვალსაზრისით; პროგრამების ხარისხის დაზიანება და კვალიფიკაციების საერთაშორისო აღიარებისთვის საფრთხის შექმნა.
▪️ ხარისხის უზრუნველყოფის ეროვნულ და ევროპულ სტანდარტებთან წინააღმდეგობების შექმნა და ევროპულ აკადემიურ სივრცეში ინტეგრაციის პროცესების დაზიანება
▪️ აკადემიური პერსონალის მართვის პოლიტიკის გაუმჭვირვალობა, პოლიტიკური გავლენების გაზრდა, და შესაბამისად, აკადემიური და სამეცნიერო განვითარების პოტენციალის დასუსტება.
ამასთან, მიმდინარე პროცესის და ცვლილებების ბუნდოვანება მნიშვნელოვნად აფერხებს უნივერსიტეტების და აკადემიური პერსონალის აკადემიური და სამეცნიერო საქმიანობის დაგეგმვას.
ზემოთქმულიდან გამომდინარე, ვითხოვთ სამინისტროსგან კონკრეტულ და საჯარო პასუხებს ქვემოთ ჩამოთვლილ შეკითხვებზე და შესაბამისი დოკუმენტების წარმოდგენას.
კონცეფციის შემუშავების პროცესი, ანალიტიკური საფუძველი და დანერგვის გეგმა
▪️ წარმოგვიდგინეთ სამუშაო ჯგუფის შემადგენლობა, რომელმაც შეიმუშავა რეფორმის კონცეფცია.
▪️ წარმოგვიდგინეთ მკვლევრებისა და ექსპერტების ჩამონათვალი, რომლებიც ჩართულები იყვნენ რეფორმის კონცეფციის განხილვასა და შეფასებაში, ასევე მათი მოსაზრებები და შეფასებები კონცეფციაში მითითებულ თითოეულ საკითხთან დაკავშირებით.
▪️ გვაცნობეთ რეფორმის კონცეფციის შემუშავების პროცესში რომელ დაინტერესებულ მხარეებთან (უნივერსიტეტების პროფესორები, ადმინისტრაცია, სტუდენტები, აბიტურიენტები, მშობლები, მასწავლებლები) ჩატარდა შეხვედრები და კონსულტაციები და როდის? წარმოგვიდგინეთ შეხვედრებისა და კონსულტაციების ოქმები.
▪️ მოგვაწოდეთ არსებული კვლევები, შეფასებები, პოლიტიკის ანალიზის დოკუმენტები, რომლებსაც დაეყრდნო რეფორმის კონცეფცია.
▪️ წარმოგვიდგინეთ რეფორმის კონცეფციის შემუშავებისა და განხორციელებისთვის ჩატარებული კონკრეტული ახალი კვლევები, ანალიზი და შეფასება.
▪️ რეფორმის კონცეფციის შემუშავების პროცესში იყო თუ არა გათვალისწინებული/გაანალიზებული საერთაშორისო გამოცდილება? ასეთის არსებობის შემთხვევაში წარმოგვიდგინეთ ანალიზის დოკუმენტი.
▪️ წარმოგვიდგინეთ დეტალურად გაწერილი სამოქმედო გეგმა კონცეფციის განსახორციელებლად ვადებით, პასუხისმგებელი პირებით და ფინანსური გათვლებით.
▪️ წარმოგვიდგინეთ კონცეფციის განხორციელების მოსალოდნელი შედეგებისა და რისკების ანალიზი.
ერთი ქალაქი – ერთი ფაკულტეტი
▪️ წარმოგვიდგინეთ ანალიზი და კვლევები, რომელსაც ეფუძნება „ერთი ქალაქი – ერთი ფაკულტეტის“ პრინციპის ჩამოყალიბება, მათ შორის, აღნიშნული მოდელის ოპტიმალურობისა და რისკების ანალიზი. განგვიმარტეთ, თუ რას გულისხმობს „ფაკულტეტი“ კონცეფციის ფარგლებში.
▪️ წარმოგვიდგინეთ კრიტერიუმები რომელთა მიხედვითაც შეირჩევა, თუ რომელი ფაკულტეტი რომელ უნივერსიტეტში იფუნქციონირებს.
▪️ წარმოგვიდგინეთ თითოეულ სახელმწიფო უნივერსიტეტში თითოეულ ფაკულტეტზე განხორციელებული პროგრამების, ასევე მათი ადმინისტრაციული, ინფრასტრუქტურული და აკადემიური შესაძლებლობების, არსებული სტუდენტთა მომავალი სტუდენტთა კონტინგენტის ანალიზი, იმის დასადგენად, თუ როგორ მოხდება თითოეულ უნივერსიტეტში ფაკულტეტების გადანაწილება/გაერთიანება.
▪️ წარმოგვიდგინეთ დროში გაწერილი სამოქმედო გეგმა ამ ცვლილების განსახორციელებლად.
▪️ წარმოგვიდგინეთ მიდგომა იმის შესახებ, თუ როგორ დაასრულებენ სწავლას უკვე ჩარიცხული სტუდენტები თავიანთ უნივერსიტეტებში იმ შემთხვევაში, თუკი მათი ფაკულტეტები გაუქმდება. როგორც საჯარო განცხადებებში იქნა ნათქვამი, სტუდენტებს შესაძლებლობა ექნებათ იმ უნივერსიტეტებში დაასრულონ სწავლა, სადაც ჩაირიცხნენ. ასეთ შემთხვევაში, როგორ მოხდება იმ პროგრამებისთვის აკადემიური და ინფრასტრუქტურული რესურსის უზრუნველყოფა და შენარჩუნება, რომლებიც თითქმის მილევად რეჟიმში გადავლენ.
▪️ აღნიშნული პრინციპის განხორციელების შემთხვევაში, როგორია მიდგომა სოხუმის სახელმწიფო უნივერსიტეტთან დაკავშირებით?
სამწლიანი ბაკალავრიატი
▪️ წარმოგვიდგინეთ ანალიზი, თუ რას ეფუძნება სამწლიან ბაკალავრიატზე გადასვლა სასკოლო წლების შემცირების ფონზე, რომელიც განიხილავს აღნიშნული ცვლილებების შედეგებს მოსწავლეებისა და სტუდენტების აკადემიური პროგრესიისა და მიღწევები გაუმჯობესების თვალსაზრისით, და უმთავრესად აღნიშნული მოდელის შემთხვევაში, რა შეფასება და გარანტიები არსებობს, რომ სტუდენტებისა და მოსწავლეების აკადემიური მიღწევები არ გაუარესდება.
▪️ წარმოგვიდგინეთ კრიტერიუმები რომლის მიხედვითაც განისაზღვრება თუ რომელი პროგრამები გახდება სამწლიანი და რომელი პროგრამები დარჩება 4 წლიანი.
▪️ წარმოგვიდგინეთ საგანმანათლებლო პროგრამებისა და კურსების ამ კრიტერიუმების მიხედვით ჩატარებული ანალიზის შედეგები.
▪️ წარმოგვიდგინეთ გეგმა იმის შესახებ, თუ როგორ მოხდება თითოეულ პროგრამაზე ოთხ წელზე გათვლილი სასწავლო კურსების სამ წელზე დაყვანა.
აკადემიური პერსონალი
▪️ წარმოგვიდგინეთ კრიტერიუმები, თუ როგორ მოხდება სრული, ასოცირებული და ასისტენტ პროფესორების შერჩევა მიმართულებების მიხედვით.
▪️ წარმოგვიდგინეთ გეგმა, თუ როგორ განაწილდება სხვადასხვა უნივერსიტეტის აკადემიური პერსონალი „ერთი ქალაქი – ერთი ფაკულტეტი“ პრინციპის დანერგვის შემთხვევაში.
▪️ წარმოგვიდგინეთ გეგმა უნივერსიტეტებისა და მიმართულებების მიხედვით სრული, ასოცირებული და ასისტენტ-პროფესორების რაოდენობის შესახებ. ასევე, განგვიმარტეთ, აღნიშნულ კონტექსტში რას გულისხმობს „მიმართულება“.
▪️ წარმოგვიდგინეთ თითოეული აკადემიური პოზიციის გათვალისწინებით სახელფასო სქემა.
▪️ წარმოგვიდგინეთ აკადემიური პერსონალის დაწინაურების სქემა, კრიტერიუმები და შესაძლებლობები.
სტუდენტთა კვოტების განსაზღვრა
▪️ წარმოგვიდგინეთ მეთოდოლოგია და კრიტერიუმები თუ როგორ მოხდება სახელმწიფო უნივერსიტეტებში თითოეულ პროგრამაზე მისაღები კონტინგენტის რაოდენობის განსაზღვრა საბაკალავრო, სამაგისტრო და სადოქტორო საფეხურებზე.
▪️ წარმოგვიდგინეთ უნივერსიტეტებისა და საგანმანათლებლო პროგრამების აკადემიური და ინფრასტრუქტურული ანალიზი და გეგმა, რომელსაც ეფუძნება თითოეულ პროგრამაზე მისაღები სტუდენტების კონტინგენტის რაოდენობის განსაზღვრა.
▪️ წარმოგვიდგინეთ შემდეგი 3 წლის განმავლობაში პროგრამების მიხედვით დაგეგმილი მისაღები კონტინგენტის შესახებ გათვლები.
შრომის ბაზრის ანალიზი
▪️ წარმოგვიდგინეთ შრომის ბაზრის ანალიზისთვის გაწერილი მეთოდოლოგია, რომელსაც დაეფუძნება საგანმანათლებლო პროგრამების ჩამონათვალის და თითოეულ მათგანზე მისაღები სტუდენტების რაოდენობის განსაზღვრა.
▪️ წარმოგვიდგინეთ ჯგუფი, რომელიც მუშაობს შრომის ბაზრის ჩატარებაზე და როდის გახდება შრომის ბაზრის კვლევის შედეგები ცნობილი საზოგადოებისათვის.
▪️ წარმოგვიდგინეთ მიდგომა, რომლის მიხედვითაც სახელმწიფო გამოიყენებს ბაზრის კვლევის შედეგებს საგანმანათლებლო პროგრამების ჩამონათვალისა და მათზე მისაღები სტუდენტთა კონტინგენტის რაოდენობის განსაზღვრის შესახებ.
დაფინანსება
▪️ წარმოგვიდგინეთ ანალიზი, რომელსაც ეფუძნება უმაღლესი განათლების დაფინანსების მოდელი რეფორმის ფარგლებში, ასევე თავად დაფინანსების ახალი მოდელი და დაფინანსების წესი.
▪️ წარმოგვიდგინეთ რეფორმის განხორციელებაზე გაწერილი ბიუჯეტი. რა თანხაა გამოყოფილი უმაღლესი განათლების დაფინანსებაზე მთლიანად სახელმწიფო ბიუჯეტიდან შემდეგი 3 წლის განმავლობაში.
▪️ დაფინანსების ახალი მოდელის მიხედვით, რამდენია ერთი სტუდენტის მომზადების თვითღირებულება საგანმანათლებლო პროგრამების მიმართულებების და საფეხურების მიხედვით? რა თანხაა გათვალისწინებული უმაღლესი განათლების ბიუჯეტში ერთი სტუდენტის მომზადებაზე საგანმანათლებლო პროგრამების და საფეხურების მიხედვით?
ხარისხის უზრუნველყოფა
მიმდინარე ხარისხის უზრუნველყოფის სისტემის მიხედვით უნივერსიტეტები თავიანთი სტრატეგიისა და პრიორიტეტების ფარგლებში თავად იღებენ გადაწყვეტილებას განსახორციელებელი საგანმანათლებლო პროგრამების, აკადემიური, სამეცნიერო და შემოქმედებითი მიმართულებების და სტუდენტების კვოტების განსაზღვრის თაობაზე.
უმაღლესი განათლების კანონში განხორციელებული ცვლილებები უნივერსიტეტებს ართმევს აღნიშნულ საკითხებთან დაკავშირებით (და არა მხოლოდ) ავტონომიას და წინააღმდეგობაში მოდის ხარისხის უზრუნველყოფის მოქმედ სტანდარტებთან და პრინციპებთან. როგორია მიდგომა ხარისხის უზრუნველყოფის სისტემის ცვლილებასთან დაკავშირებით? აღნიშნული საკითხების ცენტრალიზებულად მთავრობის მიერ განსაზღვრის შემთხვევაში რა მექანიზმების და კრიტერიუმების მიხედვით უზრუნველყოფს სახელმწიფო უმაღლესი განათლების ხარისხს?
საუნივერსიტეტო ინფრასტრუქტურა
წარმოგვიდგინეთ რეფორმის ფარგლებში დაგეგმილი ინფრასტრუქტურული გეგმა თბილისის და რეგიონების უნივერსიტეტების განვითარების შესახებ შესაბამისი ვადებითა და ფინანსური გათვლებით.
საერთაშორისო სტუდენტების მიღების შეზღუდვა სახელმწიფო უნივერსიტეტებში
წარმოგვიდგინეთ გეგმა, ფინანსური და ეკონომიკური გათვლები და საერთაშორისო სტუდენტების ნაკადების სტრატეგია სახელმწიფო უნივერსიტეტებში საერთაშორისო სტუდენტების მიღების შეზღუდვასთან დაკავშირებით“.
„ქართული განათლება საფრთხეშია“ საქართველოს უნივერსიტეტების პროფესორ-მასწავლებლებისა და მკვლევრების გაერთიანებაა, რომელიც, მათივე განმარტებით, ქმნის პლატფორმას განათლებისა და მეცნიერების წინაშე არსებული საფრთხეების და გამოწვევების წინ წამოსაწევად და განსახილველად.
„ქართული ოცნების“ ხელისუფლებამ სასკოლო და უმაღლესი განათლების რეფორმის დაწყება გასულ წელს დააანონსა. მათი განცხადებით, სკოლებში გაუქმდება მე-12 კლასი და სწავლა გახდება 11-წლიანი.
ძირეული ცვლილებები აქვთ დაგეგმილი უმაღლეს განათლებაშიც, რაც სპეციალისტების თქმით, საფრთხეს უქმნის უნივერსიტეტების ავტონომიურობას და განათლებაზე ხელმისაწვდომობას. იზოლაციაში აქცევს ქართული განათლების სისტემას და ფაქტობრივად, მთლიანად აფერხებს უმაღლესი განათლების განვითარებას.
საერთაშორისო ფინანსურმა ჟურნალმა – Global Finance – თიბისი, კიდევ ერთხელ დაასახელა საქართველოში საერთაშორისო ვაჭრობის ხელშეწყობისა და დაფინანსების მიმართულებით საუკეთესო მიმწოდებლად. რიგით 26-ე დაჯილდოების ფარგლებში, გამოცემამ გამარჯვებულები მსოფლიოს 100-მდე ქვეყანაში გამოავლინა.
თიბისიმ საერთაშორისო აღიარება შემდეგი კრიტერიუმების მიხედვით მოიპოვა: განხორციელებული ტრანზაქციების მოცულობა, ბაზრის წილი, გლობალური დაფარვის მასშტაბები, მომსახურება, კონკურენტუნარიანი ფასები და ინოვაციური ტექნოლოგიები.
Global Finance-ის ჯილდო კიდევ უფრო ამყარებს ბანკის ლიდერულ პოზიციას ვაჭრობის დაფინანსების სექტორში, რომელშიც თიბისის 45%-ზე მეტი წილი უჭირავს, მთლიანი პორტფელი კი 2.5 მილიარდ ლარს შეადგენს.
“Global Finance-ის ჯილდო თიბისის გუნდის ძალისხმევის საერთაშორისო აღიარებაა – ჩვენ მუდმივად ვეძებთ გზებს, რომ გავამარტივოთ ვაჭრობის დაფინანსების პროცესები და მომხმარებელს საუკეთესო გამოცდილება შევთავაზოთ. აქცენტს პროცესების გაციფრულებასა და ხელოვნურ ინტელექტზე ვაკეთებთ. მიმდინარე წელს ინტერნეტ და მობაილ ბანკში გარანტიების ციფრულად გაცემის სერვისს დავნერგავთ, რაც კიდევ უფრო გაზრდის პროდუქტზე ხელმისაწვდომობას, პროცესებს კი დააჩქარებს. სწორედ მომხმარებელზე ორიენტაცია და თიბისის გუნდის ექსპერტიზა განაპირობებს ბაზარზე ჩვენს ლიდერობას და ამყარებს თიბისის მიმართ მომხმარებელთა ნდობას, რომელთა რიცხვი იზრდება და დღეისთვის 1000-ზე მეტ კლიენტს აერთიანებს”,- თამარ ხიზანიშვილი, თიბისის ვაჭრობის ფინანსირებისა და ფაქტორინგის დეპარტამენტის დირექტორი.
„გლობალური ვაჭრობის დაფინანსების სექტორი სწრაფი ტექნოლოგიური განვითარების ეტაპზეა – ბანკები და სერვისის მიმწოდებლები აქტიურად იყენებენ ხელოვნურ ინტელექტს, ბლოკჩეინ ტექნოლოგიასა და ციფრულ პლატფორმებს, რათა გაამარტივონ ტრანსსასაზღვრო ვაჭრობა და გაზარდონ გამჭვირვალობა. წელს ვაჭრობის დაფინანსების საუკეთესო მიმწოდებლების ჯილდოები იმ კომპანიებს გადავეცით, რომლებიც თავიანთ მომხმარებლებს უმაღლესი დონის სერვისით, ტექნოლოგიებითა და რისკების მართვით ხელს უწყობენ ეფექტიან ვაჭრობაში”, – ჯოზეფ ჯიარაპუტო, Global Finance-ის გამომცემელი და მთავარი რედაქტორი.
საავტომობილო გზების დეპარტამენტის ცნობით, დღეს, 21 იანვარს, ინტენსიური თოვისა და რთული მეტეოროლოგიური პირობების გამო, საავტომობილო გზების ცალკეულ მონაკვეთებზე დაწესებულია მოძრაობის სპეციალური რეჟიმები.
კერძოდ, ლიპყინულის, ინტენსიური თოვისა და რთული მეტეოროლოგიური პირობების გამო, მისაბმელიანი და ნახევრადმისაბმელიანი ავტოტრანსპორტის მოძრაობა შეზღუდულია:
კოდა–ფარცხისი–მანგლისი–წალკა-ნინოწმინდის გზის ფარავნის უღელტეხილზე და კმ110-კმ146 მონაკვეთზე
ნაქერალას უღელტეხილზე
საჩხერე-რაჭის გზაზე
ქუთაისი-წყალტუბო-ცაგერი-ლენტეხი-ლასდილის გზის ოფიტარა-მელეს მონაკვეთზე
ქუთაისი-ალპანა-მამისონის გზის ქორენიში-შოვის მონაკვეთზე
ზუგდიდი-ჯვარი-მესტია-ლასდილის გზის ჯვარი-უშგულის მონაკვეთზე
ზვავსაშიშროების, ძლიერი თოვის, ცუდი ხილვადობისა და ქარბუქის გამო ყველა სახის ავტოტრანსპორტის მოძრაობა დროებით შეზღუდულია:
საგარეჯო-უდაბნო-დავით გარეჯის მონასტრის საავტომობილო გზის კმ21-კმ49 მონაკვეთზე
ბათუმი(ანგისა)-ახალციხის საავტომობილო გზის კურორტი გოდერძი-უტყისუბნის მონაკვეთზე
ნიჩბისი-დიდგორი-დიდი თონეთის საავტომობილო გზაზე, კორშა-შატილის მონაკვეთზე
უშგული-ლასდილის მონაკვეთზე
მხოლოდ მაღალი გამავლობის ავტოტრანსპორტის მოძრაობაა დასაშვები ბათუმი-ახალციხის გზის კმ50-კმ102 მონაკვეთზე.
საავტომობილო გზების დანარჩენ მონაკვეთებზე ავტოტრანსპორტის მოძრაობა თავისუფალია.
ამავე დროს, დეპარტამენტის ცნობით, გუდაური–კობისა და რიკოთის საუღელტეხილო მონაკვეთებზე მისაბმელიანი ავტოტრანსპორტის მოძრაობა აღდგენილია და მოძრაობა თავისუფალია ყველა სახის ტრანსპორტისთვის.
2025 წლის 5 დეკემბერს, ვაშინგტონში, ქართული კომპანია Orbi Group-ის გენერალური დირექტორი ირაკლი კვერღელიძე და ასევე, ქართული კომპანია Block Group-ის გენერალური დირექტორი თორნიკე ჯანაშვილი, პრეზიდენტ დონალდ ტრამპისა და პირველი ლედის, მელანია ტრამპის სპეციალური მიწვევით, თეთრ სახლში გამართულ დახურულ საშობაო ღონისძიებას დაესწრნენ.
აღნიშნული საღამო სადღესასწაულო შეკრებას წარმოადგენდა, რომელსაც მსოფლიოში სახელგანთქმული ტენორის ანდრეა ბოჩელის საკონცერტო გამოსვლა ამშვენებდა. მაესტრომ მიწვევა პირადად პრეზიდენტისგან მიიღო.
ღონისძიება თეთრი სახლის ისტორიულ, აღმოსავლეთ დარბაზში გაიმართა. ანდრეა ბოჩელის კონცერტს წინ უძღოდა თბილი წინასაკონცერტო მიღება, სადაც ცოცხალ სადღესასწაულო მუსიკას ამერიკის შეერთებული შტატების საზღვაო ქვეითთა ორკესტრი ასრულებდა. წინასაკონცერტო მიღებამ საღამოს მხიარული და საზეიმო განწყობა შექმნა, სადაც სტუმრები საუბრობდნენ და თეთრი სახლის კულინარიული გუნდის მიერ მომზადებულ სეზონურ კოქტეილებს აგემოვნებდნენ.
დამსწრეთა რაოდენობა 150-მდე სტუმრით იყო შეზღუდული, რომლებიც ბიზნესის, კულტურისა და საზოგადოებრივი ცხოვრების სხვადასხვა სფეროებს წარმოადგენდნენ. მოწვეულთა შორის იყვნენ: პრეზიდენტი დონალდ ტრამპი და პირველი ლედი მელანია ტრამპი; ამერიკის შეერთებული შტატების სახელმწიფო მდივანი მარკო რუბიო; გენერალური პროკურორი; აშშ-ის ეროვნული დაზვერვის ხელმძღვანელი ტულსი გაბარდი; თეთრი სახლის ადმინისტრაციის ხელმძღვანელი სუზი უაილსი; ასევე კაბინეტის სხვა გამორჩეული წევრები.
უაილსი, რომელიც თანამედროვე ამერიკულ პოლიტიკაში ერთ-ერთ ყველაზე დისციპლინირებულ და ეფექტურ ლიდერად არის მიჩნეული, მთელი საღამოს განმავლობაში აქტიურად ესაუბრებოდა სტუმრებს და ზრუნავდა, რომ შეკრება თბილი და დასამახსოვრებელი ყოფილიყო. მთელი საღამოს განმავლობაში, საუბრები მიმდინარეობდა ბუნებრივად და არაფორმალურად, რაც ასახავდა საშობაო სულისკვეთების, კულტურისა და ტრადიციებისადმი საერთო სიყვარულს, ყოველგვარი ოფიციალური დღის წესრიგის გარეშე.
საღამოს თანაპროდიუსერი იყო დიდი ხნის მეგობარი და ბიზნესპარტნიორი მარკ ადვენტი, რომელიც დეველოპერი და გლობალური ბიზნესის, უძრავი ქონებისა და ტურისტული კომპანიების განვითარების მიმართულებით საერთაშორისო დონეზე აღიარებული, გავლენიანი ფიგურაა. ადვენტი ცნობილია ისეთი მასშტაბური პროექტებით, როგორიცაა ლას-ვეგასის New York New York Hotel & Casino, რომელმაც 1997 წელს გახსნისთანავე შეცვალა სტუმარმასპინძლობის ინდუსტრიის სტანდარტები.
„ეს იყო მშვენიერი საშობაო საღამო, რომელიც მუსიკის, მეგობრობისა და მადლიერების გარშემო გაერთიანდა. ირაკლი და თორნიკე მოწვეულნი იყვნენ, როგორც სტუმრები, რათა მონაწილეობა მიეღოთ ამ გამორჩეულ კულტურულ გამოცდილებაში. ჩემთვის განსაკუთრებით სასიამოვნო იყო სახელმწიფო მდივან რუბიოს ნახვა, რომელიც ირაკლისთან და თორნიკესთან ურთიერთობისას გულწრფელად იღიმოდა – ეს იყო შესანიშნავი მომენტი, რომელმაც ზუსტად ასახა საღამოს სითბო და განწყობა”, – განაცხადა ადვენტმა.
თავის მხრივ, ირაკლი კვერღელიძემ აღნიშნა, რომ „მაესტრო ბოჩელის შესრულების მოსმენა ასეთ გარემოში საოცრად ემოციური გამოცდილება იყო. მთელი საღამო, დაწყებული მშვენიერი წინასაკონცერტო მიღებით და დასრულებული თავად შესრულებით, ზუსტად ასახავდა შობის ნამდვილ სულს.“
ირაკლი კვერღელიძის ხელმძღვანელობით Orbi Group-ი ქმნის და მართავს მსოფლიოს უმსხვილეს სასტუმრო ობიექტებს, მათ შორის ფლაგმან პროექტს „Orbi City“ ბათუმში. Block Group-თან პარტნიორობით, კომპანია აგრძელებს მასშტაბური პროექტების განვითარებას საერთაშორისო დონეზე, მათ შორის დაგეგმილ პროექტებს თბილისსა და ბათუმში, ასევე გეგმავს თანამშრომლობას ლეგენდარულ იტალიურ ბრენდთან, Cipriani-სთან და Advent Allen International-თან.
„ეს საღამო განსაკუთრებული გახადა მისმა ენერგიამ და სითბომ, არაჩვეულებრივმა მუსიკამ, გულთბილმა გარემოცვამ და სეზონის ერთად აღნიშვნის სიხარულმა“, – დასძინა თორნიკე ჯანაშვილმა.
ვაშინგტონში გამართული შეხვედრის შემდეგ, კვერღელიძე და ჯანაშვილი შეუერთდნენ ადვენტს და მის პარტნიორს, ლოს-ანჯელესისა და ლას-ვეგასის სტუმარმასპინძლობის ინდუსტრიის ლეგენდას, ბილ ალენს, წინასწარ დაგეგმილ ბიზნეს შეხვედრებზე. Advent Allen International-ი, Orbi Group-თან და Block Group-თან პარტნიორობით, ლას-ვეგასში მასშტაბური ინტეგრირებული კურორტისა და კაზინოს პროექტის დასაანონსებლად ემზადება და აქტიურად განიხილავს აშშ-ის საფონდო ბირჟაზე დალისტვის შესაძლებლობას.
მათ ახალ პროექტებს შორისაა 190 მილიონი დოლარის ღირებულების გასართობი ცენტრი ლას-ვეგასში, რომელიც შთაგონებულია Paramount Pictures-ისა და ტომ კრუზის ფილმებით, Top Gun-ითა და Top Gun: Maverick-ით. ეს იქნება მაღალტექნოლოგიური და ადრენალინით სავსე ადგილი, რომელიც ფილმების მასშტაბურობას გადმოსცემს.
საღამო ისე დასრულდა, როგორც დაიწყო: მადლიერებით მუსიკის, მეგობრობისა და შობის მარადიული სულის მიმართ.
„ირაკლისა და თორნიკეს ჩვენთან ერთად ყოფნა თეთრ სახლში მართლაც არაჩვეულებრივი იყო,“ – დასძინა ადვენტმა. „ისინი ქართულ ბიზნესს საუკეთესო ფორმით განასახიერებენ და ჩემი ნამდვილი მეგობრები და გამორჩეული ლიდერები არიან, ამ სიტყვის სრული მნიშვნელობით. უკვე დიდი ენთუზიაზმით ველოდებით მათ აშშ-ში დაბრუნებას, როდესაც შეერთებული შტატები 4 ივლისს, 250-ე იუბილეს იზეიმებს.“
ბათუმის საქალაქო სასამართლომ 7 წლით და 6 თვით თავისუფლების აღკვეთა შეუფარდა ბრალდებულს, რომელიც გონიოში ავარიაში მოყვა, ამ ავარიის შედეგად კი, ბრალდებულის ავტომანქანაში მყოფი სამი ქალი დაიღუპა.
საუბარია 2025 წლის 14 ივნისის შემთხვევაზე. პროკურატურის ვერსიით, ბრალდებულმა, რომელიც ბათუმიდან სარფის მიმართულებით გადაჭარბებული სიჩქარით მოძრაობდა, ვერ უზრუნველყო ავტომანქანის უსაფრთხო მართვა და გაჩერებულ სატვირთო ავტომობილს შეეჯახა.
დაკავებულს ბრალი სსკ-ის 276-ე მუხლის მე-8 ნაწილით ჰქონდა წარდგენილი, რაც გულისხმობს ავტომობილის მოძრაობის უსაფრთხოების წესის დარღვევა, რამაც ორი ან მეტი ადამიანის სიცოცხლის მოსპობა გამოიწვია.
„ბოლო 5 წლის განმავლობაში ქსელური მარკეტების რაოდენობა ქვეყანაში ორჯერ გაიზარდა. შედეგად, დღეს საქართველოში 100 000 კაცზე 113 მარკეტი მოდის, როდესაც გერმანიაში ეს მაჩვენებელი 45, ხოლო ავსტრიაში 62-ია,“ – ეს სტატისტიკური ინფორმაცია 24 დეკემბრის დილას, სპეციალური ვიდეორგოლით მიაწოდა საქართველოს მოსახლეობას „ქართული ოცნების“ პრემიერ-მინისტრმა.
ირაკლი კობახიძემ იქვე მსხვილ სუპერმარკეტებს ირიბი ბრალდება წაუყენა და თქვა, რომ აქვს ეჭვი კარტელურ გარიგებაზე.
„ლოგიკურია, რომ ქსელის გაფართოებასთან დაკავშირებული ხარჯები პროდუქტის ფასებზე პირდაპირ აისახება. წინასწარი ანალიზის საფუძველზე, შეიძლება გამოიკვეთოს რამდენიმე ძირითადი ფაქტორი, რომელიც მაღალ ფასნამატს და, შესაბამისად, მაღალ ფასებს განაპირობებს.
მაგალითად, ესაა ე.წ. ქსელის ქეშბექი, მაღაზიაში შესვლისთვის დაწესებული საფასური, დისტრიბუტორებისთვის ან მწარმოებლებისთვის თანხის გადახდის დაგვიანება, მაღაზიების სიმრავლე და ახალი მაღაზიის გახსნის ხარჯის ასახვა ფასში და ა.შ.
რაც მთავარია, არსებული პრაქტიკა აჩენს ეჭვს, რომ ბაზრის მოთამაშეები შესაძლოა, შეთანხმებულად, კარტელური პრინციპით მოქმედებდნენ, რასაც, ბუნებრივია, დამატებითი ანალიზი ესაჭიროება“, – თქვა ირაკლი კობახიძემ.
„ბათუმელებმა“ 2025 წლის 25 დეკემბერს საქართველოში მოქმედ რამდენიმე მსხვილ ქსელურ მარკეტს მიმართა შეკითხვებით. „ორ ნაბიჯს“, „ნიკორას“, „კარფურს“, „აგროჰაბს“, „დეილი ჯგუფს“ ვკითხეთ, ირაკლი კობახიძის განცხადებაზე როგორი იქნება მათი რეაგირება.
სუპერმარკეტებს ასევე ვკითხეთ:
აქვთ ქსელში ისეთი პრაქტიკა, როგორიცაა ე.წ. „ქსელის ქეშბექი“, მაღაზიაში შესვლის საფასური და მომწოდებლებისთვის გადახდის გადავადება?
არსებობს ქსელსა და სხვა დიდ სუპერმარკეტებს შორის რაიმე ფორმალური ან არაფორმალური შეთანხმება ფასებთან ან მომწოდებლების პირობებთან დაკავშირებით?
თუ ბაზარზე რეალურად არსებობს კონკურენცია, რატომ არის ფასები უმეტეს შემთხვევაში თითქმის იდენტური დიდ სუპერმარკეტებს შორის, მათ შორის აქციების პერიოდშიც? როგორ ხსნის თქვენი კომპანია ამას?
ხომ არ გეგმავს თქვენი კომპანია ქსელში არსებულ პროდუქტებზე ფასების შემცირებას?
თითქმის ერთი თვის თავზე არც ერთი ქსელური მარკეტიდან ინფორმაცია არ მიგვიღია.
ვინ ფლობს ქსელურ მარკეტებს საქართველოში
თიბისი კაპიტალის FMCG სექტორის კვლევის თანახმად, 2024 წელს გაყიდვების მოცულობით ბაზრის ერთ-ერთი ლიდერია სს „ნიკორა ტრეიდი“.
2025 წლის 30 ივნისის მონაცემებით, სს „ნიკორა ტრეიდი“ მთელი ქვეყნის მასშტაბით ფლობდა 654 მაღაზიას და ჰყავდა 8 600-ზე მეტი თანამშრომელი.
კომპანია თავის სავაჭრო ობიექტებში მომხმარებელს 20 000-ზე მეტი სახეობის პროდუქციას სთავაზობს, მათ შორის 500-მდე დასახელების პროდუქტი „ნიკორას“ ჯგუფში შემავალი კომპანიების მიერაა წარმოებული.
სააქციო საზოგადოება „ნიკორა ტრეიდის“ მენეჯმენტის ქვეშაა ჰიპერმარკეტი „ლიბრე“, „ნუგეშის“ სუპერმარკეტების ქსელი და „ჰოთ-დოგ რუმი“.
სს „ნიკორა ტრეიდის“ ძირითადი აქციონერია სს „ნიკორა“, რომელიც ამჟამად ფლობს კომპანიის აქციების 96.60021%-ს. დამფუძნებელი ვასილ სუხიაშვილი ამავდროულად არის სამეთვალყურეო საბჭოს თავმჯდომარე (23%).
სამეთვალყურეო საბჭო 7 წევრისგან შედგება, მისი თავმჯდომარეა ვასილ სუხიაშვილი. წევრები არიან: ტარას ნიჟარაძე, ირაკლი ბოქოლიშვილი, გია პეტრიაშვილი, ირაკლი ნიკოლაიშვილი, რუსეთის მოქალაქეები – ვასილ ტარადინი და ოლეგ გუბანოვი.
ფინანსური და მმართველობითი ანგარიშგებების მიხედვით, 2024 წელს კომპანიის დაუბეგრავი მოგება 11.3 მილიონი ლარი იყო.
„ნიკორა ტრეიდის“ სამეთვალყურეო საბჭოს წევრი ირაკლი ბოქოლიშვილი მთავრობის ადმინისტრაციაში, ირაკლი კობახიძესთან გამართულ შეხვედრაზე 21 იანვარი, 2026
ორი ნაბიჯი
შპს „ორი ნაბიჯი“ ადგილობრივი ბრენდია და ის 2009 წელს დაარსდა.
შპს „ორი ნაბიჯის“ წილის მფლობელები არიან გოჩა ცქიტიშვილი (33.34%), გიორგი ჩხეიძე (33.33%) და კახა ბექაური (33.33%). კახა ბექაური საქართველოს კომუნიკაციების ეროვნული კომისიის თავმჯდომარეა.
2024 წლის ფინანსური ანგარიშის მიხედვით, სუპერმარკეტების ქსელ „ორი ნაბიჯს“ ქვეყნის მასშტაბით 529 საცალო მაღაზია ჰქონდა, მათგან 291 მდებარეობდა თბილისში, 43 – ქვემო ქართლში, 49- იმერეთში, 38 – კახეთში, 22 – აჭარაში, 28 – სამეგრელოში, 14 – მცხეთა-მთიანეთში, 22 – შიდა ქართლში და 22 – საქართველოს სხვა რეგიონებში.
2024 წლის ბოლოს კომპანიაში დასაქმებული იყო 4 800- მდე თანამშრომელი.
2024 წლის ფინანსური და მმართველობითი ანგარიშგებების მიხედვით, „ორი ნაბიჯის“ დაუბეგრავი მოგება 2024 წელს 64.4 მილიონი ლარი იყო.
საქართველოს კომუნიკაციების ეროვნული კომისიის თავმჯდომარე, “ორი ნაბიჯის” ერთ-ერთი მეწილე, კახა ბექაური მთავრობის ადმინისტრაციაში, ირაკლი კობახიძესთან გამართულ შეხვედრაზე 21 იანვარი, 2026
აგროჰაბი
შპს „აგროჰაბი“ 2016 წლიდან ოპერირებს ბაზარზე. კომპანია 2015 წელსაა დაარსებული, თუმცა სახელის ცვლილებამდე შპს „ფერმა მარკეტი“ ერქვა.
2024 წლის 31 დეკემბრის მდგომარეობით, „აგროჰაბს“ თბილისში აქვს 7 ჰიპერმარკეტი/სუპერმარკეტი, ხოლო ბათუმში – ერთი. დასაქმებული ჰყავდა 2 146 თანამშრომელი.
2025 წელს ,,აგროჰაბმა” კიდევ ერთი სუპერმარკეტი ქუთაისში გახსნა.
კომპანიის 100 % წილს აკაკი ახვლედიანი ფლობს.
,,აგროჰაბს” აქვს საკუთარი ფერმები, აწარმოებს რძეს, ხორცპროდუქტების ნახევარფაბრიკატებს, სხვადასხვა ქვეყნიდან იმპორტით შემოაქვს თევზი და ზღვის დელიკატესები, აქვს საკუთარი სასათბურე მეურნეობა, სადაც წლის განმავლობაში 200-მდე ტონა ბოსტნეული მოჰყავს. აწარმოებს ჯემებს და მურაბებს. ცალკე აქვს საკონდიტრო ხაზი და პურ-ფუნთუშეულის საამქრო.
„აგროჰაბის“ დაუბეგრავი მოგება 2024 წლისთვის 25.8 მილიონი ლარი იყო.
დეილი ჯგუფი
„დეილის ჯგუფი“ ამჟამად აერთიანებს „სპარის“, „იოლის“, „დეილის“, „კალათას“, „გვირილასა“ და „მაგნიტის“ ქსელებს. ეს ნიშნავს, რომ „დეილი ჯგუფი“ საქართველოს მასშტაბით ფლობს დაახლოებით 1 700 სავაჭრო წერტილს, რაც ორგანიზებული ბაზრის 30%-ია.
შპს „დეილის“ სამეთვალყურეო საბჭო მართავს, რომლის შემადგენლობაში შედიან უტა მაზიაშვილი, არჩილ გეგენავა, დავით კუხალაშვილი, ზურაბ ზაქარიაძე და ცეზარ ჩოჩელი.
2023 წლის ფინანსური ანგარიშგების თანახმად, კომპანიას ამ წელს 5.4 მილიონი ლარის ზარალი ჰქონდა. ჯერჯერობით არ არის ხელმისაწვდომი ახალი ანგარიში, რომელიც 2024-2025 წლებში კომპანიის ფინანსურ მდგომარეობას ასახავს.
კარფური
„კარფური“ ფრანგული საერთაშორისო ბრენდია, რომელიც საქართველოში Majid Al Futtaim Group-ის მეშვეობით ოპერირებს.
„კარფურის“ პირველი ჰიპერმარკეტი საქართველოში 2012 წელს გაიხსნა.
2024 წლის 31 დეკემბრის მდგომარეობით, „კარფურს“ საქართველოში ჰქონდა ექვსი ჰიპერმარკეტი, 19 სუპერმარკეტი და 72 არასპეციალიზებული მაღაზია. ამავე პერიოდისათვის კომპანიაში დასაქმებული იყო 2 725 ადამიანი.
კარფური არის შპს „მაჯიდ ალ ფუტაიმ ჰიპერმარკეტსის“ შვილობილი საწარმო, რომელიც კომპანიის საწესდებო კაპიტალის 100%-ს ფლობს.
შპს „მაჯიდ ალ ფუტაიმ კაპიტალის“ მფლობელია მაჯიდ ალ ფუტაიმის ოჯახის 9 წევრი, ხოლო საკონტროლო წილის მფლობელია თარიქ ალ ფუტაიმი.
2024 წელს კომპანიამ 34 მილიონზე მეტი ლარი იზარალა.
„2024 წელს კომპანიის ზარალი განაპირობა როგორც საერთო მოგების შემცირებამ, ისე საოპერაციო ხარჯების, კერძოდ თანამშრომლებზე გაწეული დანახარჯებისა და კომპანიის შიდა გადანაწილებული ხარჯების ზრდამ, ასევე საპროცენტო ხარჯის გაზრდამ, რაც გამოიწვია მშობელი საწარმოს ნასესხები სახსრების მოდიფიცირებებმა და საკურსო სხვაობით განპირობებულმა ზარალმა,“ – ნათქვამია „კარფურის“ 2024 წლის ფინანსური ანგარიშგების დოკუმენტში.
ევროპროდუქტი
„ევროპროდუქტი“ 2004 წელს დაარსებული ადგილობრივი ბრენდია.
ანგარიშგების პორტალზე გამოქვეყნებული 2024 წლის რეპორტის თანახმად, კომპანიის ძირითად ბიზნესსაქმიანობას წარმოადგენს საბითუმო და საცალო ვაჭრობა საკვები და არასაკვები პროდუქტით. კომპანია 2024 წლის მონაცემებით, ქვეყნის მასშტაბით ამარაგებდა 2600-მდე მაღაზიას და ოპერირებას უწევდა 38 მაღაზიას.
2024 წელს კომპანიაში დასაქმებული იყო 748 ადამიანი.
2025 წლის 31 იანვრის ამონაწერის მიხედვით, შპს „ევროპროდუქტის“ უშუალო მფლობელი იყო ნინო ბრეგვაძე 50%-იანი წილით და შპს „ჯი-თი-გრუპი“ 50 %-იანი წილით.
2025 წლის 17 დეკემბრის მდგომარეობით, შპს „ჯი-თი-გრუპში“ წილები სამ პირზე ნაწილდებოდა თანაბრად. გიორგი გველესიანი, გიორგი თავდიშვილი და თემურ უსტიაშვილი კომპანიაში თანაბარ – 33%-იან წილებს ფლობენ.
„ევროპროდუქტს“ ორი აღმასრულებელი დირექტორი მართავდა – დავით ოსეფაშვილი და გიორგი თავდიშვილი.
„ევროპროდუქტის“ დაუბეგრავი მოგება 2024 წლისთვის 19 523 391 ლარი იყო.
დავით ოსეფაშვილი და გიორგი თავდიშვილი 21 იანვარს მთავრობის ადმინისტრაციაში, ირაკლი კობახიძესთან გამართულ შეხვედრაზე
კომისია სურსათის ფასების შესასწავლად
„ქართული ოცნების“ პრემიერ-მინისტრის 2025 წლის 30 დეკემბრის განკარგულებით, შეიქმნა სამთავრობო საკოორდინაციო კომისია, რომელიც სურსათის ფასების საკითხზე იმუშავებს. კომისიას თავად ირაკლი კობახიძე უხელმძღვანელებს.
სამთავრობო საკოორდინაციო კომისიის წევრები არიან: სუს-ის უფროსი მამუკა მდინარაძე, მთავრობის ადმინისტრაციის უფროსი ლევან ჟორჟოლიანი, ეკონომიკისა და მდგრადი განვითარების მინისტრი მარიამ ქვრივიშვილი, გარემოს დაცვისა და სოფლის მეურნეობის მინისტრი დავით სონღულაშვილი, ჯანდაცვის მინისტრი მიხეილ სარჯველაძე, ფინანსთა მინისტრი ლაშა ხუციშვილი და კონკურენციისა და მომხმარებლის დაცვის სააგენტოს თავმჯდომარე ირაკლი ლექვინაძე.
20 იანვარს ირაკლი კობახიძემ კომისიის პირველი სხდომა გამართა.
ამ შეხვედრის ოფიციალური რელიზის მიხედვით, მომდევნო კვირიდან გაიმართება შეხვედრები მწარმოებლებთან, საცალო ვაჭრობის ქსელებისა და სადისტრიბუციო კომპანიების წარმომადგენლებთან.
დღეს, 21 იანვარს კი სასურსათო პროდუქციის ფასებთან დაკავშირებით მოქმედი სამთავრობო საკოორდინაციო კომისიის სხდომაზე, ირაკლი კობახიძე ქსელური მარკეტების წარმომადგენლებს შეხვდა.
„როგორც ქსელური მარკეტების წარმომადგენლებს განვუცხადე, მათთან ერთად გვინდა ვიმსჯელოთ იმასთან დაკავშირებით, თუ რა შეიძლება გაკეთდეს ამ მიმართულებით, როგორ შეიძლება გარკვეული პრაქტიკები შეიცვალოს იმისათვის, რომ მოვახერხოთ ფასების დაწევა. მთლიანობაში ჯამური საშუალო ფასნამატი ჩვენი დაანგარიშებით შეადგენს 86 პროცენტს.
ვფიქრობთ, ფასნამატი 86% საკმაოდ მაღალია. ხუთი წლის განმავლობაში მარკეტების რაოდენობა ქვეყანაში არის გაორმაგებული. საქართველოში 100 000 კაცზე 113 მარკეტია, მაშინ, როდესაც გერმანიაში 45-ია იგივე მაჩვენებელი, ავსტრიაში – 62. არის კიდევ უფრო დაბალი მაჩვენებლები. ეს ბუნებრივია, საბოლოო ჯამში, აისახება ფასზე და ტვირთად აწვება მოსახლეობასაც.
მსგავსი ფორმატის შეხვედრები გაიმართება როგორც დისტრიბუტორებთან, ისე ადგილობრივ მწარმოებლებთან. ასევე, კომისია იმუშავებს მედიკამენტებისა და საწვავის ფასებთან დაკავშირებითაც,“ – დაწერა შეხვედრის შემდეგ თავის ოფიციალურ ფეისბუქ გვერდზე „ქართული ოცნების“ პრემიერმა.
სასურსათო პროდუქციის ფასებთან დაკავშირებით მოქმედი სამთავრობო საკოორდინაციო კომისიის სხდომაზე, ირაკლი კობახიძე ქსელური მარკეტების წარმომადგენლებს შეხვდა. შეხვედრას მსხვილი საცალო სასურსათო ქსელური მარკეტების 15-მდე წარმომადგენელი დაესწრო.
შინაგან საქმეთა სამინისტროს ცნობით, ბათუმში ინტერპოლის მიერ წითელი ცირკულარით ძებნილი, თურქეთის რესპუბლიკის მოქალაქე – 2003 წელს დაბადებული რ.ს. დააკავეს.
შსს-ს ინფორმაციით, დაკავებული თურქეთის რესპუბლიკის მიერ, ელექტრონულ მონაცემთა დამუშავების სისტემების გამოყენებით ჩადენილი თაღლითობის ბრალდებით იძებნებოდა.
„სამართალდამცველებმა რ.ს. ჩატარებული საგამოძიებო მოქმედებების შედეგად, ბათუმში დააკავეს. დაკავებულის მიმართ კანონით გათვალისწინებული საექსტრადიციო პროცედურები მიმდინარეობს“ – იუწყება შსს.
არასამთავრობო ორგანიზაცია „საერთაშორისო გამჭვირვალობა – საქართველოს“ კვლევის მიხედვით, „ქართული ოცნების“ პარლამენტის 87 დეპუტატიდან 41-ს კავშირი აქვს ბიზნესთან.
„გამჭვირვალობის“ ცნობით, იმ კომპანიებმა, რომლებშიც მოქმედი ოცნების დეპუტატები ფლობენ წილს, გამარტივებულ შესყიდვებში მონაწილეობით სახელმწიფოსგან მიიღეს 7 736 986 ლარი.
„გამჭვირვალობა“ წერს:
„7 კომპანიას, რომლებშიც დეპუტატები ფლობენ წილს, მოგებული აქვთ 271 ტენდერი;
13 კომპანიას, რომლებშიც დეპუტატები ფლობენ წილს, მოგებული აქვთ 301 გამარტივებული შესყიდვა;
იმ კომპანიებმა, რომლებშიც მოქმედი ოცნების დეპუტატები ფლობენ წილს, ტენდერების მოგების შემდეგ მიიღეს 465,900,569 ლარი.
მოქმედ დეპუტატებს 2012 წლიდან შეწირული აქვთ 2 738 586 ლარი. აქედან, 66 500 ლარი „ნაციონალურ მოძრაობას“, 39 000 ლარი „ხალხის ძალას“, ხოლო 2 633 086 ლარი „ქართულ ოცნებას“ და მის საპრეზიდენტო კანდიდატს (სალომე ზურაბიშვილი)“.
„გამჭვირვალობა-საქართველოს“ ინფორმაციით, კვლევა ეყრდნობა საჯარო წყაროებს. კვლევაში არსებული მონაცემები არის 2025 წლის 24 ოქტომბრის მდგომარეობით და მოიცავს იმ დეპუტატების მონაცემებს (87 დეპუტატი), რომლებიც ამ დროისათვის მონაწილეობდნენ პარლამენტის საქმიანობაში.
„კვლევაში განხილულია პარლამენტის წევრების ბიზნეს კავშირები (წილები კომპანიებში), გამარტივებულ შესყიდვებსა და ტენდერებში დეპუტატების კომპანიების მონაწილეობა, წინასაარჩევნოდ დეპუტატების მიერ განხორციელებული პოლიტიკური დონაციები“ – წერს ორგანიზაცია.
აღნიშნული კვლევის მიხედვით, 87 დეპუტატიდან 41 კავშირი აქვს ბიზნესთან, აქედან შემოსავლის შესახებ დეკლარაციაში უთითებს მხოლოდ 17.
საანგარიშო პერიოდში ბოლოს წარდგენილი დეკლარაციების შესაბამისად, ბიზნესებიდან მილიონი ლარი და მეტი შემოსავალი მიღებული აქვთ შემდეგ დეპუტატებს:
უკრაინის შეიარაღებული ძალების გენერალური შტაბის დღევანდელი მონაცემებით, ომის დაწყებიდან 2026 წლის 21 იანვრამდე პერიოდში, რუსეთის არმიის საბრძოლო დანაკარგი არის:
ცოცხალი ძალა – დაახლოებით 1 229 740 ადამიანი [გასულ დღე-ღამეში +1 170. ამ მონაცემებში შედის როგორც დაღუპულები ასევე დაჭრილები]
ტანკი – 11 587 ერთეული [+8]
ჯავშანტექნიკა – 23 938 ერთეული [+10]
საარტილერიო სისტემა – 36 463 ერთეული [+70]
MLRS – 1 621 ერთეული [+3]
საზენიტო საბრძოლო სისტემა – 1 279 ერთეული [+0]
თვითმფრინავი – 434 ერთეული [+0]
ვერტმფრენი – 347 ერთეული [+0]
უპილოტო საფრენი აპარატის ოპერატიულ-ტაქტიკური დონე – 112 159 ერთეული [+1 019]
ფრთოსანი რაკეტა [ჩამოაგდეს] – 4 190 ერთეული [+27]
გემი/ნავი – 28 ერთეული [+0]
წყალქვეშა ნავი – 2 ერთეული [+0]
მანქანები და საწვავის ავზები – 75 238 ერთეული [+171]
სპეცტექნიკა – 4 049 ერთეული [+1]
უკრაინის გენერალური შტაბის განცხადებით, საომარი მოქმედებების მაღალი ინტენსივობის გამო მონაცემები იცვლება.
უკრაინის სამხედრო დანაკარგებზე ინფორმაცია განაახლა რუსეთმაც.
რუსეთის თავდაცვის სამინისტროს მიერ გავრცელებული მონაცემებით, ომის დაწყებიდან 2026 წლის 21 იანვრამდე პერიოდში სულ განადგურებულია უკრაინის:
670 თვითმფრინავი
283 ვერტმფრენი
110 524 უპილოტო საფრენი აპარატი
646 საზენიტო სარაკეტო სისტემა
27 248 ტანკი და სხვა ჯავშანტექნიკა
1 648 მრავალჯერადი სარაკეტო გამშვები
32 731 საველე არტილერია და ნაღმმტყორცნი
52 462 სპეციალური სამხედრო მანქანა
ეს ის მონაცემებია, რომელსაც უკრაინა და რუსეთი ოფიციალურად ავრცელებენ, თუმცა ომის პირობებში შეუძლებელია ზუსტად გადამოწმება, რამდენად შეესაბამება მხარეების მიერ გავრცელებული ინფორმაცია დანაკარგების შესახებ რეალურ რიცხვებს.
ამასთან, აღნიშნულ მონაცემებთან ერთად რუსეთის თავდაცვა, უკრაინის და რუსეთის არმიის ცოცხალი ძალის საერთო დანაკარგების შესახებ სტატისტიკას არ აქვეყნებს. უკრაინის არმიის ცოცხალი ძალის დანაკარგების შესახებ მონაცემებს არ აქვეყნებს არც უკრაინა.
—
რუსეთი უკრაინაში 2022 წლის 24 თებერვალს გამთენიისას შეიჭრა და სრულმასშტაბიანი ომი დაიწყო.
„ზუსტად მზია ამაღლობელი, როგორც სიმბოლო წინააღმდეგობის მოძრაობისა, მათ აშინებთ… ივანიშვილის რეჟიმი მილიონებს ხარჯავს, რომ მზია ამაღლობელით დაწყებული, გაგრძელებული ნებისმიერი სინდისის პატიმრით, ასევე, თქვენით და ჩემით დამთავრებული – არ იყოს არანაირი თანაგრძნობა. ივანიშვილის რეჟიმი ძალიან დიდ რესურსს ხარჯავს იმაში, რომ ჩვენ მათთვის ვიყოთ საძულველები. ისინი ჩვენ არ მიგვიჩნევენ ადამიანებად. ეს არის დეჰუმანიზაცია,“ – მიიჩნევს მწერალი ლაშა ბუღაძე, რომელსაც ნათლისღებასთან დაკავშირებულ შეწყალებაზე ვესაუბრეთ.
რა გამოჩნდა 2026 წლის 19 იანვარს, ნათლისღებას, როცა თოვაში, ციხეების გამოსასვლელებთან მთელი დღე-ღამით მყოფ ადამიანებს ქრისტიანულ ღირებულებებზე მოსაუბრე „ოცნების“ მთავრობამ არც კი უთხრა, ვინ შეიწყალეს? – სწორედ ამ თემაზე ვესაუბრეთ მწერალ ლაშა ბუღაძეს.
ბატონო ლაშა, რა გამოჩნდა თქვენთვის ყაველაშვილის შეწყალებასთან დაკავშირებულ პროცესში? „ოცნების“ არალეგიტიმური მთავრობა, რომელიც საუბრობს ეკლესიურობასა და ტრადიციებზე, ციხეებთან თოვაში მთელი დღე და მთელი ღამე უპასუხოდ ტოვებს სინდისის პატიმრების ოჯახის წევრებს, გულშემატკივრებს, ჟურნალისტებს…
ალბათ ილუზია არავის ჰქონია, ან ყოველ შემთხვევაში, არ უნდა გვქონდეს ივანიშვილის მხრიდან გულმოწყალების, საერთოდ რაღაცნაირი ემპათიურობის თვისების ქონის. ივანიშვილის რეჟიმი ძალიან დიდ რესურსს ხარჯავს იმაში, რომ ჩვენ მათთვის ვიყოთ საძულველები. ისინი ჩვენ არ მიგვიჩნევენ ადამიანებად. ეს არის დეჰუმანიზაცია, ამ სიტყვის ძალიან გამოცდილი მეთოდით.
ვისაც შეიძლება კიდევ ჰქონდეს განცდა, რომ „ოცნებას“ იქნებ რაღაც შერჩა – თქვენი თქმისა არ იყოს, ქრისტიანული, ან ქართული, რაც ქართული ტრადიციებისა და ეთიკის გარკვეულ ლოგიკაში შეიძლება ჩაჯდეს [ისინი ხომ თავს ასეთად დეკლარირებენ], ცხადია, ეს გულუბრყვილობაა.
ვიმეორებ, ივანიშვილის რეჟიმი მილიონებს ხარჯავს, რომ მზია ამაღლობელით დაწყებული, გაგრძელებული ნებისმიერი სინდისის პატიმრით, ასევე, თქვენით და ჩემით დამთავრებული – არ იყოს არანაირი თანაგრძნობა.
ეს დიქტატორულ რეჟიმებს, ავტორიტარულ რეჟიმებს ახასიათებთ.
თქვენი დაკვირვებით, „ოცნების“ ამომრჩეველს მოსწონს ასეთი სასტიკი დამოკიდებულება სინდისის პატიმრების მიმართ?
კვლევები, რაც მინახავს, რაც მსმენია, „ოცნების“ ამომრჩეველსაც, რომელიც მერყეობს სადღაც 35 %-მდე, აწუხებს სინდისის პატიმრების ციხეში ყოფნა, თუმცა მათ თანაგრძნობის განცდა არ აქვთ. ისინი მიიჩნევენ, რომ უმჯობესია, ეს ადამიანები პატიმრობაში არ იყვნენ.
თუკი ამას შევხედავთ ივანიშვილის პერსპექტივიდან, მდარე, მაკიაველური პერსპექტივიდან – რაში სჭირდება მას შეწყალება? ერთადერთი იმისთვის, რომ ქოცებს აი, ეს დისკომფორტი არ ჰქონდეთ? ეს ჩანდა, მაგალითად, საპატრიარქოს სიგნალებიდანაც, ხომ?! ცნობილია ეს განცხადებები.
მაგრამ „ოცნების“ თვალთახედვით, პროტესტი დღეს არ არის საფრთხის მომტანი – ტროტუარზეც კი აღარ გვაყენებენ, ისეთი დრაკონული კანონები მოქმედებს. პრინციპში აღიარება ვერ მიიღეს. ყაველაშვილმა თქვა კიდეც, მაღიარონ და კი ბატონოო.
რა გამოდის, რაში გაცვალონ მაშინ ეს შეწყალება? ამიტომაც, ვახსენე პრიმიტიული, მაკიაველისტური ლოგიკა.
ანუ ივანიშვილმა სინდისის პატიმრების შეწყალების საკითხი ვერ გამოიყენა პოლიტიკური ვაჭრობისთვის, ლეგიტიმაციისთვის, როგორც ქვეყნის შიგნით, ისე ქვეყნის გარეთ?
ეს კაცი [ბიძინა ივანიშვილი] ვაჭარია. მისთვის მორალი მართლაც მგლის თავზე სახარების კითხვაა. რაში სჭირდება ეს? იმიტომ, რომ კეთილი იყოს? – არ არის კეთილი, ბოროტია, რუსულია მთელი თავისი ცნობიერებით. პირიქით, ღამესაც გაგათენებინებს, ღამეებსაც და კიდევ უფრო უარესს იზამს.
წუხელ ყველაზე ხშირად ახსენებდნენ ადამიანები სოციალურ ქსელში სიტყვა „სადისტს“…
დიახ.
მოგეხსენებათ, როგორია ირანული რეჟიმი: მკვლელობებამდე ჯერ არ მისულან პირდაპირი მნიშვნელობით… ირანელებმა დახოცეს ახალგაზრდები და ახლა ავაჭრებენ მშობლებს გვამების გაცემაზე.
ბოლომდე გადაჯეგვაა მიზანი. სტალინური ტერორიც ეს იყო: ხის მორებზე აწერდნენ გამქრალი ხალხის სახელებს და გვარებს… ვიღაც გვეტყვის, რომ ეს პარალელები ძალიან შორია და ღმერთმა ნუ ქნას, რომ ეს პარალელები პირდაპირი გახდეს. მაგრამ ერთი სიტყვით იმის თქმა მინდა, რომ ეს არის რეჟიმი, რომელიც მუშაობს დეჰუმანიზაციაზე, ჩვენ დეჰუმანიზაციაზე. ისინი ჩვენ მიგვიჩნევენ არარაობებად, არაფრად.
ჩვენ „ოცნებისთვის“ პრობლემა ვართ. მზია ამაღლობელი მათი რეჟიმისთვის ცალსახად პრობლემაა. საფრთხეა მზია ამაღლობელი და ეზიზღებათ, არც მეტი, არც ნაკლები. საერთოდ, ამ ტერმინის, „შეწყალების“ გამოყენებაც, არა მგონია, რელევანტური იყოს. აქ ტყვეობიდან გათავისუფლების მცდელობაზე შეიძლება იყოს ლაპარაკი.
ზუსტად მზია ამაღლობელი, როგორც სიმბოლო წინააღმდეგობის მოძრაობისა – ევროკავშირის ჯილდო სწორედ ამაზე მეტყველებს – მათ აშინებთ. ნებისმიერი ჩვენი წელში გამართულობა, რასაც გამოიწვევს ნებისმიერი კარგი აქტი, ანუ ჩვენ ხომ გავბედნიერდებოდით დღეს მზია ან სხვა პატიმრები რომ გარეთ ყოფილიყვნენ, მათ აშინებთ.
ამიტომაც, ივანიშვილის შეკითხვაა: რატომ უნდა შეიწყალოს? არც აღიარება, არც პატივისცემა, არც ლეგიტიმაცია, არც მონანიება – არაფერი. გუშინდელი ღამე კიდევ ერთი შეხსენებაა: არანაირი, მინიმალური მოლოდინიც არ უნდა გვქონდეს, რომ მათში ვიღაც არის ადამიანი. არ არის.
ამ ბანდის ნებისმიერი წევრის უკან დგას ივანიშვილი, რომელსაც არანაირი ემპათია და თანაგრძნობის აუცილებლობა არ უდგას.
გამოვა დეჰუმანიზაცია ჩვენს მოცემულობაში? საზოგადოების რეაქცია რას აჩვენებს?
ყველაზე მძიმე არის ის, რომ ასეთ რეჟიმებს ეს გამოსდით. არსებობენ კონფორმისტები, აგრესიული ადამიანები, სეირის მაყურებლები ან ესკაპისტები, რომლებიც საერთოდ გაურბიან რეალობის დანახვას.
ვიცით არაერთი პროპაგანდისტული ფორმულა, რომელსაც ამეორებინებენ ხალხს. მაგალითად, ელენე ხოშტარია ქოცმა კი არ დაიჭირა, არამედ „თავი დააჭერინა“. ელენე ხოშტარიამ რაღაც ფლომასტერით მიახატა კალაძის ფოტოს – ამის გამო რომ ადამიანი ციხეში არ უნდა იჯდეს, ეს არგუმენტი ქრება და ანაცვლებს არგუმენტი: „თავი დააჭერინა“.
თუმცა წინააღმდეგობა არ არის გატეხილი. ეს წინააღმდეგობა ვერც გატყდება. ეს არის ჩემი განცდა და მოლოდინი.
მეორე მხრივ, ივანიშვილის ავტოკრატია არ არის ძლიერი. მათ არ აქვთ საკმარისი რესურსი იმისათვის, რომ ისეთი რაღაც გააკეთონ ჯერჯერობით, რაც გააკეთა ლუკაშენკომ, მით უმეტეს პუტინმა, ან თუნდაც ალიევმა. აქ სხვადასხვა ფაქტორია.
ივანიშვილის დღევანდელ წერილში [მას ერთ-ერთი პროპაგანდისტი ავრცელებს თავისი სახელით, ვგულისხმობ შათირიშვილის მორიგ წერილს], ჩანს ივანიშვილის წუხილები. ივანიშვილმა ვერ გაიგო თავისი ადგილი ამ სამყაროში ტრამპისა და პუტინის პირობებში, ეწუწუნება პუტინს: აგერ, შენს მოკავშირეებს არ იცავ და მე რა ვქნა ახლაო?!
„ოცნებას“ კრიზისი აქვს – გაღატაკებული ქვეყანა, კლანებს შორის დაპირისპირება, ღარიბაშვილი ციხეშია – ეს ნამდვილად არ სიამოვნებთ, ვინაიდან ღარიბაშვილი ბნელ საქოცეთში იყო პოპულარული, ხოლო კობახიძე რაღაც გაურკვევლობაა მათთვისაც. ბნელი საქოცეთისთვის ღარიბაშვილია ავტორიტეტი და არა კობახიძე.
ხშირად ჩვენ მათი კრიზისები გვავიწყდება, იმდენად მოცულები ვართ მორალური თვალსაზრისით, შოკით, გვიჭირს ამდენი ამბის გადახარშვა, მაგრამ კრიზისი აქვს ივანიშვილს: უპირველეს ყოვლისა, აქცენტს მაინც სწორედ მის უიდეობაზე გავაკეთებდი. ეს არის უმთავრესად მათი სისუსტის საფუძველი.
„ოცნების“ მთავარი პროპაგანდისტული გზავნილი – „აბა, ომი გინდათ?“ თვლით, რომ აღარ იქნება საკმარისი ივანიშვილისთვის მიტაცებული ძალაუფლების შესანარჩუნებლად?
გარანტია არც ივანიშვილისთვის არ არსებობს, რომ უსაფრთხოდ არის. ივანიშვილმა გააკეთა ყველაფერი, რომ საქართველოს უსაფრთხოება კიდევ უფრო ფხვიერი გახდეს. პირიქით, დამოკლეს მახვილი თუ ვინმეზე კიდია, მასზე კიდია, როგორც ნებისმიერ ტირანზე, მით უმეტეს მისნაირ ტირანზე, რომელიც უბრალოდ ორიენტირებულია იმაზე, რომ თავისი კაპიტალი როგორმე არ დაკარგოს და მისი პირადი უსაფრთხოება იყოს შენარჩუნებული.
ამიტომაც, ჩვენ თუ არ ვართ მშვიდად, ქოციც არ არის მშვიდად და კიდევ უფრო მეტად არ არიან მშვიდად, ვიდრე ჩვენ, იმიტომ, რომ ჩვენ მართლები მაინც ვართ.
ცალკე თემაა, რატომაა საზოგადოების ნაწილი პასიური: ალტერნატივა არ ჩანს, აპათია იზრდება. მარცხის სინდრომის კულტივირებაში, ხელჩაქნეულობაში ძალიან დიდ რესურსს ხარჯავს ივანიშვილის რეჟიმი, იმაში, რომ აპათია გაჩნდეს.
ამ ყველაფრის პირისპირ წუხელაც იგრძნობდა სოლიდარობა, მაგალითად, სინდისის პატიმრის, თორნიკე სხვიტარიძის ძმა სოლიდარობის ნიშნად გლდანის ციხიდან რუსთავის ციხესთან გადავიდა, აქ ქალი პატიმარია და იქნებ ის მაინც შეიწყალონო…
დიახ, სწორედ სოლიდარობით არის ჩვენი პროტესტი ძლიერი, ჩვენთან არის სოლიდარობის და მხარდაჭერის წარმოუდგენელი მაგალითები. ამით ვართ ბედნიერი და ეს გვაცოცხლებს პირდაპირი მნიშვნელობით.
ჩვენ ვხედავთ, რა არის მათი სოლიდარობა: ღარიბაშვილები, ლილუაშვილები და მთელი მათი მინისტრები, რომელთაც ასე პანტაპუნტით ყრიან ციხეში – ერთი კაცი არ მიდის მათ სასამართლო სხდომაზე. ისევ და ისევ ქართულ ტრადიციებშია ის, რომ ვინმე ნათესავი მაინც იჯდა სასამართლოზე, ყოფილი მდივანი მაინც. ეს არის ამორალურობის და მექანიკურობის ფაბრიკა.
აქეთ კი, არის ხალხი, რომელიც აძლიერებს და ამაგრებს ერთმანეთს თავისი დიდი მორალური იმპერატივებით. იქეთ მხარეს სრულ არარაობებს ვხედავთ, დაცლილებს ინდივიდუალიზმისაგან, ზნეობისაგან.
ფსიქოლოგიაში არის ასეთი ცნება, რომ განწყობა მნიშვნელოვანია, მაგრამ მოლოდინები სხვა რამეა. განწყობა კარგი უნდა გქონდეს, მაგრამ მოლოდინები არ უნდა შეიქმნა.
არ უნდა გვქონდეს მოლოდინი, რომ მზია რახან ქალია, მას შეიწყალებენ. ამათთვის ეს არ არსებობს. მზია მათთვის არის პრობლემა და ჯობია, განადგურდეს. აი, ასე პირდაპირ! მაგრამ ეშინიათ, რომ ეს უფრო დიდი საფასური არ აღმოჩნდეს ივანიშვილისთვის.
„ადამიანები დალეწეთ, მაგრამ არ მოკლათ“ – შარშან დეკემბერ-იანვარში ეს იყო ხომ მათი ბრძანება, როცა „მინივენებში“ ადამიანებს სისხლს ანთხევინებდნენ, მაგრამ არ კლავდნენ. ბრძანება რომ ყოფილიყო, მოკალითო, მოკლავდნენ კიდეც, მაგრამ უფრო საშიშია საქართველოში ზღვარის გადასვლა: კაცმა არ იცის, მერე მართლაც რა შეიძლება მოხდეს.
1989 წლის 9 აპრილის დილას საბჭოთა კავშირი საქართველოში უკვე დამთავრებული იყო და ამ დროს პირიქით ეგონათ. ამიტომაც, ეს ძალიან მნიშვნელოვანია.
როგორი უნდა იყოს საზოგადოების რეაქცია ამ დროს, თქვენი აზრით, როცა დე ფაქტო ხელისუფლება კანონს და მორალს მიღმა მოქმედებს?
მოგეხსენებათ, რომ სოციალურ ქსელებში, სახელდობრ, ფეისბუქში, რომელიც არის ერთ-ერთი ყველაზე ძლიერი პლატფორმა, განწყობის კონსტრუირება ძალიან ადვილია: იმას ვიჯერებთ და ვხედავთ, რისი დანახვა და დაჯერებაც გვინდა. ალგორითმი განაპირობებს ჩვენს განწყობებს იმგვარად, რომ როდესაც ეს არ მართლდება, უარეს აპათიაში ვვარდებით. ამიტომაც, მართვა უნდა ვისწავლოთ.
„ბათუმელები“ კარგი და სანდო გამოცემა არამხოლოდ იმიტომ, რომ ყოველთვის გადამოწმებულ ინფორმაციას ავრცელებთ და მადლობა ღმერთს, ასეთი რამდენიმე მედია საქართველოში არსებობს, არამედ განწყობასაც სწორად აყალიბებს. ტრადიციული, კარგი მედია ამიტომაა მნიშვნელოვანი.
ყველას გვახსოვს, სასამართლო პროცესებზე მზიას ეჭირა ხელში მარია რესას წიგნი – „როგორ დავამარცხოთ დიქტატორი“. ბევრმა გადააზიარა ეს, მაგრამ ძალიან კარგი იქნებოდა, რამდენმაც ეს ფოტო დადო, იმდენს წაეკითხა მარია ეს წიგნი, რომელიც სწორედ ამაზე წერს: შეიძლება ტრადიციული მედია კი არა, საერთოდ დემოკრატია, თავისუფლება გაუქმდეს ალგორითმების პირობებში, რომელიც ჩვენ არარეალურ განწყობებს აყალიბებს.
რამდენი ასეთი მოლოდინი გაჩნდა თუნდაც ბოლო ორი კვირის განმავლობაში მსოფლიოში, საქართველოში? ეს „ნგრევა“ საბოლოოდ ბრძოლაზე აისახება, იბნევი ასეთ რეალობაში და იკეტები. აი, ესკაპიზმიც აქედან ჩნდება – მიმდინარე პროცესებიდან გათიშვა გინდა იმიტომ, რომ მოტყუვდი, არ დაემთხვა შენი მოლოდინი რეალობას, ირჩევ იმ კუთხეს, სადაც თერაპიული დოფამინის მიღების შესაძლებლობა უფრო გაადვილდება და ასე შემდეგ.
არ გამიგოთ, რომ ვიღაცას მივმართავდე: პირველ რიგში, საკუთარ თავს ვგულისხმობ, იმიტომ, რომ მეც ამ სამყაროს მძევალი ვარ. საკუთარი მოლოდინების მართვა ძალიან მნიშვნელოვანია. განწყობა არ არის არგუმენტი. აი, გავბრაზდი და ამიტომ მართალი ვარ, ან გამიხარდა და ამიტომაც ასე მოხდება – ეს არ არის არგუმენტი.
ბოლოს წინააღმდეგობაზე მინდა გკითხოთ: თქვენი აზრით, სად არის ყველაზე მეტად დღეს წინააღმდეგობის გადარჩენის და მისი გაძლიერის რესურსი?
საკუთარი რესურსის გაფრთხილებასა და სწორად გამოყენებაში. ეს სერიოზული ბრძოლაა და გვჭირდება ფსიქიკური და ფიზიკური რესურსი, ინტელექტუალური რესურსი, რომ გავძლოთ.
გავძლოთ იმიტომ, რომ დადგება მომენტი, როდესაც ეს ყველაფერი დაემხობა. ჩვენ უნდა ვიყოთ ძლიერად ამ დროს.
_______________
ფოტოზე – ლაშა ბუღაძე; მზია ამაღლობელის ძმა, მალხაზ ამაღლობელი რუსთაველის ქალთა ციხესთან – ფოტო: Mo Se
A citizen detained during protests against the so-called “Russian Law” has won a case against the Georgian government at the European Court of Human Rights in Strasbourg.
Giorgi Mekvabishvili was detained in 2023, when Georgian Dream first initiated the “Russian Law” [Law on transparency of foreign influence]. His rights were defended by the Georgian Young Lawyers’ Association (GYLA).
On 7–8 March 2023, a protest held near the Parliament building was dispersed by the authorities using police force. It is also noteworthy that police actively resorted to the practice of indiscriminate detention of protesters. According to GYLA, during the dispersal of the protest, Giorgi Mekvabishvili was filming on his phone an alleged instance of violence by law enforcement officers against another individual and was urging the police not to use force against a protest participant. At that moment, he was detained by the police on the basis of Articles 166 (petty hooliganism) and 173 (failure to comply with a lawful order or demand of a law enforcement officer) of the Code of Administrative Offences.
According to the police explanation, the applicant was detained for failing to comply with a lawful police order to clear the roadway, despite the fact that he was moving on the sidewalk. The applicant spent more than 35 hours in a temporary detention facility, and, according to GYLA, the state failed to substantiate the reasons for extending the duration of his detention. This issue was not examined by the judge during the consideration of the administrative offence case either. The applicant was held administratively liable under the Code of Administrative Offences adopted in 1984 and was fined 2,000 GEL.
In his application to the European Court of Human Rights, the applicant alleged violations of several articles of the European Convention on Human Rights.
The ECHR found that two articles of the Convention had indeed been violated in Mekvabishvili’s case: Article 6 (the right to a fair trial) and Article 11 (freedom of assembly).
Under the Court’s judgment, the state is obliged to pay the applicant:
EUR 665 in respect of pecuniary damage;
EUR 1,600 in respect of non-pecuniary damage;
any tax that may be chargeable on these amounts.
“This is the first case in which a judgment has been delivered in the context of the 2023 protests against the ‘Russian law.’ The Strasbourg Court condemns the Georgian courts for issuing a ‘conviction’ (finding of an administrative offence) against a demonstrator based almost exclusively on the unsubstantiated testimony of the police.
According to the Strasbourg Court, the domestic courts completely ignored the protest context when examining the administrative offence case.
This is precisely how GYLA assessed this practice in its documentation reports on the 2023 protests. As a result of this practice, hundreds of people were affected — found administratively liable without a fair trial,” – commented GYLA Chairperson, Tamar Onian in Social media post.
On January 20, Judge Tamar Mchedlishvili reviewed the use of pre-trial detention as a preventive measure for 11 defendants detained in connection with the October 4 case. However, the judge ruled to keep all 11 in custody.
The defendants are Abo Naveriani, Vakhtang Pitskhelauri, Guriel Kardava, Beka Kelekhsashvili, Mamuka Labuchidze, Giorgi Muladze, Avtandil Surmanidze, Temur Kurtsikidze, Aleksandre Khabeishvili, Nana Sander, and Anton Uper.
The latter is currently wanted and had previously been remanded in custody in absentia. Another defendant in the same case, Mariam Mekantsishvili, was released on bail shortly after her arrest in October last year on the grounds that she has a young child.
During the hearing, particular attention was drawn to Nana Sander, who has health problems. She told the court about the conditions she faces in prison, citing denial of medical care, delays in receiving essential medication, and what she described as aggressive and inhuman treatment by prison director Nestan Verulashvili. Despite these claims, Judge Mchedlishvili ruled that Nana Sander would remain in custody.
ბათუმის მერიაში რეორგანიზაციის პროცესი გრძელდება. ამჯერად ბათუმის მერმა, გიორგი ცინცაძემ, რამდენიმე მუნიციპალური ორგანიზაციის ხელმძღვანელი დანიშნა.
მერიის ინფორმაციით, შპს „შავი ზღვის ფლორისა და ფაუნის შემსწავლელი სამეცნიერო-კვლევითი ცენტრის“ დირექტორის თანამდებობაზე თემურ ჯიბლაძე დაინიშნა, ის ამ უწყებაში წლების განმავლობაში მუშაობდა.
უწყების ყოფილი დირექტორი დავით ლეკვეიშვილი კი ა(ა)იპ „ბათუმის სასაფლაოებს“ უხელმძღვანელებს. ამ თანამდებობაზე ჯუმბერ კობალაძე მუშაობდა; ის ჯერჯერობით არსად გადაუყვანიათ.
ბათუმის საჯარო ბიბლიოთეკის დირექტორის პოზიციაზე ნატალია ძიძიგური დაინიშნა, რომელიც 2025 წლის ოქტომბრამდე ბათუმის საკრებულოს განათლების, კულტურის, ტურიზმისა და სპორტის საკითხთა კომისიას ხელმძღვანელობდა.
ბათუმის საჯარო ბიბლიოთეკას ამ დრომდე ჯონი საბაშვილი ხელმძღვანელობდა, როგორც თავად გვითხრა, შეთავაზება აქვს, მაგრამ ჯერ არ ამხელს, თუ სად განიხილება მისი დანიშვნა.
„ბათუმის სოციალური სერვისების სააგენტოს“ ხელმძღვანელად თამარ გაბაიძე დანიშნეს, რომელიც მანამდე აჭარის მთავრობის სსიპ-ში – „ახალგაზრდობის რეგიონულ ცენტრში“ სხვადასხვა მენეჯერულ პოზიციაზე მუშაობდა. სერვისების სააგენტოს ამ დრომდე მამუკა შამილიშვილი ხელმძღვანელობდა. ჯერჯერობით უცნობია, სად დანიშნავენ მას.
„ბათუმელების“ ინფორმაციით, ჯერ არსად დაუნიშნავთ თამაზ სალუქვაძეც, რომელსაც „მწვანე ბათუმის“ ხელმძღვანელის პოზიცია დაატოვებინეს და შეთავაზებას ელოდება დავით დიასამიძეც „ბაღების გაერთიანების“ ყოფილი უფროსი. თამაზ სალუქვაძემ გვითხრა, რომ ის კადრების განყოფილებაშია და მისთვის ჯერ არაფერი შეუთავაზებიათ.
შპს „მწვანე ბათუმს“ ახლა ბათუმის მუნიციპალური ინსპექციის ყოფილი უფროსი, არჩილ კონცელიძე ხელმძღვანელობს, მუნიციპალურ ინსპექციას კი – დავით მჭედლიძე.
გათავისუფლებულებმა რეორგანიზაციის პირობებში განცხადებები თავად დაწერეს და ახალ მერს საშუალება მისცეს, როგორც ერთ-ერთმა რესპონდენტმა გვითხრა, „ისე დაალაგოს ყველაფერი, როგორც თავად სურს“.
ახალი ხელმძღვანელი ჰყავს ბათუმის ბოტანიკურ ბაღსაც. ირაკლი არჩაიას წასვლის შემდეგ ამ თანამდებობაზე თენგიზ ტარიელაძე დანიშნეს.
ბათუმში მიუსაფარ ძაღლთა თავშესაფარი ჩაქვის დასახლებაში, თამარ მეფისა და თბილისის ქუჩებს შორის არსებულ ტერიტორიაზე უნდა მოაწყონ. ეს ადგილი ჩაქვი-მახინჯაურის გვირაბებთან ახლოს [ჩაქვის მხარეს] მდებარეობს.
მიუსაფარი ძაღლების თავშესაფარზე ბათუმის მერია მეექვსე წელია საუბრობს, რამდენჯერმე ტენდერიც გამოაცხადეს, მაგრამ შეწყვიტეს.
მონიშნულია თავშესაფრის მშენებლობისთვის გამოყოფილი ტერიტორია
ამჯერად „ჩაქვის დასახლების ტერიტორიაზე, მიუსაფარ ძაღლთა თავშესაფრის კომპლექსის მოწყობის სამუშაოებზე“ – ხელშეკრულება მერიის საქალაქო ინფრასტრუქტურისა და კეთილმოწყობის სამმართველოს შპს „მტმ“-თან 8 მილიონ 944 ათას 444 ლარზე აქვს გაფორმებული.
ტენდერში „მტმ“-ის გარდა კიდევ ხუთი კომპანია მონაწილეობდა.
„მტმ“-თან 2026 წლის 13 იანვარს გაფორმებული ხელშეკრულების მიხედვით თავშესაფარი 2026 წლის 11 დეკემბრამდე უნდა მოეწყოს.
საპროექტო ტერიტორია ბათუმში [ჩაქვის დასახლებაში] სადაც მიუსაფარი ძაღლების თავშესაფარი უნდა ააშენონ / ფოტო პროექტიდანცალკე ტენდერია გამოცხადებული თავშესაფრის კომპლექსის მოწყობის სამუშაოების ტექნიკურ ზედამხედველობაზე 96 ათას 85 ლარით, სადაც წინადადებების მიღება 25 იანვარს დაიწყება და 27 ინვარს დასრულდება.
მიუსაფარი ცხოველების პრობლემის მოგვარებაზე ბათუმში ბოლო ექვსი წელია ადგილობრივი ხელისუფლება სხვადასხვა პროგრამას და თავშესაფრის [ძაღლთსაშენის] მშენებლობას აანონსებდა, თუმცა არც ერთი მათგანი არ განხორციელებულა.
დაპირებების 6-წლიანი ქრონოლოგია
2020 წლის თებერვალში ბათუმის ყოფილმა მერმა ლაშა კომახიძემ განაცხადა, რომ მერია იწყებდა საპილოტე პროგრამა „კუპატას“ განხორციელებას, რომლის ფარგლებში, პირი, რომელიც ქალაქიდან აღრიცხულ უპატრონო ძაღლს აიყვანდა და მას შესაბამის პირობებში მოუვლიდა, წელიწადში 720 ლარს მიიღებდა. პროგრამა არ დაწყებულა.
ჩაქვში მიუსაფარი ძაღლების თავშესაფრისა და სარეკრეაციო სივრცის მოწყობაც 2020 წელს დააანონსეს. „გამოვდივარ ინიციატივით, რომ ცხოველთა ახალი თავშესაფარი ატარებდეს ყველაზე პოპულარული ჩვენი ოთხფეხა მეგობრის „კუპატას“ სახელს…“ – განაცხადა აჭარის მთავრობის მაშინდელმა თავმჯდომარემ თორნიკე რიჟვაძემ.
2021 წელს კი, მერიამ კერძო კომპანიასთან 12 788 480 ლარზე ხელშეკრულებაც გააფორმა – დაპროექტებასა და მშენებლობაზე, თუმცა ეს ხელშეკრულება შეწყვიტა და ხელახალი ტენდერი უკვე მხოლოდ პროექტირებაზე გამოაცხადა.
მერიის სამმართველომ შერჩევა-შეფასების ეტაპზე პროექტირების ტენდერიც შეწყვიტა, რომელიც 700 ათასი ლარით იყო გამოცხადებული [ერთ-ერთი პრეტენდენტი მერიას პროექტისა და ხარჯთაღრიცხვის მომზადებას 490 ათას ლარად სთავაზობდა].
ხელახალი ტენდერი კი, სამმართველომ ისევ 700 ათასი ლარით გამოაცხადა. საბოლოოდ ხელშეკრულება დეტალურ პროექტირებაზე შპს „აჭარკაპმშენთან“ მერიის სამმართველომ 587 ათას ლარზეგააფორმა.
ჩაქვში ძაღლების თავშესაფრის [ასევე პოლიგონის და სხვა ინფრასტრუქტურის] აშენებაზე 32,9 მილიონი ლარით ხელახალი ტენდერი 2023 წელში გამოაცხადეს, თუმცა, ის სამმართველოს სატენდერო კომისიამ შეწყვიტა. ოქმში აღნიშნული იყო, რომ საპროექტო დოკუმენტაცია საჭიროებდა დაზუსტებას [წინა ტენდერი კი არ შედგა, რადგან მასში მონაწილეობა არავინ მიიღო].
2025 წლის ივლისის ბოლოს [„ოცნების“ მიერ ჩანიშნული 4 ოქტომბრის ადგილობრივი არჩევნების წინ] ბათუმის მერიას კიდევ ერთხელ „გაახსენდა“ მიუსაფარი ძაღლები და ჩაქვში თავშესაფრის მშენებლობისთვის ამჯერად 1 მილიონი ლარი გაწერეს ქალაქის ბიუჯეტში.
მერიამ განმარტებაც დაურთო, რომ „ჩაქვის ტერიტორიაზე, მიუსაფარ ძაღლთა თავშესაფრის კომპლექსის მოწყობა, მრავალწლიანი პროექტია [2025-2026 წწ.], რომლის საერთო ღირებულება შეადგენს 14 მილიონ ლარს“, თუმცა უშუალოდ ეს პროგრამა 2025 წლის ბიუჯეტის პროგრამების ჩამონათვალში არ იყო.
მიუსაფარ ძაღლთა თავშესაფარი ჩაქვში / გეგმა პროექტიდან
ჩაქვის დასახლებაში მიუსაფარ ძაღლთა თავშესაფრის კომპლექსის მოწყობაზე ტენდერი ამჯერად 9 608 515 ლარით იყო გამოცხადებული.
სინდისის პატიმარი საბა სხვიტარიძე შეწყალების თემას ციხიდან გამოეხმაურა. დღეს, 20 იანვარს, მის ფეისბუქგვერდზე გამოქვეყნებულ პოსტში საბა სხვიტარიძე წერს, რომ „ოცნების“ პრეზიდენტისგან შეწყალებას არც ელოდა და არც სჭირდება.
„მე არავისთვის მითხოვია შეწყალება და არც ველოდი, რომ ყაველაშვილი შემიწყალებდა, არც მჭირდება არავის შეწყალება.
ვის გაუგია ქოცი და ჰუმანურობა – ეს იგივეა, პუტინი და მშვიდობა.
როგორც ბრძოლა იქნება ბოლომდე, ისე სასჯელს მოვიხდი ბოლომდე!
ჩვენ უნდა გვესმოდეს, რომ რუსულ ოცნებას არ სურს სიტუაციის ნორმალიზება, როგორც ევროკავშირთან, ისე ამერიკის შეერთებულ შტატებთან ურთიერთობის დალაგება არ სურს. არ უნდა ვიყოთ მიამიტები და ამ მიამიტობით არ უნდა მივცეთ ქოცებს ჩვენზე მანიპულაციის საშუალება.
ქოცების მიზანია ეს ქვეყანა დატოვონ მეგობრების გარეშე, მარტო, დაუცველი. სურთ, რომ რუსების ხელში ჩაგვაგდონ.
უნდა გვესმოდეს, რომ ქოცების მიზანია ვიყოთ იმ ვითარებაში, რომელ ვითარებაშიც არის დღეს ჩვენი ქვეყანა და ილუზიას ნუ ვიქმნით, თითქოს სიტუაციის ნორმალიზება სურთ“ – წერს საბა სხვიტარიძე.
გუშინ, 19 იანვარს, „ქართული ოცნების“ პრეზიდენტმა გვიან საღამოს, 159 პატიმრის შეწყალების შესახებ გაავრცელა ინფორმაცია.
სინდისის პატიმრების ახლობლები და ოჯახის წევრები, ფაქტობრივად მთელი დღე-ღამის განმავლობაში იდგნენ ციხესთან სოლიდარობის ნიშნად, თუმცა დღეს, 20 იანვარს, ცნობილი გახდა, რომ ყაველაშვილის სიაში არც ერთი სინდისის პატიმარი არ არის.
The Public Defender has submitted a constitutional complaint to the constitutional Court challenging the restrictions defined by Georgia’s Law on “Assemblies and Manifestations,” including the blanket prohibition on covering one’s face with a mask or by any other means.
According to the Public Defender’s Office, in addition to the substantive restrictions related to the rules for holding assemblies and manifestations, the constitutional complaint also challenges provisions of the Administrative Offenses Code concerning penalties, including both mandatory imprisonment and the prescribed fines.
Furthermore, the constitutional complaint disputes the criminal liability under the Criminal Code, which provides for imprisonment for participants, including minors, and organizers if they repeat the same act that is punishable administratively during an assembly or manifestation.
In 2025, the “Georgian Dream” adopted several restrictive norms on assemblies and manifestations. Among them, amendments passed on October 16 stipulate that:
The first instance of covering one’s face with a mask, possession of tear gas or other harmful substances, blocking a road, or temporarily erecting a structure by a participant in an assembly or manifestation will result in administrative imprisonment of up to 15 days. If the offender is an organizer, administrative imprisonment can last up to 20 days.
Participation in an assembly or manifestation that is ordered to be dispersed by the Ministry of Internal Affairs will result, even at first instance, in administrative imprisonment of up to 60 days. Similarly, administrative imprisonment of up to 60 days applies to anyone carrying weapons, pyrotechnics, or any object capable of harming others’ life or health. Repetition of such prohibited acts leads to criminal liability for up to 1 year, and the third and any subsequent violation can result in up to 2 years of criminal liability.
A new article was added to the Criminal Code establishing criminal liability for anyone who insults or disobeys a law enforcement officer for the third time. Such a person may face imprisonment of up to 1 year, and in the case of recidivism, up to 2 years. No other forms of punishment will be applied.
In addition, Article 347 of the Criminal Code was revised. Any repetition of an act previously punished administratively will now be punishable under criminal law, with imprisonment of up to 1 year.
ახალ წელს ადამიანებს ბევრი დადებითი ემოციის მიღება გვინდა: ზრუნვის, ოჯახური სიმყუდროვის თუ იმედის. სამეგრელოში, მშობლებთან ჩასული გიორგი ჯალაღონიასთვის 2025 წლის ბოლო დღე განსაკუთრებით დასამახსოვრებელი აღმოჩნდა. თიბისის წინასაახალწლო ფულადი გზავნილების კამპანიის გამარჯვებული სწორედ ის გახდა და სუპერ პრიზი 15 000 ლარი მიიღო.
„აზარტული ადამიანი არ ვარ. არც არაფრის მოგების მჯეროდა ცხოვრებაში. ყოველთვის ვფიქრობდი- თუ თანხა გინდა, საკუთარი შრომით უნდა გამოიმუშაო. საზღვარგარეთ ვმუშაობ და გზავნილების განაღდება ხშირად მიწევს, თანხის მოგების მოლოდინი არც მქონია. წარმოიდგინეთ, ჩემი ემოცია, როდესაც ახალ წელს სამეგრელოში მშობლებთან ჩასულს თიბისი ბანკიდან დამირეკეს და მითხრეს, რომ გათამაშების გამარჯვებული ვიყავი და ნახევარ საათში, ერთგულ ყულაბაში 15 000 ლარი დამერიცხებოდა. ბედნიერებისგან გავოგნდი. საოცარი ახალი წელი მქონდა“, – გვიზიარებს ემოციებს გიორგი ჯალაღონია.
17 ნოემბრიდან 28 დეკემბრის ჩათვლით გზავნილების წინასაახალწლო კამპანიაში ჩართვა ყველას შეეძლო, ვინც მინიმუმ 100 ერთეულ ლარს/აშშ დოლარს, ფუნტს ან ევროს გაანაღდებდა. ყოველდღიურად 1000 ლარი თამაშდებოდა და იმ მომხმარებელს გადაეცემოდა, ვისი გზავნილიც თიბისის ინტერნეტ ან მობაილბანკში განაღდებულ გზავნილებს შორის დღის განმავლობაში მე-1000 აღმოჩნდებოდა. სუპერ პრიზი 15 000 ლარი კი, ყველაზე აქტიურ მომხმარებელს ერგო, ვინც რაოდენობრივად ყველაზე მეტი გზავნილი გაანაღდა.
გიორგი ორმაგად იღბლიანი აღმოჩნდა. სანამ საახალწლო კამპანიის გამარჯვებული გახდებოდა, იქამდეც გაუღიმა ბედმა და კამპანიის პირველ დღეს 1000 ლარი მოიგო.
“ინტერესის გამო დღის ბოლოს მარათონის დავალებებს ვასრულებდი. მშობლებს დისტანციურად პროდუქტებს თუ საყოფაცხოვრებო ნივთებს აპლიკაციით ვუწერ და შესაბამისად, ერთგულ ბარათს აქტიურად ვიყენებ. ქეშბექებიც ხშირად მიგროვდება ხოლმე. როცა დღის ბოლოს მობაილბანკში შევედი და ყულაბაში 1000 ლარი დამხვდა დავიბენი, ვერ მივხვდი რომელმა ობიექტმა დამიბრუნა ამ რაოდენობის თანხა. დიდი სიხარული იყო იმის გააზრება, რომ რაღაცაში გავიმარჯვე”,- იხსენებს გიორგი.
თიბისისთვის მსგავსი კამპანიები მხოლოდ ერთჯერადი ინიციატივა არ არის. გზავნილების კამპანია ზაფხულშიც მიმდინარეობდა და აქტიური მომხმარებლები ყოველდღიურად იგებდნენ ფულად პრიზებს. სამი ყველაზე აქტიური იღბლიანი კი, სამოგზაურო ტურით დასაჩუქრდა. შემდეგი ტალღა მომავალშიც იგეგმება. ამიტომ მთავარია, გჯეროდეს და თვალი ადევნო სიახლეებს. იქნებ, მომდევნო გამარჯვებული შენ ხარ?
„ქართული ოცნების“ განათლების მინისტრმა გივი მიქანაძემ დღეს, 20 იანვარს, გამოცდების ეროვნული ცენტრის ახალ ხელმძღვანელად თამარ მემანიშვილი წარადგინა.
სამინისტროს ინფორმაციით, თამარ მემანიშვილი საჯარო სექტორში მუშაობდა სხვადასხვა თანამდებობაზე.
ის იკავებდა განათლების, მეცნიერებისა და ახალგაზრდობის სამინისტროში ადმინისტრაციის უფროსის თანამდებობას; საქართველოს პარლამენტში მუშაობდა ადამიანური რესურსებისა და ინსტიტუციური განვითარების დეპარტამენტის ანალიზისა და ინსტიტუციური განვითარების განყოფილების უფროსად, ასევე შსს-ს აკადემიის ადამიანური რესურსების მართვის განყოფილების უფროსად.
თამარ მემანიშვილის დანიშვნამდე ცენტრს ნინო წერეთელი ხელმძღვანელობდა, რომელიც 2025 წლის ნოემბერში გაათავისუფლეს თანამდებობიდან.
მანამდე კი, ე.წ. რეორგანიზაციის საფუძველზე გამოცდების ეროვნული ცენტრიდან 40-მდე თანამშრომელი გაუშვეს. ისინი სამსახურიდან გათავისუფლების მიზეზად პროევროპულ საპროტესტო აქციებში მონაწილეობას ასახელებდნენ. მიუხედავად იმისა, რომ მათ უმეტესობას ცენტრში მუშაობის 20-წლიანი გამოცდილება ჰქონდა და მიიჩნეოდნენ კვალიფიციურ თანამშრომლებად.
“Mzia thanks everyone. She has no expectations and has no information whatsoever regarding a possible pardon… No one from the prison administration has visited her today or yesterday either.
Due to the weather, she has not been able to watch television channels. Yesterday, only Formula was available until 7 p.m. Mzia is feeling well and remains strong and determined. She said, “I’ll see you all in a year,”Malkhaz Amaglobeli, brother of Georgia’s unlawfully imprisoned journalist Mzia Amaglobeli, told journalists.
On January 20, Mzia Amaglobeli was visited by her brother, Malkhaz Amaglobeli, at the Rustavi penitentiary facility. He spent last night outside Rustavi Prison. Family members of prisoners, relatives, supporters, and journalists waited throughout the night near penitentiary facilities for the appearance of those who had been pardoned.
As of now, it remains unknown whom the Georgian Dream-appointed President Mikheil Kavelashvili has pardoned.
On January 19, Mikheil Kavelashvili pardoned 159 convicted prisoners in connection with the Epiphany holiday.
Mzia Amaglobeli is the founder and co-director of the media outlets Batumelebi and Netgazeti. She has been unlawfully imprisoned for more than a year. On December 16, 2025, while still in detention, the journalist and media manager Mzia Amaglobeli was awarded the European Union’s highest human rights honor, the Sakharov Prize, at the European Parliament in Strasbourg.
The Kutaisi City Court has sentenced four miners to prison.
Merab Saralidze and Giorgi Neparidze were each sentenced to 6 years and 3 months in prison, while Tengiz Gvelesiani and Archil Chumburidze received sentences of 4 years and 3 months.
The verdict was announced by Judge Tamar Mazanashvili.
The prosecution charged the miners – Giorgi Neparidze, Merab Saralidze, Tengiz Gvelesiani, and Achiko Chumburidze – under Article 118, Part 2 of the Criminal Code (intentional infliction of less serious bodily injury).
The incident took place on April 28, 2025. According to the prosecution, the four miners allegedly attacked the director of the Shukruti mine, Tengiz Koberidze, and physically assaulted him. The miners deny the charges and say their prosecution is politically motivated.
The arrests followed an extended period of protests, including a hunger strike and mass demonstrations by miners in the city of Chiatura.
All four detained miners were prominent figures in the protest movement. They had called on other miners not to sign what they described as ‘an exploitative contract’ offered to miners by the company Georgian Manganese.
The court hearings of the four miners, who were detained under criminal law, were held at the Kutaisi City Court over a period of nine months.
გარემოს ეროვნული სააგენტოს აჭარის რეგიონული ჰიდრომეტეოროლოგიური ობსერვატორიის ინფორმაციით, 20 იანვრის 21 საათიდან 21 იანვრის 21 საათამდე ბათუმსა და მთლიანად აჭარაში მოსალოდნელია ღრუბლიანი ამინდი, ღამით და დილით ნალექი, მთაში თოვა, მაღალ მთაში მოსალოდნელია ნისლი და ქარბუქი.
იქროლებს დასავლეთის მიმართულების ქარი 10-15 მეტრი წამში.
ზღვის ღელვა 4-5 ბალი იქნება, ზღვის წყლის ტემპერატურა +10 გრადუსია.
სინოპტიკოსების ცნობით, ბათუმში, 22 იანვარს გამოიდარებს, თუმცა გარემოს ეროვნული სააგენტოს გრძელვადიანი პროგნოზის თანახმად, ბათუმში შაბათ-კვირას ნალექია მოსალოდნელი.
„მადლობას გეუბნებათ ყველას მზია. არავითარი მოლოდინი არ აქვს, შეწყალებასთან დაკავშირებით არანაირი ინფორმაცია მას არ გააჩნია… არც ხელმძღვანელობიდან მისულა ვინმე დღეს, ან გუშინ.
ამინდის გამო სატელევიზიო არხებს ვერ უყურებს. გუშინ 7 საათამდე გადიოდა მხოლოდ „ფორმულა“. მზია თავს მხნედ გრძნობს, შემართებით არის,“ – უთხრა ჟურნალისტებს მზია ამაღლობელის ძმამ, მალხაზ ამაღლობელმა.
დღეს, 20 იანვარს რუსთავის დაწესებულებაში მზია ამაღლობელს თავისი ძმა, მალხაზ ამაღლობელი შეხვდა. მან წუხელ რუსთავის ციხესთან გაატარა. პატიმრის ოჯახის წევრები, ახლობლები, გულშემატკივრები, ჟურნალისტები მთელი ღამე ელოდნენ პენიტენციურ დაწესებულებებთან შეწყალებულების გამოჩენას.
ამ დრომდე უცნობია, ვინ შეიწყალა „ოცნების“ პრეზიდენტმა მიხეილ ყაველაშვილმა. გუშინ, 19 იანვარს, მიხეილ ყაველაშვილმა ნათლისღების დღესასწაულთან დაკავშირებით 159 მსჯავრდებული შეიწყალა.
მზია ამაღლობელი გამოცემა „ბათუმელების“ და „ნეტგაზეთის“ დამფუძნებელი და თანადირექტორია. ის უკვე 1 წელზე მეტია რჩება უკანონო პატიმრობაში. 2025 წლის 16 დეკემბერს პატიმრობაში მყოფ ჟურნალისტსა და მედიამენეჯერს, მზია ამაღლობელს, სტრასბურგში, ევროპარლამენტში, ევროკავშირის ადამიანის უფლებათა უმაღლესი ჯილდო, სახაროვის პრემია გადასცეს.
პოლიტიკური ტექნოლოგიების მკვლევარს, სამოქალაქო აქტივისტს, დავით ჯინჭარაძეს საბანკო ანგარიშები დაუყადაღეს. ამის შესახებ მან დღეს, 20 იანვარს მიიღო შეტყობინება „საქართველოს ბანკისგან“.
„ბათუმელებთან“ საუბარში დავით ჯინჭარაძე ამბობს, რომ დაჯარიმების შესახებ ოქმი არ ჩაჰბარებია და მხოლოდ საზღვრის კვეთის დროს გაიგო, რომ დაჯარიმებულია.
„ლონდონში ვიმყოფები ამჟამად, 12 იანვარს გადავკვეთე საზღვარი და მაშინ გავიგე, რომ თურმე დაჯარიმებული ვარ.
ინფორმაცია გადავამოწმე protocol.ge-ზეც, police.ge-ზეც და ჩემი ჯარიმის ოქმი არ იძებნება არსად. არც საქართველოში ყოფნის დროს ჩაუბარებიათ დაჯარიმების ოქმი.
როგორც მესაზღვრემ მითხრა, მაქვს 5 სექტემბრის ჯარიმა. თბილისში, მელიქიშვილზე იყო საპროტესტო აქცია, სადაც მეგაფონით ვიყავი.
ჩემს მეგობარსაც გადავამოწმებინე და ვერავინ ვერ იპოვა ეს საჯარიმო ოქმი. არც ჩემი მშობლების სახლში მიუტანიათ ჯარიმა.
მხოლოდ ამ დილით მეილზე მივიღე შეტყობინება „საქართველოს ბანკისგან“, რომ აღსრულების ეროვნული ბიუროს ყადაღა დამედო. TBC-ზეც მაქვს ანგარიში და იქაც განულებულს მაჩვენებს“ – ამბობს დავით ჯინჭარაძე.
დაყადაღების შესახებ ინფორმაცია დავით ჯინჭარაძემ დღეს მიიღო.
მისი თქმით, არც იმაზე აქვს ინფორმაცია, რამდენი ლარით არის დაჯარიმებული.
„არ ვიცი 5000-ლარიანი ჯარიმაა თუ არა. არც ის ვიცი, რისთვის ვარ კონკრეტულად დაჯარიმებული, ქუჩის გადაკეტვისთვის თუ, ვთქვათ, საპროტესტო აქციის ორგანიზებისთვის.
ეს პირველი შემთხვევა არ არის, როცა ადამიანები საზღვრის კვეთისას იგებენ, რომ დაჯარიმებული არიან. საზღვარზე ჯარიმის დახვედრა უკვე „ტრადიციად“ აქციეს, პოლიტიკოსებსაც და აქტივისტებსაც აყოვნებენ ამის გამო“ – გვითხრა დავით ჯინჭარაძემ.
მისი თქმით, თუ ვერ გაარკვია რისთვის დააჯარიმეს, ვერც გაასაჩივრებს.
„რომ ჩაებარებინათ ეს ჯარიმა, შემეძლებოდა გასაჩივრება და გადადება ამ ყველაფრის.
წესით, 30 დღის შემდეგ ითვლება ჯარიმა გამოქვეყნებულად და ჩაბარებულადაც, როცა გამოაქვეყნებენ. ამიტომ, თუ 12 იანვარს არ იყო ჯარიმა დადებული ონლაინ, ჩაბარებულადაც ვერ ჩაითვლება“ – ამბობს დავით ჯინჭარაძე.
მისი თქმით, ის დაუკავშირდება იურისტებს საქართველოში და ასე შეეცდება ჯარიმის დეტალების დაზუსტებას და გასაჩივრებას.
უკრაინაში, კიევში, 5 635 მრავალსართულიანი შენობა დარჩა გათბობის გარეშე 20 იანვრის ღამეს რუსეთის თავდასხმის შედეგად. ამის შესახებ „უკრაინსკა პრავდა“ წერს კიევის მერზე, ვიტალი კლიჩკოზე დაყრდნობით.
ამავე დროს, კიევის მარცხენა სანაპირო წყლის გარეშე დარჩა.
„დედაქალაქზე ამ თავდასხმის შემდეგ 5 635 მრავალსართულიანი შენობა გათბობის გარეშეა. ამ შენობების თითქმის 80 პროცენტი 9 იანვარს გათბობის გარეშე იყო“ – წერს კლიჩკო.
ბოლო ცნობებით, 20 იანვარს კიევის ოლქში რუსეთის საჰაერო ძალების იერიშის შედეგად ერთი ადამიანი დაიღუპა.
„უკრაინსკაია პრავდა“ რეგიონის გუბერნატორის კომენტარს ავრცელებს, რომლის მიხედვითაც, ბუჩას რაიონში 50 წლის მამაკაცი დაიღუპა.
საჰაერო იერიშის შედეგად კიევის ოლქში ასევე დაზიანდა ორი ბენზინგასამართი სადგური.
მედიის ინფორმაციით, 20 იანვრის ღამეს დნეპრში რუსეთის საჰაერო დარტყმის შედეგად ორი ადამიანი დაშავდა, ხანძარი გაჩნდა, დაზიანდა ბიზნესი, ინფრასტრუქტურა, სახლები და ავტომობილები.
უკრაინის შეიარაღებული ძალების გენერალური შტაბის დღევანდელი მონაცემებით, ომის დაწყებიდან 2026 წლის 20 იანვრამდე პერიოდში, რუსეთის არმიის საბრძოლო დანაკარგი არის:
ცოცხალი ძალა – დაახლოებით 1 228 570 ადამიანი [გასულ დღე-ღამეში +1 130. ამ მონაცემებში შედის როგორც დაღუპულები ასევე დაჭრილები]
ტანკი – 11 579 ერთეული [+6]
ჯავშანტექნიკა – 23 928 ერთეული [+6]
საარტილერიო სისტემა – 36 393 ერთეული [+60]
MLRS – 1 618 ერთეული [+1]
საზენიტო საბრძოლო სისტემა – 1 279 ერთეული [+1]
თვითმფრინავი – 434 ერთეული [+0]
ვერტმფრენი – 347 ერთეული [+0]
უპილოტო საფრენი აპარატის ოპერატიულ-ტაქტიკური დონე – 111 140 ერთეული [+925]
ფრთოსანი რაკეტა [ჩამოაგდეს] – 4 163 ერთეული [+0]
გემი/ნავი – 28 ერთეული [+0]
წყალქვეშა ნავი – 2 ერთეული [+0]
მანქანები და საწვავის ავზები – 75 067 ერთეული [+191]
სპეცტექნიკა – 4 048 ერთეული [+3]
უკრაინის გენერალური შტაბის განცხადებით, საომარი მოქმედებების მაღალი ინტენსივობის გამო მონაცემები იცვლება.
უკრაინის სამხედრო დანაკარგებზე ინფორმაცია განაახლა რუსეთმაც.
რუსეთის თავდაცვის სამინისტროს მიერ გავრცელებული მონაცემებით, ომის დაწყებიდან 2026 წლის 20 იანვრამდე პერიოდში სულ განადგურებულია უკრაინის:
670 თვითმფრინავი
283 ვერტმფრენი
110 154 უპილოტო საფრენი აპარატი
646 საზენიტო სარაკეტო სისტემა
27 224 ტანკი და სხვა ჯავშანტექნიკა
1 644 მრავალჯერადი სარაკეტო გამშვები
32 701 საველე არტილერია და ნაღმმტყორცნი
52 351 სპეციალური სამხედრო მანქანა
ეს ის მონაცემებია, რომელსაც უკრაინა და რუსეთი ოფიციალურად ავრცელებენ, თუმცა ომის პირობებში შეუძლებელია ზუსტად გადამოწმება, რამდენად შეესაბამება მხარეების მიერ გავრცელებული ინფორმაცია დანაკარგების შესახებ რეალურ რიცხვებს.
ამასთან, აღნიშნულ მონაცემებთან ერთად რუსეთის თავდაცვა, უკრაინის და რუსეთის არმიის ცოცხალი ძალის საერთო დანაკარგების შესახებ სტატისტიკას არ აქვეყნებს. უკრაინის არმიის ცოცხალი ძალის დანაკარგების შესახებ მონაცემებს არ აქვეყნებს არც უკრაინა.
—
რუსეთი უკრაინაში 2022 წლის 24 თებერვალს გამთენიისას შეიჭრა და სრულმასშტაბიანი ომი დაიწყო.
„გვაქვს საფუძველი ვიფიქროთ, რომ აპირებენ საათობრივი ბადიდან გააქრონ საგანი „მოქალაქეობა“, – ამბობს განათლების სპეციალისტი, „კავკასიის უნივერსიტეტის“ პროფესორი ნიკო სილაგაძე.
მისი თქმით, ე.წ. განათლების რეფორმის ფარგლებში სამინისტრომ უკვე დააკომპლექტა ავტორ-შემმოწმებელთა ჯგუფები ახალ სახელმძღვანელოებზე სამუშაოდ, „სამოქალაქო განათლების“ მიმართულებით კი ასეთი ჯგუფის შექმნაზე არაფერი სმენია.
რას უპირებს „სამოქალაქო განათლების“ საგანს „ოცნების“ ხელისუფლება? – ამ თემაზე ესაუბრა ნიკო სილაგაძეს „ბათუმელები“.
ბატონო ნიკო, მოდით ვისაუბროთ იმ მიზეზებზე, რის გამოც გაგიჩნდათ საფუძვლიანი ეჭვი იმაზე, რომ შესაძლოა განათლების სამინისტრო აპირებდეს ამოიღოს „სამოქალაქო განათლება“ საათობრივი ბადიდან?
უნდა ითქვას, რომ ჯერჯერობით არ გვინახავს ეროვნული სასწავლო გეგმის ის ვერსია, რომელიც შესაბამისობაში იქნება გივი მიქანაძის მიერ 2 დეკემბერს წარმოდგენილ ზოგადი განათლების კონცეფციასთან. კონცეფცია ისე წარმოადგინეს, მისი შესაბამისი სასწავლო გეგმა არ წარმოუდგენიათ – არც ის უთქვამთ, როდის წარმოგვიდგრნენ.
სწორედ ამიტომ გვიწევს საუბრები ამა თუ იმ საგნის მომავალთან დაკავშირებით ვარაუდის რეჟიმში. „სამოქალაქო განათლების“, იგივე „მოქალაქეობის“ შემთხვევაში ცუდ მოლოდინებს აჩენს რამდენიმე გარემოება:
განათლების რეფორმის პრეზენტაციაში ხაზგასმით იყო ნათქვამი, რომ აძლიერებენ „ფუნდამენტურ საგნებს“ , ანუ „პირველხარისხოვან/„ფუნდამენტურ“ საგნებს მკაფიოდ მიჯნავენ „მეორეხარისხოვნებისგან“. ეს „მეორეხარისხოვან“ საგნებს კარგს არაფერს უქადის.
მინისტრის პრეზენტაციიდან გამოჩნდა, რომ სამინისტროში „ფუნდამენტურ საგნებად“ ქართულს, გეოგრაფიას, ისტორიას, მათემატიკასა და საბუნებისმეტყველო საგნებს მიიჩნევენ. აქედან აშკარავდება, რომ „მოქალაქეობა“, „მუსიკა“ და „ხელოვნება“ მათთვის „მეორეხარისხოვანია“.
შემცირდა სასწავლო წლის ხანგრძლივობა: მე-12 კლასი „არჩევითად“ გამოაცხადეს, მე-11 კლასს კი რეპეტიტორიუმის სტატუსი მიანიჭეს.
ასეთ ვითარებაში ალბათ რიგი საგნების დაკნინება-გაქრობა დასჭირდეთ იმისთვის, რომ „ფუნდამენტური საგნების“ პროგრამა 7-10 კლასებზე ისე გადაანაწილონ, რომ საათობრივი ბადე ძალიან არ გადაიტვირთოს.
ბევრი იწერება „ღირებულებით განათლებაზე“, რომელიც სკოლებში სასულიერო პირებისა და პოლიციელების ხელით ხორციელდება, თუ უნდა განხორციელდეს – შესაძლოა ამ პროექტებს სამოქალაქო განათლების ალტერნატივადაც ხედავდნენ; შესაძლოა მისი კლუბურ-აუდიტორულ ფორმატში გადატანას აპირებენ.
ასევე დაანონსებული იყო ახალი სახელმძღვანელოების დაწერა სამინისტროს ბაზაზე. კერძოდ საუბრებიდან გავიგეთ, რომ უკვე დააკომპლექტეს ავტორების და შემსწორებლების ჯგუფები ყველა საგანში, რომლებმაც ამ დისციპლინებში ახალი წიგნები უნდა დაწერონ – მხოლოდ სამოქალაქო განათლებისთვის არ შეუქმნიათ მსგავსი ჯგუფი.
ამან გაგიჩინათ ეჭვი, რომ შესაძლოა ამოიღონ საგანი „მოქალაქეობა“ საათობრივი ბადიდან?
დიახ. ბევრი ბუნდოვანებაა ამ საგანთან მიმართებით, თითქოს არ აპირებენ ახალი სახელმძღვანელოს დაწერას, ასეთი პირი უჩანს.
არის საჯარო იმ პირების ვინაობა, რომლებიც ახალ სახელმძღვანელოებზე იმუშავებენ?
არა, ეს არ გამოუქვეყნებიათ საჯაროდ. განათლების სამინისტრო დიდი ხანია აღარ აკეთებს საჯარო განცხადებებს და არც საქმის არსში ახედებს ვინმეს.
ვიცით მხოლოდ ის, რომ წინა წლების მსგავსად სამინისტროში თითოეული საგნობრივი მიმართულებით 3-4 საგნობრივი ექსპერტებით დაკომპლექტებული ჯგუფი მუშაობს. ალბათ ისინი მოიაზრებიან ავტორ-შემსწორებლებად იმ პირებთან ერთად, რომლებიც ადრე გამომცემლობებთან თანამშრომლობდნენ ავტორის სტატუსით – დღეს კი აპირებენ სამინისტროს ბაზაზე განაგრძონ იმავე ტიპის საქმიანობა.
სკოლებში ამ საგანს ძალიან ბევრი მასწავლებელი ასწავლის. გარკვეული ნაწილი მხოლოდ ამ საგნის მასწავლებელია, ამიტომ, თუ „მოქალაქეობას“ გააუქმებს სამინისტრო, ეს მასწავლებლები ხომ დაკარგავენ საათებს და ბევრი სამსახურსაც. რა ისმის ამ პედაგოგებისგან, თუ გაქვთ ინფორმაცია?
არა მგონია პედაგოგებამდე ბევრი ინფორმაცია მიდიოდეს. ასეთი ტიპის გადაწყვეტილებებს, სამწუხაროდ, პროფესიულ საზოგადოებასთან ნაკლებად განიხილავენ.
თუკი ჩვენი შიშები და ვარაუდი გამართლდა, ეს ნამდვილად გამოიწვევს მასწავლებლების უკმაყოფილებას, მაგრამ არა მგონია სამინისტროს ახლანდელ ადმინისტრაციას ეს დიდად აშინებდეს.
ბოლო ხანებში ისეთი კანონები შემოიღეს, ადვილად შეძლებენ კარისკენ მითითებას, თუ რომელიმე მასწავლებელი ამაზე გამოხატავს ღიად უკმაყოფილებას – რესურსცენტრების სახით სკოლებზე „პოლიციური ზედამხედველობა“ გაძლიერებული აქვთ; ახლად დამტკიცებული სქემა კი მასწავლებლების კონტროლის კარგ ბერკეტებს აძლევთ.
მასწავლებლებს პროფკავშირის იმედიც ვერ ექნებათ, ვინაიდან ეს ორგანიზაცია ღიად არის გარიგებული სამინისტროსთან.
არასამთავრობო ორგანიზაციებს კი, რომლებიც განათლების საკითხებზე და მასწავლებლების უფლებების დაცვაზე მუშაობდნენ დღეს სამოქმედო ასპარეზი შეზღუდული აქვთ.
ყოველივე ამის გათვალისწინებით ალბათ სამინისტროში ფიქრობენ, რომ სერიოზული პროტესტი არ ემუქრებათ.
„სამოქალაქო განათლება“ მოქალაქედ ზრდის ბავშვს. ასწავლის რას ნიშნავს სახელმწიფო, დემოკრატიული ღირებულებები, როგორი უნდა იყოს მართლმსაჯულება, საუბრობს კორუფციასა და საერთაშორისო სამართალზეც. ფიქრობთ, რომ ამ საგნის გაუქმებით, „ოცნება“ აპირებს დემოკრატიული ღირებულებები გააქროს სასწავლო პროცესებიდან?
გვაქვს საფუძველი ვიფიქროთ, რომ ეს არის მათი მოტივი. თუ ეს მართლაც ასე მოხდა, ძალიან ცუდი იქნება, ვინაიდან სასწავლო გეგმა უმნიშვნელოვანეს კომპონენტს დაკარგავს.
აქამდე ასე ვამბობდით – თუკი ისტორია ბავშვს ქვეყნის სიყვარულს ასწავლის, „მოქალაქეობა“ მას ქვეყანაზე ზრუნვას აჩვევს. სწორედ ქვეყანაზე ზრუნვის კონტექსტში სწავლობდნენ მოსწავლეები ისეთ საკითხებს, როგორიცაა სახელმწიფო სტრუქტურები და მათი ფუნქციონირება, საზოგადოებრივ-პოლიტიკური პროცესები და მასში მონაწილეობის ფორმები და სხვა.
ამ საგნის სწავლება როგორც მოქმედი, ისე 10 + 2 ფორმატში რევიზირებულ სტანდარტში მე-7 კლასში იწყებოდა და უწყვეტად გრძელდებოდა მე-12 კლასამდე. გივი მიქანაძის მიერ წარმოდგენილი ზოგადი განათლების კონცეფციის ფორმატში ამის საშუალება ალბათ აღარ იქნება – ამ კონცეფციის მიხედვით მე-12 კლასი არჩევითია, მე-11 კლასი კი რეპეტიტორიუმად არის გამოცხადებული, რაც ამ ორ კლასს (და მასთან ერთად სამოქალაქო განათლების საგანსაც) ავტომატურად აშორებს ზოგად განათლებას. ის კი არა და უკვე საბაზო საფეხურზე მის სტატუსთან დაკავშირებითაც გაგვიჩინეს შიშები.
ფიქრობთ, რომ სამღვდელოებას გადააბარებენ „მოქალაქეობის“ საკითხებს, რახან თქვეს, რომ „ღირებულებებზე“ ისინი იზრუნებენ სკოლებში?
არ ვიცი. მე რასაც ვხედავთ არის ის, რომ არაფორმალური განათლების კონტექსტში ცდილობენ სასულიერო პირებისა და პოლიციელების გააქტიურებს, თუმცა, ყველაფერია მოსალოდნელი – რაღაც ეტაპზე შეიძლება თქვან, რომ რადგან „ღირებულებებზე“ მღვდლები იზრუნებენ, აღარ გვინდა ეს სამოქალაქო განათლება.
აქამდე, ჩვენი საგანმანათლებლო სისტემა იდგა დემოკრატიულ ღირებულებებზე, იმაზე, რაზეც დაფუძნებულია ზოგადად ადამიანის უფლებები. რამდენად რეალურია, რომ სკოლებში შემოყვანილი სასულიერო პირები სამოქალაქო განათლების მასწავლებლებს ჩაანაცვლებენ?
გივი მიქანაძემ ზოგადი განათლების კონცეფციის პრეზენტაციისას არაერთხელ ახსენა ეროვნული მიზნები – ყოველ მეხუთე სიტყვაზე აცხადებდა, რომ ლიბერალიზმისგან უნდა იხსნას, მაგრამ ამ ლიბერალიზმებში რას გულისხმობენ ამას ამ დრომდე დიდად ვერ აკონკრეტებენ.
სანამ კონცეფციას ასე რიხით წარადგენდნენ, ლოგიკური იქნებოდა გვენახა ეროვნული სასწავლო გეგმა:
რას და როგორ ასწავლიან XI-XII კლასებში (არჩევითში და რეპეტიტორიუმში), როგორი იქნება საშუალო საფეხურის მოწყობა, რა შინაარსი ექნება სახელმძღვანელოებს, რომლის დაწერაზეც ასე დიდის ამბით იღებენ პასუხისმგებლობას.
ასეთ საკითხებზე საერთოდ არაფერი თქმულა. არ გვეუბნებიან, რომ აქვთ განახლებული სასწავლო გეგმა და ამის მიხედვით მოქმედებენ. არც რაიმეს ჩვენებას გვპირდებიან. ეს კი რეფორმას ფრიად არასერიოზულ, რომ არ ვთქვათ გროტესკულ სახეს აძლევს.
ითქვა მხოლოდ, რომ აკეთებენ „ანტილიბერალურ და ეროვნულ სტანდარტს“, მაგრამ ეს ლოზუნგის ტიპის განაცხადია, ვინაიდან არავის უთქვამს:
რა საგნებს ვასწავლით ამ კონცეფციის ფარგლებში, ამ საგნებში რა ღირებულებებს ვავითარებთ, რა დიზაინი აქვს კურიკულუმს.
სხვა სიტყვებით რომ ვთქვათ, ახალი მიდგომების განსხვავებები არავის უჩვენებია წინა „ლიბერალურ“ კურიკულუმთან, რომელიც სინამდვილეში არც ლიბერალური იყო და არც რომელიმე სხვა იდეური მიმართულებით იყო გადახრილი.
ის ხომ თქვეს, რომ სამ წელიწადში უნდა დაიწეროს ახალი სახელმძღვანელოები. თუ არ არსებობს ეროვნული სასწავლო გეგმა, რის მიხედვით წერენ სახელმძღვანელოებს?
ეს არის სწორედ გასაკვირი და უცნაური. წესით ჯერ უნდა არსებობდეს ეროვნული სასწავლო გეგმა, იგივე ზოგადი განათლების კონცეფცია. ლოგიკა ასეთია – ჯერ ამუშავებ ეროვნულ სასწავლო გეგმას და მერე წერ სახელმძღვანელოებს. დღეს კი ყველაფერი პირიქითაა. სასწავლო გეგმაზე არაფერს ამბობენ, სამაგიეროდ ინფორმაციები მოგვდის, რომ სახელმძღვანელოებზე მუშაობა უკვე დაწყებულია.
ითქვა, რომ „მოქალაქეობის“ გარდა აპირებენ მუსიკის და ხელოვნების საგნების გაუქმებასაც?
დიახ, ამაზეც იყო კერძო საუბრები, რომ თითქოს ამ საგნებს საერთოდ არ სჭირდება სახელმძღვანელო. ეს ალბათ გვაფიქრებინებს, რომ საათობრივი ბადიდან ამ საგნების გაქრობის საფრთხეც არსებობს.
დისკუსიის მუხტი ძალიან შესუსტებულია. ვერცერთი განათლების სპეციალისტი ვერ ვნახე, რომელიც იტყვის, რომ რაიმე ფორმით ჩართულია რეფორმის შემუშავების პროცესში.
ვიცით, რომ სარეფორმო საკითხებზე დაქირავებული ექსპერტები იმუშავებენ სამინისტროს ბაზაზე, მაგრამ ეს ექსპერტებიც კი არ არიან მათი მომხრე – ისინი სიჩუმეს ინარჩუნებენ და ცუდზე არ ამბობენ, რომ ცუდია. თუმცა, ისიც უნდა ითქვას, რომ ახალ რეფორმას კარგს არც ისინი უწოდებენ – არც ერთი მათგანი არ ამბობს, რომ ახალი მიდგომები ძველს რაიმეთი სჯობს – უბრალოდ შიშის გამო სამინისტროსთვის სასარგებლო სიჩუმეს ინარჩუნებენ.
თუკი გვინდა ეს სიჩუმე დაირღვეს, უნდა მოვითხოვოთ ხელშესახები დოკუმენტი – სამინისტროს ახალი კონცეფციის შესაბამისი ეროვნული სასწავლო გეგმა, სადაც დავინახავთ, რას ნიშნავს ახალი რეფორმა, კონკრეტული საფეხურების, კონკრეტული საგნების, კონკრეტული შინაარსების კონტექსტში, რაზეც მასწავლებლებს ყოველთვის ბევრი განსხვავებული მოსაზრება აქვთ და ძალიან რეაგირებენ – ხოლმე.
ვფიქრობ, ამიტომ არ აჟღერებენ ხმამაღლა ამ საკითხებს, მაგალითად არ ამბობენ, რომ აუქმებენ „მოქალაქეობას“, რადგან ეს გამოიწვევს კრიტიკას და დაძრავს მუხტს.
