ბათუმელები
სოფელი გოგინიძეები ქედის მუნიციპალიტეტში მდებარეობს. სოფელში 40 ოჯახია, სულ 120 ადამიანი ცხოვრობს. აქ მეწყრული პროცესი 2011 წლის 6 აპრილს, საღამოს 5 საათზე განვითარდა. ადგილობრივი მოსახლეობის თვითმხილველების თქმით, ზვავს საშინელი ხმაური მოყვებოდა, მთის მასის ნაწილი მოდიოდა და ხეებიც მოყვებოდა.
ფრიდონ ხალვაშის გამზირზე, მერვე შესახვევში მცხოვრები ხუთსულიანი ოჯახი სახელმწიფოსგან თავშესაფარს ითხოვს.
აჭარის სიმღერისა და ცეკვის სახელმწიფო ანსამბლის დაახლოებით ორმოცი წევრი პროტესტს ღამისთევით აგრძელებს. ისინი მესამე ღამეა აჭარის მთავრობის სახლის წინ, მინდორში, ღია ცის ქვეშ იმყოფებიან. ანსამბლის წევრები დღემდე ყოფილი სამხატვრო ხელმძღვანელის, თემურ ქორიძის დაბრუნებას მოითხოვენ. მათ კიდევ ერთი მოთხოვნა აქვთ – თანამდებობა დატოვოს ანსამბლის დირექტორმა, ოთარ მიქელაძემ.
ორ წელიწადში 14 მილიონი ლარი უნდა დაიხარჯოს იმ ოჯახებზე, რომლებიც მესამე შვილს გააჩენენ. ფინანსური დახმარება გათვალისწინებული არ არის მეოთხე და შემდგომ შვილზე. პროექტი, რომელსაც „დემოგრაფიული აღორძინების ფონდი“ ამუშავებს, წელს უნდა ამოქმედდეს. ფონდმა ერთი წლის განმავლობაში მხოლოდ ერთ პროექტს მისცა დასრულებული სახე, ორი პროექტი კი, დამუშავების პროცესშია.
„მრავალშვილიან დედას, უპირველეს ყოვლისა, ესჭიროება ღვთის რწმენა და იმედი. მატერიალური და ეკონომიკური მდგომარეობა _ ეს არ არის უმთავრესი. ათი შვილი უფლის მადლით მყავს” _ გვითხრა თეა ხომერიკმა.
დღეს, სამ მარტს, მრავალშვილიანი დედებისთვის ხელოვნებისა და კულტურის ცენტრში კონცერტი გაიმართა.
12 წლის გიულიმ, რომელსაც სამი და-ძმა ჰყავს, საკუთარი ხელით დამზადებული, მოხატული ღია ბარათით მიულოცა დედას 3 მარტი. ისინი უკვე წელიწადნახევარია `ოცნების ქალაქში“ ცხოვრობენ და მათი მისამართია ქოხი №600.
„ოცნების ქალაქს“ ხელვაჩაურში მდებარე ფარღალალა ქოხების დასახლებას უწოდებენ, სადაც ეკომიგრანტები ამაოდ ელიან ხელისუფლების დახმარებას.
„6 მაისის პარკში“, დედის დღესთან დაკავშირებით, ხანდაზმულთა ნამუშევრების ერთდღიანი გამოფენა-გაყიდვა მიმდინარეობს. გამოფენაზე წარმოდგენილია 60 წელს გადაცილებულ მოხუცთა ხელნაკეთი მასალები, მათ შორის წინდები, ქუდები, ჟილეტები, სათამაშოები და სამკაულები. მათი ფასი 1 ლარიდან 15 ლარამდეა. ღონისძიება საქველმოქმედო ხასიათისაა და საქართველოს „წითელი ჯვრის“ ბათუმის ხანდაზმულთა სოციალური ცენტრის ორგანიზებით გაიმართა.
<!** Image 2 align="" width="500" height="640" >
ბათუმის უნივერსიტეტის ოთხმა სტუდენტმა გადაწყვიტა ბათუმში მოტო-ტაქსის მომსახურება დანერგონ.
2008 წლის აგვისტოს ომში დაღუპული ჯარისკაცის თეიმურაზ ბერიძის ოჯახს აჭარის ჯანდაცვის მინისტრი და ქობულეთის გამგებელი ეწვია. ჯანდაცვის პრესსამსახურის ინფორმაციით, დაღუპული ჯარისკაცის დედასა და მეუღლეს, სამინისტროს პროგრამის „2008 წლის რუსული აგრესიისა და 2012 წელს ავღანეთში დაღუპულთა ოჯახების დახმარება“ ფარგლებში 1000-1000 ლარი გადაეცათ. მთავრობის წევრებმა თეიმურაზ ბერიძის შვილებს 9 წლის ქრისტინესა და 11 წლის დათოს ტკბილეული და საბავშვო ლიტერატურა მიუტანეს.
დღეს, სამ მარტს მრავალშვილიანი დედებისთვის, ხელოვნებისა და კულტურის ცენტრში კონცერტი გაიმართება.
ნაზიბროლა პირველი ქობულეთში ცხოვრობს. ის რეპრესირებულია. მამა, ვასილ პირველი, 1918 წელს, სვანეთში მესტიის სოფელ იფარში დაიბადა. 1952 წელს ის აფხაზეთის სასამართლომ საბჭოთა ხელისუფლების დამხობის მოწოდების ბრალდებით გაასამართლა. ნაზიბროლა ოჯახის ისტორიის მოყოლას სვანეთიდან, პირველების საგვარეულოდან იწყებს:
დღეს ბათუმში რეაბილიტირებული არქეოლოგიური მუზეუმი გაიხსნა. აჭარის განათლების სამინისტროს ინფორმაციით, „საზოგადოება პირველად იხილავს მუზეუმში დაცული საგანძურის იმ ნიმუშებს, რომლებიც დღემდე არასოდეს ყოფილა გამოფენილი. მათ შორისა ე.წ. „გონიოს განძის“, ფიჭვნარის, კაპანდიბის ტერიტორიაზე ჩატარებული არქეოლოგიური გათხრებისა და შემთხვევითი აღმოჩენების შედეგად მოპოვებული ოქრომჭედლობის უნიკალური ნიმუშები (ძვ. წ. V ს. – ახ. წ. II-I სს.)“
გოგიჩა (მამუკა გოგიჩაიშვილი) „იმედის“ ოპერატორია. ჩემ დროსაც იყო და ახლაც იქ მუშაობს. მგონი ყველაზე კარგი ოპერატორია, ვისთანაც მიმუშავია (ამირან ბაბუ, არ გეწყინოს). ერთმანეთი პროფესიულად კიევში გავიცანით.
ბათუმში საკურას ხეივნის გაშენება დრამატული თეატრის უკან, ილია ჭავჭავაძის ძეგლის მიმდებარე ტერიტორიაზე განიხილება – ეს ინფორმაცია „ბათუმელებს“ გამწვანებისა და ლანდშაფტური დაგეგმარების სამსახურის უფროსმა, ეთერ მაჭუტაძემ მოაწოდა. მისივე თქმით, საკურას ხეივნის გაშენების ადგილად იგი თავდაპირველად „ჭაჭის კოშკის“ მიმდებარე ტერიტორიას განიხილავდა, თუმცა აღმოჩნდა, რომ ამ ადგილას სხვა პროექტის განხორციელება იგეგმება.
დღეს ბათუმში, კონსტანტინე გამსახურდიას ქუჩაზე სანაგვე ურნა იწვოდა, მოქალაქეები გულგრილად უვლიდნენ გვერდს ცეცხლმოდებულ ურნას.
<!** Image 1 align="" sub="დამწვარი ნაგვის ურნა" width="500" height="2048" >
ამოვარდნილი ქვის ფილა, კოშკურის დანაგვიანებული ნაწილები და სხვა მცირე დაზიანებები, რომლებიც ამ ეტაპზე “ჭაჭა თაუერზეა”, ბათუმის გამწვანებისა და ლანდშაფტური დაგეგმარების სამსახურის დირექტორის, ეთერ მაჭუტაძის თქმით, ტურისტული სეზონის დაწყებამდე კეთილმოეწყობა.
<!** Image 2 align="" width="500" height="1200" >
იუსტიციის სამინისტროს ოფიციალური მონაცემებით, ამ დროისთვის უფასო პირადობის მოწმობა 17 000-მა მოქალაქემ აიღო.
არასამთავრობო ორგანიზაციამ „შეზღუდული შესაძლებლობების მქონე პირთა უფლებებისათვის“ ბათუმის სახელმწიფო უნივერსიტეტის განათლების ფაკულტეტთან თანამშრომლობის ხელშეკრულება დადო. ორგანიზაციის ინფორმაციით, მემორანდუმი სამ წლიანია და განსაკუთრებული საჭიროების მქონე პირებისთვის განკუთვნილ სხვადასხვა პროექტებში ლექტორებისა და პედაგოგების ჩართვას ითვალისწინებს.
ბათუმის „საზღვაო ჰოსპიტალი“ მოსწავლეებისთვის მცირე გრანტების პროგრამას აცხადებს. საგრანტო პროგრამაში მონაწილეობის მიღება „ბათუმის სამოქალაქო კლუბის“ წევრებს შეეძლებათ. პროგრამის მიხედვით საპროექტო განაცხადი მომზადებული უნდა იყოს თემაზე: ცხოვრების ჯანსაღი წესის ხელშეწყობა.
ხელვაჩაურის მუნიციპალიტეტის სოფელ ერგეს მოსახლებამ საპროტესტო აქცია გამართა. მოსახლეობა ჩაბარებული მანდარინისა და ,,პავილიონში” მუშაობისთვის კუთვნილ ანაზღაურებას ითხოვს.
საკრებულო „ბათუმის ავტოტრანსპორტის“ დირექტორის თანამდებობაზე კონკურსს გამოაცხადებს, ეს თანამდებობა ვაკანტური მას შემდეგ გახდა რაც ,,ავტოტრანსპორტის’’ დირექტორმა გია ლორიამ თანამდებობა დატოვა.
„რისკის ქვეშ“ – ასე ჰქვია წიგნს, რომლის პრეზენტაციაც „საქართველოს ჟურნალისტთა დამოუკიდებელმა ასოციაციამ“ ბათუმის „პრესკაფეში“ მოაწყო. „ჟურნალისტთა უსაფრთხოების სახელმძღვანელო“ ავტორებმა დღეს ადგილობრივ ჟურნალისტებს წარუდგინეს.
ბათუმში ორი დღის განმავლობაში მიმდინარე კამპანია „უთხარი მეგობარს“, რომელიც აივ/ შიდსის ტესტირების მნიშვნელობის შესახებ ინფორმაციის გავრცელებას ისახავდა მიზნად, საინფორმაციო ფლაერებისა და ბუკლეტების დარიგებით დასრულდა.
დღეს, 21 თებერვალს, ილიას სახელმწიფო უნივერსიტეტი კლუბ „ლიგამუსში“ მართავს პირველი რესპუბლიკის კონსტიტუციისადმი მიძღვნილ დისკუსიას საკონსტიტუციო სასამართლოს მოსამართლეებისა და ილიას სახელმწიფო უნივერსიტეტის პროფესორების მონაწილეობით.
ბათუმის საჯარო ბიბლიოთეკამ საჯარო ლექციების ციკლი დაიწყო. როგორც ბიბლიოთეკის დირექტორის მოადგილე ნატო ჭყონია ამბობს, საჯარო ლექციები ბიბლიოთეკის ღონისძიებების სიაში წელს პირველად შეიტანეს და 2014 წელს სამი საჯარო ლექციაა გათვალისწინებული. მას სხვადასხვა დარგის სპეციალისტები წაიკითხავენ.
დღეს თამარის დასახლებასა და ლერმონტოვის 102 ნომერში მცხოვრები მოსახლეობა არასამთავრობო ორგანიზაცია „მუნიციპალიტეტთა განვითარებისა და მონიტორინგის ცენტრთან“ ერთად ქალაქის მმართველობასთან შეხვედრას ითხოვდა.
<!** Image 2 align="left" width="400" height="1504" >ავტობუსის მძღოლების გაფიცვის მეცხრე დღეს შპს ბათუმის „ავტოტრანსპორტის“ დირექტორი, გია ლორია დაკავებული თანამდებობიდან გადადგა. მან „ბათუმელებთან“ აღნიშნა, რომ განცხადება გათავისუფლების შესახებ უკვე დაწერა. „მძღოლები მართული იყვნენ გარე პოლიტიკური ძალების მიერ, შემეცოდა ხალხი, ისინი ამბობდნენ, რომ ჩემ გამო არ მუშაობდნენ, ამიტომაც მივიღე გადაწყვეტილება წასვლის შესახებ.“- განაცხადა გია ლორიამ.
სოციალურად დაუცველი ოჯახებისთვის მერიაში ახალი პროგრამა ამოქმედდა. მერიის პროგრამის ფარგლებში, სოციალურად დაუცველი ოჯახების ყოველ პირველ და მეორე ახალშობილზე მატერიალური დახმარება გაიცემა.
ორგანიზაცია CAUCULT-ის აჭარის ჯგუფში ჩართულმა გიორგი აბულაძემ ქედაში პროექტის არაერთგვარი პრეზენტაცია გამართა – ხალხური რეწვის ქედელი ოსტატები თავიანთ ოჯახებში მოინახულა, ადგილზე გაეცნო მათ შემოქმედებას, სამუშაო პროცესსა და მუშაობის ისტორიას.
<!** Image 1 align="left" width="300" height="432" >
<!** Image 2 align="left" width="500" height="532" >
საქართველოს ფინანსთა სამინისტროს საგამოძიებო სამსახურის ინფორმაციით, ბათუმის თოჯინების თეატრის მმართველს მედეა ჩარკვიანს ბრალი წარუდგინეს. ფინანსთა სამინისტროს მიერ გავრცელებულ განცხადების ტექსტს უცვლელად გთავაზობთ:
ბათუმში ავტობუსის მძღოლებმა შიმშილობა დაიწყეს. მათი ერთ-ერთი მთავარი მოთხოვნა დირექტორის, გია ლორიას თანამდებობიდან გადადგომაა. ლორია საკრებულოს გადაწყვეტილებით უკვე მეშვიდე წელია ამ თანამდებობას იკავებს. სავარაუდოდ, ამ კვირაში საკრებულო იმსჯელებს შპს “ბათუმის ავტოტრანსპორტის” დირექტორის თანამდებობაზე დარჩენის საკითხზე. „ბათუმელების” კითხვებს უპასუხა გია ლორიამ, რომელიც საკუთარი სურვილით თანამდებობის დატოვებას არ აპირებს.
„კარგია, როცა უამრავი ქვეყნის პორტში შედიხარ, ეცნობი სხვადასხვა ადამიანის ცხოვრებასა და კულტურას. ჩვენ ქალები ვართ, ეს ბევრისთვის დღესაც საკამათოა, შეიძლება თუ არა ქალი იყოს გემზე, თუმცა ამ გადაწყვეტილებით ჩვენ ვანგრევთ მოძველებულ სტანდარტებს, რომ გემი და ზღვა მხოლოდ მამაკაცის საქმეა“, – ეს მომავალი კაპიტნის, ნათია ლაბაძის სიტყვებია. ის პირველი გოგონაა, ორმოცწლიანი ინტერვალის შემდეგ, ვინც ბათუმის საზღვაო აკადემიაში გემთწამყვანის სპეციალობაზე ჩააბარა. წელს კი ამ სპეციალობას კიდევ ერთი გოგონა, ანა ყურშუბაძე შეემატა.
ბათუმში მიკროავტობუსების მძღოლები აცხადებენ, რომ ქალაქში მუნიციპალური ავტობუსების გაჩერების გამო მგზავრებს, რომლებიც სოციალურად დაუცველნი არიან, 40 თეთრის ნაცვლად 30 თეთრად მოემსახურებიან.
გაფიცული მძღოლების პრობლემის მოსაგვარებლად კომისია ოფიციალურად ხვალიდან დაიწყებს მუშაობას.
მომზადებულია 18-წევრიანი კომისიის პროექტი, რომელშიც შედიან საკრებულოს თავმჯდომარე, ბათუმის მერის მოვალეობის შემსრულებელი გიორგი ერმაკოვი, საკრებულოსა და მერიის სხვა ათი წევრი, პროფკავშირების თავმჯდომარე ილია ვერძაძე.
„ბათუმის ტრანსპორტის“ პრეფესიული გაერთიანებიდან, კომისიაში იქნებიან გაერთიანების თავმჯდომარე ემზარ გოგიტიძე და „აჭარის ტრანსპორტის“ პროფესიული გაერთიანების თავმჯდომარის თანაშემწე, სიმონ სიხარულიძე. კომისიაში ასევე შედიან ოთხი არასამთავრობო ორგანიზაციის წარმომადგენლები.
მუნიციპალური ავტობუსის მძღოლები მესამე დღეს შიმშილობენ. ქალაქში ყვითელი ავტობუსების მოძრაობა კვლავ შეჩერებულია. როგორც მძღოლები აცხადებენ, პროტესტი მანამდე გაგრძელდება, სანამ შპს „ბათუმის ავტოტრანსპორტის“ ხელმძღვანელობა მათ მოთხოვნებს არ დააკმაყოფილებს. მძღოლები ხელფასების გაზრდას მოითხოვენ და ქალაქის ხელმძღვანელობისგან დროულ რეაგირებას ელოდებიან
<!** Image 2 align="" width="400" height="1504" >
მზიანი იანვრის ბოლო კვირა ჩემთვის უცნაური სიტყვით დასრულდა. ვიყავი თითქოს ერთ-ერთ უწყინარ შეხვედრაზე, სადაც თანამდებობის პირმა ორგანიზაციების დაინტერესება რეკრეაციული ზონითა (გონიო, ჭოროხის დელტა) და ფრინველების გადაფრენით პარადოქსულად შეაფასა. ალბათ, იმიტომ, რომ 100-ნომერიანი სასტუმროს, 95-პროცენტი ადგილობრივი კადრის დასაქმების თუ გასართობი ცენტრის ნაცვლად ფრინველებზე დაკვირვების ტურიზმის განვითარება, ჭოროხის დელტის უნიკალური ბუნების დაცვა და შენარჩუნების წინადადებები განიხილებოდა. მისმა სიტყვებმა თითქოს ახსნა ის პოლიტიკა, რომელიც იყო, მიმდინარეობს თუ იგეგმება ჩვენს რეგიონში (თუ ქვეყანაში) – კულტურული მემკვიდრეობის ძეგლების თუ გარემოს დაცვის მიმართულებით.
<!** Image 1 align="left" width="300" height="600" >
