Batumelebi | ლექტორ-მასწავლებლები შეზღუდული შესაძლებლობების მქონე პირებისთვის ლექტორ-მასწავლებლები შეზღუდული შესაძლებლობების მქონე პირებისთვის – Batumelebi
RU | GE  

ლექტორ-მასწავლებლები შეზღუდული შესაძლებლობების მქონე პირებისთვის

 

არასამთავრობო ორგანიზაციამ „შეზღუდული შესაძლებლობების მქონე პირთა უფლებებისათვის“ ბათუმის სახელმწიფო უნივერსიტეტის განათლების ფაკულტეტთან თანამშრომლობის ხელშეკრულება დადო. ორგანიზაციის ინფორმაციით, მემორანდუმი სამ წლიანია და განსაკუთრებული საჭიროების მქონე პირებისთვის განკუთვნილ სხვადასხვა პროექტებში ლექტორებისა და პედაგოგების ჩართვას ითვალისწინებს.

 

თანამშრომლობის დოკუმენტს განათლების ფაკულტეტის დეკანმა მადონა მიქელაძემ და ორგანიზაციის თავმჯდომარემ თამაზ მჟავანაძემ მოაწერეს ხელი.

 

უნივერსიტეტში დღესვე მოეწყო  „შშმ პირები და საზოგადოება“ პროექტის პრეზენტაცია. პროექტის  კონსულტანტი  ამავე ფაკულტეტის პროფესორი დარეჯან გელაძეა. პროექტის ფარგლებში სკოლის მოსწავლეებსა და მშობლებს ორი თვის განმავლობაში განსაკუთრებული საჭიროების მქონე პირების შესახებ ლექციები ჩაუტარდებათ.

ნეტგაზეთის მასალების სხვა გამოცემებში გადაბეჭდვის წესი
ნინო ხიმშიაშვილი