დისკუსიის დასრულებისას საქართველოს საკონსტიტუციო სასამართლოს თავმჯდომარე გიორგი პაპუაშვილი დააჯილდოებს კონსტიტუციური კვლევების ცენტრის მიერ ორგანიზებულ სალექციო კურსის _ ”კონსტიტუცია და დემოკრატია” _ კურსდამთავრებულებს.
საქართველოს დემოკრატიული რესპუბლიკის 1921 წლის 21 თებერვლის კონსტიტუცია ჯერ კიდევ მაშინ აღიარებდა ისეთ ღირებულებებს, როგორებიცაა: თავისუფლება, დემოკრატია და სამართლებრივი სახელმწიფო. საბჭოთა ოკუპაციის შედეგად კონსტიტუციური ტრადიცია გაწყდა და მხოლოდ 70 წლის შემდეგ გახდა შესაძლებელი პირველი რესპუბლიკის ტრადიციების გაგრძელების საკითხის დაყენება. სწორედ 1921 წლის 21 თებერვლის კონსტიტუციის მნიშვნელობაზე ისაუბრებს საქართველოს საკონსტიტუციო სასამართლოს თავმჯდომარე კურსდამთავრებულებთან.
