Batumelebi | ბათუმის „ავტოტრანსპორტის“ დირექტორმა თანამდებობა დატოვა ბათუმის „ავტოტრანსპორტის“ დირექტორმა თანამდებობა დატოვა – Batumelebi
RU | GE  

ბათუმის „ავტოტრანსპორტის“ დირექტორმა თანამდებობა დატოვა

 

ავტობუსის მძღოლების გაფიცვის მეცხრე დღეს შპს ბათუმის „ავტოტრანსპორტის“ დირექტორი, გია ლორია დაკავებული თანამდებობიდან გადადგა. მან „ბათუმელებთან“ აღნიშნა, რომ განცხადება გათავისუფლების შესახებ უკვე დაწერა. „მძღოლები მართული იყვნენ გარე პოლიტიკური ძალების მიერ, შემეცოდა ხალხი, ისინი ამბობდნენ, რომ ჩემ გამო არ მუშაობდნენ, ამიტომაც მივიღე გადაწყვეტილება წასვლის შესახებ.“- განაცხადა გია ლორიამ. 

 

ამ წუთებში აჭარის პროფკავშირების ხელმძღვანელი გაფიცულ მძღოლებს განცხადებას აცნობს და რამდენიმე წუთში გახდება ცნობილი, როდის აღდგება ქალაქში ავტობუსების მოძრაობა. 

 

„ავტოტრანსპორტის” მძღოლები ხელფასის მომატებისა და დირექტორის გადადგომის მოთხოვნით ცხრა დღის წინ გაიფიცნენ. ქალაქში ავტობუსების მოძრაობის შეწყვეტას მოსახლეობის უკმაყოფილება მოჰყვა. 

ნეტგაზეთის მასალების სხვა გამოცემებში გადაბეჭდვის წესი
"ბათუმელები"