Batumelebi | ანსამბლის პროტესტი ღამისთევით ანსამბლის პროტესტი ღამისთევით – Batumelebi
RU | GE  

ანსამბლის პროტესტი ღამისთევით

 

აჭარის სიმღერისა და ცეკვის სახელმწიფო ანსამბლის დაახლოებით ორმოცი წევრი პროტესტს ღამისთევით აგრძელებს. ისინი მესამე ღამეა აჭარის მთავრობის სახლის წინ, მინდორში, ღია ცის ქვეშ იმყოფებიან. ანსამბლის წევრები დღემდე ყოფილი სამხატვრო ხელმძღვანელის, თემურ ქორიძის დაბრუნებას მოითხოვენ. მათ კიდევ ერთი მოთხოვნა აქვთ – თანამდებობა დატოვოს ანსამბლის დირექტორმა, ოთარ მიქელაძემ.  

 

 

ანსამბლის წევრებს  ხელშეკრულება მარტის ბოლომდე ჰქონდათ გაფორმებული. როგორც ისინი ამბობენ, ანსამბლის ხელმძღვანელობამ ხელშეკრულების ვადის ამოწურვამდე 32 მოცეკვავე გაათავისუფლა. იმის გამო, რომ გაფიცვაში მყოფი თანამშრომლები ხელმძღვანელობამ დაითხოვა, ისინი სასამართლოში სარჩელის შეტანას აპირებენ.

 

სახელმწიფო ანსამბლის გაფიცული წევრები ამბობენ, რომ აქციას არ შეწყვეტენ მანამ, სანამ არ დაკმაყოფილდება მათი მოთხოვნები, ხვალიდან კი აჭარის მთავრობის წინ კარვების დადგმას გეგმავენ. 

 

დღეს საღამოს აქციის წევრებმა მთავრობის სახლის წინ თავიანთი პროტესტი ცეკვით გამოხატეს. 

ნეტგაზეთის მასალების სხვა გამოცემებში გადაბეჭდვის წესი
ნინო ხიმშიაშვილი