ბათუმის საჯარო ბიბლიოთეკამ საჯარო ლექციების ციკლი დაიწყო. როგორც ბიბლიოთეკის დირექტორის მოადგილე ნატო ჭყონია ამბობს, საჯარო ლექციები ბიბლიოთეკის ღონისძიებების სიაში წელს პირველად შეიტანეს და 2014 წელს სამი საჯარო ლექციაა გათვალისწინებული. მას სხვადასხვა დარგის სპეციალისტები წაიკითხავენ.
ამ პროგრამის ფარგლებში პირველი საჯარო ლექცია 19 თებერვალს მთარგმნელმა და პუბლიცისტმა ნანა ახალაძემ წაიკითხა თემაზე: „საფრანგეთ-საქართველოს კულტურული ურთიერთობები XIX-XX საუკუნეებში“.
მომდევნო საჯარო ლექცია მაისში იგეგმება.
