Batumelebi | მძღოლების მოთხოვნებზე ინტერფრაქციული ჯგუფი იმსჯელებს მძღოლების მოთხოვნებზე ინტერფრაქციული ჯგუფი იმსჯელებს – Batumelebi
RU | GE  

მძღოლების მოთხოვნებზე ინტერფრაქციული ჯგუფი იმსჯელებს

 

 

მუნიციპალური ავტობუსის მძღოლები მესამე დღეს შიმშილობენ. ქალაქში ყვითელი ავტობუსების მოძრაობა კვლავ შეჩერებულია.  როგორც მძღოლები აცხადებენ, პროტესტი მანამდე გაგრძელდება, სანამ შპს „ბათუმის ავტოტრანსპორტის“ ხელმძღვანელობა მათ მოთხოვნებს არ დააკმაყოფილებს. მძღოლები ხელფასების გაზრდას მოითხოვენ და ქალაქის ხელმძღვანელობისგან დროულ რეაგირებას ელოდებიან

 

 

 

ავტობუსის მძღოლები ხელფასის გაზრდასთან ერთად, შპს „ბათუმი ავტოტრანსპორტის“ დირექტორის, გია ლორიას გადადგომასაც მოითხოვენ.

 

როგორც საკრებულოს პრესსამსახურში აცხადებენ, დღეს პირველი საათისთვის მერიაში უნდა შეიქმნას ინტერფრაქციული ჯგუფი, რომელიც მძღოლების მოთხოვნებზე იმსჯელებს.

 

 „ჯერ არ არის გადაწყვეტილი ვინ შევა ინტერფრაქციულ ჯგუფში,  საუბარია არასამტავრობო ორგანიზაციების წარმომადგენლებზეც, ჯგუფი განიხილავს  როგორც ხელფასების ასევე გია ლორიას გადაყენების საკითხსაც“-აცხადებენ საკრებულოს პრესსამსახურში.

 

მუნიციპალური ავტობუსების შეჩერებამ პრობლემები შექმნა მზგავრთა გადაადგილებაში. შპს „ბათუმის ავტოტრანსპორტში“ 320 მძღოლია დასაქმებული.

 

გაფიცული მძღოლები

ნეტგაზეთის მასალების სხვა გამოცემებში გადაბეჭდვის წესი
ლელა დუმბაძე