საკრებულო „ბათუმის ავტოტრანსპორტის“ დირექტორის თანამდებობაზე კონკურსს გამოაცხადებს, ეს თანამდებობა ვაკანტური მას შემდეგ გახდა რაც ,,ავტოტრანსპორტის’’ დირექტორმა გია ლორიამ თანამდებობა დატოვა.
ბათუმის საკრებულოს იურისტის სულიკო შვენთიძის ინფორმაციით დირექტორობის კანდიდატის არჩევისას საკრებულო შემდეგი კრიტერიუმებით იხელმძღვანელებს: მსურველი უნდა იყოს 25 წელს გადაცილებული, უმაღლესი განათლებით, კომუნიკაბელური და მსგავს სფეროში მუშაობის გამოცდილების მქონე პირი.
კანდიდატთა შერჩევა მოხდება გასაუბრებით, სადაც მსურველებს შესაძლებლობა ექნებათ გამოთქვან მოსაზრებები ტრანსპორტის განვითარების სტრატეგიაზე.
„ბათუმის ავტოტრანსპორტის“ ხელმძღვანელის ყოველთვიური ანაზღაურება 1600 ლარია.
