ბათუმში ორი დღის განმავლობაში მიმდინარე კამპანია „უთხარი მეგობარს“, რომელიც აივ/ შიდსის ტესტირების მნიშვნელობის შესახებ ინფორმაციის გავრცელებას ისახავდა მიზნად, საინფორმაციო ფლაერებისა და ბუკლეტების დარიგებით დასრულდა.
კამპანიის ფარგლებში არასამთავრობო ორგანიზაციების: ,,რეალური ხალხი, რეალური ხედვა“, „ვორლდ ვიჟენის“და „შიდსით დაავადებულთა დახმარების ფონდის“ წარმომადგენლები მოსახლეობას აცნობდნენ ინფორმაციას აივ/შიდსთან დაკავშირებით და მოუწოდებდნენ საზოგადოებას, გაევრცელებინათ ინფორმაცია თავიანთ მეგობრებში, რათა ინფორმირების დონე აივ/შიდსთან დაკავშირებით საზოგადოებაში გაიზარდოს.
საინფორმაციო კამპანიის ფარგლებში ასევე მიმდინარეობდა სწრაფი ტესტირება აივ/შიდსზე, რომლის ჩატარებაც ნებისმიერ მსურველს უფასოდ შეეძლო. ტესტირება სულ 50-მა ადამიანმა ჩაიტარა.
