ბათუმელები
<!** Image 1 align="left" width="300" height="640" >
ამიერიდან საქართველოში მცხოვრებ სუნიტებს, ორი – აღმოსავლეთის და დასავლეთის მუფთი ეყოლებათ. ახალი შეიხი ჰყავთ საქართველოში მცხოვრებ შიიტებსაც. ეს გადაწყვეტილება „სრულიად საქართველოს მუსლიმთა სამმართველოს“ დამფუძნებელ კრებაზე 9 იანვარს იქნა მიღებული. ამავე კრებაზე აირჩიეს რელიგიური საბჭოები.
<!** Image 1 align="left" width="300" height="512" >
ჩართულობის ცენტრში დღეს გამართულ ბრიფინგზე საქართველოს მთავრობის მიერ ხუთწლიან რეგლამენტის მიღებას გამოეხმაურა. მთავრობის ახალი რეგლამენტი, რომელიც პირველი იანვრიდან ამოქმედდა, შშმ პირებისათვის ყველა შენობის ადაპტირებას ითვალისწინებს.
საზოგადოებრივი მაუწყებლის აჭარის ტელევიზიასა და რადიოში გამოცხადებულ კონკურსის კომისიის წევრები იქნებიან: ემზარ დიასამიძე-აჭარის ტელევიზიის ჟურნალისტი, ომარ ბერიძე აჭარის ტელევიზიის დირექტორის თანამშემწე მონიტორინგის დარგში და თინათინ დვალიშვილი კავკასიის ჟურნალისტთა საერთაშორისო ცენტრის წარმომადგენელი. კომისიის თავმჯდომარე საზოგადოებრივი მაუწყებლის აჭარის ტელევიზიისა და რადიოს დირექტორი სოსო სტურუა იქნება;
რამდენიმე წუთის წინ ახალ ბულვარში, აკვაპარკის მიმდებარე ტერიტორიაზე, ზღვის ტალღამ სამაშველო სამსახურის თანამშრომელთა საგუშაგო კოშკი მიიტაცა.
ბათუმის ილია ჭავჭავაძის სახელობის სახელმწიფო დრამატული თეატრს დღეიდან ოთხი წლის გა<!** Image 1 align="left" width="300" height="960" >ნმავლობაში რეჟისორი ანდრო ენუქიძე უხელმძღვანელებს. ანდრო ენუქიძე სამხატვრო ხელმძღვანელის თანამდებობაზე აჭარის განათლების კულტურისა და სპორტის სამინისტრომ დანიშნა.
ბათუმთან ახლოს, მახინჯაურში ძლიერმა ქარმა სამსართულიან შენობას სახურავი გადახადა. საერთო საცხოვრებელის ტიპის სახლში ბათუმის მერიის ინფორმაციით, 13 ოჯახი ცხოვრობს, უმრავლესობა სოციალურად დაუცველია.
გასულ წელს 34 394 წყვილის ქორწინება დარეგისტრირდა. სახელმწიფო სერვისების განვითარების სააგენტოს სტატისტიკით, 2012 წელს 29 932 წყვილის ქორწინება დარეგისტრირდა, 2011 წელს – 30 861, 2010 წელს – 34 449, 2009 – 31 796, ხოლო 2008 წელს 24 696 წყვილმა იქორწინა.
მაღლმთიანი აჭარაში ელექტროენერგიის გადამცემი ხაზებია დაზიანებული. ამ წუთებში ხულოში, შუახევსა და ქედაში ენერგო-პრო ჯორჯიას თანამშრომლები ელექტროენეერგის აღდგენას ცდილობენ. როგორც კომპანიაში აცხადებენ, ძლიერი ქარისა და თოვლის გამო წაიქცა ხეები, რის გამოც ელექტრო ენერგიის გადამცემი ხაზები დაზიანდა.
<!** Image 1 align="left" width="300" height="960" >
არასამთვრობო ორგანიზაცია „სამოქალაქო აქტივობა და ჩართულობის“ თავმჯდომარემ, დავით ბერიძემ დემოკრატიული ჩართულობის ცენტრში ბრიფინგი გამართა. მან რამდენიმე საკითხზე ისაუბრა.
არასამთავრობო ორგანიზაცია „შეზღუდული შესაძლებლობების მქონე პირთა უფლებებისათვის“ ინიციატივით გამოდის, რომ საქართველოს მასშტაბით შეიქმნას შშმ პირთა რეესტრი, სადაც მოცემული იქნება შშმ ადამიანების რაოდენობის შესახებ ზუსტი ინფორმაცია. ამ ინიციატივის შესახებ ორგანიზაციის თავმჯდომარემ თამაზ მჟავანაძემ დემოკრატიული ჩართულობის ცენტრში გამართულ ბრიფინგზე ისაუბრა.
<!** Image 1 align="left" width="300" height="512" >
გოდერძის უღელტეხილის სათხილამურო ბაზის შესახებ „ნაციონალური მოძრაობის“ ოფისში რაულ თავართქილაძემ განაცხადა, რომ ახლანდელი ხელისუფლება არაფერს აკეთებს მისი ფინქციონირებისთვის.
„წინა ხელისუფლების მიერ გოდერძის უღელტეხილზე აშენდა სამთო სათხილამურო ბაზა, რომელშიც 40 მლნ ლარი დაიხარჯა. ეს სათხილამჯრო ბაზა არის საერთაშორისო სტანდარტების, საბაგიროებითა და სათხილამურო ბილიკებით მოწყობილი. შიდა კომუნიკაციებისათვის წელს დაახლოებით 8 მლნ ლარი იყო გამოყოფილი ხელისუფლების მიერ, მაგრამ არ ათვისებულა. გზები გაუწმენდავია, შუქი არ არის, პრაქტიკულად მიტოვებულია ეს სათხილამურო ბაზა“.
რაულ თავართქილაძესვე თქმით, გოდერძის უღელტეხილზე უნდა აშენებულიყო სასტუმროები, ბარ-რესტორნები, სადაც დასაქმდებოდნენ ადგილობრივი მოსახლეობა. არც ადგილობრივი და არც ცენტრალური ხელისუფლება კი ინტერესს არ იჩენს.
„დღევანდელ ხელისუფლებას ეკისრება პასუხისმგებლობა, რომ გოდერძის უღელტეხილის სათხილამურო ბაზა არის დაკეტილი და ხალხი დარჩა დაუსაქმებელი“, – განაცხადა „ნაციონალური მოძრაობის“ წარმომადგენელმა რაულ თავართქილაძემ.
<!** Image 1 align="left" width="300" height="512" >
ბათუმის ხელოვნების მუზეუმი დაარსებიდან 15 წლის იუბილეს აღნიშნავს. ამ თარიღთან დაკავშირებით დღეს მუზეუმის აფიშების გამოფენა – „ისტორიული მიმოხილვა“ გაიმართა. გამოფენაზე წარმოდგენილი იყო 15 წლის განმავლობაში ჩატარებული ღონისძიებების აფიშები, ასევე მუზეუმის აქსესუარები და სუვენირები.
„ყველა გამოფენისთვის კეთდებოდა სპეციალური აფიშა. თავდაპირველად ხელით იწერებოდა, მერე როცა განვითარდა პილიგრაფიული ბეჭდვა, ჩვენც დავიწყეთ პილიგრაფიული აფიშების ბეჭდვა“, – აღნიშნა მუზეუმის დირექტორმა ნინო ნიჟარაძემ.
ბათუმის ხელოვნების მუზეუმი 1998 წლის 19 დეკემბერს გაიხსნა. სხვადასხვა დროს აქ ჩატარებულა მხატვრების ვალერიან ილიუშინის, კახა ნიჟარაძის, გია ბუღაძის, რუსუდან ფეტვიაშვილის, მერაბ აბრამიშვილის, ბექა ბოლქვაძის, შოთა ზამთარაძის, გოგი ჩაგელიშვილის და სხვა მხატვართა ფერწერულ ნამუშევართა გამოფენები. ასევე გამოიფინა ნიკო ფიროსმანის ნამუშევრები.
2009 წელს, 18 აგვისტოდან 13 სექტემბრამდე მუზეუმი პაბლო პიკასოს შემოქმედებასაც მასპინძლობდა.
მოყინულ გზას მივუყვები, მაგრამ არ მეშინია. მარტო არ ვარ. ჩემთან ერთად რამაზია. რამაზი რვა წლისაა. ხალისიანია, ჭკვიანი. უყვარს, როცა საახალწლო მაშხალებს ნაადრევად უშვებს, უყვარს როცა ყინულზე სრიალებს, უყვარს როცა სხვებისგან განსხვავდება… ხალისით მიყვება თავის ცხოვრებაზე, სკოლაზე, მეგობრებზე, ოჯახზე, ოცნებებზე. მიყვება მკაცრ ზამთარზე, თან სოფელს მათვალიერებინებს.
ავტომანქანების შეკეთებაზე, რომლებიც უმაღლესი საბჭოს თავმჯდომარეს, ავთანდილ ბერიძეს ემსახურება, 2013 წლის განმავლობაში 13 121 ლარი დაიხარჯა. ამის შესახებ „ბათუმელებს“ უმაღლესი საბჭოდან აცნობეს.
<!** Image 1 align="left" width="300" height="512" >
ბათუმის შოთა რუსთაველის სახელობის უნივერსიტეტში მენეჯმენტის პირველი კურსის სტუდენტებმა საქველმოქმედო კონცერტი გამართეს.
კონცერტი მე-6 სკოლის შეზღუდული შესაძლებლობების მქონე 40-მდე მოსწავლეს მიეძღვნა. კონცერტის ბილეთებიდან შემოსული თანხით სტუდენები ბავშვებისთვის საახალწლო საჩუქრების მომზადებას გეგმავენ.
„გვინდოდა გაგვეკეთებინა პროექტი, რომლითაც დავეხმარებოდით შეზღუდული შესაძლებლობების მქონე პირებს. ერთი თვეა ვმუშაობთ. თავდაპირველად მოვიძიეთ კონცერტში მონაწილეთა მსურველები. განაცხადი შევიტანეთ ბანკებში და ველოდებით ფინანსურ დახმარებას. გარკვეული თანხა რომ შეგროვდება შემდეგ გადავწყვეტთ თუ რა ფორმით დავეხმაროთ ამ ბავშვებს”, – თქვა საქველმოქმედო კონცერტის ერთ-ერთმა ორგანიზატორმა გიორგი მეგრელაძემ.
საქველმოქმედო კონცერტში სხვადასხვა ანსამბლი და ასევე მოსწავლე ახალგაზრდობის სასახლე მონაწილეობდა.
კონცერტი „ვითიბი“ ბანკისა და „საქართველოს ბანკის“ ფინანსური მხარდაჭერით ჩატარდა.
<!** Image 1 align="left" width="300" height="512" >
აჭარის ჯანმრთელობისა და სოციალური დაცვის სამინისტრომ თერთმეტი ექიმი, სამედიცინო დაწესებულებების ხელმძღვანელი და სამინისტროს შვიდი თანამშრომელი დააჯილდოვა. მინისტრმა ნუგზარ სურმანიძემ მათ მადლობის სიგელი 2013 წელს ჯანდაცვის სფეროში შეტანილი წვლილისათავის გადასცა.
„ჩემი თაობის ექიმებისთვის მე ვფიქრობ, ყველა ექიმი არის ჯილდოს ღირსი, ეს ის პერიოდია, როცა შუქი არ იყო და მთელი ღამე აპარატის ნაცვლად, ხელით ვასუნთქებდით პაციენტებს. ეს ჩემთვის ნიშნავს მოტივაციას, რომ უფრო ღირსეულად ვიმუშაო“, – აღნიშნა რეფერალური საავადმყოფოს ანესთეზიოლოგ–რეანიმატოლოგმა გოჩა აბაშიძემ.
სამედიცინო დაწესებულებებიდან აღნიშნული სიგელები გადაეცათ
1. ნატალია ქობალავას – პედიატრი
2. გული ლორთქიფანიძეს – #1 პოლიკლინიკის ექთანი
3. ირაკლი სურმანიძეს – ხულოს სამედიცინო ცენტრის ექიმი ქირურგი
4. ანზორ ბროლაძეს – ქედის მუნიციპალიტეტში სოფელ მერისის ექიმი
5. სოსო სიხარულიძეს – ექიმი ფტიზიატრი ინფექციურ საავადმყოფოში
6. გოჩა აბაშიძეს – ექიმი რეანიმატოლოგი
7. თამარ ბახტაძეს – ბათუმის დედათა და ბავშვთა ჯანმრთელობის დაცვის რესპუბლიკურის ცენტრის მთავარი ექიმი.
8. გიორგი გიორგაძეს – რეფერალური საავადმყოფოს დირექტორი
9. მინდია კახიძეს – ბათუმის სასწრაფო სამედიცინო დახმარების ცენტრის დირექტორი
10. გურამ დუმბაძეს – ექიმი სტომატოლოგი
11. მიხეილ ნაკაშიძეს – ვეტერან ექიმს, რომელსაც ამავე დროს 85 წლის იუბილარი იყო.
სამინისტოს თანამშრომლებს
1.ნაზი მგელაძეს
2. ლია ჩხარტიშვილს
3. თემურ ფუტკარაძეს
4. ივერი ბოლქვაძეს
5. ანზორ ბალაძეს
6. დარეჯან ჯღამაძეს
7. მამია ხარაზს
„უკვე ცხრა წელია ვმუშაობ ჯანდაცვის სამინისტროში. მოულოდნელი იყო. არ ვიცოდი ამის შესახებ. ყველაზე მეტად გამიხარდა ის, რომ მე ვაკეთებ ჩემთვის საყვარელ საქმეს და სამინისტრომ დაინახა ჩემი შემოქმედებითი საქმიანობა ამ სამსახურში. ძალიან ბედნიერი ვარ და დიდი მადლობა მინდა ვუთხრა თითოეულ იმ ადამიანს, რომელსაც წვლილი მიუძღვის ჩვენ დაჯილდოებაში“– აღნიშნა სამინისტოს იურიდიული დეპარტამენტის უფროსმა ნაზი მგელაძემ.
23 დეკემბერს მედიცინის მუშაკთა დღე აღინიშნება, სიგელების გადაცემის ცერემონიაც ჯანდაცვის სამინისტროში ამ დღესთან მიმართებაში გაიმართა. სიგელებით დაჯილდოებას აჭარის მთავრობის თავმჯდომარე არჩილ ხაბაძე და უმაღლესი საბჭოს თავმჯდომარე ავთანდილ ბერიძეც ესწრებოდნენ.
აჭარაში მედიცინის მუშაკთა დღე 1996 წლიდან აღინიშნება.
სმენადაქვეითებული და არა ყრუ-მუნჯი, უსინათლო და არა ბრმა, შშმპ, ანუ შეზღუდული შესაძლებლობების მქონე პირი და არა უნარშეზღუდული, ხეიბარი ან ინვალიდი. არასამთავრობო ორგანიზაცია „ცვლილებები თანაბარი უფლებებისთვის“ საზოგადოებაში შშმ პირების მიმართ სწორი ტერმინოლოგიის დასამკვიდრებლად კამპანიას იწყებს.
მას შემდეგ, რაც მათთან მოსალაპარაკებლად ბიძინა ივანიშვილი მივიდა და პრობლემის მოგვარების პირობა მისცა, აჭარის მთავრობის სახლის წინ გამართული კარვები დაშალეს, შიმშილობა შეწყვიტეს და სახლებში დაბრუნდნენ. როგორ ცხოვრობენ დღეს წალკაში დაბრუნებული ეკომიგრატები და შეასრულა თუ არა მთავრობამ დაპირება? – ამის გარკვევას „ბათუმელები“ გასულ კვირას ცდილობდა.
ორგანიზაციამ „შეზღუდული შესაძლებლობების მქონე პირთა უფლებებისათვის” დემოკრატიული ჩართულობის ცენტრში ბრიფინგი გამართა, სადაც საინიციატივო ჯგუფის ”სამართლიან ინიციატივასთან” ერთად ჩატარებულ კვლევაზე ისაუბრეს. მათი თქმით შშმ პირებისთვის ადაპტირებული საქალაქო ავტობუსები მოუხერხებელია და რთულია ეტლით ასვლა. ასევე ზოგი ავტობუსის კარი დაზიანებულია, რაც ხელს უშლის პანდუსის გამოყენებას.
<!** Image 1 align="left" width="300" height="300" >
აჭარის ტელევიზიის სამეთვალყურეო საბჭოს სრული შემადგენლობის უმრავლესობამ დღეს, 20 დეკემბერს, სოსო სტურუა დირექტორად დაამტკიცა. ხმები ასე გადანაწილდა – ერთი ხმა თინათინ ცისკარაძემ, ხოლო ორი ხმა სოსო სტურუამ მიიღო. სოსო სტურუა ტელევიზიის მოქმედი დირექტორი იყო. საბჭოს წევრებმა უპირატესობა ფარულ კენჭისყრას მიანიჭეს.
ამ ეტაპზე ტელევიზიის ხუწევრიან სამეთვალყურეო საბჭოში მხოლოდ სამი წევრი – ნატა იმედაიშვილი, ზაზა ხალვაში და გიორგი ირემაძე მუშაობენ. უმაღლესი საბჭოს მიერ ორ წევრის – ვახტანგ ღლონტსა და ოლღა ჟღენტს დამტკიცება, ბათუმის საქალაქო სასამართლომ 19 ოქტომბერს უკანონოდ სცნო. სასამართლომ ბათილად ცნო აჭარის უმაღლესი საბჭოს ის გადაწყვეტილება, რომლის მიხედვითაც აჭარის ტელევიზიისა და რადიოს მრჩეველთა საბჭო მხოლოდ “ქართული ოცნების” მიერ წარდგენილი კანდიდატებით დაკომპლექტდა.
ბათუმის საქალაქო სასამართლოს მოსამართლე ჯუმბერ ბეჟანიძემ უმაღლეს საბჭოს დაავალდებულა გამოსცეს ბრძანება და ტელევიზიის ბორდში „ნაციონალური მოძრაობის“ წარდგენილი კანდიდატის, ბეჟან გობაძის დამტკიცებაზე. დღეს, 20 დეკემბერს სასამართლოს „ნაციონალური მოძრაობის“ კიდევ ერთი კანდიდატის, ირაკლი დარცმელიძის საჩივარიც უნდა განეხილა. თუმცა, უმაღლესი საბაჭოს წარმომადგენლის გამოუცხადებულობის გამო სასამართლო პროცესი გადაიდო.
უმაღლესი საბჭოს იურისტის, გელა ღოღობერიძის თქმით, ბათუმის საქალაქო სასამართლოს გადაწყვეტილებას ისინი აუცილებლად გაასაჩივრებენ სასამართლოს შემდგომ ინსტანციაში.
აჭარის ტელევიზიის დირექტორობის კონკურსში მონაწილეობდნენ სოსო სტურუა (მოქმედი დირექტორი), მირანდა ჩარკვიანი (სახალხო დამცველის ოფისის ყოფილი თანამშრომელი), ირაკლი თავართქილაძე (საქართველოს ყოფილი ელჩი საბერძნეთში), სულხან მელაძე (კონსტიტუციონალიზმის ცენტრის ყოფილი პრესსპიკერი), თამილა დოლიძე და თინათინ ცისკარაძე (ჟურნალისტები).
რატომ გაძლიერდა რეპეტიტორების ინსტიტუტი და უკავშირდება თუ არა ეს ხარვეზებს ეროვნულ სასწავლო გეგმაში?- სკოლის პედაგოგები აცხადებენ, რომ ეროვნული სასწავლო გეგმა და სახელმძღვანელოები ერთმანეთთან შეუსაბამობაშია, სამინისტრო კი ეროვნული სასწავლო გეგმის ხარვეზებს აღიარებს და მის ცვლილებას გეგმავს.
მახსოვს, ერთხელ მასწავლებელმა გაკვეთილების შემდეგ, სულ რაღაც 15 წუთით დატოვა ერთი ჩემი კლასელი თემური მარტო, რადგან არასდროს სწავლობდა არაფერს. ამ დროს მე და რამდენიმე მისი მეგობარი არ წავსულვართ, ვიცოდით რამდენიმე წუთს გაგრძელდებოდა და ველოდებოდით, როდის გამოუშვებდა. არ დამავიწყდება მისი შეშინებული, უიმედო და ჩამქრალი თვალები, როცა მასწავლებელმა კარი გაუხსნა და გამოუშვა.
ზუსტად ასეთი თვალები ვნახე ამ კვირაში, ოღონდ ბევრი, მთელი ქალაქის.
ტარიელ ბერიძე უკვე ექვსი წელია ღამის თავშესაფარში ათევს ღამეს. იცის, რომ აქ ყოველთვის დახვდება ცხელი კერძი, პური, სითბო და საწოლი. საერთო ოთახში, სადაც თავშესაფარში მცხოვრებნი საღამოობით იკრიბებიან, ტელევიზორსაც შეუძლია უყუროს და ნაცნობ-მეგობრებს ესაუბროს. აქ ის ადამიანები ათევენ ღამეს, რომლებიც სხვადასხვა მიზეზების გამო ქუჩაში დარჩნენ. მათ სახლ-კარი არ გააჩნიათ. სიღატაკის ზღვარს მიღმა მყოფი ადამიანებისათვის ღამის თავშესაფარი ბათუმში უკვე ათი წელია არსებობს საქველმოქმედო ფონდის „საქართველოს კარიტასის“ დაფინანსებით.
<!** Image 1 align="left" width="300" height="5136" >
„ყველას თავისი ცხოვრება უნდა ჰქონდეს, თავისი სამყარო, სწორი და კარგი ეს იქნებოდა. მხოლოდ ასე შეიძლება სხვისი ცხოვრების გაგება და დადგება დრო, როცა გაგება გახდება მთავარი და არა პრაქტიკული ზრუნვა და დახმარება… იცი რა? ადამიანი ხომ იშვიათად მოქმედებს უანგაროდ. ხშირად ზრუნვასა და სიყვარულში ისეთი ძალადობაა გახვეული, ვერც წარმოიდგენ… და ეს ძალადობა ყველაფერზე საშინელია. ვინც გარჩენს და გემსახურება, თავისუფლებას გართმევს ხშირად, სურს, რომ წაგართვას. შეუგნებლად ებრძვის შენს პიროვნებას და იცი, ერთხელაც, მწარედ, მწარედ გაგიკვირდება, რომ ის, ვინც გზრდიდა, გაჭმევდა, გბანდა, გივლიდა, გაცმევდა, ვერასოდეს ხვდება, რა დარდი გჭამს, რა სატკივარი“, – ეს ვაჟიშვილის აზრებია ნაირა გელაშვილის წიგნიდან `დედის ოთახი“.
პირადად მე ძალიან მიყვარს ეს წიგნი. მიზეზი, რატომაც ჩამიძვრა ის სულში და ზღვის იდუმალ ფსკერზე მაგრძნობინა თავი, დამაფიქრა საკუთარ სივრცეზე, არის აზრი, რომელიც გამიჩნდა ამ წიგნის წაკითხვის შემდეგ. პირადი სივრცის შექმნას ასე თუ ისე ყველა ადამიანი ახერხებს, თუმცა, ცხოვრებისეული ვნებათაღელვების გამო უამრავ ცვლილებას განვიცდით და ადამიანმა შეიძლება მისი შენარჩუნება ძნელად შეძლოს.
მე ცალკეული ადამიანების კი არა, მშობლების „თავისუფლების კუნძულზე“ მინდა საუბარი. „დედას ვუყვარვართ შვილები, დედა არ გვახსოვს შვილებსა“ – გვანამუსებს ვაჟა. ჩვენ, შვილებს, მარტივად გამოგვდის საკუთარი სივრცის გამოყოფა, ჩვენს ცხოვრებასა და მშობლების ცხოვრებას შორის გამყოფი ხაზის გავლება. დავფიქრებულვართ ოდესმე, რომ მშობელსაც შეიძლება ჰქონდეს პირადი სივრცე? სივრცე, სადაც შეძლებს საკუთარ თავთან, აზრებთან, მისწრაფებებთან, უბრალოდ თავის ცხოვრებასთან პირისპირ დარჩენას. დარჩენას მარტო, ჩვენ გარეშე…
საქართველოში მიჩვეულები ვართ, რომ ოჯახის წევრების პირადი ცხოვრება ხშირად ერთმანეთშია გადახლართული; შვილებს ბუნებრივად მიაჩნიათ მშობლების ზრუნვა, ვალდებულადაც თვლიან მშობლებს, რომ ისინი დაეხმარონ სხვადასხვა პრობლემის მოგვარებაში.
არასოდეს გაგჩენიათ გრძნობა თითქოს ზღვაში იძირები, უამრავ გრძელ და გადახლართულ წყალმცენარეს ედები, როცა მშობლების, – დედის ან მამის ნივთებს, ოთახს ხედავ? იდუმალს, ჩვენთვის ამოუხსნელს და უცხოს. ამ პატარა დეტალებში თითქოს თავისუფლების კუნძულია დაუცველად განფენილი, რომელსაც მშობლებს ვართმევთ ხოლმე შვილები ჩვენი თავკერძობით, ეგოიზმით. და ისინი კი დაუნანებლად გვითმობენ… პატარა კუნძული, სადაც მშობლები ჩვენ გარეშე რჩებიან სხვაგვარ სიმშვიდეში… ამაზე როცა დავფიქრდი, თავი დამნაშავედ ვიგრძენი და მაშინ შემებრალა ჩემი მშობელი… დავფიქრდი იმაზე, რომ შვილებმა უნდა მივცეთ მშობლებს გარკვეული დოზით თავისუფლების უფლება, რათა სამაგიეროდ მივიღოთ იმავე დოზის თავისუფლების ისეთივე (ან ცოტა მეტი) ულუფა. მათი ცხოვრება ხომ ბოლომდე ჩვენსაშია ისე ჩაქსოვილი, რომ გამოცალკევება შეუძლებელი თუ არა, ძალზე ძნელია.
განსაზღვრავს თუ არა ოჯახის ტიპი (ლიბერალური, ინდიფერენტული, ავტორიტეტული და ავტორიტარული) „თავისუფლების კუნძულის“ ქონა-არქონას? ამასთან ერთად გამიჩნდა კითხვა: ნიშნავს თუ არა ლიბერალური ან ინდიფერენტული ოჯახი „თავისუფლების კუნძულის“ ქონას? ეს ორი ტიპი გამოვყავი იმ მიზნით, რომ ავტორიტეტული და ავტორიტარული ოჯახის ტიპები არ გულისხმობს არჩევანის თავისუფლებას, ზემოთ ჩამოთვლილი ორი კი „მსუბუქ ფორმას“ წარმოადგენს.
პირადად მე, მგონია, რომ არც ერთი მათგანი, მიუხედავად მათი სიმარტივისა, თავისთავად არ გულისხმობს „თავისუფლების კუნძულის“ არსებობა-არარსებობას. ლიბერალური ოჯახის თვალსაზრისით მშობლები ნაკლებად აკონტროლებენ შვილებს, აძლევენ მათ სრულ თავისუფლებას, თუმცა აქტიურად ადევნებენ თვალ-ყურს მათ ცხოვრებას და ნებისმიერ დროს მზად არიან დახმარება გაუწიონ. რაც შეეხება ინდიფერენტულ ოჯახს, ის მითუმეტეს არ გულისხმობს ამ კუნძულის არსებობას. მშობლები ბოლომდე არიან ჩართულები საკუთარ პრობლემებში და შვილების მიმართ გულგრილი დამოკიდებულება აქვთ. ეს არ გულისხმობს პირადი სივრცის არსებობას.
კუნძული მხოლოდ მაშინ არსებობს, როცა არსებობს ადგილი შვილებისთვის და პატარა თავშესაფარი, საკუჭნაო გამოყოფილია მშობლის საკუთარი „მე“-სთვის, სადაც მას შეუძლია მარტოობაც, განტვირთვაც. რა თქმა უნდა, ეს არ გულისხმობს შვილებზე უარის თქმას, პირიქით, ამ კუნძულის წყალობით მშობლებისა და შვილების ურთიერთობა უფრო სისხლსავსე და მრავალფეროვანი უნდა გახდეს.
კიდევ ერთი კითხვა არ მასვენებს: იქნებ კონკრეტულ ინდივიდზეა დამოკიდებული ჰქონდეს თუ არა პირადი სივრცე და საკუთარი კუნძული? იქნებ ამ კითხვაზე პასუხის სირთულე მშობლისა და შვილის უპირობო სიყვარულში უნდა ვეძებოთ: შვილის გაჩენის დღიდან მშობელი ჩართულია მის მოვლა-პატრონობაში, მისთვის სასიცოცხლო მოთხოვნილებების დაკმაყოფილებაში ცხოვრების ორგანიზებაში. შვილები იზრდებიან, მშობლები ასაკში შედიან, ეს კავშირი კი უწყვეტია. ალბათ, ამ პირობებში რთულია თავისუფლების კუნძულის „კვება“, რათა ის საბოლოოდ არ გაქრეს ნისლივით. როგორ შეიძლება შეინარჩუნო საკუთარი, პირადი სამყარო, კუნძული, როცა შვილის ცხოვრებაში მუდამ ახალი ეპოქების მონაცვლეობა იწყება.
აშშ საერთაშორისო განვითარების სააგენტოს სასოფლო-სამეურნეო წარმოების ეფექტიანობის აღდგენის პროექტს (შემდგომში REAP) საქართველოში ახორციელებს კომპანია CNFA, ქვეკონტრაქტორების – კომპანია CARANA და კომპანია WFLO (მსოფლიოს სურსათის ლოჯისტიკური ორგანიზაცია) დახმარებით. REAP სოფლად შემოსავლებისა და დასაქმების ზრდას ისახავს მიზნად აგრობიზნესში ინვესტიციების მოზიდვის და ტექნიკური დახმარების უზრუნველყოფის გზით. ტექნიკური დახმარებით ისარგებლებენ ის საწარმოები, რომლებიც ამარაგებენ მცირე და საშუალო …
შუახევის მუნიციპალიტეტის რიგ სოფლებში თოვლის საფარმა ერთ მეტრს მიაღწია. შუახევში ისევ გადაუღებლად თოვს.
<!** Image 1 align="left" width="300" height="960" >
გაუარესებულმა ამინდმა შუახევში ელექტოენერგიის პარალიზება გამოიწვია – ამჯამად შუახევის მოსახლეობა ელექტროენერგის გარეშეა დარჩა. შეფერხებულია ავტომობილების მოძრაობაც.
<!** Image 1 align="left" width="300" height="960" >
უამინდობაა აჭარაში. მაღალმთიან ხულოშიც თოვს. ხულოს მუნიციპალიტეტის გამგებელი ინფორმაციით, თოვლს საავტომობილო გზაზე სერიოზუი შეფერხებები არ შეუქმნია.
გასული კვირის ბოლოს ბათუმის მერიასთან ბათუმის ცხოველთა უფლებადამცველებმა აქცია გამართეს. მათ ცხოველებისადმი სასტიკი მოპყრობა გააპროტესტეს. აქციის მონაწილე, „გრინფისის“ მხარდამჭერთა ჯგუფის თავმჯდომარე ლაშა ჩხარტიშვილის თქმით ბათუმში მაღალია ცხოველთა მოკვდინების სასტიტი მოპყრობის რიცხვი.
3 დეკემბერი შეზღუდული შესაძლებლობების მქონე პირთა მსოფლიო დღეა. ამ თარიღთან დაკავშირებით „დემოკრატიული ჩართულობის ცენტრში“ მე-6 სკოლის ინკლუზიური სწავლების ბავშვების მშობლებმა პრესკონფერენცია გამართეს და განაცხადეს, რომ მათი შვილები ორი თვეა ვერ დადიან სკოლაში.
<!** Image 1 align="left" alt="სულხან სალაძე " sub="სულხან სალაძე " width="300" height="412" >
ბოლო დღეებია მედია პრეზიდენტის ინაუგურაციისა და ინაუგურაციის თანმდევი მოვლენებით წაილეკა. მოკრძალებული და არაპომპეზური ინაუგურაციის პარალელურად, ხან პარლამენტში ატეხილი უწესო საქციელისა და ხანაც გუბერნატორების მიერ თანამდებობიდან არაფრსიმთქმელი გადადგომის შესახებ ვიგებდით ამბებს.
„ცოტა ხნის წინ ჯანდაცვის სამინისტროში ვიყავი, მინისტრს შევხვდი. მეგონა დამოუკიდებლად შევძლებდი მის კაბინეტამდე მისვლას. შშმ პირისთვის საჭირო შესასვლელი ბათუმში ბევრ ორგანიზაციას არა აქვს, მაგრამ არ მეგონა, თუ ჯანდაცვის მინისტრის კაბინეტამდე მისასვლელად დახმარება დამჭირდებოდა, ბევრია შესაცვლელი, ამაზე მინისტრსაც ვუთხარი.“ – მიამბობს თომა კაკაბაძე. ის ერთ-ერთია იმ ადამიანებს შორის, რომლებმაც რეალობის შეცვლა საკუთარი ძალისხმევით გადაწყვიტეს. ამ მიზნით თომამ ცოტა ხნის წინ მეგობრებთან ერთად არასამათავრობო ორგანიზაცია დააფუძნა.
დემოკრატიული ჩართულობის ცენტრში „დახმარების ეროვნული ფონდმა“ ხანდაზმულთა საზოგადოებაში ჩართულობისა და მათი შესაძლებლობების გამოვლენის ხელშემწყობი პროგრამის პრეზენტაცია გამართა. პროგრამა – „ადვოკატირების განვითარება ხანდაზმულთათვის სერვისებზე ხელმისაწვდომლობის უზრუნველსაყოფად“, 4-თვიანია.
სამი ადამიანი დაზარალდა 25 ოქტომბერს ბათუმის შოთა რუსთაველის უნივერსიტეტთან მომხდარი ჩხუბის დროს. დაზარალებულები იეჰოვას მოწმეები არიან, რომლებიც უნივერსიტეტთან რელიგიურ ლიტერატურას არიგებდნენ, ისინი სტუდენტებმა სცემეს. საქმეს სამართალდამცავები იკვლევენ. რელიგიური აღმსარებლობისათვის უკანონოდ ხელის შეშლაში ეჭვმიტანილები სტუდენტები არიან. მომხდარ ფაქტზე დისკუსია „პრესკაფეში“ გაიმართა.
<!** Image 1 align="left" alt="ჯაბა ანანიძე" sub="ჯაბა ანანიძე" width="400" height="540" >„ეს არის არჩევნები, სადაც არჩევანი არ არსებობს“ – გვითხრა ლევან ლორთქიფანიძემ გადაცემაში, სტუდენტმა, რომელიც ფიქრობს, რომ მნიშვნელოვანია პოლიტიკოსების წარსული. და რადგან მნიშვნელოვანია, ყალბია კანდიდატების ძირითადი შემადგენლობის დაპირებები – თუ წლების განმავლობაში ვერ შეძელი, ახლა ვითომ რატომ უნდა შეძლო? გადაცემაში იმ პოლიტიკოსების „ბეგრაუნდზე“ ვისაუბრეთ, პრეზიდენტობას რომ აპირებენ.
ბათუმში 47-სართულიანი „ბაბილონ თაუერის“ მშენებლობა, რომელსაც თურქული კომპანია „TAM GEO LLC“-ი აშენებს, 2015 წლის ბოლოს უნდა დასრულდეს. მომავალ წელს კი კომპანიამ ამავე პროექტით გათვალისწინებული სავაჭრო ცენტრისა და სასტუმროს მშენებლობა უნდა დაასრულოს. მიმდინარეობს თუ არა პროექტი აჭარის მთავრობასთან დადებული შეთანხმების შესაბამისად და რა რაოდენობის ინვესტიცია განახორციელა უკვე ინვესტორმა ბათუმში? `ბათუმელების~ კითხვებს კომპანიის ერთ-ერთმა მენეჯერმა დანიელ დონითსინიმ უპასუხა.
