Batumelebi | ხანდაზმულებმა საკუთარი ნამუშევრების გამოფენა-გაყიდვა მოაწყეს ხანდაზმულებმა საკუთარი ნამუშევრების გამოფენა-გაყიდვა მოაწყეს – Batumelebi
RU | GE  

ხანდაზმულებმა საკუთარი ნამუშევრების გამოფენა-გაყიდვა მოაწყეს

 

„6 მაისის პარკში“, დედის დღესთან დაკავშირებით, ხანდაზმულთა ნამუშევრების ერთდღიანი გამოფენა-გაყიდვა მიმდინარეობს. გამოფენაზე წარმოდგენილია 60 წელს გადაცილებულ მოხუცთა ხელნაკეთი მასალები, მათ შორის წინდები, ქუდები, ჟილეტები, სათამაშოები და სამკაულები. მათი ფასი 1 ლარიდან 15 ლარამდეა. ღონისძიება საქველმოქმედო ხასიათისაა და საქართველოს „წითელი ჯვრის“ ბათუმის ხანდაზმულთა სოციალური ცენტრის ორგანიზებით გაიმართა.

 

 

„ჩვენთან ჩამოყალიბებულია სხვადასხვა ჯგუფი: კერვის, რეცხვის, ბინაზე მოვლის და უფლებათა დაცვის  ჯგუფები. დღეს წარმოდგენილია ქსოვისა და კერვის ჯგუფის 12 ბენეფიციარის ნამუშევრები. შემოსული თანხით, მათ სტიმული უჩნდებათ, რომ მოემზადონ სხვა გამოფენა-გაყიდვისთვის. ყოველთვის ცდილობენ, ნამუშევარი იყოს მრავალფეროვანი“- აღნიშნა წითელი ჯვრის სოციალური ცენტრის მენეჯერმა ინდირა ებრალიძემ. 

 

 

ინდირა ებრალიძის თქმით, მსგავსი კულტურული ღონისძიები კარგია იმით, რომ ხანდაზმულებს  უჩნდებათ დამატებითი შემოსავალი და ჩართული არიან საზოგადოებაში.

 

 

გამოფენაზე ხანდაზმულთა მიერ შექმნილი ათი ნამუშევარი გაიყიდა.

 

 

 

გამოფენა-გაყიდვა დღეს, 18:00 საათამდე გაგრძელდება.

 

ხანდაზმულთა ნამუშევრების გამოფენა-გაყიდვა

ნეტგაზეთის მასალების სხვა გამოცემებში გადაბეჭდვის წესი
ნინო ხიმშიაშვილი