ბათუმელები
გარემოს დაცვისა და ბუნებრივი რესურსების სამმართველოს ბიომრავალფეროვნების დაცვის სამსახურის რეკომენდაციით, ეკონომიკური ღირებულების მქონე სახეობების – ძმერხლისა და ხარიშუბლას მოპოვება დროებით უნდა შეიზღუდოს. ამ მცენარეებს ძირითადად აჭარის მთებში აგროვებენ ზაფხულობით.
პარტნიორი ორგანიზაციები შეზღუდული შესაძლებლობების მქონე პირთა მშობლების დასახმარებლად ინიციატივით გამოვიდნენ. მათთვის საპენსიო ასაკის შემცირებას ითხოვენ.
<!** Image 1 align="left" width="300" height="512" >
ბათუმის უნივერსიტეტში სამართლის შესწავლის მსურველ სტუდენტებს სამაგისტრო პროგრამაზე მხოლოდ ორი არჩევანი აქვთ: სისხლის სამართალსა და საჯარო სამართალს შორის. უნივერსიტეტში აკრედიტაცია გავლილი არ აქვს სამოქალაქო სამართლის სამაგისტრო პროგრამას, მიზეზად ადამიანური რესურსის ნაკლებობას ასახელებენ. სტუდენტებმა, რომელთაც სურთ მაგისტრის ხარისხის მოპოვება სამოქალაქო სამართალში, თბილისის უნივერსიტეტებში უნდა გააგრძელონ სწავლა.
„რეალური ცვლილებები ყველა მიმართულებით“, – ეს „თავისუფალი საქართველოს“ ბათუმის მაჟორიტარობის კანდიდატის ზურაბ თავბერიძის საარჩევნო გზავნილია. ის ბათუმის მესამე საარჩევნო ოლქში იყრის კენჭს. ზურაბ თავბერიძე ბოლო წლებში ახალგაზრდა იურისტთა ასოციაციაში მუშაობდა, არასამთავრობო სექტორიდან წამოსვლის შემდეგ კი, სამ თვეში კახა კუკავას პარტიის წევრი და ბათუმის ორგანიზაციის ხელმძღვანელი გახდა.
26 მაისს, რუსთაველისა და ზვიად გამსახურდიას ქუჩების კვეთაში არსებულ სკვერში, ბათუმისთვის დაღუპული გმირების საფლავები და მემორიალი ყვავილებით შეამკეს
პრაღა. 1968 წელი. დუბჩეკის რეფორმებით განაწყენებულ საბჭოთა კავშირს ჩეხოსლოვაკიაში ჯარები შეჰყავს. გაზაფხულია, პრაღის გაზაფხული.
დღეს, 22 მაისს, ბათუმის შოთა რუსთაველის სახელმწიფო უნივერსიტეტში, გაიმართა შეხვედრა სტუდენტებთან, შეზღუდული შესაძლებლობის მქონე პირებთან დაკავშირებული საკითხების ირგვლივ.
21-27 ივნისს Street art“-ის ფესტივალი გაიმართება, რომლის ფარგლებშიც ქართველი და უცხოელი მხატვრები ბათუმში ათ კედელს მოხატავენ. სწორედ ამ დროსთვის იგეგმება „მირიქალ პარკის“ მიმდებარე ტერიტორიაზე მდებარე გალერეის – „41/41“-ის გახსნა.
<!** Image 1 align="left" width="500" height="512" >
<!** Image 1 align="left" width="300" height="1683" >ღორჯომის ცენტრში არსებულ კულტურის სახლში შეიკრიბნენ გასულ კვირას ღორჯომელები და ადგილობრივი თვითმმართველობის არჩევნების შესახებ იმსჯელეს. შეკრებას არც ერთი ქალი არ ესწრებოდა.
მისი მოსწავლეები ამბობენ, რომ „ნინო მასწავლებელი განსაკუთრებულია და განსაკუთრებულად უყვართ“. თვითონ ამბობს, რომ მოსწავლეების სიყვარული მათი გაგებით და პატივისცემით დაიმსახურა. „ბათუმელები“ ნინო რუსეიშვილზე მოგითხრობთ – ფიზიკის მასწავლებელზე, რომელიც 40 წელია ბათუმის პირველ საჯარო სკოლაში ასწავლის.
ყოფილი ფოსტის შენობასთან მცხოვრები გეგენავების ოჯახი აჭარის კულტურული მემკვიდრეობის დაცვის სააგენტოს უჩივის და იმ აქტების ბათილად ცნობას ითხოვს, რის თანახმადაც შპს „აქტივ ბათუმმა“ ყოფილი ფოსტის შენობის რესტავრაცია და 15-სართულიანი სასტუმროს მშენებლობა წამოიწყო. ოჯახის ადვოკატი ამტკიცებს, რომ ამ მშენებლობით დაირღვა მესაკუთრის უფლება, კომპანია „აქტივ ბათუმმა“ კი პროექტის პირობები დაარღვია. მშენებელი საქმეში მესამე მხარედ არის ჩართული.
<!** Image 1 align="left" width="300" height="768" >
ამ წუთებში ხელვაჩაურში, 53 ბატალიონის ტერიტორიაზე ჩასახლებული ოჯახები საპროტესტო აქციას მართავენ, ისინი ბათუმი-ხულოს მიმართულებით გზის გადაკეტვასაც აპირებენ
ქართული ზღაპრების ზარმაცი, მაგრამ მოხერხებული პერსონაჟები, რომლებიც წარმატებას მხოლოდ ტყუილებისა და გამართლების წყალობით აღწევენ, ლამაზი, მაგრამ უსუსური პრინცესები, რომლებიც თავის გადასარჩენად არაფერს აკეთებენ; ზღაპრები, სადაც მოხუცი ქალები ბავშვებს ჭამენ და ყველა დედინაცვალი ბოროტია; ამბები, სადაც ადამიანებს ერთი ნახვით უყვარდებათ და დაუყოვნებლივ ქორწინდებიან – რა ღირებულებებსა და სტერეოტიპებს უყალიბებს კლასიკური ზღაპრები ბავშვებს და რა უნდა გაითვალისწინონ უფროსებმა ზღაპრის შერჩევისას? ამ თემაზე „ბათუმელები“განათლების სპეციალისტს, ბლოგერ თამუნა გაბისონიას ესაუბრა.
მოსწავლეებს კითხვისა და მათემატიკის უნარების გაუმჯობესებაში ეხმარებიან. „საქართველოს დაწყებითი განათლების პროექტი“ – ასე ჰქვია პროგრამას, რომელიც საქართველოში მესამე წელია ხორციელდება. პროექტში მონაწილე სკოლები საქართველოს ყველა რეგიონიდანაა შერჩეული.
სხვადასხვა კვლევის მიხედვით, საქართველოში ყოველწლიურად 5-10 ათასი ტონა სამედიცინო ნარჩენი წარმოიქმნება. აქედან 1,2-1,8 ათასი ტონა სახიფათო ნარჩენია. მარტო ბათუმის სამედიცინო დაწესებულებებიდან სამედიცინო ნარჩენების ოდენობა თვეში, საშუალოდ, ექვს ტონას აღწევს.
29 აპრილს ბათუმის სახელმწიფო უნივერსიტეტის ადმინისტრაციამ საკუთარ სტუდენტებს უფლება არ მისცა მშრომელთა სოლიდარობის გამომხატველი ბანერი უნივერსიტეტის ტერიტორიაზე 2 დღით დაემონტაჟებინათ. მიზეზად დაასახელა, რომ თურმე მსგავსი აქციის გამართვა უნივერსიტეტის ხელმძღვანელობასა და ოფიციალურ სტუდენტურ თვითმმართველობას საჭიროდ არ ჩაუთვლია.
ხელვაჩაურის მუნიციპალიტეტში, ახალსოფელში, ეკლესიის ჩამონგრევის შედეგად ორი ახალგაზრდა დაიღუპა, ორი კი, მძიმედ დაშავდა. ხელვაჩაურის გამგეობაში აცხადებენ, რომ ეკლესია უკანონოდ შენდებოდა. ვისთან უნდა შეთანხმებულიყო ეკლესიის მშენებლობა და ემორჩილებიან თუ არა სასულიერო პირები საპატრიარქოს მითითებებს? „ბათუმელების“ კითხვებს საპატრიარქოსთან არსებული ხუროთმოძღვრების ცენტრის პრესსამსახურის ხელმძღვანელმა თამარ კვანტალიანმა უპასუხა.
ბათუმის ბულვარის მერიის მართვაში დაბრუნების საკითხს ფინანსთა და ეკონომიკის სამინისტროსთან ერთად ბულვარის ადმინისტრაციაშიც ეწინააღმდეგებიან. მოტივი – ფინანსთა სამინისტრო ფულს გვაძლევს, მერიას ფულის მოცემა არ შეუძლია. დღემდე ფინანსთა სამინისტროს არაერთი გადაწყვეტილებით, ბულვარი, როგორც ძეგლი, მრავალჯერ დაზიანდა. ბულვარის ადმინისტრაციის დირექტორის მოვალეობის შემსრულებელი გიორგი ზირაქაშვილი კი, რომელიც აქ ახლახან შს სამინისტროდან გადაიყვანეს, პასუხისმგებლობას იღებს, რომ მომავალში ბულვარი, როგორც კულტურული მემკვიდრეობის ძეგლი, თავის ამჟამინდელ იერსახეს შეინარჩუნებს.
<!** Image 1 align="left" width="300" height="600" >
თავისუფალ ჟურნალისტთა სახლის მოხალისეები და „გაზეთ ბათუმელების“ დისტრიბუციის სამსახური, სულ 40-მდე ახალგაზრდა, დღეს ბათუმში გამოეხმაურებიან კამპანიას „ეს შენ გეხება-ისევ გვისმენენ“.
<!** Image 13 align="" width="500" height="500" >
ხელვაჩაურის მუნიციპალიტეტის სოფელ ახალსოფელში, წმ. გიორგის სახელობის ეკლესიის ნგრევის ფაქტთან დაკავშირებით, გამგებლის მოადგილემ ანზორ ფერცელაძემ ოფიციალური განცხადება გააკეთა. ანზორ ფერცელაძის თქმით, ეკლესიის მშენებლობაზე ხელვაჩაურის მინიციპალიტეტის არქიტექტურის სამსახურს, მშენებლობის ნებართვა არ გაუცია.
აჭარის საარქივო სამმართველოს უფროსი გურამ სალაძე ანტიკორუფციული დეპარტამენტის თნამშრომლებმა დააკავეს. უმაღლესი საბჭოს დეპუტატის, მედეა ვასაძის ინფორმაციით, ის სამართალდამცავებმა მოსამართლის ნებართვის გარეშე დააპატიმრეს. ბრალდებული თბილისშია გადაყვანილი და აღკვეთი ღონისძიების შეფარდებაზეც თბილისის საქალაქო სასამართლო იმსჯელებს. უმაღლესი საბჭოს დეპუტატები მედეა ვასაძე, კაკო ძნელაძე და ჯემალ ფუტკარაძე, ასევე პარლამენტარი მურმან დუმბაძე დღეს გურამ სალაძის დაკავების შესახებ ინფორმაციის გავრცელებისთვის არქივის შენობასთან მივიდნენ.
<!** Image 1 align="left" width="300" height="576" >
ეროვნულ-დემოკრატიულმა ინსტიტუტმა (NDI) დღეს სასტუმრო „შერატონში“ საზოგადოებრივი აზრის კვლევის ბათუმის შედეგები გაასაჯაროვა. კვლევა NDI საქართველოს დირექტორმა ლუის ნავრომ წარმოადგინა. ბათუში გამოკითხულთა 65% მხარს უჭერს საქართველოს ევროკავშირში ინტეგრაციას.
<!** Image 1 align="left" width="300" height="478" >
დღეს, ბათუმის დრამატულ თეატრში არასამთავრობო ორგანიზაცია „დემოკრატიის ინსტიტუტის“ 10 წლის საიუბილეო საღამო გაიმართა. ღონისძიებაზე წარმოადგინეს ორგანიზაციის ათწლიანი ისტორიის ამსახველი ფოტო მასალები და ფინანსური ანგარიშები.
საქართველოს სასჯელაღსრულებისა და პრობაციის სამინისტროს ინფორმაციით, 2013 წელს, ამნისტიის შედეგად 17 735 მსჯავრდებული გათავისუფლდა. ამნისტირებულ პირთა ნაწილი, რესოციალიზაციას ინდივიდუალურად ცდილობს, რადგან სახელმწიფო თუ არასამთავრობო ორგანიზაციების მწირი პროგრამები, ყველა ბენეფიციარს არ წვდება. ყოფილი პატიმრების ყველაზე დიდი პრობლემა დასაქმებაა. „საქართველოში ამის ყველა რესურსი ამოწურულია“, – ამბობს ერთ-ერთი ამნისტირებული პატიმარი. „ბათუმელები“ რამდენიმე მათგანს ესაუბრა. მათ შორის ერთ-ერთი ქალია.
აჭარის მთავრობის განკარგულებით, მცირე და საშუალო ტურისტული ბიზნესით დაკავებული მოსახლეობისთვის, ლიბერთი ბანკი 6 მილიონ ლარს გამოყოფს. პროგრამის მიხედვით, ერთ მოქალაქეს განაცხადის გაკეთება დაახლობეით 200 ათას ლარზე შეუძლია.
რამდენჯერ ყოფილა, როცა შაბათს ან კვირას, დასვენების დღეებში, დავუღლივარ ფიქრს იმაზე, სწორად დავწერე თუ არა ესა თუ ის ციფრი, ფრაზა სტატიაში, რომელიც ორშაბათის ნომერში უნდა გამოქვეყნდეს. რამდენჯერ გადამითვლია… რთულია, როცა პასუხისმგებლობის ტვირთი შენზეა და ისიც კარგად გესმის, რომ თითოეული სიტყვისთვის ხვალ შეიძლება პასუხი მოგთხოვონ.
კომპანია „ტრანსსისტემმა“, რომელიც სამი წლის მანძილზე ბათუმის საზღვაო ნავსადგურში ტვირთის ექსკლუზიური გადამზიდავი იყო, პროკურატურას მიმართა. ბათუმის პორტის მფლობელი, ყაზახეთის სახელმწიფოს წარმომადგენელი კი ამბობს, რომ მისი წინამორბედი ოფშორში დარეგისტრირებული „ტრანსსისტემისთვის“ ექსკლუზიური უფლების მინიჭებას მუქარის პირობებში დასთანხმდა. კომპანიებს შორის დაპირისპირების ფონზე ბათუმის პორტში ტვირთბრუნვა შემცირდა. პორტთან დაკავშირებული სკანდალი საერთაშორისო არბიტრაჟის განხილვის საგანი გახდება.
გაზეთ „ბათუმელების“ არქივიდან. 2014 წ. #1
ქართული სამღვდელოება ევროპული და დასავლური ცივილიზაციის ნაყოფით შესანიშნავად სარგებლობს. როცა დასჭირდებათ, სამკურნალოდაც კი ევროპაში მიდიან. მაგალითად, პატრიარქი მიდის გერმანიაში, როცა მისი ქორეპისკოპოსი მოიტეხავს ხელს თუ მხარს, მიდის ფინეთში. როდესაც რაღაც დიდი იუბილეს გადახდა დასჭირდებათ, მაგალითად, პატრიარქის იუბილე, მის გადასახდელად მიდის პარიზში, რაც ძალიან ძვირია. წარმოიდგინეთ, ჯერ ამდენი ადამიანის პარიზში გამგზავრება, მერე კიდევ უზარმაზარი ბანკეტის გადახდა. ბოლო გამოშვების მანქანები, მობილურები და ა.შ. დასავლური ტექნიკური მიღწევებით, მეცნიერებით სარგებლობენ ყოველგვარი დაფიქრების გარეშე. თუმცა, თავიანთ მრევლს ეუბნებიან, რომ თუ თქვენ ავად გახდებით, ილოცეთ ან მიდით მამა გაბრიელის საფლავზე, არ გაუშვათ შვილები საზღვარგარეთ. ეს დამოკიდებულება არის ცოტათი გაორებული და ამითი ძალიან ჰგავს ყოფილი ტოტალიტარული და ახლანდელი ავტორიტარული რეჟიმების დამოკიდებულებას.
“ბათუმში, აჭარის პროკურატურის პროკურორის სამსახურეობრივ ავტომანქანას ცეცხლი წაუკიდეს. დამნაშავე მიიმალა”, – უთხრა „ბათუმელებს“ საქართველოს მთავარი პროკურატურის პრესსამსახურის ხელმძღვანელმა.
<!** Image 1 align="left" width="300" height="800" >
ბათუმის საქალაქო სასამართლომ სრულად დააკმაყოფილა ირაკლი დარცმელიძის სარჩელი აჭარის უმაღლესი საბჭოს წინააღმდეგ, შესაბამისად, ბათილად ცნო უმაღლეს საბჭოს დადენილება. ირაკლი დარცმელიძეს, რომელიც „ნაციონალური მოძრაობის“ კვოტით წარდგენილი კანდიდატი იყო აჭარის ტელევიზიის მეურვის პოზიციაზე, უმაღლესი საბჭოს უმრავლესობამ თავის დროზე მხარი არ დაუჭირა. უმაღლესი საბჭოს უმცირესობის კვოტაზე უმრავლესობამ თავისი კანდიდატებად ვახტანგ ღლონტი და ოლღა ჟღენტი წარადგინა და, შესაბამისად, მხარიც მათ დაუჭირა.
ხელვაჩაურის მუნიციპალიტეტის სოფელ ახალშენი მცხოვრები თორმეტსულიანი ოჯახი, ხელისუფლებას დახმარებას სთხოვს. ჟუჟუნა საითაძე ამბობს, რომ მისი სახლს სახურავი აქვს დაზიანებული და სახლში წყალი ჩამოდის. ოჯახში სამი მცირეწლოვანი ბავშვიც ცხოვრობს. ჟუჟუნა საითაძის ოჯახი სოციალურად დაუცველია.
ხვალ 29 აპრილს , ახალგაზრდული ორგანიზაცია „ცვლილებები თანაბარი უფლებებისათვის”, შეზღუდული შესაძლებლობის მქონე პირების უფლებების დასაცავად, ბათუმში 13: 00 საათზე ვარდების სკვერში აქციას გამართავს
საქართველოში 2010 წლიდან 2013 წლამდე სულ 631 ადამიანია გაუჩინარებული. აფხაზეთსა და სამხრეთ ოსეთში კონფლიქტებისა და ომების შედეგად კი უგზო-უკვლოდ 2000 ადამიანია დაკარგული, ამათგან 870 მებრძოლი და დაახლოებით 1030 სამოქალაქო პირი. დღეს საქართველოში არანაირი სახელმწიფო პროგრამა არ არსებობს, რომელიც უგზო-უკვლოდ დაკარგული ადამიანების ოჯახებისთვის ფსიქოლოგიურ დახმარებას უზრუნველყოფს. ამ საქმიანობას 2010 წლიდან წითელი ჯვრის საერთაშორისო კომიტეტთან ერთად წამების მსხვერპლთა ფსიქოსოციალური და სამედიცინო რეაბილიტაციის ცენტრი (GCRT) ახორციელებს.
დღეს დმოკრატიის ჩართულობის ცნტრში, 53-ე ბატალიონის ტერიტორიაზე ჩასახლებულმა სოციალურად დაუცველმა ოჯახებმა, მედპუნქტისა და ბაგა-ბაღის გახსნის მოთხოვნით ხელისუფლებას მიმართეს.
„გამოვდივარ ინიციატივით, კონსტიტუციაში შევიტანოთ ჩანაწერი, რომ ოჯახი არის ქალისა და მამაკაცის ერთობა“, – განაცხადა საქართველოს პრემიერ-მინისტრმა 28 მარტს. ხელისუფლების წარმომადგენლებმა პრემიერის განცხადების ინტერპრეტირება სცადეს და თქვეს, რომ „ოჯახში“ პრემიერმა ქორწინება იგულისხმა. რატომ გააქტიურდა ოჯახისა და ქორწინების თემა და რა კავშირი აქვს მას ანტიდისკრიმინაციულ კანონთან? ამ საკითხზე „ბათუმელებს“ არასამთავრობო ორგანიზაცია „ადამიანის უფლებების სწავლებისა და მონიტორინგის ცენტრის“ წარმომადგენელი თამთა მიქელაძე ესაუბრა.
„ამერიკან ტრეიდინგ კომპანიმ“, აზერბაიჯანისა და საქართველოს მომხმარებლებისათვის, არგენტინული მაღალი პროტეინის შემცველობის სოიოს შროტის მორიგი მიწოდება განახორციელა. კომპანია ძირითადად მუშაობს ქართულ და აზერბაიჯანულ ბაზარზე, ასევე ფართოვდება მომხმარებელთა გეოგრაფიული არეალი, ძირითადად ცენტრალურ აზიაში, კერძოდ ყაზახეთსა და უზბეკეთში. კომპანიის წარმატებული საქმიანობა დაფუძნებულია ხარისხისა და რაოდენობის მკაცრ კონტროლზე, კლიენტებთან პარტნიორულ ურთიერთობაზე, სოიოს შროტის მომხმარებელთა მოთხოვნების დროულ და ეფექტურ დაკმაყოფილებაზე.
