სიახლეები

„დემოკრატიის ინსტიტუტის“ ათწლიანი ისტორია

05.05.2014 • 1296
„დემოკრატიის ინსტიტუტის“ ათწლიანი ისტორია

 

დემოკრატიის ინსტიტუტის ათი წლის იუბილე

 

 

 „ჩვენ სამი ხელისუფლების დროს მოგვიწია მუშაობა.  განვახორციელეთ პროექტები ადამიანის უფლებების დაცვის კუთხით, ბიუჯეტების მონიტორინგზე, სახელმწიფო ორგანოების გამჭვირვალობაზე და ა.შ. გვაქვს ოთხი მიმდინარე პროგრამა და პროგრამის გარეშე აქტივობები. ისევ ისე გავაგრძელებთ მუშაობას, უფრო აქტიურად და უფრო პასუხისმგებლიანად“- ამბობს ორგანიზაციის აღმასრულებელი საბჭოს თავმჯდომარე გენო გელაძე.

 

 

„დემოკრატიის ინსტიტუტი“ ბათუმში 2004 წლის 19 მაისს დაფუძნდა, ხოლო ოფიციალურად ხუთ მაისს დარეგისტრირდა. ორგანიზაცია სხვადასხვა მიმართულებით მუშაობს. იცავს ადამიანის უფლებებს და საზოგადოებრიცი ჯგუფების ინტერესებს. ასევე, ლობირებს დემოკრატიული მმართველობის გაღმავებას მმართველ ორგანოებში.

 

 

საზოგადოებრივი მაუწყებლის აჭარის ტელევიზიისა და რადიოს დირექტორის სოსო სტურუას შეფასებით, დემოკრატიული ინსტიტუტი ერთ-ერთი მნიშვნელოვანი არასამთავრობო ორგანიზაციაა ჩვენს ქალაქში.

 

 

„მე როგორც ტელევიზიის წარმომადგენელი ვიტყოდი, რომ ორგანიზაციამ დიდი წვლილი შეიტანა აჭარის ტელე-რადიოს საზოგადოებრივი მაუწყებლად გარდაქმნაში. დემოკრატიის ინსტიტუტის მესვეურები, ყოველთვის არიან თავისუფალი სიტყვის გვერდით აჭარის ტელევიზიის და სხვა მასმედიის საშუალებების გვერდით და იცავენ სიმართლეს“.

 

 

ორგანიზაციის საქმიანობას დადებითად აფასებს ადვოკატი ედიშერ მახარაძეც: „ორგანიზაციის მიზნები საზოგადოებისთვის აქტუალურია. ეს არის ერთ-ერთი წარმატებული ორგანიზაცია აჭარაში. ამასთან ერთად, გამოირჩევიან საქმისადმი გულითადი დამოკიდებულებით და ვალდებულებების მიმართ პასუხისმგებლობით“.  

 

გადაბეჭდვის წესი


ასევე: