Batumelebi | მოსახლეობა სახელმწიფოს ბაგა-ბაღისა და მედპუნქტის გახსნას სთხოვს მოსახლეობა სახელმწიფოს ბაგა-ბაღისა და მედპუნქტის გახსნას სთხოვს – Batumelebi
RU | GE  

მოსახლეობა სახელმწიფოს ბაგა-ბაღისა და მედპუნქტის გახსნას სთხოვს

 

დღეს დმოკრატიის ჩართულობის ცნტრში, 53-ე ბატალიონის ტერიტორიაზე ჩასახლებულმა სოციალურად დაუცველმა ოჯახებმა, მედპუნქტისა და ბაგა-ბაღის გახსნის მოთხოვნით ხელისუფლებას მიმართეს.

 

 

53-ე ბატალიონის ტერიტორიაზე წელიწად ნახევარია რაც 920 ოჯახი ცხოვრობს. უფლებათა დამცველის თამაზ ბაკურიძის თქმით ამ დროის მანძილზე იქ 40 ბავშვი დაიბადა და ამჟამად 150-მდე სკოლამდელი ასაკის ბავში ცხოვრობს – “იქ არის საკმარისი ტერიტორია და შენობებიც იმისთვის, რომ მეტ-პუნქტი, ბაღი და სკოლაც აშენდეს. ხელისუფლებას ეს, მიზერული თანხა დაუჯდება. მათ შეუძლიათ დროებით, ხის კონსტრუქციებითაც ააშენონ ეს შენობები”.

 

ყველა ახლო მდბარე ბაღი და სკოლა შევსებულია და დასახლების ბავშებს ვერ იღებენ – “ჩვენი ბავშვების გაასრთობი არის ჭაობი და გუბეები. ძალიან ვთხოვთ აჭარის მთავრობას, რომ გამოიჩინონ გულისხმიერება და აგრძნობინონ ჩვენს შვილებს, რომ ისინიც საზოგადოების წევრები არიან. ბაღში რომ ბავშვებს მივიყვანთ, ჩვენც დავსაქმდბით” ამბობს დასახლების ერთ-ერთი მცხოვრები მარინა ბერიძე.

 

“პირველ რიგში მედ-პუნქტი გააკეთონ, ზოგჯერ მთელი საათი გვიწევს დახმარების ლოდინი. მე ასთმა მაქვს და ორი დღის წინ, შეტევისას სასწრაფომ ძლივს მომმისწრო” – ამბობს დარიკო ანანიძე.

 

თამაზ ბაკურიძის განცხადებით, თუ უახლოეს მომავალში მათ თხოვნას სახელმწიფო არ გამოეხმაურება, ისინი რამდენიე დღეში მთავრობის სახლთან შეიკრიბებიან და საპროტესტო აქციებს გამართავენ.


 

ნეტგაზეთის მასალების სხვა გამოცემებში გადაბეჭდვის წესი
"ბათუმელები"