აჭარის მთავრობის განკარგულებით, მცირე და საშუალო ტურისტული ბიზნესით დაკავებული მოსახლეობისთვის, ლიბერთი ბანკი 6 მილიონ ლარს გამოყოფს. პროგრამის მიხედვით, ერთ მოქალაქეს განაცხადის გაკეთება დაახლობეით 200 ათას ლარზე შეუძლია.
სუბსიდირების ფარგლებში, სესხების აღება იმ მოქალაქეებსაც შეეძლებათ, რომლებმაც 2008 წელს ტურისტული ბიზნესის განვითარების მიზნით ბანკებიდან სესხი აიღეს, თუმცა აგვისტოს ომის შემდეგ განვითარებული ტურისტული პრობლემების გამო, სესხის გადახდა ვერარ შეძლეს.
აჭარის მთავრობიდან მიღებული ინფორმაციის მიხედვით, სესხი 15 პროცენტიანია. სესხის 3 პროცენტს მოსარგებლე გადაიხდის, დანარჩენ 12 პროცენტს კი სამი წლის განმავლობაში სახელმწიფო დაფარავს. მოსარგებლეს სესხის დაფარვა შვიდი წლის მანძილზე შეეძლება.
როგორც მთავრობაში აცხადებენ, ამ დროისთვის შერჩეულია ლიბერთი ბანკი, რომელიც სესხების გაცემას მოქალაქეებზე ხელშეკრულების ოფიციალურად გაფორმების შემდეგ დაიწყებს. ხელშეკრულებას ხელი დაახლოებით ორ დღეში უნდა მოეწეროს.
