სიახლეები

ინიციატივა შშმ პირთა მშობლების საპენსიო ასაკის შემცირებაზე

27.05.2014 • 1446
ინიციატივა შშმ პირთა მშობლების საპენსიო ასაკის შემცირებაზე

 

ორი ორგანიზაცია – „შეზღუდული შესაძლებლობის მქონე პირთა უფლებებისთვის“ და „ქალთა და ბავშვთა უფლებების დაცვის საერთაშორისო ორგანიზაცია „მეჯლისი“ ითხოვს კანონში ცვლილების შეტანას, რომელიც შშმ პირთა მშობლების საპენსიო ასაკს ქალებისთვის 50 წლით, ხოლო კაცებისთვის 55 წლით განსაზღვრავს.

 

„ამით მხარს დავუჭერთ იმ ოჯახებს, რომელთაც ჰყავთ შშმ პირები. ისინი უფრო მეტად წარმოჩინდებიან საზოგადოების წინაშე, უფრო მეტად გავუწევთ მატერიალურ  და მორალურ დახმარებას“, – განაცხადა „ქალთა და ბავშვთა უფლებების დაცვის საერთაშორისო ორგანიზაცია მეჯლისის“ მმართველმა ირმა ჩხაიძემ.

 

დღესდღეობით შეზღუდული შესაძლებლობის მქონე პირთა მშობლების, ისე როგორც სხვა დანარჩენების, საპენსიო ასაკი 65 წელია.

 

„მსგავსი ინიციატივა ჯერ არ გაჟღერებულა და თუ ჩვენ წინადადებას მიიღებს ზემდგომი ორგანოები, გარდა იმისა, რომ გაუმჯობესდება ამ ოჯახების სოციალური მდგომარეობა, გვეცოდინება იმ ადამიანების სტატისტიკა, ვისაც ჰყავთ შშმ პირი შვილები. ჩვენ ვიცით, რომ ზოგიერთი ოჯახი მალავს, რომ ჰყავს შშმ პირი“, – ამბობს შშმ პირთა უფლებებისათვის თავმჯდომარემ თამაზ მჟავანაძემ.

 

შეზღუდული შესაძლებლობების მქონე პირთა მშობლების საპენსიო ასაკის დაწევის თაობაზე ორგანიზაციები დღესვე აპირებენ ერთობლივი წერილობით მიმართონ აჭარის უმაღლეს საბჭოსა და სხვა სახელმწიფო დაწესებულებებს.

გადაბეჭდვის წესი


ასევე: