“ბათუმში, აჭარის პროკურატურის პროკურორის სამსახურეობრივ ავტომანქანას ცეცხლი წაუკიდეს. დამნაშავე მიიმალა”, – უთხრა „ბათუმელებს“ საქართველოს მთავარი პროკურატურის პრესსამსახურის ხელმძღვანელმა.
პროკურატურის ინფორმაციით, გამოძიება სისხლის სამართლის კოდექსის 187-ე მუხლის მეორე ნაწილით მიმდინარეობს. რაც გულისხმობს სხვისი ნივთის დაზიანებას ან განადგურებას, რამაც მნიშვნელოვანი ზიანი გამოიწვია, ქმედება, ჩადენილი ცეცხლის წაკიდებით, აფეთქებით ან სხვა საყოველთაოდ საშიში საშუალებით, ისჯება თავისუფლების აღკვეთით ვადით სამიდან ხუთ წლამდე.
პროკურატურაში სხვა დამატებით კითხვებს არ პასუხობენ.
„ბათუმელების“ ინფორმაციით, ავტომანქანას ცეცხლი წაუკიდეს ბათუმში პუშკინისა და ჯავახიშვილის ქუჩების კვეთაში. ავატომანქანით პროკურორი ფრიდონ ქარცივაძე გადაადგილდებოდა. ინციდენტი რამდენიმე დღის წინ მოხდა.
