4 მარტს, ბათუმის საქალაქო სასამართლოში მზია ამაღლობელის წინასასამართლო სხდომა გაიმართა. ბათუმის საქალაქო სასამართლოს მოსამართლე ვიქტორ მეტრეველმა მზია ამაღლობელი წინასწარ პატიმრობაში დატოვა.

ასევე, სასამართლომ სრულად დააკმაყოფილა ბრალდების მხარის შუამდგომლობა და დაცვის მხარის მოწმედ დასაკითხ პირთა ნუსხიდან ამოიღო 17 პირი, 18 ვიდეომტკიცებულება, 13 დათვალიერების ოქმი და 14 წერილობითი მტკიცებულება.

მზია ამაღლობელის უფლებადამცველების განცხადებით, აღნიშნული ქმედებით სასამართლომ ის დატოვა დაცვის უფლების განხორციელების გარეშე და პროცედურულადაც კი არ უზრუნველყო მისი უფლება სამართლიან სასამართლოზე.

როგორც მზია ამაღლობელის უფლებადამცველები აცხადებენ, სასამართლოს ამ გადაწყვეტილებას არ მოეძებნება პრეცედენტი ქართულ მართლმსაჯულებაში.

ნახეთ ფოტოები მზია ამაღლობელის სასამართლო პროცესიდან.

 

 

ჟურნალისტისა და მედიამენეჯერის, მზია ამაღლობელის უფლებადამცველები 4 მარტს ჩატარებული სასამართლო პროცესის შემდეგ განცხადებას ავრცელებენ და აღნიშნავენ, რომ  ქართულმა მართლმსაჯულებამ ამაღლობელს დემონსტრაციულად ჩამოართვა უფლება, დაიცვას თავი და ამტკიცოს საკუთარი უდანაშაულობა.

4 მარტს ბათუმის საქალაქო სასამართლოში მზია ამაღლობელის სისხლის სამართლის საქმეზე წინასასამართლო სხდომა გაიმართა. სასამართლომ აღნიშნულ სხდომაზე (მოსამართლე – ვიქტორ მეტრეველი) იმსჯელა მხარეთა მიერ წარმოდგენილი მტკიცებულებების დასაშვებობის, აღკვეთი ღონისძიების სახით შეფარდებული პატიმრობის გადასინჯვისა და საქმის არსებითი განხილვისათვის გადაცემის შესახებ.

სასამართლომ სრულად დააკმაყოფილა ბრალდების მხარის შუამდგომლობა და დაცვის მხარის მოწმედ დასაკითხ პირთა ნუსხიდან ამოიღო 17 პირი, 18 ვიდეომტკიცებულება, 13 დათვალიერების ოქმი და 14 წერილობითი მტკიცებულება.

მზია ამაღლობელის უფლებადამცველების განცხადებით, აღნიშნული ქმედებით სასამართლომ ის დატოვა დაცვის უფლების განხორციელების გარეშე და პროცედურულადაც კი არ უზრუნველყო მისი უფლება სამართლიან სასამართლოზე.

როგორც მზია ამაღლობელის უფლებადამცველები აცხადებენ, სასამართლოს ამ გადაწყვეტილებას არ მოეძებნება პრეცედენტი ქართულ მართლმსაჯულებაში.

„სასამართლომ მზია ამაღლობელი კვლავ უკანონო პატიმრობაში დატოვა. პროცესზე ბრალდების მხარემ დააფიქსირა პოზიცია იმის შესახებ, რომ აღარ არსებობდა მოწმეებზე ზემოქმედების საფრთხე, თუმცა, ახალი დანაშაულის ჩადენის და მიმალვის საფრთხის საფუძვლით, კიდევ ერთხელ სრულიად დაუსაბუთებლად მოითხოვა მზია ამაღლობელის პატიმრობაში დატოვება. ბრალდების მხარე ამ არგუმენტს კვლავ ამყარებდა მზია ამაღლობელის უკანონო ადმინისტრაციული დაკავების ფაქტით, რომლის უკანონობის დამადასტურებელი ვიდეომტკიცებულებები დაცვის მხარის მიერ წარდგენილი იყო ამავე საქმეში, რომლებიც დაუშვებლად ცნო სასამართლომ.

სასამართლომ პატიმრობის ძალაში დატოვების საფუძვლად მიუთითა მხოლოდ ის, რომ არსებობს ახალი დანაშაულის ჩადენის რისკი ჩადენილი დანაშაულის ხასიათისა და ხერხის გათვალისწინებით. აღნიშნული ცალსახად წარმოადგენს სისხლის სამართლის საპროცესო კანონმდებლობის უხეშ დარღვევას, იმის გათვალისწინებით, რომ ბრალდება არც კი მიუთითებდა, თუ რომელი კონკრეტული მტკიცებულება თუ ფაქტობრივი გარემოება მიანიშნებდა ახალი დანაშაულის ჩადენის საფრთხეზე.

დაცვის მხარემ იშუამდგომლა სისხლისსამართლებრივი დევნის შეწყვეტაზე, ვინაიდან საქმეში არ მოიპოვება მტკიცებულებები, რაც ალბათობის მაღალი ხარისხით საკმარისი იქნებოდა ვარაუდისთვის, რომ საქმეზე დადგება გამამტყუნებელი განაჩენი. დაცვის მხარის მიერ პროცესზე წარდგენილ იქნა უზენაესი სასამართლოს მიერ 20-მდე მსგავს საქმეზე მიღებული გადაწყვეტილებები, რომელთა მიხედვითაც პოლიციელზე თავდასხმად სასამართლომ არ შეაფასა ისეთი ძალადობრივი ქმედებებიც კი, როგორებიცაა: პოლიციელისთვის თავში ბოთლის ჩარტყმა, თავში ქვის ჩარტყმა, სახის არეში მუშტის გარტყმა არაერთხელ, თვალბუდის, ტუჩის დაზიანება, 4 პირის მიერ 2 პოლიციელის ცემა და ა. შ. აღნიშნულით საბუთდება, რომ მზიას არ ჩაუდენია მისთვის ბრალად წარდგენილი დანაშაული და შესაბამისად, არ არსებობს გამამტყუნებელი განაჩენის გამოტანის კანონით დადგენილი სტანდარტი.

სასამართლომ, ასევე, იმსჯელა მტკიცებულებათა დასაშვებობის საკითხზე და მიღებული გადაწყვეტილებით, მხოლოდ ნაწილობრივ დაკმაყოფილდა დაცვის მხარის 1 შუამდგომლობა, ბრალდების მხარის მტკიცებულებათა ნუსხიდან მოწმე ეთერ თურაძის ამოღებასთან დაკავშირებით, მაშინ, როდესაც სასამართლომ დაუშვებელ მტკიცებულებად არ ცნო ბრალდების მხარის უკანონო და საკონსტიტუციო სასამართლოს პრაქტიკის საწინააღმდეგოდ გაცემული განჩინება, რომლითაც საგამოძიებო ორგანოს მიეცა უფლება, მზია ამაღლობელის მობილური ტელეფონიდან გამოითხოვოს პირადი, პერსონალური მასალა შეუზღუდავად. ამით, ირღვევა მისი საკუთრების, პირადი კომუნიკაციისა და პროფესიული საქმიანობის კანონითა და კონსტიტუციით გარანტირებული უფლებები.

სასამართლომ სრულად დააკმაყოფილა ბრალდების მხარის შუამდგომლობა და დაცვის მხარის მოწმედ დასაკითხ პირთა ნუსხიდან ამოიღო 17 პირი, 18 ვიდეომტკიცებულება, 13 დათვალიერების ოქმი და 14 წერილობითი მტკიცებულება. აღნიშნული ქმედებით სასამართლომ მზია ამაღლობელი დატოვა დაცვის უფლების განხორციელების გარეშე და პროცედურულადაც კი არ უზრუნველყო მისი უფლება სამართლიან სასამართლოზე. სასამართლოს ამ გადაწყვეტილებას არ მოეძებნება პრეცედენტი ქართულ მართლმსაჯულებაში.

მიუხედავად ზემო აღნიშნულისა, მზია ამაღლობელის დაცვის მხარე გაასაჩივრებს წინასასამართლო სხდომაზე მიღებულ გადაწყვეტილებას მზია ამაღლობელის დაცვის უფლების გარეშე დატოვების თაობაზე 5 დღის ვადაში. ჩვენ გამოვიყენებთ ყველა სამართლებრივ მექანიზმს მზია ამაღლობელის უფლებების დასაცავად ეროვნულ თუ საერთაშორისო დონეზე.

მიგვაჩნია, რომ მზია ამაღლობელი არა მხოლოდ რჩება უკანონო პატიმრობაში, არამედ მას ქართულმა მართლმსაჯულებამ დემონსტრაციულად ჩამოართვა უფლება დაიცვას თავი და ამტკიცოს საკუთარი უდანაშაულობა“, – ნათქვამია მზია ამაღლობელის უფლებადამცველების განცხადებაში.

მზია ამაღლობელის უფლებებს იცავენ:

• საქართველოს ახალგაზრდა იურისტთა ასოციაცია;
• იურიდიული ფირმა BLB და მისი უფროსი პარტნიორი, მაია მწარიაშვილი;
• ადვოკატები – რაჟდენ ხიმშიაშვილი და კახა წერეთელი.

• რა ხდება?

ბათუმის პოლიციის უფროსზე სილის გაწვნის გამო პოლიციელზე თავდასხმას ედავებიან მზია ამაღლობელს სისხლის სამართლის კოდექსის 353¹-ე მუხლით, რომელიც არის მძიმე კატეგორიის დანაშაული და ითვალისწინებს თავისუფლების აღკვეთას 4-დან 7 წლამდე.

უზენაესი სასამართლოს გადაწყვეტილებები ნათლად აჩვენებს, რომ პოლიციელისთვის სილის გაწვნა პოლიციელზე თავდასხმა არ არის.

ნეტგაზეთისა“ და „ბათუმელების“ დამფუძნებელი მზია ამაღლობელი 11-12 იანვარს ღამით ორჯერ დააკავეს. პირველად საპროტესტო შინაარსის პლაკატის გაკვრის გამო, რომელზეც ეწერა – „იფიცება საქართველო“, მეორედ – ბათუმის პოლიციის უფროს ირაკლი დგებუაძისთვის სილის გაწვნის გამო, პოლიციელზე თავდასხმის ბრალდებით. ინციდენტს წინ უძღოდა დაპირისპირება და ჭყლეტა მონაწილეებსა და პოლიციას შორის, რაც პოლიციის მხრიდან პროვოკაციულ ქმედებებს მოჰყვა.

2025 წლის 14 იანვარს ბათუმის საქალაქო სასამართლომ მზია ამაღლობელს აღკვეთის ღონისძიების სახით პატიმრობა შეუფარდა. გადაწყვეტილება მოსამართლე ნინო სახელაშვილმა მიიღო.

მზია ამაღლობელის პატიმრობის საფუძველი გაყალბებული ოქმი გახდა – ადმინისტრაციული დაკავების ოქმის მიხედვით, მზია ამაღლობელი პოლიციელების სიტყვიერი შეურაცხყოფის გამო დააკავეს [ასკ-ის 173-ე მუხლი]. სინამდვილეში კი, დაკავების დროს გადაღებულ და გავრცელებულ ვიდეო კადრში არა მხოლოდ ჩანს, თუ როგორ აკავებს მას „სტიკერის“ გაკვრის გამო აჭარის პოლიციის დეპარტამენტის უფროსი გრიგოლ ბესელია, არამედ ისმის კიდევაც ბათუმის პოლიციის უფროსის, ირაკლი დგებუაძის ხმა, რომ მზია ამაღლობელს სტიკერის გაკვრისთვის აკავებენ 150-ე მუხლით.

გარდა იმისა, რომ სტიკერის გაკვრა ადმინისტრაციულ შენობაზე არ წარმოადგენს სამართალდარღვევას ადმინისტრაციულ სამართალდარღვევათა კოდექსით, ასევე, არ არსებობს ამავე კოდექსის 150-ე მუხლით პირის დაკავების უფლება. ამდენად, გრიგოლ ბესელიამ მზია ამაღლობელი დააკავა უკანონოდ და იმ სამართალდარღვევის გამო, რომელიც მას არ ჩაუდენია.

მითითებული გაყალბებული ოქმის საფუძველზე პროკურორმა ვლადიმერ თურმანიძემ მოითხოვა მზია ამაღლობელის პატიმრობა სისხლის სამართლის საქმეზე. მოსამართლე ნინო სახელაშვილმა სწორედ ამ გაყალბებული ოქმის საფუძველზე მზია ამაღლობელს უკანონოდ შეუფარდა პატიმრობა.

13 თებერვალს მზია ამაღლობელის ადვოკატებმა სასამართლოს შუამდგომლობით მიმართეს და მისთვის აღკვეთის ღონისძიების სახით შეფარდებული პატიმრობის გაუქმება მოითხოვეს. თუმცა, 14 თებერვალს, ბათუმის საქალაქო სასამართლოს მოსამართლე ლევან ყოლბაიამ დაუშვებლად ცნო შუამდგომლობა მზია ამაღლობელისთვის აღკვეთის ღონისძიების შეცვლის თაობაზე. 19 თებერვალს, ქუთაისის სააპელაციო სასამართლოს მოსამართლე ვერა დოლიძემ მზია ამაღლობელის საჩივარი კვლავ დაუშვებლად მიიჩნია.

მზია ამაღლობელის საქმის პროკურორმა, თორნიკე გოგეშვილმა დღეს, 4 მარტს, ბათუმის საქალაქო სასამართლოს მოსამართლეს, ვიქტორ მეტრეველს მიმართა და სთხოვა, ამაღლობელის საქმეს დაურთოს მისი ტელეფონიდან ამოღებული ინფორმაცია.

კერძოდ, დღევანდელ სასამართლო სხდომაზე გაირკვა, რომ ამაღლობელის საქმეში წარდგენილია დეტექტივ ვლადიმერ ჩიტაიას პატაკი.

ვლადიმერ ჩიტაია 15 თებერვლით დათარიღებულ პატაკში გურიის პოლიციის დეპარტამენტის დირექტორის მოადგილეს, პოლკოვნიკ სერგი ჟღენტს სწერს, რომ მის ხელთ არსებული ინფორმაციით, „მზია ამაღლობელის მიერ პოლიციელზე თავდასხმა წინასწარ იყო დაგეგმილი, რასთან დაკავშირებითაც თავდასხმამდე მზია ამაღლობელი მობილური ტელეფონის აპლიკაციით ესაუბრებოდა ამ ეტაპზე დაუდგენელ პირებს, რომლებთანაც ჰქონდა მიმოწერა და იღებდა ინსტრუქციებს“.

სწორედ ამ პატაკით ითხოვს პროკურატურა მზია ამაღლობელის ტელეფონზე წვდომას.

მზია ამაღლობელის ადვოკატი, მაია მწარიაშვილი კი ამბობს, რომ რეალურად პატაკი ფორმალობაა და არ არსებობს კონტროლის მექანიზმი, თუ როდის და რა პირობებში გახსნა სინამდვილეში პროკურატურამ ტელეფონი.

„ამ პატაკის საფუძველზე არ შეიძლება არანაირი საპროცესო მოქმედების ჩატარება, არათუ განჩინების აღება,“ – მზია ამაღლობელის ადვოკატი მაია მწარიაშვილი ასე აფასებს პროკურატურის მოთხოვნას, საქმის მასალებში მოხვდეს მზია ამაღლობელის ტელეფონიდან ამოღებული ინფორმაცია.

„დეტექტივი ვლადიმერ ჩიტაია ცამოწმენდილზე წერს, რომ „სიზმარში ვნახე“, რომ თითქოს [მზია ამაღლობელმა] მიიღო დავალება. ამიტომ უნდა დავათვალიეროთ მთელი ტელეფონი, თუკი რაიმე ინფორმაცია – პირადი თუ პროფესიული აქვს მზიას ამ ტელეფონში. გამოძიება უნდა დაჯდეს თურმე და ქექოს მისი პირადი და პროფესიული ცხოვრება. ეს ყველაფერი დეტექტივის პატაკის საფუძველზე. ამ პატაკის და ყველა შემდგომი დოკუმენტის დაუშვებლობა ვიშუამდგომლეთ ჩვენ დღეს სასამართლოში“, – თქვა მაია მწარიაშვილმა.

მაია მწარიაშვილის თქმით, პროკურატურა „სამართლებრივად ქმნის საფუძველს იმისთვის, რომ ეს ტელეფონი გახსნას და შიგ მიმოწერები ნახოს“.

ეს აჩვენებს ზუსტად, რომ მზია ამაღლობელის პატიმრობის და მისი უკანონო მსჯავრდების საქმის უკან სხვა ინტერესები დგას. ეს სხვა ინტერესები უკავშირდება სწორედ მის პირად და პროფესიულ საქმიანობას. იქ ქექვა აინტერესებთ.

ჩვენ ვითხოვდით ტელეფონის დაბრუნებას იმიტომ, რომ არანაირი შემხებლობა არ აქვს საქმესთან. რომ არ დაებრუნებინათ ეს ტელეფონი და გამოძიებას ექექა კარგად, ამიტომ გააჩინეს ეს პატაკი საქმეში. ყოველთვის მოიძებნება პოლიციელი, ვინც დაწერს ასეთ პატაკს – ჩემს ტელეფონზე, თქვენს ტელეფონზე, ვიღაცის ტელეფონზე. სასამართლო ასეთივე წარმატებით გასცემს განჩინებას. სირცხვილია ასეთი პატაკებით ადამიანის პირად ცხოვრებაში შეჭრა,“ – ამბობს მაია მწარიაშვილი.

მზია ამაღლობელის საქმის პროკურორმა, თორნიკე გოგეშვილმა სასამართლო პროცესზე ასე დაასაბუთა მზია ამაღობელის მობილური ტელეფონის გახსნის აუცილებლობა:

„კონკრეტული ქმედება [სილის გაწვნა] ჩადენილი იქნა იმ დროს, როცა ფაქტობრივად რამდენიმე წუთის გათავისუფლებული იყო მზია ამაღლობელი. მისი პიროვნებიდან გამომდინარე, არაერთხელ გვქონია პრაქტიკაში მსგავსი კატეგორიის თავდასხმა, წინააღმდეგობა და ა.შ. ამ დანაშაულს ძირითადად სჩადიან მამაკაცები, რომელთაც გარკვეული პრობლემები აქვთ კანონთან და პოლიციასთან. მოცემულ შემთხვევაში, ინდივიდუალური ფაქტობრივი გარემოებების გათვალისწინებით, დანაშაულებრივი ქმედების, ასევე ბრალდებულის პიროვნების გათვალისწინებით, გარემოებათა ერთობლიობით, პატაკის შინაარსის გათვალისწინებით, საკმარისი საფუძველი იყო ვარაუდისთვის, რომ მსგავსი ექსპერტიზა ჩატარებულიყო“, – თქვა თორნიკე გოგეშვილმა.

მოსამართლე ვიქტორ მეტრეველმა პროკურორის შუამდგომლობა დააკმაყოფილა და საქმეში დასაშვებ მტკიცებულებად მიიჩნია მზია ამაღლობელის ტელეფონიდან ამოღებული ინფორმაცია.

როგორც „ბათუმელებისთვის“ არის ცნობილი პროკურორმა შოთა ჩხაიძემ შუამდგომლობით მიმართა ოზურგეთის რაიონულ სასამართლოს, რომ დეტექტივ ვლადიმერ ჩიტაიას პატაკის საფუძველზე მისცემოდათ მზია ამაღლობელის კუთვნილ ტელეფონზე საინფორმაციო ტექნოლოგიური ექსპერტიზის დანიშვნის საშუალება.  

მთავარ ფოტოზე: პროკურორი თორნიკე გოგეშვილი და პროკურორი შოთა ჩხაიძე მზია ამაღლობელის პროცესზე

„არა და არ ვეთანხმები ბრალს. უკანონო პატიმრად მივიჩნევ თავს. საბედნიეროდ, ჩვენს სამშობლოში დიქტატურამ საბოლოოდ ფეხი ვერ მოიკიდა. ამიტომ მჯერა, მეც და სინდისის პატიმრებიც შევძლებთ ჩვენი უდანაშაულობის დამტკიცებას,“ – თქვა დღეს, 4 მარტს, თავის სასამართლო პროცესზე მზია ამაღლობელმა, მას შემდეგ, რაც მოსამართლემ ჰკითხა, მიიჩნევდა თუ არა თავს დამნაშავედ.

დარბაზში ბრალდებულის ხმა ცუდად ისმოდა. ამის გამო მზია ამაღლობელმა სიტყვა, რომელიც წარმოთქვა, დაწერა.

თუმცა მაშინ, როცა ცდილობდა წერილი ადვოკატ გიორგი ხიმშიაშვილისათვის მიეწოდებინა, პენიტენციური სამსახურის თანამშრომლებმა მას ამის უფლება არ მისცეს.

ბრალდებულისთვის ადვოკატთან წერილობითი კომუნიკაციის შეზღუდვა გააპროტესტა მზია ამაღლობელის ადვოკატმა მაია მწარიაშვილმა.

მაია მწარიაშვილის თქმით, „მოსამართლე ვერ მიუთითებს ვერც ერთ ნორმას, რომლითაც ეს [ადვოკატისთვის წერილის გადაცემა] აკრძალულია“.

საბოლოოდ მოსამართლე ვიქტორ მეტრეველმა მზია ამაღლობელს უფლება მისცა, წერილი ადვოკატისათვის გადაეცა.

• რა ხდება?

ბათუმის პოლიციის უფროსზე სილის გაწვნის გამო, პოლიციელზე თავდასხმას ედავებიან მზია ამაღლობელს სისხლის სამართლის კოდექსის 353¹-ე მუხლით, რომელიც არის მძიმე კატეგორიის დანაშაული და ითვალისწინებს თავისუფლების აღკვეთას 4-დან 7 წლამდე.

უზენაესი სასამართლოს გადაწყვეტილებები ნათლად აჩვენებს, რომ პოლიციელისთვის სილის გაწვნა პოლიციელზე თავდასხმა არ არის.

„ნეტგაზეთისა“ და „ბათუმელების“ დამფუძნებელი მზია ამაღლობელი 11-12 იანვარს ღამით ორჯერ დააკავეს. პირველად საპროტესტო შინაარსის პლაკატის გაკვრის გამო, რომელზეც ეწერა – „იფიცება საქართველო“, მეორედ – ბათუმის პოლიციის უფროს ირაკლი დგებუაძისთვის სილის გაწვნის გამო, პოლიციელზე თავდასხმის ბრალდებით. ინციდენტს წინ უძღოდა დაპირისპირება და ჭყლეტა მონაწილეებსა და პოლიციას შორის, რაც პოლიციის მხრიდან პროვოკაციულ ქმედებებს მოჰყვა.

2025 წლის 14 იანვარს ბათუმის საქალაქო სასამართლომ მზია ამაღლობელს აღკვეთის ღონისძიების სახით პატიმრობა შეუფარდა. გადაწყვეტილება მოსამართლე ნინო სახელაშვილმა მიიღო.

მზია ამაღლობელის პატიმრობის საფუძველი გაყალბებული ოქმი გახდა – ადმინისტრაციული დაკავების ოქმის მიხედვით, მზია ამაღლობელი პოლიციელების სიტყვიერი შეურაცხყოფის გამო დააკავეს [ასკ-ის 173-ე მუხლი]. სინამდვილეში კი, დაკავების დროს გადაღებულ და გავრცელებულ ვიდეო კადრში არა მხოლოდ ჩანს, თუ როგორ აკავებს მას „სტიკერის“ გაკვრის გამო აჭარის პოლიციის დეპარტამენტის უფროსი გრიგოლ ბესელია, არამედ ისმის კიდევაც ბათუმის პოლიციის უფროსის, ირაკლი დგებუაძის ხმა, რომ მზია ამაღლობელს სტიკერის გაკვრისთვის აკავებენ 150-ე მუხლით.

გარდა იმისა, რომ სტიკერის გაკვრა ადმინისტრაციულ შენობაზე არ წარმოადგენს სამართალდარღვევას ადმინისტრაციულ სამართალდარღვევათა კოდექსით, ასევე, არ არსებობს ამავე კოდექსის 150-ე მუხლით პირის დაკავების უფლება. ამდენად, გრიგოლ ბესელიამ მზია ამაღლობელი დააკავა უკანონოდ და იმ სამართალდარღვევის გამო, რომელიც მას არ ჩაუდენია.

მითითებული გაყალბებული ოქმის საფუძველზე პროკურორმა ვლადიმერ თურმანიძემ მოითხოვა მზია ამაღლობელის პატიმრობა სისხლის სამართლის საქმეზე. მოსამართლე ნინო სახელაშვილმა სწორედ ამ გაყალბებული ოქმის საფუძველზე მზია ამაღლობელს უკანონოდ შეუფარდა პატიმრობა.

13 თებერვალს მზია ამაღლობელის ადვოკატებმა სასამართლოს შუამდგომლობით მიმართეს და მისთვის აღკვეთის ღონისძიების სახით შეფარდებული პატიმრობის გაუქმება მოითხოვეს. თუმცა, 14 თებერვალს, ბათუმის საქალაქო სასამართლოს მოსამართლე ლევან ყოლბაიამ დაუშვებლად ცნო შუამდგომლობა მზია ამაღლობელისთვის აღკვეთის ღონისძიების შეცვლის თაობაზე. 19 თებერვალს, ქუთაისის სააპელაციო სასამართლოს მოსამართლე ვერა დოლიძემ მზია ამაღლობელის საჩივარი კვლავ დაუშვებლად მიიჩნია.

ნეტგაზეთი/ბათუმელების თანადამფუძნებელი და დირექტორი, მზია ამაღლობელი პატიმრობაში რჩება. გადაწყვეტილება ბათუმის საქალაქო სასამართლოს მოსამართლე ვიქტორ მეტრეველმა მიიღო.

განჩინებას სხდომათა დარბაზში ხმაური მოჰყვა: “პუტინის სასამართლო”, “მონებო”, “სირცხვილია, სირცხვილი” – სკანდირებდნენ ადგილზე შეკრებილი მოქალაქეები.

განხილვა დაახლოებით 9 საათს გაგრძელდა.

4 მარტს გამართულ წინასასამართლო სხდომაზე მეტრეველმა ამაღლობელისთვის აღკვეთოს ღონისძიების გადასინჯვის შესახებ იმსჯელა.

პროკურორებმა – შოთა ჩხაიძემ და თორნიკე გოგეშვილმა მისი პატიმრობაში დატოვება მოითხოვეს. მათი მსჯელობა შაბლონურ არგუმენტებს ეფუძნება იმის შესახებ, რომ საქმეში ახალი გარემოებები არ გამოკვეთილა, რაც, მათი შეფასებით, იმას ნიშნავს, რომ ძალაში უნდა დარჩეს ძველი გადაწყვეტილება.

ესტონეთის მიერ სანქცირებული თორნიკე გოგეშვილი და შოთა ჩხაიძე, რომელიც მოგვიანებით ჩაერთო ამაღლობელის საქმეში, ამტკიცებდნენ, რომ გათავისუფლების შემთხვევაში, მზია ამაღლობელი, შესაძლოა, მიიმალოს ან განმეორებით ჩაიდინოს სავარაუდო დანაშაული.

დაცვის მხარის პოზიცია იყო, რომ მზია ამაღლობელი დაუყოვნებლივ, დარბაზიდანვე უნდა გათავისუფლებულიყო.

“იმდენად უსამართლო და დაუსაბუთებელი იყო ბრალდების პოზიცია, ელემენტარული სამართლიანობის არსებობის პირობებში, იმ პირობებში თუ მიუკერძოებლობის ელემენტარული მოლოდინი არსებობდეს ამ ქვეყანაში და ამ სასამართლო დარბაზში, ბრალდების ეს პოზიცია არ უნდა იყოს გათვალისწინებული და სასამართლომ დაუყოვნებლივ უნდა გაათავისუფლოს უკანონო პატიმრობიდან [მზია ამაღლობელი]”, – განაცხადა ადვოკატმა მაია მწარიაშვილმა.

აღკვეთის ღონისძიების გადასინჯვამდე მხარეებმა მტკიცებულებების დასაშვებობაზე იმსჯელეს.

პროკურორმა თორნიკე გოგეშვილმა მოითხოვა, რომ საქმეს დაერთოს მზია ამაღლობელის ტელეფონიდან ამოღებულ ინფორმაცია. კონკრეტულად, მან თქვა, რომ არსებობს ვინმე ვლადიმერ ჩიტაიას 15 თებერვლით დათარიღებული პატაკი, სადაც წერია, რომ მის ხელთ არსებული ინფორმაციით, “მზია ამაღლობელის მიერ პოლიციელზე თავდასხმა წინასწარ იყო დაგეგმილი, რასთან დაკავშირებითაც თავდასხმამდე მზია ამაღლობელი მობილური ტელეფონის აპლიკაციით ესაუბრებოდა ამ ეტაპზე დაუდგენელ პირებს, რომლებთანაც ჰქონდა მიმოწერა და იღებდა ინსტრუქციებს”. სწორედ ამ პატაკის საფუძველზე ითხოვდა პროკურატურა მზია ამაღლობელის პირად მონაცემებს. ამაღლობელის ადვოკატის, მაია მწარიაშვილის შეფასებით, “გამოძიებას უნდა, რომ ქექოს მზიას პირადი და პროფესიული ცხოვრება”.

მოსამართლემ პროკურატურის მიერ წარდგენილი ეს პატაკი სადავო მტკიცებულად ცნო, მაგრამ დაუშვებლად ცნო დაცვის მხარის მტკიცებულებების დიდი ნაწილი. მათ შორის 20-მდე მოწმის გამოკითხვა. მათ შორის არიან მზია ამაღლობელის კოლეგები – “ბათუმელების” თანამშრომლები, რომლებიც უშუალოდ იმყოფებოდნენ აქციაზე 11-12 იანვრის ღამეს აჭარის პოლიციის დეპარტამენტის შენობასთან – იქ, სადაც მზია ამაღლობელი დააკავეს.

მოსამართლე ვიქტორ მეტრეველმა დაუშვებლად ცნო დაცვის მხარის სხვა მტკიცებულებებიც. მათ შორის ვიდეოკადრები და მტკიცებულებები ადმინისტრაციული დაკავების შესახებ.

“ძალიან მაინტერესებს, რაც დაწერეთ თქვენ განჩინებაში. სასამართლომ რატომ თქვა უარი შეხედოს ამ კადრებს. ანუ, რატომ თქვა უარი სასამართლომ მხედველობაზე, სმენაზე. სასამართლომ თქვა – არც მინდა დავინახო და არც მინდა გავიგო. მე არ გამიკვირდა, რომ ბრალდებამ იშუამდგომლა – ბრალდება მხარეა და იცის, სადაც უჭირს. მაგრამ სასამართლომ თქვას, რომ არც მინდა ვნახო, არც მინდა წავიკითხო და არც მინდა მოვისმინო დაცვის შუამდგომლობები, ასეთი რამ ჩემს პრაქტიკაში არ ყოფილა. მიუხედავად იმისა, რომ ხანგრძლივი პროფესიული სტაჟი მაქვს. მათ შორის, სამოსამართლეო და საპროკურორო. ხშირად მრცხვენია, რომ ოდესმე მოსამართლე ან პროკურორი ვიყავი ამ ქვეყანაში”, – ასე მიმართა ამაღლობელის ადვოკატმა, მაია მწარიაშვილმა მოსამართლეს.

მოკლე რეპლიკით შემოიფარგლა თავად მზია ამაღლობელი. სხდომის დასაწყისში, მოსამართლის კითხვაზე, ცნობს თუ არა თავს დამნაშავედ წარდგენილ ბრალდებაში, ამაღლობელმა უპასუხა, რომ თავი უკანონო პატიმრად მიაჩნია.

“არ ვეთანხმები ბრალს. უკანონო პატიმრად მივიჩნევ თავს. საბედნიეროდ, ჩვენს სამშობლოში დიქტატურამ საბოლოოდ ფეხი ვერ მოიკიდა. ამიტომ, მჯერა, მეც და სინდისის პატიმრებიც შევძლებთ ჩვენი უდანაშაულობის დამტკიცებას”, – განაცხადა მზია ამაღლობელმა.

მზია ამაღლობელი “ნეტგაზეთისა” და “ბათუმელების” თანადამფუძნებელი და დირექტორია. 18 თებერვალს, 38-დღიანი შიმშილობის შემდეგ მან საკების მიღების გადაწყვეტლება მიიღო.ამაღლობელი ერთ ღამეში 2-ჯერ დააკავეს. ჯერ 11 იანვარს, ადმინისტრაციული წესით, საპროტესტო შინაარსის პლაკატის გაკვრის გამო, რომელზეც ეწერა “იფიცება საქართველო”, მეორედ, უკვე 12 იანვარს, ბათუმის პოლიციის უფროს ირაკლი დგებუაძისთვის სილის გაწვნის გამო.მზია ამაღლობელმა გამოძიებას მისცა ჩვენება, რომ დაკავების შემდეგ, ირაკლი დგებუაძემ პოლიციის შენობაში მიაყენა სიტყვიერი შეურაცხყოფა, ასევე რამდენჯერმე სცადა ფიზიკურად გასწორებოდა მას, თუმცა პოლიციის სხვა თანამშრომლებმა ხელი შეუშალეს. გარდა ამისა, მან სახეში შეაფურთხა მზია ამაღლობელს და გარკვეული დროის განმავლობაში არ აძლევდა წყლის დალევისა და საპირფარეშოთი სარგებლობის უფლებას.ამ ყველაფრის შესახებ სპეციალური საგამოძიებო სამსახური მეორე დღესვე იყო ინფორმირებული. თუმცა, გამოძიების დაწყების შესახებ უწყებამ მხოლოდ 22 იანვარს განაცხადა. უწყებამ გამოძიება სამსახურებრივი უფლებამოსილების გადამეტების მუხლით დაიწყო და არა არაადამიანური და დამამცირებელი მოპყრობის’ მუხლით, რასაც მზია ამაღლობელი აღწერს და რაც მძიმე კატეგორიის დანაშაულია, შესაბამისად, მძიმე სასჯელით.პროკურატურამ მას ბრალი სისხლის სამართლის კოდექსის 353-ე პრიმა მუხლის 1-ლი ნაწილით წარიდგინა, რაც პოლიციელზე თავდასხმას გულისხმობს. ამ მუხლით გათვალისწინებული დანაშაული 4-დან 7 წლამდე პატიმრობას ითვალისწინებს.

14 იანვარს, ბათუმის საქალაქო სასამართლოს მოსამართლე ნინო სახელაშვილმა მზია ამაღლობელს პატიმრობა შეუფარდა. ეს გადაწყვეტილება ამაღლობელის ადვოკატებმა ქუთაისის სააპელაციო სასამართლოში გაასაჩივრეს. თუმცა ქუთაისის სააპელაციო სასამართლომ საჩივარი არც კი განიხილა. ეს გადაწყვეტილება მოსამართლე მალხაზ ოქროპირაშვილმა მიიღო.

13 თებერვალს ამაღლობელის იურისტებმა, საქმეში ახალი გარემობებების გამოვლენის მოტივით, ბათუმის საქალაქო სასამართლოს პატიმრობის გაუქმების შუამდგომლობით მიმართეს. 14 თებერვალს, მოსამართლე ლევან ყოლბაიამ შუამდგომლობა დაუშვებლად ცნო. 16 თებერვალს ყოლბაიას გადაწყვეტილება სააპელაციოში გასაჩივრდა. თუმცა, ქუთაისის სააპელაციო სასამართლომ ამაღლობელის საქმეზე სარჩელი უკვე მეორედ ცნო დაუშვებლად. ამჯერად, გადაწყვეტილება მოსამართლე ვერა დოლიძემ მიიღო.

არაერთი იურისტისა და უფლებადამცველის შეფასებით, მზიას ამაღლობელის ქმედება შეუსაბამოა მისთვის წარდგენილ ბრალთან. სპეციალისტები განმარტავენ, რომ მისი ქმედება ბევრად უფრო მსუბუქია, ვიდრე პროკურატურა ედავება. ბევრი მათგანი თვლის, რომ ეს საერთოდ არ არის დანაშაული და მხოლოდ ადმინისტრაციულ სამართალდარღვევად უნდა ჩაითვალოს. იურისტები დაუსაბუთებლად მიიჩნევენ აღკვეთოს ღონისძიების სახით მზია ამაღლობელის დაპატიმრებასაც.

დღეს, 4 მარტს, ბათუმის საქალაქო სასამართლოში მზია ამაღლობელის წინასასამართლო სხდომას ევროპის სხვადასხვა ქვეყნის დიპლომატები ესწრებიან.

სასამართლო სხდომას ესწრება საფრანგეთის ელჩი საქართველოში შერაზ გასრი.

ასევე, სასამართლო სხდომას ესწრება საქართველოში გერმანიის ელჩის, პეტერ ფიშერის მოადგილე და ევროპის სხვადასხვა ქვეყნის საელჩოების წარმომადგენლები.

დღეს წინასასამართლო სხდომაზე მოსამართლე ვიქტორ მეტრეველმა უნდა გადაწყვიტოს მხარეების მიერ წარმოდგენილი მტკიცებულებების დასაშვებობის საკითხი და ასევე, ეს საქმე არსებითად უნდა განიხილოს თუ არა სასამართლომ.

ამ სხდომაზე მოსამართლე ასევე განიხილავს მზია ამაღლობელისთვის აღკვეთი ღონისძიების გამოყენების, შეცვლის ან გაუქმების შესახებ შუამდგომლობას.

მზია ამაღლობელი უკანონო პატიმრობაშია. იგი პროტესტის ნიშნად 38 დღე შიმშილობდა. მზია ამაღლობელი პირველი ქალი პოლიტიკური პატიმარია საქართველოში საბჭოთა კავშირის დაშლის შემდეგ.

• რა ხდება?

ბათუმის პოლიციის უფროსზე სილის გაწვნის გამო, პოლიციელზე თავდასხმას ედავებიან მზია ამაღლობელს სისხლის სამართლის კოდექსის 353¹-ე მუხლით, რომელიც არის მძიმე კატეგორიის დანაშაული და ითვალისწინებს თავისუფლების აღკვეთას 4-დან 7 წლამდე.

უზენაესი სასამართლოს გადაწყვეტილებები ნათლად აჩვენებს, რომ პოლიციელისთვის სილის გაწვნა პოლიციელზე თავდასხმა არ არის.

„ნეტგაზეთისა“ და „ბათუმელების“ დამფუძნებელი მზია ამაღლობელი 11-12 იანვარს ღამით ორჯერ დააკავეს. პირველად საპროტესტო შინაარსის პლაკატის გაკვრის გამო, რომელზეც ეწერა – „იფიცება საქართველო“, მეორედ – ბათუმის პოლიციის უფროს ირაკლი დგებუაძისთვის სილის გაწვნის გამო, პოლიციელზე თავდასხმის ბრალდებით. ინციდენტს წინ უძღოდა დაპირისპირება და ჭყლეტა მონაწილეებსა და პოლიციას შორის, რაც პოლიციის მხრიდან პროვოკაციულ ქმედებებს მოჰყვა.

2025 წლის 14 იანვარს ბათუმის საქალაქო სასამართლომ მზია ამაღლობელს აღკვეთის ღონისძიების სახით პატიმრობა შეუფარდა. გადაწყვეტილება მოსამართლე ნინო სახელაშვილმა მიიღო.

მზია ამაღლობელის პატიმრობის საფუძველი გაყალბებული ოქმი გახდა – ადმინისტრაციული დაკავების ოქმის მიხედვით, მზია ამაღლობელი პოლიციელების სიტყვიერი შეურაცხყოფის გამო დააკავეს [ასკ-ის 173-ე მუხლი]. სინამდვილეში კი, დაკავების დროს გადაღებულ და გავრცელებულ ვიდეო კადრში არა მხოლოდ ჩანს, თუ როგორ აკავებს მას „სტიკერის“ გაკვრის გამო აჭარის პოლიციის დეპარტამენტის უფროსი გრიგოლ ბესელია, არამედ ისმის კიდევაც ბათუმის პოლიციის უფროსის, ირაკლი დგებუაძის ხმა, რომ მზია ამაღლობელს სტიკერის გაკვრისთვის აკავებენ 150-ე მუხლით.

გარდა იმისა, რომ სტიკერის გაკვრა ადმინისტრაციულ შენობაზე არ წარმოადგენს სამართალდარღვევას ადმინისტრაციულ სამართალდარღვევათა კოდექსით, ასევე, არ არსებობს ამავე კოდექსის 150-ე მუხლით პირის დაკავების უფლება. ამდენად, გრიგოლ ბესელიამ მზია ამაღლობელი დააკავა უკანონოდ და იმ სამართალდარღვევის გამო, რომელიც მას არ ჩაუდენია.

მითითებული გაყალბებული ოქმის საფუძველზე პროკურორმა ვლადიმერ თურმანიძემ მოითხოვა მზია ამაღლობელის პატიმრობა სისხლის სამართლის საქმეზე. მოსამართლე ნინო სახელაშვილმა სწორედ ამ გაყალბებული ოქმის საფუძველზე მზია ამაღლობელს უკანონოდ შეუფარდა პატიმრობა.

13 თებერვალს მზია ამაღლობელის ადვოკატებმა სასამართლოს შუამდგომლობით მიმართეს და მისთვის აღკვეთის ღონისძიების სახით შეფარდებული პატიმრობის გაუქმება მოითხოვეს. თუმცა, 14 თებერვალს, ბათუმის საქალაქო სასამართლოს მოსამართლე ლევან ყოლბაიამ დაუშვებლად ცნო შუამდგომლობა მზია ამაღლობელისთვის აღკვეთის ღონისძიების შეცვლის თაობაზე. 19 თებერვალს, ქუთაისის სააპელაციო სასამართლოს მოსამართლე ვერა დოლიძემ მზია ამაღლობელის საჩივარი კვლავ დაუშვებლად მიიჩნია.

დღეს, 3 მარტს, ლიეტუვამ, ლატვიამ და ესტონეთმა საქართველოს ათობით მოქალაქე დაასანქცირეს. მათ შორის ყველაზე მეტი – 74 საქართველოს მოქალაქე ლიეტუვამ დაასანქცირა.

ლიეტუვის საგარეო საქმეთა სამინისტროს განცხადებით, სანქციები შეეხოთ იმ პოლიციელებსაც, რომლებიც „ბათუმელებისა“ და „ნეტგაზეთის“ დამფუძნებლისა და დირექტორის, მზია ამაღლობელის წინააღმდეგ საქმეში ფიგურირებენ.

„შავ სიაში ახლად შეყვანილი თანამდებობის პირები არიან საქართველოს საკონსტიტუციო სასამართლოს შვიდი მოსამართლე, ასევე, დიდი რაოდენობით ქართველი მოსამართლეები, პროკურორები და პოლიციელები, მათ შორის ისინი, ვინც ცრუ ჩვენება მისცეს ჟურნალისტ მზია ამაღლობელის წინააღმდეგ და ხელი შეუწყვეს მის უკანონო დაკავებას.

ამაღლობელი 38 დღე შიმშილობდა ხელისუფლების უკანონო ქმედებების წინააღმდეგ პროტესტის ნიშნად და მის სიცოცხლეს საფრთხე ემუქრებოდა“, – ნათქვამია ლიეტუვის საგარეო საქმეთა სამინისტროს განცხადებაში.

მათივე განცხადებით, ლიეტუვა, ლატვია და ესტონეთი მტკიცე მხარდაჭერას უცხადებენ ქართველ ხალხს, რომელიც თითქმის 100 დღეა აპროტესტებს მმართველი პარტიის, „ქართული ოცნების“, სისტემურ ქმედებებს, რომელიც უხეშად არღვევს ქვეყნის კონსტიტუციას, სამოქალაქო და პოლიტიკურ უფლებებს და საერთაშორისო ვალდებულებებს.

ამასთან,  დღეს ესტონეთმაც დაასანქცირა მზია ამაღლობელის საქმის პროკურორები: ვლადიმერ თურმანიძე და თორნიკე გოგეშვილი; ბათუმის პოლიციის უფროსი, საქმეში „დაზარალებულად“ ცნობილი ირაკლი დგებუაძე, მოსამართლეები: ნინო სახელაშვილი და ვერა დოლიძე. ასევე, დასანქცირებულნი არიან: აჭარის პოლიციის უფროსი გრიგოლ ბესელია, მისი მოადგილე – დავით ათაბეგაშვილი და ბათუმის პოლიციის უფროსის მოადგილე გოჩა ვანაძე.

1921 წლის შემდეგ, როცა რუსეთმა საქართველოს ოკუპაცია მოახდინა, უზენაესი სასამართლოს ზედიზედ 5 თავმჯდომარე გახდა ბოლშევიკური რეპრესიების მსხვერპლი.

საქართველოს დამოუკიდებლობის დაკარგვიდან სტალინური რეპრესიების ჩათვლით პერიოდში საქართველოში უზენაესი სასამართლოების თავმჯდომარეების კარიერა, ძირითადად, დახვრეტით სრულდებოდა.

ამ 5 მოსამართლის შესახებ საკმაოდ მწირი მონაცემები საქართველოს უზენაესი სასამართლოს ვებგვერდზეც იძებნება:

• დავით ხელთუფლიშვილი – 1921 წელს უზენაესი სასამართლოს თავმჯდომარე იყო, როცა საქართველომ დამოუკიდებლობა დაკარგა. „დავით ხელთუფლიშვილი ბოლშევიკური რეჟიმის მსხვერპლი გახდა და იგი 1921 წელს დახვრიტეს. მისი ბიოგრაფიული მონაცემები, სამწუხაროდ, ვერ იქნა მოპოვებული,“ – აღნიშნულია უზენაესი სასამართლოს ოფიციალურ გვერდზე გამოქვეყნებულ მონაცემებში.

ინფორმაციის განახლება: სტატიის გამოქვეყნების შემდეგ „ბათუმელებს“ ისტორიკოსი, საბჭოთა წარსულის მკვლევარი ირაკლი ირემაძე დაუკავშირდა და უთხრა, რომ დავით ხელთუფლიშვილი არ დაუხვრეტიათ. ირაკლი ირემაძის თქმით, უზენაეს სასამართლოს ინტერნეტგვერდზე მცდარი ინფორმაცია აქვს გამოქვეყნებული და ამის შესახებ იგი სასამართლოს 2018 წელს დაუკავშირდა. ირაკლი ირემაძეს უზენაესი სასამართლო ინფორმაციის ჩასწორებას დაჰპირდა, თუმცა უშედეგოდ.

„საქართველოს დემოკრატიული რესპუბლიკის უმაღლესი სასამართლოს – სენატის თავმჯდომარე დავით ხელთუფლიშვილი 1921 წლის თებერვლის დასაწყისში გარდაიცვალა. სრულიად უსაფუძვლოდ შემდგომში გაჩნდა ცნობა, რომ ეს პიროვნება დახვრიტეს კომუნისტებმა. თუმცა აქ აშკარად ისტორიის გაყალბებაა. ცნობილი იურისტი რესპუბლიკის პირობებში გარდაიცვალა, მის სამოქალაქო პანაშვიდს კი ასობით ადამიანი დაესწრო, მათ შორის მთელი მთავრობა და დამფუძნებელი კრება. ხელთუფლიშვილი დიდუბის პანთეონში დაიკრძალა საბჭოთა ოკუპაციის დაწყებამდე რამდენიმე დღით ადრე,“ – მოგვწერა ირაკლი ირემაძემ.

• გალაქტიონ ვაშაძე – ბოლშევიკური რეჟიმის რეპრესიების მსხვერპლი გახდა უზენაესი სასამართლოს შემდეგი თავმჯდომარეც. ის გასაბჭოების შემდეგ, 1921 წელს გამხდარა უზენაესი სასამართლოს თავმჯდომარე. პარლამენტის ეროვნული ბიბლიოთეკის მონაცემებით, იგი 1937 წელს დააპატიმრეს და დახვრიტეს. მას ბრალად ედებოდა კონტრრევოლუციური ტროცკისტული ორგანიზაციის წევრობა.
• კონსტანტინე ცინცაძე – 1924-1926 წლებში იყო უზენაესი სასამართლოს თავმჯდომარე. „1927 წელს გახდა ბოლშევიკურ-ტოტალიტარული რეჟიმის მსხვერპლი – გადაასახლეს ჯერ ბახჩისარაიში, შემდეგ – იალტაში, სადაც 1931 წელს გარდაიცვალა,“ – ვკითხულობთ უზენაესი სასამართლოს ვებგვერდზე.
• ალექსანდრე კაჭარავა – ისიც ბოლშევიკური რეჟიმის მსხვერპლი გახდა. ალექსანდრე კაჭარავა 1926-1928 წლებში იყო უზენაესი სასამართლოს თავმჯდომარე. „დაიღუპა 1937 წელს ბოლშევიკურ-ტოტალიტარული რეჟიმის რეპრესიების შედეგად,“ – ვკითხულობთ უზენაესი სასამართლოს ვებგვერდზე.
• ივანე ბოლქვაძე – 1931-1937 წლებში იყო უზენაესი სასამართლოს თავმჯდომარე, დაიღუპა 1938 წელს, ისიც ბოლშევიკურ-ტოტალიტარული რეჟიმის რეპრესიების შედეგად. ივანე ბოლქვაძე 1937 წლის 10 ივნისს დააპატიმრეს და დახვრიტეს 1938 წელს.

ამ პერიოდის უზენაესი სასამართლოს თავმჯდომარეებს შორის რეპრესირებული მხოლოდ ილარიონ ტალახაძე არ ყოფილა. ის უზენაესი სასამართლოს თავმჯდომარე იყო 1928-1931 წლებში.

„დიდი სამამულო ომის წლებში მუშაობდა რესპუბლიკის პროკურორად, უნდა აღინიშნოს, რომ მისი მუშაობა საქართველოში სხვადასხვა პასუხსაგებ თანამდებობაზე შეფასებულია უარყოფითად,“ – აღნიშნულია უზენაესი სასამართლოს ვებგვერდზე. სხვადასხვა წყაროს მონაცემებით კი, ილარიონ ტალახაძე ჯერ აქტიურად იბრძოდა 1924 წელს საბჭოთა რეჟიმის წინააღმდეგ მიმართული აჯანყების ჩასახშობად, 1937 წელს კი იგი იყო „დიდი წმენდის“ ერთი მთავარი მონაწილე.

1938 წლის შემდეგ რეპრესიების სერია უზენაეს სასამართლოში სრულდება – ქვეყანა და მართლმსაჯულებაც უკვე სრულად რუსეთის პოლიტიკურ დაკვეთას ემსახურება. მოსამართლეებიც მშვიდად არიან. წლების შემდეგ უკვე უზენაესი სასამართლოს თავმჯდომარეებს წლობით აღარ ცვლიან, მაგალითად, 1972 წლიდან 18 წლის განმავლობაში ხელმძღვანელობდა საქართველოს რესპუბლიკის უზენაეს სასამართლოს აკაკი კარანაძე.

ამ თემაზე:

1921 წლის ოკუპაცია – არის მსგავსება ასი წლის წინანდელ მოვლენებსა და დღევანდელობას შორის?

See more

ესტონეთმა საქართველოს 55 მოქალაქეს, რომელთა შორის არიან პროკურორები, მოსამართლეები, პოლიციელები და პარლამენტის წევრები, ესტონეთში შესვლა აუკრძალა. საუბარია სავიზო სანქციებზე.

ესტონეთის მიერ დასაქცირებულნი არიან „ბათუმელებისა“ და „ნეტგაზეთის“  დამფუძნებლისა და დირექტორის, მზია ამაღლობელის საქმის პროკურორები: ვლადიმერ თურმანიძე და თორნიკე გოგეშვილი; ბათუმის პოლიციის უფროსი, საქმეში „დაზარალებულად“ ცნობილი ირაკლი დგებუაძე, მოსამართლეები: ნინო სახელაშვილი და ვერა დოლიძე.

ასევე, დასანქცირებულნი არიან:

აჭარის პოლიციის უფროსი გრიგოლ ბესელია, მისი მოადგილე – დავით ათაბეგაშვილი და ბათუმის პოლიციის უფროსის მოადგილე გოჩა ვანაძე.

საერთო ჯამში, ესტონეთმა დაასანქცირა:

ირაკლი ხუსკივაძე, თამარ მჭედლიშვილი, ლელა მარიდაშვილი, ლევან ყოლბაია, დავით მგელიაშვილი, ნანა შამათავა, თეონა ეპიტაშვილი, არსენ კალატოზიშვილი, ლელა კალიჩენკო, დავით კურტანიძე, ირმა ტოგონიძე, გულიკო კაჟაშვილი, ქეთევან ჯაჭვაძე, ნინო თათარაშვილი, გიორგი გელაშვილი, ნათია გუდაძე, ნატო ხუჯაძე, ზვიად შარაძე, ირაკლი დგებუაძე, ეკა ბარბაქაძე, ვაჟა თოდუა, შმაგი გობეჯიშვილი, ზვიად გუბელაძე, ანა მეტრეველი, გიორგი მუკბანიანი, როინ ხინთიბიძე, თამარ იაკობიძე, ვლადიმერ თურმანიძე, ნუგზარ ჩიტაძე, თორნიკე გოგეშვილი, პაატა ცეცხლაძე, ზაზა მეტონიძე, ნინო სახელაშვილი, მალხაზ ოქროპირაშვილი, ვერა დოლიძე, გიორგი გიორგი ჩარექაშვილი, თორნიკე მენაბდე, სულხან კიკნაძე, რევაზ წურწუმია, ზვიად მარგველიანი, ზურაბ ჭარიბაშვილი, დავით მარუაშვილი, ოთარ გელაშვილი, ნოდარი ზენაიშვილი, ბერდია ფერაძე, გრიგოლ ბესელია, დავით ათაბეგაშვილი, გოჩა ვანაძე.

საქართველოს პარლამენტის წევრები: ლაშა ტალახაძე, ირაკლი ზარქუა, ვიქტორ სანიკიძე, გელა სამხარაული, ბექა ოდიშარია.

მედიაპლატფორმასთან და პოლიტიკურ მოძრაობა Alt-Info-სთან ასოცირებული პირები: კონსტანტინე მორგოშია, ზურაბ მახარაძე.

ინფორმაცია საქართველოს 55 მოქალაქის სანქცირების შესახებ ესტონეთის საგარეო საქმეთა სამინისტროს ვებგვერდზე დღეს, 3 მარტს გამოქვეყნდა.

დღეს, 3 მარტს, ასევე ცნობილი გახდა, რომ ლიეტუვამ და ლატვიამ საქართველოს ათობით მოქალაქე დაასანქცირა. ამ ქვეყნების მიერ დასანქცირებულთა სია ჯერ ცნობილი არ არის.

ყველაზე მეტი – 74 საქართველოს მოქალაქე ლიეტუვამ დაასანქცირა, შემდეგ მოდის ესტონეთი – 55 დასანქცირებულით და ლატვია – 16 დასანქცირებულით.

2025 წლის 12 იანვარს, 00:50 საათზე, ბათუმში, პოლიციის შენობის წინ, აქციაზე, ლურჯქურთუკიანი ქალი დააკავეს.

ვიდეოკადრი, რომელიც მის დაკავებას უძღოდა წინ, მთელმა ქვეყანამ ნახა – ქალი სილას აწნის სამართალდამცავებით გარშემორტყმულ ბათუმის პოლიციის უფროსს. ის მიჰყავთ და ისმის პოლიციის უფროსის უშვერი გინება და მუქარა: „სისხლით დავიჭერ, სისხლით!“

მერე პოლიციის ეზოს რკინის ჭიშკარი მძიმედ იხურება და ლურჯქურთუკიანი ქალი ეზოს სიღრმეში უჩინარდება. სამი საათის შემდეგ შევიტყობთ, რომ გაწნული სილის პასუხი სისხლის სამართლის მუხლია და ქალს 4-დან 7 წლამდე პატიმრობა ემუქრება.

2025 წლის 12 იანვარს, 00:50 საათზე, ბათუმში დააკავეს მზია ამაღლობელი, ქალი, რომელმაც 24 წლის წინ ბათუმში დააარსა თავისუფალი გაზეთი „ბათუმელები“. დააარსა იმ რწმენით, რომ მხოლოდ თავისუფალ მედიას შეუძლია იყოს ადამიანების ხმა უსამართლობის წინააღმდეგ.

• მზია და „ბათუმელების“ დაბადება

ბათუმი, 2001 წლის 26 მაისი, ჟორდანიას ქუჩა. პატარა ოთახში დიდი ჩოჩქოლია. ხელიდან ხელში გადადის 8-გვერდიანი გაზეთი, რომელსაც აწერია „ბათუმელები“ და პირველ გვერდზე მსხვილი შრიფტით წერია: „26 მაისი საქართველოს დამოუკიდებლობის აღდგენის დღეა. გილოცავთ!“ და იქვე სარედაქციო წერილი იწყება სიტყვებით – „გამარჯობა, მკითხველო!“

ასე დაიბადა „ბათუმელები“, გაზეთი, რომელიც მეგობრებმა, მზია ამაღლობელმა და ეთერ თურაძემ დააარსეს მაშინ, როცა აჭარას ასლან აბაშიძე მართავდა და მთელ რეგიონს მისი კლანი აკონტროლებდა.

მზია მაშინ 26 წლის იყო. ძალიან გამხდარი, აჭარის მთებში გაზრდილი გოგო, გრძელი თმით, რომელსაც მუშაობის დროს უკან იკრავდა და გადამდები, ემოციური საუბრის მანერით. მზიას ჟურნალისტობა უნდოდა, ყველაფერი აინტერესებდა, ბევრს წერდა, არ ეშინოდა „რთული თემების“ და არასდროს იხევდა უკან.

„თავიდან ვერავინ ხვდებოდა, რას ვაკეთებდით, რა გვინდოდა. დაანებეთ ამ ამბავს თავი და რამე სერიოზულ საქმეს მოკიდეთ ხელიო, – გვეუბნებოდნენ. ორი ოთახის დაქირავება მოვახერხეთ რედაქციისთვის, ერთი ძველი კომპიუტერი გვქონდა და რიგრიგობით ვსხდებოდით სამუშაოდ.

გაზეთის აწყობის შემდეგ ვხსნიდით პროცესორს და ხელით მიგვქონდა სტამბაში, მაშინდელ გორკის ქუჩაზე“, – იხსენებს ახლა, 24 წლის შემდეგ ეთერ თურაძე, გამოცემა „ბათუმელების“ მთავარი რედაქტორი.

2001 წელს საქართველოში ბევრი ჟურნალ-გაზეთი იბეჭდებოდა და ამ ფონზე გამორჩევა ძნელი იყო, განსაკუთრებით რეგიონული მედიისთვის, მაგრამ „ბათუმელებს“ ჰქონდა „ხასიათი“, არ ერიდებოდა კრიტიკას, მწვავე თემებს, შეკითხვების დასმას და ავტორიტეტებს, ამიტომ „ბათუმელები“ მალე გახდა ცნობილი და მისი მკითხველების რაოდენობაც გაიზარდა.

მზია „ბათუმელებში“ წლების განმავლობაში მუშაობდა, როგორც ჟურნალისტი. ადამიანის უფლებები მისთვის ყველაზე მნიშვნელოვანი თემა იყო, შემდეგ კი, როცა „ბათუმელები“ განვითარდა და გაძლიერდა, მზია მედიამენეჯერი გახდა. აქ გადამწყვეტი მისი ხასიათი იყო – პასუხისმგებლობის აღების უნარი სარედაქციო საქმეებზე.

„ასე მოხდა უნებურად, თანდათან. თავიდან ერთად ვმუშაობდით, როგორც ჟურნალისტები. მე უფრო სწრაფად ვწერდი, მზია მეტ ხანს უნდებოდა და ამაზე სულ ვკამათობდით. სამაგიეროდ მას შეეძლო ეზრუნა სხვა დანარჩენზე, ეფიქრა, როგორ გაეზარდა გაზეთის ტირაჟი, როგორ ეპოვა საქმიანი პარტნიორები, ყოველთვის ჰქონდა სათადარიგო გეგმა და მონახაზი, რა როგორ უნდა გაკეთებულიყო. ასე, თანდათან გახდა მზია მედიამენეჯერი“, – ამბობს ეთერ თურაძე.

ჟურნალისტი ლელა დუმბაძე, რომელიც გაზეთის დაარსების დღიდან მუშაობს „ბათუმელებში“, მიიჩნევს, რომ ეს გამოცემა ქალაქის უახლესი ისტორიის ნაწილია და მეტიც – ამ ისტორიის ერთ-ერთი შემოქმედიც:

„სამოქალაქო საზოგადოება, დემოკრატია ამ ქალაქში იზრდებოდა „ბათუმელებთან“ ერთად.

ჩვენ ვზრდიდით ერთმანეთს. საზოგადოება მიხვდა, რომ თურმე შეიძლება ავტოკრატის და რეჟიმის ხმამაღალი კრიტიკა. ეს შეცვალა „ბათუმელებმა“ აჭარაში“ – ამბობს ლელა.

2010 წელს მზია ამაღლობელმა თანადამფუძნებლებთან ერთად დააარსა ონლაინგამოცემა „ნეტგაზეთი“ თბილისში – ეს იყო ის იშვიათი შემთხვევა, როცა რეგიონულმა გამოცემამ შეძლო, გავრცელებულიყო მთელს ქვეყანაში ისე, რომ არ შეეცვალა დამფუძნებელი, არ ყოფილიყო არც ერთი პოლიტიკური ჯგუფის გავლენის ქვეშ და დარჩენილიყო კრიტიკულ მედიად.

• 11-12 იანვრის ღამე – ორი დაკავება პოლიციის შენობასთან

2025 წლის 11 იანვარს, შაბათს, მზია ამაღლობელი რედაქციაში იყო, როცა ბათუმის პოლიციის დეპარტამენტის შენობასთან აქციის მონაწილეების დაკავების შესახებ შეიტყო. მზია იურისტებს გაჰყვა, რათა ადგილზე, საკუთარი თვალით ენახა, რა ხდებოდა.

ბათუმში იმ ღამეს პოლიციის შენობასთან მიმდინარე საპროტესტო აქციაზე მოქალაქეებს ერთიმეორეს მიყოლებით აკავებდნენ, ზოგს ასფალტზე სტიკერის გაკვრისთვის – „იფიცება საქართველო“, ზოგს – უბრალოდ შეკითხვისთვის – „რატომ დააკავეთ აქციის მონაწილე“.

პროტესტის ნიშნად მზია ამაღლობელმა პოლიციის დამხმარე შენობის კედელზე სტიკერი გააკრა, რომელიც იმ წამსვე მოაძრო პოლიციელმა, მაგრამ მზია ამაღლობელი მაინც დააკავეს.

მზიას დაკავება გადაიღო მისმა დაარსებულმა გამოცემამ, „ბათუმელებმა“, რომელიც აქციას აშუქებდა.

„მზია ამაღლობელი დააკავეს, „ბათუმელების“ მენეჯერი დააკავეს ამ წუთას“, – ისმის „ბათუმელების“ პირდაპირი ჩართვის ჩანაწერში.

დაკავებიდან ორ საათში მზია ამაღლობელი გაათავისუფლეს, თუმცა მალევე, მაშინ, როცა საპროტესტო აქცია ფაქტობრივად იშლებოდა, პოლიციელების ჯგუფი უეცრად წინ გამოიჭრა და ჭყლეტასა და დაპირისპირებაში დააკავეს მზიასთან მოსული ახლობლები, ძმები ლაშა და გიგა გაბაიძეები.

ვიდეოკადრებში ჩანს, რომ დაკავებამდე მზია ამაღლობელი ჭყლეტაში წაიქცა, მას ფეხსაცმელი გასძვრა. დაპირისპირება აქციის მონაწილეებსა და პოლიციას შორის გრძელდებოდა – „რატომ დააკავეთ ეს ადამიანები? რატომ დააკავეთ? რას აშავებდნენ?“ – ისმის ვიდეოჩანაწერში სხვადასხვა ადამიანის ხმა.

12 იანვრის 00:50 საათზე მზია ამაღლობელი მეორედ დააკავეს ბათუმის პოლიციის უფროსზე, ირაკლი დგებუაძეზე, სილის გაწვნისთვის.

სასამართლო სხდომა, რომელზეც უნდა გადაწყვეტილიყო, მზია ამაღლობელს პატიმრობაში დატოვებდნენ თუ გაათავისუფლებდნენ, 2025 წლის 14 იანვარს გაიმართა.

დღის 11 საათზე ბათუმის საქალაქო სასამართლოში, ხალხით გადაჭედილ დარბაზში ბადრაგმა მზია ამაღლობელი შემოიყვანა.

სასამართლო დარბაზში მზიამ ორიოდე წამით ხელი ასწია და დარბაზს ფილიპინელი ჟურნალისტის, ნობელის პრემიის ლაურეატის, მარია რესას წიგნი აჩვენა – „როგორ დავამარცხოთ დიქტატორი“. წიგნი იმაზე, თუ რა ძლიერი ინსტრუმენტია თავისუფალი მედია დიქტატურის და დეზინფორმაციის წინააღმდეგ.

ეს არის მზია ამაღლობელის ყველაზე ცნობილი ფოტო, რომელიც იმავე დღეს სოციალურ ქსელებში გავრცელდა და გააზიარა თავად წიგნის ავტორმა მარია რესამაც.

ბათუმის საქალაქო სასამართლოს მოსამართლემ, ნინო სახელაშვილმა, 14 იანვარს გადაწყვიტა, რომ მზია ამაღლობელი ბათუმის პოლიციის უფროსისთვის მარცხენა ხელით სილის გარტყმისთვის უნდა დაეტოვებინა წინასწარ პატიმრობაში. მას ბრალი წაუყენეს საქართველოს სისხლის სამართლის კოდექსის 353-ე პრიმა მუხლის პირველი ნაწილით – „პოლიციელზე თავდასხმა“, რაც ისჯება ოთხიდან შვიდ წლამდე თავისუფლების აღკვეთით.

იურისტების შეფასებით, მზია ამაღლობელისთვის წაყენებული „პოლიციელზე თავდასხმის“ ბრალდება აბსურდია, რადგან სილის გაწვნა, რომელსაც ფიზიკური და მატერიალური ზიანი არ მოჰყოლია, არ შეიძლება ჩაითვალოს სისხლის სამართლის დანაშაულად და უკანონოა მზია ამაღლობელის პირველი და მეორე დაკავებაც.

15 იანვარს „ახალგაზრდა იურისტთა ასოციაციამ“ განაცხადა, რომ აჭარის პოლიციის დეპარტამენტის ბათუმის სამმართველოს უფროსმა, ირაკლი დგებუაძემ, მეორედ დაკავების შემდეგ მზია ამაღლობელს სახეში შეაფურთხა, ბათუმის პოლიციის უფროსი მზიას საცემად იწევდა და ასევე, მისი ბრძანების შესაბამისად, მზია ამაღლობელს არ ეძლეოდა წყლის დალევისა და საპირფარეშოთი სარგებლობის საშუალება.

მზია ამაღლობელის წინასწარ პატიმრობაში დატოვება დაგმო არაერთმა საერთაშორისო და ადგილობრივმა ადამიანის უფლებათა დამცველმა ორგანიზაციამ.

• შიმშილობა, როგორც პროტესტი

2025 წლის 17 იანვარს „ბათუმელების“ რედაქციას ადვოკატმა მზიას გამოგზავნილი წერილი გადასცა.

ამ წერილით „ბათუმელებში“ გაიგეს, რომ მზია დაკავების დღიდან შიმშილობს პროტესტის ნიშნად და მხოლოდ წყალს იღებს.

„არ ვაპირებ მივიღო რეჟიმის დღის წესრიგი.

ვშიმშილობ.

სიცოცხლეზე ღირებული თავისუფლებაა…“

წერილის ხმამაღლა წაკითხვის შემდეგ რედაქციაში რამდენიმე წუთის განმავლობაში დუმილი და ცივი შიში ჩამოწვა.

„ბათუმელებმა“ წერილი რამდენიმე დღის შემდეგ, 20 იანვარს გაასაჯაროვა, მას შემდეგ, რაც რედაქცია დარწმუნდა, რომ მზია გადაწყვეტილების შეცვლას არ აპირებდა.

4 თებერვალს, შიმშილობის 24-ე დღეს, მზია ამაღლობელი ციხიდან კლინიკაში გადაიყვანეს.

ეთერ თურაძე ამბობს, რომ ეს ყველაზე მძიმე გამოცდაა „ბათუმელების“ ისტორიაში.

მზია ამაღლობელის დაკავების შემდეგ, ყოველ დღე, „ბათუმელების“ რედაქციაში შუაღამემდე ანთია შუქი, მაგრამ მზიას სამუშაო კაბინეტი ცარიელია.

ეთერი ამბობს, რომ თუ „მზია ამაღლობელის საქმე“ მარცხით დასრულდება, ეს იქნება ნიშანი, რომ საქართველოში დიქტატურა დამყარდა:

„ამას იმიტომ არ ვამბობ, რომ მზია ჟურნალისტი ან ჩემი მეგობარია. ეს სულ სხვა, წყვდიადის მსგავს შიშს მოიტანს ამ ქვეყანაში.

მაგრამ მე არ მჯერა, რომ წყვდიადი დადგება ამ ქვეყანაში.

ეს არ უნდა მოხდეს“.

მზია ამაღლობელის საქმის განხილვა სასამართლოში 4 მარტსაა ჩანიშნული.

მანამდე, თბილისში, კლინიკაში, პატიმრობაში მყოფი მზია ამაღლობელი შიმშილობას აგრძელებს. მის მხარდასაჭერად საქართველოში თითქმის ყოველ დღე იმართება აქციები.

ოთხ კედელში, პატიმრობაში მყოფი მზია ამაღლობელის ხმა არ იმის, მაგრამ ციხის გარეთ, ქალაქების ქუჩებში ისმის მისი სახელი და ათასობით ადამიანის შეძახილი:

„თავისუფლება მზიას!”

„თავისუფლება რეჟიმის ტყვეებს!”

___________________

სტატია გამოქვეყნდა „ბათუმელებისა“ და „ინდიგოს“ სპეციალურ გამოცემაში – „სინდისის პატიმრები“.

2025 წლის 18 თებერვალს მზია ამაღლობელმა შიმშილობა შეწყვიტა.

არასამთავრობო ორგანიზაცია „ბათუმის დამოუკიდებელი ცხოვრების ცენტრის“ ინფორმაციით, აჭარის რეგიონში მცხოვრებ შეზღუდული შესაძლებლობის მქონე პირებს დახმარება ესაჭიროებათ.

ცენტრის განცხადებით, ბოლო კვირის განმავლობაში დასავლეთ საქართველოში დაფიქსირებული დიდთოვლობის გამო ადამიანები, განსაკუთრებით კი შშმ პირები რთულ მდგომარეობაში აღმოჩნდნენ.

„ბათუმის დამოუკიდებელი ცხოვრების ცენტრი“  ოპერატიულად დაუკავშირდა  ორგანიზაციის 300-მდე მომხმარებელს აჭარის რეგიონში და გამოავლინა მათი  გადაუდებელი საჭიროებები“- ნათქვამია ცენტრის განცხადებაში.

მათივე ინფორმაციით შშმ პირებს სჭირდებათ:

• 16 პირს/ოჯახს ესაჭიროება პირველადი საკვები პროდუქტები;
• 2 პირს/ოჯახს ესაჭიროება სასმელი წყალი;
• 9 პირს ესაჭიროება სხვადასხვა სახის მედიკამენტები (მათ შორის ტკივილგამაყუჩებლები);
• 6 პირს ესაჭიროება ჰიგიენური საშუალებები (მაგალითად „პამპერსი“, ჭრილობის შესახვევი დოლბანდები და ა.შ.)
• 7 პირს ესაჭიროება სატრანსპორტო მომსახურება და სხვა სახის მხარდაჭერა (ექიმთან ვიზიტი, რეაბილიტაციის პროცედურების გავლა, სხვადასხვა სახის ტექნიკის შეკეთება და სხვა).

„სამწუხაროდ, ზემოთაღნიშნული 40-მდე შშმ პირის საჭიროების დაკმაყოფილებას ამ ეტაპზე ვერ ახერხებენ შესაბამისი მუნიციპალიტეტები. ამიტომ ორგანიზაცია მოუწოდებს ყველას, სამთავრობო და არასამთავრობო სექტორს,  ფიზიკურ და იურიდიულ პირებს, მათ შორის ბიზნესსექტორს  მათი შესაძლებლობის ფარგლებში დაგვეხმარონ შშმ პირთა ზემოთაღნიშნული საჭიროებების დაკმაყოფილებაში“-აცხადებს „ბათუმის დამოუკიდებელი ცხოვრების ცენტრი“.

მათივე ინფორმაციით, შშმ პირების დახმარების მიზნით, თანხის გადარიცხვა შეგიძლიათ ორგანიზაციის ანგარიშზე TBC  ბანკში: GE40TB7143936020100007

გარდა ამისა  სურვილის შემთხვევაში  მითითებული ნივთები, პროდუქტი შეგიძლიათ მატერიალური სახით მოიტანოთ ორგანიზაციის ოფისში, სამუშაო დღეებში, 11:00-18:00 საათებში. მისამართზე – ბათუმი, ლერმონტოვის ქ.N67/69.“

ბათუმის საპროტესტო აქციების მედროშე თემურ ქათამაძე (გაფფარ ილმაზი) 45 დღეა პროტესტის ნიშნად შიმშილობს და მის სიცოცხლეს საფრთხე ემუქრება.

ბათუმის საკრებულოს წევრი პარტია „საქართველოსთვის“ აკაკი გვიანიძე, რომელიც გუშინ იმყოფებოდა თემურ ქათამაძის მოსანახულებლად, „ბათუმელებთან“ საუბარში ამბობს, რომ მისი მდგომარეობა ძალიან მძიმეა.

„რამდენიმე დღეში დამოუკიდებლად ვეღარ გაივლის და ეს თვითონაც დამიდასტურა. ძალიან მძიმედ არის ჩემი აზრით“-გვეუბნება აკაკი გვიანიძე.

13 თებერვლის მდგომარეობით თემურ ქათამაძეს შიმშილობის გამო 17 კილოგრამი ჰქონდა დაკლებული.  მას შემდეგ 16 დღეა გასული და ოფიციალურად არ მოგვეპოვება ინფორმაცია მისი ჯანმრთელობის მდგომარეობის შესახებ, რადგან როგორც ადვოკატი ამბობს, თემურ ქათამაძე პროტესტის გამო უარს აცხადებს გამოკვლევებზე და ექიმთან შეხვედრაზე, რადგან როგორც საიამ განაცხადა, როცა თემურ ქათამაძე 15 თებერვალს გადაიყვანეს სამედიცინო დაწესებულებაში, კლინიკამ მის დატოვებაზე უარი განაცხადა. შესაბამისად, თემურ ქათამაძე ამის შემდეგ, პროტესტის ნიშნად, უარს აცხადებს კვლევების ჩატარებაზე.

„გონება ნათელი აქვს და შეუძლია საუბარი, წერა, ამ მხრივ მხნედ არის, მაგრამ აქ ძალიან დიდია რისკი, რადგან როგორც ექიმები ამბობენ, შესაძლოა თავად ვერ გრძნობდეს მოშიმშილე რისკებს, მაგრამ როცა ამდენი ხნით შიმშილობს ადამიანი, შეიძლება უცებ გახდეს ცუდად.

არანაირი სამედიცინო მონიტორინგი არ მიდის და ეს არის მთავარი პრობლემა, ეს ამძიმებს მდგომარეობას“-ამბობს აკაკი გვიანიძე.

თემურ ქათამაძე ამ ეტაპზე მხოლოდ წყალს იღებს.

თემურ ქათამაძე ქართველი მუჰაჯირების შთამომავალია. ის ათ წელზე მეტია რაც საქართველოში ცხოვრობს, ჩაბარებული აქვს საქართველოს მოქალაქეობის მიღებისთვის საჭირო ტესტები, გამართულად ფლობს სახელმწიფო ენასაც, თუმცა „ქართული ოცნების“ ხელისუფლება მას მოქალაქეობის მინიჭებაზე უარს ეუბნება.

თემურ ქათამაძეს ეს საკითხი სასამართლოში აქვს გასაჩივრებული.

მას შემდეგ რაც, არჩევნების გაყალბების გამო საქართველოში მასობრივი საპროტესტო აქციები დაიწყო, თემურ ქათამაძე აქტიურად მონაწილეობდა პროევროპულ გამოსვლებში, რადგან მიიჩნევს, რომ საქართველოს მომავალი ევროკავშირშია.

ის 11 იანვარს ბათუმში, პოლიციის სამმართველოსთან დააკავეს და რამდენიმე დღე იზოლატორში გაატარა. დაკავებისას, როგორც ის აღნიშნავდა, მასზე ფიზიკურად იძალადა ბათუმის პოლიციის უფროსმა ირაკლი დგებუაძემ, ასევე მიაყენეს სიტყვიერი შეურაცხყოფაც.

იზოლატორიდან გამოსვლისთანავე კი თემურ ქათამაძე მეორედ დააკავეს, ამჟამად მას საქართველოში უკანონოდ ცხოვრებას ედავებიან. ქათამაძე შს სამინისტროს მიგრაციის დროებითი განთავსების იზოლატორშია და 3-თვიანი პატიმრობა აქვს მისჯილი.

„ოცნების“ ხელისუფლება მისი ქვეყნიდან გაძევების საკითხს განიხილავს, რასაც აპროტესტებს თემურ ქათამაძე.

პატიმრობის პერიოდში მან ასევე მოითხოვა ჰუმანიტარული და ლტოლვილის სტატუსი, რაზეც ასევე უარს ეუბნებიან და სწორედ ამაზე პროტესტის ნიშნად შიმშილობს ის.

თემურ ქათამაძის უფლებებს საია იცავს.

„მუდმივარ ფიქრობს ამ პროცესზე და იმ საქმეზე, რასაც თურქეთიდან მოყოლებული აქაც ემსახურება. ის ქართული დროში ტარების და საქართველოს სიყვარულის გამო ჰყავთ დაკავებული. ეს სასამართლო პროცესები დროსთან იქნება დაკავშირებული, მაგრამ ახლა, საფრთხე ექმნება მის სიცოცხლეს.

დიდი უსამართლობაა რაც მის გარშემო ხდება. ამიტომ ის ცდილობს თავისი პროტესტით მიიპყროს ყურადღება.

თემურ ქათამაძეს გერმანიის საელჩოსთვისაც აქვს მიმართული და ითხოვს პოლიტიკურ თავშესაფარს, თუმცა რა შედეგით დასრულდება, ჯერ არ ვიცით“-ამბობს აკაკი გვიანიძე.

მისი თქმით, თემურ ქათამაძე მადლიერია სოლიდარობისთვის, რასაც მის მიმართ გამოხატავენ ადამიანები და ძალიან ახარებს მოქალაქეების წერილები, რომელსაც მას იზოლატორში უგზავნიან.

„აქციაც გაიმართა იზოლატორთან. იტირა კიდეც სტუდენტების დანახვაზე, შორიდან ეფერება თითოეულ მათგანს და ძალიან ემოციური იყო მისთვის ეს ყველაფერი. ვცდილობთ, მაქსიმალურად მიაქციონ ყურადღება ამ ფაქტს, რადგან ნებისმიერ დროს შეიძლება ძალიან დამძიმდეს თემურის მდგომარეობა“-ამბობს აკაკი გვიანიძე.

ბათუმი-გონიოს დამაკავშირებელი ხიდი, გარკვეულ მონაკვეთში გადახსნილია.

ხიდი ფოლადისა და რკინა-ბეტონისგან შედგება. ერთ მონაკვეთზე სწორედ ბეტონებს შორის არსებულ ფოლადის გადაბმებში ხიდი გადახსნილია.

ფოლადის გადაბმებს შორის დაშორება საკმაოდ დიდია და ეს ერთი შეხედვითაც ჩანს.

იმ ნაწილში, სადაც ფოლადის კბილანები დაშორებულია ერთმანეთს, ადვილად შესამჩნევია ხიდის ქვემოთა ნაწილიც.

ხიდზე ავტომანქანები გადაადგილდებიან, ანუ მოძრაობა არ არის შეფერხებული, თუმცა ის, რომ ხიდი დაზიანებულია, ამის შესახებ არსად არ არის მინიშნება.

„ბათუმელები“ დაუკავშირდა საქართველოს საავტომობილო გზების დეპარტამენტს და ჰკითხა, აქვს თუ არა ინფორმაცია ხიდის დაზიანების თაობაზე და რა კონკრეტული ღონისძიებები მიმდინარეობს ამ დაზიანების აღმოსაფხვრელად?

„როგორც ჩვენმა სპეციალისტებმა მითხრეს, ხიდი არ არის დაზიანებული. ეს ხიდის სადეფორმაციო ნაკერია და ხან გაწეულია და ხან შეერთებული.
ამ შემთხვევაში არ არის დაზიანებული, ხიდის დრეკადობისთვის და მეტი გამძლეობისთვის არის ნაკერი მოძრავი“-გვითხრეს გზების დეპარტამენტში.

საქართველოს რეგიონალური განვითარებისა და ინფრასტრუქტურის სამინისტროს ინფორმაციით, ხიდი ფოლადის და რკინა-ბეტონისგან შედგება და მდინარე ჭოროხზე, სენაკი-ფოთი-სარფის საავტომობილო გზის 112-ე კმ-ზე მდებარეობს.

ხიდის სიგრძე 450 მეტრია, სავალი ნაწილის სიგანე 11,5 მეტრი.

ხიდი 1989 წელს აიგო და მისი რეაბილიტაცია 2013-2014 წლებში განხორციელდა, სარეაბილიტაციო სამუშაოებს კომპანია „ზიმო“ ასრულებდა, თუმცა რეაბილიტაციის პროცესი შეფერხებებით მიმდინარეობდა.

აღნიშნულ წლებში, გონიოს ხიდის აღდგენისთვის ბიუჯეტიდან ჯამში 2 მილიონ 399 ათას 573 ლარი უნდა დახარჯულიყო.

იხილეთ ვიდეო: