ხულოს მუნიციპალიტეტის სოფელ საციხურში ხანძრის მეჩეთი დაიწვა. ხანძარი მეჩეთში დღეს, 3 მარტს, საღამოს გაჩნდა.
„ბათუმელების“ ინფორმაციით, ხანძრის შედეგად არავინ დაშავებულა.
საციხურის მეჩეთს კულტურული მემკვიდრეობის ძეგლის სტატუსი ჰქონდა. ეთნოლოგ რუსლან ბარამიძის ცნობით, „შენობის აგების თარიღი XVIII საუკუნის ბოლო – XIX საუკუნის დასაწყისია. თავდაპირველად მეჩეთი სოფელ პაქსაძეებში მდებარეობდა, შემდეგ დაუშლიათ და სამ სოფელზე – პაქსაძეები, ბეღლეთი და დიდაჭარა – გაუნაწილებიათ. დიდაჭარის ჯამე 1828 წელს ლაზ ოსტატებს შეუმკიათ. დიდაჭარაში შენობა 2002 წლამდე იდგა. ახალი შენობის აგების შემდეგ ის ამავე ხეობის ზედა ნაწილში, სოფელ საციხურისათვის გადაუციათ“.
შენობას კულტურული მემკვიდრეობის ძეგლის სტატუსი ჰქონდა 2006 წლიდან.
_________________
ფოტო: სამუფთოს ინტერნეტ ტელევიზია
