მოამზადა ნათია კაპანაძემ
___
18-23 ნოემბრის დაიჯესტი:
„ქართული ოცნების“ ხელისუფლება, 25 ნოემბერს, მასობრივი საპროტესტო აქციების და სასამართლო დავების ფონზე, მაინც აპირებს პარლამენტში შეკრებას. დამოუკიდებელი საქართველოს ისტორიაში, ეს იქნება პირველი სხდომა, რომელსაც არც ევროკავშირის წევრი ქვეყნების ელჩები დაესწრებიან და არც ოპოზიცია, რომელმაც საზოგადოებას 24 და 25 ნოემბრის სამოქმედო გეგმა წარუდგინა.
არცერთ დემოკრატიულ ქვეყანას „ქართული ოცნებისთვის“ არჩევნების შედეგები არ მიულოცავს. თუმცა როცა ელჩები პარლამენტის პირველ სხდომას არ ესწრებიან – „მსგავსი რამ აქამდე არ ყოფილა“
„ბევრი ქართველისთვის „ქართული ოცნება“ – „რუსული ოცნებას“ უდრის. რა მოხდა და, სამწუხაროდ, დღეს შეგვიძლია ვთქვათ, რომ დემოკრატია საქართველოში დასრულებულია. საქართველო ხდება წმინდად ავტოკრატიული რეჟიმი.
უკანასკნელი ინსტიტუტი, რომელიც ჯერაც დამოუკიდებელია, საპრეზიდენტო ინსტიტუტია. მომავალ თვეში სალომე ზურაბიშვილის მანდატიც ამოიწურება და დარწმუნებული ვარ, რომ მმართველ პარტიას ენდომება ამ ინსტიტუტის გაკონტროლებაც“, – ესტონეთის პარლამენტის საგარეო საქმეთა კომიტეტის თავმჯდომარემ, მარკო მიჰკელსონმა ამის შესახებ „ამერიკის ხმასთან“ ინტერვიუში განაცხადა.
პრეზიდენტი საკონსტიტუციოს მოსამართლეებს მიმართა. გასულ კვირას, საკონსტიტუციო სასამართლომ დაარეგისტრირა პრეზიდენტის სარჩელი 2024 წლის 26 ოქტომბრის არჩევნების კონსტიტუციურობის შესახებ.
„ნეტგაზეთთან“ ინტერვიუში საკონსტიტუციოს ყოფილი მოსამართლე ქეთევან ერემაძე ხსნის, რატომ იქნება ახლა არასწორი პარლამენტის უფლებამოსილების ცნობა. გასულ კვირას საქართველოში ვითარდებოდა ამბები, რომელზეც განგაში დიდი ხნის წინ იყო ასატეხი.
ირანის ხელისუფლების ცნობით, თეირანის უნივერსიტეტში გაშიშვლების შემდეგ დაკავებული სტუდენტი აჰუ დერიაი ბრალის წარდგენის გარეშე გაათავისუფლეს. საქართველოში აქციაზე დაკავებული ქალი კი ჰყვება, რომ პოლიციის მანქანაში სექსუალურად ავიწროებდნენ, მუხლებზე დაყენებული ამგზავრეს.
აქციაზე შსს-მ, ჯამში, 16 ადამიანი დააკავა. დემოკრატიის კვლევის ცენტრი აცხადებს, რომ აქციის დასაშლელად პოლიციამ არაპროპორციული ძალა გამოიყენა. ომბუდსმენის მიერ მონახულებული 16 მომიტინგიდან 10 „სავარაუდო არასათანადო მოპყრობის ან ძალის გადამეტების მსხვერპლია“
დავით კირთაძე დააჯარიმეს და ცესკოდან რიცხავენ – ცენტრალური საარჩევნო კომისიის წევრი, რომელმაც გასულ კვირას ცესკოს თავმჯდომარეს, გიორგი კალანდარიშვილს შავი საღებავი შეასხა, „კომისიის ფუნქციებსა და საქმიანობაში ჩარევის გამო“ 500 ლარით დააჯარიმეს. ცესკოს პრესსამსახურის განმარტებით, ეს გადაწყვეტილება ავტომატურად გამოიწვევს მის გარიცხვას კომისიიდან. გარდა ამისა, კირთაძეს მომდევნო 4 წლის განმავლობაში არ ექნება ცესკოს არცერთი დონის კომისიის წევრობის უფლება.
სასამართლომ კი პატიმრობაში დატოვა 400-ლარიანი ჯებირის საქმეზე დაკავებული ახალგაზრდები.
აქციების გაშუქებისას პოლიციის სამიზნედ ტრადიციულად იქცნენ მედიის წარმომადგენლებიც. პოლიციის მაღალჩინოსნის თქმით, ჟურნალისტს აქციაზე დაკავებისაგან იმუნიტეტი არ იცავს.
საქართველოს სხვადასხვა ქალაქებში სტუდენტების პროტესტი გრძელდება. პროტესტს ეხმიანებიან ლექტორები. “მხარს ვუჭერ სტუდენტების პროტესტს. სხვაგვარად არ მექნება ლექციაზე შესვლის მორალური უფლება” – ამბობს აჭარის განათლების ყოფილი მინისტრი და ბსუ-ს პროფესორი ინგა შამილაშვილი.
სიტყვის თავისუფლების შეზღუდვის საფრთხეები იზრდება. გასულ კვირას საქართველოში მსჯელობდნენ შეაჩერეს თუ არა ცენზურის გამო მურაკამის გაყიდვა – ნახეთ გამომცემლობის განმარტება.
„ქართული ოცნების” პოლიტიკური ხედვა უცვლელია – ივანიშვილმა პრემიერის პოსტზე კვლავ ირაკლი კობახიძე წარადგინა
20-ზე მეტმა არასამთავრობო ორგანიზაციამ ერთობლივი განცხადება გაავრცელა: ერთი მხრივ, ისინი აჯამებენ იმ მიღწევებს, რაც ოპოზიციურად განწყობილ საზოგადოებას აქვს, მეორე მხრივ კი, იმ ნაბიჯებს, რომლებიც საჭიროა გადაიდგას იმისთვის, რათა მე-11 მოწვევის პარლამენტს არ ჰქონდეს ლეგიტიმაცია და ჩაინიშნოს ხელახალი არჩევნები.
ამ დრომდე, რეალობა უცვლელია, ელჩები პარლამენტის I სხდომაზე არ მიიწვიეს – შალვა პაპუაშვილი პრაქტიკას ცვლის – ის ამტკიცებს, რომ ერთი მხრივ, არჩევნები და პარლამენტის პირველი სხდომა შიდასახელმწიფოებრივი საკითხია, მეორე მხრივ კი, საჭიროა „უცხოელების არასწორი გავლენის“ მინიმუმამდე დაყვანა.
საქართველოში ჩატარებული არჩევნების თემები ტრამპისთვისაც საყურადღებო იქნება – ამბობს რესპუბლიკელი კონგრესმენი რობერტ ადერჰოლტი, რომელიც დონალდ ტრამპის აქტიური მხარდამჭერია. საქართველო შეერთებული შტატების კარგი მეგობარია და დასავლეთისკენ მისი სვლა საერთო ინტერესია.
ა რ ჩ ე ვ ნ ე ბ ი:
პრეზიდენტმა საკონსტიტუციო სასამართლოში არჩევნების შედეგების არაკონსტიტუციურად ცნობა მოითხოვა
ოდირი შეშფოთებულია საქართველოში გადამეტებული საპოლიციო ძალების გამოყენებით
არჩევნების შედეგები საკონსტიტუციოში 34-მა დეპუტატმაც გაასაჩივრა
პროცენტები და მანდატები ცესკოს შემაჯამებელი ოქმიდან – არჩევნები 2024
„გაჟონილია!“ – ხმის ფარულობა, როგორც კონსტიტუციური უფლება
რას ითხოვს პრეზიდენტი საკონსტიტუციო სასამართლოში?
ტურავა: არჩევნების შესახებ პრეზიდენტისა და პარლამენტარების სარჩელები გაერთიანდება
პარლამენტი უნდა დაელოდოს საკონსტიტუციო სასამართლოს – ნონა ქურდოვანიძე არჩევნებზე
რა ხდება, როცა არჩევნების შედეგები გასაჩივრებულია საკონსტიტუციოში | საიას განმარტება
“ყველგან პოლიცია, არსად სამართალი“ – ბათუმში ბანერი გადმოფინეს
არჩევნებში დახარჯული მილიონები
დღეს უსკო აჭარის უმაღლესი საბჭოს არჩევნების შედეგებს აჯამებს – შენობასთან აქციაა
„არ ვაპირებთ აჭარის უმაღლეს საბჭოში შესვლას“ – ოპოზიცია ბათუმში
სულაკაურის გამომცემლობა აქციის მონაწილეებს წიგნებს ცოცხალი ჯაჭვით მიაწვდის
ღამისთევით უნივერსიტეტში – ბათუმელი სტუდენტების პროტესტი | დისკუსია
ჩვენი მოვალეობაა ვიდგეთ თავისუფლებისთვის მებრძოლ სტუდენტებთან – ლექტორების განცხადება
ბსუ-ს პროფესორი: კბილებით იჭერენ უნივერსიტეტებს. ვისურვებდი მეტ გამბედაობას, ყველას ვერ მოხსნიან
მელიქიშვილზე დაკავებულ მათე დევიძეს სასამართლომ პატიმრობა შეუფარდა
სტუდენტების წიგნის კაფე ბათუმში – „გვინდა ბიზნესს მაგალითი მივცეთ, რომ მხარი დაუჭირონ სტუდენტებს“
ნიკო მანაგაძის თქმით, საგამოძიებოში დაიბარეს “იმედის” ჟურნალისტისთვის ხელის შეშლის ეპიზოდზე
„ახალი თაობა გაიმარჯვებს. არ გვინდა არც ჩრდილოეთ კორეა გავხდეთ და არც ბელარუსი“- იულონ გაგოშიძე
აქტივისტი ნინოწმინდიდან: „არჩევნებზე აქ იყო ტოტალური კონტროლი“
Პ ო ლ ი ტ ი კ ა:
რუსული პროპაგანდა: პროდასავლური პრეზიდენტი საქართველოს პრობლემაა, ეს უნდა მოაგვარონ
რით კვებავს შსს აქციის დამშლელ პოლიციელებს
საპროტესტო აქციის დარბევა და დაკავებები – რა ხდება თბილისში
„ძირს ვეგდე და მირტყამდნენ“ – „მთავარი არხის“ ოპერატორი
მოვუწოდებთ შსს-ს შეაჩეროს მედიასა და აქციის მონაწილეებზე ძალადობა – მედიაომბუდსმენი
შეწყვიტეთ ჟურნალისტებზე ანგარიშსწორება – ჟურნალისტური ეთიკის ქარტია შს სამინისტროს
ვგმობთ პოლიციის მხრიდან ჟურნალისტებისთვის ხელშეშლას – ონლაინ მედიის განცხადება
ბჟანიამ აფხაზეთი დატოვა – რუსული მედია
ბათუმის მერიამ 10 თვეში ჯარიმებიდან 11 მლნ-ზე მეტი ამოიღო, კაზინოებიდან – 54 მლნ ლარი
„რით ამაყობენ, არცერთი არ იცავს მოქალაქის უფლებებს“ – პრეზიდენტი სახელმწიფო სააგენტოებსა და კომისიებზე
კუნძულის აშენების შემდეგ ბათუმის მოსახლეობა 70 000-ით გაიზრდება – რას სთხოვს სააგენტო „ამბასადორს“
2025 წლის რესპუბლიკური ბიუჯეტის პროექტი
„ხელვაჩაურის მერიის თანამდებობის პირებმა მცემეს, შემაფურთხეს, დამემუქრნენ“ – მოქალაქე | ვიდეო
„შიმშილობის 61-ე დღეს, მე და ჩემმა შვილებმა აფგანის მონახულება მოვახერხეთ“- ცოლი
ი ნ ტ ე რ ვ ი უ:
„მითოლოგია ბიძინაზე უნდა დაინგრეს, სისტემაში ჯერ კიდევაა ილუზია მის ყოვლისშემძლეობაზე“ – ინტერვიუ გია ხუხაშვილთან
რა შეცვალა სტუდენტურმა პროტესტებმა საქართველოს ისტორიაში – ინტერვიუ ლევან ლორთქიფანიძესთან
„ივანიშვილს აქვს ვნება, გაიფორმოს დიქტატურა, მაგრამ ეშინია ხალხის“ – ინტერვიუ ზვიად ქორიძესთან
ბიზნესმენი ქედიდან, რომელმაც საკუთარ სოფელში „გლემფინგი“ მოაწყო – ინტერვიუ ბაგრატ თავართქილაძესთან
დამკვირვებელი იორმუღანლოდან: „გაყალბების მინიმუმ 20 მეთოდი გამოიყენეს” – ინტერვიუ თოზუ გულმამედლისთან
უ ც ხ ო ე თ ი ს ა მ ბ ე ბ ი:
ჰააგის სასამართლომ ნეთანიაჰუს დაპატიმრების ორდერი გამოსცა
ზახაროვას ბრიფინგზე დაურეკეს და უთხრეს, სარაკეტო თავდასხმაზე არ ესაუბრა, ზარი მიკროფონებმა ჩაიწერეს
CPJ: პოლიციის მხრიდან ჟურნალისტებზე ძალადობა მიუღებელია
უ კ რ ა ი ნ ა:
ბაიდენმა კიევისთვის ქვეითსაწინააღმდეგო ნაღმების მიწოდება დაამტკიცა
უკრაინა აცხადებს, რომ რუსეთმა პირველად გამოიყენა კონტინენტთაშორისი ბალისტიკური რაკეტა
ახალი მონაცემები რუსეთის და უკრაინის სამხედრო დანაკარგებზე ომში – 23 ნოემბერი
კ ვ ი რ ი ს ა მ ბ ა ვ ი:
ელჩები პარლამენტის I სხდომაზე არ მიიწვიეს – პაპუაშვილი პრაქტიკას ცვლის
___
ამავე თემაზე:
