უკრაინის გენერალური პროკურატურის ცნობით, ომის დაწყებიდან დღემდე რუსული აგრესიის შედეგად უკრაინაში 551 ბავშვი დაიღუპა და 1388-ზე მეტი დაშავდა.
მათგან, ბოლო ხუთი დღის განმავლობაში რუსეთის თავდასხმის შედეგად ცხრა ბავშვი დაშავდა.
ეს რიცხვები საბოლოო არ არის, ინფორმაცია მსხვერპლისა და დაშავებულების შესახებ ზუსტდება აქტიური საომარი მოქმედებების ფონზე. ასევე, ამ მონაცემებში არ შედის ქალაქ მარიუპოლში დაღუპული და დაშავებული ბავშვების სტატისტიკა, რადგან მარიუპოლი ოკუპირებულია რუსეთის მიერ და ინფორმაციის დაზუსტება შეუძლებელია.
რუსეთ-უკრაინის ომი 2022 წლის 24 თებერვალს, კიევის დროით დილის 5 საათზე დაიწყო. რუსეთის შეიარაღებული ძალები სახმელეთო, საზღვაო და საჰაერო გზით დაესხნენ თავს უკრაინას.
_______________
ფოტოზე: ბათუმი, ევროპის მოედანზე დაღუპული ბავშვებისთვის დანთებული სანთლები უკრაინაში ომის დაწყებიდან ერთი წლისთავზე. ფოტო: „ბათუმელები“/ლელა დუმბაძე
