აჭარის ანტიკონსტიტუციურმა უმაღლესმა საბჭომ „აჭარის ავტონომიური რესპუბლიკის უმაღლესი საბჭოს წევრის უფლებამოსილება“ ვადამდე შეუწყვიტა უსკოს 2024 წლის 26 ოქტომბრის არჩევნების შემაჯამებელი ოქმის მიხედვით არჩეულ წევრებს ოპოზიციური პარტიებიდან:
- ელგუჯა ბაგრატიონს, მიშა ბოლქვაძეს, ედიშერ ჟღენტს, ლია ჯაყელს [მპგ „ერთიანობა-ნაციონალური მოძრაობა“]
- გენადი თებიძეს [„ძლიერი საქართველო-ლელო, ხალხისთვის, თავისუფლებისთვის!“]
- მირდატ ქამადაძეს [მპგ „კოალიცია ცვლილებისთვის, გვარამია, მელია, გირჩი, დროა“]
აჭარის უმაღლესმა საბჭომ რიგგარეშე სესია დღეს, 12 თებერვალს გამართა.
უსკოს შემაჯამებელი ოქმით საარჩევნო ბარიერი ოთხმა ოპოზიციურმა პარტიამ და კოალიციამ გადალახა, თუმცა ოთხივემ უმაღლეს საბჭოში შესვლაზე უარი თავიდანვე განაცხადა. ბარიერგადალახული ოპოზიციური პარტიები აცხადებენ, რომ არჩევნები გაყალბდა.
უმაღლეს საბჭოში არ შედის, თუმცა სია არ ჩაუხსნია პარტია „გახარია საქართველოსთვის“.
——–
მიმდინარე წლის 5 თებერვალს „ქართული ოცნების“ პარლამენტმა 49 ოპოზიციონერი დეპუტატისთვის უფლებამოსილების შეწყვეტას დაუჭირა მხარი.
