ცაგო კახაბერიძე, Author at Batumelebi

ერაყიდან საქართველოს მოქალაქეები ჩარტერული რეისით დაბრუნდნენ

აჭარის ჯანდაცვის სამინისტროს ინფორმაციით, ერაყიდან საქართველოში 70 მოქალაქე დაბრუნდა. ერაყის რესპუბლიკის ქურთისტანის რეგიონიდან საქართველოს მოქალაქეების ჩამოსაყვანად ჩარტერული რეისი განხორციელდა. აღნიშნული რეისით ერაყში გარდაცვლილი საქართველოს მოქალაქეც ჩამოასვენეს. სამინისტროს ინფორმაციით, რეისი სოციალური პასუხისმგებლობის ფარგლებში დიდწილად კომპანია “რეკან გრუპ ჯორჯიამ” დააფინანსა. შექმნილი ვითარებიდან გამომდინარე, ქვეყნებს შორის დაკეტილია სახმელეთო საზღვრები და გართულებულია გადაადგილება. შესაბამისად, განხორციელებული სპეცრეისით საქართველოში დაბრუნდნენ მოქალაქეები, …

Continue reading “ერაყიდან საქართველოს მოქალაქეები ჩარტერული რეისით დაბრუნდნენ”

ბათუმში ასი ლაბორატორიული ანალიზის პასუხი COVID19-ზე უარყოფითია

აჭარის ჯანდაცვის მინისტრის მოადგილის ნინო ნიჟარაძის განცხადებით, ბათუმში ასი პირის ლაბორატორიული ანალიზი COVID 19-ზე უარყოფითია, მათ შორის, 35 ნიმუში ე.წ. ქობულეთის კლასტერს უკავშირდება. საერთო ჯამში, აჭარაში Covid 19-ზე გამოკვლეულია 530 პირი – აქედან 330 ქობულეთის კლასტერთანაა დაკავშირებული, ასევე, მათ შორის არიან ის პირებიც, რომლებმაც ე.წ. ცხელების ცენტრებს მიმართეს. დღეს, 22 აპრილს კი, აჭარაში, ცხელების ცენტრებში …

Continue reading “ბათუმში ასი ლაბორატორიული ანალიზის პასუხი COVID19-ზე უარყოფითია”

აჭარის ტელევიზიის წამყვანი ფეისბუქზე პოზიციის დაფიქსირებისთვის ეთერიდან მოხსნეს

საზოგადოებრივი მაუწყებლის აჭარის ტელევიზიისა და რადიოს დირექტორმა, გიორგი კოხრეიძემ საინფორმაციო გამოშვება „მთავარის“ ერთ-ერთი წამყვანი თეონა თურმანიძე ეთერიდან მოხსნა. როგორც თავად ჟურნალისტი ფეისბუქზე წერს, გადაწყვეტილების მიზეზად სოციალურ ქსელში მაუწყებელთან დაკავშირებით მის მიერ დაფიქსირებული პოზიცია დაუსახელეს. „მივიღე საყვედური სოციალურ ქსელში პოზიციის დაფიქსირების გამო, რომელიც ეხება მაუწყებელს. ეთერიდან დირექტორმა მომხსნა, ვიდრე მოკვლევა დასრულდება. ხვალ ეთერში არ ვიქნები, არც …

Continue reading “აჭარის ტელევიზიის წამყვანი ფეისბუქზე პოზიციის დაფიქსირებისთვის ეთერიდან მოხსნეს”

მთავრობა ეკონომიკის ანტიკრიზისულ გეგმას 24 აპრილს წარადგენს

საქართველოს მთავრობის პრესსპიკერის, ირაკლი ჩიქოვანის ინფორმაციით, მთავრობა ეკონომიკის ანტიკრიზისულ გეგმას ორ ეტაპად პარასკევს, 24 აპრილს, წარადგენს: „ეს იქნება მიზნობრივი სოციალური და ბიზნესის დახმარების ანტიკრიზისული გეგმა“. მისივე ინფორმაციით, მთავრობამ შეძლო კრიზის პირობებში 3 მილიარდზე მეტი დოლარის, როგორც საერთაშორისო დახმარების მობილიზება დონორებიდან. მთავრობის პრესსპიკერმა დღევანდელ ბრიფინგზე ისაუბრა ასევე ეკონომიკის სექტორში პრობლემების დაძლევის მიზნით მთავრობის მიერ უკვე განხორციელებულ …

Continue reading “მთავრობა ეკონომიკის ანტიკრიზისულ გეგმას 24 აპრილს წარადგენს”

ბათუმში 90 პირის ანალიზის პასუხი COVID-19-ზე უარყოფითია

ბათუმში COVID-19-ზე აღებული 90 ლაბორატორიული ნიმუშის პასუხი უარყოფითია. აჭარიდან კვლევისთვის ქობულეთის კლასტერთან კონტაქტში მყოფი პირების კიდევ 50 ნიმუშია გადაგზავნილი, რომელთა პასუხებიც დღეს, 21 აპრილს, გვიან საღამოს გახდება ცნობილი – ამის შესახებ აჭარის ჯანდაცვის მინისტრის მოადგილემ, ნინო ნიჟარაძემ განაცხადა დღეს, 21 აპრილს. მინისტრის მოადგილის განცხადებით, ქობულეთის კლასტერის ირგვლივ კონტაქტირებული პირების რაოდენობა გაიზარდა 520- მდე და ინტენსიურად …

Continue reading “ბათუმში 90 პირის ანალიზის პასუხი COVID-19-ზე უარყოფითია”

ბათუმში 37 პაციენტიდან 1 მართვით სუნთქვაზეა, 4-ს კი ვირუსი აღარ უფიქსირდება

ბათუმში კლინიკა „მედალფას“ აჭარა-გურიის რეგიონალური დირექტორის, ლევან ანთაძის ინფორმაციით, კლინიკაში COVID-19-ით ინფიცირებული 37 პაციენტი მკურნალობს და ამ დროისთვის მატება არ არის. მისივე ინფორმაციით, პაციენტების უმეტესობას პნევმონია აქვს, მათ შორის ერთი რჩება მართვით სუნთქვაზე. ოთხ პაციენტს კი ვირუსი აღარ უფიქსირდება: „განმეორებითმა ტესტმაც ვირუსზე უარყოფითი პასუხი აჩვენა, თუმცა, თანმდევი გართულებების გამო ისინი რჩებიან საავადმყოფოში და აგრძელებენ მკურნალობას.“ …

Continue reading “ბათუმში 37 პაციენტიდან 1 მართვით სუნთქვაზეა, 4-ს კი ვირუსი აღარ უფიქსირდება”

სამმა გამოჯანმრთელებულმა ბათუმში კლინიკა დატოვა – Covid-19

დღეს, 18 აპრილს, ბათუმში სამმა გამოჯანმრთელებულმა პაციენტმა კლინიკა „მედალფა“ დატოვა, Covid-19 – ზე მათი ანალიზების პასუხები უარყოფითია. შესაბამისად ამ დროისთვის კლინიკაში 38 პაციენტი რჩება, რომლებიც Covid-19-ზე მკურნალობას აგრძელებენ. მათგან ორის მდგომარეობა ისევ მძიმეა. 18 აპრილის [11 სთ] მონაცემებით, საქართველოში 84 პაციენტი გამოჯანმრთელდა კორონავირუსისგან. ბოლო მონაცემებით, სულ საქართველოში დადასტურებულია ახალი კორონავირუსის 385 შემთხვევა. მათგან გამოჯანმრთელდა 84 …

Continue reading “სამმა გამოჯანმრთელებულმა ბათუმში კლინიკა დატოვა – Covid-19”

ბათუმში 92 პირის ანალიზის პასუხი Covid-19-ზე უარყოფითია

აჭარის ჯანდაცვის სამინისტროს ინფორმაციით, ბათუმიდან გაგზავნილი 92 ანალიზის პასუხი, რომლის პასუხებსაც Covid-19-ზე დღეს, 18 აპრილს ელოდებოდნენ, უარყოფითია. ამ დროისთვის აჭარაში, კლინიკა „მედალფაში“ Covid-19-ით ინფიცირებული 41 პაციენტი მკურნალობს. აქედან ინფიცირების 33 შემთხვევა ქობულეთის კლასტერს უკავშირდება, მათ შორის არიან ბავშვებიც. ქობულეთის კლასტერთან დაკავშირებით მოძიებულია 465 კონტაქტი, მათგან 230 პირთან ჩატარებულია ლაბორატორიული დიაგნოსტიკა, ამ 230-დან არის სწორედ ის …

Continue reading “ბათუმში 92 პირის ანალიზის პასუხი Covid-19-ზე უარყოფითია”

ქობულეთში სასწრაფო დახმარების მანქანას ტრაილერი შეეჯახა, არიან დაშავებულები

დღეს, 18 აპრილს, სასწრაფო დახმარების მანქანას, რომელსაც პაციენტი გადაჰყავდა, ქობულეთის შემოვლით გზაზე ტრაილერი შეეჯახა. პირველადი ინფორმაციით, რომელიც აჭარის საზოგადოებრივმა მაუწყებელმა გაავრცელა, დაშავებულია მედდა და სასწრაფოს მძღოლი. „ბათუმელების“ ინფორმაციით, დაშავდა პაციენტიც, თუმცა სასწრაფო სამედიცინო სამსახურში მხოლოდ ერთ დაშავებულზე მოგვაწოდეს ინფორმაცია, აქ არ აკონკრეტებენ, პაციენტია დაშავებული, მედპერსონალი თუ მძღოლი. შინაგან საქმეთა სამინიტროს პრესსამსახურის ინფორმაციით, ფატზე დაწყებულია გამოძიება …

Continue reading “ქობულეთში სასწრაფო დახმარების მანქანას ტრაილერი შეეჯახა, არიან დაშავებულები”

ნინო ნიჟარაძე: შესაძლოა შემდეგი კვირა გვქონდეს კრიტიკული

„შემდგომი კვირა შესაძლოა გვქონდეს კრიტიკული, ეს დამოკიდებულია ჩვენზე და ჩვენს ქცევაზე. ეს, რა თქმა უნდა, უკონტროლო ზრდასთანაცაა დაკავშირებული, მაგრამ თუ მოქალაქეები პასუხისმგებლობით მოეკიდებიან იმ საკითხს, რომ ნაკლებად გავლენ ქუჩაში, ნაკლებად ექნებათ კომუნიკაცია, ზრდის ტემპი იქნება უფრო იშვიათი და მართვადი“ – განაცხადა აჭარის ჯანდაცვის მინისტრის მოადგილემ ნინო ნიჟარაძემ დღეს, 18 აპრილს ბრიფინგზე. მინისტრის მოადგილის ინფორმაციით, ამ …

Continue reading “ნინო ნიჟარაძე: შესაძლოა შემდეგი კვირა გვქონდეს კრიტიკული”

ქობულეთში თერმოსკრინინგი 11 ათას ადამიანს ჩაუტარდა

ქობულეთის მუნიციპალიტეტში თერმოსკრინინგი 11 100-ზე მეტ მოქალაქეს ჩაუტარდა ქობულეთის კლასტერის გამო. ამ კლასტერში, ბოლო მონაცემებით, 32 პირია ინფიცირებული ახალი კორონავირუსით. ბოლო მონაცემებით, თერმოსკრინინგის შედეგად გამოიკვეთა 25 საყურადღებო შემთხვევა, თუმცა 17 აპრილის მდგომარეობით, ამ შემთხვევებიდან ლაბორატორიულად არცერთს არ დაუდასტურდა Covid-19 – ამის შესახებ დღეს, 18 აპრილს, აჭარის ჯანდაცვის მინისტრის მოადგილემ ნინო ნიჟარაძემ განაცხადა. მინისტრის მოადგილის ინფორმაციით, …

Continue reading “ქობულეთში თერმოსკრინინგი 11 ათას ადამიანს ჩაუტარდა”

ნინო ნიჟარაძე: აჭარაში კოვიდ-19-ის ოთხი ახალი შემთხვევა გვაქვს

აჭარის ჯანდაცვის მინისტრის მოადგილის ნინო ნიჟარაძის განცხადებით, აჭარაში კოვიდ 19 -ის ოთხი ახალი შემთხვევა დაფიქსირდა. ოთხივე პაციენტი კარანტინში იმყოფებოდა, ამათგან ერთი ქობულეთის კლასტერს უკავშირდება, ხოლო სამს თურქეთში მოგზაურობის ისტორია აქვს. ოთხივე პაციენტი ზრდასრულია. პაციენტები კლინიკა „მედალფაში“ არიან გადაყვანილი, შესაბამისად კლინიკაში ამ დროისთვის კოვიდ-19-ით ინფიცირებული 41 პაციენტი მკურნალობს. ამ მონაცემის მიხედვით, აჭარაში, ქობულეთის კლასტერს უკავშირდება ინფიცირების …

Continue reading “ნინო ნიჟარაძე: აჭარაში კოვიდ-19-ის ოთხი ახალი შემთხვევა გვაქვს”

სოფლის ექიმი: „გადამზადება არ ჩაგვტარებია, მხოლოდ გაიდლაინი მოგვაწოდეს“

„არ ჩაგვტარებია არანაირი ტრენინგი, არც ეკიპირება გვაქვს, მხოლოდ პირბადით და ხალათით ვხდებით პაციენტებს, რომლებიც სხვადასხვა ჩივილებით მოგვმართავენ. ვშიშობთ, საკმარისად ვერ დავიცავთ თავს“, – ამბობენ სოფლის ექიმები, რომელიც უკვე წლებია ასრულებს აჭარის ერთ-ერთ სოფელში თავის პროფესიულ მოვალეობას. ექიმის თხოვნით, მის ვინაობას კონფიდენციალირად ვტოვებთ. „ვმუშაობ სოფლის ექიმად სულ სხვა სპეციფიკით და არანაირი გამოცდილება ამ მიმართულებით [კოვიდ 19] …

Continue reading “სოფლის ექიმი: „გადამზადება არ ჩაგვტარებია, მხოლოდ გაიდლაინი მოგვაწოდეს“”

ბათუმელი ექიმი დღეში 12 საათი ეკიპირებით, კოვიდ 19-ით ინფიცირებულებთან

დილის ათის ნახევრისთვის უკვე ეკიპირებულია. ეს იმას ნიშნავს, რომ აცვია სპეციალური ტანსაცმელი, უკეთია ნიღაბი, ფარი და ხელთათმანები, ექიმი თეა დანელია დღის განმავლობაში ასე „შეიარაღებული“ 12 საათს ატარებს საავადმყოფოში, სადაც Coivid 19-ით დაინფიცირებულებს მკურნალობენ. თეა „მედალფას“ ექიმია და, შესაბამისად, თავადაც დაინფიცირების რისკის ქვეშაა. „12 სათის შემდეგ, 24 საათი უნდა დავისვენო. ასეთია რეჟიმი, მაგრამ უკვე რამდენი ხანია …

Continue reading “ბათუმელი ექიმი დღეში 12 საათი ეკიპირებით, კოვიდ 19-ით ინფიცირებულებთან “

რა მოუვა ეკონომიკას – ინტერვიუ

მას შემდეგ, რაც კორონავირუსით დაინფიცირებულთა სტატისტიკა საქართველოში ყოველდღიურად ათეულობით იზრდება, უფრო ხშირად საუბრობენ იმაზე, რომ ხელისუფლებამ გონივრულად უნდა გამოიყენოს დრო ეპიდაფეთქებამდე პროპორციული ეკონომიკური გადაწყვეტილებების მისაღებად, რადგან იგივე სიმწვავით დგას საკითხი ე.წ. მეორე ფრონტზეც. მოქმედების რა შესაძლებლობებს ხედავს ექსპერტი და როგორ აფასებს იმ ნაბიჯებს, რომლებიც მთავრობამ ამ დრომდე გადადგა. ამ და სხვა კითხვებს ეკონომისტი აკაკი ცომაია …

Continue reading “რა მოუვა ეკონომიკას – ინტერვიუ”

ამაზე სამეცნიერო კვლევები არ არსებობს – ჯანდაცვის მინისტრის პასუხი ზიარების კოვზზე

„ზოგადად მეცნიერებაში და მედიცინაში აუცილებელია, რომ მტკიცებულებებზე დაყრდნობით იყოს ყველაფერი, ამაზე სამეცნიერო კვლევები არ არსებობს, შესაბამისად, მე ამის შესახებ მტკიცებულებით პასუხს ვერ გაგცემთ“ – ასე უპასუხა ჯანდაცვის მინისტრმა ეკატერინე ტიკარაძემ ჟურნალისტის კითხვას, შესაძლოა თუ არა ზიარების კოვზი იყოს ინფექციის გადამტანი. მინისტრმა ისაუბრა ასევე იმ რისკებზე, რაც მისი აზრით შესაძლოა დადგეს იმის გამო, რომ მოქალაქეები არ …

Continue reading “ამაზე სამეცნიერო კვლევები არ არსებობს – ჯანდაცვის მინისტრის პასუხი ზიარების კოვზზე”

ნგრევა და შენება ბათუმში კარანტინის დროს

ბათუმში, პუშკინისა და ასათიანის ქუჩების გადაკვეთაზე, ისტორიულ სახლებს ანგრევენ. ბანერზე გამოკრული ნებართვის მიხედვით, აქ შპს „გმ გრუპი“ მრავალბინიანი საცხოვრებელი სახლის მშენებლობას გეგმავს. მშენებლობის ნებართვა ბათუმის მერს, ლაშა კომახიძეს, 2020 წლის 24 თებერვალს გაუცია. აქ მშენებელი 11 ოჯახის საკუთრების ათვისებას გეგმავს. უკვე შემოფარგლულ ტერიტორიაზე გამოკრული არ არის ახალი პროექტის რენდერი, „ვერ მოვასწარით“ – გვითხრეს კომპანიაში. მათივე …

Continue reading “ნგრევა და შენება ბათუმში კარანტინის დროს”

„რა შუაშია ბიძინა ივანიშვილი გენგეგმასთან“ – პანდემიის დროს აბასთუმნის გენგეგმა დაამტკიცეს

ადიგენის მუნიციპალიტეტის საკრებულომ აბასთუმნის განაშენიანების გეგმა, საგანგებო მდგომარეობის პირობებში, 7 აპრილს დაამტკიცა. საკითხის დამტკიცებას მხარი არ დაუჭირა ოპოზიციამ, როგორც თავად გვითხრეს, იმ მიზეზით, რომ დოკუმენტის გაცნობის საშუალება არ მიეცათ. საკრებულოში ფრაქცია „ევროპული საქართველოს“ თავმჯდომარის, სიმონ ფარუნაშვილის თქმით, დოკუმენტი შესასწავლად ოპოზიციას არ მიუღია: „არ მინახია და ამიტომ არ დავუჭირე მხარი“. მისივე მოსაზრებით, გეგმის დამტკიცება საგანგებო მგომარეობის …

Continue reading “„რა შუაშია ბიძინა ივანიშვილი გენგეგმასთან“ – პანდემიის დროს აბასთუმნის გენგეგმა დაამტკიცეს”

ავარია ბათუმში, აბუსერიძის ქუჩაზე

ბათუმში, აბუსერიძის ქუჩაზე, „კარფურის“ მიმდებარე ტერიტორიაზე, ორი ავტომანქანა შეეჯახა ერთმანეთს. შინაგან საქმეთა სამინისტროს ინფორმაციით, შემთხვევის შედეგად არავინ დაშავებულა და მძღოლები დაჯარიმდებიან ადმინისტრაციული წესით.

გახარია: „ქობულეთში გვაქვს სერიოზული კლასტერი“

პრემიერმა გიორგი გახარიამ ქვეყანაში საგანგებო მდგომარეობის წესების კიდევ უფრო შესაძლო გამკაცრებაზე დღეს, 9 აპრილს, ისაუბრა და ის რეგიონები დაასახელა, სადაც, მისი ინფორმაციით, COVID 19-ის გავრცელების რთული კლასტერებია. პრემიერის ინფორმაციით, რთული ვითარებაა ქობულეთშიც. ეპიდემიოლოგები ქობულეთის მუნიციპალიტეტის სოფელ გვარაში გუშინ, 8 აპრილს, მთელი დღის განმავლობაში მუშაობდნენ. მათ შეისწავლეს ასევე მუნიციპალიტეტის საავადმყოფოებში არსებული ვითარება. ამასთან დაკავშირებით აჭარის ჯანდაცვის …

Continue reading “გახარია: „ქობულეთში გვაქვს სერიოზული კლასტერი“”

მეუფე საბა ონლაინღვთისმსახურებაზე: არ მივიჩნევთ, რომ ისინი ცოდვას სჩადიან, თუკი სახლში არიან

მეუფე საბა ინწკირველი – მართლმადიდებელი ეკლესიის სინოდის წევრი, ჩრდილოეთ ამერიკის ეპარქიის ეპისკოპოსი __________ „ასეთ დროს არ შეგვიძლია წავიდეთ წინააღმდეგ სახელმწიფოს და ამავე დროს ექიმების რჩევასთან და ეს არის სახლში დარჩენა, შეკრებების აკრძალვა და ჩვენ გავითვალისწინეთ ეს. მინდა აღვნიშნო ისიც, რომ რელიგიური თავისუფლების კანონით ჩვენ გვაქვს უფლება, რომ დიდი შეკრებები გავმართოთ, მაგრამ ვითვალისწინებთ სახელმწიფო რეგულაციებს, რათა …

Continue reading “მეუფე საბა ონლაინღვთისმსახურებაზე: არ მივიჩნევთ, რომ ისინი ცოდვას სჩადიან, თუკი სახლში არიან”

რას უპირებს სააგენტო ბათუმში, ბარათაშვილის ქუჩაზე დამწვარ სახლს

ბათუმში, ბარათაშვილის #25-ში, ხანძრისგან დაზიანებული სახლის აღდგენის მოთხოვნით მოქალაქეებმა აჭარის კულტურული მემკვიდრეობის დაცვის სააგენტოს მიმართეს. სახლი კულტურული მემკვიდრეობის ძეგლია, ამიტომაც შესაბამისი გადაწყვეტილება სწორედ ამ სააგენტომ უნდა მიიღოს. კულტურული მემკვიდრეობის ძეგლის სახურავს ხანძარი 28 მარტს გაუჩნდა, დაიწვა სახურავი და მეორე სართულის ნაწილი, ხოლო ნაწილი წყლის ჭავლმა დააზიანა. კმდს-ს ხელმძღვანელის, ზაურ ახვლედიანის ინფორმაციით, სააგენტო სახლის დამწვარი ნაწილის …

Continue reading “რას უპირებს სააგენტო ბათუმში, ბარათაშვილის ქუჩაზე დამწვარ სახლს”

„შუახევიჰესმა“ ელექტროენერგიის გამომუშავება დაიწყო

კომპანია Clean Energy Invest-ის ინფორმაციით, „შუახევიჰესის“ ჰიდროელექტროსადგურმა ელექტროენერგიის გამომუშავება დაიწყო. პირველ ეტაპზე ამუშავდა შუახევიჰესი“ [178 მგვტ], ხოლო „სხალთაჰესის“ [9 მგვტ] ოპერირების დაწყება გაზაფხულის ბოლოსთვის იგეგმება. ,,შუახევიჰესმა წარმატებით გაიარა ოპერირებაში შესვლის ყველა ეტაპი და ჩვენ კომერციული ოპერირება დავიწყეთ, რაც იმას ნიშნავს, რომ ჩვენ მიერ გამომუშავებულ ელექტროენერგიას უკვე იღებს საქართველოს მოსახლეობა. რამდენიმე თვეში ოპერირებაში შევა ასევე სხალთაჰესი, …

Continue reading “„შუახევიჰესმა“ ელექტროენერგიის გამომუშავება დაიწყო”

თურნავა: შევამოწმეთ 76 კომპანია – მუშაობის უფლება 26-ს მივეცით

საქართველოს ეკონომიკისა და მდგრადი განვითარების მინისტრის ნათია თურნავას განცხადებით, 6-7 აპრილს სამინისტროს ტექნიკური ზედამხედველობის განყოფილებამ 76 კომპანია შეამოწმა. აქედან 40 კომპანიას საქმიანობა საგანგებო მდგომარეობით დაწესებული შეზღუდვების შესაბამისად შეჩერებული აქვს. სამინისტროს სპეციალისტები მუნიციპალური ზედამხედველობის ორგანიზაციებთნ ერთად ამოწმებენ, აქვთ თუ არა ამ კომპანიებს დაცული ჯანდაცვის სამინიტროს მიერ კორონავირუსის პრევენციასთან დაკავშირებით შემუშავებული რეკომენდაციები. პროცესში ჩართულია შრომის ინსპექციაც. სპეციალური …

Continue reading “თურნავა: შევამოწმეთ 76 კომპანია – მუშაობის უფლება 26-ს მივეცით”

7 მლნ ლარს გადააჭარბა კარანტინის წესების დარღვევისთვის გამოწერილმა ჯარიმებმა

ქვეყანაში საგანგებო მდგომარეობით გამოწვეული შეზღუდვების დარღვევის გამო გამოწერილმა ჯარიმებმა 7 მილიონ ლარს გადააჭარბა. ეს კომენდანტის საათის დარღვევის, ასევე, სამზე მეტი პირის შეკრებასთან დაკავშირებული შეზღუდვის, მგზავრთა გადაყვანის, ეკონომიკური საქმიანობის განხორციელებისა და კარანტინით გათვალისწინებული სხვა შეზღუდვების დარღვევისთვის გამოწერილი ჯარიმებია. ჯერჯერობით ვერ დავახარისხეთ, რამდენი ფიზიკური და რამდენი იურიდიული პირი დააჯარიმეს, ამიტომაც საერთო ციფრი ჯარიმის მინიმალური ოდენობის – 3000 …

Continue reading ” 7 მლნ ლარს გადააჭარბა კარანტინის წესების დარღვევისთვის გამოწერილმა ჯარიმებმა”

ქობულეთის სოფელში შესაძლოა კარანტინი გამოაცხადონ – გვარაში ეპიდემიოლოგები მუშაობენ

ქობულეთის მუნიციპალიტეტის სოფელ გვარაში ეპიდემიოლოგები მუშაობენ, დღის ბოლოს კი მათ მიერ მოპოვებული ინფორმაციის გაანალიზების საფუძველზე, საქართველოს ჯანდაცვის სამინისტროსთან ერთად, გადაწყდება გამოაცხადებენ თუ არა ამ სოფელში კარანტინს. სწორედ ამ სოფელში, ერთ-ერთ ოჯახში, სტუმრად იმყოფებოდა 54 წლის ქალი, რომელსაც კორონავირუსი დაუდასტურდა. აჭარის ჯანდაცვის მინისტრის მოადგილის, ნინო ნიჟარაძის ინფორმაციით, სწორედ ამ პაციენტს უკავშირდება ლაბორატორიულად დადასტურებული ხუთი ახალი შემთხვევა, …

Continue reading “ქობულეთის სოფელში შესაძლოა კარანტინი გამოაცხადონ – გვარაში ეპიდემიოლოგები მუშაობენ”

28 წლის ქალი ხუთი ბავშვით ნაქირავებ ბინაში დახმარების გარეშე დარჩა

28 წლის ხათუნა ბათუმში ორ შვილს და სამ არასრულწლოვან და-ძმას მარტო ზრდის, მას საცხოვრებელი სახლი არ აქვს. ბინას სოციალური დახმარების თანხით ქირაობდა, თუმცა ახლა დახმარებასაც ვერ იღებს. ხათუნა მეუღლეს 2015 წელს დაშორდა და ამ დროიდან შვილებთან ერთად დედასთან ცხოვრობდა, დედა 2016 წელს გარდაიცვალა და ამის შემდეგ ხათუნა ხუთ ბავშვთან ერთად ქირით ცხოვრობს. ხათუნა ამბობს, რომ …

Continue reading “28 წლის ქალი ხუთი ბავშვით ნაქირავებ ბინაში დახმარების გარეშე დარჩა”

23 მილიონი კორონავირუსთან ბრძოლის ფონდში – ვინ არიან ყველაზე მსხვილი შემწირველები

6 აპრილის 18 საათის მდგომარეობით კორონავირუსის [COVID-19] წინააღმდეგ ბრძოლისთვის შექმნილ ფონდში 23 მილიონი 500 ათასი ლარია მობილიზებული. ფონდში შენატანი თითქმის ყოველდღიურად სოლიდური თანხით იზრდება. ფონდში ასახულია, როგორც კერძო კომპანიების ასევე ფიზიკური პირების შენატანი. ამ დროის მონაცემებით მსხვილი შემწირველები არიან მაგთიკომი – 3 მლნ ლარი კავკასუს ონლაინი- 1 მლნ ლარი „არ ემ ჯი“- 1 მლნ ლარი …

Continue reading “23 მილიონი კორონავირუსთან ბრძოლის ფონდში – ვინ არიან ყველაზე მსხვილი შემწირველები”

სამუშაოს განახლებას ასობით კომპანია ითხოვს

საქართველოს ეკონომიკისა და მდგრადი განვითარების მინისტრის, ნათია თურნავას ინფორმაციით, სპეციალური აპლიკაცია, რომლის დახმარებითაც კომპანიებმა საგანგებო ვითარების პერიოდში მუშაობის გაგრძელების უფლება უნდა მოიპოვონ, რამდენიმე ასეულმა კომპანიამ უკვე შეავსო და სპეციალურ მისამართზე გადააგზავნა. მინისტრის თქმით, განსაკუთრებით სამშენებლო, ასევე საშენ მასალათა მწარმოებელი კომპანიები აქტიურობენ. სპეციალური აპლიკაციები სამინიტროს ვებგვერდზე პარასკევს, 3 აპრილს, აიტვირთა. მინისტრის განცხადებით, გადამოწმებას, თუ რამდენად აკმაყოფილებენ …

Continue reading “სამუშაოს განახლებას ასობით კომპანია ითხოვს”

ბათუმში სმენადაქვეითებული ბავშვების ოჯახის წევრებს ჟესტურ ენას შეასწავლიან – მერიის ტენდერი

ბათუმში მცხოვრები სმენადაქვეითებული ბავშვების ოჯახის წევრებს ჟესტურ ენას შეასწავლიან. ბათუმის მერია შესაბამის მომსახურებას 8 400 ლარად შეისყიდის. სატენდერო პირობების მიხედვით, მიმწოდებელი 30 პირს უნდა მოემსახუროს, სწავლება ხუთი თვის განმავლობაში გაგრძელდება. მიმწოდებელ კომპანიას ტენდერით გათვალისწინებული მომსახურების გასაწევად უნდა ჰყავდეს შესაბამისი პროფილის კვალიფიციური სპეციალისტი, კერძოდ, სერტიფიცირებული ჟესტური ენის თარჯიმანი, რომელსაც აქვს სმენადაქვეითებულ პირებთან მუშაობის გამოცდილება, მას ასევე …

Continue reading “ბათუმში სმენადაქვეითებული ბავშვების ოჯახის წევრებს ჟესტურ ენას შეასწავლიან – მერიის ტენდერი”

ვინ არის სოფლის ექიმი, რომელმაც კორონავირუსით ინფიცირებული პაციენტი ამოიცნო

სოფელი კაპანახჩი, იგივე ქვემო ბოლნისი და ამ სოფლის ექიმი ია გოგიძე ბოლო რამდენიმე დღეში კორონავირუსთან ბრძოლის საჭიროებებზე საუბრისას რამდეჯერმე მოიხსენიეს. ექიმს დაავადებათა კონტროლის ეროვნული ცენტრის გენერალური დირექტორის მოადგილემ პაატა იმნაძემ ბრიფინგზე მადლობა გადაუხადა, იმის გამო, რომ მან მხოლოდ საკუთარი გამოცდილებითა და ცენტრის ვებგვერდზე გამოქვეყნებული ინსტრუქციით შეძლო კორონავირუსით ინფიცირებული პაციენტის იდენტიფიცირება. ზუსტად მაშინ, როცა მთავრობა პანდემიასთან …

Continue reading “ვინ არის სოფლის ექიმი, რომელმაც კორონავირუსით ინფიცირებული პაციენტი ამოიცნო”

როგორ შეიძლება მოიპოვოს კომპანიამ მუშაობის გაგრძელების უფლება – მინისტრის განმარტება

საქართველოს ეკონომიკისა და მდგრადი განვითარების მინისტრის, ნათია თურნავას ინფორმაციით, ამ დროისათვის უკვე მზადაა და სამინისტროს ვებგვერდზეა ატვირთული სპეციალური აპლიკაციები ბიზნესისთვის, იმ კომპანიებისთვის, რომლებიც არიან დროებით შეზღუდულ რეჟიმში ან გაჩერებული. მინისტრის განმარტებით, ეს ეხება როგორც სამშენებლო კომპანიებს, ასევე საშენი მასალების ინდუსტრიას და სხვა ბიზნესებს, რომელთა საქმიანობის სფერო ჯერჯერობით არ არის იმ ჩამონათვალში, რომელთაც მთავრობამ მუშაობის გაგრძელების …

Continue reading “როგორ შეიძლება მოიპოვოს კომპანიამ მუშაობის გაგრძელების უფლება – მინისტრის განმარტება”

დარჩი სახლში და დახატე ისტორია – კონკურსი მოსწავლეებისთვის

აჭარის კულტურული მემკვიდრეობის დაცვის სააგენტომ სკოლის მოსწავლეებისათვის კონკურსი – „დახატე ისტორია“ გამოაცხადა. კონკურსის პირობების მიხედვით კონკურსანტმა უნდა დახატოს აჭარაში არსებული ისტორიული ძეგლი ან მუზეუმში დაცული ექსპონატი. ნამუშევარი უნდა შესრულდეს A4 ზომის თაბახის ფურცელზე. კონკურსანტს შეუძლია სურვილისამებრ შეარჩიოს მასალა [ფანქარი, ფლომასტერი, საღებავი], ნახატს დასრულების შემდეგ უნდა გადაუღოს ფოტო [ნახატი აუცილებლად შეინახეთ], მიუთითოს სახელი, გვარი, ასაკი, საკონტაქტო …

Continue reading “დარჩი სახლში და დახატე ისტორია – კონკურსი მოსწავლეებისთვის”

ბათუმში კორონავირუსით ინფიცირებული პირველი პაციენტი გამოჯანმრთელდა

ბათუმში კორონავირუსით ინფიცირებული პირველი პაციენტი გამოჯანმრთელდა, – ინფორმაციას „მედალფას“ აჭარა-გურიის რეგიონული დირექტორი, ლევან ანთაძე ადასტურებს. ახალგაზრდა ქალს გუშინ, პირველ აპრილს, შუალედური ტესტი ჩაუტარეს, რომლის პასუხი უარყოფითი იყო, დღეს განმეორებითმა ანალიზმაც უარყოფითი შედეგი აჩვენა. ეს იმას ნიშნავს, რომ პაციენტი გამოჯანმრთელდა. ის უახლოეს საათებში კლინიკას დატოვებს და რეკომენდაციის შესაბამისად, რამდენიმე დღე თვითიზოლაციაში იქნება. დღეის მონაცემებით, საქართველოში კორონავირუსისგან …

Continue reading “ბათუმში კორონავირუსით ინფიცირებული პირველი პაციენტი გამოჯანმრთელდა”

როგორ მივა სამსახურში ის, ვისაც დისტანცირება არ ეხება – გადაადგილების პრობლემა

მას შემდეგ, რაც მთელ ქვეყანაში კარანტინი გამოაცხადეს და საზოგადოებრივი ტრანსპორტიც გააჩერეს, პრემიერ-მინისტრმა გიორგი გახარიამ განაცხადა, რომ კომპანიებმა, რომლებსაც მუშაობის გაგრძელების უფლება აქვთ, თავად უნდა უზრუნველყონ თანამშრომლების სამსახურამდე, შემდეგ კი სახლამდე მიყვანა. პრემიერმა განმარტა, რომ მათ ამისთვის სპეციალური ტრასპორტი უნდა დაიქირაონ. შესაბამისი მომსახურების გაწევის მიზნით მუნიციპალურ შპს-ს, ჯერჯერობით, მხოლოდ ერთი კომპანია გაურიგდა. ბათუმის მერიის ინფორმაციით, „საკონტეინერო …

Continue reading “როგორ მივა სამსახურში ის, ვისაც დისტანცირება არ ეხება – გადაადგილების პრობლემა”

ბათუმის ინფექციურ საავადმყოფოში ვირუსის სიმპტომებით რვა პირი შეიყვანეს

ბათუმის ინფექციურ საავადმყოფოში ვირუსის სიმპტომებით რვა პირი შეიყვანეს, ინფორმაციას აჭარის ჯანდაცვის სამინისტროში ადასტურებენ, თუმცა ამ დროისათვის არ ვიცით, იმყოფებოდნენ თუ არა ეს პირები კარანტინში ან თვითიზოლაციაში და აქვთ თუ არა მათ უცხოეთში მოგზაურობის ისტორია. სამინისტროს ინფორმაციით, მათ ტესტი ჩაუტარდებათ. დღეს, 2 აპრილს, დილით, ინფექციურ საავადმყოფოში ხუთ პირს კორონავირუსი არ დაუდასტურდა, ორი პაციენტის პასუხს კი ამ …

Continue reading “ბათუმის ინფექციურ საავადმყოფოში ვირუსის სიმპტომებით რვა პირი შეიყვანეს”