Batumelebi | mail.ru – საჯარო მოხელეების ელექტრონული მისამართი ბათუმში, ქობულეთსა და ქედაში mail.ru – საჯარო მოხელეების ელექტრონული მისამართი ბათუმში, ქობულეთსა და ქედაში – Batumelebi

mail.ru – საჯარო მოხელეების ელექტრონული მისამართი ბათუმში, ქობულეთსა და ქედაში

მოქმედი საჯარო მოხელეები, მათ შორის, ხელმძღვანელი პირები, ისევ იყენებენ რუსულ ელექტრონულ ფოსტას, ეს მისამართები მათ სამთავრობო უწყებების ვებგვერდებზეც აქვთ მითითებული.

ქობულეთის მუნიციპალიტეტის მერიის ვებგვერდის მონაცემების მიხედვით, mail.ru- თი სარგებლობს მერიის ხუთი სამსახურის უფროსი.

mail.ru-თი სარგებლობს ასევე ქედის მერიის რამდენიმე ადმინისტრაციის სამსახურის ხელმძღვანელი.

ერთ-ერთ მოქმედ ელექტრონულ ფოსტად mail.ru აქვს მითითებული ბათუმის საკრებულოს მოადგილეს თამაზ სალუქვაძეს. რუსული ფოსტა აქვს ასევე საკრებულოს წევრს, მიხეილ ართმელაძესაც.

კიბერუსაფრთხოების სპეციალისტების განმარტებით, mail.ru-ს გამოყენება საქართველოში ინფორმაციული უსაფრთხოების კუთხით სერიოზული პრობლემაა, განსაკუთრებით კი – მსგავსი პირადი მეილის სამსახურებრივი საქმეებისთვის გამოყენება.

2019 წლის შემოდგომაზე ათასობით ქართულ საიტზე – მათ შორის პრეზიდენტის, სასამართლოების, საკრებულოების ვებგვერდებზე – კიბერშეტევა განხორციელდა. „დაჰაკული“ ვებგვერდების უმრავლესობის სერვერი ჰოსტინგ კომპანია „პროსერვისს“ ეკუთვნოდა.

 

კიბერშეტევა: „იქნებ, უბრალოდ დაგვცინეს?!”

ნეტგაზეთის მასალების სხვა გამოცემებში გადაბეჭდვის წესი
ავტორი