ნეტგაზეთი • RU

სააგენტო ბარათაშვილზე დამწვარი სახლის რეაბილიტაციის პროექტს შეისყიდის

აჭარის კულტურული მემკვიდრეობის სააგენტომ ბათუმში, აბაშიძისა და ბარათაშვილის ქუჩების კვეთაში, ხანძრის შედეგად დაზიანებული საცხოვრებელი სახლის რეაბილიტაციის პროექტის შესყიდვაზე ტენდერი გამოაცხადა.

შესყიდვის ღირებულება 12 000 ლარია. ეს სახლი კულტურული მემკვიდრეობის ძეგლია.

კულტურული მემკვიდრეობის ძეგლზე ხანძარი 28 მარტს გაჩნდა, დაიწვა სახურავი და მეორე სართულის ნაწილი, ხოლო ნაწილი წყლის ჭავლმა დააზიანა.

ხანძრის შედეგად ბათუმში რვა ოჯახის საცხოვრებელი დაზიანდა. ისინი ამ დროისთვის ნათესავებთან ცხოვრობენ. მერიის ინფორმაციით, ოჯახები თავად მოძებნიან დროებით საცხოვრებელს, რომელთა დასაქირავებლად თანხას მერია გაიღებს.

რას უპირებს სააგენტო ბათუმში, ბარათაშვილის ქუჩაზე დამწვარ სახლს

ნეტგაზეთის მასალების სხვა გამოცემებში გადაბეჭდვის წესი
ავტორი